Embrasse Pouce kan entendre Azaan
INTRODUCTION
Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene ti-livret avec titre :
QURRAT-UL-AYN DE QAARI MANSOOR
Dans Ar-Rudoud No 4, nous ti cause concernant Bid’ah embrasse pouce quand entendre Azaan. Nous ti conné qui li pas pour facile pour Qaari Mansoor – plongé au fond du mouvement “Bareilwi” – accepter sa verité la :
“13 ans de cela, mo fine fini dire qui sa quitechose la existe. Astère qui courage mo ena pour vine dire à mo bans z’élèves et mo bans suiveurs qui mo ti faire erreur!”
Pour la crainte de so dignité et so popularité, Qaari Mansoor pas fine tardé pour écrire ene ti-livret de 18 pages lor sa sujet la avec titre :
QURRAT-UL-‘AYN FEE TAQBEEL-IL-IB’HÂMAYN
Nous essaye guette l’article qui ti publié dans Ar-Rudoud et certains arguments qui fine avancés par Qaari Mansoor dans so livret, et ensuite nous jugé qui sanla qui lor la verité.
ABU LAYLAA SHABBIR
29-Jan-2007, 09-Muharram-1428
L’ARTICLE DE AR-RUDOUD NO 4
EMBRASSE POUCE QUAND ENTENDRE AZAAN[1].
Qaari Mansoor dire dans (MAJLIS-E-RAZAA NO 3) :
[ D'après bann 'Ulamaa Ahl-Us-Sunnah Wal Jamaa'ah, li Mustahab embrasse pousse et pose lors lizié, et dire : "Qourratou 'Aynee Bika Yaa Rasoulullaah SAW” Ref: Radd-Ul-Muhtaar Vol: 1 pg: 370]
Commentaire :
(1)
Ou fine bien dire qui sa pratique la li d'après bans Ulamaa, et nonplus d'après Hadiith authentique du prophete. Mais erreur qui ou fine faire c'est qui ou fine pretendre qui bans Ulamaa qui fine invente sa pratique la c'est bans Ahl-Us-Sunnah Wal Jamaa'ah. Si vraiment ou pe cause vrai, cite noms de bans Ulamaa du 3 premiers siecles qui fine enseigne sa pratique la.
(2)
L'origine sa pratique la c'est ene Athar qui attribué a Abu Bakr qui trouve dans Musnad Al-Firdaws, et aussi ene recit qui attribué à Khidr. As-Sakhaawi (902 H) dire qui Athar Abu Bakr li pas authentique, et qui recit de Khidr li rapporté par le Sufi Abul Abbaas Al-Yamaani avec ene chaine de narration dans laquelle ena bans inconnus, apart qui ena ene rupture pour arrive jusqua Khidr.
Refere a Al-Maqaaswid-Ul-Hassanah No 1019.
As-Suyoutwi (911 H) dire :
[ Bans Hadith qui rapportés concernant embrasse pouce et ensuite passe sa lor deux lizieux quand entendre nom du prophete par Muazzin dans Kaliimah Shahaadah, tous sa fabriqués.]
Refere a Taysiir-Ul-Maqaal.
Le Hanafi Muhammad Twaahir Al-Fattani (986 H) dire :
[ Sa li pas authentique.]
Refere a Tazkirat-Ul-Mawdu'aat Pg 36.
Le Hanafi Ali Qaari (1014 H) fine amene sa recit la dans so livre qui li fine ecrire pour compile bans Hadith fabriqués. Refere a Al-Mawdu'aaat Pg 75.
Ash-Shawkaani (1250 H) fine cite sa deux recits la dans livre qui li fine ecrire pour compile bans recits fabriqués.
Refere a Al-Fawaa-Id-Ul-Majmouati Fil Ahaadiith-Il-Mawdu'aah No 18/19
Sheikh Al-Albaani aussi fine considère sa recit la etant ene recit qui pas authentique.
Refere a Silsilat-Ul-Ahaadiith-Id-Dwa'iifah Wal Mawdou'aah No 73.
Sheikh Muhammad Ibn Abdis Salaam Ash-Shaqiirii dire concernant sa pratique la :
[ C'est la stupidité, ene Bid'ah, ene parole fausse.]
Refere a As-Sunan Wal-Mubtada'aat Pg 49.
ARGUMENTS AVANCÉS PAR QAARI MANSOOR ET ZOTTE REPONSES.
Noms de bans Ulamaa qui fine condamne sa.
Qaari Mansoor dire :
[ Cite noms de bann ‘Ulamâ de zott trois premiers siècles ki finn condamne ça pratique-là.]
(PG 3)
Qaari Mansoor repete sa même argument la en disant :
[ Pareil couma Wahhâbiy pé exige preuve authentique pou prouve ça pratique-là, nous (Ahl-us-Sunnah Wal Jamâ’ah) nous aussi (nous) éna droit exige enn preuve authentique pou désapprouve ça pratique-là.]
(PG 18)
Reponse :
Si sa quitechose la pas ena li dans Hadiith authentique et li pas ti existé meme dans l’époque de bans Salaf, couma est-ce qui banla pour condamne li? C’est zotte qui pe vine avec ene nouveauté, et alors, c’est zotte qui bizin prouvé qui en verité sa quitechose la li pas nouveau parcequi ena Hadiith authentique lor la et ena bans Salaf lor la. Si ou pas pe capave tini ou fardeau, pas essaye mette li lor nous la tête!
Aalim du dixième siècle qui fine desapprouve sa.
Quand nous fine dire qui pas ena aucun Aalim du trois permiers siècles qui fine enseigne sa pratique la, Qaari Mansoor fine vine attire l’attention qui nous aussi nous pas ena aucun Aalim du trois premiers siècles qui condamne sa pratique la. Li dire concernant As-Sakhaawi qui fine desapprouve sa pratique la :
[ Céki veut dire, li pas trouve parmi bann ‘Ulamâ du TROIS PREMIERS SIECLES. N’est-ce pas? Oh bann Wahhâbiy!]
(PG 4)
Reponse :
Oui, ou ena tout a fait raison qui As-Sakhaawi li pas parmi bans Ulamaa du trois premiers siecles. D’ailleurs, lor Ar-Rudoud nous fine écrire qui As-Sakhaawi fine mort en l’année 902 H. Mais pour qui mo reussi amene ene Alim du trois premiers siecles qui fine desapprouve sa pratique la, faudrait qui ou reussi amene ene preuve authentique qui sa quitechose la ti existé dans zotte l’époque. Si ou pas pe capave, pas mette ou fardeau lor nous la tête.
Parole de As-Sakhaawi au complet.
Quand nous fine cite parole de As-Sakhaawi concernant sa deux recits la, Qaari Mansoor fine vine demande nous raison pour laquelle nous pas fine cite so parole au complet, et ensuite li fine cite li au complet.
Reponse :
Raison pour laquelle nous pas fine cite so parole au complet c’est parcequi nous faire difference entre Hadiith et zistoires. Nous fine cite so parole qui pas ena Hadiith authentique lor la, et quant-a so parole concernant bans zistoires, sanla nous pas fine trouve aucun utilité pour faire commentaire lor la! Celui qui pe noyé, ene la paille aussi gagne valeur pour li. Celui qui confortable dans so bateau, li pas trouve bans du bois qui pe flotté dans la mer, ena kit utilité.
Hadiith faible capave mette en pratique concernant Fazaail.
Qaari Mansoor dire :
[ Ena beaucoup exemples nous gagner, cote enn Hadeeth (li) capave “Dwa’iyf”, malgrés ça bann ‘Ulamâ finn mettre li en pratique quand il s’agit de vertu (Fazeelat).]
(PG 7)
Qaari Mansoor dire :
[ Quant-a nous, nous dire ki, même ça bann Riwâyah-là (zott) faible, li suffit pou prouve permissibilité et recommendation enn pratique quand il s’agit de la vertu.]
(PG 13)
Reponse :
(1)
Quand certains Ulamaa fine d’accord pour faire Amal lor Hadiith faible qui concerne vertu de bans actions, c’est concernant vertu d’ene action qui deja ena so place dans Deen Islaam. Par exemple, 2 Sunnat Fajr deja ena so place dans Deen basant lor bans preuves authentiques, si gagne ene Hadiith faible qui pe cause concernant ene vertu specifique de sa 2 Sunnat la, certains Ulamaa dire qui nous capave laisse li passer. Mais ene action qui pas ena même so source dans Deen Islaam, sanla pas gagne droit mette li en pratique basant lor Hadiith qui faible. Quand nous prend le cas de embrasse pouce quand entendre Azaan, sa c’est ene action qui pas ena preuve authentique lor la, et alors, nous pas gagne droit mette li en pratique.
Refere a mo livret lor Mustwalah, pg 62-65.
(2)
Après tout, sa laissé-allé la li concernant bans Hadiith qui zotte faiblesse li pas intense, et sa li pas appliqué lor Mas-alah embrasse pouce quand entendre Azaan parcequi so faiblesse li intense.
Zotte d’accord avec As-Sakhaawi?
Quand nous fine cite parole de As-Sakhaawi cote li dire qui pas ena Hadiith authentique lor sa sujet la, Qaari Mansoor fine vine avec ene l’autre parole de As-Sakhaawi[2] concernant enterre bans morts entre bans pieux cote li dire qui malgré Hadiith la pas authentique, bans Salaf fine toujours mette li en pratique.
Hadiith la li comme suite :
ادفنوا موتاكم وسط قوم صالحين فإن الميت يتأذى بجار السوء كما يتأذى الحي بجار السوء
[ Enterre zotte bans morts entre bans bons dimounes parcequi le mort li agacé par mauvais voisin pareille couma le vivant li agacé par mauvais voisin.]
Reponse :
(1)
Bans Salaf fine toujours enterre bans morts entre bans pieux, sa c’est parole de As-Sakhaawi (902 H) qui nous pas gagne droit accepter li sans preuve. Cote preuve authentique qui bans Salaf ti pe content pour enterre zotte bans morts entre bans pieux??
(2)
Si vraiment bans Salaf ti pe content pour enterre zotte bans morts pres avec bans pieux, sa pas veut dire qui banla ti mette li en pratique basant lor sa Hadiith fabriqué[3] la, surtout qui sa Hadiith la pe faire mention qui bans morts souffert par bans mauvais voisins et sa c’est ene quitechose qui concerne le monde de Ghaib qui nous pas gagne droit accepté li excepté basant lor preuve authentique. Possible certains fine mette li en pratique basant lor le fait qui Umar ti demande pour etre enterré près avec le prophète et Abu Bakr, mais sa aussi pas ena preuve lor la. Donc, sa Mas-alah la li different de Mas-alah embrasse pouce quand entendre Azaan, parcequi apart qui pas ena Hadiith authentique lor la, pas ena Amal bans Salaf aussi lor la!
(3)
Après tout, accepté jugement de As-Sakhaawi concernant l’authenticité d’ene Hadiith jamais ti veut dire qui nous bizin accepter tous so l’opinions dans tous cequi li dire. Surtout qui As-Sakhaawi pas fine etre le seul pour declare sa Hadiith la faible.
“Pas authentique” pas veut dire “fabriqué”.
Qaari Mansoor dire :
[ Wahhâbiy finn croire et finn essaye faire croire ki, quand bann Ulamâ dire : لا يصح oubien لا يثبت , ça veut dire ki c’est enn Hadeeth oubien ene Riwâyah ki “faux” oubien “fabriqué”. En verité li pas vrai du-tous. ]
(PG 12)
Reponse :
(1)
Ou ena raison quand ou pe dire qui parole d’ene Aalim “Sa Hadiith la pas authentique” li pas egale a so parole : “Sa Hadiith la fabriqué”. Nous conscient de sa, et Alhamdulillaah, nous pas fine faire sa erreur la, parcequi si Al-Fattani fine dire qui li pas authentique, nous gagne As-Suyoutwi qui fine considère sa recit la fabriqué. Alors, pas mélange deux quitechoses differents pour faire croire qui nous pe considere sa recit la fabriqué basant lor parole de Al-Fattani : [ Sa li pas authentique. ]
Le Aalim de Az-har, Abdullaah Muhammad As-Swiddiiq dire :
ولا يصح شيء في المرفوع كما قال المؤلف بل كله مختلق موضوع
[ Narien pas authentique dans cequi fine attribué au prophète, couma l’auteur (As-Sakhaawi) fine dire. Mais tous inventés et fabriqués.]
(AL-MAQAASWID-UL-HASANAH PG 441)
(2)
Mais ene quitechose qui peut-etre Qaari Mansoor pas fine realizé c’est qui ena difference entre le fait qui sa terme la trouve dans bans livres qui fine ecrire concernant bans la lois et le fait qui li trouve dans bans livres qui fine ecrire pour compile bans Hadiith fabriqués. Si ene Aalim servi sa terme la dans ene livre qui pe cause concernant bans la lois, nous dire qui par sa terme la, Aalim la pe simplement nié so l’authenticité. Mais si ene Aalim servi sa terme la dans ene livre qui pe cause concernant bans Hadiith fabriqués, nous dire qui par sa terme la, Aalim la pe oulé dire qui sa recit la li fausse et li fabriqué.
Guette cequi Muhammad Zaahid Al-Kawthari – ene parmi bans chefs de bans Bidati – dire lor sa sujet la d’après cequi so zeleve Abu Ghuddah fine ecrire.
Abu Ghuddah dire :
قولهم في الحديث لا يصح أو لا يثبت أو لم يصح أو لم يثبت أو ليس بصحيح أو ليس بثابت أو غير ثابت أو لا يثبت فيه شيء ونحوه هذه التعابير إذا قالوه في كتب الضعفاء أو الموضوعات فالمراد به أن الحديث المذكور موضوع لا يتصف بشيء من الصحة . وإذا قالوه في كتب أحاديث الأحكام فالمراد به نفي الصحة الاصطلاحية .... وقال شيخنا الكوثري أيضا في كتابه مقالات الكوثري ص 39 : إن قول النقاد في الحديث إنه لا يصح بمعنى أنه باطل في كتب الضعفاء والمتروكين لا بمعنى أنه حسن وإن لم يكن صحيحا كما نص على ذلك أهل الشأن بخلاف كتب الأحكام
[ Banla zotte parole concernant ene Hadiith : “Li pas authentique” ou “li pas confirmé” ou “Narien pas confirmé lor sa sujet la” ou bans termes semblables a sa, quand banla dire sa dans bans livres qui pe cause concernant bans narrateurs faibles ou bans livres qui pe cause concernant bans recits fabriqués, alors, par sa banla pe oulé dire qui sa Hadiith mentionné la li fabriqué, li pas etre decrit par aucun terme de l’authenticité.
Quand banla dire sa dans bans livres qui pe cause concernant bans Hadiith la loi, alors par sa banla pe oulé nié de sa Hadiith la, l’authenticité qui connu dans domaine science Hadiith…….
Nous Sheikh Al-Kawthari aussi fine dire dans so livre Maqaalaat-ul-Kawthari, a la page 39 :
“Parole de bans qui faire bans critiques, concernant ene Hadiith : li pas authentique, sa signifie qui li fausse dans bans livres qui pe cause concernant bans narrateurs faibles et bans narrateurs abandonnés. Li pas signifie qui li Hassan, meme qui li pas Swahiih, couma bans qui dans sa domaine la fine faire mention. Contrairement de dans livres qui pe cause concernant bans la lois.”]
(AL-MASNOU’ PG 27-28)
Sheikh Albaani aussi fine attire l’attention lor la cote li dire :
قوله (لا يصح) لا ينافي كونه موضوعا بل كثيرا ما تكون هذه اللفظة مرادفة لكلمة موضوع
[ So parole : “Li pas authentique”, sa li pas contredire le fait qui li fabriqué. Mais souvent de fois sa terme la li vine comme ene synonyme de terme fabriqué.]
(SILSILAH DWA’IIFAH 1/346/192)
L’experience de certains.
Quand nous fine cite parole de Al-Fattani qui sa pratique la pas basé lor Hadiith qui authentique, a la page 8, Qaari Mansoor fine vine avec parole de sa même Aalim la cote li dire ene tipeu par devant :
وروي تجربة ذلك عن كثيرين
[ l’experience de sa quitechose la fine rapporté de plusieurs personnes.]
Reponse :
Cequi interesse nous c’est jugement de Al-Fattani concernant l’authenticité de bans Hadiith qui pe cause lor sa sujet la. Quant-a l’experience de certains, sa nous pas interessé avec sa, parcequi nous Deen li basé lor Qur’aan/Hadiith authentique et nonplus lor l’experience de n’importe qui sanla.
L’opinion de Mullaa Ali Qaari concernant sa pratique la.
A la page 9, Qaari Mansoor cite parole de Mullaa Ali Qaari cote li dire :
قال السخاوي ... وكل ما روي في هذا فلا يصح رفعه البتة . قلت وإذا ثبت رفعه على الصديق فيكفي العمل به لقوله عليه الصلاة والسلام عليكم بسنتي وسنة الخلفاء الراشدين من بعدي وقيل لا يفعل ولا ينهى وغرابته لا تخفى على ذوي النهى
[ As-Sakhaawi dire :
“Tous cequi fine rapporté concernant sa, absolument narien pas remonte jusqu’a le prophète.”
(Moi) mo dire :
“Quand sa confirmé qui li remonte jusqu’a Abu Bakr, li suffit pour faire Amal lor la, basant lor parole du prophète : Attrape mo Sunnah et Sunnah de mo bans Caliphes.
Certains dire : Pas ena pour faire li et pas bizin empêche faire li.
La bizarrerie de sa pratique la li pas échappe bans qui ena l’intelligence.”]
Ensuite Qaari Mansoor dire :
[ Quand Wahhâbiy finn trouve très bien ki Mullâ ‘Aliy Qâriy finn cite ça Riwâyah-la dans so livre, mo demande le monde Wahhâbiy : ki faire pas cite ça phrase-là aussi quand Mullâ ‘Aliy Qâriy finn dire : Quand ça finn prouvé ki ça (recit-la) remonte jusqu’a Abou Bakr, li suffit pou mettre li en pratique…… Eski Wahhâbiy finn vinn aveugle et zott pas finn trouve ça, oubien zott péna courage pou dire la verité?]
(PG 9)
Reponse :
(1)
Li important a faire ressortir qui Mullaa Ali Qaari ena deux livres qui li fine ecrire lor bans Hadiith fabriqués :
· Al-Mawdou’aat-ul-Kubraa
Al-Asraar-ul-Marfou’ah Fil Akhbaar-il-Mawdou’ah
· Al-Mawdou’aat-us-Sughraa
Al-Masnou’ Fii Ma’rifat-il-Mawdou’ minal Hadiith
Quand nous geutte dans Al-Mawdou’aat-us-Sughraa, nous trouve qui Mullaa Ali Qaari fine amene sa recit la dans so livre sans aucun indication qui sa recit la capave mettre li en pratique.
Dans sa livre la Mullaa Ali Qaari dire :
لا يصح رفعه على ما قال السخاوي
[ Cequi attribué au prophete li pas authentique d’après cequi As-Sakhaawi fine dire .]
N’importe qui sanla lire sa phrase la, li pour comprend qui Mullaa Ali Qaari pe d’accord avec As-Sakhaawi cote li dire qui pas ena aucun Hadiith authentique lor sa sujet la qui remonte jusqua le prophete. Surtout qui Mullaa Ali Qaari pe faire sa declaration la dans ene livre qui li pe ecrire pour compile bans Hadiith fabriqués. Donc, celui qui basant lor sa declaration la, li dire qui sa recit la trouve dans so livre qui li fine ecrire pour compile bans Hadith fabriqués, li pas pe faire aucun erreur.
(2)
Quant-a commentaire de Mullaa Ali Qaari dans so livre Al-Mawdou’aat-ul-Kubraa, cote li dire qui quand sa confirmé qui li remonte jusqu’a Abu Bakr, li suffit pour faire Amal lor la, nous dire qui sa c’est ene declaration bon marché sans aucun preuve. Cote preuve qui dire qui sa pratique la remonte jusqua Abu Bakr a travers ene chaine de narration authentique. Si nous gagne ene preuve pareille, qui faire nous pas pour mettre li en pratique?
(3)
Comme commentaire lor parole Mullaa Ali Qaari, le Muhaqqiq Muhammad As-Swabbaagh dire :
كيف يقول المؤلف إذا ثبت وقد ذكر قبل قليل أنه لا يصح
[ Couma est-ce qui l’auteur capave dire : “Quand sa confirmé …” et qui ene tigit avant, li fine faire mention qui li pas authentique?]
(AL-ASRAAR-UL-MARFOU’AH PG 316 Hno 435)
Zotte d’accord avec Mullaa Ali Qaari?
Qaari Mansoor dire :
[ Pareil couma ici zott pé d’accord avec Mullâ ‘Aliy Qâriy, ki faire zott pas d’accord avec li quand li dire : … (Nous bans Ulamaa fine considère Massah licou Mustahab dans Wudu et aussi lire Zikr en lavant chaque organe de nous le corps)….. O bann Wahhâbiy! Gagne courage écrire noir sur blanc ki zott d’accord avec ça aussi parceki Mullâ ‘Aliy Qâriy finn dire ça.]
(PG 10-11)
Reponse :
(1)
Pas ena narien depuis Qur’aan/Hadiith et ni depuis la logique qui oblige nous qui si nous fine accepté ene verité depuis ene personne, nous bizin accepter tous cequi li dire. Le prophète ti enseigne Abu Hurayrah pour accepter verité qui Shaytwaan ti dire li concernant lecture de Aayat-ul-Kursi avant alle dormi, est-ce qui sa veut dire qui Abu Hurayrah bizin accepter tout cequi Shaytwaan dire li. Definitivement non, parcequi le prophète même fine dire li :
صَدَقَكَ وَهُوَ كَذُوبٌ
[ Li fine cause toi vrai, mais li ene grand menteur ! ]
(BUKHARI 4624)
Donc, quand nous conné qui ene personne dans l’égarement oubien qui li fine faire beaucoup erreurs, si nous accepté ene so parole qui vraie, sa pas veut dire qui nous bizin accepté tous so paroles!
(2)
Ensuite qui faire mo bizin d’accord avec tous cequi Mullaa Ali Qaari dire quand en verité – le defenseur de bans Bidati – Abdul Fattaah Abu Ghuddah – li-meme li pas fine d’accord avec sa commentaire de Mulla Ali Qaari la.
Abu Ghuddah dire dans Al-Masnou’ pg 168-169 Hno 300 :
ثم قول المؤلف هنا (على ما قال السخاوي) فيه تليين لقول السخاوي وليس له وجه فقد جزم السخاوي بوضع الحديث فقال (لا يصح) وأقره على ذلك من جاء بعده من الحفاظ فلا معنى لهذا التليين . ومن العجيب أن المؤلف لما نقل في الموضوعات الكبرى قول السخاوي (وأورد الشيخ أحمد الردّاد في كتابه موجبات الرحمة بسند فيه مجاهيل مع انقطاعه عن الخضر عليه الصلاة والسلام وكل ما يروى في هذا فلا يصح رفعه البتة) تعقبه بقوله (وإذا ثبت رفعه على الصديق فيكفي العمل به لقوله عليه الصلاة والسلام عليكم بسنتي وسنة الخلفاء الراشدين) فكان تعقبه لا معنى له إلا الخطأ إذ لم يصح إسناده إلى أبي بكر ثم هو مرفوع كما سبق نصه في التعليقة السابقة والمؤلف يطيب له في كثير من التعقبات حب الاستدراك ولو بتأويل بعيد لا يقوم عليه دليل
En bref, Abu Ghuddah pe dire :
· D’après As-Sakhaawi, sa recit la li fabriqué, et bans Haafiz dans domaine Hadiith fine d’accord avec li.
· Commantaire de Mullaa Ali Qaari dans Al-Mawdou’aat-ul-Kubraa li pas ena aucun sens.
Prouvez qui li fabriqué.
Qaari Mansoor dire :
[ Maintenant, bann Wahhâbiy ena la responsabilité morale pou vinn prouver ki, bann Riwâyah lors embrasse pouce (zott) “Mawdou” (fabriqué) oubien “Bâtwil” (faux).]
(PG 13)
Reponse :
Pour qui nous considère embrasse pouce quand entendre Azaan comme ene pratique islamique, faudrait qui nous gagne preuve authentique lor la. Ene fois qui pas ena preuve authentique lor la, nous pour continué considère li comme ene pratique qui pas ena so place dans sa Deen la, même si dans so chaîne de narration pas fine ena kit menteur. Zotte qui pe gagne courage pour mette li en pratique, c’est zotte qui bizin ena la responsabilité morale pour vine prouver qui faiblesse concernant sa bans Riwaayah la li pas intense et qui basant lor so differents chaines de narration li vine dans categorie qui capave faire Amal lor la!
Preuves supplémentaires.
Pour maintenir lor so Bid’ah, Qaari Mansoor fine amene parole de certains Ulamaa encore : Ismaaiil Haqqi, Ash-Shaami, At-Twahtwaawi et Muhammad Ibn Muhammad Maghribi.
Reponse :
(1)
Nous commentaire lor sa bans paroles la c’est commentaire de Qaari Mansoor même cote li dire dans sa même livret la à la pg 9-10 :
Mo préfère pas cause concernant banla parcequi pour nous, zotte pas ene autorité.
(2)
Quant-a parole de At-Twahtwaawi, guette cequi Abu Ghuddah fine dire comme commentaire lor la :
ولا تغتر بقول الطحطاوي في حاشيته على مراقي الفلاح آخر باب الأذان بعد ذكره هذا الحديث عن كتاب الفردوس : وكذا روي عن الخضر وبمثله يعمل في فضائل الأعمال , فهو كلام مردود بما قاله الحفاظ وقد نقل ابن عابدين في رد المحتار 1:267 بطلان هذا الحديث وقال الحافظ ابن تيمية في منهاج السنة 3:17 إن كتاب الفردوس فيه من الأحاديث الموضوعة ما شاء الله
[ Pas laisse toi embetté par parole de At-Twahtwaawi dans so Haashiyah lor Maraaq-il-Falaah, dans la fin chapitre Azaan, après qui li fine faire mention de sa Hadiith la depuis livre Al-Firdaws : “Meme zaffaire rapporté de Al-Khidr, et capave faire Amal lor so semblable dans Fazaa-il-e-A’maal”. Sa c’est ene parole rejeté basant lor cequi bans Haafiz fine dire. Dans Ar-Radd-ul-Muhtaar 1/267, Ibn Aabidiin fine rapporte fausseté de sa Hadiith la. Haafiz Ibn Taymiyyah dire dans Minhaaj-us-Sunnah 3/17 : Livre Al-Firdaws ena Hadiith fabriqués la dans ene quantité qui Allaah fine oulé.]
(AL-MASNOU’ PG 169-170)
CONCLUSION
Après qui ou fine lire sa ti-travail la, mo sure qui ou fine trouve clairement difference qui ena entre celui qui pe appendant avec ene brin la paille pour qui li pas noyé dans la mer, et celui qui pe voyagé confortablement dans so bateau. L’Islaam pure c’est cequi en conformité avec Qur’aan et Hadiith authentique.
Quant-a L’Islaam de bans Bidati, c’est :
- Cequi basé lor bans recits qui pas authentiques
- Cequi basé lor bans recits fabriqués
- Cequi basé lor bans zistoires de bans Sufis egarés
- Cequi basé lor l’experience de certains
- Cequi basé lor rêve de certains
- Cequi basé lor l’opinion de bans ‘Ulamaa qui pas fondé lor Hadiith.
Si longtemps ou ti pe croire qui nous pe mettre ene fausse accusation lor bans Bidati, mo sure qui a travers sa ti-livret la ou fine gagne la certitude lor cequi nous ti pe dire, surtout cote Qaari Mansoor dire : [ Faudrais pas oublier ki, l’existence de certaines preuves, même faible couma zott faible, suffit pou prouve permissibilité et recommendation enn pratique.] (PG 18)
Nous faire Du’aa avec Allaah qui Li ouvert le coeur de bans qui oulé la verité afin qui zotte echappé de Aqeedah pourrie de Bareilwi Jamaat et zotte vine joindre bans Ahl-ul-Hadiith. Jamais ti trop tard! Mais pas attendre Malak-ul-Mawt pour faire Tawbah!
[1] Apart cequi nous ti ecrire, nous gagne Ash-Shaybaani qui dire :
لا يصح
[ Li pas authentique.]
(TAMYIIZ-UT-TWAYYIB WAL-KHABIITH PG 150)
Refere aussi à :
Khashf-ul-Khafaa (2/260/2296) par Ismaaiil ibn Muhammad Al-Ajlouni (1162 H)
[2] Parole de As-Sakhaawi li comme suite :
ولكن لم يزل عمل السلف والخلف على هذا وما يروى في كون الأرض المقدسة لا تقدس أحدا إنما يقدس المرء عمله قد لا ينافيه
Remarque :
Qaari Mansoor fine traduire parole de As-Sakhaawi comme suite :
وما يروى في كون الأرض المقدسة لا تقدس أحدا إنما يقدس المرء عمله قد لا ينافيه
[ Et céki rapporté ki, la terre pas faire personne vinn sacré, et ki so action ki faire li vinn sacré, sans doute, ça pas contredire li.]
(PG 7)
Mo demande Qaari Mansoor : Est-ce qui traduction la li bon la, oubien ene erreur fine glissé, oubien intentionellement li fine mal traduire li pour induire dimounes dans erreur?
[3] Refere a Silsilah Dwa’iifah Hno 563 et Hno 613.
No comments:
Post a Comment