5. LEÇONS LOR HADIITH. دروس في الحديث - Notes lor science Hadeeth

Notes lor science Hadeeth

INTRODUCTION

Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene certains notes lor Mustwalah-ul-Hadiith et Al-Jarhu Wat-Ta’diil.

Pas ena doute qui science Hadiith c’est ene parmi bans connaissances plus important de Deen Islaam et ene parmi bans connaissances plus vaste qui ena. Vraiment devant profondeur sa l’ocean la, mo trouve-moi comme ene ignorant. Mais le fait qui azordijour l’ignorance fine prevaloir partout, mo fine permette-moi ecrire lor sa sujet la en bref, comme ene revision pour moi-même afin qui mo comprend paroles de bans Ulamaa, et comme ene cadeau pour bans qui vraiment ena l’amour Hadiith du prophète dans zotte le cœurs.

En verité, science Hadiith c’est ene zarme sans lequel aucun Aalim ou étudiant pas pour capave combattre fausseté. Alors, le fait qui Da’wah c’est ene la lutte entre la verité et fausseté, sa montré qui pas existe ene Da’wah vers l’Islaam authentique sans science Hadiith. Donc, tous bans qui interessé pour engage-zotte dans ene Da’wah vers la verité, zotte obligé apprendre sa sujet la et donne li so l’importance qui li merité. Par sa, Inshaa-Allaah la verité pour surpasse fausseté, et comme resultat Allaah pour retourne nous, nous l’honneur qui nous fine perdi.

Pour terminer mo remercie Allaah encore ene fois et mo demande Li pour accorde nous la sincerité dans tous nous bans actions afin qui tous nous bans zefforts pas vine sans valeur.



ABU LAYLAA
SHABBIR
B.A en SHARII’AH (Madiinah)
CHAPITRE 1
ENE INTRODUCTION LOR
MUSTWALAH-UL-HADIITH (SCIENCE HADIITH).

Qui nous apprendre dans sujet Mustwalah?

Mustwalah-ul-Hadiith (مصطلح الحديث) qui aussi connu comme (أصول الحديث) Usoul-ul-Hadiith, c’est ene science dans lequel nous apprendre concernant la chaine de narration (As-Sanad) et le texte (Al-Matn), afin pour accepter ou rejete ene recit qui pe etre attribué au prophète Muhammad .

Par exemple, nous verifié les points suivants :
Est-ce qui ena rupture dans la chaine de narration oubien non?
Est-ce qui bans narrateurs qui forme partie du Sanad zotte digne de confiance oubien non?
Est-ce qui le texte li en conformité avec Qur-aan/Hadiith oubien non?

Ene deuxième science qui ena relation directe avec sujet Mustwalah, c’est sujet Al-Jarhu Wat-Ta’diil (الجرح والتعديل) qui Inshaa-Allaah nous pour essaye cause lor la aussi en bref.


L’importance de Mustwalah.

Couma nous conne tres bien, l’Islaam repose lor seulement deux sources : Qur-aan et Hadiith. Si nous pe attribué ene recit au prophète qui en verité jamais le prophète fine dire sa, nous pe simplement apporte ene changement dans Deen Allaah qui pas ena doute li Haraam.

Basant lor ene Hadiith qui pas authentique, ene personne capave adopté ene Aqeedah anti-islamique, li capave mal-interprete ene Aayaat Qur-aan, li capave faire ene Bid-ah vine Sunnah, li capave faire ene quitechose Halaal vine Haraam, li capave affirme ene evenement fausse dans la vie du prophète …etc. Plus grave encore c’est qui li capave attribué ene mensonge a Allaah directement par accepter ene Hadiith Qudsi qui pas authentique.


Consequence neglige Mustwalah.

Si ene personne qui pe apprendre Deen, neglige Mustwalah-ul-Hadiith, li risqué attribué mensonge a Allaah et So Rasoul et pas ena doute qui sa c’est deux grands pechés.

Allaah dire : (16:116)

إِنَّ الَّذِينَ يَفْتَرُونَ عَلَى اللَّهِ الْكَذِبَ لَا يُفْلِحُونَ
[ Certainement bans qui forge mensonge contre Allaah, banla pas pour gagne la reussite.]

Allaah dire : (18:15)
فَمَنْ أَظْلَمُ مِمَّنْ افْتَرَى عَلَى اللَّهِ كَذِبًا
[ Qui sanla plus injuste qui celui qui invente ene mensonge lor Allaah?]

Refere a sa bans Aayaat la aussi :
S 6 V 21
S 6 V 93
S 6 V 144
S 7 V 37
S 10 V 17
S 11 V 18
S 29 V 68
S 39 V 32
S 61 V 7

Le prophète dire :

وَمَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ
[ Celui qui cause menti lor moi intentionellement, qui li prend so place assizé dans du feu (l’enfer).]
(BUKHAARI 107)

Le prophète dire :

مَنْ حَدَّثَ عَنِّي بِحَدِيثٍ يُرَى أَنَّهُ كَذِبٌ فَهُوَ أَحَدُ الْكَاذِبِينَ
[ Celui qui rapporte ene Hadiith de moi, et li pe pensé qui c’est ene mensonge, alors li vine ene parmi les menteurs.]
(MUSLIM 1/8/1)

D’apres sa Hadiith la, nous trouvé qui nous pas gagne droit attribué aucun parole au prophète Muhammad excepté basant lor ene certitude qui vraiment sa parole la remonte jusqu’a le prophète .

Le prophète dire :

إياكم وكثرة الحديث عني فمن قال علي فليقل حقا أو صدقا ومن تقول علي ما لم أقل فليتبوأ مقعده من النار
[ Attention qui zotte rapporte beaucoup Hadiith de moi. N’importe qui sanla cause concernant moi (mo Hadiith), qui li pas cause excepté la verité. N’importe qui sanla invente (ene Hadiith) concernant moi cequi mo pas fine dire, qui li prend so place dans l’enfer.]
(IBN ABI SHAYBAH 5/295/26244)

Le prophète dire :

إِنَّ كَذِبًا عَلَيَّ لَيْسَ كَكَذِبٍ عَلَى أَحَدٍ مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ
[ Ene mensonge lor moi li pas couma ene mensonge lor n’importe qui sanla. Alors, celui qui cause menti lor moi intentionellement, qui li prend so place assizé dans du feu (l’enfer).]
(BUKHAARI 1209)








Parole de bans Salaf concernant l’importance de Mustwalah.

Bans Salaf fine prononce plusieurs paroles concernant l’importance de Mustwalah-ul-Hadiith, en parlant concernant l’importance de Sanad.

Abdur-Rahmaan Al-Awzaaï (157 H) dire :

ما ذهاب العلم إلا ذهاب الإسناد
[ La perte de la connaissance c’est pas narien excepté la perte de Isnaad (Sanad).] (AT-TAMHIID)

Shu’bah Ibnul Hajjaaj (160 H) dire :

إنما يعلم صحة الحديث بصحة الإسناد
[ L’authenticité d’ene Hadiith li connu simplement par l’authenticité de (so) Isnaad.]
(AT-TAMHIID)

Sufyaan Ath-Thawri (161 H) dire :

الإسناد سلاح المؤمن إذا لم يكن معه سلاح فبأي شيء يقاتل
[ Isnaad c’est zarme d’ene Mu’min. Si li pas ena aucun zarme avec li, avec qui quitechose li pour combattre?]
(ADAB-UL-IMLAAI WALISTIMLAA’ 1/8)

Abdullaah Ibnul-Mubaarak dire (181 H) :

مثل الذي يطلب أمر دينه بلا إسناد كمثل الذي يرتقي السطح بلا سلم
[ L’exemple de celui qui pe faire recherche concernant so Deen sans Isnaad, li couma celui qui pe oulé monte sur le toit sans l’échelle.]
(AL-KIFAAYAH FII ILM-IR-RIWAAYAH 1/393)

Abdullaah Ibnul-Mubaarak dire :

الْإِسْنَادُ مِنَ الدِّينِ وَلَوْلَا الْإِسْنَادُ لَقَالَ مَنْ شَاءَ مَا شَاءَ
[ Isnaad (chaine de narration) forme parti dans Deen. Si pas ti ena Isnaad, n’importe qui sanla ti pour dire n’importe cequi li oulé. ]
(MUSLIM 1/15)
Par comprend gravité attributer quoique se soit au prophète, Shu’bah (160 H) dire concernant ene narrateur faible :

لأن أزني أحب إلي من أن أروي عن أبان
[ Mo prefere faire Zinaa qui mo rapporte Hadiith de Abaan ibn Abi Ayyaash.]
(MUSNAD ABI NU'AYM 1/54/48)


L’histoire de Mustwalah.

Mustwalah-ul-Hadiith c’est ene science qui enseigne nous pour verifier l’authenticité d’ene Hadiith, et sa li ena so source depius Qur-aan et Hadiith et parole de bans Salaf.

Allaah dire : (49:6)

يَاأَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ
[ Oh bans qui fine amene Imaan, si ene Faasiq (ene qui ena desobeissance Allaah dans li) vine vers zotte avec ene information, alors verifiez li (en premier). Attention qui zotte apporte dutort a ene groupe personnes, et ensuite zotte regretté pour cequi zotte fine faire.]

Le prophète dire :

كَفَى بِالْمَرْءِ كَذِبًا أَنْ يُحَدِّثَ بِكُلِّ مَا سَمِعَ
[ Li suffit qui ene personne fine cause ene menti, si li rapporte tous cequi li tendé.]
(MUSLIM 6)

Le Tabei Ibn Siiriin (110 H) dire :

لَمْ يَكُونُوا يَسْأَلُونَ عَنِ الْإِسْنَادِ فَلَمَّا وَقَعَتِ الْفِتْنَةُ قَالُوا سَمُّوا لَنَا رِجَالَكُمْ فَيُنْظَرُ إِلَى أَهْلِ السُّنَّةِ فَيُؤْخَذُ حَدِيثُهُمْ وَيُنْظَرُ إِلَى أَهْلِ الْبِدَعِ فَلَا يُؤْخَذُ حَدِيثُهُمْ
[ Bans musulmans pas ti pe pose question concernant chaine de narration (afin pour accepter Hadiith du prophète ). Mais quand fine ena la corruption, zotte fine commence dire : “Cite to chaine de narration”. Alors, si bans narrateurs la ti forme partie dans Ahlus Sunnah, so Hadiith ti pe etre accepté. Mais si bans narrateurs la ti forme partie dans Ahlul Bid-ah, so Hadiith pas ti pe etre accepté.]
(MUSLIM)

Le Tabei Ibn Siiriin (110 H) dire :

إِنَّ هَذَا الْعِلْمَ دِينٌ فَانْظُرُوا عَمَّنْ تَأْخُذُونَ دِينَكُمْ
[ Certainement sa connaissance la c’est Deen, alors guettez avec qui sanla zotte pe prend zotte Deen. ]
(MUSLIM)

Imaam Maalik (179 H) dire :

إن هذا العلم هو لحمك ودمك وعنه تسأل يوم القيامة فانظر عن من تأخذه
[ Certainement sa connaissance la c’est to la chaire et to du sang, et concernant sa meme to pour etre questionné le jour du Qiyaamah. Alors, guettez avec qui sanla to pe prend li.]
(AL-MUHADDITH-UL-FAASWIL 1/416)


Precautions bans Salaf concernant Hadiith.

Aamir Ash-Sha'bi dire :

جَالَسْتُ ابْنَ عُمَرَ سَنَةً فَمَا سَمِعْتُهُ يُحَدِّثُ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ شَيْئًا
[ Mo fine reste en compagnie de Ibn Umar pendant un an, mo pas fine entendre li rapporte narien depuis le messager d'Allaah .]
(IBN MAAJAH 26)

Rapporté par Muhammad ibn Siiriin :

كَانَ أَنَسٌ قَلِيلَ الْحَدِيثِ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ وَكَانَ إِذَا حَدَّثَ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ أَوْ كَمَا قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ
[ Anas ti pe rapporte tigit Hadiith depuis le messager d'Allaah . Quand li ti pe rapporte ene Hadiith d'apres le messager d'Allaah , li ti pe dire : "Oubien couma le messager d'Allaah fine dire!"]
(DAARMI 278)

D'apres sa Athar la, nous comprend qui bans Swahaabah ti pe peur pour attribué kit parole au prophète , attention qui par erreur zotte alle attribué ene mensonge au prophète .

Rapporté par Ibn Abi Laylaa :

عَنْ زَيْدِ بْنِ أَرْقَمَ ... كُنَّا إِذَا جِئْنَاهُ قُلْنَا حَدِّثْنَا عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ إِنَّا قَدْ كَبُرْنَا وَنَسِينَا وَالْحَدِيثُ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ شَدِيدٌ
[ Quand nous ti pe vine cote Zayd ibn Arqam, nous ti pe dire li : "Rapporte nous cequi ou fine tendé depuis le messager d'Allaah!" et li ti pe repondre : "Nous fine rentre dans l'age et nous fine (commence) oublié. Hadiith d'apres le messager d'Allaah li ene quitechose dure!"]
(AHMAD 18499)

Rapporté par Abdur-Rahmaan ibn Abi Laylaa :

لَقَدْ أَدْرَكْتُ فِي هَذَا الْمَسْجِدِ عِشْرِينَ وَمِائَةً مِنَ الْأَنْصَارِ وَمَا مِنْهُمْ مِنْ أَحَدٍ يُحَدِّثُ بِحَدِيثٍ إِلَّا وَدَّ أَنَّ أَخَاهُ كَفَاهُ الْحَدِيثَ وَلَا يُسْأَلُ عَنْ فُتْيَا إِلَّا وَدَّ أَنَّ أَخَاهُ كَفَاهُ الْفُتْيَا
[ Mo fine joindre 120 Answaar dans sa Masjid la. Pas ena personne qui rapporte ene Hadiith excepté qui li souhaité qui so frere ti rapporte li pour li, et pas ena personne qui être questioné concernant ene Fatwaa excepté qui li souhaité qui so frere ti donne sa Fatwaa la dans so place.]
(DAARMI 135)

D'apres sa deux Athar la, nous comprend qui bans Swahaabah ti pe prend beaucoup precaution avant attribué kit Hadiith au prophète , attention qui par erreur zotte alle cause menti lor le prophète .


Certains livres qui fine ecrire lor Mustwalah.

المحدث الفاصل بين الراوي والواعي
Al-Muhaddith-Ul-Faaswil Baynar-Raawi Wal Waa-ii
Par Abu Muhammad Ar-Raamahurmuzi (360 H)

معرفة علوم الحديث
Ma’rifatu Uloum-il-Hadiith
Par Abu Abdillaah Al-Haakim (405 H)

المستخرج على معرفة علوم الحديث
Al-Mustakhraj Alaa Ma’rifati Uloum-il-Hadiith
Par Abu Nu-Aym Al-Asbahaani (430 H)

الكفاية في علم الرواية
Al-Kifaayah Fii-ilm-ir-Riwaayah
Par Al-Khatwiib-Ul-Baghdaadi (463 H)

علوم الحديث
Uloum-Ul-Hadiith
Par Ibn-Us-Swalaah (643 H)

التقريب والتيسير لمعرفة سنن البشير النذير
At-Taqriibu Wat-Taysiiru Li Ma’rifati Sunan-il-Bashiir-in-Naziir
Par An-Nawawi (676 H)

اختصار علوم الحديث
Ikhtiswaaru Uloum-il-Hadiith
Par Ibn Kathiir (774 H)



نظم الدرر في علم الأثر
Nazm-Ud-Durar Fii ilm-il-Athar
Par Zayn-Ud-Deen Al-Iraaqi (806 H)

نخبة الفكر في مصطلح أهل الأثر
Nukhbat-Ul-Fikar Fii Mustwalahi Ahlil-Athar
Par Ibn Hajar Al-Asqalaani (852 H)

فتح المغيث في شرح ألفية الحديث
Fath-Ul-Mughiith Fii Sharhi Alfiyat-il-Hadiith
Par Muhammad Ibn Abdir Rahmaan As-Sakhaawi (902 H)

تدريب الراوي في شرح تقريب النووي
Tadriib-Ur-Raawi Fii Sharhi Taqriib-In-Nawawi
Par Jalaad-Ud-Deen As-Suyoutwi (911 H)

قواعد التحديث
Qawaa-Id-Ut-Tahdiith
Par Muhammad Jamaal-Ud-Deen Al-Qaasimi (1332 H)



CHAPITRE 2
DEFINITION ET COMPOSITION DE HADIITH.

Definition de Hadiith.

Hadiith c’est :
Chaque parole ou action ou approbation ou qualité provenant du prophète avec l’intention de legislation pour l’Ummah.

Basant lor sa definition la, nous capave dire ena 4 qualités Hadiith :
Parole (قولي)
Action (فعلي)
Approbation (تقريري)
Qualité (وصفي)

Li important pour faire ressortir qui Hadiith du prophète c’est cequi attribué a li apres qui li fine vine prophète , et nonplus avant.

Ibn Taymiyyah dire :

الحديث النبوي هو عند الإطلاق ينصرف إلى ما حدث به عنه بعد النبوة
[ Hadiith prophetique, en generale li faire reference a cequi fine dire concernant li apres la prophetie.]
(MAJMOU FATAAWAA 18/6)


Composition de Hadiith.

Ene Hadiith li composé de 2 quitechoses :
As-Sanad (السند)
– la chaine de narration
Al-Matn (المتن)
– le texte
L’exemple d’ene Hadiith.

Le compilateur Abu Daawoud dire :

حَدَّثَنَا سُلَيْمَانُ بْنُ حَرْبٍ حَدَّثَنَا حَمَّادٌ عَنْ أَيُّوبَ عَنْ نَافِعٍ عَنِ ابْنِ عُمَرَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَا تَمْنَعُوا إِمَاءَ اللَّهِ مَسَاجِدَ اللَّهِ
[ Sulaymaan fine ecoute Hammaad, Hammaad fine prend avec Ayyoub, Ayyoub fine prend avec Naafi’, Naafi fine prend avec Ibn Umar qui le prophète fine dire :
“Pas empeche bans servantes d’Allaah (pour vine) vers les Masjid d’Allaah.”]
(ABU DAAWOUD 479)

La chaine de narration c'est :

Le prophète
↑
Abdullaah Ibn Umar
↑
Naafi'
↑
Ayyoub As-Sakhtiyaani
↑
Hammaad Ibn Salamah
↑
Sulaymaan Ibn Harb
↑
Abu Daawoud















Le texte c'est :
لَا تَمْنَعُوا إِمَاءَ اللَّهِ مَسَاجِدَ اللَّهِ
[ Pas empeche bans servantes d’Allaah (pour vine) vers les Masjid d’Allaah.]

CHAPITRE 3
CERTAINS POINTS IMPORTANTS CONCERNANT CHAINE DE NARRATION D'ENE HADIITH ET SO BANS NARRATEURS.

Qui sanla nous verifié dans ene Isnaad?

Quand nous verifié bans narrateurs d'ene Isnaad pour conne l'authenticité d'ene Hadiith, nous verifié a partir bans Taabeiin et nonplus bans Swahaabah, parcequi bans Ulamaa d'accord qui l'ignorance concernant ene Swahaabi li pas ena aucun mauvais l'effet lor ene Hadiith, car tous bans Swahaabah ti bans personnes digne de confiance.

Ibnus-Swalaah (643 H) dire :

والجهالة بالصحابي غير قادحة لأن الصحابة كلهم عدول
[ L’ignorance concernant le Swahaabi li pas ena aucun mauvais l’effet, parcequi tous bans Swahaabah zotte Adl (justes et honnetes).]
(MUQADDIMAH PG 26)

An-Nawawi (676 H) dire :
الصحابة كلهم عدول
[ Bans Swahaabah zotte tous zotte Adl.]
(TAQRIIB-UN-NAWAWI 2/214)

Ibn Kathiir (774 H) dire :

الصحابة كلهم عدول عند أهل السنة والجماعة
[ Bans Swahaabah zotte tous zotte Adl chez Ahl-us-Sunnah Wal-Jamaa’ah.]
(AL-BAAHITH-UL-HATHIITH)

Ibn Hajar (852 H) dire :

اتفق أهل السنة على أن الجميع عدول
[ Ahl-us-Sunnah fine tombe d’accord qui tous bans Swahaabah zotte Adl.]
(AL-ISWAABAH 1/17)
As Sakhaawi (902 H) dire :

وهم رضي الله عنهم باتفاق أهل السنة عدول كلهم مطلقا
[ Banla basant lor l’accord de Ahl-us-Sunnah, zotte tous zotte Adl sans aucun distinction.]
(FAT-HUL-MUGHIITH 3/118)

De la meme façon, si ene Swahaabi rapporte ene evenement qui fine arrivé dans l'epoque du prophète et qui li pas fine temoigne sa evenement la, nous accepté so recit, parcequi li fine bizin prend sa avec ene l'autre Swahaabi, et l'ignorance concernant sa deuxième Swahaabi la li pas ena aucun mauvais l'effet lor sa Hadiith la.


Certains livres qui fine ecrire concernant bans Swahaabah :-
Pour nous conné qui ene narrateur li ene Swahaabi, nous refere a bans livres qui fine ecrire concernant bans Swahaabah :-

الاستيعاب
Alis-tii'aab
Par Ibn Abdil Bar

أسد الغابة
Usd-ul-Ghaabah
Par Ibnul Athiir

الإصابة في تمييز الصحابة
Al-Iswaabah Fii Tamyiiz-is-Swahaabah
Par Ibn Hajr








Bans Ulamaa plus connus pour zotte connaissance concernant bans narrateurs.

Shu'bah ibnul Hajjaaj (160 H)
Yahyaa ibn Sa'iid Al-Qattwaan (198 H)
Abu Ja'far Ad-Doulaabi (227 H)
Yahyaa Ibn Ma'iin (233 H)
Ali ibnul Madiini (234 H)
Abu Khaythamah Al-Harshi (234 H)
Ahmad ibn Hambal (241 H)
Amr ibn Ali Al-Fallaas (249 H)
Imaam Bukhaari (256 H)
Abu Is-haaq Al-Joujazaani (259 H)
Imaam Muslim (261 H)
Abu Zur'ah Ar-Raazi (264 H)
Abu Haatim Ar-Raazi (277 H)
Abu Ja'far Al-Uqayli (322 H)
Abdur Rahmaan ibn Abi Haatim Ar-Raazi (327 H)
Ibn Adi (365 H)
Ali Ad-Daarqutni (385 H)
Ibnul-Qattwaan (628 H)
Az-Zahabi (748 H)


Certains livres qui fine ecrire concernant bans narrateurs.

الكمال في أسماء الرجال
Al-Kamaal Fii Asmaa-ir-Rijaal
par Abdul Ghanii Al-Maqdisi

تهذيب الكمال في أسماء الرجال
Tahziib-ul-Kamaal Fii Asmaa-ir-Rijaal
par Jamaal-ud-Deen Al-Mizzi (742 H)



تذهيب التهذيب
Tazhiib-ut-Tahziib
par Az-Zahabi

تهذيب التهذيب
Tahziib-ut-Tahziib
par Ibn Hajar

تقريب التهذيب
Taqriib-ut-Tahziib
par Ibn Hajar

الكامل في الجرح والتعديل
Al-Kaamil Fil Jarhi wat-Ta'diil
par Abu Ahmad ibn abi Abdillaah

ميزان الاعتدال في نقد الرجال
Mizaan-uli'-tidaal Fii Naqd-ir-Rijaal
par Az-Zahabi

لسان الميزان
Lisaan-ul-Miizaan
par Ibn Hajar


Les differents classes de narrateurs ( طبقات الرواة)

Dans livre “Taqriib-ut-Tahziib”, Haafiz Ibn Hajar fine expliqué qui bans narrateurs Hadiith divise en differents classes :
No.1 –
Bans Swahaabah
No. 2-5 –
Bans Tabi-iin
No. 6 –
Bans qui fine vivre dans l’epoque de bans derniers Taabi-iin mais zotte pas fine joindre aucun Swahaabah.
No.7-9 –
Bans Taabi-ut-Taabi-iin
No. 10-12 –
Bans qui fine gagne Hadiith avec bans Taabi-ut-Taabi-iin.


Les differents rangs de narrateurs (مراتب الرواة)

Dans livre “Taqriib-ut-Tahziib”, Haafiz Ibn Hajar fine expliqué qui bans narrateurs Hadiith divise en differents rangs :

1. Bans Swahaabah
2. Bans qui très forts, tel comme ene narrateur (أوثق الناس)
3. Bans qui forts, tel comme ene narrateur (ثقة)
4. Bans qui pas trop fort, tel comme ene narrateur (صدوق)
5. Bans qui ena ene ti-faiblesse bien leger, tel comme (صدوق سيئ الحفظ)
6. Bans narrateurs (مقبول) Maqboul – Bans narrateurs faibles qui zotte Hadiith accepté quand zotte supportés par les autres.
7. Bans qui zotte Haalat pas connue, tel comme (مجهول الحال)
8. Bans qui etre considerés faibles sans qui fine explique zotte faiblesse en detail, tel comme ene narrateur (ضعيف)
9. Bans qui inconnus (مجهول)
10. Bans qui etre considerés faibles avec detail concernant zotte faiblesse, tel comme (متروك الحديث)
11. Bans qui accusés de mensonge.
12. Bans menteurs et bans fabricateurs Hadiith.


Ene narrateur qui so Hadiith rejeté pas necessairement li ene mauvais dimoune.

Quand bans Ulamaa considère ene narrateur comme ene narrateur faible qui pas capave accepté so Hadiith, sa pas veut dire qui sa narrateur la li necessairement ene mauvais dimoune. Possible jamais li cause menti, possible li ene personne qui bien pratiquant, et possible li ene grand Imaam dans ene l’autre domaine, mais malgré sa, bans Ulamaa rejete so Hadiith pour les autres bans raisons, tel comme faiblesse so mémorisation oubien qui li pas ti pe prend compte avec qui sanla li prend Hadiith. Meilleur l’exemple d’ene narrateur pareille c’est Imaam Abu Haniifah.

Ibn Hajar (852 H) dire concernant li :

فقيه مشهور
[ Li ene Faqiih (juriste) rénommé.]
(TAQRIIB-UT-TAHZIIB 7153)

Par sa parole la, nous comprend qui Imaam Abu Haniifah li ene Imaam connu pour so connaissance de Fiqh, mais sa pas veut dire qui capave accepté so Hadiith, parcequi dans domaine Hadiith li etre consideré comme ene narrateur faible.

Abdullaah ibnul Mubaarak (181 H) dire :

كان أبو حنيفة مسكينا في الحديث
[ Abu Haniifah ti ene pauvre dans Hadiith.]
(AL-JARHU WAT-TA’DIIL LIBNI ABI HAATIM 8/449)

Abdullaah ibnul Mubaarak (181 H) dire :

كان أبو حنيفة في الحديث يتيما
[ Abu Haniifah ti ene orphelin dans Hadiith.]
(AL-MAJROUHIIN LIBNI HIBBAAN 3/71)




Ibraahiim ibn Shimaash dire :

صحبت ابن المبارك في سفينة فقال اضربوا على حديث أبي حنيفة ... قبل أن يموت ابن المبارك ببضعة عشر يوما
[ Mo ti pe accompagne Abdullaah ibnul Mubaarak (181 H) dans ene bateau, et li fine dire moi : "Rejete Hadiith Abu Haniifah" Sa c’était 13-19 jours avant qui Abdullaah ibnul Mubaarak mort.]
(AS-SUNNAH LI ABDILLAAH IBN AHMAD 1/214/351)

Ibn Sa’d (230 H) dire :
وكان ضعيفا في الحديث
[ Li ti faible dans Hadiith.]
(AT-TWABAQAAT-UL-KUBRAA 6/368)

Yahyaa ibn Ma’iin (233 H) dire :

لا يكتب حديثه
[ Bizin pas ecrire so Hadiith.]
(AD-DU'AFAA WAL MATROUKIIN LIBNIL JAWZI 3/163/3539)

Quand Yayhaa ibn Ma’iin pe dire qui bizin pas ecrire so Hadiith, sa pas veut dire qui li considère li comme ene menteur. Au contraire Yayhaa ibn Ma’iin dire qui Imaam Abu Haniifah li pas ene personne qui pour cause menti avec propre connaissance, mais le fait qui Hadiith c’est pas so domaine sa, li arrivé faire erreur sans qui li conné.

Imaam Ahmad ibn Hambal (241 H) dire :

حديث أبي حنيفة ضعيف
[ Hadiith Abu Haniifah li faible.]
(DU’AFAA-UL-UQAYLI 4/284)

Imaam Bukhaari (256 H) dire :
سكتوا عنه
[ Banla fine reste tranquille concernant li.]
(AT-TAARIIKH-UL-KABIIR 8/81/2253)

Quand Imaam Bukhaari servi sa terme la concernant ene narrateur, sa veut dire qui li considère li très faible et qui bizin abandonne so Hadiith.

Imaam Muslim (261 H) dire :

مضطرب الحديث ليس له كبير حديث صحيح
[ Ena contradiction dans so bans Hadiith. Li pas ena beaucoup Hadiith authentique.]
(AL-KUNAA WAL-ASMAA 1/276/963)

Imaam An-Nasaaï (303 H) dire :

ليس بالقوي في الحديث وهو كثير الغلط والخطأ على قلة روايته
[ Li pas sa fort la dans Hadiith. Li faire beaucoup fautes et erreurs malgré tigit Hadiith qui li fine rapporté.]
(AD-DU'AFAA WAL MATROUKIIN LIBNIL JAWZI 3/163/3539)

Imaam Abu Daawoud so garçon, Abdullaah ibn Sulaymaan As-Sijistaani (316 H) dire qui bans Imaam de tous bans l’endroits ti d’accord qui Imaam Abu Haniifah so Hadiith bizin rejeté. Parmi nous gagne :
Ayyoub As-Sikhtiyaani – Imaam de Basrah
Sufyaan Ath-Thawri – Imaam de Koufah
Maalik ibn Anas – Imaam de Madiinah
Al-Layth ibn Sa’d – Imaam de l’Egypte
Abdur-Rahmaan Al-Awzaaï – Imaam de Ash-Shaam
Abdullaah ibnul Mubaarak – Imaam de Khuraasaan.
(AL-KAAMIL FII DU'AFAA-IL-RIJAAL 7/10)

Abdullaah ibn Sulaymaan As-Sijistaani (316 H) dire encore :

جميع ما روى أبو حنيفة من الحديث مائة وخمسون حديثا أخطأ أو قال غلط في نصفها
[ En tout, Imaam Abu Haniifah fine rapporte 150 Hadiith, la dans li fine faire erreur dans la moitié.]
(TAARIIKH BAGHDAAD 13/446)





Ibn Hibbaan (354 H) dire :

لم يكن الحديث صناعته حدث بمائة وثلاثين حديثا مسانيد ما له حديث في الدنيا غيرها أخطأ منها في مائة وعشرين حديثا إما أن يكون أقلب إسناده أو غير متنه من حيث لا يعلم فلما غلب خطؤه على صوابه استحق ترك الاحتجاج به في الأخبار
[ Hadiith pas ti so domaine. Li fine rapporte 130 Hadiith Musnad et li pas ti ena les autres Hadiith apart sa. La dans li fine faire erreur dans 120 Hadiith, soit qui li fine mentionne en premier cequi ti bizin mentionne en dernier dans so Isnaad, oubien qui li fine apporte changement dans so Matn sans qui li conné. Quand so erreur fine surpasse so exactitude, li fine merite pas prend li comme preuve dans bans informations (Hadiith).]
(AL-MAJROUHIIN LIBNI HIBBAAN 3/63)

Ibn Adi (365 H) dire :

وأبو حنيفة له أحاديث صالحة وعامة ما يرويه غلط وتصاحيف وزيادات في أسانيدها ومتونها وتصاحيف في الرجال وعامة ما يرويه كذلك ولم يصح له في جميع ما يوريه إلا بضعة عشر حديثا ... لأنه ليس هو من أهل الحديث
[ Abu Haniifah li ena bans bons Hadiith (qui li fine rapporté), mais en generale cequi li rapporté c’est erreur, bans fautes de lecture, bans surplus dans Sanad et Matn, et (aussi) bans fautes concernant (noms) bans narrateurs. En generale cequi li rapporté li comme sa. Dans tous bans Hadiith qui li rapporté, narien pas authentique excepté 13-19 Hadiith… (sa c’est) parcequi li pas ti parmi bans Ahl-ul-Hadiith.]
(AL-KAAMIL FII DU'AFAA-IL-RIJAAL 7/12)

Abu Hafs ibn Shaahiin (385 H) dire :

ولم يكن في الحديث بالمرضي
[ Dans Hadiith Li pas ti satisfaisant.]
(ZIKR MAN IKHTALAFAL ULAMAA FIIH 1/49)




Ad-Daarqutni (385 H) dire concernant Abu Haniifah et Al-Hassan ibn Umaarah :
وهما ضعيفان
[ Zotte faibles.]
(SUNAN-UD-DAARQUTNI 1/323)

Dans Ma’rifatu Uloum-il-Hadiith, Al-Haakim (405 H) fine faire mention de Imaam Abu Haniifah parmi bans narrateurs qui pas considérés comme bans qui forts.

Abdul-Haq Al-Ishbiili (581 H) dire :

ولا يحتج بأبي حنيفة لضعفه في الحديث
[ Nous pas prend Abu Haniifah comme ene preuve à cause qui li faible dans Hadiith.]
(AL-AHKAAM)

Ibnul-Jawzi (597 H) fine considère Abu Haniifah comme ene narrateur faible, d’après parole de plusieurs Ulamaa, parmi lesquels nous gagne An-Nasaaï, Sufyaan Ath-Thawri et An-Nadr ibn Shumayl. Refère à Ad-Du’afaa Wal Matroukiin 3/163.


Deux types de Isnaad.

Li possible qui ene Hadiith ena deux types de Isnaad :
Al-Isnaad-ul-‘Aali
Al-Isnaad-un-Naazil

Al-Isnaad-ul-‘Aali (الإسناد العالي) c’est Sanad d’ene Hadiith qui le nombre de so narrateurs peu, en comparaison avec ene l’autre Sanad de sa même Hadiith la qui so nombre de narrateurs beaucoup, et alors, nous appelle li Al-Isnaad-un-Naazil (الإسناد النازل).




Certaines abréviations dans Sanad.

Quand bans Ulamaa ecrire ene Sanad, souvent de fois banla abrége certaines termes, comme par exemple :
(حدثنا) so abreviation c’est (دثنا) ou (ثنا) ou (نا)
(حدثني) so abreviation c’est (دثني) ou (ثني)
(أخبرنا) so abreviation c’est (أرنا) ou (أنا)


Mention de plus qui ene Sanad pour ene Hadiith.

Si ene Muhaddith pe rapporte ene Hadiith en faisant mention de plus qui ene Sanad, avant qui li mentionne le deuxième ou troisième Sanad, li ecrire (ح) qui veut dire (تحويل).


CHAPITRE 4
CERTAINS POINTS IMPORTANTS CONCERNANT LE TEXTE D'ENE HADIITH.

Ghariib-ul-Hadiith.

Quand nous etudié le texte d'ene Hadiith, nous bizin apprendre aussi concernant (غريب الحديث) Ghariib-ul-Hadiith. Sa science la c’est ene science dans lequel nous apprendre signification de bans mots difficiles qui trouve dans Matn de bans Hadiith. Fine ena plusieurs livres qui fine ecrire lor sa sujet la, parmi lequel nous gagne livres qui fine ecrire par sa bans savants la :

1. Abu Ubayd Al-Qaasim ibn Salaam (224 H)
2. Muhammad ibn Qutaybah (276 H)
3. Abu Sulaymaan Ahmad Al-Khattwaabi (388 H)
4. Abu Ubayd Ahmad Al-Harawi (401 H)
5. Le Hanafi Abdul-Ghaafir (537 H)
L'auteur du livre Majma'ul-Gharaa-ib
6. Abul Qaasim Mahmoud Az-Zamakhshari (538 H)
L'auteur du livre : Al-Faa-iq
7. Abu Mousaa Muhammad Al-Asfahaani (581 H)
L'auteur du livre Al-Mughiith Fii Ghariib-il-Qur-aan Wal-Hadiith
8. Ibnul Jawzi (597 H)
9. Ibnul-Athiir (606 H)
L'auteur du livre An-Nihaayah Fii Ghariib-il-Hadiith
10. Le Hanafi Muhammad Twaahir Al-Fattani (986 H)
L'auteur du livre Majma' Bihaar-il-Anwaar


An-Naasikh wal-Mansoukh – l'abrogation d'ene Hadiith.

Quand nous etudié le texte d'ene Hadiith, nous bizin apprendre aussi concernant (الناسخ والمنسوخ) An-Naasikh wal-Mansoukh, c.a.d, nous bizin rassure-nous qui Hadiith qui nous pe servi li pas fine fini abrogé par ene l'autre Hadiith. Sa c'est ene connaissance qui bien important.

Ibn Kaldoun dire :

ومعرفة الناسخ والمنسوخ من أهم علوم الحديث وأصعبها
[ Connaissance concernant An-Naasikh wal-Mansoukh li parmi bans sciences Hadiith qui plus important et plus difficile.]
(ABJAD-UL-ULOUM 2/229)

Rapporté par Ma'mar :

أن عليا مر بقاص فقال أتعرف الناسخ من المنسوخ قال لا هَلَكْتَ وَأَهْلَكْتَ
[ Ali fine passe cote ene personne qui raconte l'histoire et li fine demande li :
"Est-ce qui to conne An-Naasikh wal-Mansoukh?"
Li fine repondre :
"Non"
Alors, Ali fine dire li :
"To fine perir et to pour faire bans dimounes aussi perir."]
(MUSWANNAF ABDIR RAZZAAQ 3/220/5407)


Parmi bans livres qui fine ecrire lor sa sujet la :-

ناسخ الحديث ومنسوخه
Naasikh-ul-Hadiith Wal Mansoukhuhu
par Ibn Shaahiin Al-Baghdaadi (385 H)

الاعتبار في الناسخ والمنسوخ من الآثار
Ali'tibaar fin Naasikhi wal-Mansoukhi minal-Athaar
par Abu Bakr Al-Haazimi (584 H)

إخبار أهل الرسوخ في الفقه والتحديث بمقدار المنسوخ من الحديث
Ikhbaar Ahlil-Rusoukh Fil Fiqh wat Tahdiith Bi Miqdaaril Mansoukhi Minal Hadiith
par Ibnul Jawzi (597 H)


Mukhtalaf-ul-Hadiith.

Quand nous etudié le texte d'ene Hadiith, nous bizin apprendre aussi concernant (مختلف الحديث) Mukhtalaf-ul-Hadiith, c.a.d, nous bizin conné couma pour enleve contradiction qui apparent entre bans Hadiith.

Parmi bans livres qui fine ecrire lor sa sujet la :-

مشكل الآثار
Mushkil-ul-Aathaar
par At-Twahaawi

التحقيق في أحاديث الخلاف
At-Tahqiiq Fii Ahaadiith-il-Khilaaf
par Ibnul Jawzi


CHAPITRE 5
DIFFERENTS TYPES DE RECIT.

Different types de recit.

Quand nous etudié Mustwalah-ul-Hadiith, nous trouvé qui bans Ulamaa de Hadiith (Muhaddith – المحدث) fine servi 3 termes en parlant concernant bans recits :
Hadiith (حديث)
Athar (أثر)
Khabar (خبر)

Qui difference ena entre les trois?

Hadiith c’est cequi attribué au prophète particulièrement.
Athar c’est cequi attribué a bans Swahabah et aussi a bans qui fine vine après banla.
Khabar c’est cequi attribué au prophète et aussi bien a bans Swahabah et bans qui fine vine après banla.

Quand ene recit remonte jusqua le prophète , nous dire qui li ene recit Marfou' – مرفوع – (relevé)
Quand ene recit remonte jusqua ene Swahaabi, nous dire qui li ene recit Mawqouf – موقوف – (arrêté)
Quand ene recit remonte jusqua celui qui fine vine après bans Swahaabah, nous dire qui c’est ene recit Maqtou’ – مقطوع – (coupé)

Quant-a recit qui le prophète prononc‏é en attribuant sa comme parole d’Allaah, sa nous appelle li Hadiith Qudsi.




Mawqouf qui consideré comme Marfou'

Ena cetains recits qui fine arrive vers nous comme paroles de bans Swahaabah, mais malgré sa, bans Ulamaa considere sa bans recits la comme parole du prophète Muhammad . C'est sa même qui bans Ulamaa dire :
موقوف له حكم الرفع
[ Recit la li Mawqouf mais li être consideré comme Marfou'.]

Nous considere Hadiith Mawqouf comme Hadiith Marfou' dans les circonstances suivants :-

1. Parole d'ene Swahaabi : "Nous ti pe faire sa" c'est-a-dire dans l'epoque du prophète.

Par exemple, Jaabir ibn Abdillaah dire :

كُنَّا إِذَا صَعِدْنَا كَبَّرْنَا وَإِذَا نَزَلْنَا سَبَّحْنَا
[ Quand nous ti pe faire la montée, nous ti pe faire Takbiir, et quand nous ti pe faire la descente, nous ti pe faire Tasbiih.]
(BUKHAARI 2771)

2. Parole d'ene Swahaabi : "Nous ti être ordonnés pour faire tel quitechose", oubien "Nous ti être empechés pour faire tel quitechose".

Par exemple, Ummu Atwiyyah dire :

أُمِرْنَا أَنْ نُخْرِجَ الْحُيَّضَ يَوْمَ الْعِيدَيْنِ وَذَوَاتِ الْخُدُورِ
[ Nous ti être ordonnées pour retire bans madames qui dans zotte periode Haid et bans filles qui reste dans zotte la chambres, a l'occasion de deux Eid.]
(BUKHAARI 338)





3. Parole d'ene Swahaabi : "Tel quitechose forme partie du Sunnah"

Par exemple, Anas ibn Maalik dire :

مِنَ السُّنَّةِ إِذَا تَزَوَّجَ الرَّجُلُ الْبِكْرَ عَلَى الثَّيِّبِ أَقَامَ عِنْدَهَا سَبْعًا وَقَسَمَ وَإِذَا تَزَوَّجَ الثَّيِّبَ عَلَى الْبِكْرِ أَقَامَ عِنْدَهَا ثَلَاثًا ثُمَّ قَسَمَ
[ Li forme partie du Sunnah qui si ene personne marié avec ene fille vierge après qui li fine marié ene madame qui ti deja marié, c'est qui li passe sept nuits cote sa vierge la et ensuite li commence faire la partage. Si li marié avec madame qui ti deja marié, li passe trois nuits cote li et ensuite li commence faire la partage.]
(BUKHAARI 4813)

4. Parole d'ene Swahaabi concernant ene quitechose qui ene personne pas capave dire par so l'esprit :
i) ene information du passé
ii) ene information du future
iii) ene information concernant le monde de Ghaib ou Aakhirat
iv) ene information concernant ene recompense ou ene punition specifique.

Al-Iraaqi (806 H)

ما جاء عن صحابي موقوفا عليه ومثله لا يقال من قبل الرأي حكمه حكم المرفوع
[ Cequi rapporté d'ene Swahaabi comme ene recit attribué a li et qui ene parole pareille pas capave dire par l'esprit, so jugement c'est jugement d'ene recit Marfou'.]
(SHARH-UT-TABSWIRAH WAT-TAZKIRAH 1/139)

5. Parole d'ene Swahaabi qui pe cause concernant Sabab-un-Nuzoul (circonstance la descente) d'ene Aayat.


CHAPITRE 6
COMBIEN QUALITÉ HADIITH ENA?

q Basant lor façon qui Hadiith fine etre transmis vers nous, bans Hadiith divise en 2 categories :
Mutawaatir (متواتر)
– Hadiith rapporté par beaucoup narrateurs
Aahaad (آحاد)
– Hadiith rapporté par quelques (tigit) narrateurs


q Basant lor l’authenticité Hadiith, bans Hadiith divise en 2 categories :
Maqboul (مقبول)
– Accepté
Mardoud (مردود)
– Rejeté

Bans Hadiith Acceptés :
Swahiih li Zaatihi (صحيح لذاته)
Swahiih li Ghairihi (صحيح لغيره)
Hassan li Zaatihi (حسن لذاته)
Hassan li Ghairihi (حسن لغيره)

Bans Hadiith Rejetés :
Mu'allaq, Mursal, Munqatwi’, Mu’dwal, Mudallas, Shaaz, Munkar, Mu-al, Mud-twarib, Mudraj, Maqloub, Mawdou’…….etc.

CHAPITRE 7
MUTAWAATIR & AAHAAD

Qui veut dire Mutawaatir?

Pour qui ene Hadiith etre consideré comme ene Hadiith Mutawaatir, faudrait fine ena satisfaction des sa bans conditions la :
1. Li rapporté par ene grand nombre de narrateur qui logiquement li impossible qui tous sa bans narrateurs la, fine faire ene complot pour cause menti.
2. Li rapporté par ene grand nombre de narrateur dans chaque niveau du Sanad.
3. Li ene Hadiith qui termine par le sens ecouté ou trouvé.

En cequi concerne nombre de narrateurs qui bizin ena afin qui ene Hadiith etre consideré comme Mutawaatir, fine ena divergence la dans parmi bans Ulamaa. Cequi paraitre plus vrai c’est qui pas ena ene nombre specifique; mais c’est plutot le nombre qui faire nous gagne la certitude.

Ibn Taimiyyah dire :

والصحيح الذي عليه الجمهور أن التواتر ليس له عدد محصور
[ La verité qui majorité bans Ulamaa lor la c’est qui ene Hadiith Mutawaatir li pas ena ene nombre (de narrateur) limité.]
(MAJMOU FATAAWAA 18/50)

Haafiz Ibn Hajar dire :
لا يشترط فيه العدد المعين
[ Li pas ene condition pour qui ena ene nombre specifique dans li (Hadiith Mutawaatir).] (FAT-HUL-BAARI 8/480)

Hadiith la termine par le sens ecouté ou trouvé, comme par exemple le narrateur dire :
(Untel) fine dire nous حدثنا
(Untel) fine informe nous أخبرنا
Nous fine entendre untel dire سمعنا
Combien qualité Mutawaatir ena?

Ena deux qualité Hadiith Mutawaatir :
Mutawaatir Lafzwii / par so bans mots متواتر لفظي
Mutawaatir Ma’nawii / par so signification متواتر معنوي

Þ
Mutawaatir Lafzwii c’est ene Hadiith qui plusieurs narrateurs fine rapporte li par servi bans meme mots. Par exemple, le prophète dire :

مَنْ بَنَى مَسْجِدًا لِلَّهِ بَنَى اللَّهُ لَهُ فِي الْجَنَّةِ مِثْلَهُ
[ Celui qui arrange ene Masjid pour Allaah, Allaah arrange pour li dans Jannat, ene (lacaze) pareille couma sa Masjid la.]
(MUSLIM 829)

Þ
Mutawaatir Ma’nawii c‘est ene Hadiith qui so signification rapporté par plusieurs narrateurs dans differents circonstances, sans qui fine servi bans meme mots. Par exemple, Hadiith qui le prophète ti pe leve la main quand li ti pe faire Du'aa, et Hadiith qui le prophète fine empeche raze la barbe.


Livres qui contenir bans Hadiith Mutawaatir.

الأزهار المتناثرة في الأخبار المتواترة
Al-Azhaar-ul-Mutanaathiratu Fil Akhbaaril Mutawaatirah,
par As-Suyoutwi

نظم المتناثر في الحديث المتواتر
Nazm-ul-Mutanaathir Fil Hadiith-il-Mutawaatir,
par Muhammad Ibn Ja’far Al-Kittaani


Combien qualité Aahaad ena?

Hadiith Aahaad divise en 3 categories :
Mash-hour (مشهور)
– Hadiith Reputée
Aziiz (عزيز)
– Hadiith Rare
Ghariib / Fard (غريب / فرد)
– Hadiith Etranger

Ene Hadiith Mash-hour c’est ene Hadiith qui rapporté par 3 narrateurs ou plus dans n’importe qui niveau du Sanad, sans qui li arrive jusqua degré Mutawaatir. Ena Ulamaa appelle Hadiith Mash-hour par ene deuxième nom : Mustafiid (مستفيض)

Ene Hadiith Aziiz c’est ene Hadiith qui rapporté par 2 narrateurs dans n’importe qui niveau du Sanad.

Ene Hadiith Ghariib / Fard c’est ene Hadiith qui rapporté par ene seul narrateur dans n’importe qui niveau du Sanad.

Ena deux qualités Hadiith Ghariib :

Al-Ghariib-ul-Mutlaq (الغريب المطلق)
– Ene Hadiith qui rapporté par ene seul Swahaabi.

Al-Ghariib-un-Nisbi (الغريب النسبي)
– Ene Hadiith qui so Sanad repose lor ene seul narrateur, sans qui c’est le Swahaabi.





Qui difference ena entre Hadiith Mutawaatir et Aahaad?

· Quand ene Muhaddith dire qui sa c’est ene Hadiith Mutawaatir, sa faire nous gagne la certitude qui Hadiith la bizin authentique.

· Quant-a Hadiith Aahaad, ena parmi qui authentique et alors nous obligé accepter li, et ena parmi qui faible et alors nous obligé rejete li.


Est-ce qui Hadiith Aahaad acceptable dans Aqeedah?

Fine ena certaines groupes musulmans – comme par exemple, Hizb-ut-Tahreer – qui fine tombe dans l’egarement par pas accepté Hadiith Aahaad dans zotte Aqeedah, parcequi soit-disant pas capave ena la certitude dans sa bans Hadiith la.

Hizb-Ut-Tahreer dire concernant certaines aspects de Aqeedah tel comme Azaab-ul-Qabr, apparition de Dajjaal et le retour de Issa :
[ Cequi Haraam c’est la conception et nonplus l’acceptation. L’acceptation, pas ena narien la dans, li permissible, mais cequi Haraam c’est croire avec la certitude.] (AD-DOOSIYAH PG 6)

D’apres sa quotation la, nous trouvé qui Hizb-Ut-Tahreer fine considère li Haraam pour croire avec la certitude dans Azaab-ul-Qabr. Pour zotte, li permissible pour simplement prend li comme ene information.

Nous gagne Sayyid Qutub aussi qui dire :

وأحاديث الآحاد لا يؤخذ بها في أمر العقيدة
[ Bans Hadiith Aahaad pas acceptable dans Aqeedah.]
(FII ZWILAAHIL QUR-AAN 6/4008)

Concernant ene Hadiith qui trouve dans Bukhaari cote le prophete pe dire : { Qui change de religion, tuez-le!}, Tariq Ramadan faire le commentaire suivant :
[ Notons que le degré d’authenticité de cette tradition est relatif puisque c’est un hadîth ahad.]
(L’ISLAM EN QUESTION pg 185)
Pas ena doute qui sa c’est ene l’egarement parcequi nous pas endroit faire difference entre Hadiith Mutawaatir et Hadiith Aahaad dans nous Aqeedah.

Preuves :-

(1)
Allaah dire : (9:122)

وَمَا كَانَ الْمُؤْمِنُونَ لِيَنفِرُوا كَافَّةً فَلَوْلَا نَفَرَ مِنْ كُلِّ فِرْقَةٍ مِنْهُمْ طَائِفَةٌ لِيَتَفَقَّهُوا فِي الدِّينِ وَلِيُنذِرُوا قَوْمَهُمْ إِذَا رَجَعُوا إِلَيْهِمْ لَعَلَّهُمْ يَحْذَرُونَ
[ Faudrait pas qui tous bans Mu’min sorti ensemble (pour Jihaad). De chaque groupe parmi banla, ene Twaa-ifah (meme) bizin allé, et (Twaa-ifah qui fine reste a l’arrière) zotte ava etudié Deen et averti zotte peuple quand zotte retourne vers banla, afin qui banla prend zotte precaution.]

Dans sa Aayat la, Allaah fine faire nous conné qui “Twaa-ifah” (ene ti-groupe) suffit pour apprendre Deen – Aqeedah et Fiqh – et ensuite retourné pour faire Da’wah. Le fait qui dans la langue arabe le mot “Twaa-ifah” comprend aussi ene seule personne, sa prouvé qui si ene seule personne rapporte ene Hadiith concernant Aqeedah oubien Fiqh, nous obligé accepté li.

Imaam Bukhaari dire :
وَيُسَمَّى الرَّجُلُ طَائِفَةً
[ Ene seule personne (aussi) appelle li Twaai-fah.]
(BUKHAARI 6/2647)

Ibnul Athiir dire :

الطائفةُ الجماعة من النَّاس وتقعُ على الوَاحد
[ At-Twaa-ifah veut dire ene groupe dimounes, et li (capave) comprend ene seule personne.]
(AN-NIHAAYAH FII GHARIIB-IL-HADIITH 3/153)


Haafiz Ibn Hajar dire :

إن لفظ طائفة يتناول الواحد فما فوق
[ Le mot “Twaa-ifah” li comprend ene seule personne a monté.]
(FAT-HUL-BAARI 13/234)

(2)
Allaah dire : (49:6)

يَاأَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا
[ Oh bans qui fine amene Imaan, si ene Faasiq (ene qui ena desobeissance Allaah dans li) vine vers zotte avec ene information, alors verifiez li (en premier).]

Sa Aayat la montré nous qui si ene personne qui ena desobeissance Allaah dans li, amene ene nouvelle vers nous, nous obligé verifier li. Donc, si ene personne qui pe vivre dans l’obeissance Allaah, amene ene nouvelle vers nous, nous obligé accepter li. Sa c’est ene preuve qui l’information d’ene seule personne juste li acceptable.

(3)
Le prophète Muhammad ti envoye Abu Ubaydah tout seul pour alle enseigne Deen Islaam – Aqeedah et Fiqh – a bans habitants Yemen. Donc, sa prouvé qui rapport d’ene seule personne acceptable.

Rapporté par Anas :

أَنَّ أَهْلَ الْيَمَنِ قَدِمُوا عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالُوا ابْعَثْ مَعَنَا رَجُلًا يُعَلِّمْنَا السُّنَّةَ وَالْإِسْلَامَ قَالَ فَأَخَذَ بِيَدِ أَبِي عُبَيْدَةَ فَقَالَ هَذَا أَمِينُ هَذِهِ الْأُمَّةِ
[ Bans habitants de Yemen ti vine cote le messager d’Allaah et banla fine dire :
“Envoye ene personne avec nous qui pour enseigne nous Sunnah et l’Islaam.”
Le prophète fine attrape la main de Abu Ubaydah et li fine dire :
“Sa c’est la personne honnete de sa Ummat la.”]
(MUSLIM 4443)


Comme commentaire de sa Hadiith la, Sheikh Albaani dire :

وفي الحديث فائدة هامة وهي أن خبر الآحاد حجة في العقائد كما هو حجة في الأحكام
[ Dans sa Hadiith la ena ene profit important et c’est le fait qui Khabar Aahaad c’est ene preuve dans Aqeedah pareille couma li ene preuve dans bans la lois.]
(SS 1964)

(4)
Le prophète dire :

نَضَّرَ اللَّهُ امْرَأً سَمِعَ مَقَالَتِي فَوَعَاهَا وَحَفِظَهَا وَبَلَّغَهَا
[ Qui Allaah mette beauté et gaité (lor visage) d’ene personne qui ecoute mo parole, li comprend, li memorize li, et li propage li.]
(TIRMIZI 2582)

Dans sa Hadiith la, le prophète pe encourage chaque personne pour memorize so Hadiith et ensuite propage li. Hadiith du prophète li generale – li comprend Aqeedah et Fiqh – et alors, si propagation d’ene seule personne pas ti ena valeur, sa Hadiith la meme pas ti ena aucun sens.

(5)
Le prophète ti envoye Mu-aaz Ibn Jabal vers Yemen pour invite banla vers l’Islaam, en commençant par l’invitation vers Tawheed.

Le Swahaabi Ibn Abbaas dire :

لَمَّا بَعَثَ النَّبِيُّ صَلَّى اللَّهُ عَلَيْهِ وَسَلَّمَ مُعَاذَ بْنَ جَبَلٍ إِلَى نَحْوِ أَهْلِ الْيَمَنِ قَالَ لَهُ إِنَّكَ تَقْدَمُ عَلَى قَوْمٍ مِنْ أَهْلِ الْكِتَابِ فَلْيَكُنْ أَوَّلَ مَا تَدْعُوهُمْ إِلَى أَنْ يُوَحِّدُوا اللَّهَ تَعَالَى فَإِذَا عَرَفُوا ذَلِكَ فَأَخْبِرْهُمْ أَنَّ اللَّهَ قَدْ فَرَضَ عَلَيْهِمْ خَمْسَ صَلَوَاتٍ فِي يَوْمِهِمْ وَلَيْلَتِهِمْ
[ Quand le prophète ti envoye Mu’aaz bin Jabal vers Yemen (en l’année 10 H), li ti dire li : “To pe alle vers ene peuple Ahlul Kitaab (juifs). Alors faire ene manière qui premier quitechose vers lequel to invite zotte c’est Tawheed-ullaah. Quand zotte fine fini conne Tawheed-ullaah, faire banla conné qui Allaah fine faire obligatoire lor zotte 5 fois Swalaat dans la journée et lanuit.]
(BUKHAARI 6824)

(6)
Le prophète ti envoye lettre a Kisraa avec ene seul Swahaabi pour invite li vers l’Islaam.

Rapporté par Ibn Abbaas :

أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ بَعَثَ بِكِتَابِهِ إِلَى كِسْرَى مَعَ عَبْدِاللَّهِ بْنِ حُذَافَةَ السَّهْمِيِّ
[ Le messager d’Allaah ti envoye so lettre a Kisraa avec Abdullaah Ibn Huzaafah As-Suhami.]
(BUKHAARI 4072)

(7)
Dans Swahih Muslim ena ene Hadiith cote le prophète ti accepté l’information d’ene seule personne – Tamiim-ud-Daari – concernant Dajjaal, et sa li concerne Aqeedah et nonplus Fiqh.

Dans explication sa Hadiith la, An-Nawawi dire :

وفيه قبول خبر الواحد
[ Dans sa Hadiith la ena (preuve) qui l’information d’ene indivudu li acceptable.]
(SHARH-UN-NAWAWI 18/81)

(8)
Bans Swahaabah qui ti pe faire Swalaat-ul-Fajr vers Bait-ul-Maqdis, ti vire vers Ka’bah dans zotte Swalaat meme par accepté rapport d’ene seule personne.
(BUKHAARI-MUSLIM)

(9)
Bans Salaf pas fine faire aucun difference entre Hadiith Mutawaatir et Hadiith Aahaad. Alors, couma est-ce qui nous capave faire ene difference pareille?



(10)
Bans Salaf pas ti pe faire difference entre Aqeedah et Fiqh. Pour banla Hadiith ti Hadiith, meme concernant qui sujet li pe traité.

(11)
Imaam Bukhaari fine commence so livre dans lequel li fine compile seulement bans Hadiith authentiques, par ene Hadiith Aahaad, et li fine termine li aussi par ene Hadiith pareille. Est-ce qui sa pas veut dire ou narien?

(12)
Imaam Ash-Shaafei dire :

لم أحفظ عن فقهاء المسلمين أنهم اختلفوا في تثبيت خبر الواحد
[ Mo pas rappelle qui bans juristes musulmans fine divergé concernant confirmation l’information d’ene indivudu.]
(AR-RISAALAH PG 457)

(13)
Ibn Hazm dire :

فقد ثبت يقينا أن خبر الواحد العدل عن مثله مبلغا إلى رسول الله صلى الله عليه وسلم حق مقطوع به موجب للعمل والعلم معا
[ C’est ene quitechose confirmé avec certitude qui l’information d’ene personne juste qui li fine prend (sa) avec ene personne (juste) pareille couma li, jusqua qui sa arrive au messsager d’Allaah, (qui sa information la) li vrai, sans aucun doute, et li oblige nous pour faire Amal et aussi pour gagne connaissance.] (AL-IHKAAM 1/117)

(14)
Al-Khatwiib-ul-Baghdaadi dire :

فمن أقوى الأدلة على ذلك ما ظهر واشتهر عن الصحابة من العمل بخبر الواحد
[ Parmi bans preuves plus forts lor la c’est cequi apparaitre et connu de bans Swahaabah qui banla ti pe faire Amal lor l‘information d’ene individu.]
(AL KIFAAYATU FII-ILM-IR-RIWAAYAH 1/26)

Al-Khatwiib-ul-Baghdaadi dire :

وعلى العمل بخبر الواحد كان كافة التابعين ومن بعدهم من الفقهاء الخالفين في سائر أمصار المسلمين إلى وقتنا هذا
[ Tous bans Tabeiin et bans Fuqahaa apres banla, dans tous territoires de bans musulmans jusqua nous l’epoque, faire Amal lor l’information d’ene individu.]
(AL-KIFAAYAH PG 31)

Al-Khatwiib-ul-Baghdaadi dire :

وإنما دفع خبر الآحاد بعض أهل الكلام
[ C’est simplement certaines Ahl-ul-Kalaam qui fine rejete Khabar Aahaad.]
(AL FAQIIH-UL-MUTAFAQQIH 1/97)

(15)
Muhammad Ibn Ahmad As-Sifaariini (1188 H) dire :

يعمل بخبر الآحاد في أصول الدين وحكى الإمام ابن عبد البر الإجماع على ذلك
[ Hadiith Aahaad li acceptable dans les racines de Deen (Aqeedah), et Imaam Ibn Abdil Bar fine rapporte Ijmaa’ lor la.]
(LAWAAMI-UL-ANWAAR-IL-BAHIYYAH 1/19)

(16)
Si nous dire qui nous accepté Hadiith Aahaad seulement dans Fiqh, nous pour tombe dans contradiction. Par exemple, couma est-ce qui nous accepté pour cherche protection avec Allaah contre Dajjaal dans Tashahhud, et ensuite nous dire qui nous pas croire dans Dajjaal parcequi li pas basé lor Hadiith Mutawaatir?

(17)
Si pas ti gagne droit accepté Hadiith Aahaad dans Aqeedah, li ti pour permissible qui ene peuple refuse accepter l’Islaam, si ene seule personne vine invite banla vers sa Deen la. Pas ena doute qui sa li en contradiction avec façon de faire du prophète Muhammad et so bans Swahaabah.

CHAPITRE 8
HADIITH SWAHIIH

Qui veut dire ene Hadiith Swahiih?

Ene Hadiith Swahiih qui remonte jusqua le prophète, c’est ene Hadiith qui fine satisfaire 5 conditions :
Pas ena rupture dans so chaine de narration – اتصال السند
Chaque narrateur bizin ‘Adl – العدل
Chaque narrateur bizin Taam-ud-Dwabt – تام الضبط
Li pas Shaaz – ليس شاذا
Li pas Mu-allal – ليس معللا

Þ Explication :-

Pour qui nous considère ene chaine de narration authentique, faudrait qui li pas ena aucun rupture, c.a.d. faudrait nous sure qui chaque narrateur fine ecoute cequi li pe rapporté avec so Sheikh (narrateur qui la haut li).

Pour qui nous considère ene narrateur etant ene personne ‘Adl, li bizin fine preserve deux quitechoses dans li :
Taqwaa (التقوى)
– Li bizin pas ena desobeissance Allaah auclair dans li.
Murou-ah (المروءة)
– Li bizin ena bon comportement et reste loin de bans mauvais qualités.

Pour qui nous considère ene narrateur etant ene personne Taam-ud-Dwabt – ene personne qui retenir cequi li pe rapporté, ena deux façons :
Soit li fine memorize li dans ene façon qui li capave recite li nimporte quand li oulé. Nous appelle sa : retention de la poitrine (ضبط صدر).
Oubien li fine ecrire Hadiith la dans ene livre qui li fine preserve li contre bans qui capave ajouté ou retiré dans so livre. Nous appelle sa : retention du livre (ضبط كتاب).

Pour qui nous considère ene Hadiith Swahiih, faudrait qui li pas Shaaz, c.a.d. faudrait pas ene narrateur digne de confiance fine contredire celui qui plus fort qui li.

Pour qui nous considère ene Hadiith Swahiih, faudrait pas li contenir ene (علة خفية قادحة) illah Khafiyyaah Qaadihah – ene maladie cachiette qui pour affecté so l’authenticité, comme par exemple, ene narrateur pas faire mention d’ene narrateur faible qui trouve entre deux narrateurs forts et qui sa deux narrateurs forts la chacun fine deja prend Hadiith de so camarade.


Bans termes qui servi pour bans narrateurs qui zotte Hadiith vine Swahiih.

Ene narrateur qui so Hadiith vine Swahiih c’est ene narrateur qui ‘Adl et Dwaabit, et c’est sa narrateur la meme qui bans Muhaddith servi les termes suivants quand cause concernant li :
Awthaq-un-Naas (أوثق الناس) –
Ene personne qui nous ena plus confiance lor li.
Thiqatun Thabt (ثقة ثبت) –
Ene personne de confiance et qui ferme (dans so memorisation).
Thiqatun Haafiz (ثقة حافظ) –
Ene personne de confiance et qui so memorisation fort.
Thiqatun Mutqin (ثقة متقن) –
Ene personne de confiance et qui ferme (dans so memorisation).
Thiqatun Hujjah (ثقة حجة) –
Ene personne de confiance et qui so parole c’est ene preuve.
Thiqatun Thiqah (ثقة ثقة) –
Ene personne de confiance, ene personne de confiance.
Thiqatun (ثقة) –
Ene personne de confiance.
Mutqin (متقن) –
Ene personne qui ferme (dans so memorisation).
Hujjah (حجة) –
Ene personne qui so parole c’est ene preuve.


L’exemple de certaines chaines de narration qui plus authentique.

Parmi bans chaines de narration qui plus authentique (أصح الأسانيد), nous gagne :
Zuhri Saalim Abdullaah Ibn Umar
Maalik Naafi’ Abdullaah Ibn Umar
Ibraahim An-Nakha-i Alqamah Ibn Mas-oud
Ismaaiil Ibn Abi Khaalid Qays Ibn Abi Haazim Abu Bakr
Zuhri As-Saa-ib Ibn Yaziid Umar
Muhammad Ibn Siiriin Abiidah As-Salmaani Ali
Hishaam Ibn Urwah Urwah Ibnuz Zubayr Aaishah
Yahyaa Ibn Abi Kathiir Abu Salamah Abu Hurayrah

Profit conne bans chaines de narration qui plus authentique c’est qui si fine arrivé ena divergence, nous base lor la pour choisir ene entre les deux comme cequi vrai, et l’autre comme ene erreur.








L’authenticité d’ene chaine de narration pas veut dire qui Hadiith la Swahiih.

Parfois, nous trouve ene Muhaddith dire concernant ene Hadiith :
So bans narrateurs dignes de confiance – (رجاله ثقات)
So chaine de narration authentique – (صحيح الإسناد)

Sa deux paroles la pas veut dire qui Hadiith la li Swahiih, parcequi l’authenticité d’ene chaine de narration c’est pas le seul condition pour qui ene Hadiith vine Swahiih. Ena les autres conditions encore qui sa Muhaddith la pas fine touché, et alors, li possible qui Hadiith la li faible malgré qui so chaine de narration authentique, parcequi li capave Shaaz oubien Mu-allal.

Ibnul Qayyim dire :

ومن له خبرة بالحديث يفرق بين قول أحدهم هذا الحديث صحيح وبين قوله إسناده صحيح
[ Celui qui ena l’experience dans (domaine) Hadiith, li faire difference entre parole d’ene parmi banla : “Sa Hadiith la li Swahiih” et parole d’ene (l’autre) : “So chaine de narration Swahiih”.]
(MUKHTASWAR-US-SWAWAA-IQ-IL-MURSALAH 2/395)

Ibnus Swalaah dire :

والحكم بالصحة أو الحسن على الإسناد لا يلزم منه الحكم بذلك على المتن إذ قد يكون شاذا أو معللا
[ Donne ene jugement lor ene chaine de narration qui li Swahiih ou Hassan pas necessite sa jugement la lor le texte, car li capave Shaaz ou Mu-allal.]
(IKHTISWAARU ULOUM-IL-HADIITH 139)





Combien qualité Swahiih ena?

Ena deux qualités Hadiith Swahiih :
Swahiih li Zaatihi
– Swahiih dans li-meme.
Swahiih li Ghayrihi
– Swahiih a travers les autres causes.

Si ene Hadiith fine satisfaire les 5 conditions couma bizin, nous appelle li : Swahiih li Zaatihi.

Si ene Hadiith fine satisfaire les 5 conditions, mais seulement avec ene ti-manquement dans coté memorisation, qui ensuite fine renforcit par plusieurs chaines de narration, nous appelle li : Swahiih li Ghayrihi.


Bans premiers livres qui fine ecrire pour compile Hadiith authentiques.

Bans livres Hadiith qui nous ena, pas tous cequi ena la dans authentiques, parcequi premièrement pas tous compilateurs qui fine essaye compile bans Hadiith autentiques. Differents compilateurs fine ena different objectif derrière zotte compilation de Hadiith, et les premiers pour compile bans Hadiith authentiques c’est :
Imaam Muhammad Ibn Ismaa-iil Al-Bukhaari (194–256 H)
Imaam Muslim Ibnul Hajjaaaj An-Naysaabouri (204–261 H)

Ibn-us-Swalaah (643 H) dire :

وكتاباهما أصح الكتب بعد كتاب الله العزيز
[ Bukhaari et Muslim zotte livres c'est deux livres plus authentique qui ena après le livre d'Allaah.]
(ULOUM-UL-HADIITH, TAGHLIIQ-UT-TA'LIIQ 5/424)

An-Nawawii (676 H) dire :

اتفق العلماء رحمهم الله أن أصح الكتب بعد القرآن العزيز الصحيحان البخاري ومسلم وتلقتهما الأمة بالقبول
[ Bans Ulamaa fine tombe d’accords qui livres qui plus authentiques après Al-Qur-aan c’est Swahiih Bukhaari et Swahiih Muslim, et Ummat (en entier) fine accepté sa deux livres la.]
(SHARHU SWAHIIHI MUSLIM 1\14)

Ibn Taymiyyah (728 H) dire :

فليس تحت أديم السماء كتاب أصح من البخاري ومسلم بعد القرآن
[ Embas sa le ciel la pas ena aucun livre plus authentique qui livres de Bukhaari et Muslim, apres Al-Qur-aan.]
(MAJMOU FATAAWAA 18/74)

Le Hanafi Mahmoud Al-Ayni (855 H) dire :

اتفق علماء الشرق والغرب على أنه ليس بعد كتاب الله أصح من صحيحي البخاري ومسلم
[ Bans Ulamaa de l'est et l'ouest fine tombe d'accord qui après le livre d'Allaah, pas ena aucun livre plus authentique qui Swahiih Bukhaari et Swahiih Muslim.]
(UMDAT-UL-QAARI)

Le Hanafi Mulla Ali Qaari dire :

اتفقت العلماء على تلقي الصحيحين بالقبول وأنهما أصح الكتب المؤلفة
[ Bans Ulamaa fine tombe d'accord pour accepter Swahiih Bukhaari et Swahiih Muslim et qui sa deux livres la c'est deux livres plus authentique qui fine ecrire.]
(AL-MARQAAH 1/5)

Entre les deux, c’est Imaam Bukhaari so livre qui plus authentique parcequi so condition pour accepter ene Hadiith plus severe qui condition de Imaam Muslim.

Si ene Hadiith fine etre compilé par Imaam Bukhaari et Imaam Muslim, bans Muhaddith appelle sa Hadiith la ene Hadiith (متفق عليه) Muttafaqun alayhi, et li etre consideré comme Hadiith plus authentique. Muhammad Fu-aad Abdul Baaqi fine compile bans Hadiith Muttafaqun alayhi dans ene livre avec titre :

اللؤلؤ والمرجان فيما اتفق عليه الشيخان
Al-lu’lu-u wal Marjaan Fiimat Tafaqa alayhish Shaykhaan.

Cequi bon faire ressortir concernant sa deux livres la, c’est qui sa deux livres la pas fine englobe tous Hadiith Swahiih, et alors, celui qui contente-li seulement avec sa deux livres la, pas ena doute qui li pour tombe dans l’egarement, parcequi li pour rejete plusieurs Hadiith Swahiih qui trouve dans bans les autres livres.

Fine ena aussi certains les autres Ulaama qui fine essaye compile bans Hadiith Swahiih. Mais seulement zotte pas fine reussi atteindre zotte l’objectif, parcequi fine ena plusieurs Hadiith qui pas authentiques dans zotte livres. Parmi nous gagne :

Muhammad Ibn Is-haaq Ibn Khuzaymah (223–311 H)
As-Swahiih-ul-Musnad bi Naqlil Adli Anil Adl.

Muhammad Ibn Hibbaan (354 H)
Al-Musnad-us-Swahiih alat-Taqaasiimi wal Anwaa’

Muhammad Ibn Abdillaah Al-Haakim (321–405 H)
Al-Mustadrak alas-Swahiihayn

Muhammad Ibn Abdil Waahid Al-Maqdisi (567–643 H)
Al-Ahaadiith-ul-Mukhtaarah


Imaam Maalik so livre.

Imaam Maalik (93–179 H) ena ene livre Hadiith qui connu comme Al-Muwattwa’, et Imaam Shafei fine dire concernant sa livre la :

لا أعلم كتابا في العلم أكثر صوابا من كتاب مالك
[ Mo pas conne aucun livre dans la connaissance qui plus exact qui livre de Maalik.]
(MANAAQIB-US-SHAFEI 1/507)

Sa parole la pas veut dire qui Imaam Maalik so livre plus authentique qui livre de Imaam Bukhaari ou Muslim, parcequi sa c’est ene parole qui Imaam Shafei fine prononcé avant qui Imaam Bukhaari et Imaam Muslim ti ecrire zotte livre.
Refere a Ikhtiswaaru Uloumil-Hadiith

Az-Zahabi dire :
هذا قاله قبل أن يؤلف الصحيحان
[ Sa li fine dire sa avant qui les deux Swahiih ti etre ecrits.]
(SIYAR 8/111)


Classement de bans Hadiith authentique.

Tous Hadiith authentiques pas dans meme niveau en cequi concerne satisfaction de bans conditions. Ena qui plus authentique qui l’autre, et bans Ulamaa fine classe li dans la façon suivante :
Hadiith Muttafaqun alayhi
Hadiith compilé par Bukhaari dans so livre Swahiih
Hadiith compilé par Muslim dans so livre Swahiih
Hadiith qui satisfaire condition de sa deux Imaam la
Hadiith qui satisfaire condition de Imaam Bukhaari
Hadiith qui satisfaire condition de Imaam Muslim
Hadiith qui les autres bans Ulamaa fine considère li Swahiih


At-Tashiihu Wat-Dad-iif.

(التصحيح) At-Tashiih :
Ene Muhaddith considère ene Hadiith authentique.
(التضعيف) At-Tad-iif :
Ene Muhaddith considère ene Hadiith faible.

Ena ene conception qui dire qui considère ene Hadiith authentique ou faible, sa ti permissible seulement a bans Ulamaa dans le passé, et de nos jours le fait qui pas ena bans Ulamaa a sa niveau la, li n’est plus ene quitechose permissible. Pas ena doute qui sa c’est ene erreur parcequi la porte Ijtihaad c’est ene la porte qui pour reste ouvert jusqua avant Qiyaamat.

An-Nawawi dire :

وينبغي أن يجوز التصحيح لمن تمكن في معرفة ذلك ولا فرق في إدراك ذلك بين أهل الأعصار بل معرفته في هذه الأعصار أمكن لتيسر طرقه
[ Bizin declare Ii permissible pour considère (ene Hadiith) Swahiih, a celui qui fine ena le potentiel pour conne sa quitechose la, et pas ena difference dans atteindre a sa (connaissance la) entre bans (differents) l’epoques. Au contraire, conne sa quitechose la, dans sa l’epoque la plus possible parcequi li fine vine facile pour (gagne ene Hadiith) so bans chaines de narration.]
(AL-IRSHAAD 1/135)

Al-Iraaqi (805 H) dire :

وما رجحه النووي هو الذي عليه عمل أهل الحديث
[ Cequi An-Nawawi fine prefere (en cequi concerne permissibilité considère ene Hadiith Swahiih) c’est lor la meme Amal de bans Ahlul-Hadiith.]
(AT-TAQYIIDU-WAL-IIDWAAH PG 12)

Haafiz Ibn Kathiir (774 H) dire :

ويجوز له الإقدام على ذلك وإن لم ينص على صحته حافظ قبله
[ Li permissible a (celui qui fine approfondit dans sa connaissance la) qui li gagne le courage pour considère ene Hadiith Swahiih, meme si aucun Haafiz avant li pas fine faire mention de sa.]
)IKHTISWAARU-ULOUM-IL-HADIITH(

NOTE 1 :-
Li bon faire ressortir qui sa permissibilité la li pas a n’importe qui sanla qui fine apprendre Mustwalah pendant 4-5 bananées. Si chaque persone qui fine commence comprend Mustwalah, commence faire Tashiih et Tad-iif, pas ena doute qui sa pour vine ene grand Fitnah. Donc, sa permissibilité la li seulement a bans grands Ulamaa qui fine approfondit dans domaine Hadiith, parcequi Tashiih et Tad-iif demande grand connaissance, grand memorisation et grand recherche, et sa li pas vine dans apprendre et gagne certificat BA ou MA ou titre “Mufti”!!

NOTE 2 :-
Certains Sufi considère ene Hadiith authentique basant lor dialogue qui soi-disant zotte fine gagné avec le prophète dans reve oubien dans l'etat eveillé. Pas ena doute qui sa li pas acceptable parmi bans Ulamaa digne de confiance.



CHAPITRE 9
HADIITH HASSAN

Qui veut dire ene Hadiith Hassan?

Ene Hadiith Hassan c'est ene Hadiith qui fine satisfaire les 5 conditions pour qui ene Hadiith vine Swahiih, excepté qui so bans narrateurs pas arrive a niveau de bans narrateurs qui zotte Hadiith vine Swahiih en cequi concerne la memorisation. En d'autre mot, ene Hadiith Hassan c'est ene Hadiith qui so bans narrateurs forts, mais seulement pas forts couma bans qui zotte Hadiith vine Swahiih.

Az-Zahabi dire :

الحسن ما ارتقى عن درجة الضعف ولم يبلغ درجة الصحة
[ Ene Hadiith Hassan c'est Hadiith qui fine depasse degré Dwa-iif, mais li pas fine atteindre degré Swahiih.]
(AL-MOUQIZWAH)


Bans termes qui servi pour bans narrateurs qui zotte Hadiith vine Hassan.

Bans narrateurs qui zotte Hadiith vine Hassan c’est bans narrateurs qui connus comme Khafiif-ud-Dwabt (خفيف الضبط) – bans qui zotte memorization fort, mais pas aussi fort couma memorization de bans qui zotte Hadiith vine Swahiih.

Voici les termes qui servi concernant banla :
Swadouq (صدوق) –
Ene personne veridique.
Laa Ba'sa Bih (لا بأس به) –
Ene personne pas mal.
Laysa Bihi Ba's (ليس به بأس) –
Ene personne pas mal.

Combien qualité Hassan ena?

Ena deux qualités Hadiith Hassan :
Hassan li Zaatihi
Hassan li Ghairihi

Hassan li Zaatihi c'est ene Hadiith qui fine satisfaire les 5 conditions, excepté qui so bans narrateurs pas autant forts.

Hassan li Ghairihi c'est ene Hadiith qui fine ena ene faiblesse leger, et ensuite li fine renforcé par les autres chaines de narration oubien par les autres Hadiith, et alors li vine acceptable.

Ibn Hajar dire :

إن الطرق إذا كثرت وتباينت مخارجها دل ذلك على أن للحديث أصلا
[ Quand les chaines de narration en quantité et qui zotte sources differents, sa c’est ene preuve qui Hadiith la ena ene base (lor lequel li reposé).]
(FAT-HUL-BAARI 8/439)


Pas tous Hadiith faible capave vine Hassan.

Quand nous dire qui ene Hadiith capave vine Hassan par les autres chaines de narration (Mutaaba-ah ou Shaahid), nous pe faire reference seulement a Hadiith qui so faiblesse leger, et nonplus a Hadiith qui so faiblesse intense. Pareille couma parmi bans dimounes nous gagne bans malades qui zotte maladie li pas dangereux, et nous gagne bans malades qui zotte maladie faire nous perdi l’espoir pour qui zotte ré bien.

Ibnus Swalaah dire :

ولا يلزم من ورود الحديث من طرق متعددة أن يكون حسنا لأن الضعف يتفاوت فمنه ما لا يزول بالمتابعات ومنه ضعف يزول بالمتابعات
[ Si ene Hadiith fine arrive jusqua nous par plusieurs chaines de narration, pas necessaire qui par sa li vine Hassan, parcequi faiblesse (dans Hadiith) li differé; ena faiblesse qui pas enlevé par Mutaaba-ah et ena faiblesse qui enlevé par Mutaaba-ah.]
(IKHTISWAARU ULOUM-IL-HADIITH 134)

An-Nawawi dire :

إذا روي الحديث من وجوه ضعيفة لا يلزم أن يحصل من مجموعها أنه حسن
[ Si ene Hadiith li rapporté par differents chaines de narration qui faibles, pas necessaire qui dans so l’ensemble li vine Hassan.]
(TAQRIIB 58)

Le Hanafi Az-Zayla’i dire :

وكم من حديث كثرت رواته وتعددت طرقه وهو حديث ضعيف ... بل قد لا يزيد الحديث كثرة الطرق إلا ضعفا
[ Combien Hadiith ena qui li ena ene quantité narrateurs et li ena differents chaines de narration, mais malgré sa li faible….. Au contraire so quantité chaines de narration pas augmente excepté sa Hadiith la so faiblesse.]
(TAKHRIIJ-UL-HIDAAYAH 1/189)

Al-Munaawi (1031 H) dire :

وإذا قوي الضعف لا ينجبر بوروده من وجه آخر وإن كثرت طرقه
[(Bans Ulamaa dire) : Quand faiblesse (du Hadiith) li intense, li pas renforcé si li être rapporté dans ene l’autre façon, même si li fine ena plusieurs chaines de narration.]
(FAYD-UL-QADIIR)

Ash-Shawkaani dire :

إنما الأحاديث التي تقوي بعضها بعضا هي ما كان في كل واحد منها ضعف خفيف
[ Bans Hadiith qui ene renforcit l’autre c’est bans Hadiith qui dans chacun ena bans faiblesse leger.]
(WABLUL-GHAMAAM 1/56-57)

Refere a explication de Sheikh Albaani lor la dans so livre Tamaam-ul-Minnah pg 31.
L’exemple d’ene Hadiith qui fine rapporté par plusieurs chaines de narration qui faibles c’est le Hadiith suivant :

من حفظ على أمتي أربعين حديثا من السنة كنت له شفيعا يوم القيامة
[ Celui qui memorize 40 Hadiith dans mo Ummat, mo pour faire so Shafaa-at jour Qiyaamah.]

As-Sakhaawi dire :

فقد نقل النووي اتفاق الحفاظ على ضعفه مع كثرة طرقه
[ An-Nawawi fine rapporte l’accord de bans Haafiz qui sa Hadiith la li faible malgré qui li ena plusieurs chaines de narration.]
(FATH-UL-MUGHIITH 1/71)

Al-Mubaarakpouri (1353 H) dire :

واتفقوا على أنه ضعيف وإن كثرت طرقه
[ Bans Ulamaa fine tombe d'accord qui sa li ene Hadiith faible malgré qui li ena ene quantité chaine de narration.]
(TUHFAT-UL-AHWAZI, M.85)

Cequi important a faire ressortir c’est qui si ene Shaahid so faiblesse pas faible, nous capave base lor la pour considère ene Hadiith comme Hassan li Ghairi. Pas necessaire qui li authentique.

Sheikh Albaani dire :

لا يشترط في الشواهد الصحة وإنما السلامة من الضعف الشديد
[ Li pas ene condition qui ene Shaahid li bizin authentique. (So condition c’est) simplement qui li sain et sauf d’ene faiblesse intense.]
(AN-NASWIIHAH PG 208)








L'exemple de bans faiblesses concernant bans narrateurs qui enlevés :
Swadouqun Yahim (صدوق يهم) –
Si narrateur la li ene personne veridique, mais (parfois) li gagne doute.
Swadouqun Lahou Awhaam (صدوق له أوهام) –
Si narrateur la li ene personne veridique, mais li gagne bans doutes.
Swadouqun Yu’twi-u Kathiiran (صدوق يخطئ كثيرا) –
Si narrateur la li ene personne veridique, mais li faire beaucoup erreurs.
Swadouqun Sayyi-ul Hifz (صدوق سيئ الحفظ) –
Si narrateur la li ene personne veridique, mais so memorization faible.


L’exemple de bans faiblesses concernant bans narrateurs qui pas enlevés :
Si narrateur la connu comme ene Kazzaab (كذاب) menteur, ou Wad-dwaa’ (وضاع) fabricateur Hadiith.
Si narrateur la connu comme Matrouk (متروك) ene personne abandonnée.
Si narrateur la Mastour (مستور) so Haalat fine reste inconnu.


Le premier qui fine servi le terme "Hassan" en quantité.

Au commencement, bans Muhaddith ti pe cause concernant seulement deux categories Hadiith : Swahiih et Dwa-iif, et dans sa classement la, banla ti pe considère Hadiith Hassan comme ene Hadiith Dwa-iif (faible), mais seulement ene qualité faible qui sa pas affecté li etant ene preuve. Ensuite quand Imaam Tirmizi (279 H) fine ecrire so livre Hadiith Al-Jaami’ et la dans li fine cause concernant Hadiith Hassan, bans Muhaddith fine commence classe Hadiith en 3 categories : Swahiih, Hassan et Dwa-iif.




Ibn Taymiyyah dire :

وأول من عرف أنه قسم الحديث ثلاثة أقسام – صحيح وحسن وضعيف – هو أبو عيسى الترمذي في جامعه
[ Le premier qui connu qui li fine divise Hadiith en 3 categories – Swahiih, Hassan et Dwa-iif – c’est Abu Iisaa Tirmizi dans so livre : Al-Jaami’.]
(AT-TAWASSUL WAL WASIILAH PG 87)

Ibn Taymiyyah dire :

كان في عرف أحمد ومن قبله من العلماء أن الحديث ينقسم إلى نوعين صحيح وضعيف والضعيف عندهم ينقسم إلى ضعيف متروك لا يحتج به وإلى حسن
[ Li ti dans coutume de Imaam Ahmad et bans Ulamaa avant li, qui Hadiith divise en 2 categories : Swahiih et Dwa-iif, et Dwa-iif d'apres banla ti existé (en 2 categories) :
i) Dwa-iif qui abandonné et pas prend li comme preuve.
ii) Hassan.]
(AT-TAWASSUL WAL WASIILAH PG 87)


Imaam Tirmizi considère ene Hadiith Hassan.

Quand Imaam Tirmizi dire qui sa Hadiith la li Hassan, li faire reference a Hassan li Ghairihi, c.a.d, so chaine de narration faible, mais li acceptable a cause les autres chaines de narration.

Sheikh Albaani dire :

كل حديث يقول فيه الإمام الترمذي حديث حسن يعني إسناده ضعيف
[ Chaque Hadiith qui Imaam Tirmizi dire concernant li : “Hadiith Hassan", li mean qui so chaine de narration faible.]
(FATAAWAL-MADIINAH PG 14 NO 6)

Peut-etre a cause sa même Az-Zahabi dire :

فلا يغتر بتحسين الترمذي فعند المحاققة غالبها ضعاف
[ Qui personne pas laisse li embetté par cequi Tirmizi considère comme Hassan. D'apres bans qui verifié Hadiith, majorité sa bans Hadiith la faibles.] (MIZAAN-ULI'-TIDAAL 7/231)


Divergence et changement d'opinion.

Le fait qui Hadiith Hassan li Ghairihi c'est ene Hadiith faible qui fine renforcé, sa faire bans Ulamaa divergé en cequi concerne qui Hadiith capave vine Hassan et qui Hadiith reste faible même. Parfois ene seul Aalim capave change so l'opinion basant lor la.

Az-Zahabi dire :

لا تطمع بأن للحسن قاعدة تندرج تحتها كل الأحاديث الحسان فيها فأنا على إياس من ذلك فكم من حديث تردد فيه الحفاظ هل هو حسن أو ضعيف أو صحيح بل الحافظ الواحد يتغير اجتهاده في الحديث الواحد يوما يصفه بالصحة ويوما يصفه بالحسن وربما استضعفه وهذا حق
[ Pas garde l'espoir qui Hassan ena ene principe sous lequel tous bans Hadiith Hassan rentré. Mo fine perdi l'espoir pour gagne sa. Combien Hadiith ena, qui bans Haafiz hesité concernant li : est-ce qui li Hassan ou Dwa-iif ou Swahiih. Au contraire, ene seul Haafiz so Ijtihaad changé concernant ene seul Hadiith; ene jour li considère li Swahiih, ene jour li considère li Hassan, et parfois li capave meme considère li Dwa-iif. Sa c'est ene verité.]
(AL-MOUQIZWAH PG 28)

NOTE :
Quand nous fine bien comprend sa, nous trouve raison pour laquelle Sheikh Albaani parfois change so l'opinion lor ene Hadiith. Pas ena narien blamable la dans. Au contraire, sa montré nous l’honneteté de sa Aalim la et so soumission a la verité. Fine ena bans Bidati qui fine essaye ecrire livre lor la, comme par exemple : Al-Albani Unveiled. Mais Alhamdulillaah bans Ulamaa fine refute tous sa bans livres la. Par exemple, refere a :
An Answer to the Mischievious Writings of Hasan Ali al-Saqqaf
against Shaykh M. Nasir-ud-Din al-Albani

CHAPITRE 10
HADIITH FAIBLE

Qui veut dire ene Hadiith faible?

Ene Hadiith faible c’est ene Hadiith qui pas fine satisfaire les conditions necessaires pour qui li vine dans categorie acceptable.

Ibn Hajar dire comme definition de Hadiith faible :

كل حديث لم تجتمع فيه صفات القبول
[ Tous Hadiith qui pas fine rassemblé les conditions necessaires pour qui li vine dans categorie acceptable.]
(AN-NUKAT 1/491)


Bans raisons pour lesquelles ene Hadiith vine faible.

En generale, nous capave dire qui ena 5 raisons pour lesquels ene Hadiith etre consideré comme ene Hadiith faible. Voici les 5 raisons :
Ena rupture dans so chaine de narration
So narrateur pas Adl
So narrateur pas Dwaabit
Hadiith la li Shaaz
Hadiith la li Mu'allal.

Þ Explication :-
Si ena rupture dans ene chaine de narration, dans so commencement ou so au milieu ou so finition, Hadiith la vine faible. Par exemple, si ene Tabei pe rapporte ene Hadiith d’ene Swahaabi et qui sa Swahaabi la ti fini mort avant naissance de sa Tabei la, so Hadiith vine faible.

Si ene narrateur li pas Adl, sa veut dire qui li pas digne de confiance pour qui nous accepté so Hadiith pour les raisons suivantes :
Soit li ene fabricateur Hadiith,
Soit li ene menteur,
Soit li fine etre accusé pour mensonge,
Soit li inconnu,
Soit li ene Bidati.
Si ene narrateur li pas Dwaabit, li aussi li pas digne de confiance pour qui nous accepté sa Hadiith.


L’exemple de certaines chaines de narration qui plus faible.

Parmi bans chaines de narrations qui plus faible (أوهى الأسانيد), nous gagne :
Swadaqat-ud-Daqiiqii Farqad As-Sabkhii Murat-ut-Twayyib Abu Bakr.
Amr Ibn Shamr Jaabir Al-Ju’fii Al-Haariith Al-A’war Ali Ibn Abi Twaalib.
Muhammad Ibn Marwaan As-Suddi Al-Kalbi Abus-Swaalih Ibn Abbaas.
Shariik Abu Fazaarah Abu Zayd Ibn Mas-oud.


Paroles de bans Ulamaa concernant pas gagne droit servi Hadiith faible.

Imaam Shaafi-i dire :

كان ابن سيرين وإبراهيم النخعي وغير واحد من التابعين يذهبون إلى أن لا يقبلوا الحديث إلا عمن عرف وحفظ وما رأيت أحدا من أهل العلم بالحديث يخالف هذا المذهب
[ Ibn Siiriin, Ibrahiim An-Nakhai et plusieurs bans Tabi-iin ti lor Mazhab pas accepté Hadiith excepté depuis celui qui fine conné et fine memorisé, et mo pas fine trouve personne parmi bans savants Hadiith qui fine contredire sa Mazhab la.]
(AL-UMM 6/91, AL-KIFAAYAH 1/132)

Qaadwi Iyaad dire :
لا تشتغلوا من الحديث إلا بالصحيح
[ Pas engage-zotte excepté avec Hadiith qui authentique.]
(SHARH-UL-AZKAAR LIBNI ALLAAN)


Jalaal-ud-Deen Ar-Rawaani dire :

اتفقوا على أن الحديث الضعيف لا يثبت به الأحكام الخمسة الشرعية ومنها الاستحباب
[ Bans Ulamaa fine tombe d’accord qui aucun parmi les 5 la lois islamiques (Waajib, Mandoub, Haraam, Makrouh, Mubaah) pas deboute basant lor Hadiith faible, y-compris Al-Istihbaab)
(AL-AJWIBAT-UL-FAADWILAH PG 55)

Ibn Taymiyyah dire :

لا يجوز أن تعتمد في الشريعة على الأحاديث الضعيفة التي ليست صحيحة ولا حسنة …… ولم يقل أحد من الأئمة أنه يجوز أن يجعل الشيء واجبا أو مستحبا بحديث ضعيف ومن قال هذا فقد خالف الإجماع
[ Dans Shari’ah, li pas permissible base (ene action) lor bans Hadiith faibles qui pas Swahiih et nonplus Hassan. Personne parmi bans Imaam pas fine dire qui li permissible pour faire ene quitechose vine Waajib oubien Mustahab basant lor ene Hadiith faible. Celui qui dire sa, certainement li pour contredire Ijmaa’.]
(MAJMOO-UL-FATAAWAA 1/250-251)

Ash-Shawkaani dire :

وقد سوغ بعض أهل العلم العمل بالضعيف في ذلك مطلقا وبعضهم منع من العمل بما لم تقم به الحجة مطلقا وهو الحق
[ Certains bans savants fine rendre li licite pour faire Amal lor Hadiith faible en generale, et certains fine empeche faire Amal d’une maniere absolue, lor cequi pas fine ena preuve pour sa, et c’est sa qui vrai.]
(WABLUL-GHAMAAM 1/53)

Sheikh Uthaymiin dire :

والضعيف لا يحتج به في إثبات الأحكام
[ Hadiith faible pas servi comme preuve pour etablir bans la lois.]
(ASH-SHARH-UL-MUMTI’ 1/264)

Sheikh Albaani dire :

فلا أحد والحمد لله يذهب إلى جواز الاحتجاج بالحديث الضعيف في الأحكام الشرعية بل أجمعوا على أنه يجب أن يكون من قسم المقبول
[ Alhamdulillaah, pas ena ene seule personne (parmi bans Ulamaa) qui fine ena l’opinion gagne droit servi Hadiith faible comme preuve dans bans la lois islamiques. Au contraire, fine ena Ijmaa’ parmi banla qui li bizin dans categorie acceptable.]
(GHAAYAT-UL-MARAAM PG 9)

Basant lor la, nous trouve erreur du Hanafi Ibnul Hummaam, cote li dire :
الاستحباب يثبت بالضعيف غير الموضوع
[ Istihbaab li confirmé par Hadiith faible et nonplus par Hadiith fabriqué.]


Raisons pour lesquelles pas gagne droit servi Hadiith faible.

Apres qui bans Ulamaa fine classifié bans Hadiith en 2 categories : authentiques et faibles, banla fine prouvé qui nous pas endroit servi ene Hadiith faible comme preuve pour n’importe qui aspect de sa Deen la, basant lor les preuves suivantes :-

· Hadiith authentique suffit pour nous.
Le fait qui bans Hadiith authentiques c’est cequi le prophète fine quitté pour so Ummat, et pas ena doute qui li fine quitte cequi suffisant pour nous, sa prouve nous qui nous pas en besoin de bans Hadiith faibles.

Ibn Hibbaan dire :

فيما صح من الأخبار بحمد الله ومنه يغني عنا عن الاحتجاج في الدين بما لا يصح منها
[ Par louange d’Allaah et So faveur, dans bans Hadiith authentiques ena cequi suffit pour nous, (dans le sens qui) nous pas ena pour alle servi comme preuve dans Deen, bans Hadiith qui pas authentiques.]
Est-ce qui le prophète pas fine prononce suffisamment bans paroles pour motive nous et pour encourage nous faire bans bons actions?

· Hadiith faible c’est simplement ene supposition faible.
Hadiith faible c’est simplement ene supposition qui nous pas ena aucun certitude la dans. Le fait qui Allaah et So Rassoul fine empeche nous suivre la supposition faible, sa prouve nous qui nous pas endroit suivre bans Hadiith faibles.

Allaah dire concernant bans Mushrik : (53:28)

إِنْ يَتَّبِعُونَ إِلَّا الظَّنَّ وَإِنَّ الظَّنَّ لَا يُغْنِي مِنْ الْحَقِّ شَيْئًا
[ Banla pas suivre excepté la supposition, et certainement la supposition li pas utile dutout (pour remplace) la verité.]

Allaah dire : (10:36)

وَمَا يَتَّبِعُ أَكْثَرُهُمْ إِلَّا ظَنًّا إِنَّ الظَّنَّ لَا يُغْنِي مِنْ الْحَقِّ شَيْئًا إِنَّ اللَّهَ عَلِيمٌ بِمَا يَفْعَلُونَ
[ La majorité parmi banla pas pe suivre excepté supposition. Certainement la supposition pas utile du tout (pour remplace) la verité.]

Le prophète dire :
إِيَّاكُمْ وَالظَّنَّ فَإِنَّ الظَّنَّ أَكْذَبُ الْحَدِيثِ
[ Faire zotte attention contre la supposition, car certainement la supposition c’est parole plus menti.]
(BUKHAARI 4747)


L’opinion gagne droit servi Hadiith faible dans Fazaa-il-é-A’maal.

Ena ene conception qui dire qui li permissible cite Hadiith faible en cequi concerne Fazail-e-A’maal. C’est conception de certaines Ulamaa tel comme An-Nawawi, As-Suyoutwi, Al-Haytami et les autres.

Certaines personnes quand cause concernant permisibilité servi Hadiith faible dans Fazail-é-A’maal, zotte faire croire commesi c’est ene quitechose qui bans Ulamaa fine dire sans mette aucun condition. Mais la verité c’est qui bizin prend compte 3 conditions principales, qui finalement resultat c’est qui presence ou absence de sa Hadiith faible la pas fine change narien. As-Sakhaawi fine faire mention de sa 3 conditions la, et li fine dire qui c’est Haafiz Ibn Hajar qui fine ecrire sa et fine donne li sa.

Voici les 3 conditions :
So faiblesse bizin ene faiblesse (leger) qui pas intense.
L’action la bizin deja ena so preuve basant lor ene preuve generale.
Bizin pas ena la conception qui c’est le prophète qui fine dire sa parole la.
(AL-QAWL-UL-BADII’ PG 115 – EN BREF)

Donc, bans Ulamaa qui fine dire gagne droit servi Hadiith faible dans Fazail-é-A’maal, zotte servi li apres satisfaire sa trois conditions la :
Faire difference entre cequi faible et alors accepté li, et cequi bien faible et alors pas accepté li.
Faudrait qui Hadiith la contenir seulement Thawaab, et nonplus qui li contenir ene nouveau action qui pas ena so source dans Hadiith authentique.
Faire bans dimounes conné qui li pas authentique, afin qui banla pas attribué au prophète, bans paroles qui jamais li fine prononcé.

Mullaa Ali Qaari dire :

الضعيف يعمل به في فضائل الأعمال المعروفة في الكتاب والسنة لكن لا يستدل به على إثبات الخصلة المستحبة
[ Nous faire Amal lor Hadiith faible concernant vertus de bans actions qui (deja) connus dans Qur-aan et Hadiith. Mais nous pas servi li comme preuve pour affirme ene quitechose Mustahab.]
(SHARH-USH-SHAMAAIL 2/169)


L’opinion pas gagne droit servi Hadiith faible dans Fazaa-il-é-A’maal.

Ena ene l’autre conception qui dire qui nous pas endroit servi Hadiith faible dans n’importe qui l’aspect de sa Deen la, y-compris Fazaa-il-A’maal. Sa c’est l’opinion de bans Ulamaa dans le passé tel comme Imaam Ibnu Ma'iin, Bukhaari, Muslim, Abu Bakr Ibnul Arabi.
(QAWAAID-UT-TAHDEETH PG 113)

Ibnul Malaqqin (804 H) dire :

وقد نقل عن ابن العربي المالكي أن الحديث الضعيف لا يعمل به مطلقا
[ Li rapporté qui d’apres le Maliki Ibnul Arabi qui Hadiith faible, pas faire Amal lor la dutout.]
(AL-MUQNI’ 1/104)

As-Sakhaawi dire :

ومنع ابن العربي المالكي العمل بالضعيف مطلقا
[ Ibnul Arabi Al-Maaliki fine empeche faire Amal lor Hadiith faible en generale (sans faire difference entre la loi et Fazaail).]
(FATH-UL-MUGHIITH)

Haafiz Ibn Rajab dire :

وظاهر ما ذكره مسلم في مقدمة كتابه يقضي أنه لا تروى أحاديث الترغيب والترهيب إلا عمن تروى عنه الأحكام
[ Cequi parraitre claire de cequi Imaam Muslim fine faire mention dans l’introduction de so livre c’est qui pas gagne droit rapporte Hadiith At-Targhiib Wat-Tarhiib (bans Hadiith qui encourage nous ou decourage nous pour faire certaine action) excepté avec bans qui nous rapporte zotte Hadiith dans la loi.]
(SHARH-ILAL-IT-TIRMIZI 1/74)

En verité, pas ena ene point considerable lor lequel nous capave faire difference entre la loi et Fazail. Parole du prophète, li reste parole du prophète, meme si c’est concernant Aqeedah oubien Fiqh oubien Tafsiir oubien Fazaail….etc.

C’est sa meme qui le prophète dire :

إِنَّ كَذِبًا عَلَيَّ لَيْسَ كَكَذِبٍ عَلَى أَحَدٍ
[ Certainement ene mensonge lor moi li pas pareille couma ene mensonge lor n’importe qui sanla.]
(BUKHAARI 1209)

Hafiz Ibn Hajar dire :

ولا فرق في العمل بالحديث في الأحكام أو في الفضائل إذ الكل شرع
[ Pas ena difference en cequi concerne faire Amal lor ene Hadiith, entre la loi et Fazail, parcequi tous sa la c’est Sharii’ah meme.]
(TABYIIN-UL-UJBI BIMAA WARADA FII FADLI RAJAB PG 26)

Apres tous, dans l’epoque de bans Salaf, quand banla ti pe dire qui ene Hadiith li faible, zotte ti pe plutot faire reference a Hadiith Hassan (qui so degré de l’authenticité pas fort).

Ibn Taymiyyah dire :

ليس المراد به الضعيف المتروك لكن المراد به الحسن
[ Hadiith faible (ici) pas pe faire reference a Hadiith qui bizin abandonné, mais pe faire reference a Hadiith Hassan.]
(MINHAAJ-US-SUNNAH 4/341)

Ibnul Qayyim dire :

وليس المراد بالحديث الضعيف في اصطلاح السلف هو الضعيف في اصطلاح المتأخرين بل ما يسميه المتأخرون حسنا
[ Hadiith faible dans terminologie de bans Salaf c’est pas Hadiith faible dans terminologie de bans generation après. Mais banla pe faire reference a cequi bans generations après considère comme Hassan.]
(I’LAAM-UL-MUWAQQI-IIN 1/61)


Certains livres qui fine cause concernant l’authenticité de bans Hadiith.

نصب الراية لأحاديث الهداية
Nasb-ur-Raayah Li Ahaadiith-il-Hidaayah,
par Az-Zaylaii (762 H)

المغني عن حمل الأسفار
Al-Mughni An Hamlil Asfaar,
par Al-Iraaqi

التلخيص الحبير
At-Talkhiss-ul-Habiir,
par Ibn Hajar

المقاصد الحسنة
Al-Maqaaswid-ul-Hassanah,
par As-Sakhaawi

إرواء الغليل
Irwaa-ul-Ghaliil,
par Sheikh Albaani.


Swiyagh-ut-Tamriid

Ene parmi bans façons qui bans Ulamaa faire nous conner qui Hadiith qui zotte pe cité c’est ene Hadiith qui pas authentique c’est qui zotte servi Swiyagh-ut-Tamriid (صيغ التمريض).

Par exemple, zotte dire :
“قيل – It is said” aulieu de “قال – He said”
“رُوي – It is reported” aulieu de “ رَوى– He reported”
“يُذكر – It is mentioned” aulieu de “ يَذكر – He mentioned”

An-Nawawi dire :

قالوا فصيغ الجزم موضوعة للصحيح أو الحسن وصيغ التمريض لما سواها
[ Banla (bans Ulamaa) fine dire qui Swiighat-ul-Jazm servi pour Hadiith Swahih ou Hassan et Swiighat-ut-Tamriid servi pour cequi pas Swahiih et pas Hassan.]
(AL-MAJMOU’ 1/63)

Le contraire de Swiyagh-ut-Tamriid c’est Swiyagh-ul-Jazm (صيغ الجزم)





Erreur rejete faiblesse d'ene Hadiith basant lor supposition.

Certaine personne, quand nous prouve li qui Hadiith qui so Imaam fine servi li pas authentique, li avance comme argument : "Possible mo Imaam fine gagne sa Hadiith la a tavers ene l'autre chaine de narration qui authentique!"

Pas ena doute qui sa argument la li pas deboute.

Al-Mubaarakpouri (1353 H) dire :

وبالاحتمال لا يثبت صحة هذه الأحاديث الضعيفة التي ثبت ضعفها عند المتأخرين من حفاظ الحديث الماهرين بفنون الحديث
[ Bans Hadiith faible qui zotte faiblesse fine confirmée chez bans (Ulamaa) qui fine vine après parmi, bans Haafiz Hadiith et bans experts de so bans sciences, sa bans Hadiith la pas capave vine authentique basant lor supposition.] TUHFAT-UL-AHWAZI 1/379)


Est-ce qui tous Hadiith qui mentionnés dans livres Fiqh zotte authentique?

Erreur qui certains bans savants fine faire quand zotte fine etudié et enseigne Fiqh c’est qui zotte pas fine prend compte l’authenticité de bans Hadiith. Zotte fine prend bans Hadiith pour l’argent comptant sans retourne vers bans savants qui versé dans sa domaine la. Basant lor la, nous gagne pas mal de Hadiith qui faible dans bans livres Fiqh. C’est a cause sa même qui fine ena bans livres tel comme Nasb-ur-Raayah par Az-Zayla-i et At-Talkhiis-ul-Habiir par Ibn Hajar, qui fine ecrire pour cause concernant l’authenticité bans Hadiith qui trouve dans bans livres pareille.

Le Hanafi Ali Qaari dire :

لا عبرة بنقل "النهاية" ولا بقية شراح "الهداية" فإنهم ليسوا من المحدثين
[ Pas ena pour donne aucun consideration au fait qui (Hadiith la) rapporté dans (livre) "An-Nihaayah", ou qui les restes bans qui fine explique (livre) "Al-Hidaayah", parcequi sa banla zotte pas bans savants du Hadiith.] (AL-ASRAAR-UL-MARFOU'AH)

CHAPITRE 11
LES DIFFERENTS TYPES DE HADIITH DWA-IIF.

En verité, ena plusieurs types de Hadiith Dwa-iif, qui retourne a bans raisons differents. Inshaa-Allaah, dans sa ti-explication la, nous pour essaye guette ene tipeu en bref certaines types de Hadiith Dwa-iif.

Mu-allaq (معلق)

ما حذف من مبتدأ إسناده واحد فأكثر ولو إلى آخر الإسناد

Ene Hadiith Mu-allaq (suspendue) c’est ene recit qui le compilateur attribué li au prophète sans faire mention de so Sheikh qui fine rapporte li sa, oubien les autres bans narrateurs encore, oubien meme sans faire mention de so Isnaad au complet.

Par exemple :
Si dans ene livre Hadiith nous trouve qui le compilateur pe dire : “Le prophète fine dire…” Oubien : “Abu Hurayrah dire qui le prophète fine dire…”, nous considère sa recit la Mu-allaq – C.a.d. le compilateur pas fine faire mention de so Sheikh et les autres bans narrateurs qui fine rapporte li sa recit la.

Ene Hadiith Mu-allaq c’est ene Hadiith faible, excepté qui li capave vine dans categorie acceptable par bans les autres raisons.


Mursal (مرسل)

Ene Hadiith Mursal c’est ene recit qui le compilateur fine arrete so chaine de narration avec le Taabei, et sa Taabei la attribué li au prophète directement.

Par exemple :
Si dans ene livre Hadiith nous trouve qui apres cite la chaine de narration, le compilateur pe dire : “Le Tabei Zuhri dire qui le prophète fine dire…..”, nous considère sa recit la comme ene recit Mursal.

Ene recit Mursal c’est ene recit faible, excepté qui li capave vine dans categorie acceptable par bans les autres raisons.

Imaam Muslim dire :

والمرسل من الروايات في أصل قولنا وقول أهل العلم بالأخبار ليس بحجة
[ Riwaayat Mursal, d’apres nous l’opinion de base et l’opinion de bans Ulamaa Hadiith-Athar, c’est qui li pas ene preuve.]
(MUSLIM 1/30)

Haafiz Ibnus-Swalaah (643 H) dire :

وما ذكرناه من سقوط الاحتجاج بالمرسل والحكم بضعفه هو المذهب الذي استقر عليه آراء جماهير حفاظ الحديث ونقاد الأثر وقد تداولوه في تصانيفهم
[ Cequi nous fine faire mention en cequi concerne pas prend Mursal comme preuve et considère li dans categorie faible, sa c’est Mazhab qui fine etablit d’apres l’opinion la grande majorité de bans Haafiz-Hadiith et bans qui faire critique lor bans Athar. Banla fine ecrire sa dans zotte bans livres.]
(ULOUM-UL-HADIITH PG 49)

Haafiz Ibn Hajar dire concernant Mursal :

وإنما ذكر في قسم المردود للجهل بحال المحذوف
[(Mursal) fine etre mentionné dans categorie inacceptable parcequi condition du narrateur qui fine etre eliminé, li inconnu.]
(NUZHAT-UN-NAZWAR)

Ene Hadiith Mursal li pas rejeté dans tous circonstances. Si li connu qui tel narrateur li pas faire Irsaal excepté de bans narrateurs digne de confiance, dans sa circonstance la, so Irsaal li accepté. Refère à explication de Ibn Taymiyyah dans so livre Minhaaj-us-Sunnah 7/435.






Mu’dwal (معضل)

Ene Hadiith Mu’dwal c’est ene recit qui dans so chaine de narration, pas fine faire mention de deux narrateurs ou plus qui sa, a la suivre.

Par exemple :
Si le compilateur dire : “Le Taabi-ut-Tabeiin dire qui le prophète fine dire…..”, nous considère sa recit la comme ene recit Mu’dwal parcequi li pas fine faire mention de deux narrateurs a la suivre : le Tabei et le Swahaabi.


Munqatwi’ (منقطع)

Ene Hadiith Munqatwi’ (interrompue) c’est ene recit qui dans so chaine de narration, pas fine faire mention d’ene narrateur ou plus qui ene, a condition qui zotte pas a suivre.

Par exemple :
Si dans ene chaine de narration, nous trouve qui ene narrateur pe attribué ene Hadiith a ene l’autre narrateur, et qui li connu d’apres l’histoire qui jamais sa deux personnes la fine joindre, nous dire qui sa Hadiith la li Munqatwi’, parcequi ena rupture dans so chaine de narration.


Munkar (منكر)


ما خالف فيه الراوي الضعيف الرواة الثقات

Ene Hadiith Munkar (desavoué) c’est ene recit qui rapporté par ene narrateur faible, et qui li en contradiction avec cequi bans narrateurs dignes de confiance fine rapporté.

Par exemple :
Si ene narrateur qui so memorisation faible li contredire ene narrateur “Thiqah”, nous dire qui recit de celui qui so memorisation faible, li ene recit Munkar.
Shaaz (شاذ)


ما رواه المقبول مخالفا لمن هو أولى منه

Ene Hadiith Shaaz (irregulière) c’est ene recit qui rapporté par ene narrateur digne de confiance, et qui li en contradiction avec cequi celui qui plus fort qui li fine rapporté, oubien qui li en contradiction avec cequi la majorité fine rapporté.

Par exemple :
Si ene narrateur li “Thiqah”, mais li contredire ene l’autre narrateur qui “Awthaq-un-Naas”, nous dire qui recit du narrateur “Thiqah” li Shaaz. De la même façon, si ene narrateur “Thiqah” li contredire plusieurs narrateurs “Thiqah”, nous dire qui so recit li Shaaz.


Mudallas (مدلس)

Ene Hadiith Mudallas c’est ene recit qui rapporté par ene narrateur dans ene façon qui li cachiette ene certaine defaut qui ena dans so chaine de narration.

Certaines formes de Tadliis :-

Tadliis-ul-Isnaad
Ene narrateur pas fine entendre ene certaine Hadiith specifique avec so Sheikh, si li rapporte sa Hadiith la en attribuant li a so Sheikh, par servi les termes suivants (عن / قال) aulieu de ( حدثنا ), nous dire qui c’est ene Hadiith Mudallas. Quand ene Mudallis li faire An-anah (li rapporte ene recit en disant : عن – d’après untel), sa Hadiith la li etre consideré comme ene Hadiith faible. Si li attribué li a so Sheikh dans ene façon qui li clair pour comprend qui vraiment li fine ecoute sa Hadiith la avec sa Sheikh la, Hadiith la li vine authentique. C’est sa qui bans Ulamaa dire : (التصريح بالتحديث)

Tadliis-ut-Taswiyah
Le narrateur pas faire mention d’ene narrateur faible qui trouve entre deux narrateurs dignes de confiance et qui sa deux narrateurs la, chacun fine joindre so camarade. Parmi bans qui connus pour Tadliis-ut-Taswiyyah c'est le narrateur Baqiyyah ibnul Waliid.

Tadliis-ush-Shuyoukh
Le narrateur faire mention de so Sheikh par so Kunyah oubien par ene qualité dans li, qui li pas connu par sa, afin qui li pas connu .

Tadliis-ul-Bilaaad
Le narrateur dire qui untel fine dire li sa Hadiith la a Andalus, et qui so l’intention c’est pas le pays Andalus, mais so l’intention c’est ene quartier dans Caire.


Certaines livres qui fine ecrire lor Tadliss :-

تعريف أهل التقديس بمراتب الموصوفين بالتدليس
Ta’riifu Ahlit-Taqdiis Bi Maraatib-il-Mawsoufiina bit-Tadliss
Par Ibn Hajar

التبيين لأسماء المدلسين
At-Tabyiin li-asmaa-il-Mudallisiin
Par Burhaan-ud-Diin Al-Halabi


Matrouk (متروك)

Ene Hadiith Matrouk c’est ene Hadiith abandonné parcequi dans so chaine de narration ena ene narrateur qui bans Ulamaa fine accuse li comme ene menteur. Par exemple, ene narrateur qui connu qui li habitué cause menti, mais pas fine gagne preuve qui li cause menti lor le prophète.


Mu-al (معل)

Ene Hadiith Mu-al c’est ene Hadiith qui paraitre authentique, mais avec recherche alle conner qui li contenir ene illah khafiyyah Qaadihah – ene maladie cachiette qui pour affecté so l’authenticité.

En verité, c’est seulement bans grands Muhaddith qui reussi decouvert est-ce qui ene Hadiith li Mu-al oubien non. A cause sa meme qui nous trouve qui meme parmi bans Salaf, bien peu Muhaddith fine cause lor la.

Bans Muhaddith qui fine cause concernant Hadiith Mu-al :
Ali Ibnul Madiinii (234 H)
Ahmad Ibn Hambal (241 H)
Muhamad Ibn Ismaa-iil Al-Bukhaari (256 H)
Ya’qoub Ibn Shaybah
Abu Zur-ah (264 H)
Abu Haatim (277 H)
Ali Ibn Umar Ad-Daarqutni (385 H)

Pour conner est-ce qui ene Hadiith li contenir ene Illah oubien non, bizin joindre tous so bans chaines de narration ensemble.

Ali Ibnul Madiini dire :

الباب إذا لم تجمع طرقه لم يتبين خطؤه
[ Ene chapitre, si pas joindre (tous) so bans chaines de narration, pas pour conne so erreur.]
(AL-JAAMIU LI AKHLAAQ-IR-RAAWII 2/212/1641)

Al Khatwiib-ul-Baghdaadi dire :

والسبيل إلى معرفة علة الحديث أن تجمع طرقه
[ Moyen pour conne Illah d’ene Hadiith c’est joindre so bans chaines de narration.]
(AL-JAAMI’ 2/295)



Certaines livres :
Kitaab-ul-Ilal,
par Ali Ibnul Madiinii
Kitaab-ul-Ilal,
par Abdur-Rahmaan Ibn Abi Haatim
Kitaab-ul-Ilal,
par Al-Khallaal
Al-Ilal-ul-Waaridatu fil Ahaadiith-in-Nabawiyyah,
par Ad-Daarqutni
Al-Ilal-ul-Kabiir,
par Ad-Daarqutni


Mudraj (مدرج)

Ene Hadiith Mudraj c’est ene Hadiith qui fine ena quitechose qui fine ajouter la dans, soit dans so chaine de narration, oubien dans texte la même. Si li dans so chaine de narration, nous appelle li (مدرج الإسناد) Mudraj-ul-isnaad. Si li dans so texte nous appelle li (مدرج المتن) Mudraj-ul-Matn.

L’exemple de Mudraj-ul-isnaad :-
Après qui le narrateur fine cite so chaine de narration, pour ene certaine raison li alle prononce ene l’autre parole aulieu Hadiith du prophète, et les autres alle croire qui sa parole la c’est sa meme Hadiith du prophète.

L’exemple de Mudraj-ul-Matn :-
Rapporté par Abu Hurayrah :

إِنِّي سَمِعْتُ النَّبِيَّ صَلَّى اللَّهُ عَلَيْهِ وَسَلَّمَ يَقُولُ إِنَّ أُمَّتِي يُدْعَوْنَ يَوْمَ الْقِيَامَةِ غُرًّا مُحَجَّلِينَ مِنْ آثَارِ الْوُضُوءِ فَمَنِ اسْتَطَاعَ مِنْكُمْ أَنْ يُطِيلَ غُرَّتَهُ فَلْيَفْعَلْ
[ Mo fine entendre le prophète dire :
“Jour Qiyaamah, mo Ummat pour etre appellés et pour ena Nour lor zotte figures et lor zotte la mains/lipieds, par traces Wudu…. Celui qui capave allonge so Nour, qui li faire li.”]
(BUKHAARI 133)
Après bans recherches, bans Ulamaa fine decouvert qui la deuxième partie de sa Hadiith là, c.a.d (Celui qui capave allonge so Nour, qui li faire li.) c’est pas parole du prophète, mais c’est parole de Abu Hurayrah qui ene certaine narrateur fine ajoute li ensemble avec parole du prophète.
Refère à Silsilah Dwa-iifah No 1030

Sa c’est l’exemple de Idraaj dans finition du Matn, et en verité Idraaj li aussi possible dans commencement ou au milieu du Matn.


Maqloub (مقلوب)

Ene Hadiith Maqloub c’est ene recit dans lequel le narrateur faire mention d’ene quitechose en premier aulieu qui li cite li après. Li possible qui narrateur la faire sa dans chaine de narration et li aussi possible qui li faire sa dans le texte.

L’exemple dans chaine de narration :-
Aulieu qui le narrateur dire : “Murrah Ibn Ka’b”, li dire : “Ka’b Ibn Murrah.”

L’exemple dans le texte :-
Aulieu qui le narrateur dire :
“Ene personne faire ene Swadaaqah et li cachiette li jusqua qui so la main gauche pas conné qui so la main droite fine depensé”,
li dire :
“Ene personne faire ene Swadaaqah et li cachiette li jusqua qui so la main droite pas conné qui so la main gauche fine depensé.”


Mudtwarib (مضطرب)

Ene Hadiith Mudtwarib c’est ene recit qui fine rapporté dans differents façons qui chacun contredire so camarade, et qui pas fine reussi faire (الترجيح) Tarjiih (choisir ene comme vraie) a cause qui zotte egales en cequi concerne zotte authenticité, et pas fine reussi faire (الجمع) Jam’ (donne ene explication pour enleve so contradiction la.)
L’exemple d'ene livre :-

المقترب في بيان المضطرب
Al-Muqtarib fii bayaan-il-Mudtwarib
par Ibn Hajar

CHAPITRE 12
HADIITH FABRIQUÉ.

Qui veut dire ene Hadiith fabriqué?

Ene Hadiith fabriqué (Mawdou’ – موضوع) c’est ene recit fausse qui dimoune attribué li au prophète.


Hadiith fabriqué pas ti existe dans l'epoque de bans Swahaabah.

Ali dire :

إِذَا حَدَّثْتُكُمْ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ فَلَأَنْ أَخِرَّ مِنَ السَّمَاءِ أَحَبُّ إِلَيَّ مِنْ أَنْ أَكْذِبَ عَلَيْهِ
[ Quand mo cite ene Hadiith a zotte attribuant li au messager d’Allaah, si mo tombe depuis le ciel, sa plus cher a moi qui mo cause menti lor li.]
(BUKHAARI 3342)


Est-ce qui Hadiith fabriqué fine existé après l'epoque de bans Swahaabah?

Ena dimoune capave pensé qui Hadiith fabriqué c’est ene quitchose qui pas existe, parcequi d’apres li, li trouve sa impossible qui quicaine cause menti lor le prophète. Mais quand nous retourne a Hadiith du prophète, nous trouvé qui le prophète même fine mettre nous en garde contre mensonge a son egard.

Le prophète dire :

وَمَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ
[ Celui qui cause menti lor moi intentionellement, qui li prend so place assizé dans du feu (l’enfer).]
(BUKHAARI 107)



Le prophète dire :
إِذَا حَدَّثْتُكُمْ حَدِيثًا فَلَا تَزِيدُنَّ عَلَيْهِ
[ Quand mo pe cite zotte ene Hadiith, qui zotte pas ajoute narien lor mo parole.]
(AHMAD 19267)

Quand le prophète pe empeche nous cause menti lor li, sa l’empechement la dans li-même li ene prediction de so part qui pour ena sa bans qualités dimounes la qui pour attribué mensonge au prophète. Dans les autres Hadiith, le prophète fine predire sa plus clairement.

Le prophète dire :

سَيَكُونُ فِي آخِرِ أُمَّتِي أُنَاسٌ يُحَدِّثُونَكُمْ مَا لَمْ تَسْمَعُوا أَنْتُمْ وَلَا آبَاؤُكُمْ فَإِيَّاكُمْ وَإِيَّاهُمْ
[ Dans dernier l’epoque de mo Ummat pour ena bans dimounes qui pour cite zotte bans Hadiith qui ni zotte et ni zotte ancetres fine tendé. Alors, faire zotte attention contre banla.]
(MUSLIM 7)

Le prophète dire :

يَكُونُ فِي آخِرِ الزَّمَانِ دَجَّالُونَ كَذَّابُونَ يَأْتُونَكُمْ مِنَ الْأَحَادِيثِ بِمَا لَمْ تَسْمَعُوا أَنْتُمْ وَلَا آبَاؤُكُمْ فَإِيَّاكُمْ وَإِيَّاهُمْ لَا يُضِلُّونَكُمْ وَلَا يَفْتِنُونَكُمْ
[ Dans dernier l’epoque pour ena bans imposteurs menteurs. Banla pour cite zotte bans Hadiith qui ni zotte et ni zotte ancetres fine tendé. Alors, faire zotte attention contre banla. Qui banla pas egare zotte et qui banla pas vine ene Fitnah pour zotte.]
(MUSLIM 8)

Apres tout, fine ena dimounes qui fine avoué qui zotte fine faire sa travail la.





Abu Dawoud dire concernant Ziyaad Ibn Maymoun Al-Faakihi :

أتيته فقال أستغفر الله وضعت هذه الأحاديث
[ Mo fine alle cote li, et li fine dire : “Mo cherche pardon Allaah (pour) sa bans Hadiith qui mo fine fabriqué la.”]
(MIIZAAN-ULI'-TIDAAL 3/140/3552)


Qui bans qualités dimounes qui fine cause menti lor le prophète?

Fine ena plusieurs facteurs qui fine pousse bans dimounes pour cause menti lor le prophète :

Facteur 1 :-
Ena fine declare-zotte musulmans et fine commence attribuer mensonge lor le prophète, avec l’intention pour combattre l’Islaam. Appelle banla “Az-Zanaadiqah”.

Eg :
Hammaad ibn Zayd dire :

وضعت الزنادقة على رسول الله صلى الله عليه وسلم اثني عشر ألف حديث
[ Bans Zanaadiqah (bans athées) fine fabrique 12,000 Hadiith.]
(DUAFAA-UL-UQAYLI 1/14)

Apres l’année 160 H, Muhammad Ibn Sulaymaan – Amiir de Basrah – ti faire touye Abdul Kariim Bin Abil Awjaa’. Quand ti pe coupe so li coup, li fine dire :

لقد وضعت فيكم أربعة آلاف حديث أحرم فيها الحلال وأحلل الحرام
“Mo fine fabrique 4000 Hadiith, mo fine faire Halaal vine Haraam et Haraam vine Halaal.”
(MIIZAAN-ULI'-TIDAAL 4/386)

Facteur 2 :-
Ena so l’appartenance a kit secte, (tel comme Shii'ah, Jahmiyyah, Mu’tazilah) fine pousse li pour cause menti lor le prophète, avec l’intention pour defendre Aqeedah de sa secte la.

Eg :
Abdullaah Ibn Yaziid Al-Muqri’ dire :

أن رجلا من أهل البدع رجع عن بدعته فجعل يقول انظروا هذا الحديث عمن تأخذونه فإنا كنا إذا رأينا رأيا جعلنا له حديثا
[ Ene personne parmi bans Bidati ti faire Tawbah de so Bid-ah et li fine dire :
“Guette (bien) avec qui sanla qui zotte prend Hadiith. Quand nous ti pe adopté ene l’opinion, nous ti pe invente ene Hadiith pour supporte li.”]
(TADRIIB-UR-RAAWI 1/285)

As-Suyoutwi dire :

ومن القرائن كون الراوي رافضيا والحديث في فضائل أهل البيت
[ Parmi bans indices (qui montré nous qui ene Hadiith li fabriqué) c’est qui le narrateur li ene Raafidwi (Shii-ah) et Hadiith la concernant virtues de Ahlul-Bayt.]
(TADRIIB-UR-RAAWI 1/276)

Facteur 3 :-
Ena so l’appartenance a kit Mazhab (Hanafi ou Shafi-i) fine pousse li, avec l’intention pour montrer vertu de so Imaam oubien pour defendre l’opinion de sa Imaam la.

Eg :
soi-disant le prophète fine dire :

يكون في أمتي رجل يقال له محمد بن إدريس أضر على أمتي من إبليس ويكون في أمتي رجل يقال له أبو حنيفة هو سراج أمتي
[ Pour ena ene dimoune dans mo Ummat qui pour appelle Muhammad Ibn Idriis (As-Shaafi’i). Li pour plus nuisible pour mo Ummat qui Ibliis. Et pour ena ene dimoune dans mo Ummat qui pour appelle Abu Haniifah, li pour la lampe de mo Ummat.]
(MUSTAKHRAJ ABI NUAYM 1/83/248)



Facteur 4 :-
Ena so l’amour pour Dunyaa fine pousse li pour cause menti lor le prophète, afin qui a travers sa li gagne bans recompenses mondaines.

Eg :
Shu’bah dire :
رأيته ولو أعطي درهما وضع خمسين حديثا
[ Mo fine trouve li (Abul-Muhazzam). Si donne li ene Dirham, li fabrique 50 Hadiith.]
(TADRIIB-UR-RAAWI 1/278)

Facteur 5 :-
Ena soi-disant fine trop gagne tracas quand zotte fine trouve negligence de bans dimounes concernant Deen, et alors, zotte fine fabrique certaines Hadiith pour encourage bans dimounes pour mettre en pratique zotte Deen et pour abandonne Haraam.

Eg :
Abdur Rahmaan Ibn Mahdi dire :

قلت لميسرة بن عبد ربه من أين جئت بهذه الأحاديث من قرأ كذا فله كذا قال وضعتها أرغب الناس
[ Mo fine demande Maysarah Ibn Abdi Rabbih :
“Cote to fine gagne sa bans Hadiith la qui quand lire tel Sourah, gagne tant Thawaab?”
Li fine repondre :
“Mo fine fabrique sa bans Hadiith la afin qui mo inspire a bans dimounes (l’interet pour lire Qur-aan).”]
(TADRIIB-UR-RAAWI 1/283)

Abu Abdillaah An-Nahaawandi dire qui Ghulaam Al-Khaliil fine dire :

وضعناها لنرقق بها قلوب العامة
[ Nous fine fabrique (bans Hadiith) afin qui nous attendre le coeur de bans 'Awaam.]
(TAARIIKH BAGHDAAD 5/78)


Pour n'importe qui raison qui ene dimoune cause menti lor le prophète intentionellement, so action pas justifié. Au contraire, sa li parmi bans grands pechés.

Ibn Hajar dire :

واتفقوا على أن تعمد الكذب على النبي من الكبائر وبالغ أبو محمد الجويني فكفر من تعمد الكذب على النبي
[ Bans Ulaama fine d’accord qui cause menti lor le prophète intentionellement li parmi bans grands pechés, et Abu Muhammad Al-Juwayni fine exageré jusqua qui li fine considère celui qui cause menti lor le prophète intentionellement comme Kaafir.]
(NUZHAT-UN-NAZWAR)


Noms de certains fabricateurs Hadiith.

Bans Ulamaa fine faire beaucoup zefforts pour averti sa Ummat la contre bans fabricateurs Hadiith, et zotte fine denonce banla dans ene façon qui tous bans dimounes fine conne zotte vrai visage. Parmi sa bans fabricateurs la nous gagne :
Nouh Ibn Abi Maryam
Muhammad Ibn Sa'iid Al-Masloub
Khaalid Ibn Isma'iil Al-Makhzoumi
Daawood Ibn Sulaymaan Al-Hamadaani
Zur-ah Ibn Ibraahiim Az-Zubaydi
Ziyaad Ibnul Munzir
Sa'iid Ibn Salaam
Sayf Ibn Amr
Swaalih Ibn Bayaan Ath-Thaqafi
Twaahir Ibnul Fadl


Certaines livres qui fine compile bans Hadiith fabriqués.

Apart denonce noms de bans fabricateurs Hadiith, bans Ulaama fine aussi compile bans Hadiith fabriqués dans bans livres afin qui bans musulmans prend connaissance de sa, et alors, zotte pas attribué sa au prophète. Au commencement, bans Ulaama ti pe faire mention de bans Hadiith fabriqués dans bans livres qui zotte ti pe ecrire concernant bans narrateurs faibles.

As-Sakhaawi dire :

ويوجد الموضوع كثيرا في الكتب المصنفة في الضعفاء وكذا في العلل
[ Hadiith Mawdou' trouve beaucoup dans bans livres qui fine ecrire concernant bans narrateurs faibles et concernant Illah (dans bans Hadiith).]
(FATH-UL-MUGHIITH)

Ensuite fine ena livres qui fine ecrire seulement concernant bans Hadiith fabriqués. Parmi bans livres qui fine ecrire lor sa sujet la, nous gagne :
الأباطل والمناكير
Al-Abaatwil Wal-Manaakiir
par Al-Husayn Ibn Ibraahim Al-Jouzaqaani (543 H)

الموضوعات الكبرى
Al-Mawdouaat-ul-Kubraa
par Abdur Rahmaan Ibn Ali Ibnul Jawzi (597 H)

تذكرة الموضوعات
Tazkirarat-ul-Mawdou'aat
Par Muhammad Twaahir Al-Fattani (986 H)

اللآلئ المصنوعة في الأخبار الموضوعة
Al-La-aali-ul-Masnouatu fil-Ahaadiith-il-Marfou-ah
par As-Souyouti (911 H)

تنزيه الشريعة المرفوعة عن الأخبار الشنيعة الموضوعة
Tanziih-ush-Shariiah anil-Akhbaar-ish-Shaniiatil-Mawdouhah
par Ali Ibn Muhammad Ibn Araaq Al-Kanaani (963 H)

الأسرار المرفوعة في الأحاديث الموضوعة
Al-Asraar-ul-Marfouhah fil-Ahaadiith-il-Mawdouhah
par Mullaa Ali Qaari (1014 H)

الفوائد المجموعة في الأحاديث الموضوعة
Al-Fawaiid-ul-Majmouah fil-Ahaadiith-il-Mawdouhah
par Ash-Shawkaani (1250 H)


L’exemple de certains Hadiith fabriqués.

إن الله لما أراد أن يخلق نفسه خلق الخيل فأجراها حتى عرقت ثم خلق نفسه من ذلك العرق
[ Quand Allaah fine decide crée Li-meme, Li fine crée bans chevaux et Li fine faire banla galloper jusqua qui zotte fine transpiré. Ensuite Li fine crée Li-meme avec sa transpiration la.]
(AL-LA-AALI 1/3)

أنا خاتم الأنبياء لا نبي بعدي إلا ما شاء الله
[ Mo le dernier de bans prophètes. Pas pour ena prophète apres moi excepté cequi Allaah oulé.]
(TAFSIIR QURTUBI 1/78)

أنا مدينة العلم وعلي بابها
[ Moi mo la ville de la connaissance, et Ali li so la porte.]
(MUSTADRAK HAAKIM 3/137/4637)

علي شر البشر من شك فيه كفر
[ Ali c’est li-meme le plus mauvais de bans humains. Celui qui ena doute la dans, li faire Kufr.]

إن سفينة نوح طافت بالبيت سبعـاً وصلت خلف المقام ركعتين
[ Bateau de Nouh ti faire Twawaaf de Ka'bah 7 tours et ensuite li ti faire 2 Rakaat derrière Maqaam-u-Ibraahiim.]
(AL-FIRDAWS 1/238/916)

حب الوطن من الإيمان
[ Content ou pays li forme partie de ou Imaan.]
(AL-MASNOU' 1/91/106, SD.36)

لولا النساء لعبد الله حق عبادته
[ Si pas ti ena bans madames, Allaah ti pour etre adoré couma bizin.]
(AL-FIRDAWS 3/358/5080, SD.56)

النظر إلى وجه المرأة الحسناء والخضرة يزيدان في البصر
[ Admire figure d’ene jolie madame et la verdure, faire regard d’ene personne vine fort.]
(HILYAT-UL-AWLIYAA 3/201, SD.133)

أصدق الحديث ما عطس عنده
[ Parole plus vrai c’est cequi quicaine fine eternué quand fine prononce li.]
(AL-MU'JAM-UL-AWSAT 3/346/3360, SD.137)

إن الله عز وجل وملائكته يصلون على أصحاب العمائم يوم الجمعة
[ Allaah et So bans anges envoye Swalaat lor bans qui mette Amaamah jour Jumu'ah.]
(AL-FIRDAWS 1/147/529, SD.159)

من رفع يديه في الصلاة فلا صلاة له
[ Celui qui leve so la main après Rukou', pas ena Swalaat pour li.]
(MIIZAAN-ULI'-TIDAAL 6/12)


L'opinion gagne droit fabrique Hadiith.

Fine ena certaines personnes qui fine dire qui zotte cause menti lor le prophète dans so faveur et nonplus qui zotte cause menti lor li pour cause contre li. Banla fine base lor ene Riwaayah cote soi-disant le prophète dire :

من كذب علي متعمدا ليضل به فليتبوأ مقعده من النار
[ Celui qui cause menti lor moi intentionellement, pour egare (bans dimounes) avec sa parole la, qui li prend so place assizé dans du feu (l’enfer.)]
(AL-BAZZAAR 4/262/1876)

Donc, banla dire qui nous pas cause menti pour egare bans dimounes, mais nous cause menti pour guide bans dimounes. En verité, sa argument li pas deboute parcequi sa Riwaayah la li pas authentique. Refere a Silsilah Dwaiifah No 1011.


Preservation Hadiith garantie.

Malgré qui fine ena beaucoup l’ennemis de l’Islaam qui fine essaye detruire sa Deen la a travers bans Hadiith fabriqués, li reste qui preservation de bans Hadiith authentiques li garantie.

Allaah dire : (15:9)
إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ
[ Certainement Nous qui fine faire descendre “Az-Zikr”, et Nous pour preserve li.]

Le fait qui “Az-Zikr” c’est cequi Allaah fine faire descendre comme Wahi, et Hadiith aussi c’est Wahi, sa prouvé qui Allaah fine prend responsabilité pour preserve Hadiith malgré tous mensonges attribués au prophète Muhammad . Cequi prouve encore qui preservation de bans Hadiith authentiques garantie, c’est le fait qui Hadiith li ene explication du Qur-aan, et alors si explication du Qur-aan pas preservé, couma est-ce qui nous capave comprend Qur-aan?








Abdah Ibn Sulaymaan dire :

قيل لابن المبارك هذه الأحاديث المصنوعة قال يعيش لها الجهابذة
[ Banla fine demande Abdullaah Ibn Mubaarak :
“Sa bans Hadiith fabriqué la, (couma pour detecté zotte)?”
Li fine repondre :
“Bans grands Ulaama doués d'ene l’esprit critique pour vivre pour banla!”]
(AL-KIFAAYAH 1/37)

Sufyaan Ath-Thawri dire :

لو هم رجل أن يكذب في الحديث وهو في بيت في جوف بيت لأظهر الله عليه
[ Si ene personne pense pour cause menti concernant Hadiith (du prophète) a l’interieur d’ene lacaze, Allaah pour mettre li au clair.]
(SIYAR 7/248)

Parmi bans Ulamaa qui fine dire qui Sunnah du prophète Muhammad li preservé, nous gagne : Abdullaah Ibnul Mubaarak (181 H), Abdur Rahmaan bin Mahdi, Ibn Hazm, Ibnul Qayyim, Sheikh Muhammad bin Ibraahiim Al-Waziir (840 H).

Malgré tous bans faussetés attribués au prophète, Allaah fine preserve sa Deen la par zefforts de bans Ulamaaa Hadiith qui fine commence etudier chaque narrateur Hadiith et fine averti sa Ummat la contre chaque menteur et contre chaque Hadiith fabriqué. C’est sa connaissance la meme qui connu parmi bans Ulamaa comme : Al-Jarhu Wat-Ta’diil. Et bans conditions qui banla fine imposé afin qui zotte reussi faire difference entre bans Hadiith authentiques et bans Hadiith faibles, c’est sa meme connaissance la qui connu parmi bans Ulamaa comme : ‘Ilm Mustwalahil-Hadiith, et c'est sa meme qui nous pe etudié en bref dans sa livret la.







Facile reconnaitre ene Hadiith fabriqué.

Bans Ulaama qui zotte la vie fine fini avec Hadiith du prophète, zotte facile reconnaitre ene Hadiith fabriqué. Apart qui zotte conne bans fabricateurs Hadiith, zotte aussi detecté ene Hadiith Mawdou' par so style et par so contenue (est-ce qui li en contradiction avec Qur-aan/Hadiith aubien non?).

Le prophète dire :

إِذَا سَمِعْتُمُ الْحَدِيثَ عَنِّي تَعْرِفُهُ قُلُوبُكُمْ وَتَلِينُ لَهُ أَشْعَارُكُمْ وَأَبْشَارُكُمْ وَتَرَوْنَ أَنَّهُ مِنْكُمْ قَرِيبٌ فَأَنَا أَوْلَاكُمْ بِهِ وَإِذَا سَمِعْتُمُ الْحَدِيثَ عَنِّي تُنْكِرُهُ قُلُوبُكُمْ وَتَنْفِرُ أَشْعَارُكُمْ وَأَبْشَارُكُمْ وَتَرَوْنَ أَنَّهُ مِنْكُمْ بَعِيدٌ فَأَنَا أَبْعَدُكُمْ مِنْهُ
[ Si zotte entendre ene Hadiith de moi qui zotte le coeur reconnaitre li, zotte cheveux et zotte la peau vine doux par sa, et zotte trouvé qui li pres avec zotte, alors mo plus proche avec li. Si zotte entendre ene Hadiith de moi qui zotte le coeur desapprouve li, zotte cheveux et zotte la peau sauvé de li, et zotte trouvé qui li loin de zotte, alors mo le plus loin de li.]
(AHMAD 15478, SS.732)


Ene Hadiith fabriqué qui rapporté par plusieurs chaines de narration.

Couma nous fine expliqué au commencement, Hadiith faible qui vine dans categorie “Hassan li Gharihi” par plusieurs chaines de narration, c’est ene Hadiith qui so faiblesse pas intense. Basant lor la, ene Hadiith fabriqué li pas capave vine authentique par so chaine de narration, parcequi mensonge lor le prophète c’est sa même faiblesse plus intense qui capave ena dans ene Hadiith.

Sheikh Albaani dire :

لا يخفى أن الموضوع لا يقوى بطرقه مهما كثرت
[ Li clair qui ene Hadiith Mawdou’ li pas renforcé par so bans chaines de narration, même combien zotte en quantité.]
(SILSILAH DWAIIFAH 2/101)
CHAPITRE 13
COMPILATION DE HADIITH.

Au commencement de l’Islaam, le prophète ti empeche compile Hadiith en ecrit.

Le prophète ti dire :

لَا تَكْتُبُوا عَنِّي وَمَنْ كَتَبَ عَنِّي غَيْرَ الْقُرْآنِ فَلْيَمْحُهُ
[ Pas ecrire (narien) de moi. Celui qui fine ecrire de moi autre qui Qur-aan, qui li efface li.]
(MUSLIM 5326)

Bans Ulamaa dire qui sa l’empechement la ti vini au commencement de l’Islaam afin qui Qur-aan pas melange avec Hadiith. Ensuite, d’apres plusieurs Hadiith nous trouvé qui sa la loi la fine abrogé.

As-Sam-aani (562 H) dire :

أن كراهية كتابة الأحاديث إنما كانت في الابتداء كي لا تختلط بكتاب الله فلما وقع الأمن عن الاختلاط جاز كتابه
[ La répugnance pour ecrire Hadiith ti simplement au commencement, afin qui li pas melange avec le livre d’Allaah. Quand fine gagne la sureté qui li pas pour melangé avec (Qur-aan), fine gagne droit ecrire li.]
(ADAB-ULIM-LAA’ WALIS-TIMLAA' 146)

Ibnul Athiir (606 H) dire :

إن الإذن في الكتابة ناسخ للمنع منه بإجماع على جوازه
[ Permissibilité ecrire (Hadiith) fine abroge l’empechement (qui ti ena), basant lor Ijmaa’ de l’Ummah qui li permissible.]
(JAAMI-UL-USOUL 8/33)






Ibnus Swalaah dire :

وأجمع المسلمون على تسويغ ذلك وإباحته
[ Fine ena consensus parmi bans musulmans qui sa li licite et li permissible.]
(ULOUM-UL-HADIITH pg 171)

Rapporté par Abu Hurayrah :

مَا مِنْ أَصْحَابِ النَّبِيِّ صَلَّى اللَّهُ عَلَيْهِ وَسَلَّمَ أَحَدٌ أَكْثَرَ حَدِيثًا عَنْهُ مِنِّي إِلَّا مَا كَانَ مِنْ عَبْدِاللَّهِ بْنِ عَمْرٍو فَإِنَّهُ كَانَ يَكْتُبُ وَلَا أَكْتُبُ
[ Pas ena personne parmi bans compagnons du prophète qui so Hadiith ti plus beaucoup qui moi, excepté Abdullaah Ibn Amr, car li ti pe ecrire et moi mo pas ti pe ecrire.]
(BUKHAARI 110)

Quand le prophète ti conquerir Makkah, li ti faire ene Khutbah qui ene Yemenite ti demande li pour faire li gagne sa Khutbah la en ecrit, et alors le prophète ti dire :
اكْتُبُوا لِأَبِي فُلَانٍ
[ Ecrire (li) pour Abu untel.]
(BUKHAARI 109)

Rapporté par Abdullah Ibn Amr :

كُنْتُ أَكْتُبُ كُلَّ شَيْءٍ أَسْمَعُهُ مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ أُرِيدُ حِفْظَهُ فَنَهَتْنِي قُرَيْشٌ وَقَالُوا أَتَكْتُبُ كُلَّ شَيْءٍ تَسْمَعُهُ وَرَسُولُ اللَّهِ صَلَّى اللَّهُ عَلَيْهِ وَسَلَّمَ بَشَرٌ يَتَكَلَّمُ فِي الْغَضَبِ وَالرِّضَا فَأَمْسَكْتُ عَنِ الْكِتَابِ فَذَكَرْتُ ذَلِكَ لِرَسُولِ اللَّهِ صَلَّى اللَّهُ عَلَيْهِ وَسَلَّمَ فَأَوْمَأَ بِأُصْبُعِهِ إِلَى فِيهِ فَقَالَ اكْتُبْ فَوَالَّذِي نَفْسِي بِيَدِهِ مَا يَخْرُجُ مِنْهُ إِلَّا حَقٌّ
[ Mo ti pe ecrire tous cequi mo ti pe entendre avec le messager d’Allaah avec l’intention pour memorize li. Bans Quraysh fine empeche moi et banla fine dire :
“Est-ce qui to pe ecrire tous cequi to pe ecouté et qui le messager d’Allaah li ene humain, li cause dans colère (couma li cause) dans satisfaction!”
Alors, mo fine arrete ecrire et mo fine dire sa au messager d’Allaah. Le prophete fine faire signe avec so le doigt a so la bouche et li fine dire :
“Ecrire, car serment lor Celui qui mo la vie dans So la main, narien pas sorti depuis sa (la bouche la) excepté la verité.”]
(ABU DAOUD 3161)

Rapporté par Abdullaah Ibn Amr :

بَيْنَمَا نَحْنُ حَوْلَ رَسُولِ اللَّهِ صَلَّى اللَّهُ عَلَيْهِ وَسَلَّمَ نَكْتُبُ إِذْ سُئِلَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَيُّ الْمَدِينَتَيْنِ تُفْتَحُ أَوَّلًا قُسْطَنْطِينِيَّةُ أَوْ رُومِيَّةُ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَدِينَةُ هِرَقْلَ تُفْتَحُ أَوَّلًا يَعْنِي قُسْطَنْطِينِيَّةَ
[ Pendant qui nous ti autour le messager d’Allaah, nous ti pe ecrire, le messager d’Allaah fine être questionné :
“Quel entre les deux villes qui pour être conquis la première, Al-Qustwantwiiniyyah oubien Ar-Roumiah?”
Le prophète fine repondre :
“La ville Hiraql pour être conquis la première”.]
(AHMAD 6358)

Umar dire :
قَيِّدُوا الْعِلْمَ بِالْكِتَابِ
[ Enregistrez la connaissance dans livre.]
(DAARMI 497)

Rapporté par Mu'aawiyah :

عَنِ الْحَسَنِ بْنِ جَابِرٍ أَنَّهُ سَأَلَ أَبَا أُمَامَةَ الْبَاهِلِيَّ عَنْ كِتَابِ الْعِلْمِ فَقَالَ لَا بَأْسَ بِذَلِكَ
[ Al-Hasan Ibn Jaabir fine demande (le Swahaabi) Abu Umaamah Al-Baahili concernant ecrire le connaissance, et alors li fine dire : “Pas ena probleme la dans.”]
(DAARMI 493)






Bans Swahaabah qui fine rapporte plus beaucoup Hadiith.

Pour preserve Hadiith du prophète, Allaah fine aide bans Swahaabah pour memorize Hadiith de sa prophète la et pour transmettre li a les autres jusqua qui bans Ulamaa fine compile tous Hadiith dans bans livres. Bans Swahaabah qui fine rapporte plus beaucoup Hadiith c’est :
Abu Hurayrah
Aaishah
Anas Ibn Maalik
Abdullaah Ibn Abbaas
Abdullaah Ibn Umar
Jaabir Ibn Abdillaah
Abu Sa'iid Al-Khudri
Abdullaah Ibn Mas-oud
Abdullaah Ibn Amr Ibnul ‘Aas.


Certains Compilateurs Du Hadiith.

1. Imaam Maalik (179 H)
2. Imaam Abu Daawoud At-Twiyaalisi (204 H)
3. Imaam Abdur Razzaaq (211 H)
4. Imaam Ibn Abi Shaybah (235 H)
5. Imaam Ahmad (241 H)
6. Imaam Daarmi (255 H)
7. Imaam Bukhaari (256 H)
8. Imaam Muslim (261 H)
9. Imaam Ibn Maajah (273 H)
10. Imaam Abu Daawoud As-Sijistaani (275 H)
11. Imaam At-Trimizi (279 H)
12. Imaam Al-Bazzaar (292 H)
13. Imaam An-Nasaaï (303 H)
14. Imaam Abu Ya’laa (307 H)
15. Imaam Ibn Khuzaimah (311 H)
16. Imaam Abu Awaanah (316 H)
17. Imaam Ibn Hibbaan (354 H)
18. Imaam At-Twabaraanii (360 H)
19. Imaam Ad-Daarqutni (385 H)
20. Imaam Haakim (405 H)
21. Imaam Al-Baihaqi (458 H)

CHAPITRE 14
LES DIFFERENTS TYPES DE LIVRE.

Pour compile Hadiith du prophète, bans Ulamaa fine servi differents types de livres. Voici certaines types qui connus avec bans l’exemples :

Al-Musnad (المسند)

Ene livre dans lequel l’auteur la fine compile Hadiith qui fine rapporté par chaque Swahaabi separément.
E.g :
1. Musnad Abu Daawoud At-Twiyaalisi (204 H)
2. Musnad Al-Humaydi (219 H)
3. Musnad Ahmad Ibn Hambal (241 H)
4. Musnad Abu Ya’laa (307 H)


Al-Mu’jam (المعجم)

Ene livre dans lequel l’auteur la fine compile Hadiith qui fine rapporté par so bans Sheikh, en l’ordre alphabétique en generale.
E.g :
1. Al-Mu’jam-ul-Kabiir
2. Al-Mu’jam-ul-Awsat
3. Al-Mu’jam-us-Swaghiir
Les trois par Abul Qaasim Sulaymaan Ibn Ahmad At-Twabaraani 360 H


Al-Jaami’ (الجامع)

Ene livre dans lequel l’auteur la fine compile Hadiith du prophète, d’apres classement chapitre et qui li fine essaye amene tous bans chapitres qui li capave.
E.g :
1. Al-Jaami-ul-Musnad-us-Swahiih-ul-Mukhtaswar min Umouri-Rasoulillaahi Wa Sunanihi wa Ayyaamihi,
par Imaam Bukhaari (256 H)
2. Al-Jaami’ par Imaam Muslim
3. Al-Jaami’ par Imaam Tirmizi
Al-Mustakhraj (المستخرج)

Ene livre dans lequel l’auteur la rapporte Hadiith d’ene l’autre livre, avec so propre Sanad sans passe par Sanad du deuxieme l’auteur.
E.g :
1. Mustakhraj Ismaaiilii (371 H) lor Bukhaari
2. Mustakhraj Abu Awaamah (310 H) lor Muslim
3. Mustakhraj Abu Nu’aym Al-Asbahaani lor Bukhaari/Muslim


Al-Mustadrak (المستدرك)

Ene livre dans lequel l’auteur la compile bans Hadiith qui d’apres li satisfaire conditions de l’auteur d’ene deuxieme livre Hadiith et qui deuxieme l’auteur la pas fine mentionne sa dans so livre.
E.g :
Al-Mustadrak alas Swahiihayn par Abu Abdillaah Al-Haakim (405 H)


As-Sunan (السنن)

Ene livre dans lequel l’auteur la fine compile Hadiith du prophète et li classe li d’apres bans chapitres de Fiqh.
E.g :
Ad-Daarmi (255 H)
Abu Daawoud (275 H)
Ibn Maajah (275 H)
An-Nasaaï (303 H) qui connu comme “Al-Mujtabaa”
Ad-Daarqutni (385 H)
As-Sunan-ul-Kubraa par Al-Baihaqi (458 H)









Al-Muswannaf (المصنف)

Ene livre dans lequel l’auteur la fine compile Hadiith du prophète et aussi parole de bans Salaf, et li fine classe li d’apres bans chapitres de Fiqh.
E.g :
1. Hammaad Ibn Salamah (167 H)
2. Wakii’ Ibnul Jarraah (196 H)
3. Abdur-Razzaaq (211 H)
4. Ibn Abi Shaybah (235 H)


Al- Mu-wattwa’ (الموطأ)

Al-Mu-wattwa’ li pareille couma Al-Muswannaf, même qui c’est deux noms differents.
E.g :
1. Mu-wattwa’ Imaam Maalik (179 H)
2. Mu-wattwa’ Muhammad Ibn Abdir Rahmaan Al-Madani (185 H)
3. Mu-wattwa’ Abdullaah Ibn Muhammad Al- Marwazi (293 H)

CHAPITRE 15
BANS LIVRES HADIITH QUI PLUS CONNUS.

Swahiih Bukhaari.

L'auteur du livre :
Muhammad ibn Ismaaiil Al-Bukhaari (194-256 H)

Certains so bans professeurs :
Ibraahiim ibn Mousaa
Makki ibn Ibraahiim
Khaalid ibn Makhlad

Certains so bans zeleves :
At-Tirmizi
Muslim
Abu Zur'ah
Abu Haatim
Ibraahiim Ibn Is-haaq Al-Harbi

Titre de so livre :
D'apres An-Nawawi, titre de so livre c'est :

الجامع المسند الصحيح المختصر من أمور رسول الله وسننه وأيامه
Al-Jaami-ul-Musnad-us-Swahiih-ul-Mukhtaswar min Umouri-Rasoulillaahi Wa Sunanihi wa Ayyaamihi

Facteur qui fine pousse Imaam Bukhaari pour ecrire sa livre la :
Ene fois Imaam Bukhaari so professeur Is-haaq ibn Raahaweyh fine dire : "Si zotte ti capave compile ene livre contenant Sunnah authentique du messager d'Allaah!" En entendant sa, Imaam Bukhaari fine decide ecrire ene livre et alors li fine ecrire sa livre la.







Certains les autres livres qui Imaam Bukhaari fine ecrire :

الأدب المفرد
Al-Adab-ul-Mufrad

خلق أفعال العباد
Khalqu-Af-aalil-Ibaad

Certains explications de Imaam Bukhaari so livre :

فتح الباري
Fat-hul-Baari
par Haafiz Ibn Hajar (852 H)

عمدة القارئ
Umdat-ul-Qaari
par le Hanafi Mahmoud Al-Ayni (855 H)

فيض الباري
Fayd-ul-Baari
par le Hanafi Muhammad Al-Kashmiiri (1352 H)

Division bans Hadiith dans so livre :
Livre de Imaam Bukhaari divise en 2 parties :
Al-Musnad
– Hadiith ininterrompue
Al-Mu'allaq
– Hadith suspendue

Quand nous dire qui tous Hadith dans Bukhaari authentique, nous pe faire reference a Al-Musnad. Quant-a Al-Mu'allaq, pas necessaire qui tous authentique.

Ibn Hajar fine cause concernant sa bans Hadiith Mu'allaq la dans ene livre speciale avec titre : Taghliiq-ut-ta'liiq (تغليق التعليق).


Swahiih Muslim.

L'auteur du livre :
Muslim ibn Hajjaaj Al-Qushayri (204-261 H)

Certains de so bans professeurs :
Qutaybah ibn Sa'iid
Ahmad ibn Hambal
Abu Bakr ibn Abi Shaybah
Muhammad ibn Yasaar
Muhammad ibn Mahraan.

Certains de so bans zeleves :
Abu Iisaa At-Tirmizi
Muhammad ibn Is-haaq ibn Khuzaymah
Abu Awaanah Al-Isfiraayinii

Certains de so bans livres :

المسند الكبير على أسماء الرجال
Al-Musnad-ul-Kabiir alaa Asmaa-ir-Rijaal

العلل
Al-Ilal

أوهام المحدثين
Awhaam-ul-Muhaddithiin

التمييز
At-Tamyiiz

طبقات التابعين
Twabaqaat-ut-Taabi-iin

Certains explication de Imaam Muslim so livre :

المنهاج في شرح صحيح مسلم
Al-Minhaaj Fii Sharhi Swahiihi Muslim
par An-Nawawi (676 H)

المفهم في شرح صحيح مسلم
Al-Mufhim Fii Sharhi Muslim
par Abdul Ghaafir Al-Faarsi (529 H)

إكمال الإكمال
Ikmaal-ul-Ikmaal
par Iisaa ibn Mas-oud Az-Zawaawi (744 H)

الديباج على صحيح مسلم بن الحجاج
Ad-Diibaaj Alaa Swahiih Muslim Ibnil-Hajjaaj
par As-Suyoutwi (911 H)


Abu Daawoud

L'auteur du livre :
Sulaymaan ibnul Ash-ath As-Sijistaani (256–275 H)

Certains so bans professeurs :
Sulaymaan ibn Harb
Is-haaq ibn Raahaweyh
Ahmad ibn Hambal
Qutaybah ibn Sa'iid


Certains so bans zeleves :
Abu Iisaa At-Tirmiizi
Abu Bakr Al-Khallaal
Ibraahiim ibn Hamdaan
Abu Awaanah
Abu Bishr Ad-Doulaabi

Certains explications du livre Abu Daawoud :

معالم السنن
Ma'aalim-us-sunan
par Hamd ibn Muhammad Al-Khat-twaabi (388 H)

عون المعبود
Awn-ul-Ma'boud
par Al-Azwiim Aabaadi (1329 H)


At-Tirmizi

L'auteur du livre :
Muhammad ibn Iisaa At-Tirmizi (209–279 H)

Certains so bans professeurs :
Imaam Bukhaari
Imaam Muslim
Is-haaq ibn Raahaweyh
Qutaybah ibn Sa’iid
Amr ibn Ali Al-Fallaas

Certains so bans zeleves :
Abu Bakr As-Samarqandi
Abu Haamid Al-Marwazi
Abu Ja’far An-Nasafi




Certains so bans livres :
الشمائل المحمدية
Ash-Shamaa-il-ul-Muhammadiyyah

العلل الكبير
Al-Ilal-ul-Kabiir

Certains explications de Tirmizi so livre :

عارضة الأحوذي
Aaridwat-ul-Ahwazi
par Ibnul Arabi

تحفة الأحوذي
Tuhfat-ul-Ahwazi
par Abdur-Rahmaan Al-Mubaarakpouri.


An-Nasaaï

L'auteur du livre :
Ahmad ibn Shuayb An-Nasaaï (215–303 H)

Titre de so livre :
An-Nasaaï so livre Hadiith qui connu c'est Al-Mujtabaa ou As-Sunan-us-Sughraa, et sa livre la en verité li resumé d'ene l'autre livre pour li avec titre As-Sunan-ul-Kubraa.

Certains so bans professeurs :
Is-haaq ibn Raahaweyh
Is-haaq ibn Shaahiin
Amr ibn Ali Al-Fallaas
Qutaybah ibn Sa’iid


Certains so bans zeleves :
Abu Bishr Ad-Doulaabi
Abu Ja’far Al-Twahaawi
Abu Bakr As-Sunni
Abul-Qaasim At-Twabaraani

Certains so bans livres :
خصائص علي
Khaswaa-is Ali

عمل اليوم والليلة
Amal-ul Yawmi Wal-Laylah

Certains explications de Nasaaï so livre :
Sharh-us-Suyoutwi
Haashiyat-us-Sindi


Ibn Maajah

L'auteur du livre :
Muhammad ibn Yaziid (209–272 H)

Certains so bans professeurs :
Abu Bakr ibn Abi Shaybah
Uthmaan ibn Abi Shaybah
Abu Khaythmah

Certains so bans zeleves :
Muhammad ibn Iisaa Al-Ab-hari
Ahmad ibn Rawh Al-Baghdaadi
Sulaymaan ibn Yaziid Al-Faami





Ene explication de Ibn Maajah so livre :

مصباح الزجاجة على سنن ابن ماجه
Misbaah-uz-Zujaajah alaa Sunan Ibn Maajah
par As-Suyoutwi


Musnad Ahmad.

L'auteur du livre :
Imaam Ahmad ibn Hambal Ash-Shaybaani (164-241 H)

Nombre de Hadiith qui li contenir :
Sa livre la contenir a peu pres 28,000 Hadiith.

L'authenticité so bans Hadiith :
En generale, bans Hadiith dans Musnad Ahmad authentique, mais sa pas empeche qui li aussi contenir certains Hadiith faibles et fabriqués.

Classement so bans Hadiith :
Bans Hadiith dans Musnad Ahmad fine être classés d'apres cequi chaque Swahaabi fine rapporte depuis le prophète Muhammad .

Ensuite Sheikh Ahmad As-Saa-aati fine classe li d'apres les differents chapitres, et fine appelle li :
الفتح الرباني
Al-Fat-hur-Rabbaani

Ensuite Sheikh Ahmad As-Saa-aati fine faire explication de so livre Al-Fath-ur-Rabbaani, et fine nomme sa explication la :

بلوغ الأماني من أسرار الفتح الرباني
Bulough-ul-Amaani Min Asraar-il-Fath-ir-Rabbaani




Al-Muwattwa'

L'auteur du livre :
Imaam Maalik ibn Anas

So contenu :
Li pas contenir seulemnt Hadiith du prophète, mais li contenir aussi paroles de bans Swahaabah et Fatwaa de bans Taabein.

Certains explications de Imaam Maalik so livre :

الاستذكار
Alis-Tizkaar
Ibn Abdil Bar (463 H)

التمهيد
At-Tamhiid
Ibn Abdil Bar (463 H)


Al-Baihaqi

L'auteur du livre :
Ahmad ibnul-Husayn (384–458 H)

Certains de so bans zeleves :
Tamiim ibn Abi Sa'iid
Al-Husayn ibn Ahmad
Zaahir ibn Twahir
Abdul Jabbaar ibn Abdil-Wahhaab
Yahyaa ibn Abdir-Rahiim

Certains de so bans livres :
إثبات عذاب القبر
Ithbaat Azaab-il-Qabr

الأسماء والصفات
Al-Asmaa-u-was-Swifaat

حياة الأنبياء بعد وفاتهم
Hayaat-ul-Ambiyaa Ba'da Wafaatihim

الخلافيات
Al-Khilaafiyyaat

دلائل النبوة
Dalaail-un-Nubuwwah

شعب الإيمان
Shu-ab-ul-Iimaan

معرفة السنن والآثار
Ma'rifat-us-Sunan Wal-Aathaar

القراءة خلف الإمام
Al-Qiraa-atu Khalfal-Imaam


Titre de so livre Hadiith :
So livre Hadiith qui connu c'est As-Sunan-ul-Kubraa. Sinon, li ena ene l'autre livre Hadiith avec titre As-Sunan-us-Sughraa.

So contenu :
Apres cite bans Hadiith et bans Aathaar, li fine aussi cause concernant zotte l'authenticité.

So resumé :
Az-Zahabi fine resume sa livre la et li fine appelle sa resumé la (المهذب) Al-Muhazzab.
Al-Haakim

L'auteur du livre :
Muhammad ibn Abdillaah An-Niisaabouri (32–405 H)

Titre de so livre :
Al-Mustadrak Alas-Swahiihayn (المستدرك على الصحيحين)

L'objectif derrière compilation de sa livre la :
Rapporte bans Hadiith qui satisfaire les conditions de Bukhaari et Muslim, et qui zotte pas fine être mentionés dans zotte deux livres.

Stand bans Ulamaa vis-à-vis bans Hadiith dans Al-Musdatrak :

Ibn Dihyah dire :

ويجب على أهل الحديث أن يتحفظوا من قول الحاكم أبي عبد الله فإنه كثير الغلط ظاهر السقط
[ Li obligatoire lor Ahlul-Hadiith qui zotte garde reserve lor parole de Haakim Abu Abdillaah. Li fine faire beaucoup fautes et clairement ena erreur (dans so parole).]
(NASB-UR-RAAYAH 1/341)

Ibnus-Swalaah dire :
وهو متساهل في التصحيح
[ Li tolerant dans considère bans Hadiith authentique.]
(ULOUM-UL-HADIITH PG 18)

Az-Zahabi dire :

ولا ريب أن في المستدرك أحاديث كثيرة ليست على شرط الصحة بل فيه أحاديث موضوعة
[ Pas ena doute qui dans Al-Mustadrak ena beaucoup Hadiith qui pas satisfaire condition d'ene Haditth authentique. Au contraire, ena bans Hadiith faible (aussi) la dans.]
(TAZKIRAT-UL-HUFFAAZ 3/1042)
Ibn Kathiir dire :
وفيه الحسن والضعيف والموضوع أيضا
[ La dans ena Hadiith Hassan, Hadiith faible et Hadiith fabriqué aussi.]
(IKHTISWAAR ULOUM-IL-HADIITH)

Ibn Hajar dire :

وإنما وقع للحاكم التساهل لأنه سود الكتاب لينقحه فأعجلته المنية ولم يتيسر له تحريره وتنقيحه
[ Haakim fine être tolerant parcequi li fine faire ene brouillon de so livre pour qui li revoir li, mais li fine mort avant sa, sans qui li fine reussi re ecrire li et revoir li.]
(TADRIIB-UR-RAAWI 1/106)

Ibn Hajar dire :

صاحب التصانيف إمام صدوق ولكنه يصحح في مستدركه أحاديث ساقطة فيكثر من ذلك ... وذكر بعضهم أنه حصل له تغير وغفلة في آخر عمره ويدل على ذلك أنه ذكر جماعة في كتاب الضعفاء له وقطع بترك الرواية عنهم ومنع من الاحتجاج بهم ثم أخرج أحاديث بعضهم في مستدركه وصححها
[ Li celui qui fine ecrire bans livres et li ene Imaam veridique. Mais li fine considère authentique bans Hadiith qui fine rejetés et li fine faire sa beaucoup. … Certains savants fine dire qui dans so bans derniers jours, (Haakim) ti commence faire erreurs et li ti touché par Ghaflah. Cequi prouve sa c'est le fait qui li fine mentionne certains personnes dans so livre 'Ad-Duafaa' qui categoriquement li fine dire qui pas gagne droit rapporte zotte Hadiith et li fine empeche servi zotte bans Hadiith comme preuve et ensuite li fine rapporte Hadiith de certains parmi banla dans so 'Mustadrak' et li considère sa bans Hadiith la authentique.]
(LISAAN-UL-MIIZAAN 5/232/813)




As-Sakhaawi dire :

يقال إن السبب في ذلك أنه صنفه في أواخر عمره وقد حصلت له غفلة وتغير أو أنه لم يتيسر له تحريره وتنقيحه
[ Banla dire qui la raison derriere sa c'est qui li fine ecrire sa livre la dans so bans derniers jours et qui li ti fini touché par Ghaflah et so memorization ti fini affaiblit, oubien qui li pas ti reussi re ecrire li et revoir li.]
(FATH-UL-MUGHIITH 1/36)

Twaahir ibn Swaalih Ad-Damashqi dire :

ويقال إن السبب في ذلك أنه صنفه في أواخر عمره وقد اعترته غفلة وكان ميلاده في سنة 321 هـ ووفاته في سنة 405 هـ فيكون عمره أربعا وثمانين سنة
[ Banla dire : Raison derriere sa c'est qui li (Haakim) ti ecrire sa livre la, dans so bans derniers jours et qui li ti fini touché par Ghaflah (l'inattention). Li ti né l'année 321 H et li fine mort l'année 405 H, et alors so l'age ti 84 ans.]
(TAWZIIH-UN-NAZWAR PG 138)

D'apres As-Samaa' (1/2), Haakim ti commence ecrire so livre Mustadrak l'année 393 H, c.a.d apres qui li ti fini atteindre 72 ans.

Sheikh Albaani dire :

وكل خبير بهذا العلم الشريف يعلم أن الحاكم متساهل في التوثيق والتصحيح
[ Chaque expert dans sa connaissance noble la conné qui Haakim li tolerant dans considère kit narrateur comme digne de confiance et dans considère kit Hadiith authentique.]
(SILSILAH DWAIIFAH 1/157/64)

CHAPITRE 16
BANS LIVRES HADIITH QUI FINE ECRIRE APRES.

Apres l'epoque de bans Salaf, certains Ulamaa fine essaye compile maximum Hadiith qui trouve dans different livres et rassemblé tous sa la dans ene seul livre. Parmi sa bans livres la, nous gagne :

بحر الأسانيد في صحاح الأسانيد
Bahr-Ul-Asaaniid Fii Swihaah-Il Asaaniid
par Al-Hassan ibn Ahmad As-Samarqandi (419 H)

جامع الأصول لأحاديث الرسول
Jaami-Ul-Usoul Li Ahaadiith-Ir-Rassoul
par Ibnul Athiir Al-Jazri (606 H)

مشكاة المصابيح
Mishkaat-Ul-Maswaabiih
par Abu Abdillaah At-Tibriizi (737 H)

جامع المسانيد
Jaami-Ul-Masaaniid
par Ibn Kathiir (774 H)

مجمع الزوائد ومنبع الفوائد
Majma-Uz-Zawaa-Id Wa Mamba-Ul-Fawaa-Id
par Ali ibn Abi Bakr Al-Haythami (808 H)

إتحاف الخيرة بزوائد المسانيد العشرة
Ithaaf-Ul-Khiyaarah Bi Zawaa-Id-Il-Masaaniid-Il-Asharah
par Ahmad ibn Abi Bakr Al-Bousayri (840 H)



جمع الجوامع
Jam'ul-Jawaami'
par As-Suyoutwi (911 H)

كنز العمال في سنن الأقوال والأفعال
Kanz-Ul-Ummaal Fii Sunan-Il-Aqwaal Wal Af'aal
par Alaa-ud-Deen Al-Hindi


Pour facilite nous pour cherche ene Hadiith, bans Ulamaa fine ecrire plusieurs livres en citant le commencement de bans Hadiith et zotte bans differents chaines de narration. Parmi nous gagne :

تحفة الأشراف بمعرفة الأطراف
Tuhfat-ul-Ashraaf bi Ma'rifatil Atraaf
par Haafiz Yousuf ibn Abdir Rahmaan Al-Mizzi (742H)

إتحاف المهرة بأطراف العشرة
Ithaaf-ul-Maharah Bi Atraaf-il-Asharah
par Ibn Hajar Al-Asqalaani (852 H)


أقول قولي هذا وأستغفر الله لي ولكم
وصلى الله على نبينا محمد وعلى آله وصحبه أجمعين
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لَا إِلَهَ إِلَّا أَنْتَ أَسْتَغْفِرُكَ وَأَتُوبُ إِلَيْكَ