Est-Ce Qui Gagne Droit Donne Quicaine Titre “Wali-Allah"
INTRODUCTION
Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene livret pour refute ene de bans faussetés de bans “Muftis” de JUM, avec titre :
PLUTOT DUCAL DANS L’AGE QUI DUCAL DANS COMPREHENSION!!
Dans Al-Jamiat Vol 4 No 6 Pg 3, les “Muftis” de JUM fine ecrire ene l’article avec titre :
DÉMOLITION DE DEEN PAR BANNE PRÉDICATEURS DUCAL.
Dans sa l’article la, banla fine refute ene argument qui nous ti avancé dans Ar-Rudoud No 3, dans lequel nous ti dire :
[ Ensuite, couma nous capave dire untel li ene Wali-Allaah quand nous pas supposé conné qui sanla lor qui l’état li fine mort!]
Bans “Muftis” fine trouve qui sa argument la li :
· Ene déclaration erronée de la part ene certain ducal
· Ene déclaration ki rempli avec mechanceté zisse pour mettre dimoune dans l’erreur.
· Ene dernier prétexte futile de banne ki pena la décence pour accepter la verité et banne ki nepli ena preuve.
· Ene réponse aussi grossier.
· Ene déclaration ki pe attaque la base de l’Islam meme et prepare terrain pour banne délinquents vine rejete hadices.
Mais Inshaa Allaah, dans sa ti-livret la, nous pour prouvé qui Alhamdulillaah nous pas fine faire aucun erreur par sa declaration la. Si bans Muftis pe trouve sa phrase la pas bon c’est simplement a cause qui zotte Aqeedah pourri. Si dans sa declaration la aussi mo pe faire erreur, gagne courage refute nous si zotte lor la verité.
Nous faire Du'aa avec Allaah qui Li servi nous parmi bans qui Li servi pour preserve l’authenticité de So Deen et pour refute fausseté de bans qui lor chemin travers. Nous faire Du'aa qui Allaah aide nous pour faire difference entre bans qui pe invite vers Allaah et bans qui pe invite pour oppose Deen Allaah.
Ameen.
ABU LAYLAA
SHABBIR
Declaration de bans ducals.
Pour montrer qui nous fine faire erreur par sa declaration la, bans “Muftis” fine ecrire zotte l’article avec titre :
DÉMOLITION DE DEEN PAR BANNE PRÉDICATEURS DUCAL.
Commentaire :
Si bans “Muftis” fine pressé pour ecrire tous sa la concernant sa phrase qui nous fine ecrire la, c’est simplement parcequi banla fine croire qui sa parole la sorti depuis poche de bans qui zotte pe considère ducals. Mais voila nous prouve ou qui sa parole la c’est pas parole de kit ducal, mais c’est plutot parole de bans Ulamaa.
Imaam Ahmad ibn Hambal (241 H) dire :
ولا نشهد على أحد من أهل القبلة بعمل يعمله بجنة ولا نار نرجو للصالح ونخاف عليه ونخاف على المسيء المذنب ونرجو له رحمة الله
[ Nous pas temoigne pour quicaine parmi bans qui lor (nous) Qiblah, basant lor ene Amal qui li faire, qui li pour rentre dans Jannat oubien dans du feu. Nous garde l’espoir pour celui qui bon et (en meme temps) nous ena la crainte pour li. Et nous ena la crainte pour le malfaisant, le pécheur, et (en meme temps) nous ena l’espoir Rahmat-Allaah pour li.]
(USOUL-US-SUNNAH PG 74)
At-Twahaawi (321 H) dire :
ونرجو للمحسنين من المؤمنين أن يعفو عنهم ويدخلهم الجنة برحمته ولا نأمن عليهم ولا نشهد لهم بالجنة
[ Nous garde l’espoir (lor Allaah) pour bans bienfaisants parmi bans Mu’min qui (Allaah) Li pardonne banla et Li faire banla rentre dans So Jannat par So Rahmah. Mais nous pas sure de zotte, et nous pas temoigne Jannat pour zotte.]
(AL-AQIIDAT-UT-TWAHAAWIYYAH)
Al-Barbahaari (329 H) dire :
ومن كان من أهل الإسلام فلا تشهد له بعمل خير ولا شر فإنك لا تدري بم يختم له عند الموت ترجو له رحمة الله وتخاف عليه ذنوبه ولا تدري ما يسبق له عند الموت إلى الله من الندم
[ Celui qui forme partie de la famille de l’Islaam, pas temoigne pour li basant lor ene bon action et nonplus lor ene mauvais action, parcequi to pas conné qui so dernier action qui li pour mort lor la. Garde l’espoir de Rahmat Allaah pour li et peur so bans pechés. To pas conné si le regret fine precede (so) la mort (avant li retourne) vers Allaah.]
(SHARH-US-SUNNAH PG 79)
Abul Hassan Al-Ash’ari (330 H) dire :
ولا يشهدون على أحد من أهل الكبائر بالنار ولا يحكمون بالجنة لأحد من الموحدين
[(Ahl-us-Sunnah) pas temoigne pour personne qui faire bans grands pechés qui li pour rentre dans du feu (l’enfer), et banla pas donne jugement en faveur de personne parmi bans Muwahhid qui li pour rentre dans Jannat.]
(MAQAALAAT-UL-ISLAAMIYYIIN)
Abu Bakr Al-Ismaaiili (371 H) dire :
ولا يقطعون على أحد من أهل الملة أنه من أهل الجنة أو من أهل النار لأن علم ذلك يغيب عنهم لا يدرون على ماذا الموت أعلى الإسلام أم على الكفر
[ Bans (Imaam de Ahl-ul-Hadiith) zotte pas dire dans ene façon definitive concernant quicaine dans sa religion la qui li parmi bans habitants Jannat oubien parmi bans habitants du feu (l’enfer), parcequi sa connaissnce la li cachiette a banla; banla pas conné lor qui (Haalat) ene personne pour mort, lor l’Islaam oubien lor Kufr.]
(I’TIQAAD AÏMMAH AHLIL-HADIITH PG 68)
Abu Uthmaan As-Swaabouni (449 H) dire :
ويعتقد ويشهد أصحاب الحديث أن عواقب العباد مبهمة لا يدري أحد بم يختم له ولا يحكمون لواحد بعينه أنه من أهل الجنة ولا يحكمون على أحد بعينه أنه من أهل النار لأن ذلك مغيب عنهم لا يعرفون على ما يموت عليه الإنسان أعلى إسلام أم على كفر ولذلك يقولون إنا مؤمنون إن شاء الله أي من المؤمنين الذين يختم لهم بخير إن شاء الله
[(Ahl-ul-Hadiith) ena la conception et zotte temoigné qui la fin de bans esclaves c’est ene quitechose douteux; personne pas conné lor qui action li pour joindre la mort. Banla pas donne jugement pour kit personne specifique qui li parmi bans habitants Jannat et (de la meme façon) banla pas donne jugement contre kit personne specifique qui li parmi bans habitants du feu (l’enfer), parcequi sa li ene quitechose de Ghaib pour banla. Banla pas conné lor qui ene Insaan pour mort, lor l’Islaam oubien lor Kufr. A cause sa banla dire : “Nous bans Mu’min Inshaa Allaah”, c.a.d parmi bans Mu’min qui pour joindre la mort lor le bien Inshaa Allaah.]
(AR-RISAALAH FI’TIQAADI AHLIS-SUNNAH WA AS-HAABIL-HADIITH PG 96)
Al-Qurtubi (671 H) dire :
العلم بأن الواحد منا ولي لله تعالى لا يصح إلا بعد العلم بأنه يموت مؤمنا وإذا لم نعلم أنه يموت مؤمنا لم يمكنا أن نقطع على أنه ولي لله تعالى
[ La conaissance qui quicaine parmi nous li ene Wali-Allaah, sa li pas valide excepté après la conaissance qui li pour mort en tant qu’ene Mu’min, et quand nous pas conné qui li pour mort en tant qu’ene Mu’min, nous pas capave dire dans ene façon definitive qui li ene Wali-Allaah.]
(TAFSIIR 1/297)
Reflechi : Qui difference ena entre nous declaration et parole de Al-Qurtubi?
Ibn Kathiir (774 H) dire :
لا يقطع لمعين بالجنة إلا الذي نص الشارع على تعيينهم
[ Nous pas gagne droit dire d’ene façon definitive qui telle personne pour rentre dans Jannat excepté pour bans qui Sharii'ah fine faire mention de zotte.]
(TAFSIIR 4/156)
Nous capave trouve ene dimoune faire beaucoup Ibaadat, mais pas a cause sa nous donne li titre "Wali-Allaah” parcequi nous pas meme conné si pas li pour mort avec Imaan oubien non?
Le Hanafi Mullaa Ali Qaari (1014 H) fine ecrire ene ti-livret lor sa sujet la avec titre :
المقدمة السالمة في خوف الخاتمة
Dans sa livret la, li dire :
وأما غيره من الأولياء والعلماء والأصفياء فلا نجزم بموتهم بالإيمان وإن ظهر منهم خوارق العادات وكمال الحالات وجمال أنواع الطاعات
[ Quant-a les autres apart li (le prophete), bans Awliyaa, bans Ulamaa et bans Asfiyaa, nous pas dire dans ene façon definitive qui banla fine mort lor Imaan, meme si fine ena bans miracles qui fine apparaitre par zotte ou bans conditions de perfection ou plusieurs jolis actes de l’obeissance.]
(PG 18)
Li dire encore :
وليس لأحد أن يشهد لأحد من أرباب هذه الملة بعدم دخول النار أو وصول الجنة
[ Personne pas gagne droit temoigne pour quicaine dans sa religion la qui li pas pour rentre dans du feu (l’enfer) oubien qui li pour arrive jusqua Jannat.]
(PG 20)
Li dire encore :
والحاصل أن الأمر مبهم والخطر معظم فلا يدري أحد غير الأنبياء أنه من أي الفريقين في قوله تعالى (فَرِيقٌ فِي الْجَنَّةِ وَفَرِيقٌ فِي السَّعِيرِ)
[ En resumé, (nous dire qui) sa affaire la (Haalat lor lequel quicaine mort) li douteux et le danger li grand. Apart bans prophetes, personne pas conné dans quel entre sa deux groupes la li été, cote Allaah pe dire : “Ene groupe pour dans Jannat et ene groupe pour dans du feu ardent.”[1]]
(PG 29)
F
Si bans qui ecrire Ar-Rudoud zotte bans ducals, qui bans “Muftis” pour dire concernant sa bans Ulamaa la?
Argument bans voyoux.
Les “Muftis” dire :
[ Li impé pareil couma ça banne prétextes ki banne voyou servi pour justifié zotte voyouterie quand zotte dire : “personne pas parfait lors la terre.” Zotte servi ça pour justifié zotte banne mauvaise conduite.]
Reponse :
(1)
Sa prétexte la li pas pareille du tout couma preuve qui nous fine avancé. Personne pas parfait lor la terre, sa ena texte directe lor la cote le prophete dire : “Tous zenfants Aadam faire erreur en quantité.” Si ene voyou pe servi parole du prophete pour justifié so mauvaise conduite, sa pas derange l’Islaam dans aucun façon. Mais vine dire : “Nous croire sincèrement dans Wilaayat Sheikh Jalaaluddeen Roumi”, sa pas ena aucun texte lor la depuis Qur-aan ou Hadiith. Au contraire, basant lor Jalaaluddeen Ar-Roumi so bans paroles degoutants[2], nous peur attention qui li ti parmi bans Awliyaa-ush-Shaytwaan. Par sa, nous trouve qui bans voyous zotte plus malin qui bans “Muftis” de JUM; bans voyoux la pe croire dans ene quitechose qui ena texte Hadiith lor la, et bans “Muftis” pe croire dans ene quitechose qui jusqua zotte rentre dans zotte Qabr zotte pas pour capave produire aucun texte lor sa quitechose la, meme depuis zotte “maison mère”!
(2)
Apres tout, nous declaration li pas parole de bans voyoux, mais li ene declaration qui supporté par Hadiith et parole de bans Salaf.
Rapporté par Sahl ibn Sa’d As-Saa-idi :
نَظَرَ النَّبِيُّ صَلَّى اللَّهُ عَلَيْهِ وَسَلَّمَ إِلَى رَجُلٍ يُقَاتِلُ الْمُشْرِكِينَ وَكَانَ مِنْ أَعْظَمِ الْمُسْلِمِينَ غَنَاءً عَنْهُمْ فَقَالَ مَنْ أَحَبَّ أَنْ يَنْظُرَ إِلَى رَجُلٍ مِنْ أَهْلِ النَّارِ فَلْيَنْظُرْ إِلَى هَذَا فَتَبِعَهُ رَجُلٌ فَلَمْ يَزَلْ عَلَى ذَلِكَ حَتَّى جُرِحَ فَاسْتَعْجَلَ الْمَوْتَ فَقَالَ بِذُبَابَةِ سَيْفِهِ فَوَضَعَهُ بَيْنَ ثَدْيَيْهِ فَتَحَامَلَ عَلَيْهِ حَتَّى خَرَجَ مِنْ بَيْنِ كَتِفَيْهِ فَقَالَ النَّبِيُّ صَلَّى اللَّهُ عَلَيْهِ وَسَلَّمَ إِنَّ الْعَبْدَ لَيَعْمَلُ فِيمَا يَرَى النَّاسُ عَمَلَ أَهْلِ الْجَنَّةِ وَإِنَّهُ لَمِنْ أَهْلِ النَّارِ وَيَعْمَلُ فِيمَا يَرَى النَّاسُ عَمَلَ أَهْلِ النَّارِ وَهُوَ مِنْ أَهْلِ الْجَنَّةِ وَإِنَّمَا الْأَعْمَالُ بِخَوَاتِيمِهَا
[(Ene fois, pendant Jihaad), le prophete fine trouve ene personne pe combattre bans Mushrik et qui li ti le musulman qui ti plus pas en besion de quicaine so aide.
Le prophete fine dire :
“Celui qui ti content trouve ene personne parmi bans habitants du feu (l’enfer), qui li guette sa personne la!”
Alors, ene dimoune fine suivre li. Sa personne la fine continué laguerre dans sa façon la jusqua qui li fine blessé. (Quand li fine blessé), li fine pressé pour mort, et alors, li fine prend le bout de so l’epée, li fine mettre li entre so chest, li fine pese so le corps lor la jusqua qui so l’epée fine perce entre so deux zapaules.
(Apres sa evenement la), le prophete fine dire :
“D’apres cequi bans dimounes pe trouvé, ene personne pe capave faire bans actions de bans habitants Jannat et qui en verité li parmi bans habitants du feu (l’enfer). Et d’apres cequi bans dimounes pe trouvé, ene personne pe capave faire bans actions de bans habitants de feu (l’enfer) et qui en verité li parmi bans habitants Jannat. En verité, bans actions zotte d’apres cequi ene personne mort lor la.]
(BUKHARI 6012)
Parmi bans Du'aa qui le prophète ti pé faire :
وَأَعُوذُ بِكَ أَنْ يَتَخَبَّطَنِي الشَّيْطَانُ عِنْدَ الْمَوْتِ
[(Oh Allaah) mo pé cherche To protection contre Shaytwaan renverse moi quand mo pé mort.]
(NASAI 5436)
D’apres sa Hadiith la, li claire pour comprend qui certaines personnes pour etre renversés par Shaytwaan juste avant zotte la mort. Si le prophete pe enseigne so Ummat sa Du’aa la, sa prouvé qui personne pas a l’abri de sa Fitnah la; personne pas conné si li pour capave tini ferme moment qui Malak-ul-Mawt pour vine tire so Rouh oubien non.
Rapporté par Jubayr ibn Nufayr :
دخلت على أبي الدرداء في منزله بحمص فإذا هو قائم يصلي في مسجده فلما جلس يتشهد جعل يتعوذ بالله من النفاق فلما انصرف قلت غفر الله لك يا أبا الدرداء أين أنت والنفاق قال اللهم غفرا ثلاثا من يأمن البلاء من يأمن البلاء والله إن الرجل ليفتتن في ساعة فينقلب عن دينه
[ Mo ti rentre cote Abud-Dardaa dans so lacaze a Hims pendant qui li ti pe faire Swalaat debouté dans place qui li faire Swalaat. Quand li fine assize pour Tashahhud, li fine commence cherche protection avec Allaah contre l’hypocrisie. Quand li fine termine Swalaat, mo fine dire li :
“Qui Allaah pardonne ou, Oh Abud-Dardaa ! Cote ou et cote l’hypocrisie?”
Alors, Abud-Dardaa fine dire :
“Oh Allaah pardonne moi (3 fois). Qui sanla qui a l’abri de bans epreuves (2 fois). Serment lor Allaah, ene personne li capave etre tenté dans ene ti-moment et li detourné de so Deen!”]
(SHU’AB-UL-IIMAAN 1/506/857)
Basant lor sa Athar la, nous trouve qui ene personne pas ena garantit pour li-meme oubien pour les autres, parcequi nous pas conné qui moment ene Fitnah capave attrape nous. Qui Allaah protege nous contre bans Fitnah et Li aide bans “Muftis” pour retourne vers la verité avant qui li trop tard.
Al-Muzani dire :
دخلت على الشافعي رحمة الله عليه وهو عليل فقلت كيف أصبحت يا أبا عبد الله قال أصبحت من الدنيا راحلا ولإخواني مفارقا ولسوء عملي ملاقيا وعلى الله واردا وبكأس المنية شاربا ولا والله ما أدري أروحي تصير إلى الجنة فأهنيها أو إلى النار فأعزيها ثم بكى
[ Mo ti rentre cote Ash-Shaafei dans so malade (qui li ti mort pendant sa).
Mo fine demande li :
“Oh Abu Abdillaah, couma ou été azordi matin?”
Li fine repondre :
“Mo fine joindre le matin dans ene l’etat qui (mo senti) mo pe quitte sa Dunyaa la, mo pe separé de mo bans frères, mo pe alle joindre mo bans mauvais actions, mo pe alle comparaitre devant Allaah, mo pe boire (depuis) verre de la mort. Serment lor Allaah, mo pas conné est-ce qui mo Rouh pour alle dans Jannat afin qui mo felicite li, oubien li pour alle dans du feu (l’enfer) afin qui mo console li!”
Ensuite li fine pleuré.]
(SIYAR 5/99, AZ-ZUHD-UL-KABIIR 2/222/575)
A cause qui personne pas ena garantit pour li-meme, nous trouve qui bans vrais Ulamaa fine toujours vivre avec la frayeur Allaah.
Mullaa Ali Qaari (1014 H) dire :
أن المشايخ الكرام والعلماء الأعلام كانوا أخوف لله من سائر الأنام
[ Bans Sheikh eminents et bans Ulamaa distingués, banla ti ena plus beaucoup la frayeur Allaah qui tous dimounes.]
(PG 23)
Couma nous pour conné qui sanla qui musulman?
Les “Muftis” dire :
[ Ça li pou ene l’empechement pou accepté kikene comme ene musulman parceki ou pas conné dans ki l’état li fine mort oubien dans ki l’état li pou mort……]
Reponse :
Considère untel comme Wali-Allaah avec determination, c’est croire qui Allaah content li avec determination, et sa c’est ene quitechose qui personne pas pour capave etre definitif lor la, parcequi jamais Allaah fine dire bans dimounes qui Li content untel. Donc, considère untel comme Wali-Allaah c’est ene quitechose qui concerne Ghaib, et le fait qui personne pas conne Ghaib apart Allaah, sa prouvé qui personne apart Allaah pas pour capave dire avec determination qui untel li ene Wali-Allaah. Quant-a considère ene personne comme ene musulman, donne li nous tifille en mariage et mange zanimau qui li fine egorgé, tous sa la c’est (أحكام الدنيا) bans la lois concernant Dunyaa et li pas ena narien a faire avec le monde de Ghaib. Bans la lois concernant Dunyaa, nous fine etre ordonnés pour accepter cequi bans dimounes laisse parraitre lor zotte l’exterieur sans gagne tracas de zotte l’interieur. Voici certains l’exemples :-
Dans l’epoque du prophete ti ena bans Munaafiq qui le prophete ti pe accepté zotte l’exterieur.
En retournant depuis la guerre Tabouk, le prophete ti accepté pretextes de bans Munaafiq menteurs, parcequi cequi concerne li c’est banla zotte l’exterieur.
D’apres Hadiith, si ou fine reste juste pour touye ene Kaafir qui ti pe la guerre contre ou, et dans sa moment la li arrivé prononce Kalimah, ou pas gagne droit touye li, parcequi ou obligé accepté so l’exterieur.
Rapporté par Al-Miqdaad ibn Amr :
قَالَ يَا رَسُولَ اللَّهِ إِنِّي لَقِيتُ كَافِرًا فَاقْتَتَلْنَا فَضَرَبَ يَدِي بِالسَّيْفِ فَقَطَعَهَا ثُمَّ لَاذَ مِنِّي بِشَجَرَةٍ وَقَالَ أَسْلَمْتُ لِلَّهِ آقْتُلُهُ بَعْدَ أَنْ قَالَهَا قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَا تَقْتُلْهُ قَالَ يَا رَسُولَ اللَّهِ فَإِنَّهُ طَرَحَ إِحْدَى يَدَيَّ ثُمَّ قَالَ ذَلِكَ بَعْدَ مَا قَطَعَهَا آقْتُلُهُ قَالَ لَا تَقْتُلْهُ فَإِنْ قَتَلْتَهُ فَإِنَّهُ بِمَنْزِلَتِكَ قَبْلَ أَنْ تَقْتُلَهُ وَأَنْتَ بِمَنْزِلَتِهِ قَبْلَ أَنْ يَقُولَ كَلِمَتَهُ الَّتِي قَالَ
[ Mo fine dire :
“Oh messager d’Allaah, mo fine joindre ene Kaafir et nous fine commence laguerre. Li fine tappe mo la main avec l'epée et li fine coupe li. Ensuite li fine alle protége li-meme de moi par ene arbre et li fine dire : Mo pe soumettre a Allaah. Est-ce qui mo endroit touye li apres qui li fine dire sa?”
Le messager d’Allaah fine dire :
“Pas touye li.”
Mo fine dire :
“Oh messager d’Allaah, li fine fini coupe mo ene la main, et ensuite apres sa qui li pe dire sa phrase la, est-ce qui mo touye li?”
Le prophète fine repondre :
“Non. Si to touye li, li pour vine dans to rang avant qui to ti touye li, et to pour vine dans so rang avant qui li ti prononce phrase qui li ti prononcé.”] (BUKHARI 6358)
Voici deux preuves encore lor la :-
Rapporté par Abu Sa'iid :
فَقَالَ يَا رَسُولَ اللَّهِ اتَّقِ اللَّهَ قَالَ وَيْلَكَ أَوَلَسْتُ أَحَقَّ أَهْلِ الْأَرْضِ أَنْ يَتَّقِيَ اللَّهَ ... ثُمَّ وَلَّى الرَّجُلُ قَالَ خَالِدُ بْنُ الْوَلِيدِ يَا رَسُولَ اللَّهِ أَلَا أَضْرِبُ عُنُقَهُ قَالَ لَا لَعَلَّهُ أَنْ يَكُونَ يُصَلِّي فَقَالَ خَالِدٌ وَكَمْ مِنْ مُصَلٍّ يَقُولُ بِلِسَانِهِ مَا لَيْسَ فِي قَلْبِهِ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنِّي لَمْ أُومَرْ أَنْ أَنْقُبَ عَنْ قُلُوبِ النَّاسِ وَلَا أَشُقَّ بُطُونَهُمْ
[ Zul-Khuwaysarah fine dire le prophete :
"Oh messager d'Allaah, gagne Taqwaa-Allaah!"
Le prophete fine dire li :
"Malheur a toi! Est-ce qui c'est pas moi-même parmi bans habitants la terre qui plus merite ena Taqwaa pour Allaah?"
Ensuite li fine vire le dos (pour aller).
Khaalid ibnul Waliid fine dire :
"Oh messager d'Allaah, est-ce qui mo pas coupe so li cou?"
Le prophete fine repondre :
"Non, peut-être qui li faire Swalaat!"
Khaalid fine dire :
"Combien Muswalli ena coumesa qui li dire par so la langue quitechose qui pas ena dans so le coeur?"
Le messager d'Allaah fine dire :
"Mo pas fine être ordonné pour fouille le coeur bans dimounes ou pour dechire zotte ventre!"]
(BUKHARI 4004)
Le Swahaabi Umar dire :
إِنَّ أُنَاسًا كَانُوا يُؤْخَذُونَ بِالْوَحْيِ فِي عَهْدِ رَسُولِ اللَّهِ صَلَّى اللَّهُ عَلَيْهِ وَسَلَّمَ وَإِنَّ الْوَحْيَ قَدِ انْقَطَعَ وَإِنَّمَا نَأْخُذُكُمُ الْآنَ بِمَا ظَهَرَ لَنَا مِنْ أَعْمَالِكُمْ فَمَنْ أَظْهَرَ لَنَا خَيْرًا أَمِنَّاهُ وَقَرَّبْنَاهُ وَلَيْسَ إِلَيْنَا مِنْ سَرِيرَتِهِ شَيْءٌ اللَّهُ يُحَاسِبُهُ فِي سَرِيرَتِهِ وَمَنْ أَظْهَرَ لَنَا سُوءًا لَمْ نَأْمَنْهُ وَلَمْ نُصَدِّقْهُ وَإِنْ قَالَ إِنَّ سَرِيرَتَهُ حَسَنَةٌ
[ Dans l’epoque du messager d’Allaah, ti ena bans dimounes qui ti pe attrape banla (pour zotte pechés) par Wahii. Mais Wahii fine fini coupé, et astère nous attrape banla par zotte actions qui visibles a nous. Celui qui laisse du bien apparaitre de li, nous donne li la securité et nous rapproche li de nous et nous pas ena narien a faire avec so pensée intime. C’est Allaah qui pour juge so pensée intime. Mais celui qui laisse le mal apparaitre de li, nous pas donne li la securité et nous pas croire li, meme si li dire qui so pensée intime correcte.]
(BUKHARI 2447)
Dans Riyaad-us-Swaalihiin, a la page 186, An-Nawawi (676 H) dire :
باب إجراء أحكام الناس على الظاهر وسرائرهم إلى الله تعالى
[ Chapitre : (Nous) applique la lois concernant bans dimounes basant lor cequi apparent. Zotte pensées imtimes, sa, (nous quitte) pour Allaah.]
Couma nous pour accepté Hadiith de bans narrateurs?
Les “Muftis” dire :
[ Ou bizin arête accepté banne hadices parceki ou pas conné ki ça banne narrateurs-la dans ki l’etat zotte fine mort….. parceki normalement nou accepté ene hadice lor confiance ça dimoune ki fine rapporte ça-la. Si nou ignore conné dans ki l’etat li fine mort, alors ki manière nous capave faire li confiance?]
Reponse:
Si bans “Muftis” pe avance ene argument pareille, nous demande-nous couma zotte fine capave gagne sa grand titre la et qui ene ti-connaissance coumesa zotte pas pe conné?
Accepté ene narrateur so Hadiith, sa li pas ena narien a faire avec l’etat lor lequel li fine mort, parcequi accepté so Hadiith, sa li concerne la loi Dunyaa, et l’etat lor lequel li fine mort, sa li concerne Aakhirat. Quand nous bans Ulamaa fine dire qui untel so Hadiith authentique, sa jamais ti veut dire qui sa narrateur la li ene Jannati. De la meme façon, quand bans Ulamaa fine dire qui untel so Hadiith rejeté, sa jamais ti veut dire qui sa narrateur la li ene Jahannami. Donc, nous base lor cequi apparent; celui qui so l’apparence prouve qui li veridique, nous accepté li, et celui qui so l’apparence prouve qui li ene menteur, nous rejete li. A cause sa, nous trouve qui dans ene certains cas, bans Ulamaa fine accepté Hadiith de bans Bidati – bans Khawaarij – parcequi zotte l’apparence ti prouve qui zotte veridiques malgré zotte Bid-ah.
Couma nous pour capave accepté Fatwaa de kit Aalim?
Les “Muftis” dire :
[ Ou pou bizin arête presente l’opinion ou Fatwa tel ou tel Sheikh parceki ou pas conné dans ki l’etat zotte fine mort d’apres ça raisonement banale-la.]
Reponse :
Pour accepter ou rejete l’opinion d’ene Aalim, nous guetté si pas li en conformité avec Qur-aan/Hadiith oubien non. Si Fatwaa la li en conformité avec Qur-aan/Hadiith, nous obligé accepté li, meme si nous considére sa Aalim la comme ene egaré qui fine mort lor so l’egarement. De l’autre coté, si Fatwaa la li en contradiction avec Qur-aan/Hadiith, nous bizin rejete li, meme si nous considère sa Aalim la comme ene de bans plus grand Ulamaa veridiques qui fine existé lor sa la terre la. Donc, accepté ou rejete Fatwaa d’ene Aalim, sa pas ena narien a faire avec l’etat lor lequel li fine mort.
Qui zotte pour dire concernant les 4 Imaam?
Les “Muftis” dire :
[ Si kikene dimane ou eski Hazrat ‘Oumar Bin Abdul Azize ti ene Wali-Allaah ou bien si kikene dimane ou eski 4 Aimmah zotte ti banne Awliya Allah, alors ki ou pou repone? Eski li pou joli si ou repone ki nou pas capave dire ki zotte banne Wali Allah parceki nou pas supposé conné dans ki l’etat zotte fine mort?]
Reponse:
(1)
Qui faire bizin pose sa question la : Untel li ene Wali-Allaah oubien non? Qui sa avancé dans nous Imaan? Est-ce qui li pas suffit pour dire qui bans vrais musulmans c’est bans Awliyaa-Ullaah et bans Kuffaar c’est bans Awliyaa-ush-Shaytwaan? Nous fine etre ordonnés pour cause bon pour bans qui fine mort, et alors, nous ena tout l’espior lor Allaah qui Li fine considère bans Salaf de sa Ummat la comme So bans Awliyaa. Sa li suffit pour nous et nous pas ena pour donne nous la peine pour alle chercher qui sanla lor qui l’etat li fine mort.
(2)
Est-ce qui sa quatre Imaam la capave ena plus valeur qui le Swahaabi Uthmaan ibn Maz’oun – ene parmi bans Muhaajir? Pourtant, quand li ti mort, Ummul-Alaa ti dire concernant li :
لَقَدْ أَكْرَمَكَ اللَّهُ
“Certainement Allaah fine honore toi!”
En entendant sa, le prophete fine replique li :
وَمَا يُدْرِيكِ أَنَّ اللَّهَ قَدْ أَكْرَمَهُ
“Qui sanla fine faire toi conné qui Allaah fine honore li?”
Ummul-Alaa fine dire :
بِأَبِي أَنْتَ يَا رَسُولَ اللَّهِ فَمَنْ يُكْرِمُهُ اللَّهُ
“Qui mo papa etre sacrifié a cause ou, oh messager d’Allaah. Qui sanla alors qui Allaah pour honore li?”
Le prophete fine dire :
أَمَّا هُوَ فَقَدْ جَاءَهُ الْيَقِينُ وَاللَّهِ إِنِّي لَأَرْجُو لَهُ الْخَيْرَ وَاللَّهِ مَا أَدْرِي وَأَنَا رَسُولُ اللَّهِ مَا يُفْعَلُ بِهِ
“Quant-a li, la mort fine fini joindre li. Serment lor Allaah, mo espere le bien pour li. Mais serment lor Allaah, malgré qui mo le messager d'Allaah, mo pas conné qui (Allaah) pour faire avec li.”
Alors, Ummul-Alaa fine dire :
فَوَاللَّهِ لَا أُزَكِّي أَحَدًا بَعْدَهُ أَبَدًا
“Serment lor Allaah, jamais mo pour flatte quicaine après li!”
(BUKHARI 1166, BUKHARI 2490)
Qui faire nous pas capave base lor bans signes?
Les “Muftis” dire :
[ Si nous gagne droit traite ene dimoune musulman lors la base banne signes, nou pas comprend ki faire nou pas capave accepté kikene Wali lor la base banne signes.]
Reponse :
Accepté quicaine comme musulman basant lor so l’apparence, sa c’est ene quitechose qui concerne nous relation entre nous dans sa Dunyaa la, et nous fine etre ordonnés pour agir coumesa. Garde l’espoir lor Allaah qui untel li ene Wali-Allaah basant lor so l’apparence, sa aussi pas ena narien mauvais la dans. Mais vine dire dans ene façon definitive qui untel li ene Wali-Allaah, sanla li contredire Mazhab de bans Salaf et bans Ulamaa qui nous fine cité en haut.
Couma nous capave suivre sa ducal la?
Les “Muftis” dire :
[ Aprés ça coumanière nou capave permette nou suive ça ducal-la ki so Iman meme dans balance parceki d’apres so propre raisonnement pas supposé conné dans ki l’etat li pou mort.]
Reponse :
Vraiment mo pas conné dans qui l’etat mo pour mort, mais mo ena l’espoir et mo supplié Allaah qui Li pas faire moi joindre la mort excepté dans ene bon l’etat. Quant-a ou, façon qui ou pe causé, comme si ou deja conné lor qui l’etat ou pour mort. Si mo pe faire erreur dans sa déclaration la, li bon ou corrige moi dans ou la gaztette de l’egarement la.
Est-ce qui zotte pour retracté?
Les “Muftis” dire :
[ Nou conné ki zotte pas ti conne l’implicatiom de ça déclaration erroné-la. Mais astère quand zotte fine conné, zotte bizin montré zotte assez responsable pour retracté sans attane pou gagne l’ordre depi zotte maison mère et sans essaye pou faire importe reponse depi dehors comme d’habitude.]
Reponse :
Alhamdulillaah, nous fine conne tres bien cequi nous fine dire, et nous fine conne so l’implication aussi. Mais bans “Muftis” fine pressé pour refuté parcequi zotte fine croire oubien zotte fine oulé faire croire qui parole la sorti depuis la bouche bans zenfants qui pe considère canette comme perle/diamant. Astère qui bans “Muftis” pe trouve zotte devant parole de bans Ulamaa, qui pour zotte reaction? Zotte pour retracté oubien comme d’habitude zotte pour joué sauvé?? Mo esperé qui pour au moins ene fois, bans “Muftis” reconnaitre qui bans ducals dans l’age fine arrivé ena raison et bans “Muftis” fine arrivé tombe dans bassesse pour vine parmi bans ducals dans comprehension.
ABU LAYLAA
SHABBIR
Note :
Sa livret li pas ene refutation juste contre bans “Muftis” Deobandi, mais li aussi ene refutation contre Bareilwi Jamaat parcequi banla aussi pressé pour donne zotte bans Guru titre “Wali-Allaah”.
Dans livret (En defence de Imâm Ahmad), a la pg 2, Qaari Mansoor fine donne certificat Wali-Allaah Kaamil a certains, cote li dire :
[ Parfois finn arrivé ki, certains dimounes finn gagne tous les deux ‘Ilm (‘Ilm-é-Zwâhiriy et ‘Ilm-é-Bâtwiniy)[3]. Donc, zott ti ‘Âlim-é-Deen et Waliyyé Kâmil en même temps. Par exemple, Mawlânâ Shah ‘Abdul ‘Aleem Swiddeeqiy, Imâm Ahmad Razâ Khan Bareilwiy, Imâm Ghazzâliy, Sayyidunâ Sheikh ‘Abdul Qadir Jeelâniy... etc.]
Certains livrets encore qui fine prouve l’egarement de bans « Muftis » :-
Secte Tabliigh
La Fausse Conception De Wahdat-Ul-Wujoud
Est-Ce Qui Khidr Encore Vivant?
Tabliigh Jamaat D'apres Parole Bans Ulamaa
40 Jours Et 4 Mois De Tabliigh Jamaat C'est Ene Bid-Ah
Khutbah En Creole
Cote Allaah été?
Croyance dans Wali-Allaah sans exageration de bans Sufi égarés
Tres bientot :-
Challenge de bans "Muftis" et Reponse de "Ar-Rudoud"
[1] Sourah 42 verset 7.
[2] Refere a la gazette Al-Hudaa Vol 1, No 7, pg 3.
[3] Concernant sa deux connaissances la, refere a mo livret lor Wali-Allaah, pg 40-43
No comments:
Post a Comment