7. LEÇONS LOR BANS QUITECHOSES QUI HARAAM. دروس في المحرمات - . Qui Arrive Toi Si To Tombe Dans La Drogue?

Qui Arrive Toi Si To Tombe Dans La Drogue?

INTRODUCTION

Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene livret avec titre :
Qui arrive toi si to tombe dans la drogue?

Nous tous conné qui ene parmi bans moyens qui bans l’ennemis de l’Islaam fine servi pour detruire sa communauté la et pour dirige li vers la ruine c’est fanne la drogue parmi les jeunes musulmans. Mais en realité, ene vrai musulman pas ti supposé tombe dans sa piege la, car li trop clair depuis Qur-aan et Hadiith qui sa quitechose la li ene parmi bans plus grands pechés dans Deen Islaam.

En restant loin de zotte Deen, guette combien musulman fine tombe dans la drogue, sans realise so consequence. Donc, comme ene conseil de nous part, oh jeune frère musulman, nous pe mette devant toi, certains Aayat Qur-aan et Hadiith qui pe montré gravité consommation sa poison la, et aussi certains so bans consequences.

ABU LAYLAA
SHABBIR
768-4083

La drogue li Haraam.
La drogue c’est ene quitechose Haraam, pas ena aucun musulman qui pas conne sa verité la, parcequi ena trop beaucoup textes lor la depuis Qur-aan et Hadiith.

Allaah dire : (5:90)

يَاأَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ
[ Oh bans qui fine amene Imaan! Khamr, Maysir, Answaab, et Azlaam c’est bans malpropretés qui forme partie de travaille Shaytwaan. Alors, evite li, afin qui zotte gagne la reussite.]

Khamr c’est n’importe qui quitechose qui faire ene personne gagne soulaison, comme par exemple : du vin ou la drogue. Consomme bans quitechoses pareille, bans Kuffaar faire croire qui sa c’est ene signe de l’honneur. Mais l’Islaam fine considère sa comme ene malpropreté, parcequi quand ene personne fine soulé et fine perdi so l’esprit, li commence divaguer et li commence commettre bans betises encore plus. En verité, l’honneur d’ene personne trouve dans so bans bons comportements et nonplus dans betises qui li commettre.

Le prophète dire :

كُلُّ مُسْكِرٍ خَمْرٌ وَكُلُّ خَمْرٍ حَرَامٌ
[ Tous quitechoses qui faire gagne soulaison c’est Khamr, et tous Khamr Haraam.]
(MUSLIM 3735)

Le prophète dire concernant la boisson qui apporte soulaison :

اضْرِبْ بِهَذَا الْحَائِطِ فَإِنَّ هَذَا شَرَابُ مَنْ لَا يُؤْمِنُ بِاللَّهِ وَالْيَوْمِ الْآخِرِ
[ Jette sa lor muraille. Sa c’est la boisson de celui qui pas ena Imaan en Allaah et le dernier jour.]
(ABU DAOUD 3228)

La drogue c’est maman de bans malpropretés.
D’apres bans Hadiith, la drogue – sous le terme Khamr – fine être consideré comme la clef de bans malpropretés et maman de bans malpropretés.

Rapporté par Abud-Dardaa’:

أَوْصَانِي خَلِيلِي صَلَّى اللَّهُ عَلَيْهِ وَسَلَّمَ لَا تَشْرَبِ الْخَمْرَ فَإِنَّهَا مِفْتَاحُ كُلِّ شَرٍّ
[ Mo camarade intime fine conseille moi : “Pas consomme Khamr (la drogue), car c’est la clef de tous mauvais quitechoses!”]
(IBN MAAJAH 3362)

Le prophète dire :
الْخَمْرُ أُمُّ الْخَبَائِثِ
[ Khamr (la drogue) c’est maman de bans malpropretés.]
(AD-DAARQUTNI 4/247/4)

Le prophète dire :

الخمر أم الفواحش وأكبر الكبائر من شربها وقع على أمه وعمته وخالته
[ Khamr c’est maman de bans actes immorals et li le plus grand parmi bans grands pechés. Celui qui fine consomme li, li faire Zinaa avec so maman, so Khala et so poupou.]
(AD-DAARQUTNI 4/247/3)

Malediction Allaah lor la drogue.
Le prophète dire :

أَتَانِي جِبْرِيلُ فَقَالَ يَا مُحَمَّدُ إِنَّ اللَّهَ عَزَّ وَجَلَّ قَدْ لَعَنَ الْخَمْرَ وَعَاصِرَهَا وَمُعْتَصِرَهَا وَشَارِبَهَا وَحَامِلَهَا وَالْمَحْمُولَةَ إِلَيْهِ وَبَائِعَهَا وَمُبْتَاعَهَا وَسَاقِيَهَا وَمُسْتَقِيَهَا
[ Jibrill fine vine cote moi et li fine dire : “Oh Muhammad, certainement Allaah fine envoye malediction lor :
Khamr,
Celui qui presse li (pour les autres),
Celui qui presse li (pour li-même),
Celui qui boire li,
Celui qui charié li,
Celui qui sa pe être charié vers li,
Celui qui vendre li,
Celui qui acheté li,
Celui qui servi li,
Celui qui demande pour servi li.”]
(AHMAD 2747)

Qui qualité degout Allaah ena pour la drogue, qui a travers li, tous sa dimounes la pe merite So malediction?

Swalaat pas accepté.
Celui qui drogué oubien li consomme n’importe qui quitechose qui donne li soulaison, sa personne la pas gagne aucun recompense pour Swalaat qui li faire pendant 40 jours.

Le prophète dire :

لَا يَشْرَبُ الْخَمْرَ رَجُلٌ مِنْ أُمَّتِي فَيَقْبَلُ اللَّهُ مِنْهُ صَلَاةً أَرْبَعِينَ يَوْمًا
[ Pas ena aucun zomme dans mo Ummat qui consomme Khamr et ensuite so Swalaat être accepté pendant 40 jours.]
(NASAAÏ 5570)

Bans drogueurs bizin touye zotte.
Cequi montré nous encore gravité sa peché la c’est qui l’Islaam fine enseigne pour touye bans drogueurs.

Le prophète dire :

إِذَا شَرِبُوا الْخَمْرَ فَاجْلِدُوهُمْ ثُمَّ إِذَا شَرِبُوا فَاجْلِدُوهُمْ ثُمَّ إِذَا شَرِبُوا فَاجْلِدُوهُمْ ثُمَّ إِذَا شَرِبُوهَا الرَّابِعَةَ فَاقْتُلُوهُمْ
[ Si banla boire Khamr (pour la premiere fois), fouette-zotte. Si zotte boire li (ene deuxième fois), fouette-zotte. Si zotte boire li (ene troisième fois), fouette-zotte. Si zotte boire li pour la quatrième fois, touye zotte!]
(AHMAD 16256)

La drogue pour faire toi gagne ene mauvais la mort.
Celui qui drogué, avec le temps, li n’est plus senti li a l’aise tanque qui pas ena sa malpropreté la dans so le corps. Dans sa façon la, definitivement li pour joindre la mort avec la drogue dans so le corps, et celui qui gagne ene mauvais la mort pareille, so cas pour critique aupres d’Allaah.

Le prophète dire :

فإن مات وهي في بطنه مات ميتة جاهلية
[ Si (celui qui consomme Khamr) li mort et qui sa dans so ventre, li mort ene la mort de Jaahiliyyah.]
(AD-DAARQUTNI 4/247/4)

Pas ena Jannat pour bans drogueurs!
Jannat c’est ene place propre, et alors, li logique pour comprend qui bans qui fine salir zotte du sang avec la drogue, zotte pas pour gagne pour rentre dans sa place la.

Le prophète dire :

ثَلَاثَةٌ قَدْ حَرَّمَ اللَّهُ عَلَيْهِمُ الْجَنَّةَ مُدْمِنُ الْخَمْرِ وَالْعَاقُّ وَالدَّيُّوثُ الَّذِي يُقِرُّ فِي أَهْلِهِ الْخَبَثَ
[ Ena trois personnes qui Allaah fine faire Jannat Haraam lor zotte : (1) Celui qui consomme Khamr (2) Celui qui malagir envers so parent (3) Ad-Dayyouth – Celui qui approuve malpropreté dans so famille.”]
(AHMAD 5117)

Quand bans drogueurs et bans soulards pas pour gagne pour rentre dans Jannat, sa veut dire qui zotte pour être privés de Khamr qui ena dans Jannat.

Le prophète dire :

مَنْ شَرِبَ الْخَمْرَ فِي الدُّنْيَا ثُمَّ لَمْ يَتُبْ مِنْهَا حُرِمَهَا فِي الْآخِرَةِ
[ Celui qui consomme Khamr dans Dunyaa et ensuite li pas faire Tawbah de sa, li pour être privé de sa dans Aakhirat.]
(BUKHARI 5147)

Humiliation bans drogueurs dans l’enfer.
Bans drogueurs zotte punition c’est pas juste qui pour mette zotte dans l’enfer, mais zotte pour gagne ene humiliation speciale dans l’enfer, par gagne pour boire, transpiration de bans habitants l’enfer.

Rapporté par Jaabir :

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ ... إِنَّ عَلَى اللَّهِ عَزَّ وَجَلَّ عَهْدًا لِمَنْ يَشْرَبُ الْمُسْكِرَ أَنْ يَسْقِيَهُ مِنْ طِينَةِ الْخَبَالِ قَالُوا يَا رَسُولَ اللَّهِ وَمَا طِينَةُ الْخَبَالِ قَالَ عَرَقُ أَهْلِ النَّارِ أَوْ عُصَارَةُ أَهْلِ النَّارِ
[ Le messger d’Allaah fine dire :
"Ena ene l’engagement lor Allaah envers celui qui fine consomme l’intoxicant, qui Li faire li boire de Twiinat-ul-Khabaal."
Banla fine demandé :
“Oh messager d’Allaah, qui été Twiinat-ul-Khabaal?”
Le prophète fine repondre :
“C’est transpiration/du pus de bans habitants du feu (l’enfer).”]
(MUSLIM 3732)

La drogue dirige vers Kufr.
Le prophète dire :

مُدْمِنُ الْخَمْرِ إِنْ مَاتَ لَقِيَ اللَّهَ كَعَابِدِ وَثَنٍ
[ Celui qui adonne-li a Khamr, si li mort, li joindre Allaah comme ene adorateur idole.]
(AHMAD 2325)

Signification de sa Hadiith la c’est qui celui qui consomme Khamr, finalement li legalize sa peché la, et sa faire li tombe dans Kufr pour vine egale a ene adorateur idole.

Le Swahaabi Uthmaan ibn Affaan dire :

فَاجْتَنِبُوا الْخَمْرَ فَإِنَّهَا وَاللَّهِ لَا يَجْتَمِعُ الْإِيمَانُ وَإِدْمَانُ الْخَمْرِ إِلَّا لَيُوشِكُ أَنْ يُخْرِجَ أَحَدُهُمَا صَاحِبَهُ
[ Evite Khamr. Serment lor Allaah, Imaan et l'habitude consomme Khamr pas joindre ensemble excepté qui li pres pour qui ene entre les deux retire so compagnon.]
(NASAAï 5572)
Certains consequences la drogue dans Dunyaa meme.

Si to consomme la drogue, to pour vine parmi bans qui pe commettre ene peché qui fine être consideré par le prophète comme “Maman de bans malpropretés”.

Si to tombe dans la drogue, automatiquement to pour abandonne Swalaat, et celui qui abandonne Swalaat, li tombe dans Kufr.

Avec la drogue, to pour maigri, to pour perdi to beauté et to pour perdi to la santé.

Avec la drogue, to pour perdi to la force. To pour n’est plus capave travaille couma bizin, et alors, to capave perdi to travail.

Avec les temps, to pour n’est plus capave satisfaire to madame aussi, et alors, ena grand possibilité qui li trompe toi.

Tous to l’argent pour fini la dans même et aucun progrés to pas pour faire dans to la vie. Au contraire, to pour faire faillite dans to business et to pour perdi to travail.

To pour commence neglige nourriture de bans qui sous to responsabilité. To madame pour bizin commence travaille. Avec les temps, ena grand possibilité li quitte toi li alle avec ene l’autre zomme.

To pour n’est plus capave surveille to bans zenfants et elevé zotte couma bizin. Banla pour vine bans illetrés et bans vagabonds. To tifille pour amene bans roles qui pas bizin.

Si tout to l’argent fini, to pour vine voleur. To pour coquin bijoux to madame, tempo to maman et tous cequi to capave depuis to propre lacaze. To pour essaye coquin dans travail aussi, et la, to risqué perdi to travail et to rentre dans prison.

Quand to l’argent pour fini, pour gagne l’argent avec dimounes, to pour commence tire tous qualités plans avec banla. To pour connu comme ene menteur.

Par talle to la main avec bans dimounes, to pour abaisse to-même et to pour vine ene mendiant.

Si to n’est plus ena l’argent pour droguer, to capave gagne proposition pour vendre un peu la drogue afin qui to gagne to dose cadeau. Dans sa façon la, to vine ene ti-vendeur la drogue qui pe aide bans Kuffaar pour touye to bans frères musulmans. Si la police attrape toi, to destination c’est prison.

Dimounes pour n’est plus ena confiance lor toi. Banla pas pour ena aucun estime et respect pour toi. To pour ene vaux-rien dans la societé.

To pour commence frequente juste bans drogueurs et bans vagabonds, et sa pour faire toi developpe bans les autres vices dans toi.

Si to pas encore marié, personne pas pour rode donne toi tifille. To la vie pour fini dans Zinaa, et facilement to gagne SIDA et to pour fini pour to compte.

To pe gate reputation de to famille. A cause toi, to tifille capave pas gagne demande, et sa capave pousse li pour prend ene mauvais chemin.

Pour gagne l’argent avec les autres, to pour essaye embette to bans les autres frères pour mette banla aussi dans même bateau avec toi. Par sa, to pour bizin charié banla aussi zotte pechés.

To pas pe ruine seulement to le corps, mais to pe ruine toute ene famille en entier. To parent n’est plus pe dormi avec tranquilité et to madame aussi n’est plus ena ene gout dans so la vie.

Ena grand possibilitié qui to madame separé de toi, et la dans c’est to zenfants qui pour plus perdi.

A travers la drogue ou vol, ena grand posibilité qui to rentre dans prison, et pendant qui to pour dans prison, to madame capave cherche ene l’autre zomme pour satisfaire li.

Si tout to l’argent fini, to pour même disposé vendre le corps to madame/to tifille juste pour qui to gagne to la drogue, et pour faire banla faire sa, to pour drogue banla aussi.

Par servi seringue les autres, to pour gagne SIDA, et par sa, to pour fini pour to compte.

A travers la drogue, bans Kuffaar pe fini bans soldats de l’Islaam. Qui sanla pour defendre to madame et to tifille quand to n’est plus vaut pour defendre to propre le corps?

Conclusion:
Apres qui to fine lire sa livret la, mo sure qui to pas fine apprendre grande chose de nouveau la dans, parcequi to ti deja conné qui la drogue pas ena du bien la dans. Mais cequi qui pe empeche toi pour prend ene courage zomme pour sorti depuis sa malpropreté la c’est simplement ene inspiration satanique qui fine tache dans to l’esprit :
“Pas capave sorti depuis la dans!”

Connez qui en verité, sa pretexte la li pas valide. Si vraiment to oulé sorti depuis sa malpropreté la, prend les mesures suivants :

1. Couma to ti rentre la dans volontairement, faire l’intention pour sorti depuis la dans avec to propre volonté.

2. Faire Du’aa avec Allaah pour qui Li aide toi pour sorti depuis sa malpropreté la.

3. Arrete frequente bans camarades qui to conné zotte drogué.

4. Pas alle bans bases cote to conné pe vendre sa malpropreté la.

5. Faire zeffort pour pas rate aucun Swalaat.

6. Frequente bans bons dimounes qui pour conseille toi et pour encourage toi pour sorti depuis la dans.

7. Commence apprendre to Deen.

8. Pas laisse-toi libre sans ena quitechose a faire. Mais cherche ene quitechose utile pour to engage-toi la dans a chaque fois qui to trouve ene le temps libre.

Nous faire Du’aa avec Allaah qui Li aide tous nous bans frères et soeurs pour retourne vers So Deen afin qui Li satisfait avec nous et Li faire nous jouir nous la vie Dunyaa aussi bien que nous la vie dans Aakhirat!