7. LEÇONS LOR BANS QUITECHOSES QUI HARAAM. دروس في المحرمات - . La Barbe

La Barbe


Introduction.. 1
Fausseté paroles de bans acteurs. 1
Nous ena tout raison pour mette l’emphase lor la barbe. 2
Certains qui agacé quand ou pe garde la barbe. 3
Garde la barbe c’est le principe du prophète Muhammad. 4
Garde la barbe c’est ene l’ordre du prophète. 6
Garde la barbe c’est pratique de tous bans prophètes. 7
Garde la barbe c’est ene pratique de tous bans Swahaabah. 8
Raze la barbe c’est faire Kufr avec l’honneur qui Allaah fine donne nous. 9
Raze la barbe ou taillé c’est l’obeissance à Shaytwaan. 10
Raze la barbe ou taillé c’est imite bans Kuffaar. 12
Raze la barbe c’est imite bans madames. 15
Raze la barbe faire Allaah guette ene personne avec dégout. 16
Raze la barbe c’est ene peché au clair. 17
Raze la barbe c’est mort lor desobeissance Allaah. 19
Raze la barbe c’est ene peché qui fine toujours desapprouvé par bans Ulamaa. 19
La honte. 22


Introduction
Dans bans Masjid qui gerés par bans Jaahil qui mort pour l’honneur, souvent de fois nous gagne bans frères qui vine monte lor Mimbar couma bans acteurs et zotte dire :
“Bans juifs pe envahir partout et ena pe encore discute longeur la barbe!”
“Bans jeunes pe tombe dans la drogue et ena so problème c’est juste la barbe!”
“Ena pe croire qui l’Islaam c’est juste quitte la barbe!”
“Est-ce-qui ou croire qui Allaah pour juge ou d’après longeur ou la barbe!”

Pas ena doute qui sa bans paroles la sorti depuis la bouche de bans qui zotte les coeurs malade, et par sa, zotte essaye gate l’image de bans Salafi. Quand bans Salafi dire : “Travaille dans la banque li Haraam”, zotte beaucoup souffert par sa et zotte dire qui bans Salafi pe vise dimounes dans zotte Khutbah. Mais la, quand bans acteurs vine critique bans Salafi, zotte pas trouve qui pe vise dimounes lor Mimbar!

§ Fausseté paroles de bans acteurs.
Avant nous montré pour qui bans raisons nous mette l’emphase lor la barbe, laisse nous montrer fausseté de sa bans paroles la. Quand zotte pe dire qui bans Salafi zotte problème c’est juste la barbe oubien pantalon la haut cheville, sa c’est ene fausseté au clair, parcequi Alhamdulillaah si ena ene groupe dans sa pays la oubien dans n’importe qui coin le monde qui pe lève contre bans Bidati dans Aqeedah, dans Fiqh, dans Hadiith, dans Tafsiir, ou dans bans les autres branches de la connaissance islamique, c’est pas ene l’autre groupe apart bans Salafi.

§ Nous ena tout raison pour mette l’emphase lor la barbe.
Après tout si nous reflechit bien, nous pour trouve qui en verité bans Salafi ena tout raison pour mette l’emphase lor la barbe et pantalon la haut cheville. Cela parcequi ene personne li pas represente l’Islaam par Imaan ou Taqwaa qui ena au fond de so le coeur, mais li represente l’Islaam par so comportement et so ténue. Astère, comportement la, ene non-musulman aussi capave ena li. Alors, finalement qui quitechose qui faire ene personne represente l’Islaam? C’est pas narien excepté so ténue! Donc, couma est-ce-qui nous capave pas mette l’emphase lor la quand c’est sa même la symbole de l’Islaam?

Certains capave dire qui pourvu mo le coeur propre, mais sa argument la li pas deboute, parcequi zotte même zotte dire qui l’Islaam li ene Deen complet qui couvert tous l’aspects de nous la vie. Est-ce-qui l’Islaam fine vine juste pour enseigne nous couma pour entretenir nous l’interieur, et concernant nous l’exterieur, sa li fine quitte nous par qui nous alle mendier devant bans les autres? En verité, n’importe qui sanla qui pe faillir pour laisse l’Islaam reflecté lor so l’exterieur, sa li pas indique narien excepté qui so l’interieur li malade.



Le prophete dire :

أَلَا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ وَإِذَا فَسَدَتْ فَسَدَ الْجَسَدُ كُلُّهُ أَلَا وَهِيَ الْقَلْبُ
[ Ena ene boute la viande dans le corps qui si li correct, le corps la en entier vine correct, et si li gaté, le corps la en entier gaté. Et bien c’est le coeur.]
(BUKHARI 50)

§ Certains qui agacé quand ou pe garde la barbe.
Apart sa bans Da’ii acteurs la, nous ena aussi certains qui quand ou pe garde la barbe, sa pese lourd lor zotte figure, et alors, zotte faire bans commentaires :-
“To pour paraître couma bans extremistes!”
“Si pe gardé même, garde li dans ene façon qui to pas pour paraître vilain!”
“Si pe gardé même, garde li dans ene façon qui to pas faire bans zenfants gagne peur!”
“Attention to fail dans interview a cause sa la barbe la!”
“Qui tifille pour rode marier avec toi avec to gros la barbe la!”

Ena depasse limite jusqu’a qui zotte faire boufon avec bans qui ena la barbe en disant qui to la barbe li couma Swami, et pas ena doute qui sa c’est Kufr!

Nous faire Du’aa avec Allaah qui Li ouvert nous le coeur pour accepter la verité concernant sa Sunnah la, Li aide nous pour mettre li en pratique avec ene fierté, et Li aide nous contre la honte qui pe empêche certains suivre la mode du prophète Muhammad .

§ Garde la barbe c’est le principe du prophète Muhammad .
D’après Hadiith, li clair qui le prophète Muhammad ti ena gros la barbe. Alors, couma ene personne capave gagne courage pour declare li ena l’amour pour le prophète Muhammad et en même temps li gagne honteux pour imite sa prophète la? Si ene personne vraiment ena l’amour pour so prophète, li pas pour attendre sa prophète la dire li quitte la barbe, mais juste couma li trouve le prophète garde la barbe, li aussi li pour pressé pour faire pareille couma so prophète. Acteur malpropre jamais fine demande li pour imite li, mais pourtant li fine comprend qui l’implication de so l’amour pour sa acteur la c’est qui li imite li. Quand il s’agit le prophète, jusqu’a l’heure li pas pe comprend qui li bizin imite so prophète, et qui pourtant so prophète fine demande li pour imite li.

Rapporté par Jaabir ibn Samurah :

وَكَانَ كَثِيرَ شَعْرِ اللِّحْيَةِ
[ Le messager d’Allaah ti ena la barbe bien fourni avec cheveux.]
(MUSLIM 4326)



Rapporté par Ali :

كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ ... عَظِيمَ اللِّحْيَةِ
[ Le messager d’Allaah ti ena ene gros la barbe.]
(AHMAD 902)

Rapporté par Al Baraa’ :

كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ ... كَثَّ اللِّحْيَةِ
[ Le messager d'Allaah ti ena gros la barbe.]
(NASAI 5137)

Rapporté par Abu Ma’mar :

قُلْتُ لِخَبَّابِ بْنِ الْأَرَتِّ أَكَانَ النَّبِيُّ صَلَّى اللَّهُ عَلَيْهِ وَسَلَّمَ يَقْرَأُ فِي الظُّهْرِ وَالْعَصْرِ قَالَ نَعَمْ ... قُلْتُ بِأَيِّ شَيْءٍ كُنْتُمْ تَعْلَمُونَ قِرَاءَتَهُ قَالَ بِاضْطِرَابِ لِحْيَتِهِ
[ Mo fine demande (le Swahaabi) Khabaab ibnul Arat :
“Est-ce qui le messager d’Allaah ti pe lire (Qur-aan) dans (Swalaat) Zuhr et Asr?”
Li fine repondre :
“Oui.”
Mo fine demande li :
”Couma zotte ti pe conné qui li pe lire?”
Li fine dire :
“Par bougé qui so la barbe ti pe bougé!”]
(BUKHARI 719)

La mode bans boufons, zotte pressé pour adopter. Mais la mode du prophète, sanla, zotte gagne honteux pour adopter li !!

§ Garde la barbe c’est ene l’ordre du prophète.

Rapporté par Abdullaah Ibn Umar :

عَنِ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ أَمَرَ بِإِحْفَاءِ الشَّوَارِبِ وَإِعْفَاءِ اللِّحْيَةِ
[ Le prophète fine ordonne pour taille moustache court et pour garde la barbe.]
(MUSLIM 381)

Basant lor sa Hadiith la, nous trouve mensonge de bans qui dire qui la barbe c’est pas ene quitechose qui important dans Deen Islaam, mais c’est plutôt ene pratique qui forme partie coutume de bans arabes.

Quand le prophète pe ordonne nous pour garde la barbe, est-ce-qui nous gagne droit reculer devant so l’ordre? Est-ce-qui nous pas conne gravité contredire l’ordre du prophète?

Allaah dire : (24:63)

فَلْيَحْذَرْ الَّذِينَ يُخَالِفُونَ عَنْ أَمْرِهِ أَنْ تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ
[ Qui bans qui contredire (le prophete) so l’ordre, faire attentoin, soit ene Fitnah attrape zotte oubien ene punition douloureux attrape zotte.]

Le prophete dire :

وَجُعِلَ الذِّلَّةُ وَالصَّغَارُ عَلَى مَنْ خَالَفَ أَمْرِي
[ L’humiliation et la bassesse reservée pour celui qui contredire mo l’ordre.] (AHMAD 4868)

Quand gouvernement Twaaghout passe ene la loi, tous dimounes gagne peur pour contredire sa la loi la, attention qui li pour bizin paye ene l’amende. Quand le prophète pe passe ene la loi qui bizin garde la barbe, aulieu gagne peur pour contredire sa la loi la, bans activistes musulmans pe gagne peur pour mettre li en pratique, attention qui bans agents Shaytwaan riye zotte!

§ Garde la barbe c’est pratique de tous bans prophètes.
En verité, garde la barbe c’est pas seulement l’enseignement du prophète Muhammad , mais c’est l’enseignement et la pratique de tous bans prophètes.

Le prophète dire :

عَشْرٌ مِنَ الْفِطْرَةِ قَصُّ الشَّارِبِ وَإِعْفَاءُ اللِّحْيَةِ
[ Dix quitechoses forme partie de Fitrah (bans pratiques qui tous bans prophètes fine observé en relation avec la propreté) : taille moustache et garde la barbe…..]
(MUSLIM 384)
Dans Qur’aan, Allaah rapporte nous parole du prophète Haaroun quand so frère Mousaa ti en colère avec li.

Allaah dire : (20:94)

قَالَ يَبْنَؤُمَّ لَا تَأْخُذْ بِلِحْيَتِي وَلَا بِرَأْسِي
[ Li (Haaroun) fine dire : “Oh garçon de mo maman! Pas attrape moi par mo la barbe et nonplus par mo la tête!”]

Par sa Aayat la, nous comprend qui le prophète Haaroun ti ena ene gros la barbe.

§ Garde la barbe c’est pratique de tous bans Swahaabah.
Quand nous guette bans Swahaabah, bans Salaf, et bans vrais ‘Ulamaa jusqu’a dans nous l’époque, pas fine existe personne qui pas fine garde la barbe. Alors, qui musulman “pratiquant” qui ou pe declaré et qui ou pe gagne honteux pour suivre zotte la mode?

Anas ibn Maalik dire :

يُكْرَهُ أَنْ يَنْتِفَ الرَّجُلُ الشَّعْرَةَ الْبَيْضَاءَ مِنْ رَأْسِهِ وَلِحْيَتِهِ
[ Li detestable qui quicaine arrache cheveux blanc depuis so la tête oubien so la barbe.]
(MUSLIM 4321)

Si bans Swahaabah pas ti d’accord qui quicaine arrache bans cheveux blanc depuis so la barbe, imagine degoût qui zotte ti pour ena pour celui qui pe enleve so la barbe qui encore noir!

§ Raze la barbe c’est faire Kufr avec l’honneur qui Allaah fine donne nous.
Allaah fine honore l’homme en tant que creature qui fine être crée dans meilleur forme.

Allaah dire : (95:4)

لَقَدْ خَلَقْنَا الْإِنسَانَ فِي أَحْسَنِ تَقْوِيمٍ
[ Certainement Nous fine crée Insaan dans meilleur forme.]

Allaah dire : (17:70)

وَلَقَدْ كَرَّمْنَا بَنِي آدَمَ
[ Certainement Nous fine honore les zenfants d’Aadam.]

Quand Allaah fine créé nous avec deux lipieds et ene la tête, c’est ene l’honneur qui Li fine faire nous. Quand Li fine crée nous avec deux zoreilles et ene nenez, c’est ene l’honneur qui Li fine faire nous. Comme sa même, quand Li fine crée bans zommes avec la barbe, et bans madames sans la barbe, c’est ene l’honneur qui Li fine faire les deux.




Dans Tafsiir Aayat (17:70), Al-Qurtubi dire :

وقيل أكرم الرجال باللحى والنساء بالذوائب
[ Certains fine dire qui Allaah fine honore bans zommes avec la barbe et Li fine honore bans madames avec la queue cheveux.]

§ Raze la barbe ou taillé c’est l’obeissance à Shaytwaan.
Dans Qur’aan, Allaah fine informe nous qui Shaytwaan fine promettre Allaah qui li pour induire l’homme dans desobeissance Allaah par faire banla change la creation d’Allaah.

Allaah dire qui Ibliss fine dire : (4:119)

وَلَآمُرَنَّهُمْ فَلَيُغَيِّرُنَّ خَلْقَ اللَّهِ
[ Certainement mo pour ordonne banla pour qui banla change la creation d’Allaah.]

D’après Hadiith, le prophète fine faire nous conner qui bans madames qui épile zotte sourcil c’est bans qui pe change la creation d’Allaah, et alors, zotte merite la malediction d’Allaah.

Abdullaah ibn Mas-oud fine dire :

لَعَنَ اللَّهُ الْوَاشِمَاتِ وَالْمُسْتَوْشِمَاتِ وَالْمُتَنَمِّصَاتِ وَالْمُتَفَلِّجَاتِ لِلْحُسْنِ الْمُغَيِّرَاتِ خَلْقَ اللَّهِ مَا لِي لَا أَلْعَنُ مَنْ لَعَنَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ وَهُوَ فِي كِتَابِ اللَّهِ
[ Qui Allaah envoye malediction lor bans madames qui mettre tatouage oubien demande les autres pour mettre tatouage lor zotte, bans qui demande les autres pour arrache cheveux qui lor zotte figure, bans qui faire fente entre zotte les dents pour paraitre jolies, bans qui change la creation d’Allaah … Qui faire mo pas pour envoye malediction lor bans qui le messager d’Allaah fine envoye malediction et qui sa trouve dans le livre d’Allaah?]
(BUKHARI 5487)

Basant lor la, nous comprend qui raze la barbe aussi c’est change la creation d’Allaah, c’est l’obeissance a Shaytwaan, et c’est ene action qui provoque la malediction d’Allaah.

Umar Ibn Abdil Aziiz dire :

حلق اللحية مثلة ... إن رسول الله نهى عن المثلة
[ Raze la barbe c’est pe difforme (la creation d’Allaah) et le messager d’Allaah fine empeche difforme (la creation d’Allaah).]
(IBN ASAAKIR 13/101)



Shaah Waliyyullaah Ad-Dahlawi dire :

وقصها سنة المجوس وفيه تغيير خلق الله
[ Taille la barbe c’est Sunnah de bans Majous, et par sa, pe change la creation d’Allaah.]
(HUJJAT-ULLAAHIL BAALIGHAH 1/102)

§ Raze la barbe ou taillé c’est imite bans Kuffaar.
Tous les temps bans musulmans fine garde la barbe. C’est simplement après qui certains pays musulmans fine être colonisés par bans Kuffaar qui maladie raze la barbe ou taillé fine touche sa communauté la. Donc, raze la barbe ou taillé c’est imite bans Kuffaar, et sa li Haraam.

Le prophète dire :

خَالِفُوا الْمُشْرِكِينَ وَفِّرُوا اللِّحَى وَأَحْفُوا الشَّوَارِبَ
[ Contredire bans Mushrik. Quitte (zotte) la barbe et taille (zotte) moustache courte.]
(BUKHARI 5442)

Le prophète dire :

جُزُّوا الشَّوَارِبَ وَأَرْخُوا اللِّحَى خَالِفُوا الْمَجُوسَ
[ Taille (zotte) moustache, quitte (zotte) la barbe. Contredire bans Majous.]
(MUSLIM 383)



An-Nawawi dire :

أعفوا أي اتركوها وافية كاملة لا تقصوها
[(Quand le prophète pe dire) quitte la barbe, sa veut dire, quitte li au complet et en entier, pas taille li.]
(SHARH MUSLIM 3/151)

An-Nawawi dire :

وكان من عادة الفرس قص اللحية فنهى الشارع عن ذلك
[ Li dans l’habitude de bans perses pour taille (zotte) la barbe, et alors, Sharii’ah fine empêche sa.]
(SHARH MUSLIM)

Pareille couma quand ene personne dire nous : “Deboutez”, sa l’ordre la c’est l’empêchement pour courber ou assizer ou allonger, coumesa même quand le prophète pe dire nous “Garde la barbe”, sa l’ordre la c’est l’empêchement pour corriger ou tailler ou razer.

Rapporté par Ibn Umar :

ذكر لرسول الله صلى الله عليه وسلم المجوس فقال إنهم يوفرون سبالهم ويحلقون لحاهم فخالفوهم
[ Banla fine faire mention de bans Majous chez le messager d’Allaah, et alors, li fine dire :
“Banla quitte (zotte) moustache longue et zotte raze (zotte) la barbe. Contredire banla.”]
(IBN HIBBAAN 12/289/5476)

Rapporté par Abu Umaamah :

فَقُلْنَا يَا رَسُولَ اللَّهِ إِنَّ أَهْلَ الْكِتَابِ يَقُصُّونَ عَثَانِينَهُمْ وَيُوَفِّرُونَ سِبَالَهُمْ ... فَقَالَ النَّبِيُّ صَلَّى اللَّهُ عَلَيْهِ وَسَلَّمَ قُصُّوا سِبَالَكُمْ وَوَفِّرُوا عَثَانِينَكُمْ وَخَالِفُوا أَهْلَ الْكِتَابِ
[ Nous fine dire :
“Oh messager d’Allaah! Bans Ahl-ul-Kitaab zotte taille (zotte) la barbe et zotte quitte (zotte) moustache longue!”
Alors, le prophète fine dire :
“Coupe (zotte) moustache. Quitte (zotte) la barbe. Contredire bans Majous (bans adorateurs du feu).”]
(AHMAD 21252)

A travers sa Hadiith la, le prophète pe montré so Ummat qui l’Islaam c’est pas juste ou l’interieur, mais li aussi ou l’exterieur. Quand ou fine accepté l’Islaam, ou obligé montré ou different de bans qui fine faire Kufr. Bans Awliyaa-ullaah pas capave ressemblé bans Awliyaa-us-Shaytwaan. Bans qui fine prend chemin Jannat, zotte pas capave ressemblé bans qui fine prend chemin l’enfer.

Le prophete dire :

وَمَنْ تَشَبَّهَ بِقَوْمٍ فَهُوَ مِنْهُمْ
[ Celui qui imite ene peuple, (en verité) li vine parmi banla meme.]
(AHMAD 4868)

Ou figure pas pe ressemblé figure du prophète et so bans Swahaabah, li pe plutôt ressemblé “Bush/Sharon/Tony Blair” et la aussi, ou encore pe croire qui ou pas pe mal faire.

Quand nous pe garde la barbe, nous pe preserve difference qui ena entre nous et bans Kuffaar, et tanque qui nous preserve sa difference la, sa protége nous contre les autres bans malpropretés qui banla la dans. Par exemple, ene personne qui fine fini raze so la barbe, li trouve li facile pour rentre dans ene discothèque. Mais celui qui pe garde so la barbe, sa faire li preserve so identité islamique et empêche li pose so lipied dans ene place pareille!

§ Raze la barbe c’est imite bans madames.
Imite bans madames li pas juste Haraam, mais li ene grand peché qui provoque la malediction d’Allaah. Quand ene zomme razé, li faire so figure vine polie couma figure d’ene madame. Alors, sa appelle pe imite bans madames, et li ene grand peché.

Le prophete dire :

لَعَنَ اللَّهُ الْمُتَشَبِّهِينَ مِنَ الرِّجَالِ بِالنِّسَاءِ وَالْمُتَشَبِّهَاتِ مِنَ النِّسَاءِ بِالرِّجَالِ
[ Qui Allaah envoye malediction lor bans zommes qui imite bans madames, et lor bans madames qui imite bans zommes.]
(AHMAD 2948)
Ibnul Qayyim dire :

أما شعر اللحية ففيه منافع منها ... التمييز بين الرجال والنساء
[ Quant-a cheveux de la barbe, ena beaucoup benefices la dans, parmi c’est differencié bans zommes de bans madames.]
(AT-TIBYAAN FII AQSAAM-IL-QUR’AAN)

Basant lor la, dans le passé fine ena certains Amiir qui pour punit ene dimoune, zotte ti pe ordonne pour raze so la barbe afin qui li pas ena figure pour marché dans la societé. Longtemps sa ti ene deshonneur, et azordi li fine vine ene l’honneur!

§ Raze la barbe faire Allaah guette ene personne avec dégout.
Ene fois le prophète fine trouve deux personnes avec figures razés et li fine montré degout pour sa peché la. Si le prophète fine agir comme sa envers celui qui fine razé, imaginez avec qui regard Allaah pe guette celui qui faire sa!

Rapporté par Ubaydullaah ibn Abdillaah :

فجاءا حتى قدما المدينة على رسول الله صلى الله عليه وسلم ولما دخلا عليه وقد حلقا لحاهما وأعفيا شواربهما فكره النظر إليهما ثم أقبل عليهما فقال ويلكما من أمركما بهذا قالا أمرنا بهذا ربنا يعنيان كسرى فقال رسول الله صلى الله عليه وسلم لكن ربي قد أمرني بإعفاء لحيتي وقص شاربي
[ Les deux (envoyés) fine vini jusqu’a qui zotte fine arrive Madiinah cote le messager d’Allaah. Quand zotte fine rentre cote li, et qui zotte ti raze zotte la barbe et zotte ti quitte zotte moustache longue, le messager fine ena degout pour guette zotte. Ensuite li fine vire vers zotte et li fine dire :
“Malheur à zotte! Qui sanla fine ordonne zotte pour faire sa?”
Zotte fine dire :
“Nous maître (Kisraa) qui fine ordonne nous sa!”
Le messager d’Allaah fine dire :
“Mais moi mo Rab fine ordonne moi pour quitte mo la barbe et taille mo moustache!”]
(TAARIIKH TWABARI 2/133)

Refere a commentaire de Sheikh Albaani lor sa Hadiith la dans Fiqh-us-Siirah pg 359.

Couma li bête de la part d’ene jeune qui pe content pour qui bans 35 lor la rue admire li et qui en même temps Allaah pe guette li avec ene dégout!

§ Raze la barbe c’est ene peché au clair.
Quand ene personne raze so la barbe oubien li taille li courte, li pas pour capave cahiette sa avec personne. Au contraire, c’est sa même premier quitechose qui bans dimounes remarqué avec li. Basant lor la, nous comprend qui raze la barbe li ene peché grave parcequi li pas ene peché qui ou pe commettre li secretement entre ou et Allaah. Tous pechés qui commettre ouvertement li plus grave, parcequi indirectement ou pe invite les autres vers sa peché la.

Le prophete dire :

كُلُّ أُمَّتِي مُعَافًى إِلَّا الْمُجَاهِرِينَ
[ Tous mo Ummat pour etre excusés excepté bans qui faire pechés ouvertement.]
(BUKHARI 5608)

Sheikh Ibn Baaz dire :

حلق اللحية معصية ظاهرة يراها الناس في وجه صاحبها
[ Raze la barbe c’est ene peché au clair qui (tous) dimounes trouve li lor figure de celui qui faire sa.]
(MAJMOU FATAAWAA 4/39)

Peché la li vine beaucoup plus grave encore quand li être commis par celui qui :

Ø Li envie vine leader de la communauté, mais li gagne honteux pour suivre la mode du prophète!
Ø Li envie vine president de l’organisation pour represente l’Islaam, mais li pas oulé laisse l’Islaam reflecté lor so figure!
Ø Li envie vine Mutawalli Masjid ou membre comité Masjid, mais li pe gagne honteux pour differencié-li de president la banque!
Ø Li envie vine Daa’ii, mais li pe peur attention bans Kuffaar dire qui li pas civilisé!

§ Raze la barbe c’est mort lor desobeissance Allaah.
Quand ene personne raze so la barbe continuellement, sa faire li vivre dans Haraam toute longue so la vie, et alors, quand Malak-ul-Mawt pour vine devant li, li pour bizin répondre so l’invitation pour alle présente dans tribunal Allaah comme sa même. Imaginez qui pour ou position sa jour la si ou pour deboute devant Allaah avec ene figure polie couma figure bans madames !

Donc, raze la barbe li ene peché grave parcequi c’est ene quitechose qui faire ene personne vivre dans Haraam depuis gramatin jusqu’a le soir, et dans tous places qui li été, même jusqu’a quand li dans Swalaat !

§ Raze la barbe c’est ene peché qui fine toujours desapprouvé par bans Ulamaa.

Ibn Hazm dire :

واتفقوا أن حلق جميع اللحية مثلة لا تجوز
[ Bans Ulamaa fine d’accord qui raze la barbe au complet c’est pe difforme (ene figure) et li pas permissible.]
(MARAATIB-UL-IJMAA’ PG 157)

Ibn Abdil Bar dire :

ويحرم حلق اللحية ولا يفعله إلا المخنثون من الرجال
[ Raze la barbe li Haraam, et personne pas faire sa excepté bans zommes éfféminés.]
(AT-TAMHIID)

Ibn Taymiyyah dire :

يحرم حلق اللحية للأحاديث الصحيحة ولم يبحه أحد
[ Raze la barbe li Haraam basant lor bans Hadiith authentiques, et pas ena personne qui fine legalize sa.]

Comité Fatwaa de l’Arabie dire :

حلق اللحية حرام ... والإصرار على حلقها من الكبائر ... وعلى هذا إذا كان إماما لمسجد ولم ينتصح وجب عزله
[ Raze la barbe li Haraam…. Raze li continuellement li parmi bans grands pechés…. Basant lor la si (celui qui fine razé) li Imaam d’ene Masjid et li pas accepté quand fine conseille li (pour garde so la barbe), obligé retire li (depuis poste Imaam).] (FATWAA NO 1640)

Sheikh Ibn Baaz dire :

أما الحلق فلا أعلم أحدا من أهل العلم قال بجوازه
[ Quant-a raze (la barbe), mo pas conne personne parmi bans savants qui fine dire qui li permissible.]
(MAJMOU FATAAWAA 4/37)
Sheikh Ibn Baaz dire :

حلق اللحية لا يجوز وهكذا قصها
[ Raze la barbe li pas permissible et taillé aussi.]
(MAJMOU FATAAWAA 4/38)

Sheikh Ibn Baaz dire :

إذا كانوا يلزمونه بذلك فلا يعمل وعليه أن يستقيل إن كان صادقا
[ Si banla (dans travail) oblige li pour raze so la barbe, li bizin pas travaille. Li bizin quitte so travail si vraiment li sincère.]
(MAJMOU FATAAWAA 4/44)

Sheikh Uthaymiin dire :

حلق اللحية محرم
[ Raze la barbe li Haraam.]
(MAJMOU FATAAWAA 11/125)









§ La honte.

Si être ene musulman ti ene deshonneur, nous ti capave comprend bans qui pe gagne honteux pour quitte zotte la barbe. Mais quand nous tous nous d’accord qui l’Islaam c’est ene l’honneur pour nous sa, nous pas gagne comprend couma ene personne capave gagne honteux pour présente-li comme ene musulman?

Li vraiment ene grand la honte quand nous guette visage de certains Kuffaar qui fine gagne la chance pour accepter l’Islaam dans le coeur l’Europe. Banla pe garde zotte la barbe, et ou, ou encore pe gagne honteux!

Li ene plus grand la honte encore quand nous trouve certains bans grands dimounes qui zotte deux lipieds fine presque fini rentre dans Qabr, jusqu’a l’heure zotte pe encore pe faire jolis garçons!

To madame pas pe gagne honteux pour marche la tête découvert oubien avec ene l’habillement indecent, mais li gagne honteux pour marche avec toi si to quitte to la barbe. Aulieu toi to gagne honteux pour marche avec li avec so l’habillement qui li pe metté, li, li pe gagne honteux à cause to la barbe, et voilà qui to obeir li!

Tous sa causé qui le prophète fine causé concernant la barbe la, ene brin la barbe aussi pas fine poussé avec toi. Mais, quand to acteur fine quitte 2/3 brins la barbe couma ene boufon, oubien li fine quitte li couma ene barrage lor so la joue, sanla sans qui li demande toi pour imite li, sans aucun la honte, to fier pour montré-toi fidèle a li!

Bans nimportes pas pe gagne honteux pour suivre la mode boufon de bans acteurs malpropres. Toi, musulman, to pe gagne honteux pour suivre la mode parfaite de l’homme le plus honorable qui fine capave marche lor sa la terre la !