9. LEÇONS POUR BANS ZENFANTS. دروس للصغار - . Tawheed Et Shrik

Tawheed Et Shrik



INTRODUCTION

Nous glorifié Allaah, nous demande Li So aide, So pardon et So protection, et nous remercié Li pour faveur qui Li pé faire lor nous qui nous pé reussi prepare ene livret pour Madrassah Al Hudaa Wan Nour lor Tawheed et Shirk.

Pas ena doute qui sa livret la c’est ene livret qui ena ene grand l’importance parcequi li pe traite sujet qui plus important lor surface sa la terre la. Dans sa livret la, nous apprendre couma est-ce qui l’Islaam fine enseigne nous pour croire dans le Createur, et aussi qui bans conceptions ou actions qui contredire sa vrai Aqeedah la.

Nous fine prepare sa travail la dans forme question-reponse afin qui bans zenfants capave apprendre li avec plus facilité.

Nous demande Allaah qui Li recompense nous tous qui fine contribué pour prepare sa travail là jusqu’a dans sa forme là, et qui Li faire nous bans frères et soeurs musulmans profité avec sa livret là.

ABU LAYLAA
SHABBIR

CHAPTER 1

Question:
Qui sanla fine créé nous et fine envoye nous lor la terre?
Reponse:
Celui qui fine créé nous et fine envoye nous lor la terre c’est Allaah tout seul, et c’est Allaah même qui fine créé tous quitechoses qui existé.

Allaah dire : (39:62)
اللَّهُ خَالِقُ كُلِّ شَيْءٍ
[ Allaah Li Le Créateur de tous quitechoses.]

Question:
Couma est-ce qui Allaah fine commence création de la race humaine?
Reponse:
Allaah fine commence création de la race humaine par créer Aadam avec So deux la mains.

Question:
Est-ce qui l’origine de la race humaine c’est depuis zako (singe)?
Reponse:
Non, sa c’est ene fausse conception d’ene Kaafir qui appelle Darwin et qui contredire Qur-aan et Hadiith.

Question:
Est-ce qui Allaah fine créé nous et fine envoye nous lor la terre sans aucun raison?
Reponse:
Non, Allaah pas fine créé nous sans aucun raison, mais ena ene raison spécifique pour laquelle Allaah fine envoye nous lor la terre.

Allaah dire : (23:115)

أَفَحَسِبْتُمْ أَنَّمَا خَلَقْنَاكُمْ عَبَثًا
[ Est-ce qui zotte ti pé pensé qui Nous fine créé zotte sans aucun raison?]

Question:
Pour qui raison Allaah fine créé nous et fine envoye nous lor la terre?
Reponse:
Allaah fine créé nous et fine envoye nous lor la terre pour ene seule raison, et sa raison là c’est :
FAIRE IBAADAT ALLAAH.

Allaah dire : (51:56)

وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ
[ Et Mo pas fine créé Jinn et Insaan excepté qui zotte faire Mo Ibaadat.]

Question:
Est-ce qui Allaah fine envoye nous lor la terre pour qui nous faire So Ibaadat couma nous oulé?
Reponse:
Non, Allaah pas fine envoye nous lor la terre pour qui nous faire So Ibaadat couma nous nous oulé, mais nous bizin faire Ibaadat Allaah juste dans façon qui Allaah oulé.

Question:
Dans qui façon Allaah oulé qui nous faire So Ibaadat?
Reponse:
Allaah oulé qui nous faire So Ibaadat d’après principe de Deen Islaam.

Allaah dire : (3:19)

إِنَّ الدِّينَ عِنْدَ اللَّهِ الْإِسْلَامُ
[ Certainement Deen (qui reconnu) auprès d’Allaah c’est Islaam.]

Question:
Qui veut dire “Islaam”?
Reponse:
“Islaam” veut dire “la soumission”, et la soumission c’est qui nous vivre dans l’obeissance d’Allaah completement.

Question:
Est-ce qui nous endroit faire Ibaadat Allaah dans ene l’autre façon apart l’Islaam?
Reponse:
Non, nous pas endroit parcequi Allaah pas accepté aucun Deen apart l'Islaam.

Allaah dire : (3:85)

وَمَنْ يَبْتَغِ غَيْرَ الْإِسْلَامِ دِينًا فَلَنْ يُقْبَلَ مِنْهُ وَهُوَ فِي الْآخِرَةِ مِنْ الْخَاسِرِينَ
[ Et n’importe qui sanla desire ene Deen autre que l’Islaam, sa pas pour être accepté de li, et dans Aakhirat li pour parmi bans perdants.]

Question:
Est-ce qui l'Islaam c’est ene Deen complete?
Reponse:
Oui, l’Islaam c’est ene Deen complete et li contenir tous quitechoses qui concerne la vie d’ene Insaan.

Allaah dire : (5:3)

الْيَوْمَ أَكْمَلْتُ لَكُمْ دِينَكُمْ
[ Azordi Mo fine complete pour zotte, zotte Deen.]

Question:
Qui quitechose qui plus important dans Deen Islaam?
Reponse:
Quitechose qui plus important dans Deen Islaam c’est Aqeedah.


CHAPTER 2

Question:
Qui veut dire Aqeedah?
Reponse:
Aqeedah c’est croire dans tous bans quitechoses qui Allaah et So Rassoul fine ordonne nous pour croire la-dans, avec toute certitude et conviction.

Question:
Est-ce qui nous endroit ena doute dans nous Aqeedah?
Reponse:
Non, nous pas endroit ena doute dans nous Aqeedah parcequi c’est Allaah et So Rassoul qui pé ordonne nous pour croire dans sa bans quitechoses là, et nous pas endroit ena doute dans parole Allaah et So Rassoul.

Question:
Nous Aqeedah repose lor combien pilier?
Reponse:
Nous Aqeedah repose lor 6 piliers :
(i) croyance lor Allaah
(ii) croyance lor bans anges (Farishtah)
(iii) croyance lor bans livres celestes
(iv) croyance lor bans prophètes
(v) croyance lor jour Qiyaamah
(vi) croyance lor destin (Qadar)

Question:
Qui premier pilier de nous Aqeedah?
Reponse:
Premier quitechose qui Allaah fine ordonne nous pour croire la-dans c’est qui nous croire dans Allaah Li-même.

Question:
Nous Aqeedah dans Allaah comprend combien quitechose?
Reponse:
Nous Aqeedah dans Allaah comprend 4 quitechoses :
(i) L’existence d’Allaah.
(ii) Allaah Li le seul Rab.
(iii) Allaah Li le seul Ilaah.
(iv) Allaah Li unique dans So bans noms et So bans attributs.


CHAPTER 3

Question:
Est-ce qui Allaah existe?
Reponse:
Oui, Allaah fine existé tous les temps, et Li pour existé pour tous les temps.

Allaah dire : (57:3)
هُوَ الأوَّلُ وَالآخِرُ
[(Allaah) Li le Premier et le Dernier.]

Question:
Est-ce qui quicaine fine existé avant Allaah?
Reponse:
Non, pas fine ena narien qui fine existé avant Allaah. Personne pas fine donne naissance à Allaah, et Allaah aussi pas ena zenfant.

Allaah dire : (112:3)
لَمْ يَلِدْ وَلَمْ يُولَدْ
[(Allaah) pas fine ena zenfant et personne pas fine donne Li naissance.]

Question:
Est-ce qui Jesus c’est le fils de Dieu?
Reponse:
Non, Jesus (Iisaa) li pas Allaah So garçon. Mais li le prophète d'Allaah.

Question:
Est-ce qui Allaah ena madame?
Reponse:
Allaah Li pas pareille couma personne, et alors Li pas ena aucun madame.

Question:
Est-ce qui Allaah pour mort?
Reponse:
Non, Allaah pas pour mort, mais Li pour existé pour tous les temps.

Allaah dire : (28:88)

كُلُّ شَيْءٍ هَالِكٌ إِلا وَجْهَهُ
[ Tous quitechoses pour détruire excepté (Allaah) So figure.]

Question:
Est-ce qui le prophète Muhammad (صلى الله عليه وسلم) fine mort?
Reponse:
Oui, li fine mort en l’année 11 Hijri, à Madiinah.

Question:
Qui quitechose montré nous qui Allaah existé?
Reponse:
Quitechose qui montré nous qui Allaah existé c’est Allaah So bans signes.

Question:
Cite quelques signes qui prouve nous l’existence d’Allaah.
Reponse:
Voici certaines signes qui montré nous qui Allaah existé :
Le Ciel, la terre, soleil, la lune, zétoiles,
La mer, la rivière, montagnes,
Du vent, l’orage, zéclaire….etc
Tous sa bans quitechoses là zotte Créateur c’est juste Allaah.

Question:
Est-ce qui quicaine capave démenti l’existence Allaah?
Reponse:
Non, personne pas capave démenti l’existence Allaah.

Allaah dire qui So bans messagers ti dire : (14:10)

أَفِي اللَّهِ شَكٌّ
[ Est-ce qui ena doute concernant Allaah?]

Question:
Qui faire nous pas capave ena doute dans l’existence Allaah?
Reponse:
Nous pas capave ena doute dans l’existence Allaah parcequi :
i) Allaah fine fini faire nous conné qui c’est Li-même Le Créateur avant qui Li ti envoye nous lor la terre.
ii) Parcequi Allaah fine créé tous Insaan lor Fitrah.

Question:
Qui veut dire Fitrah?
Reponse:
Fitrah veut dire qui Allaah fine créé nous lor ene nature qui pousse nous pour accepter l’existence et l’unicité d’Allaah.

Question:
Cote Allaah été?
Reponse:
Allaah Li la haut So Trone.

Allaah dire : (20:5)

الرَّحْمَانُ عَلَى الْعَرْشِ اسْتَوَى
[ Ar-Rahmaan (Allaah) Li Istawaa (au dessus/elevé) lor le Trone.]

Question:
Cote Allaah So Trone été?
Reponse:
Allaah So Trone li lor septième le ciel.

Question:
Est-ce qui Allaah partout?
Reponse:
Non, Allaah pas partout, mais Allaah Li la haut lor So Trone, lor septième le ciel.

Question:
Est-ce qui Allaah pé trouve nous et pé écoute nous?
Reponse:
Oui, Allaah pé trouve nous et Li pé écoute nous, n’importe cotesa nous été.

Question:
Est-ce qui Allaah conné cequi nous faire et cequi nous pensé dans nous le coeur?
Reponse:
Oui, Allaah conne tous quitechoses parcequi So connaissance présent partout.


CHAPTER 4

Question:
Dans qui façon nous bizin croire dans Allaah?
Reponse:
Nous bizin croire dans Allaah d’apres principe :
“ Tawheed – التوحيد ”

Question:
Qui veut dire Tawheed (l’Unicité)?
Reponse:
Tawheed veut dire : Croire dans Allaah qui Li ene, Li unique, pas ena narien pareille ou egale ou semblable à Li.

Question:
Est-ce qui li important pour apprendre Tawheed?
Reponse:
Oui, li bien important qui chaque musulman apprendre Tawheed.

Question:
Qui nous apprendre dans sujet Tawheed?
Reponse:
Dans sujet Tawheed nous gagne ene connaissance concernant Allaah, et li bien important qui chaque humain ena connaissance concernant so Createur.

Question:
Quand nous apprendreTawheed, qui arrive nous l’amour pour Allaah?
Reponse:
Quand nous apprendre Tawheed, nous l’amour pour Allaah augmenté parcequi à travers sa sujet la nous trouve la bonté d’Allaah.

Question:
Quand nous apprendre Tawheed, qui qualité pensé nous gagné lor Allaah ?
Reponse:
Quand nous apprendre Tawheed, nous gagne ene bon pensé lor Allaah.

Question:
Quand nous apprendre Tawheed, qui bans paroles nous pour prononcé concernant Allaah?
Reponse:
Quand nous apprendre Tawheed nous pour cause bans bons paroles concernant Allaah.

Question:
Est-ce qui nous endroit cause concernant Allaah sans qui nous ena connaissance?
Reponse:
Non, nous pas endroit cause concernant Allaah sans connaissance parcequi c’est Shaytwaan qui ordonne bans dimounes pour faire sa travail là.

Allaah dire : (2:169)

وَأَنْ تَقُولُوا عَلَى اللَّهِ مَا لَا تَعْلَمُونَ
[(Et Shaytwaan ordonne zotte) pour cause concernant Allaah bans paroles qui zotte pas ena connaissance.]


CHAPTER 5

Question:
Lor combien pilier nous Deen Islaam reposé?
Reponse:
Deen Islaam li repose lor cinq piliers.

Le prophète dire :
بُنِيَ الْإِسْلَامُ عَلَى خَمْسٍ
شَهَادَةِ أَنْ لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ
وَإِقَامِ الصَّلَاةِ وَإِيتَاءِ الزَّكَاةِ وَصَوْمِ رَمَضَانَ وَحَجِّ الْبَيْتِ
[ L’Islaam fine etre batit lor 5 (piliers) :
temoignage qui pas ena aucun vrai Ilaah excepté Allaah et qui Muhammad li le messager d’Allaah
l’accomplissement de Swalaat
donation Zakaat
garde Roza dans le mois de Ramadwaan
et faire Hajj à Ka’bah.]

Question:
Qui premier pilier de l’Islaam?
Reponse:
Premier pilier de l’Islaam c’est l'acceptation de Tawheed par prononce Kalimah.

Question:
Qui signification du Kalimah “Laa Ilaaha Illallaah”?
Reponse:
“Laa Ilaaha Illallaah” veut dire : pas ena aucun vrai Ilaah excepté Allaah.

Question:
Qui veut dire “Ilaah”?
Reponse:
“Ilaah” veut dire : Celui qui etre adoré (Celui qui dimounes faire Ibaadat pour li).

Question:
Est-ce qui quicaine merite nous Ibaadat apart Allaah?
Reponse:
Non, personne pas merite nous Ibaadat apart Allaah parcequi c’est Li tout seul qui est le vrai Ilaah.

Question:
Qui veut dire Ibaadat?
Reponse:
“Ibaadat” c’est tous bans actions qui Allaah content.

Question:
Combien Ibaadat ena dans Deen Islaam?
Reponse:
Ena beaucoup Ibaadat dans Deen Islaam.

Par exemple, nous gagne :
Swalaat Faire Zikr
Roza Vivre bien avec voisin
Zakaat Cause bon causé
Hajj Aide nous bans frères
Obeir parent Faire Jihaad
Faire Da’wah Demande Du’aa

Tous sa bans Ibaadat la, nous faire juste pour plaisir Allaah.

Question:
Est-ce qui li obligatoire lor chaque musulman pour comprend signification de nous Kalimah.
Reponse:
Oui, li obligatoire.

Allaah dire : (47:19)

فَاعْلَمْ أَنَّهُ لا إِلَهَ إِلا اللَّهُ
[ Gagne connaissance de Laa Ilaaha Illallaah (qui pas ena aucun vrai Ilaah excepté Allaah).]

Question:
Est-ce qui li obligatoire pour qui nous ena la certitude dans nous Kalimah?
Reponse:
Oui, li obligatoire.

Allaah dire : (49:15)

إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا
[ Bans mu’mins c’est simplement bans qui fine amene Imaan lor Allaah et So Rassoul, et ensuite zotte pas
fine ena doute.]

Question:
Est-ce qui li obligatoire pour qui nous accepté signification de nous Kalimah?
Reponse:
Oui, li obligatoire pour qui nous accepté signification de nous Kalimah avec nous le coeur, avec toute satisfaction, sans qui nous rejete li.

Question:
Est-ce qui li obligatoire pour qui nous soummettre à nous Kalimah?
Reponse:
Oui, li obligatoire pour qui nous soummettre totalement à nous Kalimah et vivre dans l’obeissance Allaah.

Allaah dire : (39 :54)

وَأَنِيبُوا إِلَى رَبِّكُمْ وَأَسْلِمُوا لَهُ
[ Et retourne vers zotte Rab, et soummettre à Li.]

Question:
Si ene dimoune prononce Kalimah avec l’hypocrisie, est-ce qui sa prononciation la profite li?
Reponse:
Non, sa prononciation la pas profite li parcequi so la langue fine contredire so le coeur.

Question:
Est-ce qui nous bizin sincère dans prononciation de nous Kalimah?
Reponse:
Oui, nous bizin sincère, et nous bizin faire tous nous Ibaadat juste pour Allaah.

Allaah dire : (98:5)

وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ
[ Et banla pas fine gagne l’ordre excepté qui zotte faire Ibaadat Allaah avec sincerité.]

Question:
Est-ce qui nous bizin content nous Kalimah?
Reponse:
Oui, li obligatoire pour qui nous content nous Kalimah.

Question:
Qui ene musulman bizin faire quand li fine accepté Kalimah Tawheed?
Reponse:
Quand ene musulman fine accepté Kalimah Tawheed, li bizin rejete toutes formes de Twaaghout.

Question:
Qui veut dire “Twaaghout – الطاغوت”
Reponse:
“Twaaghout” c’est tous quitechoses qui dimounes faire zotte Ibaadat apart Allaah. Tous fausses Ilaah c’est “Twaaghout”.

Question:
Qui bans “Twaaghout” principales qui ena?
Reponse:
Ena cinq Twaaghout principales :
1. Ibliiss
2. N’importe qui sanla qui etre adoré et li satisfait de sa
3. Celui qui invite dimounes vers so Ibaadat
4. Celui qui pretendre qui li ena connaissance de Ghaib
5. Celui qui pas faire jugement d’apres la loi Allaah.


CHAPTER 6

Question:
Qui veut dire :
“Tawheed-ur-Ruboubiyyah توحيد الربوبية ”?
Reponse:
“Tawheed-ur-Ruboubiyyah” c’est qui nous considère Allaah etant le seul Rab de tous bans creatures.

Question:
Qui sanla proprietaire de sa le monde la?
Reponse:
C’est Allaah tout seul qui proprietaire de tous quitechoses.

Allaah dire : (5: 120)

لِلَّهِ مُلْكُ السَّمَاوَاتِ وَالْأَرْضِ وَمَا فِيهِنَّ
[ C’est pour Allaah la proprieté de bans les ciels et la terre et de tous qui existé dans zotte (les ciels et la terre.)]

Question:
Est-ce qui Allaah pé prend compte de So bans creatures?
Reponse:
Oui, Allaah pé prend compte de So bans creatures, et Allaah Li faire beaucoup faveurs lor zotte.

Allaah dire : (16 :53)

وَمَا بِكُمْ مِنْ نِعْمَةٍ فَمِنْ اللَّهِ
[ Et nimporte qui faveur qui zotte gagné, c’est depuis Allaah.]

Question:
Qui sanla qui donne nous mangé-boire pour nous vivre?
Reponse:
C’est juste Allaah qui donne nous nous nourriture pour qui nous vivre.

Allaah dire : (11:6)

وَمَا مِنْ دَابَّةٍ فِي الْأَرْضِ إِلا عَلَى اللَّهِ رِزْقُهَا
[ Pas ena aucun creature (vivant) qui pe marche lor la terre excepté qui so nouriture c’est ene droit lor Allaah.]

Question:
Qui sanla possede la guidance?
Reponse:
C’est juste Allaah qui possede la guidance, et Li guide celui qui Li oulé vers le chemin droit.

Allaah dire : (35:8)

فَإِنَّ اللَّهَ يُضِلُّ مَنْ يَشَاءُ وَيَهْدِي مَنْ يَشَاءُ
[ Certainement Allaah egare celui qui Li oulé, et Li guide celui qui Li oulé.]

Question:
Qui sanla donne l’honneur et deshonneur?
Reponse:
C’est juste Allaah qui donne l’honneur et deshonneur.

Allaah dire : (3:26)

وَتُعِزُّ مَنْ تَشَاءُ وَتُذِلُّ مَنْ تَشَاءُ
[(Dire : Oh Allaah) To donne l’honneur à celui qui To oulé, et To deshonore celui qui To oulé.]

Question:
Qui sanla donne la vie et la mort?
Reponse:
C’est juste Allaah qui donne la vie et la mort.

Allaah dire : (3:156)
وَاللَّهُ يُحْيِ وَيُمِيتُ
[ Et Allaah Li donne la vie et Li donne la mort.]

Question:
Qui sanla faire la pluie tombé?
Reponse:
C’est juste Allaah qui faire la pluie tombé.

Allaah dire : (2 : 22)

وَأَنْزَلَ مِنْ السَّمَاءِ مَاءً
[ Et (Allaah) fine faire de l’eau (la pluie) tombé depuis la haut (depuis nuages).]

Question:
Qui sanla qui donne guerison à ene dimoune malade?
Reponse:
C’est juste Allaah qui donne guerison de tous bans maladies.

Allaah dire qui le prophète Ibraahiim ti dire : (26:80)

وَإِذَا مَرِضْتُ فَهُوَ يَشْفِينِ
[ Et quand mo malade, c’est Li (Allaah) qui guerit moi.]

Question:
Si entier le monde reuni pour créer ene mouche, est-ce qui zotte pour capave?
Reponse:
Non, jamais zotte pour reussi créer même lezele d’ene mouche.

Question:
Si entier le monde reuni pour apporte ene personne du bien oubien du tort, est-ce qui zotte pour capave?
Reponse:
Non, zotte pas pour capave faire narien excepté cequi Allaah fine fini decidé.


CHAPTER 7

Question:
Qui veut dire :
“Tawheed-ul-Ulouhiyyah توحيد الألوهية ”?
Reponse:
“Tawheed-ul-Ulouhiyyah” c’est qui nous considère Allaah etant le seul vrai Ilaah qui merite tous nous bans Ibadaat.

Question:
Est-ce qui nous endroit faire Ibaadat pour le prophète oubien pour bans Peer dans Qabr oubien pour bans anges et Jinn?
Reponse:
Non, nous pas endroit faire Ibaadat personne excepté Allaah.

Question:
Est-ce qui quand nous faire Allaah So Ibaadat, sa augmente Allaah So l’honneur?
Reponse:
Si entier le monde faire Allaah So Ibaadat, sa pas pour augmente narien dans l’honneur Allaah. Et si entier le monde refuse faire Allaah So Ibaadat, sa pas pour diminué narien dans l’honneur Allaah.

Question:
Qui sanla nous bizin content li plus qui tous quitechoses?
Reponse:
Nous bizin content Allaah plus qui tous quitechoses.

Allaah dire : (2:165)

وَالَّذِينَ آمَنُوا أَشَدُّ حُبًّا لِلَّهِْ
[ Et bans qui fine amene Imaan, zotte content Allaah plus.]

Question:
Pour qui sanla nous bizin ena la frayeur?
Reponse:
Nous bizin ena la frayeur juste pour Allaah.

Question:
Est-ce qui nous bizin ena la frayeur pour kit creature apart Allaah?
Reponse:
Non, nous bizin pas ena la frayeur pour personne apart Allaah.

Allaah dire : (3:175)

فَلا تَخَافُوهُمْ وَخَافُونِ إِنْ كُنْتُمْ مُؤْمِنِين
[ Pas peur banla, mais peur moi (Allaah) si zotte bans vrais Mu’min.]

Question:
Lor qui sanla nous bizin ena l’espoir qui li pour recompense nous pour nous bans bons actions?
Reponse:
Nous bizin ena l’espoir juste lor Allaah, parcequi personne pas pour capave recompense nous oubien punit nous apart Allaah tout seul.

Question:
Lor qui sanla nous bizin garde confiance?
Reponse:
Nous bizin garde confiance juste lor Allaah.

Allaah dire qui deux bons dimounes ti dire : (5:23)

وَعَلَى اللَّهِ فَتَوَكَّلُوا إِنْ كُنتُمْ مُؤْمِنِينَ
[ Garde confiance lor Allaah si zotte bans vrais Mu’min.]

Question:
Quand nous faire ene peché, avec qui sanla nous bizin demande pardon?
Reponse:
Quand nous faire ene peché, nous bizin demande pardon juste avec Allaah parcequi personne pas pardonne peché apart Allaah.

Allaah dire : (3:135)

وَمَنْ يَغْفِرُ الذُّنُوبَ إِلَّا اللَّهُ
[ Et qui sanla pardonne bans pechés apart Allaah?]

Question:
Avec qui sanla nous bizin demande Du’aa?
Reponse:
Nous bizin demande Du’aa juste avec Allaah, et nonplus avec bans Peer dans Qabr.

Allaah dire : (40:60)

وَقَالَ رَبُّكُمْ ادْعُونِي أَسْتَجِبْ لَكُمْ
[ Et zotte Rab dire : “Demande Moi Du’aa, Mo pour repondre zotte.”]

Question:
Est-ce qui dimounes morts entendre nous Du’aa?
Reponse:
Non, jamais ene dimoune mort pour capave entendre nous Du’aa, meme qui qualité grand dimoune li ti été.

Allaah dire : (35:22)

وَمَا أَنْتَ بِمُسْمِعٍ مَنْ فِي الْقُبُورِ
[(Oh prophète), To pas pour capave faire bans qui dans Qabr tendé.]

Question:
Est-ce qui nous endroit cherche protection avec quicaine apart Allaah?
Reponse:
Non, nous pas endroit cherche protection avec personne apart Allaah parcequi c’est Allaah tout seul qui capave protège nous contre le mal.

Allaah dire : (114:1)

قُلْ أَعُوذُ بِرَبِّ النَّاسِ
[ Dire : “Mo pé cherche protection avec Rab de bans dimounes (c’est à dire avec Allaah)”.]

Question:
Est-ce qui nous gagne droit cherche l’aide avec quicaine apart Allaah?
Reponse:
Non, nous pas endroit cherche aide avec personne apart Allaah, parcequi c’est Allaah tout seul qui capave aide nous.

Allaah enseigne nous pour dire : (1:5)

إِيَّاكَ نَعْبُدُ وَإِيَّاكَ نَسْتَعِينُ
[(Oh Allaah) juste Toi qui nous adoré et juste avec Toi qui nous cherche aide.]

Question:
Quand nous dans ene probleme, avec qui sanla nous bizin cherche secours?
Reponse:
Quand nous dans ene difficulté, nous bizin cherche secours juste avec Allaah.

Question:
Est-ce qui nous endroit faire sacrifice lor nom quicaine apart Allaah?
Reponse:
Non, nous pas endroit faire sacrifice lor personne so nom apart Allaah.

Le prophète (صلى الله عليه وسلم) dire :

لَعَنَ اللَّهُ مَنْ ذَبَحَ لِغَيْرِ اللَّهِ
[ Qui Allaah envoye malediction lor celui qui faire sacrifice pour ene l’autre apart Allaah.]

Question:
Est-ce qui nous endroit faire ene voeu (Mannat) lor nom ene l’autre apart Allaah, tel comme lor nom d’ene Peer?
Reponse:
Non, nous pas endroit faire Mannat lor nom ene l’autre apart Allaah.

Question:
Combien condition ena afin qui Allaah accepté nous bans Ibaadat?
Reponse:
Afin qui Allaah accepté nous bans Ibaadat, faudré qui nous satisfaire deux conditions.

Question:
Qui sa deux conditions là sa?
Reponse:
Sa deux conditions la c’est :

(i) Al-Ikhlaas الإخلاص -
faudré qui nous pé faire sa Ibaadat là sincèrement juste pour Allaah.
(ii) Al- Mutaaba’ah المتابعة -
faudré qui nous pé faire sa Ibaadat là pareille couma le prophète Muhammad (صلى الله عليه وسلم) ti faire li.

Question:
Couma est-ce qui nous bizin faire Ibaadat?
Reponse:
Nous bizin faire Ibaadat basant lor sa trois piliers là :
L’amour المحبة
L’espoir الرجاء
La frayeur الخوف


CHAPTER 8

Question:
Qui veut dire :
“Tawheed-ul-Asmaai-was-Swifaat - الأسماء والصفات توحيد”?
Reponse:
“Tawheed-ul-Asmaai-was-Swifaat” c’est qui nous considère Allaah unique dans So bans noms et So bans attributs (qualités).

Question:
Couma nous decrire Allaah So bans attributs?
Reponse:
Nous decrire Allaah So bans attributs comme bans attributs les plus parfaits.

Question:
Couma est-ce qui nous conne Allaah So bans noms et So bans attributs?
Reponse:
Nous conne Allaah So bans noms et So bans attributs à travers seulement Qur-aan et Hadiith.

Question:
Est-ce qui nous endroit dementi ene nom ou attribut qui Allaah possedé?
Reponse:
Non, nous pas endroit dementi aucun nom ou attribut qui Allaah possedé. Celui qui pé dementi ene nom ou attribut qui Allaah possedé, en verité li pe dementi Qur-aan et Hadiith.

Question:
Est-ce qui nous endroit compare (Allaah So bans qualités) avec (nous bans qualités)?
Reponse:
Non, nous pas endroit faire comparaison entre nous et Allaah So bans qualités parcequi narien pas ressemblé à Allaah.

Allaah dire : (42:11)
لَيْسَ كَمِثْلِهِ شَيْءٌ
[ Pas ena narien semblable à Li (Allaah).]

Question:
Est-ce qui nous endroit falsifié Allaah So bans noms et So bans attributs?
Reponse:
Non, nous pas endroit, parcequi celui qui faire sa, en verité li pé essaye change cequi Allaah fine dire.

Question:
Est-ce qui nous capave conné couma Allaah So bans qualités été?
Reponse:
Non, personne pas conné couma Allaah So bans qualités été apart Li Tout seul.

Question:
Qui veut dire “Ilm-ul-Ghaib”?
Reponse:
“Ilm-ul-Ghaib” c’est connaissance de l’invisibilité.

Question:
Qui sanla possede “Ilm-ul-Ghaib”?
Reponse:
C’est juste Allaah qui possede “Ilm-ul-Ghaib”.

Allaah dire : (27:65)

قُلْ لا يَعْلَمُ مَنْ فِي السَّمَاوَاتِ وَالْأَرْضِ الْغَيْبَ إِلا اللَّهُ
[ Dire (oh prophète): “Personne dans bans les ciels et la terre pas conne Ghaib excepté Allaah.”]

Question:
Est-ce qui le prophète ti possede “Ilm-ul-Ghaib”?
Reponse:
Non, le prophète pas ti possede sa connaissance là.

Allaah dire : (6:50)
وَلا أَعْلَمُ الْغَيْبَ
[(Oh prophète dire) : “Mo pas conne Ghaib.”]

Question:
Est-ce qui bans Awliyaa-Allaah possede “Ilm-ul-Ghaib”?
Reponse:
Non, bans Awliyaa-Allaah pas conne Ghaib parcequi zotte bans humains pareille couma tous dimounes.

Question:
Est-ce qui bans Jinn possede “Ilm-ul-Ghaib”?
Reponse:
Non, bans Jinn aussi pas ena sa connaissance là.

Question:
Est-ce qui Allaah dormi?
Reponse:
Non, Allaah pas dormi.

Allaah dire : (2:255)
لا تَأْخُذُهُ سِنَةٌ وَلا نَوْمٌ
[ Ni assoupi, ni sommeil attrape Li (Allaah).]

Question:
Est-ce qui Allaah fatigué?
Reponse:
Non, Allaah pas fatigué dutout.

Allaah dire : (2:255)
وَلا يَئُودُهُ حِفْظُهُمَا
[ Surveille sa deux quitechoses là (le ciel et la terre)
pas fatigue Li (Allaah.)]

Question:
Est-ce qui Allaah faire l’injustice lor quicaine?
Reponse:
Non, jamais Allaah faire l’injustice lor quicaine. N'importe qui malheur qui touche nous, c’est resultat de nous propre action.

Question:
Est-ce qui ena kit action qui Allaah incapable pour faire?
Reponse:
Allaah Li ena pouvoir lor tous quitechoses et alors pas ena narien qui Li incapable pour faire.

Question:
Est-ce qui ena quitechose qui Allaah faire en badinage?
Reponse:
Non, Allaah pas faire narien en badinage.

Question:
Est-ce qui ena quicaine qui capave cachiette depuis Allaah?
Reponse:
Non, pas ena personne qui capave cachiette depuis Allaah, parcequi Allaah Li surveille tous So bans creatures.

Question:
Est-ce qui Allaah Li oublié?
Reponse:
Non, Allaah Li pas oublié narien.

Question:
Est-ce qui Allaah fine ena kit associé ou kit supporteur quand Lli fine créé le monde?
Reponse:
Non, Allaah Li Le Tout-Puissant et alors Li pas en besoin de kit associé ou supporteur pour faire n’importe cequi Li oulé.

Question:
Est-ce qui Allaah ena pitié pour So bans créatures?
Reponse:
Oui, Allaah ena beaucoup pitié pour So bans créatures.

Allaah dire : (7:156)

وَرَحْمَتِي وَسِعَتْ كُلَّ شَيْءٍ
[ Et Mo pitié (Rahmat) englobe tous quitechoses.]

Question:
Est-ce qui Allaah trouvé?
Reponse:
Oui, Allaah ena deux lizieux et Li trouve tous quitechoses. Mais seulement personne pas conné couma Allaah So lizieux été. Le prophète fine faire nous conné qui Dajjaal li A’war -أعور (li fine perdi so ene coté lizieux) et qui Allaah Li pas A’war.

Question:
Est-ce qui Allaah tendé?
Reponse:
Oui, Allaah entendre tous quitechoses meme combien doucement nous causé. Ene parmi So bans noms c’est “As-Samii’ السميع”, c’est-a-dire Li entendre tous quitechoses.

Question:
Est-ce qui Allaah causé?
Reponse:
Oui, Allaah causé.

Allaah dire : (4:164)

وَكَلَّمَ اللَّهُ مُوسَى تَكْلِيمًا
[ Et Allaah ti cause avec Mousaa directement.]

Question:
Est-ce qui Qur-aan c’est ene créature?
Reponse:
Non, Qur-aan c’est pas ene créature, mais Qur-aan c’est parole Allaah, et parole Allaah c’est ene qualité dans Li-même.

Question:
Est-ce qui quicaine so la voix pareille couma Allaah So la voix?
Reponse:
Non, pas ena aucun la voix qui pareille couma Allaah So la voix.

Question:
Qui faveur qui bans Jannati pour plus content?
Reponse:
Faveur qui bans Jannati pour plus content c’est qui zotte pour trouve Allaah avec zotte propre lizieux.

Question:
Est-ce qui Allaah ena la main?
Reponse:
Oui, Allaah ena deux la mains, mais nous pas conné couma Allaah So la main été, et nous pas endroit compare nous la main avec Allaah So la main.

Allaah dire : (5:64)
بَلْ يَدَاهُ مَبْسُوطَتَانِ
[ Mais (Allaah) So deux la mains étendues.]

Nous pas endroit falsifié sa Aayat là par dire qui “la main” pé veut dire “faveur ou capacité”.

Question:
Est-ce qui Allaah ena figure?
Reponse:
Oui, Allaah ena figure, mais nous pas conné couma Allaah So figure été, et nous pas endroit compare nous figure avec Allaah So figure.

Question:
Couma est-ce qui Allaah fine decrire So figure dans Qur-aan?
Reponse:
Allaah decrire So figure dans S 55 V 27 :

ذُو الْجَلالِ وَالإكْرَامِ
[ Plein de majesté et de noblesse.]

Question:
Qui Allaah pour faire avec Jahannam jour Qiyaamah?
Reponse:
Jour Qiyaamah Allaah pour pose So lipied lor Jahannam.

Question:
Qui meilleur moment pour faire Du’aa?
Reponse:
Parmi bans meilleurs moments pour faire Du’aa c’est dernier tiers la nuit, parcequi sa l’heure la Allaah descendre jusqua dernier le ciel et Li dire :

مَنْ ذَا الَّذِي يَدْعُونِي فَأَسْتَجِيبَ لَهُ
[ Qui sanla pe invoque Moi afin Mo repondre li?]

Question:
Est-ce qui Allaah pour vine faire jugement parmi So bans creatures le jour du Qiyaamah?
Reponse:
Oui, jour Qiyamaah Allaah pour vine faire jugement parmi So bans creatures.

Question:
Combien nom Allaah ena?
Reponse:
Personne pas conné exactement combien nom Allaah ena, excepté Li-meme.

Question:
Qui recompense ena pour celui qui mémorise 99 noms d’Allaah?
Reponse:
Celui qui mémorise 99 noms Allaah avec comprehension de so signification et li demande Allaah Du’aa par l’intermédiaire de sa bans noms là, Allaah pour faire li rentre dans Jannat.

Question:
Couma Allaah fine decrire So bans noms dans Qur-aan?
Reponse:
Dans 4 places dans Qur-aan, Allaah fine decrire So bans noms comme “Al-Asmaa-ul-Husnaa – Les noms les plus beaux.”

Question:
Cite certaines jolis noms d’Allaah?
Reponse:
Allaah ena beaucoup jolis noms, et parmi sa bans noms là, nous gagne :
Le Premier Al-Awwal الأول
Le Dernier Al-Aakhir الآخر
Le Très Grand Al-Azwiim العظيم
Le Riche Al-Ghaniy الغني
Le Pardonneur Al-Ghafour الغفور
Le Clement Ar-Rahmaan الرحمن
Le Nourrisseur Ar-Raaziq الرازق
Le Vivant Al-Hay الحي
Le Créateur Al-Khaaliq الخالق

Question:
Est-ce qui nous endroit appelle Allaah “Le père”?
Reponse:
Non, li pas permissible qui nous appelle Allaah “Le père” parcequi Li pas papa personne.


CHAPTER 9

Question:
Qui le contraire de Tawheed?
Reponse:
Le contraire de Tawheed c’est “ Shirk – الشرك ”.

Question:
Qui veut dire Shirk?
Reponse:
Shirk c’est qui nous considère ene l’autre apart Allaah égale à Allaah.

Question:
Est-ce qui li important qui nous apprendre Shirk?
Reponse:
Oui, li important qui chaque musulman apprendre la realité de Shirk.

Question:
Qui faire li important pour apprendre Shirk?
Reponse:
Li important pour apprendre Shirk afin qui nous éloigne nous de sa peché là, et nous pas commettre li.

Question:
Qui arrivé si ene dimoune pas fine conne Shirk?
Reponse:
Si ene dimoune pas fine conne Shirk, li pour tombe dans sa peché là sans qui li conné, et li pour vivre ladans toute longue so la vie, avec conception qui li lor la vérité.

Question:
Couma est-ce qui ene musulman capave contribué pour détruire l’Islaam?
Reponse:
Si ene musulman pas apprendre Shirk, c’est comme si li pé contribué pour détruire l’Islaam.

Question:
Combien fois ena le mot “Shirk” dans Qur-aan?
Reponse:
Le mot “Shirk” faire so apparition dans Qur-aan plus qui 160 fois.

Question:
Qui premier conseil Luqmaan ti donne à so ti-garçon?
Reponse:
Premier conseil qui Luqmaan ti donne à so ti-garçon c’est : “Pas commettre Shirk.”

Allaah dire : (31:13)

وَإِذْ قَالَ لُقْمَانُ لِابْنِهِ وَهُوَ يَعِظُهُ يَابُنَيَّ لا تُشْرِكْ بِاللَّهِ
إِنَّ الشِّرْكَ لَظُلْمٌ عَظِيمٌ
[ Et (rapelle) quand Luqmaan ti dire à so garçon, tout en conseille li : “Oh mo ti-garçon pas commettre Shirk, certainement Shirk c’est ene grand Zulm (injustice).”]

Question:
Qui veut dire “Shirk c’est ene grand injustice”?
Reponse:
Shirk c’est ene grand injustice parcequi ene dimoune quand faire Shirk, li pé prend droit qui juste Allaah merité et li pé donne sa à ene l’autre qui pas merite sa droit là.

Question:
Est-ce qui parmi bans musulmans ena bans qui pé vivre dans Shirk actuellement?
Reponse:
Oui, beaucoup parmi bans qui fine prononce Kalimah et qui pé considère zotte comme Aashiq-é-Rassoul, zotte pé vivre dans Shirk.

Question:
Est-ce qui le prophète ti prédire qui Shirk pour apparaitre parmi bans musulmans?
Reponse:
Oui, le prophète ti prédire qui parmi bans musulmans pour ena certains qui pour tombe dans Shirk.

Le prophète dire :

وَلا تَقُومُ السَّاعَةُ …حَتَّى تَعْبُدَ قَبَائِلُ مِنْ أُمَّتِي الْأَوْثَانَ
[ Qiyaamah pas pour vini jusqu’à qui certains tribus de mo Ummah pour adore idoles.]

Question:
Qui plus grand peché qui ene dimoune capave commettre?
Reponse:
Parmi tous bans façons qui existé qui ene dimoune capave désobeir so Createur, la façon qui plus grave c’est qui li désobeir Allaah par commettre Shirk.

Question:
Si ene dimoune faire Shirk, est-ce qui Allaah accepté bans bons actions qui li faire?
Reponse:
Non, Allaah pas accepté bans bons actions d’ene personne qui commettre Shirk.

Allaah dire : (39:65)

لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنْ الْخَاسِرِينَ
[ Si to faire Shirk, to action pour sans valeur, et to pour parmi bans perdants.]

Question:
Si ene dimoune fine commettre Shirk, ensuite li faire Tawbah avant li mort, est-ce qui Allaah accepté so Tawbah?
Reponse:
Oui, Allaah accepté so Tawbah si li faire Tawbah avant qui li rentre dans Sakraat.

Question:
Est-ce qui Allaah pour pardonne ene dimoune qui fine mort lor Shirk?
Reponse:
Non, Allaah pas pour pardonne ene dimoune qui fine mort lor Shirk.

Allaah dire : (4:48)

إِنَّ اللَّهَ لا يَغْفِرُ أَنْ يُشْرَكَ بِهِ
[ Certainement Allaah pas pour pardonne qui (zotte) commettre Shirk avec Li.]

Question:
Si ene dimoune mort lor Tawheed et li presente devant Allaah avec bans grands pechés, est-ce qui Allaah pour pardonne li?
Reponse:
Sa qualité dimoune là, si Allaah oulé, Li pardonne li et faire li rentre dans Jannat directement, et si Allaah oulé, Li faire li paye consequence de so bans pechés dans Jahannam et apres sa Li faire li rentre dans Jannat.

Question:
Est-ce qui ene dimoune qui fine mort lor Shirk capave rentre dans Jannat?
Reponse:
Allaah fine faire Jannat Haraam lor celui qui mort lor Shirk, et alors jamais li pour rentre dans Jannat pareille couma jamais ene chameau pour capave rentre dans trou ene zaiguille.

Question:
Ene dimoune qui fine mort lor Shirk, est-ce qui li pour rentre dans l’enfer pour tous les temps oubien pour ene periode limitée?
Reponse:
Celui qui fine mort lor Shirk, li pour rentre dans l’enfer pour l’eternité.

Question:
Si ene dimoune persisté vivre dans Shirk après explication clair, est-ce qui li encore ene musulman?
Reponse:
Non, li n’est plus ene musulman, mais li ene Kaafir.

Question:
Couma nous bizin agir envers ene dimoune qui pé vivre dans Shirk?
Reponse:
Premièrement, nous bizin explique li qui li pé vivre dans l’égarement et qui li bizin retourne vers la vérité. Si li pas accepté et li persisté vivre lor Shirk, alors :
Nous pas endroit faire li Salaam.
Nous pas endroit marié li avec ene tifille musulmane.
Nous pas endroit prend li comme cammarade.
Nous pas endroit faire li vine nous héritiers.

Question:
Qui nous bizin faire quand ene dimoune qui ti pé vivre dans Shirk fine mort?
Reponse:
Si ene dimoune fine mort lor Shirk, nous bizin observe sa bans la lois la :
Nous pas faire so Ghusl Mayyat.
Nous pas faire so Swalaat Janaazah.
Nous pas enterre li dans cimitière de bans musulmans.
Nous pas faire Du’aa pour li.
Nous pas prend so du bien.


CHAPTER 10

Question:
Qui premier l’ordre qui Allaah fine donne à bans dimounes dans Qur-aan?
Reponse:
Premier l’ordre qui Allaah fine donne à bans dimounes dans Qur-aan trouve dans Surah 2 versets 21 et 22.

Allaah dire : (2:21)

يَاأَيُّهَا النَّاسُ اعْبُدُوا رَبَّكُمْ
[ Oh bans dimounes ! Faire Ibaadat de zotte Rab...]

Question:
Qui faire Allaah fine envoye bans prophètes lor la terre?
Reponse:
Allaah fine envoye bans prophètes lor la terre pour qui banla invite bans dimounes vers Tawheed.

Allaah dire : (21:25)

وَمَا أَرْسَلْنَا مِنْ قَبْلِكَ مِنْ رَسُولٍ إِلا نُوحِي إِلَيْهِ
أَنَّهُ لا إِلَهَ إِلا أَنَا فَاعْبُدُونِ
[ Et Nous pas fine envoye aucun messager avant toi excepté qui Nous fine revele à li: Pas ena aucun Ilaah apart Moi, alors faire Mo Ibaadat.]

Question:
Couma est-ce qui le prophète Muhammad (صلى الله عليه وسلم) ti commence so Da’wah?
Reponse:
Le prophète Muhammad (صلى الله عليه وسلم) ti commence so Da’wah par sa phrase là :

يَا أَيُّهَا النَّاسُ قُولُوا لَا إِلَهَ إِلَّا اللَّهُ تُفْلِحُوا
[ Oh bans dimounes! Dire : Laa Ilaaha illallaah, zotte pour faire le succés.]

Question:
Vers qui quitechose le prophète Muhammad (صلى الله عليه وسلم) ti pé invité pendant treize ans qui li ti pé faire Da’wah dans Makkah?
Reponse:
Pendant sa periode là, le prophète Muhammad (صلى الله عليه وسلم) ti pé invite principalement vers Tawheed.

Question:
Qui bans derniers conseils qui le prophète Muhammad (صلى الله عليه وسلم) fine donne so Ummat?
Reponse:
Parmi bans derniers conseils qui le prophète fine donne à so Ummat avant qui li mort c’est :

أَلَا فَلَا تَتَّخِذُوا الْقُبُورَ مَسَاجِدَ
“Pas prend bans Qabr comme lieux de prière!”

Sa c’est parcequi prend bans Qabr comme lieux de prière c’est ene moyen pour qui dimounes tombe dans Shirk.

Question:
Est-ce qui nous obligé faire Da’wah pareille couma le prophète fine faire Da’wah?
Reponse:
Oui, li obligatoire lor chaque musulman qui oulé faire Da’wah, qui li faire Da’wah pareille couma le prophète fine faire afin qui li pas faire erreur.

Question:
Qui faire Allaah fine descendre bans livres depuis le ciel?
Reponse:
Allaah fine descendre bans livres lor So bans prophètes afin qui sa bans prophètes là invite bans dimounes vers Tawheed.

Question:
Quand ene dimoune pé accepté l’Islaam, qui premier quitechose qui li bizin accepté?
Reponse:
Premier quitechose qui obligatoire lor ene dimoune qui pé accepté l’Islaam c’est qui li accepté Tawheed.

Question:
Est-ce qui nous bizin vine recite Kalimah Tawheed devant ene Amiir, et vine so Muriid pour qui nous rentre dans l’Islaam?
Reponse:
Non, nous pas ena pour recite Kalimah devant aucun Amiir.

Question:
Qui nous bizin faire quand nous alle visite ene dimoune qui pres pour mort?
Reponse:
Quand nous alle visite ene dimoune qui pres pour mort, nous bizin ordonne li pour lire Kalimah.

Question:
Couma est-ce qui ene dimoune so bans comportements pour vine bon?
Reponse:
Pour qui ene dimoune so bans comportements vine bon, faudré qui so le coeur vine propre et pure, et pour qui le coeur vine propre et pure, faudré qui ena Tawheed dans sa le coeur là.

Question:
Qui droit Allaah ena lor nous?
Reponse:
Allaah So droit lor nous c’est qui nous faire So Ibaadat et nous pas commettre Shirk.

Question:
Quand est-ce qui le monde pour etre detruit?
Reponse:
Sa le monde là pour detruire quand pas pour ena aucun Insaan lor la terre qui pour prononce Kalimah : Laa Ilaaha Illallaah.

Question:
Qui faire nous bizin faire Jihaad?
Reponse:
Nous bizin faire Jihaad pour propage Tawheed.

Question:
Est-ce qui nous endroit touye ene dimoune qui fine accepté Tawheed?
Reponse:
Non, li Haraam lor nous pour touye ene dimoune qui fine accepté Tawheed.

Question:
Est-ce qui nous endroit ena l’amour pour ene dimoune qui pas fine accepté Tawheed?
Reponse:
Non, li Haraam lor ene musulman pour qui li ena l’amour pour celui qui pas fine accepté Tawheed, parcequi sa dimoune là li ene l’ennemi Allaah.

Question:
Qui sanla nous bans vrais frères?
Reponse:
Nous bans frères c’est seulement bans qui fine accepté Tawheed.

Question:
Qui sanla fine mette division parmi bans musulmans?
Reponse:
Bans qui fine mette division parmi bans musulmans c’est bans qui fine tombe dans Shirk et Bid’ah.

Question:
Couma est-ce qui tous bans musulmans capave vine unis?
Reponse:
Tous bans musulmans capave vine unis si zotte tous accepté vrai Tawheed.

Question:
Couma est-ce qui bans musulmans pour gagne l’honneur dans Dunyaa et pour controle le monde?
Reponse:
Afin qui nous re gagne nous l’honneur et nous controle le monde, nous bizin accepté Tawheed, mette li en pratique et faire Da’wah vers sa. (S:24 V: 55)

Question:
Qui meilleur action qui ene dimoune capave faire?
Reponse:
Meilleur action qui ene dimoune capave faire c’est qui li accepté Tawheed.

Question:
Qui meilleur branche de Imaan?
Reponse:
Imaan li composé de apeuprés 73 à 79 branches, et meilleur branche de Imaan c’est Tawheed.

Question:
Qui meilleur Zikr qui nous capave faire?
Reponse:
Meilleur Zikr c’est qui nous recite Kalimat-ut-Tawheed : “Laa Ilaaha Illallaah”.

Question:
Est-ce qui “illallaah” oubien “Hou” c’est ene Zikr?
Reponse:
Non, sa c’est pas Zikr, mais c’est ene Bid’ah qui ni le prophète et ni so bans Swahaabah fine pratiqué.

Question:
Qui sanla plus merite Shafaa-at du prophète Muhammad (صلى الله عليه وسلم) jour Qiyaamah?
Reponse:
Celui qui plus merite Shafaa-at du prophète Muhammad (صلى الله عليه وسلم) jour Qiyaamah c’est celui qui fine accepté Tawheed avec toute sincerité.

Question:
Qui destination finale de celui qui fine mort lor Tawheed?
Reponse:
Celui qui fine mort lor Tawheed et li fine presente devant Allaah avec certaines pechés, si Allaah oulé, Li pour faire sa dimoune là rentre dans Jannat directement; oubien si Allaah oulé, Li pour mette li dans l’enfer pour paye conséquence de so péchés et ensuite so destination finale c’est Jannat.

CHAPTER 11

Question:
Qui ti existé lor la terre en premier : Tawheed oubien Shirk?
Reponse:
C’est Tawheed qui ti existé lor la terre avant Shirk.

Question:
Quand est-ce qui Shirk fine apparaitre lor la terre?
Reponse:
Shirk fine apparaitre lor la terre 10 siecles apres qui Allaah ti fine envoye Aadam lor la terre.

Question:
Dans qui peuple est-ce qui Shirk ti apparaitre?
Reponse:
Shirk ti apparaitre dans peuple du prophète Nouh.

Question:
Couma est-ce qui Shirk ti apparaitre dans peuple Nouh?
Reponse:
Shirk ti apparaitre dans peuple Nouh quand bans dimounes fine commence faire Ibaadat statues de zotte bans dimounes pieux qui fine mort.

Question:
Couma est-ce qui sa bans dimounes pieux là ti appellé?
Reponse:
Sa bans dimounes pieux là ti appelle :
Wad Suwaa’ Yaghouth Ya’ouq Nasr.

Question:
Pour qui raison est-ce qui peuple Nouh ti tombe dans Shirk?
Reponse:
Raison pour laquelle peuple Nouh ti tombe dans Shirk c’est qui zotte ti commettre :
“Exageration concernant bans dimounes pieux.”

Question:
Est-ce qui le prophète Muhammad (صلى الله عليه وسلم) fine averti so Ummat contre l’exageration?
Reponse:
Oui, le prophète Muhammad (صلى الله عليه وسلم) fine averti so Ummat contre l’exageration.

Question:
Qui le prophète (صلى الله عليه وسلم) fine dire concernant l’exageration?
Reponse:
Le prophète fine dire :

إِيَّاكُمْ وَالْغُلُوَّ فَإِنَّمَا هَلَكَ مَنْ كَانَ قَبْلَكُمْ بِالْغُلُوِّ فِي الدِّينِ
[ Faire attention de l’exageration. Simplement c’est par l’exageration dans Deen qui bans peuples avant zotte fine detruire.]

Question:
Est-ce qui le prophète (صلى الله عليه وسلم) fine empeche nous exageré dans faire so eloge?
Reponse:
Oui, le prophète fine dire :

لَا تُطْرُونِي كَمَا أَطْرَتِ النَّصَارَى ابْنَ مَرْيَمَ فَإِنَّمَا أَنَا عَبْدُهُ فَقُولُوا عَبْدُ اللَّهِ وَرَسُولُهُ
[ Pas exagerez dans flatte moi pareille couma bans chretiens fine exageré dans flatte Iisaa garçon de Mariam. Mo simplement So serviteur, alors dire : (Muhammad c’est) le serviteur d’Allaah et So messager.]


CHAPTER 12

Question:
Dans combien categorie Shirk existé?
Reponse:
Shirk existé en deux categories :
(1) Shirk Akbar - شرك أكبر
(2) Shirk Asghar - شرك أصغر

Question:
Qui difference ena entre Shirk Akbar et Shirk Asghar?
Reponse:
Entre Shirk Akbar et Shirk Asghar ena trois differences principales :

Shirk Akbar gate tous nous bans actions. Mais Shirk Asghar gate seulement action dans lequel nous fine commettre sa Shirk là.

2. Shirk Akbar tire nous en dehors l’islam. Mais Shirk Asghar pas tire nous en dehors l’islam.

Celui qui mort lor Shirk Akbar, li pour reste dans l’enfer eternellement. Mais celui qui mort lor Shirk Asghar, li pas pour rentre dans l’enfer pour l’eternité.

Question:
Concernant qui quitechose le prophète (صلى الله عليه وسلم) ti ena plus la frayeur pour so Ummat?
Reponse:
Quitechose qui le prophète ti plus peur pour so Ummat c’est Shirk Asghar.

Question:
Est-ce qui nous endroit faire Swalaat pour Allaah, et en même temps pour montré dimounes qui nous ene bon Muswalli?
Reponse:
Non, nous pas endroit faire sa. Mais nous bizin faire Swalaat juste pour faire Allaah plaisir.

Question:
Est-ce qui nous endroit cherche guerison avec Allaah par Ruqyah (lire certaines formules) qui nous pas comprend so signification?
Reponse:
Non, nous pas endroit, excepté si fine ena satisfaction de trois conditions :

Sa formule la li en langaue arabe oubien qui li dans ene langage qui nous capave comprend li.

Sa formule la c’est bans phrases depuis Qur-aan oubien Hadiith, oubien bans phrases qui contenir Allaah So bans noms et So bans attributs.

3. Nous bizin ena la conception qui sa Ruqyah là li pas ena aucun l’effet dans li-même, mais li ena l’effet par la permission d’Allaah.

Question:
Qui veut dire At-Tameemah التميمة ?
Reponse:
Tameemah c’est n’importe qui quitechose qui ene dimoune suspende sa lor li oubien attache sa dans so la main avec la conception qui sa pour protege li contre le mal (contre gagne lizieux) oubien pour apporte li du bien.

Question:
Donne moi l’exemple couma est-ce qui At-Tameemah existé parmi bans musulmans?
Reponse:
Ena beaucoup actions qui pé faire bans musulmans azordi jour trempé dans Shirk à travers Tameemah :
Attache Ta’weez dans licou oubien dans le bras
Doulhine (la nouvelle mariée) garde taille zongle avec li
Garde sizeau embas loryé tibaba
Appendant ti-soulier dans l’auto
Mette moutard et la grain piment dans ene linge et attache sa avec tibaba

Question:
Est-ce qui nous endroit faire serment lor nom ene l’autre apart Allaah?
Reponse:
Non, nous pas endroit.

Question:
Donne moi l’exemple couma est-ce qui dimounes faire serment lor nom ene l’autre apart Allaah?
Reponse:
L’exemple couma dimounes faire serment lor nom ene l’autre apart Allaah :
Faire serment lor Ka’bah
Faire serment lor nom du prophète Muhammad (صلى الله عليه وسلم)
Faire serment lor nom kit Sheikh ou Peer
Faire serment lor du feu
Faire serment lor nous Imaan
Faire serment par pose la main lor la tête de nous zenfants
Faire serment par dire : Soleil lor mo la tête
Faire serment par dire : Cigarette dans mo la main
Faire serment par dire : La lumière pé allumée

Question:
Qui veut dire At-Tatwayyur التطير ?
Reponse:
Tatwayyur oubien Twiyarah c’est qui nous considère certaines quitechoses come signes de malheur – comme “mofine”. Par exemple, si ene chat traverse devant ene dimoune quand li pe voyagé, li considère sa chat là comme ene signe qui pour arrive li ene malheur en chemin.

Question:
Donne moi l’exemple couma est-ce qui dimounes tombe dans erreur At-Tatwayyur?
Reponse:
Bans dimounes qui tombe dans sa erreur là c’est bans qui considère “Fête de mort” oubien “Vendredi 13” comme ene jour de malheur; oubien bans qui pas faire Nikaah dans mois Swafar parcequi Swafar c’est ene mois mofine; oubien bans qui dire : “Gramatin gramatin mo fine alle trouve ene figure soye!”

Question:
Est-ce qui nous endroit prononce bans phrases qui indique l’égalité entre Allaah et les autres bans créatures?
Reponse:
Non, nous pas endroit.

Question:
Donne moi l’exemple couma est-ce qui ene dimoune tombe dans Shirk par pas montré l’unicité d’Allaah dans so bans paroles?
Reponse:
Allaah Li unique, et alors l’Islaam fine enseigne nous qui quand nous causé aussi, nous bizin montré qui Allaah Li unique. Mais si ene dimoune pas montré l’unicité d’Allaah dans so bans paroles, li fini commettre Shirk sans qui li conné.
Par exemple, li prononce bans paroles tel comme :
Mo compte lor Allaah et lor toi
Mo ena confiance lor Allaah et lor toi
Couma c’est agréable cequi Allaah et toi fine decidé
Avec Allaah et toi to permission
Mo pas ena personne excepté Allaah et toi
C’est ene faveur depuis Allaah et depuis toi
Si pas ti ena toi, ti pour arrive sa oubien pas ti pour arrive sa

Question:
Qui Du’aa nous lire afin qui Allaah pardonne nous pour Shirk qui nous commettre?
Reponse:
Nous lire sa Du’aa la :

اللَّهُمَّ إِنَّا نَعُوذُ بِكَ مِنْ أَنْ نُشْرِكَ بِكَ شَيْـئًا نَعْلَمُهُ
Oh Allaah, nous pé cherche protection avec Toi contre qui nous faire Shirk avec Toi avec connaissance

وَنَسْـتَغْـفِرُكَ لِمَا لَا نَعْلَمُ
Et nous pé demande Toi pardon pour cequi nous pas ena la connaissance.


CHAPTER 13

Question:
Dans qui bans formes est-ce qui nous capave rassemblé Shirk Akbar?
Reponse:
Nous capave rassemblé Shirk Akbar dans 4 formes pricipales :
Shrik-ud-Da’wah - شرك الدعوة
Shirk-ul-Iraadah - شرك الإرادة
Shirk-ut-Twaa’ah - شرك الطاعة
Shrirk-ul-Mahabbah - شرك المحبة

Question:
Qui veut dire “Shirk-ud-Da’wah“?
Reponse:
Shirk-ud-Da’wah c’est qui nous faire Du’aa avec ene l’autre apart Allaah, comme par exemple, demande Du’aa avec le prophète oubien avec bans Peer qui dans Qabr.

Question:
Couma est-ce qui ene dimoune faire Du’aa avec ene l’autre apart Allaah?
Reponse:
Ene dimoune faire Du’aa avec ene l’autre apart Allaah par dire :
“Oh Prophète/Peer ! pardonne mo bans pechés”
“Oh Prophète/Peer ! faire mo Shafaa-at jour Qiyaamah”
“Oh Prophète/Peer ! aide moi contre mo l’ennemis”
“Oh Prophète/Peer ! protége moi contre mauvais zère”
“Oh Prophète/Peer ! Al-Madad …….”
“Yaa Ghawsé Paak! Al-Madad …….”

Question:
Qui veut dire “Shirk-ut-Twaa’ah”?
Reponse:
Shirk-ut-Twaa’ah c’est qui nous obéir ene l’autre apart Allaah dans desobeissance d’Allaah par faire quitechose qui Allaah fine faire Halaal vine Haraam et faire quitechose qui Allaah fine faire Haraam vine Halaal.

Question:
Couma est-ce qui ene dimoune capave commettre “Shirk-ut-Twaa’ah”?
Reponse:
Par exemple, si ene dimoune considère l’interet Halaal basant lor parole de so Sheikh, li fine fini commettre Shirk parcequi Allaah fine decrete l’interet Haraam.

Question:
Qui veut dire “Shirk-ul-Iraadah”?
Reponse:
Shirk-ul-Iraadah c’est qui nous faire bans actions avec l’intention pour acquerir les autres quitechoses apart plaisir d’Allaah et So recompense.

Question:
Couma est-ce qui ene dimoune capave commettre Shirk-ul-Iraadah?
Reponse:
Par exemple, si ene dimoune faire Qurbaani avant alle reste dans ene nouveau lacaze avec l’intention pour faire bans Jinn plaisir, afin qui zotte pas apporte li du tort, li fine fini commettre Shirk.

Question:
Qui veut dire “Shirk-ul-Mahabbah”?
Reponse:
Shirk-ul-Mahabbah c’est qui nous content quicaine pareille couma nous content Allaah – ene content qui pousse nous vers l’humiliation et l’obeissance.

Question:
Est-ce qui nous endroit faire Rukou’ oubien Sajdah pour ene Peer?
Reponse:
Non, nous pas endroit parcequi ene musulman pas faire Rukou’ et Sajdah, excepté pour Allaah.

Allaah dire : (41:37)

لا تَسْجُدُوا لِلشَّمْسِ وَلا لِلْقَمَرِ وَاسْجُدُوا لِلَّهِ الَّذِي خَلَقَهُنَّ إِنْ كُنْتُمْ إِيَّاهُ تَعْبُدُونَ
[ Pas faire Sajdah pour soleil et nonplus pour la lune, mais faire Sajdah pour Allaah – Celui qui fine créé zotte (soleil, la lune, la nuit et la journée) – si zotte vraiment faire juste So Ibaadat.]

Question:
Est-ce qui ene musulman endroit croire dans Horoscope?
Reponse:
Non, li pas endroit parcequi seul Allaah qui conne destin de So bans creatures.

Question:
Est-ce qui nous endroit demande ene Peer mort pour demande Du’aa pour nous?
Reponse:
Non, nous pas endroit parcequi sa c’est Shirk.

Question:
Est-ce qui nous endroit considère ene Kaafir comme ene croyant?
Reponse:
Non, nous pas endroit. N’importe qui sanla qui pas accepté l’Islaam (chretien oubien juif oubien hindu) li ene Kaafir et so destination c’est l’enfer si li mort coume sa même.

Question:
Est-ce qui systeme democratie oubien le socialisme c’est ene systeme meilleur qui l’Islaam?
Reponse:
Non, pas ena aucun systeme meilleur qui l’Islaam.

Question:
Est-ce qui nous endroit ena degout pour n’importe qui quitechose qui forme partie de l’Islaam?
Reponse:
Non, nous pas endroit ena degout pour n’importe qui quitechose qui forme partie de l’Islaam.

Question:
Est-ce qui nous endroit faire boufon avec ene quitechose qui forme partie de l’Islaam?
Reponse:
Non, nous pas endroit.

Question:
Est-ce qui la sorcellerie ena so place dans l’Islaam?
Reponse:
Non, l’Islaam pas tolere la sorcellerie. Nous pas endroit alle guette bans sorciers, nous pas endroit faire zotte travaille pour nous, et nous pas endroit croire zotte aussi.

Question:
Est-ce qui nous endroit supporte bans Kuffaar et aide banla contre bans musulmans?
Reponse:
Non, nous pas endroit.

Question:
Est-ce qui existe ene degré dans l’Islaam, qui quand nous fine atteindre sa degré là, nous endroit arrete faire Ibaadat?
Reponse:
Non, ene degré pareille pas existé dans l’Islaam. Mais nous obligé faire Ibaadat Allaah jusqu’à la mort.

Question:
Est-ce qui nous endroit tourne le dos avec Deen Islaam apres qui nous fine lire Kalimah?
Reponse:
Non, nous pas endroit tourne le dos avec Deen Islaam. Mais nous obligé étudié Islaam et mettre li en pratique.


ABU LAYLAA
SHABBIR