9. LEÇONS POUR BANS ZENFANTS. دروس للصغار - Fiqh pour bans zenfants Madrassah 2

Fiqh Pour Bans Zenfants Madrassah 2


INTRODUCTION
Nous glorifié Allaah, nous demande Li So aide, So pardon et So protection, et nous remercié Li pour faveur qui Li pé faire lor nous qui nous pé reussi prepare ene livret lor Fiqh pour Madrassah Al-Hudaa Wan-Nour.
Sa livre là li ene travail simple et facile parcequi c’est ene resumé de cequi nous deduire depuis plusieurs Hadiith. Et a cause qui sa travail là c’est ene resumé, nous pas fine faire mention de bans preuves; nous fine plutot prepare li comme ene guide pour bans zenfants Madrassah. Celui qui interessé avec bans preuves, li capave contacter nous. Nous faire ressortir qui nous fine prend compte l’authenticité de bans Hadiith dans preparation sa travail la.
Dans sa livre la, nous fine traitre 4 chapitres dans sujet Fiqh : Sawm, Janaazah, Zakaat et Hajj.
Nous fine prepare li dans ene niveau zenfant dans le sens qui nous pas fine faire mention de certains Masaa-il qui normalement nous apprendre dans sa bans chapitres la. Donc, livre la li bon pour bans zenfants, et meme bans adultes capave profiter avec li excepté qui li incomplet pour dans adultes.
Cequi important a faire ressortir encore c’est qui nous conscients qui dans Fiqh ena divergence, et alors, possiblement nous fine faire certains erreurs. Mais sa pas empeche qui ou profiter avec sa livre la, surtout qui possiblement erreur la vine de ou part meme pour ene manque de connaissance. Nous supplié n’importe qui sanla qui fine trouvé qui nous fine contredire kit Aayat Qur-aan oubien kit Hadiith dans sa livre la, qui li contacté nous afin qui nous corrige nous erreurs.
Nous demande Allaah qui Li recompense nous tous qui fine contribué pour prepare sa travail là jusqu’a dans sa forme là, et qui Li faire nous bans frères et soeurs musulmans profité avec sa livre là.
ABU LAYLAA
SHABBIR
(263-9375)
Friday, December 01, 2006
‏الجمعة‏، 11‏ ذو القعدة‏، 1427



CHAPITRE 3 كتاب الصيام
QUI ETE SAWM ? ما هو الصوم
Sawm so signification dans coté langage :
L’abstention (reste loin de quelque chose)
So signification d’apres Sharii’ah :
Ene Ibaadat qui nous mettre en pratique par abstenir de bans certains quitechoses specifiques pendant ene moment specifique.
Quitechoses specifiques :
Manger, boire, ene personne satisfaire so passion
Moment specifique :
Depuis commencement Fajr Swaadiq jusqu’à couché du soleil.
Sawm c’est sa même Ibaadat qui connu comme Roza.
Celui qui pe observe Sawm, nous appelle li ene Swaa-im (صائم).



Fajr Swaadiq et Fajr Kaazib.
Sawm c’est ene Ibaadat qui nous commence observer depuis Fajr Swaadiq. Fajr Swaadiq c’est l’heure quand nous trouve lor bans montagnes et entre bans lacazes et bans chemins, ene la ligne rouge eparpillé; et sa c’est plus ou moins quinze minutes après Fajr Kaazib.
Fajr Kaazib c’est l’heure quand nous trouve ene la ligne blanc brillant vertical lor le ciel pareille couma la queue le loup.
Muazzin bizin donne deuxième Azaan Fajr avec l’apparition de Fajr Swaadiq – le moment qui nous bizin arrete manger/boire pour commence garde Roza.
Li Haraam pour celui qui pé observe Sawm qui li mangé-boire après l’apparition de Fajr Swaadiq. Celui qui fine mangé-boire après sa l’heure là avec connaissance, li fine casse so Roza.
Si l’heure Fajr Swaadiq Muazzin commence donne Azaan et ena ene verre de l’eau ou n’importe qui la boisson dans nous la main, li permissible qui nous continué boire jusquà nous terminé. Mais nous pas mangé-boire plus qui sa.

As-Suhour السحور
Suhour c’est ene repas qui nous prend avant commence garde Roza pendant l’heure de Sahar; et Sahar c’est l’heure avant Fajr Swaadiq. C’est sa repas la même qui connu comme "Sehri".
D’après bans Hadiith, nous trouve qui Suhour ena grand valeur et importance :
Suhour c’est ene difference entre nous Sawm et Sawm de bans juifs-chretiens.
Suhour c’est ene benediction qui Allaah fine donne nous.
Allaah et So bans anges envoye Swalaat lor celui qui faire Suhour.
Suhour li ni ene condition et ni ene obligation pour observe Sawm, mais li seulement ene Sunnah. Si ene domoune fine faire Suhour pour garde Roza, sa meilleur pour li. Mais si ene dimoune garde Roza sans faire Suhour, li pas gagne aucun peché et so Sawm valable auprès d’Allaah.
Li Sunnah qui nous retarde nous Suhour jusquà dernier l’heure au lieu qui nous fini mangé-boire dans la nuit.
Meilleur quitechose pour faire Suhour avec sa c’est tamme, et nous capave aussi faire Suhour juste avec ene gorgée de l’eau.
Si nous dans doute concernant l’apparition de Fajr Swaadiq, nous endroit mangé-boire aussi longtemps qui nous pas fine sure qui Fajr Swaadiq fine apparaitre.
Si nous fine mangé-boire basant lor croyance qui Fajr Swaadiq pas encore apparaitre, et ensuite nous alle conner qui nous ti mangé-boire apres l’apparition de Fajr Swaadiq; nous pas ena pour remplace sa jour Roza la.

Al-Iftwaar الإفطار
Après Fajr Swaadiq, nous commence observe Sawm et nous terminé avec le couché du soleil. Quand soleil fine couché, nous faire Iftwaar, cest-à-dire, nous commence mangé-boire.
Couché du soleil c’est disparition du soleil dans l’horizon. Donc, tout de suite couma soleil fine disparaitre, nous faire Iftwaar, même si rayon soleil encore visible et pe encore faire claire.
Si nous en doute concernant le couché du soleil, nous pas endroit faire Iftwaar aussi longtemps qui nous pas sure qui soleil fine fini couché.
Si nous fine faire Iftwaar basant lor croyance qui soleil fine fini couché, et ensuite nous alle conner qui nous ti faire Iftwaar avant couché du soleil, nous pas ena pour remplace sa jour Roza là.
Si nous fine commence garde Roza dans ene l’endroit cote banla faire Iftwaar à 6.00 p.m, et ensuite pendant la journée nous fine voyagé et nous fine vine à ene l’endroit cote banla faire Iftwaar à 6.15 p.m, nous faire Iftwaar à 6.15 p.m, c’est-à-dire nous faire Iftwaar au moment qui soleil fine couché dans l’endroit cote nous été.
Meilleur quitechose pour faire Iftwaar c’est avec tamme, et si pas ena tamme c’est avec de l’eau.
Du'aa qui nous capave lire apres qui nous fine faire Iftwaar :
ذَهَبَ الظَّمَأُ وَابْتَلَّتِ الْعُرُوقُ وَثَبَتَ الْأَجْرُ إِنْ شَاءَ اللَّهُ
Zahabaz Zwama-U Wab Tallatil Urouq, Wa Thabatal Ajru Inshaa Allaah
La soif fine allé, bans la veines fine satisfait (apaisé) et le recompense confirmé si Allaah oulé.
Recompense de celui qui faire ene Swaa-im faire Iftwaar c’est qui li gagne même recompense qui sa Swaa-im la fine gagné sans qui sa Swaa-im là so recompense diminué.
Quand nous faire Iftwaar cote ene dimoune, li Sunnah qui nous faire sa Du'aa là pour li :
أَفْطَرَ عِنْدَكُمُ الصَّائِمُونَ وَأَكَلَ طَعَامَكُمُ الْأَبْرَارُ وَصَلَّتْ عَلَيْكُمُ الْمَلَائِكَةُ
Aftwara Indakumus Swaa-Imoun, Wa Akala Twa-Aamakumul Abraar, Wa Swallat Alaykumul Malaa-Ikah
Qui bans Swaa-im faire Iftwaar côte zotte. Qui bans pieux mange zotte mangé. Et qui bans anges demande Allaah pour envoye la paix lor zotte.

An-Niyyah النية
Niyyah veut dire "l’intention". Avant qui nous faire n’importe qui bon action qui l’Islaam fine recommandé, nous bizin faire l’intention qui nous pé faire sa action là comme ene Ibaadat pour Allaah Seul. Reste sans mangé-boire depuis gramatin jusquà tantôt, dans li-même li pas ene Ibaadat. Mais si nous prive-nous de mangé-boire avec l’intention pour faire Allaah plaisir, sa c’est ene Ibaadat et nous ena recompense pour gagner auprès d’Allaah.
Avant nous commence observe Sawm, nous bizin faire l’intention dans le coeur qui nous pe arrête mangé-boire comme ene Ibaadat pour Allaah Seul.
Niyyah c’est ene action qui nous faire avec nous le coeur et pas ena aucun formule speciale pour prononcer pour attache Niyyah Roza, tel comme :
Allaahumma Asoumu Radallaka Fargfirli Maa Qaddamtu Wamaa Akh-khartu
Pour Sawm obligatoire, nous bizin fini faire Niyyah pour garde Roza avant Fajr Swaadiq – pendant la nuit, afin qui si nous levé avec Azaan oubien apres Azaan, nous capave observe Sawm sans prend Suhour. Quant-à Sawm qui pas obligatoire, nous endroit faire Niyyah après Fajr – pendant la journée, si nous pas fine mange narien après Fajr.

VERTU ET RECOMPENSE DE SAWM. فضل الصوم
Sawm c’est ene moyen pour qui Allaah protége nous contre l’enfer.
Sawm c’est ene moyen pour qui Allaah faire nous rentre dans Jannat.
Sawm c’est ene moyen pour qui Allaah faire nous gagne Taqwaa.
Sawm c’est ene moyen pour qui Allaah efface nous bans pechés.
L’odeur depuis ene Swaa-im so la bouche meilleur auprès Allaah qui parfum Musk.
Ena deux contentements pour ene Swaa-im :
quand li faire Iftwaar (pour Eid) li content
quand li pour joindre so Rab li pour content de so Roza
Sawm pour faire Shafaa-at pour nous jour Qiyaamah.
Ar-Rayyaan c’est ene la porte speciale dans Jannat pour bans Swaa-im.
Celui qui mort jour qui li Roza, li pour rentre dans Jannat par faveur Allaah.
Sawm so recompense li illimité.
Sawm faire nous controle nous passion.

COMBIEN QUALITÉ SAWM ENA? أقسام الصيام
D’après Qur-aan et Hadiith, nous trouvé qui ena trois qualités Sawm :
– Cequi obligatoire (Sawm Faraz)
– Cequi recommandé (Sawm Tatwaw-wu’)
– Cequi empeché
Sawm qui Allaah fine faire obligatoire c’est :
Sawm pendant le mois Ramadwaan (9ème mois Islamique).
Sawm qui nous faire Mannat (Nazr) pour garder.

Sawm Tatwaw-wu’.
Parmi bans Sawm qui recommandé et qui pas obligatoire dans l’Islaam nous gagne :
six jours dans le mois de Shawwaal
9 et 10 Muharram (Aashuraa)
9 Zul Hijjah pour celui qui pas dans Hajj (Jour Arafat)
les 13-14-15 de chaque mois (Ayaam-ul-Biid)
chaque Lundi et Jeudi
Ene madame pas endroit garde Roza Nafil sans permission de so missier excepté si so missier fine sorti en voyage.
Si nous pé garde Roza Nafil et ene dimoune invite nous pour manger, si nous oulé nous faire li conner qui nous Roza, et si nous oulé nous repondre so l’invitation par casse nous Roza sans qui nous bizin remplace sa Roza là.

Sawm qui empeché.
Nous pas endroit garde Roza Nafil dans sa bans jours là :-
jour Eid-ul-Fitr
jour Eid-ul-Ad-haa
Samedi
Vendredi sans Jeudi
Ayyaam-ut-Tashriiq (11/12/13 Zul-Hijjah)
1/2 jours avant Ramadwaan
Apart Ramadwaan, le prophète pas fine deja garde ene mois Roza entier.
Nous pas endroit garde Roza Nafil toute longue l’année sans arrêter. Meilleur quitechose qui nous capave faire c’est qui nous garde Roza chaque deux jours.

SAWM DU MOIS RAMADWAAN. صوم رمضان
Couma Sawm du mois Ramadwaan fine vine obligatoire?
Avant qui Sawm du mois Ramadwaan vine obligatoire, Sawm qui ti obligatoire lor bans musulmans c’était Sawm Aashuraa. Ensuite dans deuxième année Hijri Allaah fine révéle Aayat concernant l’obligation Sawm Ramadwaan (S 2 V 184). Au commencement, celui qui ti pé oulé, ti pé observe Sawm, et celui qui ti pé trouve li difficile, ti pé donne Fidyah (donne ene pauvre mangé pour chaque jour qui li pas fine garde Roza). Ensuite (S 2 V 184) fine abrogé par (S 2 V 185) et li fine vine obligatoire lor chaque musulman qui ena la santé pour qui li observe Sawm même avec difficulté.
Sawm du mois Ramadwaan represente quatrième pillier de l’Islaam.
Nous prepare nous pour acceuillir le mois du Ramadwaan par faire Tawbah de nous bans pechés, et nous commence garde beaucoup Roza pendant le mois de Sha’baan.
Nous commence garde Sawm Ramadwaan avec la visibilité de la lune, et nous pas endroit commence Sawm Ramadwaan basant lor bans données astrométriques parcequi le prophète fine ordonne nous pour commence observe Sawm avec la visibilité de la lune, et sa l’ordre la pour reste en vigeur jusqua Qiyaamah.
Avant la visibilité de la lune, nous pas endroit commence observe Sawm basant lor doute qui le mois du Ramadwaan capave fine fini commencé. Nous pas endroit commence observe Sawm aussi longtemps qui nous pas fine trouve la lune oubien qui nous fine fini complete 30 jours Sha’baan.

Valeur du mois Ramadwaan.
Allaah fine choisir le mois du Ramadwaan pour qui bans musulmans accomplir le grand obligation de Sawm, et Li fine verse ene bénédiction speciale dans sa mois là :
Ramadwaan c’est mois dans lequel Allaah ti faire Qur-aan descendre.
Dans sa mois là ena Laylat-ul-Qadr.
Dans sa mois là bans Shaytwaan et bans Jinn forts enchaînés.
Bans la portes Jannat ouverts sans exception.
Bans la portes Jahannam fermés sans exception.
Chaque nuit Allaah libere certains serviteurs depuis l’enfer.
Premier nuit Ramadwaan, ene ange crié :
"Oh bans qui desire la bien, approchez,
Oh bans qui desire le mal, diminuez."
Ene Umrah qui nous faire dans Ramadwaan, c’est comme si nous fine faire ene Hajj ensemble avec le prophète Muhammad .

Recompense de Sawm du mois Ramadwaan :
Celui qui garde ene mois Roza couma bizin, Allaah pardonne tous so bans pechés avant.

QUITECHOSE QUI PERMISSIBLE OUBIEN PAS PERMISSIBLE PENDANT SAWM.
Sawm fine être prescrit afin qui nous gagne Taqwaa, et alors, celui qui pé observe Sawm, li pas permissible qui li commettre bans erreurs qui contredire Taqwaa.
En verité, Sawm c’est :
l’abstention de nous ventre contre manger-boire
l’abstention de nous le corps – la langue, nous zoreille, et nous lizieux - contre desobeissance d’Allaah.
Nous pas endroit cause menti, faire Ghiibaat, causé oubien faire bans actions inutiles et obscenes.
Si quicaine pé insulté nous pendant qui nous Roza, nous bizin controle nous et nous dire li : "Mo Roza, mo Roza. "

Bans quitechoses qui casse nous Sawm :
Sa bans quitechoses suivantes-là casse nous Sawm :
manger-boire avec connaissance ou avec propre grés
vomi par exprès
prend piqûre vitamin (nourriture)
satisfaire passion
Si ene dimoune manger-boire par oubli, couma li rapelle qui li pé observe Sawm, li bizin arrête manger-boire et li continué observe so Sawm parcequi li pas fine manger-boire avec connaissance.
Si ene dimoune vomi involontairement, sa pas casse so Sawm parcequi li pas fine vomi par exprès.



Bans quitechoses qui permissible quand ene personne pe observe Sawm :
Li endroit servi Miswaak.
Li endroit rince la bouche et nenez (sans exageration).
Li endroit analyse so du sang.
Li endroit prend piqûre qui pas nourrissant.
Li endroit faire Hijaamah.
Li endroit goute mangé sans laisse sa gout là arrive jusquà so la gorge.
Li endroit mettre Kaajal dans so lizieux.
Li endroit mette goute medecine dans so lizieux.
Li endroit vide de l’eau frais lor so la tête
Li endroit baigner pour rafraîchit li.
Li endroit mette parfum lor li.
Li endroit mette de l’huile lor so la tete.
Li endroit dormi pendant la journée.
Li endroit servi suppositoire.
Ene madame endroit reste sans Horni dans lacaze.

BANS QUI PAS FINE REUSSI GARDE SAWM RAMADWAAN.
Bans qui pas fine reussi garde Sawm Ramadwaan, sa bans dimounes là en deux categories :
Bans qui bizin remplace nombre de Sawm qui zotte fine raté.
Bans qui bizin faire ene pauvre manger pour chaque jour qui zotte pas fine observe Sawm.
Bans qui bizin remplace nombre de Sawm qui zotte fine raté :
le voyageur
le malade qui ena l’espoir gagne guerison
ene Haa-id
Bans qui bizin faire ene pauvre manger pour chaque jour qui zotte pas fine observe Sawm :
Ene dimoune qui fine vine trop vieu et li pas capave observe Sawm (a condition qui li pe encore raisonné)
Ene madame qui enceinte
Ene madame qui pe allaite so zenfant
Ene malade qui pas ena l’espoir pour trouve guerison
Si ene dimoune pas fine garde ene jour Roza Ramadwaan par exprès avec toute connaissance et la santé, li pas ena pour remplace li après, pareille couma li pas capave remplace ene Swalaat apres so l’heure prescrite. Et sa applique aussi pour celui qui fine casse so Roza par exprès.
Celui qui ena pour remplace Sawm Ramadwaan, li meilleur qui li remplace li tout de suite apres so probleme, mais li pas obligatoire.
Celui qui ena pour remplace Sawm Ramadwaan, li pas necessaire remplace li ene derrière l’autre.
Si celui qui ti ena pour remplace Sawm Ramadwaan fine mort, So Wali (so responsable) faire ene pauvre manger pour chaque jour qui li fine rate Sawm.
Si ene dimoune fine rate 10 jours Sawm Ramadwaan et li fine mort, so Wali capave rassemblé 10 pauvres et faire zotte manger dans ene seul jour.
Si ene dimoune ti faire Nazr (voeu/Mannat) pour observe Sawm et ensuite li mort, so Wali (so responsable) capave remplace nombre de Sawm qui li ti faire Nazr pour observer.
Si ene dimoune fine faire Nazr pour obersve 10 jours Sawm, et ensuite li fine mort, li permissible qui 10 dimounes remplace li; chacun observe ene jour Sawm.


TARAAWIIH ET LAYLAT-UL-QADR. صلاة التراويح وليلة القدر
Swalaat-ut-Taraawiih c’est Qiyaam-u-Ramadwaan et c’est sa même Qiyaam-ul-layl ou Tahajjud qui nous faire li pendant le mois du Ramadwaan après Swalaat Ishaa.
Recompense qui ena pour celui qui accomplir Swalaat-ut-Taraawiih trouve dans parole du prophète :
"Celui qui faire Qiyaam-u-Ramadwaan avec Imaan et avec l’espoir, Allaah pardonne so bans pechés dans le passé."
Li Sunnah pour faire Swalaat-ut-Taraawiih en Jamaat parcequi le prophète ti faire li pendant trois nuits, et le deuxième Khaliifah Umar ti faire li pendant so Khilaafah.
Recompense qui ena pour celui qui accomplir Swalaat-ut-Taraawiih en Jamaat trouve dans parole du prophète :
"Si ene dimoune faire Swalaat (Taraawiih) avec Imaam jusqu’à qui Imaam là arrêté, Allaah donne li recompense comme si li fine faire Swalaat toute longue la nuit."
Swalaat-ut-Taraawiih li en 11 Rakaat.





Laylat-ul-Qadr
"Laylat-ul-Qadr" c’est ene nuit dans le mois du Ramadwaan pendant laquelle Allaah ti faire Qur-aan descendre.
Valeur de Laylat-ul-Qadr c’est qui li meilleur qui 1000 mois.
Laylat-ul-Qadr li ene parmi bans 10 derniers nuits de Ramadwaan; plus possiblement parmi bans nuits impairs (21, 23 ,25 ,27 ,29); plus possiblement 27ème nuit.
Pas ena aucun Umrah speciale pour faire 27ème nuit Ramadwaan. Au contraire c’est ene Bid-ah pour prend 27ème nuit Ramadwaan comme ene nuit speciale pour faire Umrah.
Meilleur Du'aa nous capave faire pendant Laylat-ul-Qadr c’est :
اللَّهُمَّ إِنَّكَ عُفُوٌّ تُحِبُّ الْعَفْوَ فَاعْفُ عَنِّي
Allaahuma innaka afuw-wun Tuhibbul afwa fa’fu annii
Oh Allaah, certainement To ene qui excusé, To content l’excuse,
alors excuse moi.
Nous conné qui la nuit qui fine traversé c’était Laylat-ul-Qadr avec sa bans signes là :
La nuit là ti ni chaud ni frais
soleil leve sans rayon avec ene coleur rouge pale.
"Sabiina" c’est ene Bid-ah qui pas ena so place dans l’Islaam.
Nous pas endroit prend 27ème nuit Ramadwaan comme ene nuit pour feter.

CERTAINS HADIITH FAIBLES CONCERNANT SAWM.
Parmi bans Hadiith faibles ou fausses qui beaucoup dimounes cité concernant Ramadwaan, nous gagne :-
Roza c’est la moitié Swabr.
Zakaat appliqué lor tous quitechoses, et Zakaat de nous le corps c’est Roza.
Ene Swaa-im li toujours dans Ibaadat, meme pendant qui li pe alongé lor lilit.
Si Allaah ti permettre les ceils et la terre causer, zotte ti pour donne le Swaa-im la bonne nouvelle qui Jannat reservé pour li.
Garde Roza, zotte pour reste en bonne santé.
Peché qui ene Swaa-im commettre après Asr, sa pas ecrire dans so dossier.
Ene Swaa-im li pas a blamé pour so mauvais comportement.


Quand le mois Rajab ti pe rentré, le prophete ti pe dire :
Allaahumma Baarik lanaa Fii Rajab Wa Sha’baan wa Balligh-naa Ramadwaan
Oh Allaah, mettre Barakat pour nous dans Rajab et Sha’baan et faire nous joindre Ramadwaan.
Ene Tasbiih dans Ramadwaan li meilleur qui 1000 Tasbiih dans bans les autres mois.
Meilleur Swadaqah c’est Swadaqah qui ene dimoune donné dans Ramadwaan.
Chaque nuit Allaah libère 60,000 personnes depuis du feu l’enfer, et lor trentième nuit Allaah libère (30 x 60,000) 1,800,000 personnes.
Pendant ene bananée Jannat embellir-li pour Ramadwaan.
Si bans serviteurs ti conné qui ena dans Ramadwaan, banla ti pour content qui toute longue l’année ti Ramadwaan.
Oh bans dimounes, ene mois fine costé à zotte .…... celui qui faire ene Nafil la dans c’est comme si li fine faire ene Faraz et celui qui fine faire ene Faraz li gagne Thawaab de 70 Faraz … dix premiers jours c’est Rahmah, onze à vingt c’est Maghfirat, et dix derniers c’est liberation depuis l’enfer.
Si ene zenfant reussi garde 3 jours Roza, li obligé garde Roza Ramadwaan au complet.
Celui qui pas garde ene jour Roza dans Ramadwaan sans aucun cause, même si li garde Roza toute longue so la vie, sa pas pour remplace li.
Celui qui pas garde ene jour Roza Ramadwaan par exprés, li bizin garde 30 jours Roza pour sa.
Celui qui faire Iftwaar avec tamme, recompense so Swalaat li etre multiplié par 400 fois.
Cinq quitechoses casse Roza : Mensonge, Namiimah, Ghiibat, geutte Haraam et faire fausse serment.

EID-UL-FITR. عيد الفطر
Nous termine Sawm Ramadwaan par celebrer Eid-ul-Fitr, le premier Shawwaal.
Eid c’est ene jour speciale côte bans dimounes joindre pour exprime zotte joie pour le retour de sa grand jour là.
Dans l’Islaam ena seulement deux grands Eid :
Eid-ul-Fitr
– Eid après Sawm Ramadwaan
Eid-ul-Ad-haa
– Eid après Yawm Arafah
Nous celebré Eid-ul-Fitr avec la visibilité de la lune.
Si nous fine gagne nouvelle concernant visibilité la lune après Zawaal, nous casse nous Roza, et nous celebré Eid le lendemain.
Jour Eid ena ene Swalaat speciale a accomplir. Sa Swalaat la li obligatoire lor chaque musulman parcequi le prophète fine ordonne meme bans madames musulmanes pour sorti depuis zotte lacazes pour vine sa Swalaat là.

La veille de Eid.
Li pas Sunnah pour passe la nuit Eid en Ibaadat. C’est plutot ene Bid-ah si nous prend sa nuit là comme ene nuit speciale pour faire Ibaadat.
Sonne petard quand trouve la lune Eid, sa c’est ene pratique anti-islamique.

Zakaat-ul-Fitr زكاة الفطر
Zakaat-ul-Fitr c’est ene charité qui Allaah fine faire li obligatoire a l’occasion de Eid lor chaque musulman (grand ou petit) sans exception. C’est sa même qui connu comme "Fitrah" ou "Swadaqat-ul-Fitr ".
Nous tire Zakaat-ul-Fitr par donne ene Swaa’ (a peu pres 2175 g) nourriture en charité.
Nous pas endroit tire prix coutant de sa quantité nourriture là. Nous bizin tire ene Swaa’ nourriture même.
Nous tire Zakaat-ul-Fitr pour qui Allaah efface bans erreurs qui nous fine faire pendant Sawm et aussi pour donne bans pauvres manger sa jour la.
Nous tire Zakaat-ul-Fitr avant Swalaat Eid, et dernier l’heure c’est avant Swalaat Eid.
Bans qui ramasse Zakaat-ul-Fitr, nous endroit donne zotte li, ene ou deux jours avant Eid-ul-Fitr.

Avant alle Swalaat Eid.
Nous baigner.
Nous mette nous joli linge et parfum.
Nous mange quelques tammes (lor nombre impair).
Nous alle faire Swalaat-ul-Eid par ene chemin et nous retourne par ene l’autre chemin.
Quand nous sorti pour alle faire Swalaat Eid-ul-Fitr.
Quand nous sorti pour alle faire Swalaat-ul-Eid, nous faire Takbiir à haute voix. Pas ena aucun Hadiith du prophète qui montré nous façon qui bizin faire Takbiir jour Eid. Mais le Swahaabi Ibn Mas-oud ti pé faire Takbiir dans sa façon là :
الله أكبر
Allaahu Akbar
الله أكبر
Allaahu Akbar
لا إله إلا الله والله أكبر
Laa ilaaha illallaahu wallaahu Akbar
الله أكبر
Allaahu Akbar
ولله الحمد
Walillaahil hamd

Swalaat-ul-Eid.
Swalaat-ul-Eid c’est ene Swalaat de 2 Rakaat.
Li Sunnah pour faire Swalaat-ul-Eid dans Muswallaa (Eidgah – en plein air) et nonplus dans Masjid.
Le prophète fine ordonne bans madames aussi pour sorti pour vine faire Swalaat-ul-Eid dans Eidgah.
Pas ena aucun Swalaat Sunnat avant ou après Swalaat-ul-Eid.
Pas ena ni Azaan, ni Iqaamah pour Swalaat-ul-Eid.
Si Eid tombe ene jour Jumu-’ah, nous faire Swalaat-ul-Eid, et ensuite bans Muswalli endroit pas faire Swalaat Jumu-‘ah. Apres Swalaat-ul-Eid, nous faire Swalaat Asr (seulement ) dans so l’heure.

Couma faire Swalaat-ul-Eid?
Nous faire Swalaat Eid-ul-Fitr dans sa façon là :
Nous faire Takbiirat-ul-Ihraam et Raf-ul-Yadayn.
Nous attache nous la mains lor nous l’estomac.
Nous lire Du’aa-ul-Istiftaah.
Nous faire 7 fois Takbiir sans Raf-ul-Yadayn.
Après lecture Sourah Faatihah, li Sunnah qui nous lire Sourah Qaaf (50) oubien Sourah A’laa (87).
Apres lecture, nous continué nous Swalaat normale, comme tous Swalaat.
Nous faire Takbiir et lever pour deuxième Rakaat.
Nous faire 5 fois Takbiir sans Raf-ul-Yadayn.
Après lecture Sourah Fatihah, li Sunnah qui nous lire Sourah Qamar (54) oubien Sourah Ghaashiyah (88), depend lor cequi nous fine lire dans premier Rakaat.
Apres lecture, nous continué nous Swalaat normale, comme tous Swalaat, jusqua qui nous termine li.
Pas ena aucun Du'aa en Jamaat pour faire après Swalaat-ul-Eid.
Celui qui fine rate Swalaat-ul-Eid en Jamaat, li remplace li en deux Rakaat.

Khutbah Eid.
Tout de suite après Swalaat-ul-Eid, Imaam faire Khutbah.
Imaam commence so Khutbah par Hamd, et nonplus par Takbiir.
Li pas Sunnah pour qui Imaam recite Takbiir plusieurs fois pendant qui li pe faire Khutbah Eid.
Ena ene seul Khutbah pour Eid.
Jour Eid, pas ena pour amene Mimbar dans Eidgah pour qui Imaam faire Khutbah lor là. Mais Imaam faire Khutbah embas meme, lor ene ti-hauteur.
Li pas obligatoire lor bans Muswalli pour qui écoute Khutbah Eid. Celui qui oulé écouter li écouté, et celui li oulé lever aller, li endroit.

Couma nous felicite nous frère?
Jour Eid bans Salaf ti pé dire ene à l’autre :
تقبل الله منا ومنك
Taqabba lallaahu minnaa wa minnka
Qui Allaah accepté de nous et de toi.

Bans erreurs qui certains commettre jour Eid.
Parmi bans erreurs qui beaucoup musulmans commettre jour Eid, nous gagne :-
Raze la barbe.
Serre la main oubien embrasse bans madames etrangères (chachi/mami/cousine/voisine).
Écoute la musique.
Imite bans Kuffaar dans zotte l’habillement.
Bans madames pas couvert zotte le corps couma bizin.
Considère Eid comme ene jour speciale pour faire Ziyaarat Qabrastaan.
Faire gaspillage par acheter bans quitechoses inutiles (sonne petard).
Commence neglige Swalaat.

Apres Eid.
Celui qui garde Roza pendant le mois de Ramadwaan et apres Eid-ul-Fitr, li garde 6 jours Roza Nafil pendant le mois de Shawwaal, li gagne recompense comme si li fine garde Roza pendant toute longue l’année.
Li pas necessaire garde sa 6 Roza la ene apres l’autre.


CHAPITRE 4 كتاب الجنائز
RENDRE VISITE À BANS MALADES. عيادة المرضى
C’est ene devoir lor nous pour alle rendre visite à bans frères et soeurs musulmans qui fine malade.
Quand nous alle visite bans malades, nous dire zotte :
لا بَأْسَ طَهُورٌ إِنْ شَاءَ اللَّهُ
Laa Ba’sa Twahourun Inshaa Allaah
Pas de probleme. (Qui sa maladie la) vine ene purification (pour toi) si Allaah oulé.
Nous lire sept 7 fois :
أَسْأَلُ اللَّهَ الْعَظِيمَ رَبَّ الْعَرْشِ الْعَظِيمِ أَنْ يَشْفِيَكَ
As -Alullaahal Azwiim Rabbal Arshil Azwiim Any Yashfiyaka
Mo pe demande Allaah – le Supreme – Rab du grand Trone qui Li guerit toi.
Conception qui quand alle rende visite à ene personne malade, li recommandé demande li pour faire Du'aa pour nous, sa li ene conception fausse parcequi li basé lor Hadiith qui pas authentique.
Quand ene dimoune malade, faudrait pas nous force li pour mangé.
QUAND ENE MUSULMAN FINE MALADE.
Li bizin montré li satisfait avec decision Allaah et li bizin patienté lor cequi Allaah fine ecrire dans so destin avec ene bon pensé lor Allaah.
Li bizin dans ene l’état entre la peur et l’espoir. Li peur punition Allaah pour so bans pechés et li garde l’espoir lor Rahmat Allaah.
Meme combien so maladie vine grave, li pas endroit souhaite la mort, mais li lire sa Du'aa là :
اللَّهُمَّ أَحْيِنِي مَا كَانَتِ الْحَيَاةُ خَيْرًا لِي وَتَوَفَّنِي إِذَا كَانَتِ الْوَفَاةُ خَيْرًا لِي
Allaahumma Ahyinii Maa Kaanatil Hayaatu Khayral Lii
Wa Tawaffanii Izaa Kaanatil Wafaatu Khayral Lii
Oh Allaah, garde moi vivant aussi longtemps qui la vie meilleur pour moi, et donne moi la mort quand la mort meilleur pour moi.
Si ena quicaine so quitechoses avec li, li bizin retourne sa bans quitechoses là à zotte proprietaires. Si li pas pé capave rendre sa li-même, alors li bizin pressé pour confié quicaine pour faire sa travail là pour li.
Li bizin fini écrire dans so testament qui après so la mort, bizin prépare so Janaazah et enterre li d’après le principle du prophète Muhammad et nonplus d’après bans principles Bid-ah.

QUI BIZIN FAIRE QUAND ENE DIMOUNE PE MORT?
Nous ordonne li pour recite Kalimah "Laa ilaaha illallaah", sans ajoute "Muhammad-ur-Rasoulullaah".
Nous faire Du'aa pour li et nous cause bans bons causés concernant li.
Li pas Sunnah qui :
Nous faire li faire face Qiblah
Nous mette li embas lor salit
Nous recite Sourah Yaasiin cote li
Nous mette Qur-aan cote so la tete
Bans signes d’ene bon la mort c’est :
Li prononce Kalimah avant qui li mort.
So front transpiré
Li mort ene jour Vendredi (jeudi apres Maghrib jusqu’à vendredi Maghrib)
Li Shahiid



QUI BIZIN FAIRE QUAND ENE DIMOUNE FINE FINI MORT?
Nous ferme so deux lizieux et nous faire Du'aa pour li.
Nous couvert li avec ene la toile qui couvert so le corps en entier. Celui qui pe vine guette li, li endroit découvert so figure et embrasse li entre so deux lizieux.
Li pas Sunnah :
Qui nous commence lire Qur-aan cote li
Qui nous couvert bans vitrines et la glace
Qui nous passe la nuit ensemble avec li
Nous bizin pressé pour alle prépare li et alle enterre li.
Nous bizin enterre li dans pays cote li fine mort, et nous pas endroit transporte li à ene l’autre pays.
Nous bizin rembourse so bans dettes avec so propre l’argent. Si li pas ena l’argent, l’etat islamique rembourse dette là, et si quicaine porte li volontaire pour rembourse so dette, li endroit, et li ena Thawaab a gagner.

QUI BIZIN FAIRE QUAND GAGNE NOUVELLE MAYYAT?
Nous bizin satisfait avec decision Allaah et nous bizin patienté lor cequi Allaah fine écrire dans nous destin.
Le prophète fine enseigne nous qui quand ene malheur touche nous, nous pense malheur la mort du prophète, afin qui sa capave remonte nous morale, et li appaise nous souffrance.
Nous dire :
إِنَّا لِلَّهِ وَإِنَّا إِلَيْهِ رَاجِعُونَ
Innaa Lillaahi Wa Innaa Ilayhi Raaji-Oun
Nous appartenir à Allaah, et nous ena pour retourne vers Li.
اللَّهُمَّ أْجُرْنِي فِي مُصِيبَتِي وَأَخْلِفْ لِي خَيْرًا مِنْهَا
Allaahumma’ Jurnii Fii Muswiibatii Wa Akhlif Lii Khayram Minhaa
Oh Allaah, recompense moi dans mo malheur, et remplace li pour moi par ene meilleur qui li.
Nous pas endroit :
hurlé et pleuré plus qui bizin
tappe la main lor figure et l’estomac
déchire nous linge
raze nous la tete avec chagrin
largue cheveux avec chagrin
reste ene minute de silence
Nous pas endroit crié en public pour annonce ene nouvelle la mort.
Nous pas endroit dire qui untel li ene Jannati oubien ene Jahannami.
BAIGNE MAYYAT. غسل الميت
Bans zommes baigne bans zommes, et bans madames baigne bans madames; excepté qui ene madame endroit baigne so missier et ene missier endroit baigne so madame.
Nous bizin pressé pour baigne li.
Nous mélange de l’eau avec lequel nous pour baigne li avec feuille maçon oubien savon. Et de l’eau avec lequel nous pour baigne li pour la dernière fois, nous mélange li avec un peu parfum, de preference avec camphre.
Quand nous pé retire so linges, nous bizin pé tini ene la toile epais lor li dans ene tel façon qui quand pé baigne li, personne pas fine trouve so Awrah.
Nous baigne li trois fois, mais si pé bizin baigne li plus, nous baigne li lor ene nombre impair.
Quand nous pé baigne li, nous lave coté droite et ensuite coté gauche. Et nous commence par lave bans parties qui nous lavé dans Wudu.
Nous baigne li avec ene boute la toile dans nous la main.
Nous pas taille so zongle oubien raze li.
Pas ena aucun Du'aa pour lire quand lave chaque partie le corps d’ene Mayyat.
Nous dresse so cheveux bien.
Si c’est ene madame qui so cheveux tressé, nous bizin largue li et lave li bien, et ensuite nous tresse so cheveux en trois et nous envoye li par derrière so le dos. Nous pas faire madame là so cheveux en deux pour mettre li lor so l’estomac.
Li Sunnah pour celui qui fine baigne Mayyat, qui li faire Ghusl après. Li pas obligatoire.
Si celui qui fine baigne Mayyat fine trouve ene défaut dans le corps de sa Mayyat la, li bizin pas dire sa à bans dimounes.
Pas ena pour mettre massala avec Mayyat avant mette so Kafan.
Pas ena Ghusl pour celui qui fine mort lor Kufr.

KAFAN. الكفن
Li Sunnah :
Qui Kafan là couleur blanc
Qui Kafan là en trois boutes la toile
Pour parfume Kafan là trois fois
Li Haraam pour faire gaspillage dans preparation Kafan.
C’est ene erreur qui nous ecrire Du'aa oubien n’importe qui quitechose lor la toile Kafan.
Kafan bizin large et longue afin qui li couvert Mayyat là so le corps en entier.
Li pas Sunnah pour fini rince nous Kafan avec de l’eau Zamzam.

CHARIER JANAAZAH.
Charié Janaazah et suivre li c’est ene devoir lor bans musulmans zommes. Li Makrouh pour bans madames.
Soit nous suivre li depuis so lacaze jusqu’à cote faire so Swalaat Janaazah, oubien nous suivre li depuis so lacaze jusqu’à qui enterre li.
Nous bizin pressé quand nous pé charié Janaazah, sans qui nous faire ene ti-galop avec li.
Parmi bans erreurs qui beaucoup dimounes faire :
Decore Janaazah
Donne charité lor Mayyat là so nom avant tire li depuis lacaze
Lire kit Du'aa spéciale pour charié Janaazah, oubien dire : "Kalma-e-Shahaadat …."
Suivre Janaazah en hurlant
Suivre Janaazah en faisant Zikr à haute voix
Suivre Janaazah avec la fumée
Charié fleurs devant Janaazah
Bans qui pé suivre Janaazah en marchant, zotte endroit marche par devant, par derrière, dans so coté droite oubien dans so coté gauche. Mais li meilleur qui nous marche par derrière Janaazah là.
Bans qui pé suivre Janaazah en transport, zotte bizin reste par derrière li. Mais li meilleur qui zotte garde zotte transport ene coté et zotte aussi zotte marché. Et après suivre Janaazah, zotte prend zotte transport.
Li Sunnah pour celui qui fine charié Janaazah qui li faire Wudu.

SWALAAT JANAAZAH. صلاة الجنازة
Swalaat Janaazah li Fard-u-Kifaayah, c’est-a-dire li suffit qui ene groupe musulmans faire sa Swalaat la, et pas necessaire presence de tous musulmans.
Nous faire Swalaat Janaazah pour tous musulmans, y-compris sa bans dimounes là :
Ene zenfant qui fine mort dans ventre so maman apres quatres mois
Ene Shahiid
Ene qui fine etre executé par l’etat Islamique.
Ene Faajir (Celui qui so la vie ti trempé dans désobéissance Allaah).
Ene qui fine mort et li ti endetté.
Ene qui fine etre enterré avant faire so Swalaat Janaazah, oubien qui seulement ene groupe dimounes ti faire so Swalaat Janaazah et les autres pas ti faire.
Ene musulman qui fine mort dans ene pays non-Islamique et banla fine enterre li sans faire so Swalaat Janaazah.
Li meilleur qui bans qui ena connaissance pas faire Swalaat Janaazah d’ene Faajir.
Lor sa deux personnes là Swalaat Janaazah pas obligatoire :
Ene zenfant qui fine mort avant atteindre l’age de la puberté
Ene Shahiid
Li pas obligatoire qui nous faire zotte Swalaat Janaazah, mais sa pas veut dire qui nous pas endroit faire li.
Li Haraam qui nous faire Swalaat Janaazah lor ene Kaafir et ene Munaafiq, oubien demande Allaah pour pardonne li et gagne pitié lor li.
Si ena beaucoup Mayyat, nous capave faire ene seul Swalaat Janaazah pour zotte tous, en mettant bans zommes costé avec Imaam et bans madames par devant. Nous endroit aussi faire chacun so Swalaat Janaazah séparément.
Li obligatoire qui nous faire Swalaat Janaazah en Jamaat. Si ena ene seul dimoune avec Imaam, li bizin faire Swalaat par derrière Imaam et nonplus dans meme Swaf avec Imaam.
Amiir oubien so secretaire ena plus droit pour faire Swalaat Janaazah qui Mayyat là so famille. Et si Amiir et so secretaire pas vini, celui qui ena plus droit pour faire Imaamat c’est celui qui conne Qur-aan plus.
Nous deboute derrière Imaam en trois Swaf, oubien plus qui trois.
Pour ene Mayyat zomme, Imaam déboute cote so la tete. Pour ene Mayyat madame, Imaam deboute au milieu – entre so la tete et so lipied.
Swalaat Janaazah, nous faire li avec quatres ou jusqu’à neuf Takbiir :-
1er Takbiir :
Sourah Fatihah et ene l’autre Sourah
2ème Takbiir :
Swalaat Ibrahiim
3ème à 8ème Takbiir :
Du'aa pour Mayyat là
Dernier Takbiir :
Soit nous faire Salaam, oubien nous faire Du'aa et ensuite nous faire Salaam
Parmi bans erreurs qui certains dimounes faire :
Lire : "Sub-haana kallaahumma wabi hamdika ………" apres premier Takbiir
Faire lecture de Sourah Faatihah à haute voix
Faire Du'aa en Jamaat aprés Swalaat Janaazah
Dans Swalaat Janaazah, nous pas pratique Raf-ul-yadayn, excepté avec premier Takbiir.
Apres premier Takbiir, nous attache nous la main lor l’estomac – la main droite lor la main gauche.
Pas ena aucun façon speciale pour lire Swalaat Ibrahiim dans Swalaat Janaazah, mais nous lire pareille couma nous lire dans Tashahhud.
Parmi bans Du'aa qui nous capave lire apres 3éme Takbiir :
اللَّهُمَّ اغْفِرْ لِحَيِّنَا وَمَيِّتِنَا وَشَاهِدِنَا وَغَائِبِنَا وَصَغِيرِنَا وَكَبِيرِنَا وَذَكَرِنَا وَأُنْثَانَا
اللَّهُمَّ مَنْ أَحْيَيْتَهُ مِنَّا فَأَحْيِهِ عَلَى الْإِسْلَامِ وَمَنْ تَوَفَّيْتَهُ مِنَّا فَتَوَفَّهُ عَلَى الْإِيمَانِ
اللَّهُمَّ لَا تَحْرِمْنَا أَجْرَهُ وَلَا تُضِلَّنَا بَعْدَهُ
Allaahummagh Fir Li Hayyinaa Wa Mayyitinaa Wa Shaahidinaa Wa Ghaa-Ibinaa Wa Swaghiirinaa Wa Kabiirinaa Wa Zakarinaa Wa Unthaanaa.
Allaahumma Man Ahyaytahou Minnaa Fa-Ahyihi Alal Islaam. Wa Man Tawaf Faytahou Minnaa Fatawaffahou Alal Imaan.
Allaahumma Laa Tahrimnaa Ajrahou Walaa Tudwillana Ba’dah
Oh Allaah, pardonne nous bans vivants et bans morts, bans qui presents et bans qui absents, nous bans petits et nous bans grands, nous bans zommes et nous bans madames.
Oh Allaah, celui qui To pour garde li vivant parmi nous, garde li vivant lor l’Islaam, et celui qui To pour donne li la mort parmi nous, donne li la mort lor Imaan.
Oh Allaah, pas prive nous de so recompense, et pas égare nous aprés li.
Salaam dans Swalaat Janaazah capave faire deux cotés oubien ene seul coté. Et Imaam faire Salaam doucement, pas trop à haute voix.
Nous endroit faire Swalaat Janaazah dans Masjid. Mais li meilleur si ena ene place spéciale en dehors Masjid pour faire Swalaat Janaazah.
Nous pas endroit faire Swalaat Janaazah dans sa trois l’heures là :
Quand soleil levé (jusqu’à à peu pres 15 minutes)
L’heure Zawaal
(Depuis qui soleil fine vine jaune) jusqu’à soleil couché

DAFAN. الدفن
Li obligatoire qui nous enterre ene Mayyat, meme si li ene Kaafir.
Nous enterre ene musulman dans Qabrastaan (cimitière) de bans musulmans, et nous enterre ene Kaafir dans Qabrastaan de bans Kaafir.
Nous enterre Mayyat dans Qabrastaan, et nonplus dans la cour Masjid oubien bans les autres lieux encore. Mais bans qui fine Shahiid dans Jihaad, nous enterre zotte dans place cote zotte fine Shahiid, et nonplus dans Qabrastaan.
Nous pas endroit faire Dafan dans sa quatres l’heure là :
Quand soleil levé (jusqu’à à peu pres 15 minutes)
L’heure Zawaal
(Depuis qui soleil fine vine jaune) jusqu’à soleil couché
Pendant la nuit (excepté si fine ena kit necessité)
Si fine ena kit necessité pour faire Dafan pendant la nuit, nous endroit faire li, meme par servi la lampe pour descendre dans Qabr.
Bizin fouye Qabr bien fond et bien large, et nous endroit fouye Qabr dans sa deux façons là : As-Shaq ou Al-Lahd. Mais Al-Lahd li meilleur.
Si fine ena kit necessité, nous endroit enterre plus qui ene dimoune dans ene Qabr, en mettant celui qui meilleur en premier.
C’est seulement bans zommes qui endroit descendre Mayyat dans Qabr, et nonplus bans madames. Bans qui plus merite pour descendre ene Mayyat dans so Qabr c’est Mayyat là so bans familles proches.
Ene missier endroit enterre so madame li tout seul.
Nous descendre ene Mayyat depuis lipied so Qabr.
Nous faire li allonge lor so coté droite par mette so figure vers Qiblah – so la tete coté droite avec Qiblah et so lipied coté gauche.
Li Sunnah pour celui qui pé mette ene Mayyat en dans so Qabr qui li lire sa Du'aa là :
بِسْمِ اللَّهِ وَعَلَى سُنَّةِ رَسُولِ اللَّهِ
Bismillaahi wa-alaa sunnati Rasoulillaah
Au nom d’Allaah, et lor principle du messager d’Allaah
Oubien :
بِسْمِ اللَّهِ وَبِاللَّهِ وَعَلَى مِلَّةِ رَسُولِ اللَّهِ
Bismillaahi wa billaahi wa-alaa millati Rasoulillaah
Au nom d’Allaah, avec Allaah et d’aprés religion du messager d’Allaah
Oubien :
بِسْمِ اللَّهِ وَعَلَى مِلَّةِ رَسُولِ اللَّهِ
Bismillaahi wa-alaa millati Rasoulillaah
Au nom d’Allaah, et d’aprés religion du messager d’Allaah
Apres qui fine renferme Mayyat, li recommandé qui chacun mette trois fois la terre dans so Qabr avec so deux la mains.
Li Bid-ah pour lire sa Aayat Qur-aan là quand pé envoye sa trois poignées la terre là : (20: 55)
مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَى
Minhaa khalaqnaa kum wa fiihaa nu-‘iidukum wa minhaa nukhrijukum taaratan ukh-raa
Pendant qui pé faire Dafan, nous endroit assize labas et rapelle bans dimounes de la mort.
Apres Dafan li Sunnah :
Qui nous enleve Qabr à peu pres ene pas depuis la terre – pas plus qui sa.
Qui nous mette ene repaire cote li avec ene roche oubien avec ene l’autre quitechose pareille.
Qui nous faire Du'aa pour li individuellement, nous demande Allaah pour pardonne li et pour donne li la fermeté.
Qui nous ordonne bans qui presents pour faire Du'aa pour li.
Parmi bans erreurs qui beaucoup dimounes faire :
Mette ene espece oreillé embas Mayyat là so la tete dans Qabr.
Ordonne Mayyat là pour lire Kalimah apres qui fine fini enterre li.
Donne Azaan quand fine mette Mayyat dans so Qabr.
Lire Sourah Faatihah cote so la tete, et bans premiers Aayats de Sourah Baqarah cote so lipieds.
Faire Du'aa en Jamaat apres qui fine fini enterre li.
Plante fleurs lor Qabr.
Arrose Qabr depuis so la tete jusqu’à vide le reste au milieu.
Faire Swadaqah lor Mayyat là so nom par bans mangé qui li ti content.
Lire Qur-aan et envoye so Thawaab lor Mayyat là.
Quand nous retourne depuis Dafan, faire Faatihah et boire de l’eau du sucre oubien syrop.
Nous endroit deterre ene Mayyat pour ene cause valable, comme par exemple, si fine enterre li sans baigne li et sans mettre so Kafan.
Li pas recommandé qui ene dimoune faire fouye so Qabr avant qui li mort.

LA CONSOLATION التعزية
Alle console la famille d’ene Mayyat c’est ene action qui recommandé dans l’Islaam.
Quand nous alle console ene famille, nous
conseille zotte pour gagne Taqwaa et prend patience
conseille zotte pour ena satisfaction avec decision Allaah
faire Du'aa pour zotte et pour Mayyat là
dire bans paroles qui capave aide zotte pour oublié zotte tristesse
Pas ena aucun date limite pour qui nous capave alle console famille d’ene Mayyat. Conception qui nous pas endroit alle faire consolation excepté pendant trois jours apres la mort d’ene personne, c’est ene conception fausse.
En cequi concerne la consolation, nous bizin faire attention pour pas commettre sa bans erreurs là :
Nous rassemblé dans ene place speciale pour faire la consolation
Mayyat là so famille prepare mangé pour servi bans dimounes qui vine faire la consolation
Mayyat là so famille paye quicaine pour faire Khatam Qur-aan et envoye so Thawaab lor li
Celebration Chalisma et Chahaaram
Faire Khatam chaque l’année pour le mort
Li recommandé à voisin de celui qui fine mort qui li prepare mangé pour le mort so la famille.
Li recommandé qui nous agir dans ene bon façon envers le mort so bans zenfants (Yatiim) et nous passe nous la main lor zotte la tete.
Console bans Kuffaar pour la mort d’ene personne parmi banla, sa pas ena so source dans l’Islaam.




RESTE EN DEUIL (IHDAAD) الإحداد
Reste en deuil apres la mort d’ene personne, c’est ene action qui concerne bans madames seulement. Quant-à bans zommes, zotte pas ena pour reste en deuil.
Reste en deuil apres la mort president d’ene pays et arrete travail pendant quelques jours, sa c’est pas ene action qui permissible dans Islaam.
Si la personne qui fine mort li pas madame là so missier, alors sa madame là endroit reste en deuil pendant trois jours seulement (pas plus qui sa). Mais malgré sa, li meilleur pour qui madame la pas reste en deuil pour plaisir de so missier.
Si la personne qui fine mort li madame là so missier, alors sa madame là obligé reste en deuil pendant quatres mois et dix jours. Mais si madame là li enceinte, li obligé reste en deuil aussi longtemps qui li pas gagne so zenfant. Ene fois qui li gagne so zenfant, so periode Ihdaad (en deuil) terminé, même si li fine gagne so zenfant avant quatres mois et dix jours.
Pendant qui ene madame pé reste en deuil pour so missier, li bizin abstenir de sa bans quitechoses là :
Li pas endroit servi parfum lor so le corps oubien so linge oubien so mangé
Li pas endroit mette bans jolis linges
Li pas endroit mette Mehendi
Li pas endroit mette Kaajal, oubien servi maquillage
Li pas endroit mette bijoux
Li pas endroit sorti en dehors so lacaze, même pour alle faire Hajj
Si ene madame ti dans so lacaze, bien habillée et bien parfumée, et li gagne nouvelle qui so missier fine mort, tout de suite li obligé change so linge et enleve tous so bijoux et so parfum lor so le corps.
Bid-ah et erreurs qui bans madames commettre pendant zotte periode Ihdaad :
Zotte mette ene seul couleur linge, tel comme couleur noire
Zotte pas peigne zotte cheveux
Zotte pas baigné excepté jour Jumu’ah
Zotte arrete zotte travaille qui zotte ti pé faire dans zotte lacaze
Conception qui pas endroit visite bans madames qui dans zotte periode Ihdaad li ene conception fausse.
Pas ena aucun Du'aa speciale pour lire quand ene madame so periode Ihdaad terminé.


ENE PERSONNE CONTINUÉ PROFITER APRES SO LA MORT.
Malgré qui quand ene dimoune mort li pas capave faire aucun action, ena bans les autres façons qui profite ene musulman meme apres so la mort :
Nous faire Du'aa pour li.
Le mort so Wali remplace so Sawm Nazr (Roza qui li ti faire voeu pour gardé pendant qui li ti vivant).
Nous rembourse so dette.
So bans bons zenfants zotte bans bons actions profite li sans qui quitechoses diminué dans bans zenfants là zotte récompense.
Bans bons travails (traces) qui li quitté quand li pé mort et sa continué profite bans dimounes apres so la mort.
Swadaqah Jaariyah.







ZIYAARAT QABRASTAAN. زيارة القبور
Faire Ziyaarat Qabrastaan c’est ene action qui Islaam fine recommande nous pour faire. Mais nous pas endroit fixé ene jour speciale oubien ene façon speciale pour alle faire sa Ziyaarat là; tel comme faire Ziyaarat apres trois jours l’enterrement, oubien lor chaque semaine.
Profits faire Ziyaarat Qabrastaan :
sa faire nous pense la mort
sa faire nous pense Aakhirat
sa faire nous tire leçon par realise nous vrai destination
Ziyaarat Qabrastaan c’est ene action qui recommandé à bans zommes aussi bien que à bans madames. Mais bans madames bizin pas faire li souvent.
Nous endroit aussi faire Ziyaarat Qabr d’ene Mushrik avec l’intention qui sa faire nous pense nous la mort. Mais nous pas endroit faire li Salaam oubien faire Du'aa pour li. Au contraire, nous annonce li qui so destination c’est l’enfer.
Quand nous faire Ziyaarat Qabr de bans musulmans, nous faire zotte Salaam et nous faire Du'aa pour zotte. Parmi bans Du'aa qui nous capave lire :
السَّلَامُ عَلَيْكُمْ أَهْلَ الدِّيَارِ مِنَ الْمُؤْمِنِينَ وَالْمُسْلِمِينَ وَإِنَّا إِنْ شَاءَ اللَّهُ بِكُمْ لَاحِقُونَ نَسْأَلُ اللَّهَ لَنَا وَلَكُمُ الْعَافِيَةَ
As-Salaamu alaykum ahlad diyaari minal Mu’miniin wal muslimiin. Wa-innaa inshaa Allaahu bikum laahiqoun. Nas-alul laaha lanaa walakumul ‘Aafiyah
Qui la paix lor zotte, oh habitants de bans Qabr, parmi bans Mu’min et bans Muslim. Et insha Allaah nous pour vine joindre zotte. Nous demande Allaah
le bien-être pour nous et pour zotte.
Quand nous pé faire Du'aa, nous bizin faire face à Ka’bah, et nonplus à bans Qabr.
Li aussi Sunnah qui nous leve nous deux la mains quand nous pé faire Du'aa.
Quand nous rentre dans Qabrastaan, nous rentre pied-nu, sans soulier, sans savatte.

SHIRK, BID’AH ET ERREURS QUI DEROULÉ DANS QABRASTAAN.
Demande Du'aa/Shafaa-at avec bans dimounes morts (Wali-Allaah oubien Peer) directement, comme par exemple :
"Oh Peer donne mo madame ene zenfant."
Demande Du'aa avec Allaah par intermédiaire de bans dimounes morts, comme par exemple :
"Oh Allaah! par intermédiaire de sa Peer la, donne mo madame ene zenfant."
Demande Peer pour faire intercession pour nous aupres d’Allaah, comme par exemple :
"Oh Peer, dire Allaah donne mo madame ene zanfant."
Eleve Qabr plus qui ene pas (par ajoute la terre depuis en dehors).
Peinture Qabr avec la chaux.
Ecrire lor Qabr, tel comme : "Ici repose Monsieur ……."
Arrange Masjid oubien Dargah lor Qabr.
Assize lor Qabr oubien marche lor là.
Faire Swalaat dans Qabrastaan, oubien vers kit Qabr.
Faire Ziyaarat Qabrastaan dans bans l’heures fixés, dans ene façon specifique :
Faire Ziyaarat nous parent chaque Jumu’ah.
Faire Ziyaarat jour Aashourah.
Faire Ziyaarat 15ème jour Sha’baan.
Faire Ziyaarat jour Eid-ul-Fitr et Eid-ud-Duhaa.
Faire Ziyaarat chaque Lundi ou Jeudi.
Parcourir ene longue trajet pour alle faire Ziyaarat de kit Qabr.
Allume la lampe cote Qabr oubien illumine Qabr.
Lire Qur-aan dans Qabrastaan :
Lire Sourah Yaasin
Lire onze fois Sourah Ikhlaas
Lire Sourah Faatihah
Lire Qur-aan et envoye so Thawaab à bans Murdah.
Lire Qur-aan et envoye so Thawaab au prophète Muhammad .
Faire Wudu pour faire Ziyaarat Qabrastaan.
Pose bouquet fleur lor Qabr.
Croire qui Du'aa accepté cote certains Peer zotte Qabr.
Casse lezos bans dimounes morts (musulmans) dans Qabrastaan. Quant-a lezos de bans Kaafir, nous endroit casser.
Deterre ene Qabrastaan musulman pour arrange kit batiment oubien pour arrange chemin. Mais Qabrastaan Kaafir, sa nous endroit deterrer.
Garde Mus-haf (Qur-aan) dans Qabrastaan.
Couvert Qabr de soi-disant bans Peer avec drap.
Faire Twawaaf Qabr de certains Peer.
Sorti depuis Qabrastaan par le dos.
CHAPITRE 5
كتاب الزكاة
DEFINITION ET L’OBLIGATION.
Dans la langue arabe, Zakaat ena deux significations :
le progres et l’augmentation
la purification
Dans Sharii’ah, Zakaat c’est ene charité qui Allaah fine prescrire lor bans musulmans, comme ene moyen de purification et ene moyen pour qui nous richesse augmenter.
Zakaat represente le troisième pillier de Deen Islaam.
Bans Ulamaa dire qui Zakaat ti deja obligatoire pendant qui le prophete ti dans Makkah. Ensuite Zakaat fine re vine obligatoire lor deuxième année Hijri dans le sens qui Allaah fine faire mention de bans la lois en cequi concerne Niswaab et quantité qui bizin tiré.
Pour montrer l’importance de Zakaat, Allaah fine faire mention de sa Ibaadat la ensemble Swalaat dans 27 places dans Qur-aan.
Si bans dimounes d’ene localité pas tire Zakaat, Allaah punit banla par la secheresse.
Celui qui pas tire so Zakaat, jour Qiyaamah Allaah pour faire sa richesse la vine dans forme d’ene serpent qui pour envelope autour de so licou et pour pique li.
Zakaat obligatoire seulement lor bans musulmans. Quant-a bans Kuffaar qui pe vivre sous l’autorité de bans musulmans, nous faire banla paye Jizyah, et nonplus Zakaat.
A travers Zakaat, nous temoigne beauté de Deen Islaam basant lor les points suivants :
Zakaat aide nous pour considere nous comme ene seule famille; bans riches prenant compte de bans pauvres.
Zakaat diminué le vol et le cambriolage dans ene societé.
Zakaat faire nous pense souffrance de bans pauvres.

BANS CONDITIONS QUI ATTACHÉS AVEC L’OBLIGATION ZAKAAT.
Zakaat pas obligatiore lor tous musulmans. Mais li obligatoire seulement lor bans musalmans qui zotte richesse fine atteindre ene quantité specifique. C’est sa quantité la meme qui connu dans Sharii’ah comme An-Niswaab.

Si nous richesse fine atteindre Niswaab, la aussi Zakaat pas vine obligatoire lor nous aussi longtemps qui sa richesse la pas fine reste cote nous pendant un an au complet. C’est sa periode la meme qui connu dans Shar’iiah comme Al-Hawl.

LOR QUI QUITECHOSE ENA ZAKAAT?
Zakaat pas obligatore lor nimporte qui quitechose qui nous possedé. Mais li obligatoire seulement lor les richesses suivants :
l’or
l’argent (silver)
l’argent liquide
plantation (cereal et fruit)
les bestiaux
Bans quitechoses qui pas ena Zakaat lor la :
lor vetements
lor bans meubles qui ene personne ena dans so lacaze
lor transport qui ene personne possedé
lor bans esclaves qui ene personne possedé
lor la terre qui ene personne possedé
lor cheval qui ene personne possedé
lor l’emplacement qui li loué
lor bans pierres precieuses apart l’or et l’argent
lor platine
lor legumes
lor bans fruits apart tamme et raisin
lor plantation canne
ZAKAAT L’OR.
Niswaab de l’or c’est 20 Diinaar qui egale a 85 gm l’or. Si ene personne ena moins qui 85 gm l’or, Zakaat pas obligatoire lor li.
Lor l’or nous bizin tire 2.5 % de cequi nous possedé. Par exemple, si ene personne possede 100 gm l’or, li obligé tire 2.5 gm l’or en Zakaat.
Ena Zakaat lor bijoux en l’or, sans faire distinction entre bijoux qui servi et bijoux qui pas servi.
Si ene madame ena bijoux en l’or, c’est li-meme qui bizin tire Zakaat de so bijoux. Si so missier oulé tire li pour li, li gagne droit.

ZAKAAT L’ARGENT (SILVER).
Niswaab de l’argent c’est 200 Dirham qui egale a 595 gm l’argent. Si ene personne ena moins qui 595 gm l’argent, Zakaat pas obloigatoire lor li.
Lor l’argent, nous bizin tire 2.5 % de cequi nous possedé. Par exemple, si ene personne possede 1000 gm l’argent, li obligé tire 25 gm l’argent en Zakaat.



ZAKAAT PLANTATION.
Zakaat pas obligatoire excepté lor 4 plantations :
Du blé
Orge
Tamme
Raisin
Niswaab de plantation c’est 5 Awqiyah qui egale a 300 Swaa’ et qui sa egale a 612 Kg du blé.
Si plantation la fine gagne so de l’eau avec la pluie oubien avec la rivière, nous bizin tire 10% de nous recolte. Si fine bizin transporte de l’eau pour vine arose plantation la, nous tire seulement 5% de nous recolte en Zakaat.
Nous bizin tire Zakaat de nous plantaion, jour recolte meme. Nous pas ena pour attendre un an.

ZAKAAT BESTIAUX.
Pour qui Zakaat vine obligatoire lor les bestiaux, faudrait qui pour la plupart du temps bans zanimaux la fine gagne zotte nourriture lor la terre meme, sans qui le proprietaire fine bizin acheter nourriture pour banla avec so l’argent.
Zakaat obligatoire lor seulement 3 especes zanimaux :
Chameau Boeuf Mouton/Cabri
Niswaab de chameau c’est 5.
Niswaab de boeuf c’est 30.
Niswaab de mouton/cabri c’est 40.

QUAND ET COUMA BIZIN TIRE ZAKAAT?
Ene fois qui nous richesse fine reste cote nous pendant un an lunaire au complet, nous obligé tire nous Zakaat nimporte dans qui mois nous été. Faudrait pas nous tardé et nous attendre seulement le mois de Ramadwaan, surtout qui bans pauvres pas en besoin de nous Zakaat seulement pendant le mois de Ramadwaan.

QUI SANLA QUI MERITE ZAKAAT?
Bans qui merite Zakaat c’est seulement 8 caterogies personnes :
Al-Faqiir
Al-Miskiin
Bans qui alle collectionne Zakaat et distribué li
Bans qui nous oulé gagne zotte les coeurs
Bans esclaves afin qui zotte gagne zotte liberté
Bans qui dans chemin d’Allaah (dans Jihaad et Hajj)
Bans qui endetté
Bans voyageurs
"Al-Faqiir" c’est ene pauvre qui pas ena meme narien, oubien qui li ena bien tigit richesse.
"Al-Miskiin" c’est ene personne qui ena l’argent ene quantité qui pas suffit pour so necessité. Par exemple, si ene personne pe bizin Rs 5000 chaque mois pour qui li et so famille survivre, et so la paye li seulement Rs 3000, sa veut dire qui li ene "Miskiin" et li merite Rs 2000 Zakaat chaque mois.
Bans qui nous donne zotte Zakaat pour gagne zotte les coeurs c’est les personnes suivantes :
ene Kaafir qui nous ena l’espoir qui li pour capave accepter l’Islaam
ene chef Kaafir qui nous donne li Zakaat afin qui li arrete apporte du tort à bans musulmans
ene personne qui fine feque accepté l’Islaam afin qui li maintenir lor Deen avec la stabilité


CHAPITRE 6
كتاب الحج
ENE INTRODUCTION LOR HAJJ.
Qui veut dire Hajj?
Dans la langue arabe, Hajj veut dire :
"Faire l’intention pour dirige vers ene place."
D’apres Sharii’ah Hajj c’est :
"Ene Ibaadat qui composé de certaines rites specifiques qui nous faire pendant ene moment specifique dans certaines places specifiques."
Rites specifiques
Hajj li composé de bans rites suivants :
Rentre dans l’etat Ihraam
Faire Twawaaf Ka’bah
Faire Sai entre Swafaa-Marwah
Raze la tete ou taille cheveux
Passe la journée et la nuit a Minaa
Arrete a Arafaat
Passe la nuit a Muzdalifah
Batte Jamaraat
Faire Qurbaani
Moment specifique
Depuis commencement mois Shawwaal jusqu’a 13 Zul-Hijjah.
Places specifiques
Nous alle faire Hajj dans les places suivants :
Makkah, y-compris Minaa et Muzdalifah
Arafaat

L’obligation de Hajj.
Hajj li obligatoire ene seul fois dans la vie d’ene musulman.
Hajj obligatoire lor n’importe qui humain qui fine satisfaire sa 5 conditions la :
Li éne musulman
Li éne personne qui raisonné
Li fine atteindre l’age de puberté (li Baaligh)
Li ena toute liberté (li pas éne esclave)
Li ena le moyen

Ena 3 qualités Hajj.
Ena 3 façons pour accomplir Hajj :
Tamattu’
Qiraan
Ifraad
Dans sa livret la, nous pour explique couma accomplir Hajj Tamattu’. En bref, Tamattu’ c’est accomplir ène Umrah et ensuite accomplir bans rites de Hajj.
IHRAAM.
Pour accomplir Umrah de Hajj Tamattu’, nous bizin mettre linge Ihraam et nous rentre dans l’etat Ihraam.
Porte linge Ihraam.
Linge Ihraam pour bans zommes.
Linge Ihraam pour bans zommes c'est deux boutes la toiles :
Izaar:
Ene la toile qui nous enveloppe nous depuis nous nombril jusqu’a la haut nous cheville.
Ridaa:
Ene la toile qui nous enveloppe nous lor nous deux zepaules.

Linge Ihraam pour bans madames.
Pas ena aucun linge speciale pour bans madames pour Ihraam. Ene madame bizin couvert li avec ene l’habillement islamique.

Miiqaat.
Miiqaat c'est 5 l'endroits qui trouve dans differents directions de Ka’bah. N’importe qui sanla qui faire l'intention pour Umrah oubien Hajj, li pas endroit traverse sa bans l’endroits la excepté qui li fine fini rentre dans l'etat Ihraam. Sa cinq l’endroits la :
Zul-Hulayfah,
Juhfah,
Qarnul Manazil,
Yalamlam,
Zaatu Irq.

Rentre dans l'etat Ihraam.
Avant porte linge Ihraam pour rentre dans l’etat Ihraam, li Sunnah pour prend ene bain.
Nous rentre dans l'etat Ihraam par prononce :
لَـبَّـيْـكَ الـلَّـهُمَّ عُـمْـرَةً
Labbayk Allaahumma Umratan
Mo present (mo pe repondre to l’appel) oh Allaah pour ene Umrah.
Ensuite nous commence faire Talbiyah :
لَبَّيْكَ اللَّهُمَّ لَبَّيْكَ
Labbayk Allaahumma Labbayk
Mo present (mo pe repondre to l’appel) oh Allaah, mo present.
لَبَّيْكَ لَا شَرِيكَ لَكَ لَبَّيْكَ
Labbayk laa Shariika laka Labbayk
Mo present. To pas ena aucun associé, mo present.
إِنَّ الْحَمْدَ وَالنِّعْمَةَ لَكَ وَالْمُلْكَ
Innal hamda wan ni'mata laka wal mulk
Tous grandeurs et faveurs pour Toi et (aussi) la royauté.
لَا شَرِيكَ لَكَ
Laa shariika lak
To pas ena aucun associé.

UMRAH QUAND ARRIVE MAKKAH .
Twawaaf.
Li Sunnah pour baigner avant rentre Makkah.
Nous alle cote Ka’bah pour faire Twawaaf.
Avant commence faire Twawaaf, nous decouvert nous zepaule droite par mette coté droite de nous Ridaa embas nous le bras droite.
Nous vine cote Al-Hajar-ul-Aswad (la Pierre Noire), nous tourne vers li et nous dire :
بِسْمِ اللَّهِ وَاللَّهُ أَكْبَرُ
Bismillaahi Wallaahu Akbar
Avec le nom d'Allaah, et Allaah plus grand.
Nous mette Ka’bah dans nous coté gauche et nous faire 7 tours.
Pendant Twawaaf nous faire n’importe qui Du'aa dans n’importe qui langage et li preferable qui nous faire Du'aa dans langage qui nous comprend; nous capave aussi lire Qur-aan, faire Zikr et Istighfaar.

Apres Twawaaf.
Nous couvert nous 2 zepaules.
Nous vine faire 2 Rakaat par derrière Maqaam-U-Ibraahiim.

Sai entre Swafaa-Marwah.
Nous vine cote colline Swafaa pour faire Sai, c’est-a-dire pour marche entre collines Swafaa et Marwah 7 fois.
Pendant nous la marche, quand nous trouve ene la lumière vert, nous galoupe plus vite possible jusqu’a qui nous trouve ene l’autre la lumière vert.

Taille cheveux.
Apres Sai entre Swafaa-Marwah, nous taille nous cheveux entier nous la tete.
Quant-a bans madames, zotte taille zotte cheveux longeur zotte boute le doigt.
Ene fois qui nous taille nous cheveux, nous Umrah terminé et alors nous sorti depuis l’etat Ihraam.

LES RITES DE HAJJ.
8ème Zul-Hijjah.
Le 8 Zul-Hijjah li Sunnah pour prend ene bain.
Nous mette nous linge Ihraam.
Nous rentre dans l'etat Ihraam par prononce :
لَـبَّـيْـكَ الـلَّـهُمَّ حَـجًا
Labbayk Allaahumma Hajjan
Mo present oh Allaah pour ene Hajj
Nous commence faire Talbiyah continuellement.
Nous alle Minaa.
A Minaa nous faire Swalaat Zuhr 2 Rakaat dans so l'heure, Asr 2 Rakaat dans so l'heure, Maghrib 3 Rakaat dans so l'heure, Ishaa 2 Rakaat dans so l'heure, Fajr 2 Rakaat dans so l'heure.

9ème Zul-Hijjah.
Apres qui soleil fine levé, nous quitte Minaa et nous dirige vers Arafaat en recitant Talbiyah.
Apres Zawaal, donne ene Azaan; donne Iqaamat et faire Swalaat Zuhr 2 Rakaat, et emplace donne ene deuxième Iqaamat et faire Swalaat Asr 2 Rakaat.
Apres Swalaat Zuhr et Asr, nous faire face vers Qiblah, nous leve nous deux la mains et nous engage-nous dans Du'aa et Talbiyah. Nous capave faire n’importe qui Du'aa dans n’importe qui langage, et nous capave aussi faire lecture Qur-aan, Zikrullah et Istighfaar.
Nous continué faire sa bans Ibaadat la jusqu’a couché du soleil.
Apres qui soleil fine couché nous dirige vers Muzdalifah en toute calme.
Quand arrive Muzdalifah, donne ene Azaan, donne Iqaamat et faire Swalaat Maghrib 3 Rakaat, donne ene deuxième Iqaamat et faire Swalaat Ishaa 2 Rakaat.
Nous reste a Muzdalifah pendant toute longue la nuit.

10ème Zul-Hijjah.
Nous faire Swalaat Fajr dans Muzdalifah.
Apres Swalaat, nous vine cote Al-Mash-Arul-Haraam (ene colline dans Muzdalifah). Nous monte lor la, faire face Qiblah et nous faire Zikrullaah et Du'aa jusqu’a qui le ciel vine clair.
Avant soleil levé, quand le ciel fine vine clair, nous dirige vers Minaa en recitant Talbiyah.
Le 10ème Zul-Hijjah nous faire sa 5 rites la :
Envoye 7 ti-roches lor Jamrat-Ul-Aqabah
Faire Qurbani
Raze la tete ou taille cheveux
Faire Twawaaf-Ul-Ifaadwah
Faire Sai

11ème, 12ème, 13ème Zul-Hijjah.
Apres qui nous fine faire sa 5 rites la, nous vine reste Minaa 11ème et 12ème Zul-Hijjah, so la journée et so la nuit. Si nous oulé, nous reste jusqu’a 13ème Zul-Hijjah. Sa 3 jours la appelle : Ayyaam-Ut-Tashriiq.
Apres Zawaal, nous batte les 3 Jamaraat :
Al-Jamrat-Us-Sughraa (petit)
Al-Jamrat-Ul-Wustwaa (Moyen)
Jamrat-Ul-Aqabah (Gros)




DERNIER JOUR A MAKKAH.
Avant qui nous quitte Makkah, nous bizin faire ene dernier Twawaaf qui appelle :
Twawaaf-Ul-Wadaa’ طواف الوداع




ABU LAYLAA
SHABBIR