Le Retour Vers La Polygamie
INTRODUCTION
Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene livret avec titre :
LE RETOUR VERS LA POLYGAMIE
L'origine de sa livret la c'est ene Khutbah qui mo ti faire le 11.03.05, dans Masjid Sa'd Ibn Mu'aaz de T.Rouge, et cequi mo ti ecrire dans mo livret lor mariage (pg 66). Pour qui plus beaucoup frères et soeurs beneficier avec sa Khutbah la, mo pe tire li dans forme sa livret la. Mo demande Allaah qui Li recompense nous pour sa travail la et qui Li faire nous bans frères et soeurs musulmans profiter avec sa rappel la.
ABU LAYLAA
SHABBIR
263-9375
ENE SUJET A LA DEMANDE.
Avec la demande de certains frères parmi zotte et aussi bien que certaines soeurs parmi zotte, azordi Inshaa-Allaah, nous pour traite ene sujet comme le theme principale de nous Khutbah Jumu’ah, qui possible dans l’histoire de l’Ile Maurice c’est pour la première fois qui sa sujet la pe être traité comme le theme principale lor ene Mimbar. Mo conné qui possible pour ena certains qui pas pour satisfait et pour ena certains qui pour gagne ene semaine critique pour li faire. Mais, qui faire mo bizin hesité pour repondre a la demande de sa bans frères et soeurs la, quand en verité, mo pas pour cause narien a l’encontre de Sharii’ah;
Pas ena aucun mensonge qui nous pour prononcé!
Pas ena aucun malpropreté qui nous pour invite vers sa!
Bans qui pe cause menti, c’est zotte qui bizin gagne honteux.
Bans qui pe invite vers malpropreté, c’est zotte qui bizin alle cachiette figure.
Quant-a ene quitechose qui ena li dans Al-Qur-aan, ene quitechose qui Allaah fine trouve li important pour cause concernant sa dans So livre, ene quitechose qui fine pratiqué par les meilleurs qui fine capave marche lor surface sa la terre la….ene quitechose pareille c’est pas avec la honte ou hesitation oubien cachiette-cachiette qui nous ti bizin essaye mette li en pratique, mais c’est avec ene fierté qui nous ti bizin cooperé pour revivre sa Sunnah la :
“Mo prophète fine faire li, moi aussi mo pe faire li!”
Mais malheureusement, azordijour sa quitechose la pe être rejeté par la majorité de bans qui fine amene Imaan. Et celui qui pe oulé mette li en pratique, li pe gagne peur so madame ou so beaupere oubien li pe gagne peur titre “Sajig”!
Bans frères et bans soeurs!
Sa Sunnah la c’est "La Polygamie – ene zomme li marié plus qui ene madame".
PREUVE DEPUIS QUR-AAN/HADIITH.
Allaah dire : (4:3)
فَانكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ
[ Mariez avec cequi faire zotte plaisir parmi bans madames – deux ou trois ou quatres.]
Anas dire :
كَانَ لِلنَّبِيِّ صَلَّى اللَّهُ عَلَيْهِ وَسَلَّمَ تِسْعُ نِسْوَةٍ
[ Le prophète ti ena 9 madames (a la fois).]
(MUSLIM 2656)
Plus qui 4 madames, sa ti permissible seulement pour le prophète.
Rapporté par Sa’iid ibn Jubayr :
قَالَ لِي ابْنُ عَبَّاسٍ هَلْ تَزَوَّجْتَ قُلْتُ لَا قَالَ فَتَزَوَّجْ فَإِنَّ خَيْرَ هَذِهِ الْأُمَّةِ أَكْثَرُهَا نِسَاءً
[ Ibn Abbaas fine dire moi : “Est-ce qui to fine marié?”
Mo fine repondre : “Non!”
Alors, li fine dire moi :
“Mariez, car le meilleur de sa Ummat la c’est celui qui ena plus beaucoup madames!]
(BUKHARI 4681)
BIZIN ENA DU BIEN LA DANS.
Donc, quand sa quitechose la c’est Allaah qui fine rendre li legale et qui c’est Allaah même qui fine crée la race feminine avec tous so caprice et so jalousie, sa veut dire qui pas possible qui dans sa la loi la ena l’injustice qui fine faire lor bans madames. Au contraire, ene madame qui so le coeur fine rempli avec Imaan en Allaah, et conviction dans la justice d’Allaah, sa madame la obligé accepter sa quitechose la avec ene l’amour et avec la certitude qui si mo Createur fine legalise ene quitechose pareille, bizin ena dubien et bienfait la dans pour la race humaine. Faudrait pas ene madame guette juste pour li : li bien dans so lacaze, mais li bizin gagne tracas de so bans soeurs de sa Ummat la;
combien probleme ti capave resourdre si juste bans zommes ti pe mettre sa Sunnah la en pratique!
combien bans vieille-fille ti capave gagne ene tranquilité et alle dormi le soir avec ene l’esprit en paix sans entendre causé qui pas bizin avec belles-soeurs!
combien madame divorcée ti capave regagne ene lumiere dans zotte la vie!
Ene madame capave pe oppose la polygamie, mais li pas pe realisé qui en verité li pe oppose so propre bien-être. Possible dans l’avenir li affectée par ene certaine maladie, et c’est deuxième madame de so missier qui pour faire so Khidmat. Possible so missier vine amani dans so bans derniers jours, et alors, quand missier la cote so deuxième madame, li, li gagne unpeu Raahat!
PAS GAGNE DROIT ENA DEGOUT POUR SA.
Degout pour la polygamie c’est degout pour l’Islaam, et sa c’est Kufr. Alors, ene madame bizin reflechi beaucoup avant li prononce ene mot lor sa la loi la, attention qui li trouve so place en dehors sa Deen la.
Ene madame bizin reflechi avant li montré kit degout pour sa Sunnah la :
Est-ce qui mo missier pe alle commettre ene peché?
Est-ce qui mo missier pe alle tombe dans ene malpropreté?
Est-ce qui mo missier pe alle tombe dans ene deshonneur?
ENE MADAME BIZIN FELICITE SO MISSIER.
Azordijour cote situation été et avec facilité qui dimoune pe gagné pour commettre Zinaa, couma ene madame apprendre avec so missier qui li ena l’intention pour faire ene deuxième Nikaah, sa madame la bizin felicite li pour sa grand step qui li pe prend la. Li ti trop facile pour qui missier la tombe dans Zinaa avec juste Rs 1000, mais li pe prefere prend responsabilité roule ene deuxième la cuisine pour satisfaire li dans Halaal!
C'EST SIMPLEMENT ENE QUESTION DE L'INFLUENCE.
Tous les temps bans musulmans fine mettre en pratique sa quitechose la, malgré tous jalousie qui ti capave ena dans bans madames. Qui faire c’est azordi qui sa pe être consideré comme ene crime?
En verité, si azordi bans madames pe agir dans sa façon la envers la polygamie, pas ena doute qui c’est parcequi zotte fine influencées par la façon de vivre de bans Kuffaar. A travers bans films, bans Kuffaar presente le hero comme celui qui ena ene seule heroine dans so la vie, et alors, bans acteurs locales aussi contente-zotte avec ene seule actrice. Qui faire to pas vine ene hero avec 4 heroïnes? Est-ce qui ou – madame musulmane – ou oulé qui ou missier amene role bans européens : ene madame dans lacaze et 10 amantes en dehors lacaze?
Dans certains cas, quand ene missier pe alle faire ene deuxième Nikaah, so madame plaigné avec les autres en donnant l’impression qui plus miserable qui li pas ena personne! Li pas pe pensé qui a travers sa Nikaah la, ene qui vraiment dans la misere capave sorti depuis so detresse!
Dans certains cas encore, madame la faire so bans frères menace so missier, oubien même faire so bans grands garçons leve la main lor zotte papa!
Dans certains pays Islamique, la loi fine passé dans parlement pour condamne la polygamie. Sub-haanallaah, cote nous pe allé?
QUI FAIRE OU PAS VINE ENE MODELE?
Certains, quand cause la polygamie avec zotte, zotte prend bans qui pe malpratique sa quitechose la comme reference, en disant:
“Guette untel, depuis qui li fine marié deuxième, li n’est plus ena tranquilité dans so la vie!”
Sa reponse la c’est simplement reponse de bans qui pas oulé soumettre a la loi Allaah. Qui faire banla pas mette sa Sunnah la en pratique couma bizin, et alors, zotte vine bans modeles pour bans qui pe malpratique li?
QUI SERTI TOUS SA LEÇONS LA?
Bans soeurs qui pe faire zotte zeffort pour mette en pratique les enseigments de l’Islaam, zotte bizin encourage zotte missier vers sa quitechose la, pour montrer la difference entre zotte et bans madames qui jamais fine ena ene leçon Deen dans zotte la vie. Qui serti pendant tous sa bananées la ou pe prend leçon, et ensuite quand ou missier pe faire ou conner qui li pe alle faire ene deuxième Nikaah, ou revolté pareille couma ene dernière Jaahilah lor la rue! Cote la difference! Quand sa pratique la pour retourne dans nous la vie?
L’AMOUR POUR LA RACE FEMININE TROUVE DANS L’INSTINT DE L’HOMME.
Ene madame bizin pas oublié qui l’amour pour la race feminine c’est ene quitechose qui Allaah fine mette dans l’instint de l’homme. Alors, li normale qui ene zomme li attiré par ene madame, et pour satisfaire-li avec li, li marié avec li.
Le prophète dire :
حُبِّبَ إِلَيَّ مِنَ الدُّنْيَا النِّسَاءُ وَالطِّيبُ
[(Allaah) fine mette l’amour (deux quitechoses) de Dunyaa dans moi : madame et parfum.]
(NASAI 3878)
Donc, ene zomme qui marié, si li arrivé interessé avec ene tifille et li demande so la main en mariage avec so parent, pas ena narien blamable la dans, parcequi l'amour madame c’est ene quitechose qui existe dans bans zommes.
RECOMPENSE POUR BANS SHAHIID.
A cause qui bans zommes content pour satisfaire-zotte avec bans madames, le prophète dire nous :
لِلشَّهِيدِ عِنْدَ اللَّهِ سِتُّ خِصَالٍ ... وَيُزَوَّجُ مِنَ الْحُورِ الْعِينِ
[ Ene Shahiid ena 6 cadeaux aupres d’Allaah; … pour marié li avec Hour qui ena jolies gros lizieux.]
(IBN MAAJAH 2789)
Dans ene l'autre Riwaayah, le prophete dire :
وَيُزَوَّجُ اثْنَتَيْنِ وَسَبْعِينَ زَوْجَةً مِنَ الْحُورِ الْعِينِ
[ Pour marié li avec 72 Hour qui ena jolies gros lizieux.]
(TIRMIZI1586)
Si Allaah fine reserve sa recompense la pour bans Shahiid, sa pas indique nous narien excepté qui Allaah pour donne zotte cequi zotte content.
MADAME C'EST ENE GRAND FITNAH.
Ene quitechose encore qui ene madame bizin comprend, c’est qui l’envie dans so missier possible c’est ene l’envie qui fort, et alors, ene seule madame pas suffit pour satisfaire li. C’est Allaah qui fine crée li coumesa. Donc, si ene missier pareille, nous pas permettre li pour marié ene deuxième, pas ena doute qui li risqué tombe dans Zinaa, car madame c’est sa même plus grand Fitnah pour bans zommes.
Le prophete dire :
مَا تَرَكْتُ بَعْدِي فِتْنَةً أَضَرَّ عَلَى الرِّجَالِ مِنَ النِّسَاءِ
[ Apres mo la mort, mo pas pe quitte aucun Fitnah plus nuisible pour bans zommes qui bans madames.]
(BUKHARI 4706)
VINE ENE DEUXIÈME MADAME PAS ENA NARIEN DESHONNEUR LA DANS.
Ene quitechose qui parfois capave empeche ene tifille ou ene madame pour accepter la polygamie c’est so pensée qui vine ene deuxième ou troisième ou quatrième madame d’ene personne c’est ene quitechose qui pour diminué so rang dans la societé. Mais sa c’est simplement ene inspiration satanique, parcequi dans la loi Allaah, ena nous l’honneur et nonplus nous deshonneur. Ensuite nous tous conne valeur et l’honneur qui Aaishah ti ena parmi bans Swahaabah et pourtant li pas ti première madame du prophete. De la même façon, nous trouve qui Umar ti propose Uthmaan et ensuite Abu Bakr pour marier avec so tifille Hafswah malgré qui li conné qui zotte deja mariés.
Rapporté par Abdullaah ibn Umar :
أَنَّ عُمَرَ بْنَ الْخَطَّابِ حِينَ تَأَيَّمَتْ حَفْصَةُ بِنْتُ عُمَرَ مِنْ خُنَيْسِ بْنِ حُذَافَةَ السَّهْمِيِّ ... فَقَالَ عُمَرُ بْنُ الْخَطَّابِ أَتَيْتُ عُثْمَانَ بْنَ عَفَّانَ فَعَرَضْتُ عَلَيْهِ حَفْصَةَ فَقَالَ سَأَنْظُرُ فِي أَمْرِي فَلَبِثْتُ لَيَالِيَ ثُمَّ لَقِيَنِي فَقَالَ قَدْ بَدَا لِي أَنْ لَا أَتَزَوَّجَ يَوْمِي هَذَا قَالَ عُمَرُ فَلَقِيتُ أَبَا بَكْرٍ الصِّدِّيقَ فَقُلْتُ إِنْ شِئْتَ زَوَّجْتُكَ حَفْصَةَ بِنْتَ عُمَرَ فَصَمَتَ أَبُو بَكْرٍ فَلَمْ يَرْجِعْ إِلَيَّ شَيْئًا وَكُنْتُ أَوْجَدَ عَلَيْهِ مِنِّي عَلَى عُثْمَانَ فَلَبِثْتُ لَيَالِيَ ثُمَّ خَطَبَهَا رَسُولُ اللَّهِ صَلَّى اللَّهُ عَلَيْهِ وَسَلَّمَ فَأَنْكَحْتُهَا إِيَّاهُ
[ Quand (mo soeur) Hafswah so missier Khunays ibn Huzaafah fine mort, Umar dire :
Mo fine vine cote Uthmaan et mo fine propose li pour marié avec Hafswah.
Uthmaan fine dire :
"Mo pour reflechit."
Mo fine traverse certaines nuits, ensuite, li fine joindre moi et li fine dire moi.
“Mo fine trouve qui la mo pas pour marié!”
Umar dire :
Mo fine joindre Abu Bakr As-Swiddiiq et mo fine dire li :
“Si to oulé, mo marié toi avec Hafswah fille de Umar!”
Li fine reste tranquille et li pas fine dire moi narien. Mo fine plus en colère avec li qui avec Uthmaan. Mo fine traverse certaines nuits, et ensuite, le messager d’Allaah fine demande moi li en mariage, et mo fine marié li avec le prophete.]
(BUKHARI 4728)
PAS ENA NARIEN QUI EMPECHE ENE ZOMME MARIÉ ATTIRÉ PAR ENE L'AUTRE TIFILLE.
Est-ce qui nous capave empeche ene zomme marié attiré par ene tifille so beauté ou so intelligence, juste a cause li deja marié? Si nous d’accord qui li pas possible, alors, qui quitechose qui meilleur : Li vivre avec sa tifille la dans Zinaa, oubien li vivre avec li comme so deuxième madame?
Est-ce qui nous capave empeche ene tifille attirée par ene zomme marié so Deen ou so intelligence ou so caractère ou so style? Si nous fine d’accord qui li pas possible, alors, est-ce qui juste premier mariage de sa dimoune la vine ene obstacle pour qui zotte marié et amene ene la vie propre ensemble?
ENE PROTECTION POUR BANS VEUVES CONTRE ZINAA.
Normalement bans jeunes content pour marier avec ene vierge et zotte pas content pour marier avec ene madame qui fine deja marié. De l'autre coté, li connu qui passion d’ene madame pas mort ensemble avec la mort de so missier oubien avec so divorce. Donc, qui mauvais ena la dans si au lieu d'ene jeune garçon, c'est ene zomme marié qui ramasse ene veuve ou ene madame divorcée pour aide li financièrement et aussi pour aide li pour satisfaire li dans Halaal.
BANS MADAMES QUI ZOTTE MISSIERS FINE SHAHIID.
Dans Jihaad bans qui mort en quantité c’est bans zommes. Donc, est-ce qui tous bans madames qui zotte missiers fine Shahiid, zotte bizin reste sans missiers jusqua zotte la mort, oubien qui zotte capave vine ene deuxième madame pour celui qui fine survivre dans Jihaad?
SI ENE MADAME RESTE MALADE.
Si ene garçon fine marier avec ene tifille qui reste malade, est-ce qui garçon la donne li Twalaaq pour alle marier avec ene l’autre tifille, oubien qui li marier avec ene deuxième madame pour qui li capave satisfaire li dans Halaal?
APRES TWALAAQ, MISSIER-MADAME RE OULÉ MARIÉ.
Si ene missier fine donne so madame premier ou deuxème Twalaaq et li marié avec ene l’autre madame, est-ce qui li possible qui après ene certains temps li trouve li manque so premiere madame et madame la aussi trouve li pe manque so missier. Si nous d’accord qui sa li possible, alors, est-ce qui zotte pas pour gagne droit re amene ene la vie ensemble juste a cause missier la fine fini marié? Oubien qui missier la bizin donne so deuxième madame Twalaaq pour qui li capave marié avec so premiere madame?
BANS ZOMMES MOINS QUI BANS MADAMES.
D’apres Hadiith, dans dernier l’epoque pour ena tifilles plus qui garçons. Est-ce qui ena ene l’autre solution apart la polygamie pour qui chaque tifille gagne ene missier pour li? Si nous pas resoudre sa probleme la, est-ce qui pas pour ena Fitnah lor la terre Allaah?
Le prophète dire :
مِنْ أَشْرَاطِ السَّاعَةِ ... أَنْ تَكْثُرَ النِّسَاءُ وَيَقِلَّ الرِّجَالُ حَتَّى يَكُونَ لِخَمْسِينَ امْرَأَةً الْقَيِّمُ الْوَاحِدُ
[ Parmi bans signes du Qiyaamah c’est qui bans zommes pour diminué et bans madames pour augmenté, jusqua qui 50 madames pour ena ene seul (zomme) responsable.]
(BUKHARI 79)
AU LIEU RESTE SANS MARIAGE.
Pour qui ene tifille marié, li pas ena narien pour li preparé. Li juste ena pour dire : "Oui"! Mais pour qui ene garçon marié, li bizin ena ene lacaze et ene travail pour qui li capave garde so madame en securité et nourrit li. Donc, dans certains cas certains garçons trouve-zotte incapables pour prend responsabilité d’ene tifille en mariage, et alors, au lieu qui bans tifilles reste coumesa même sans mariage, li meilleur qui zotte accepté pour vine deuxième madame d’ene garçon qui ena le moyen pour prend sa responsabilité la!
MEILLEUR VINE DEUXIÈME MADAME D’ENE BON GARÇON.
Li connu qui ena tigit bons garçons qui dans Deen azordijour. Est-ce qui ene tifille intelligente prefere vine ene deuxième madame d’ene bon garçon oubien qui li vine l’epouse unique d’ene mauvais garçon qui pas ena Deen dans li?
ENE MOYEN POUR GAGNE BEAUCOUP ZENFANTS.
Est-ce qui ena ene l’autre façon apart la polygamie pour qui ene personne gagne beaucoup zenfants? Est-ce qui ene madame capave gagne meme quantité zenfant qui quatres madames?
Le prophete dire :
تَزَوَّجُوا الْوَدُودَ الْوَلُودَ فَإِنِّي مُكَاثِرٌ بِكُمُ الْأُمَمَ
[ Mariez avec madame qui pour content zotte et pour capave gagne beaucoup zenfants, parcequi mo pour montré moi fier a bans peuples (avant) par zotte (par quantité suiveurs qui zotte pour été).]
(ABU DAOUD 1754)
Surtout nous qui en minorité dans sa pays la, pour nous propre securité, nous bizin revivre la polygamie afin qui demain nous trouve nous ena ene quantité zenfants qui pour capave combattre bans Kuffaar pour sauve l’honneur de nous bans madames et nous bans tifilles
SI ENE GARÇON FINE MARIÉ AVEC ENE TIFILLE STERILE.
Si ene garçon fine marié avec ene tifille sterile, est-ce qui li reste sans zenfant, oubien li donne sa tifille la Twalaaq pour alle marié avec ene tifille qui capave gagne zenfant, oubien qui li continué reste avec sa tifille la et li simplement marié avec ene deuxième tifille qui capave faire li vine ene papa par permission Allaah?
QUI FAIRE BIZIN CONTINUÉ PASSE MISÈRE?
Ena madame passe misère avec so missier et malgré sa li pas demande Twalaaq, parcequi li peur attention qui li pas gagne personne pour ramasse li. Si la polygamie pé etre pratiqué dans so pays, ene la frayeur pareille enlevé parcequi li conné qui au moins li capave vine deuxième madame d’ene bon missier. Alors, au lieu continué vivre dans la misère, li capave gagne unpeu tranquilité dans so la vie.
POLYGAMIE PLUS RENFORCIT RELATION ENTRE BANS MUSULMANS.
En verité, mariage c’est pas juste l’union de deux personnes, mais c’est l’union de deux familles. Donc, a travers la polygamie, relation entre bans musulmans plus renforcit, parcequi au lieu gagne ene bellemère, ene garçon pour gagne quatre bellemères. Plus nous consolide nous relation, plus pour ena corperation entre nous pour promouvoir le bien et empeche le mal.
ENE PERSONNE DE CONFIANCE.
Au lieu qui ene personne prend ene secretaire pour aide li dans so travail ou so Da'wah, qui faire li pas faire ene deuxième Nikaah pour gagne ene personne de confiance?
POLYGAMIE ENLEVE DISPUTE ENTRE MISSIER-MADAME.
Cequi bon concernant la polygamie, c’est qui li faire ene madame prend tous so precautions pour pas malagir envers so missier, attention qui missier la verse plus vers so deuxième madame. Donc, dans sa façon la, pour toujours ena competition entre sa bans madames la pour qui chacun plus attire so missier vers li. Alors, dispute entre missier-madame diminué et zotte tous vivre en paix et prosperité.
· Ene Precision.
Nous fine servi le mot "polygamie" dans sa livret la parcequi c'est sa mot la meme qui plus connu. Mais le mot plus exact c'est "polygynie".
Dans livre "From monogamy to polygyny" li mentioné a la page 21 :
[ The word polygamy is often used to refer to the practice of Muslim men having more than one wife. Polygamy can be used to describe this practice, but polygamy also includes the action of women taking more than one husband. The proper word to use is polygyny. It means the taking of more than one wife.]
No comments:
Post a Comment