Ene Introduction lor Fiqh
1. Specialisation de la connaissance.
2. Definition de Fiqh.
3. Quitechose principale qui nous apprendre dans Fiqh.
4. Est-ce qui li obligatoire apprendre Fiqh?
5. Profits apprendre Fiqh.
6. Difference entre la loi du Createur et la loi Insaan.
7. Bans Ulamaa reconnus pour zotte connaissance Fiqh.
8. Les trois ecoles de Fiqh.
9. Les quatre Mazhab.
10. Suivre ene seul Mazhab.
11. Causes de divergence dans Fiqh.
12. Qui bizin nous stand dans divergence.
13. L’authenticité Hadiith dans Fiqh.
INTRODUCTION.
Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene livret avec titre :
Ene Introduction Lor Fiqh
Sa livret la c’est ene travail simple qui pour aide nous Inshaa-Allaah pour comprend nous Deen couma bizin, afin qui ni nous vine negligeant et ni nous vine parmi bans qui exageré. Mais li reste qui c’est travail d’ene humain faible et alors, mo demande n’importe qui sanla qui fine trouve kit erreur dans sa livret la qui li faire moi conner, et mo demande Allaah So pardon en avance. Pour terminer mo remercie Allaah encore ene fois et mo demande Li pour accorde nous la sincerité dans tous nous bans actions afin qui tous nous bans zefforts pas vine sans valeur.
ABU LAYLAASHABBIR
ETUDIANT DE
L’UNIVERSITÉ MADIINAH
(263-9375)
(768-4083)
SPECIALISATION DE LA CONNAISSANCE
Pendant 23 ans, Allaah fine descendre Qur-aan lor So messager Muhammad , et le prophète fine explique tous cequi ti ena pour expliqué d’apres Wahii qui li ti pe gagné – ene Wahii controlé par Allaah. Alors, quand le prophète ti pe faire Da’wah, li pas ti pe explique l’Islaam par faire bans sessions de cours pour traite certains sujets specifiques. Mais li ti pe faire so bans explications basant lor Wahii qui ti pe descendre lor li d’apres bans l’evenements et circonstances.
Ensuite, apres la mort du prophète Muhammad , bans Ulamaa fine commence divise la connaissance de l’Islaam en plusieurs branches, et avec les temps fine gagne 5 branches principales qui fine presqué englobe la connaissance de l’Islaam :
La conception العقيدة
Tafsiir (explication Qur-aan) التفسير
Hadiith الحديث
La jurisprudence الفقه
La vie du prophète السيرة
L’exemples de bans livres lor bans differents sujets :-
La Conception
عقيدة السلف أصحاب الحديث
Aqiidat-us-Salafi-As-haab-il-Hadiith
Par Imaam Ismaaiil Swaabounii (449 H)
Tafsiir
جامع البيان عن تأويل القرآن
Jaami-ul-Bayaan an Ta’wiil-il-Qur-aan
Par Imaam Muhammad Ibn Jariir At-Twabarii (310 H)
Hadiith
الجامع الصحيح
Al-Jaami-us-Swahiih
Par Imaam Muhammad Ibn Ismaaiil Al-Bukhaari (256 H)
La Jurisprudence
الأم
Al-Umm
Par Imaam Muhammad Ibn Idriis As-Shaafi’i (204 H(
La Vie Du Prophète
سيرة النبي
Siirat-un-Nabi
Par Abdul Malik Ibn Hishaam (213 H)
DEFINITION DE FIQH
Fiqh dans la langue arabe veut dire : “la comprehension.”
En tant qu’ene sujet, Fiqh veut dire :
معرفة الأحكام العملية بأدلتها التفصيلية
“Connaissance de bans la lois qui ena relation avec bans actions, basant lor zotte bans preuves detaillés.”
Explication de sa definition la.
Fiqh C’est Ene Connaissance (معرفة).
Ici connaissance comprend 3 quitechoses :
La certitude اليقين
Ene supposition fort غلبة الظن
Le doute الشك
Basant lor la, nous comprend qui pas tous quitechoses qui nous apprendre dans Fiqh, nous reussi comprend li couma bizin. Ena quitechose qui bien clair, et alors nous ena la certitude la dans. Ena quitechose qui assez clair, et alors nous supposé qui li bizin coumesa. Ena quitechose qui pas assez clair, et alors nous reste en doute concernant sa quitechose la.
Fiqh C’est Connaissance De Bans La Lois (الأحكام)
La lois dans l’Islaam divise en deux groupes :
1. Al-Ahkaam-ul-Wad-iyyah (الأحكام الوضعية)
Bans la lois qui nous prend comme signes pour faire ou pas faire certains actions.
Par exemple :
Le couché du soleil c’est ene signe qui indique nous la rentrée de Swalaat Maghrib.
Quand ene madame gagne so periode Haid, sa c’est ene signe qui indique li qui li bizin pas faire Swalaat.
Si ene personne so richesse fine reste cote li pendant ene an, sa c’est ene signe qui indique li qui li bizin tire Zakaat de sa richesse la.
2. Al-Ahkaam-ut-Takliifiyyah (الأحكام التكليفية)
Bans la lois dans lesquels nous ena pour faire ou pas faire ceratins actions, et sa bans la lois la divise en 5 categories :
q Obligatoire واجب
Ene quitechose qui obligatoire c’est ene quitechose qui l’Islaam fine ordonne nous pour faire li avec ene l’emphase. Si nous faire li, Allaah pour recompense nous, et si nous pas faire li, nous ena peché a gagner.
q Recommandé مندوب
Ene quitechose qui recommandé c’est ene quitechose qui l’Islaam fine ordonne nous pour faire li sans mettre grand l’emphase lor la. Si nous faire li, Allaah pour recompense nous, et si nous pas faire li, c’est pas ene peché.
q Interdit حرام
Ene quitechose qui interdit c’est ene quitechose qui l’Islaam fine empeche nous faire li avec ene l’emphase. Si nous faire li, nous ena peché a gagner, et si nous abstenir de li comme ene signe de l’obeissance a Allaah, Allaah pour recompense nous.
q Deconseillé مكروه
Ene quitechose qui deconseillé c’est ene quitechose qui l’Islaam fine empeche nous faire li sans mettre grand l’emphase lor la. Si nous abstenir de li comme ene signe de l’obeissance a Allaah, nous ena recompense a gagner, et si nous faire li, c’est pas ene peché.
q Permissible مباح
Ene quitechose qui permissible c’est ene quitechose qui l’Islaam fine ni ordonne nous pour faire li, et ni fine empeche nous. Nous capave faire li et nous capave aussi abstenir de li, parcequi sa action la dans li-meme pas ena aucun recompense ou peché attaché avec li.
Fiqh Ena Relation Avec Bans Actions.
Fiqh c’est ene connaissance qui ena relation avec bans actions, et alors nous comprend par sa qui li pas ena relation avec la conception. Dans Fiqh nous apprendre concernant bans actions qui l’Islaam fine enseigne nous pour mette en pratique avec nous le corps, tel comme Swalaat, Roza, Hadj. Dans Fiqh nous pas apprendre concernant bans quitechoses qui l’Islaam fine enseigne nous pour croire la dans, tel comme croyance dans Allaah, bans anges, le dernier jour …. etc.
Fiqh Base Lor Bans Preuves Detaillés.
Source de tous bans preuves dans l’Islaam c’est seulement deux quitechoses : Qur-aan et Hadiith.
Ensuite Qur-aan et Hadtih fine enseigne nous qui nous bizin prend en consideration certains quitechoses encore :
§ Ijmaa’ (إجماع)
Le consensus de bans Ulamaa.
§ Qiyaas (قياس)
L’analogie.
§ Façon de faire de bans Swahaabah.
Certains Compilateurs Du Hadiith :
Pour conne ene la loi, ene personne bizin contacter Qur-aan et bans livres Hadiith qui fine compilés par bans Ulamaa, tel comme :
1. Imaam Maalik (179 H)
2. Imaam Abu Daoud At-Twiyaalisi (204 H)
3. Imaam Abdur Razzaaq (211 H)
4. Imaam Ibn Abi Shaybah (235 H)
5. Imaam Ahmad (241 H)
6. Imaam Daarmi (255 H)
7. Imaam Bukhari (256 H)
8. Imaam Muslim (261 H)
9. Imaam Ibn Maajah (273 H)
10. Imaam Abu Daoud As-Sijistaani (275 H)
11. Imaam At-Trimizi (279 H)
12. Imaam Al-Bazzaar (292 H)
13. Imaam An-Nasai (303 H)
14. Imaam Abu Ya’laa (307 H)
15. Imaam Ibn Khuzaymah (311 H)
16. Imaam Abu Awaanah (316 H)
17. Imaam Ibn Hibbaan (354 H)
18. Imaam At-Twabraanii (360 H)
19. Imaam Ad-Daarqutni (385 H)
20. Imaam Al-Haakim (405 H)
21. Imaam Al-Baihaqi (458 H)
Note :-
Quant-a connaissance qui traite bans preuves de Fiqh, sa connaissance la li connu comme :
Usoul-ul-Fiqh (أصول الفقه)
QUITECHOSE PRINCIPALE QUI NOUS APPRENDRE.
Dans Fiqh, nous apprendre couma applique la loi Allaah dans : Nous bans Ibaadat.
Nous bans transactions.
Nous façon de vivre dans la societé.
Nous jugements parmi bans dimounes.
L’exemple de certains Ibaadat qui nous apprendre dans Fiqh : Couma faire Swalaat.
Couma donne Zakaat.
Couma garde Roza.
Couma faire Hadj.
Concernant transactions, nous apprendre couma est-ce qui ene musulman bizin acheter, vender, et les autres bans dealings qui ena relation avec l’argent.
Concernant façon de vivre, nous apprendre principalement concernant Nikaah et Twalaaq.
Concernant jugement, nous apprendre couma est-ce qui ene juge faire jugement et applique sentence Allaah lor bans dimounes qui fine transgresse la loi Allaah.
EST-CE QUI LI OBLIGATOIRE APPRENDRE FIQH?
Ene musulman obligé apprendre Fiqh quantité qui li bizin pour mettre en pratique so Deen. Par exemple, ene musulman obligé apprendre couma faire Ghusl, Wudu, Swalaat … etc, parcequi sans sa connaissance la li pas pour capave vivre dans l’obeissance Allaah dans so la vie de tous les jours.
Le prophète dire :
طَلَبُ الْعِلْمِ فَرِيضَةٌ عَلَى كُلِّ مُسْلِمٍ
[ Cherche connaissance li obligatoire lor chaque musulman.]
(IBN MAAJAH 220)
Mais, faire ene l’etude approfondit dans Fiqh, sa li pas obligatoire lor chaque individu musulman. Cequi obligatoire c’est qui ene groupe dans Ummat du prophète specialise zotte dans sa branche la, afin qui zotte profite les restes.
Allaah dire : (9:122)
وَمَا كَانَ الْمُؤْمِنُونَ لِيَنفِرُوا كَافَّةً فَلَوْلَا نَفَرَ مِنْ كُلِّ فِرْقَةٍ مِنْهُمْ طَائِفَةٌ لِيَتَفَقَّهُوا فِي الدِّينِ وَلِيُنذِرُوا قَوْمَهُمْ إِذَا رَجَعُوا إِلَيْهِمْ لَعَلَّهُمْ يَحْذَرُونَ
[ Faudrait pas qui tous bans Mu’min sorti ensemble (pour Jihaad). De chaque groupe parmi zotte, ene parti meme bizin allé, et (bans qui fine reste a l’arrière) zotte ava etudié Deen et averti zotte peuple quand zotte retourne vers banla, afin qui banla prend zotte precaution.]
Donc, d’apres sa Aayat la, nous comprend qui ene groupe meme parmi bans musulmans suffit qui zotte etudié Deen, et specialize zotte dans sa domaine la.
Note :
Ene quitechose important qui nous bizin comprend qui gagne la comprehension de Deen c’est pas tous dimounes qui gagne li. Beaucoup dimounes capave detenir long certificat dans domaine Fiqh, mais comprend Deen la couma li été dans so vrai visage, c’est juste bans qui Allaah fine oulé dubien pour zotte, qui zotte gagne sa cadeau la.
Le prophète dire :
مَنْ يُرِدِ اللَّهُ بِهِ خَيْرًا يُفَقِّهْهُ فِي الدِّينِ
[ Pour celui qui Allaah oulé dubien, Li (Allaah) faire li comprend Deen.]
(BUKHARI 69)
Le prophète ti faire Du'aa pour so Swahaabi Ibn Abbaas :
اللَّهُمَّ فَقِّهْهُ فِي الدِّينِ
[ Oh Allaah donne li la comprehension dans Deen.]
(BUKHARI 140)
PROFITS APPRENDRE FIQH.
Avec sa etude la, nous pour reussi faire Ibaadat Allaah couma bizin en evitant bans Bid-ah – bans rites qui pas ena zotte source dans Deen-Allaah.
Avec sa etude la, nous temoigne beauté de Deen Islaam quand nous trouve qui chaque la loi li basé lor ene sagesse.
Avec sa etude la, nous trouve bonté d’Allaah car Li fine prepare bans la lois qui en comformité avec nous nature et Li fine donne nous ene Deen qui contenir bans la lois pour nous propre dubien.
Avec sa etude la, nous trouve verité de l’Islaam car c’est ene Deen qui contenir solution de tous problemes pour tous l’epoques.
Avec sa etude la, nous trouve qui l’Islaam c’est ene Deen qui basé lor la justice.
Avec sa etude la, nous trouve qui l’Islaam c’est ene Deen qui invite vers la paix.
Avec sa etude la, nous apprendre respecter chacun so droit.
Avec sa etude la, nous trouve clairement difference qui ena entre l’Islaam – en tant qu’ene la loi divine – et les autres bans la lois fabriquées par Insaan.
DIFFERENCE ENTRE LA LOI DU CREATEUR
ET LA LOI INSAAN.
§ Insaan so la loi li basé lor les facteurs suivants :
1. So l’intelligence
2. So connaissance
3. So bans informations qui li fine gagné
4. So l’epoque dans lequel li pe vivre
5. So frequentation et so l’environement
6. So bans passion qui ena dans li
7. So degout qui capave ena dans li pour quicaine
Quant-a la loi Allaah, li basé purement lor So connaissance infinie et So sagesse sans limite.
§ La loi Insaan c’est bans la lois qui concerne seulement certains aspects de nous la vie. Quant-a la loi Allaah, c’est bans la lois qui concerne chaque aspect de nous la vie.
§ La loi Insaan li demodé avec le temps. Quant-a la loi Allaah, li bon pour tous les l’epoques.
BANS ULAMAA RECONNUS POUR ZOTTE CONNAISSANCE FIQH.
Pas ena doute qui bans plus grand Ulamaa de Fiqh c’etaient bans Swahaabah du prophète Muhammad . Parmi bans qui ti connus pour zotte connaissance et zotte Fatwaa, nous gagne :
Umar ibnul Khattwaab
Ali ibn Abi Twaalib
Zayd ibn Thaabit
Abdullaah ibn Mas-oud
Abdullaah ibn Umar
Abdullaah ibn Abbaas
Aaishah
Ensuite nous gagne :
Abu Saiid Al-Khudri
Abu Mousaa Al-Ash-ari
Jaabir ibn Abdillaah
Mu-aaz ibn Jabal
Abdullaah ibn Amr ibnul Aas
Abdullaah ibnuz Zubayr
Parmi bans Taabi-iin, nous gagne :
Les sept grands Ulamaa de Madiinah qui connus comme :
Al–Fuqahaa-us-Sab-'ah (الفقهاء السبعة) :
1. Saiid Ibnul Musayyab (94 H)
2. Urwah Ibnuz Zubayr (94 H)
3. Al-Qaasim ibn Muhammad (106 H)
4. Khaarijah ibn Zayd (99 H)
5. Ubaydullaah ibn Abdillaah (98 H)
6. Sulaymaan ibn Yasaar (107 H)
7. Abu Bakr ibn Abdir Rahmaan (94 H)
Parmi bans les autres Ulamaa, nous gagne :
51-100
Masrouq ibn Abdir Rahmaan (62 H)
Alqamah ibn Qays (62 H)
Abul Aaliyah (93 H)
Saiid ibn Jubayr (95 H)
Mutwarrif ibn Abdillaah (95 H)
Ibraahiim ibn Yaziid An-Nakha-i (96 H)
101-150
Umar ibn Abdil-Aziiz (101 H)
Abu Qilaabah (104 H)
Mujaahid ibn Jabr (104 H)
Aamir ibn Sharaahiil Ash-Sha'bi (105 H)
Ikrimah Mawlaa ibn Abbaas (105 H)
Saalim ibn Abdillaah (106 H)
Twaawous ibn Kaysaan (106 H)
Al-Hassan-ul-Basri (110 H)
Muhammad ibn Siiriin (110 H)
Mak-houl (112 H)
Atwaa ibn Abi Rabaah (114 H)
Naafi’ Mawlaa ibn Umar (117 H)
Ibn Abi Mulaykah (117 H)
Muhammad ibn Muslim Az-Zuhri (124 H)
Yaziid ibn Abi Habiib (128 H)
Ayyoub As-Sakhtiyaani (131 H)
Rabiiah ibn Abi Abdir Rahmaan (136 H)
Ibn Jurayj (150 H)
Muqaatil ibn Sulaymaan (150 H)
Imaam Abu Haniifah (150 H)
151-200
Abdullaah ibn Awn (151 H )
Abdur Rahmaan ibn Amr Al-Awzaai (157 H)
Sufyaan ath-Thawrii (161 H)
Layth ibn Sa’d (175 H)
Imaam Maalik (179 H)
Hammaad ibn Zayd (179 H)
Abdur Rahmaan ibn Mahdi (198 H)
Sufyaan ibn Uyaynah (198 H)
Yahyaa ibn Saiid Al-Qattwaan (198 H)
201-250
Imaam Ash-Shaafi’i (204 H)
Abu Ubayd Al-Qaasim ibn Salaam (224 H)
Abu Bakr ibn Abi Shaybah (235 H)
Is-haaq ibn Raahawayh (238H)
Abu Thawr (240 H)
Imaam Ahmad Ibn Hambal (241 H)
251-300
Ismaiil ibn Yahyaa Al-Muzani (264 H )
301-400
Ja’far ibn Muhammad Al-Firyaani (301 H)
L’auteur du livre : Ahkaam-ul-Eidayn
Ibn Jariir at-Twabarii (310 H)
Muhammad ibn Is-haaq ibn Khuzaymah (311 H)
Muhammad ibn Ibrahiim Ibnul Munzir (318 H)
L’auteur du livre : Al-Ijmaa et Al-Awsat
Ahmad ibn Muhammad At-Twahaawi (321 H)
L’auteur du livre : Sharhu Ma-aanil-Aathaar et Ikhtilaaf-ul-Fuqahaa
Abu Ishaaq Al-Marwazi (340 H)
Abu Bakr ibnus Sunni (304 H)
L’auteur du livre : Amalul Yawmi Wal laylah
Abu Bakr Ahmad ibn Ali Al-Jasswaas (370 H)
L’auteur du livre : Ahkaam-ul-Qur-aan
Hamd ibn Muhammad Al-Khattwaabi (388 H)
L’auteur du livre : Ma-aalim-us-Sunan
401-500
Al-Baihaqi (458 H)
L’auteur du livre : Al-Khilaafiyyaat
Ibn Abdil Barr (463 H)
L’auteur du livre : At-Tamhiid et Alistizkaar
501-600
Abul Khattwaab (510 H)
L’auteur du livre : Al-Intiswaar Fil Masaa- il-il-Kibaar
Ali ibn Aqiil Al-Baghdaadi (513 H)
L’auteur du livre : Al-Funoun
Al-Husayn ibn Mas-oud Al-Baghawi (516 H)
L’auteur du livre : Sharh-us-Sunnah
Ibnul Arabi (543 H)
L’auteur du livre : Ahkaam-ul-Qur-aan
Qadwii Iyaad (544 H)
L’auteur du livre : Sharhu Swahiihi Muslim
Abdul Haq Al-Ishbiili (581 H)
L’auteur du livre : Ahkaam Kubraa
Ibn Rushd Al-Qurtubi (597 H)
L’auteur du livre : Bidaayat-ul-Mujtahid
Abdur Rahmaan ibn Ali Al-Jawzi (597 H)
L’auteur du livre : Ahkaam-un-Nisaa
601-700
Ibn Qudaamah (620 H)
L’auteur du livre : Al-Mughnii
Abdur Rahmaan ibn Ibraahiim Al-Maqdisi (624 H)
L’auteur du livre : Al-Uddah Sharh-ul-Umdah
Abdul Aziiz ibn Abdis Salaam As-Sulami (660 H)
Muhammad ibn Ahmad Al-Qurtubi (671 H)
L’auteur du livre : Al-Jaami-u-li-Ahkaam-il-Qur-aan
An Nawawii (676 H)
L’auteur du livre : Rawdwat-ut-Twaalibiin et Al-Majmou’
701-800
Ibn Daqiiq Al-Eid (702 H)
L’auteur du livre : Ihkaam-ul-Ahkaam
Ibn Taymiyyah (728 H)
L’auteur du livre : Al-Qawaaid-un-Nawraaniyyah
Az-Zahabi (748 H)
Ibnul Qayyim (751 H)
L’auteur du livre : I’laam-ul-Muwaqqi-iin et Zaad-ul-Ma-aad
Ibn Kathiir (774 H)
L’auteur du livre : Tafsiir-ul-Qur-aan-il-Azwiim
Ibraahiim ibn Mousaa Ash-Shaatwibi (790 H)
L’auteur du livre : Al-Muwaafaqaat
801-900
Ibnul Mulaqqin (804 H)
L’auteur du livre : Tuhfat-ul-Muhtaaj
Ibnul Waziir al-Yamaanii (840 H)
Ibn Hajar (852 H)
L’auteur du livre : Fat-hul-Baari
901-1000
As-Sakhaawii (902 H)
L’auteur du livre : Al-Maqaaswid-ul-Hasanah
As-Suyoutwii (911 H)
L’auteur du livre : Al-Jaami-us-Swaghiir
1001-1100
Muhammad ibn Ahmad Ar-Ramli (1004 H)
L’auteur du livre : Nihaayat-ul-Muhtaaj
1101-1200
As-Swan’aanii (1182 H)
L’auteur du livre : Subul-us-Salaam
1201-1300
Muhammad Ibn Abdil Wahhaab (1206 H)
As-Shawkaanii (1250 H)
L’auteur du livre : Nayl-ul-Awtwaar et As-Sayl-ul-Jarraar
1301-1400
Muhammad Swiddiiq Khaan (1307 H)
L’auteur du livre : Rawdwat-un-Nadiyyah
Al-Azwiim Aabaadi (1349 H)
L’auteur du livre : Awn-ul-Ma’boud
Muhammad Abdur Rahmaan Mubaarakpouri (1376 H)
L’auteur du livre : Tuhfat-ul-Ahwazi
Ahmad Shaakir (1377 H)
Muhammad Al-Amiin as-Shanqiitwii (1393 H)
L’auteur du livre : Adwaa-ul-Bayaan
1401-1500
Abdul Aziiz Ibn Baaz (1420 H)
Muhammad Naaswir-ud-Deen Al-Albaanii (1420 H)
Muhammad Ibn Swaliih Ibn Uthaymiin
Muqbil Al-Waadi-i
Note :
Quand nous pe cite noms de sa bans Ulamaa la, sa pas veut dire qui zotte pas fine faire erreur dans zotte Aqeedah, oubien Manhaj. Mais d’apres zotte bans livres, nous trouvé qui c’etaient bans Ulamaa qui fine essaye suivre la verité d’apres zotte capacité.
LES TROIS ECOLES DE FIQH
Ena trois ecoles de Fiqh :
Ahl-ur-Ra’y (أهل الرأي)
– Bans qui fine servi Qiyaas beaucoup.
Ahl-ul-Hadiith (أهل الحديث)
– Bans qui fine servi Qiyaas moins.
Ahl-uz-Zwaahir (أهل الظاهر)
– Bans qui fine rejete Qiyaas.
A la tête de Ahl-ul-Ra’y, nous gagne Imaam Abu Haniifah.
A la tête de Ahl-ul-Hadiith, nous gagne les trois Imaam : Maalik, Shaafi’i & Ahmad.
A la tête de Ahl-uz-Zwaahir, nous gagne Imaam Dawood ibn Ali (270H). Ensuite nous gagne Ibn Hazm (456 H) – l’auteur du livre (Al-Muhallaa). Ibn Hazm ti ene grand Aalim de Ahl-uz-Zwaahir. Li fine refute beaucoup faussetés attribués a Fiqh. Mais concernant Aqeedah, li ti dans l’egarement, et meme concernant Fiqh, li fine faire certains erreurs par pas accepter Qiyaas etant ene preuve de l’Islaam.
LES QUATRE MAZHAB
Avec les temps, bans musulmans fine divise-zotte en 4 Mazhab :
Hanafi – Bans suiveurs de Imaam Abu Haniifah.
Maaliki – Bans suiveurs de Imaam Maalik.
Shaafi-I – Bans suiveurs de Imaam Shaafi-i
Hambali – Bans suiveurs de Imaam Ahmad ibn Hambal.
Imaam Abu Haniifah.
Imaam Abu Haniifah so nom c’est An-Nu’maan bin Thaabit. Li ene Taabi-Taabi’iin. Li fine né a Koufah (Iraq) en l’année 80 H, et li fine mort en l’année 150 H.
Parmi so bans professeurs plus connus, nous gagne :
Atwaa Ibn Abi Rabaah.
Ikrimah.
Naafi’.
Hammaad Ibn Abi Sulaymaan.
Source connaissance de Imaam Abu Haniifah so bans professeurs c’est connaissance du Swahaabi Ibn Mas-oud.
Parmi so bans zeleves plus connus, nous gagne :
Abu Yousuf.
Muhammad Ibnul Hassan Ash-Shaybaanii.
Zufar Ibnul Huzayl.
Al-Hassan ibn Ziyaad.
Abu Haniifah, li-meme li pas fine ecrire aucun livre, mais so bans zeleves fine attribué deux livres a lui :
Al Fiqh-ul-Akbar.
Musnad Al Imaam-il-A’zwam.
Certains livres lor Mazhab Hanafi :
Al-Kaafi.
Al-Mabsout.
Fat-hul Qadiir.
Badaa-i-us-Swanaa-i’.
Al Bahr-ur-Raa-iq.
Ad Dur-ul-Mukhtaar.
Al Fataawaa al-Hindiyyah.
Imaam Maalik.
Imaam Maalik so nom c’est Maalik bin Anas Al-Asbahi. Li ene Taabi-Taabi’iin. Li fine né a Madiinah en l’année 93 H, et li fine mort en l’année 179 H.
Parmi so bans professeurs :
Abdur Rahmaan bin Hurmuz.
Naafi’.
Ibn Shihaab Az-Zuhri.
Rabbii-ah Ibn Abi Abdir Rahmaan.
Parmi so bans zeleves :
Imaam Shaafi’i.
Imaam Abdullaah Ibnul Mubaarak.
Abdul Malik Ibnul Maajishoun.
Abdur Rahmaan Ibnul Qaasim.
Abdullaah Ibn Wahb.
Ash-hab Ibn Abdil-Aziiz.
So livre : Al-Muat-twa’.
Certains livres lor Mazhab Maaliki :
Al-Mudawwanat-ul-Kubraa.
Az-Zakhiirah.
As-hal-ul-Madaarik.
En l’année 146 H, l’autorité ti faire batte Imaam Maalik, jusqua qui li pas ti pe capave leve so la main pour attache lor so l’estomac dans Swalaat.
Imaam Shaafi’i.
Imaam Shaafi’i so nom c’est Muhammad bin Idriis. Li fine né en Ghaza (en Palestine) en l’année 150 H, et li fine grandit dans Makkah. Li fine mort en Egypte en l’année 204 H.
Parmi so bans professeurs :
Muslim bin Khaalid Az-Zanji.
Imaam Maalik.
Sufyaan bin Uyaynah.
Al-Fudwayl bin Iyaad.
Muhammad Ibnul Hassan As-Shaybaanii.
Parmi so bans zeleves :
Ismaa-iil Al-Muzani.
Yousuf Al-Buwaytwi.
Imaam Ahmad bin Hambal.
Abu Thawr.
So livres : Al Umm.
Ar-Risaalah.
Bans l’endroits cote li fine vivre pendant so la vie :
Makkah, Madiinah, Yemen, Iraq, et Egypte.
Certains livres lor Mazhab Shaafi’I :
Al Majmou’.
Rawdwat-ut-Twaalibiin.
Imaam Ahmad.
Imaam Ahmad so nom c’est Ahmad bin Hambal Ash-Shaybaanii. Li fine né a Baghdad en l’année 164 H, et li fine mort en l’année 241 H.
Parmi so bans professeurs :
Imaam Shaafi’i.
Sufyaan bin Uyaynah.
Abdur-Razzaaq bin Hummaam.
Yahyaa-al-Qahtwaan.
Abdur Rahmaan Al-Mahdi.
Parmi so bans zeleves :
So garçon Abdullaah.
So garçon Swaalih.
Ahmad bin Muhammad Al-Artham.
Abdul Malik Al-Maymounii.
Abu Bakr Al-Marwazi.
Imaam Bukhaari.
So livre Al-Musnad contenir a peu pres 28,000 Hadiith.
Bans l’endroits cote li fine voyagé pour cherche la connaissance : Basrah, Koufah, Makkah, Mediinah, et Yemen.
Imaam Ahmad li connu pour so stand ferme qui li ti prend contre Khaliifah Al-Ma’moun concernant Aqeedah Mu’tazilah.
Certains livres lor Mazhab Hambali :
Al-Mughni.
Zaad-ul-Mustaqni’.
Al-Inswaaf.
SUIVRE ENE SEUL MAZHAB
Apres qui bans musulmans fine divise en 4 Mazhab, fine ena naissance d’ene conception qui la porte de Ijtihaad fine fermé et alors tous bans musulmans bizin choisir ene entre sa quatres Mazhab la, dans ene telle façon qui si ene personne li ene Hanafi, li bizin reste Hanafi, même si ena Hadiith authentique dans les autres Mazhab qui pe contredire cequi li lor la.
Pas ena doute qui sa c’est ene l’egarement qui fine divise bans musulmans parcequi au lieu suivre Qur-aan et Hadiith, banla pe enseigne nous pour contredire Qur-aan et Hadiith juste pour sauve zotte Mazhab.
Nous bizin ena beaucoup respect pour bans sa quatre Imaam la, nous bizin profiter avec zotte connaissance, et nous suivre zotte quand zotte l’opinion li en conformité avec Qur-aan et Hadtih. N’importe quand zotte l’opinion contredire Qur-aan et Hadiith, nous pas endroit faire zotte Taqliid (suivre zotte aveuglement), mais nous obligé rejete zotte l’opinion pour suivre parole d’Allaah et So Rassoul.
(Refere a mo livre : As-Swiraat-ul-Mustaqiim)
Allaah dire : (4 : 59)
يَاأَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُوْلِي الْأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنتُمْ تُؤْمِنُونَ بِاللَّهِ وَالْيَوْمِ الْآخِرِ ذَلِكَ خَيْرٌ وَأَحْسَنُ تَأْوِيلًا
[ Oh bans qui fine amene Imaan, obeir Allaah, obeir le messager et bans qui ena l’autorité parmi zotte. Si zotte differé dans n’importe ene quitechose, retourne li vers Allaah et le messager, si (vraiment) zotte ena Imaan dans Allaah et le jour dernier. Sa li meilleur et so resultat plus bon.]
Dans chaque divergence, nous bizin retourne vers Allaah et So Rassoul (صلىالله عليه وسلم) pour enleve sa divergence la. Nonplus qui chacun dire so camarade :
“To suivre to Mazhab, mo suivre mo Mazhab”.
Retourne vers Allaah et So Rassoul (صلىالله عليه وسلم) c’est qui nous retourne vers Qur-aan et Hadiith. Par exemple, si deux musulmans fine differé en cequi concerne est-ce qui endroit mange ourite oubien non, zotte bizin refère sa question la a Qur-aan/Hadiith. Si Qur-aan/Hadiith dire : “Endroit”, zotte tous les deux mangé et si Qur-aan/Hadiith dire : “Pas endroit”, zotte tous les deux pas mangé. Mais si sa deux musulmans la pe faire Taqliid, alors qui zotte pour faire? Ene pour dire : “Moi, mo ene Hanafi, mo pas endroit mange ourite.” L’autre pour dire : “Moi, mo ene Shaafi’i, mo endroit mange ourite”!
CAUSES DIVERGENCE DANS FIQH.
Quand nous trouve divergence parmi bans Ulamaa, faudrait pas qui nous gagne bans mauvais pensés lor banla. L’Islaam fine enseigne nous qui toujours nous bizin ena bonne pensée lor nous frère musulman, et surtout lor nous bans Ulamaa qui fine sacrifié zotte l’existence dans connaissance de Deen Islaam. Donc, nous capave dire qui fine ena divergence parmi bans Ulamaa pour les raisons suivantes :
Ena Ulamaa fine joindre Hadiith qui pe traite le sujet concerné, et ena Ulamaa pas fine reussi joindre sa Hadiith la.
Hadiith authentique qui pe traite le sujet concerné fine arrive jusqua certains Ulamaa a travers ene chaine de narration authentique, et alors zotte fine accepté li. Sa meme Hadiith la fine arrive jusqua certains Ulamaa a travers ene chaine de narration qui pas authentique, et alors zotte fine rejete li.
Certains Ulamaa fine croire qui Hadtih qui pe traite le sujet concerné, li ene Hadiith qui pas authentique, basant lor ene erreur qui li fine commettre dans so Ijtihaad.
Certains Ulamaa fine gagne Hadiith authentique qui pe traite le sujet concerné, et ensuite avec les temps li fine oublié sa Hadiith la, et alors li fine donne Fatwaa a l’encontre de Hadiith authentique qui li ti conné.
Ena Hadtih capave comprend li dans differents façons, et alors ena Ulamaa fine bien comprend li, et ena Ulamaa fine mal comprend li.
Certains Ulamaa pas fine base zotte l’opinion lor Hadtih concerné, avec conception qui sa Hadiith la fine abrogé.
Sa c’est certaines bans raisons. Ena plusieurs les autres raisons encore pour lesquels nous bans Ulamaa fine divergé. Personne pas content pour tombe dans l’egarement avec propre connaissance; chacun pe reagir selon so connaissance et so l’intelligence. Dans tous sa la, ena sagesse d’Allaah qui peut-etre nous pas pe reussi comprend li. Faudrait pas qui avec la moitié livre qui nous fine lire, nous commence malparle bans Ulamaa qui soi-disant c’est banla meme qui pe crée division au sein de l’Ummah.
Ibn Taymiyyah dire :
وكثير من مجتهدي السلف قالوا وفعلوا ما هو بدعة ولم يعلموا أنها بدعة إما لأحاديث ضعيفة ظنوها صحيحة وإما لآيات فهموا منها ما لم يرد منها وإما لرأي رأوه وفي المسألة نصوص لم تبلغهم
[ Beaucoup bans Mujtahid parmi bans Salaf, fine arrivé dire et fine arrivé faire certaine Bid-ah, sans zotte conné qui li ene Bid-ah, soit basant lor Hadiith faible qui banla fine croire authentique, oubien basant lor certaine Aayat qui banla fine comprend cequi li pas pe mean, oubien basant lor ene l'opinion qui zotte fine adopté et qui texte concernant sa Mas-alah la pas fine atteindre zotte.]
(MAJMOU FATAAWAA 19/191)
QUI BIZIN NOUS STAND DANS DIVERGENCE?
Concernant divergence dans Fiqh, li important pour comprend les points suivants :
La Verité Li Ene Seul.
Malgré tous divergences, la verité li ene seul dans bans Ma-saail contradictoire. Ene quitechose pas capave Halaal et Haraam en meme temps. Quand nous trouve ene divergence entre deux Aalim; ene pe dire : “A li Halaal”, et l’autre pe dire : “A li Haraam”, premier quitechose qui nous bizin mette dans nous la tete c’est qui obligatoirement ene seul entre les deux Aalim ena raison et li lor la verité.
Allaah dire : (4:82)
أَفَلَا يَتَدَبَّرُونَ الْقُرْآنَ وَلَوْ كَانَ مِنْ عِنْدِ غَيْرِ اللَّهِ لَوَجَدُوا فِيهِ اخْتِلَافًا كَثِيرًا
[ Est-ce qui banla pas reflechit lor Qur-aan? Si li ti sorti depuis ene l’autre apart Allaah, certainement zotte ti pour trouve beaucoup contradiction la dans!]
Sa Aayat la montré nous qui pas ena aucun contradiction dans Allaah So Deen. Pas possible qui dans Deen qui Allaah fine faire descendre, ene quitechose li Halaal et li Haraam en meme temps. Donc, nous comprend qui ena ene seul verité, et nonplus plus qui ene!
Pas Prend Li A La Legere.
Li important qui nous cherche la verité dans chaque divergence qui vine devant nous, et nonplus nous dire : “faudrait pas perdi les temps dans bans quitechoses banales.” Sa c’est parcequi dans Deen Islaam pas ena narien qui banale. Dans Deen Islaam ena juste parole Allaah et So Rassoul, et definitivement parole Allaah et So Rassoul c’est pas ene quitechose qui pas ena l’importance.
Allaah dire : (73:5)
إِنَّا سَنُلْقِي عَلَيْكَ قَوْلًا ثَقِيلًا
[ Certainement Nous pour descendre lor toi ene parole lourd.]
Parole Allaah c’est ene quitechose lourd, et nonplus la banalité. Si avant attribuer ene parole a ene personne qui nous ena beaucoup l’estime pour li, nous trouve li important pour certifié l’originalité de sa parole la, alors est-ce qui nous pas bizin certifié ene parole ou action avant attribué sa a Allaah et So Rassoul.
Dans Deen Allaah pas ena narien sans valeur. Dans Deen Allaah ena 2 quitechoses :
Cequi ena ene l’importance primordial.
Cequi ena ene l’importance secondaire.
Pas Suivre Aveuglement.
L’Islaam jamais fine enseigne nous pour suivre certaine personne aveuglement. Apart le prophète Muhammad , chaque personne dans sa Ummat la faire erreur. Alors, couma est-ce qui nous capave attache nous avec ene seule personne quand nous ena toute la certitude qui li faire erreur. Est-ce qui nous disposé suivre li dans so erreur et alors nous contredire laloi Allaah?
En verité, c’est sa qualité mentalité la meme qui pe divise sa Ummat la et pe affaiblir li contre so l’ennemis.
Nous faire ene l’appel a bans frères :
“Suivre parole Allaah et So Rassoul, pas suivre Bhye X oubien Y !”
Pas Guette Majorité.
Quand fine ena divergence, nous pas guetté qui majorité bans Ulamaa (الجمهور) pe dire. Mais nous guetté qui sanla so parole li en conformité avec Qur-aan et Hadiith authentique. Nous bizin conné qui l'opinion de 'Zumhour' jamais ti veut dire Ijmaa'.
Rassemblé Tous Hadiith Qui Nous Capave.
Pour nous capave sorti depuis ene divergence, faudrait pas qui nous contente nous avec ene Hadiith qui nous conner a propos le sujet concerné. Mais nous bizin essaye rassemblé tous Hadiith qui nous capave a propos sa sujet la, et ensuite nous sorti avec ene conclusion.
Servi Ou Intelligence.
Quand fine ena divergence, nous faire nous recherche d’apres l’intelligence et connaissance qui Allaah fine donne nous.
Si apres nous recherche, nous fine arrive jusqua la certitude oubien ene supposition fort, nous mette en pratique cequi nous fine ena la certitude ou la supposition la dans. Si apres nous recherche, nous reste lor ene doute, oubien nous trouve qui nous pas ena potentiel faire recherche, nous suivre ene Aalim qui nous ena plus confiance dans li – dans so Deen, so l’honneteté, so l’intelligence et so connaissance.
Note :
Quant-a Hadiith Mu’aaz qui certains frères servi pour approuve permissibilité de Ijtihaad et Qiyaas dans Fiqh, c’est ene Hadiith qui pas authentique.
Refere a mo livre :
“Refutation contre Qaari Mansoor so livre Bid-ah.”
Pas Laguerre.
Quand fine ena divergence, chacun essaye conseille so frère et montré li la verité. Si li fine convaincu dans sa verité la, li bon pour li-meme.
Mais si li pas fine convaincu, faudrait pas qui sa vine ene cause pour nous diviser, laguerre et faire groupes. Si personne pas pe convaincu dans preuve de so frère, nous bizin conner qui la verité li reste ene seul, et ensuite nous continuer faire nous recherche tout en preservant nous fraternité islamique.
Al-Qurtubi dire :
وما زالت الصحابة يختلفون في أحكام الحوادث وهم مع ذلك متآلفون
[ Bans Swahaabah fine toujours divergé dans la lois de bans evenements (qui fine surgir), mais malgré sa, banla fine reste d’accords.]
(TAFSIIR 4/159)
Younus As-Swadafi :
ما رأيت أعقل من الشافعي ناظرته يوما في مسألة ثم افترقنا ولقيني فأخذ بيدي ثم قال يا أبا موسى ألا يستقيم أن نكون إخوانا وإن لم نتفق في مسألة
[ Mo pas fine trouve personne plus intelligent qui Imaam Ash-Shaafi-i. Ene jour, mo fine faire ene debat avec li concernant ene Mas-alah et ensuite nous fine separé. Après sa, li fine joindre moi, li fine attrape mo la main et li fine dire :
“Oh Abu Mousaa, est-ce qui li pas correct qui nous reste comme bans frères, même qui pas fine d’accord lor ene Mas-alah?”]
(SIYAR 10/16)
Ibn Taymiyyah dire :
وكانوا يتناظرون في المسألة مناظرة مشاورة ومناصحة وربما اختلف قولهم في المسألة العلمية والعملية مع بقاء الألفة والعصمة وأخوة الدين ... ولو كان كلما اختلف مسلمان في شيء تهاجرا لم يبق بين المسلمين عصمة ولا أخوة
[ Banla (bans Ulamaa) ti pe faire debat ene avec l’autre dans bans Mas-alah – ene debat de la consultation et du conseil mutuel. Peut-être zotte ti pe ena ene l’opinion different dans bans Mas-alah de Aqeedah ou Fiqh, tout en preservant zotte l’accorité, zotte protection (ene a l’autre) et zotte fraternité de Deen… Si a chaque fois qui deux musulmans fine divergé dans ene quitechose, chacun delaisse so camarade, (azordi) ti pour n’est plus ena la protection et la fraternité parmi bans musulmans.]
(MAJMOU FATAAWAA 24/170)
L’AUTEHENTICITÉ HADIITH DANS FIQH
Ene de bans raisons principales pour lequel fine ena divergence dans Fiqh entre bans Ulamaa, c’est le fait qui ena parmi banla qui pas fine prend compte l’authenticité Hadiith. Quand ene Aalim pas fine prend compte l’authenticité Hadiith, oubien qui li pas ti conné qui Hadiith qui li pe servi c’est ene Hadiith faible, c’est a ce moment la qui li arrivé donne ene verdict qui contredire Hadiith authentique.
Jalaal-ud-Deen Ar-Rawaani dire :
اتفقوا على أن الحديث الضعيف لا يثبت به الأحكام الخمسة الشرعية ومنها الاستحباب
[ Bans Ulamaa fine tombe d’accord qui aucun parmi les 5 la lois islamiques pas deboute basant lor Hadiith faible, y-compris Al-Istihbaab (la recommandation).]
(AL-AJWIBAT-UL-FAADWILAH PG 55)
Ibn Taymiyyah dire :
لا يجوز أن تعتمد في الشريعة على الأحاديث الضعيفة التي ليست صحيحة ولا حسنة … ولم يقل أحد من الأئمة أنه يجوز أن يجعل الشيء واجبا أو مستحبا بحديث ضعيف ومن قال هذا فقد خالف الإجماع
[ Dans Shari’ah, li pas permissible base (ene action) lor bans Hadiith faibles qui pas Swahiih et nonplus Hassan. Personne parmi bans Imaam pas fine dire qui li permissible faire ene quitechose vine Waajib oubien Mustahab basant lor ene Hadiith faible. Celui qui dire sa, certainement li pour contredire Ijmaa’.]
(MAJMOU-UL-FATAAWAA 1/250-251)
Sheikh Uthaymiin dire :
والضعيف لا يحتج به في إثبات الأحكام
[ Hadiith faible pas servi comme preuve pour etablir bans la lois.]
(ASH-SHARH-UL-MUMTI’ 1/264)
Sheikh Albaani dire :
فلا أحد والحمد لله يذهب إلى جواز الاحتجاج بالحديث الضعيف في الأحكام الشرعية بل أجمعوا على أنه يجب أن يكون من قسم المقبول
[ Alhamdulillaah, pas ena ene personne (parmi bans Ulamaa) qui fine ena l’opinion gagne droit servi Hadiith faible comme preuve dans bans la lois islamiques. Au contraire, fine ena Ijmaa’ parmi banla qui li bizin dans categorie acceptable.]
(GHAAYAT-UL-MARAAM PG 9)
Donc, quand nous apprendre Fiqh, nous pas juste apprendre cequi ena dans Hadiith, mais nous bizin apprendre cequi en conformité avec Hadiith authentique. Si nous pas conne l’authenticité d’ene Hadiith, nous juste ena pour refaire l’affaire a bans qui plus conné, et nonplus qui nous declare nous grand Aalim, et comme resultat nous tombe dans l’egarement et nous induire bans innocents aussi dans l’egrement.
Abu Aroubah Al-Harrani (318 H) dire :
الفقيه إذا لم يكن صاحب حديث يكون أعرج
[ Si ene Faqiih li pas ene qui conne Hadiith, li pour ene boiteux.]
(SHARAFU AS-HAAB-IL-HADIITH)
Quand dire certains frères qui donne leçon Fiqh : “Hadiith la faible”, zotte repondre : “Bizin check li ene coup!”
Comme reponse, nous dire :
“Astère la qui ou pe ressenti necessité check Hadiith la. Est-ce qui avant donne leçon, ou pas ti capave fini faire sa travail la?”
Ibn Taymiyyah dire :
اتباع الحديث يحتاج أولا إلى صحة الحديث وثانيا إلى فهم معناه
[ Pour suivre ene Hadiith, premierement bizin (conne) so l’authenticité et deuxiemement bizin comprend so signification.]
(MAJMOU' FATAAWAA 4/29)
Donc, avant servi ene Hadiith, bizin rassure nous de so l’authenticité.
ABU LAYLAA
SHABBIR
Après sa livret la, nous conseille ou pour lire nous bans premiers explications lor Fiqh avec titre :
KITAAB-UT-TWAHAARAH 1 (DE L’EAU)
KITAAB-UT-TWAHAARAH 2 (GHUSL)
KITAAB-UT-TWAHAARAH 3 (WUDU)
KITAAB-UT-TWAHAARAH 4 (TAYAMMUM)
KITAAB-UT-TWAHAARAH 5 (NAJAASAAT)
KITAAB-UT-TWAHAARAH 6 (HAID)
KITAAB-UT-TWAHAARAH 7 (SUNAN-UL-FITRAH)
No comments:
Post a Comment