6.LEÇONS LOR LA PURIFICATION SPIRITUELLE. دروس في تزكية النفس - 66. Swalaat-Ul-Fajr

Swalaat-Ul-Fajr


INTRODUCTION

Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene livret lor :
SWALAAT-UL-FAJR

En verité, Da’wah c’est pas qui ene personne fine expose connaissance qui li fine acquerir dans l’université, pour faire li paraitre interessant et pour qui dimounes dire :
“ Terible sa bans sujets qui li traité la!”
Ene Daaii li couma ene docteur qui pe traite so patient. Qui patient la pour faire avec ene medicament qui pour calmer so douleur la tete, quand en verité li ena maladie le coeur? Coume sa meme, sa Ummat la fine affecté par plusieurs maladies cardiaques. Ene parmi sa bans maladies la c’est maladie qui faire nous abandonne Swalaat Fajr.

Li chagrinant pour constater qui certains activistes musulmans presents dans bans reunions jusqua tard dans la nuit pour discute bans quitechoses banales, et zotte meme perdi les temps pour colle l’affiche, et ensuite pour Swalaat Fajr zotte absents. Juge to-meme : Est-ce qui to sincère envers Allaah oubien to ene suiveur aveugle – plein avec enthousiasme – pour ene personne qui capave li inferieur qui toi? Arrete vine bans suiveurs, parcequi c’est avec Allaah qui to ena pour rendre compte, pas avec personne.

Parfois ou capave trouve ene frère montré-li tres sincère dans bans reunions, et ensuite li absent pour Fajr.

Ena frère pressé pour alle remplace Imaam pour Swalaat Asr ou Maghrib, sans prend compte qui l’heure Swalaat Fajr li ti pe dormi.

Coume sa meme nous gagne certains frères qui content pour donne Azaan Zuhr ou Maghrib, et ensuite zotte reste dormi l’heure Fajr.

Ena couple qui habitué bien faire zotte Swalaat Fajr, nous trouve qui couma zotte gagne ene zenfant, zotte commence neglige sa Swalaat la avec pretexte :
“Ene la nuit zenfant la fine fatigue nous et pas fine laisse nous dormi.”
Nous dire a sa couple la :
“Est-ce qui coume sa qui to remercie Allaah? C’est Allaah qui fine donne toi sa zenfant la en cadeau et azordi to faire sa cadeau la meme vine ene moyen pour qui to desobeir Allaah! Levez pour Swalaat Fajr, faire Du'aa, Allaah pour faire to zenfant arrete faire mauvais.”

Sa c’est simplement certains l’exemples de situation dans lequel nous pe vivre; capave compte lor le doigt combien dimounes regulier dans zotte Swalaat Fajr. C’est a cause sa qui azordijour nous fine perdi nous l’honneur, nous pouvoir, nous dignité et nous statue dans la societé. Nous-meme nous pas bon, et ensuite nous envoye tort lor bans Juifs.

Ene musulman bizin conscient qui so bon relation envers so bans proches pas pour profite li, si so relation avec Allaah pas bon. Qui serti to aide bans dimounes, to faire la charité, et to disposé rendre to voisin ene service a n’importe qui moment dans la nuit, et ensuite quand Allaah demande toi pour aide to-meme par accomplir Swalaat Fajr, to absent?

Nous demande Alaah pour qui Li aide nous pour faire nous Swalaat Fajr, et Li recompense nous tous qui fine contribué pour prepare sa travail là jusqu’a dans sa forme là, et qui Li faire nous bans frères et soeurs musulmans profité avec sa livret là, afin qui nous vine bans vrais musulmans en pratique, pas juste lor parole.


Abu Laylaa
Shabbir
SWALAAT-UL-FAJR C’EST SWALAAT PLUS NEGLIGÉ.

Pas ena doute qui Allaah fine créé nous et fine envoye nous lor la terre pour faire So Ibaadat, et premier Ibaadat qui ena dans Deen Islaam – apres temoignage du Kalimah – c’est Swalaat. En verité, Swalaat li pas juste obligatoire lor nous, dans le sens qui pourvu nous fine faire li, mais li obligatoire lor nous 5 fois par jour, dans bans l’heures fixes, en Jamaat, et dans Masjid.

Parmi sa 5 Swalaat la, Swalaat qui beaucoup dimounes negligé c’est Swalaat-ul-Fajr, soit avec pretexte, sommeil ou fatigue, oubien avec pretexte fraicheur. Tout pretexte qui ene dimoune capave avancer pour justifier so l’absence dans Masjid pour Swalaat-ul-Fajr, au fond de so le coeur, li reconnaitre qui li pe embette li-meme parcequi sa bans pretextes la pas pour etre acceptés aupres d’Allaah le jour du Qiyaamah.


CAUSE RÉELLE POUR LAQUELLE DIMOUNES PAS LEVÉ POUR SWALAAT-UL-FAJR.

En verité, cause réelle pour laquelle dimounes pas levé pour Swalaat-ul-Fajr c’est la paresse, negligence, faiblesse de Imaan, et soumission a Shaytwaan.

Le prophète dire :

يَعْقِدُ الشَّيْطَانُ عَلَى قَافِيَةِ رَأْسِ أَحَدِكُمْ إِذَا هُوَ نَامَ ثَلَاثَ عُقَدٍ يَضْرِبُ كُلَّ عُقْدَةٍ عَلَيْكَ لَيْلٌ طَوِيلٌ فَارْقُدْ فَإِنِ اسْتَيْقَظَ فَذَكَرَ اللَّهَ انْحَلَّتْ عُقْدَةٌ فَإِنْ تَوَضَّأَ انْحَلَّتْ عُقْدَةٌ فَإِنْ صَلَّى انْحَلَّتْ عُقْدَةٌ فَأَصْبَحَ نَشِيطًا طَيِّبَ النَّفْسِ وَإِلَّا أَصْبَحَ خَبِيثَ النَّفْسِ كَسْلَانَ
[ Pendant qui chacun parmi zotte pé dormi, Shaytwaan vine attache trois noeuds par derrière so la tête, lor chaque noeud, li dire :
“ Ena éne longue la nuit devant toi, dormi.”
Si li fine reveillé et li faire Zikr-ullaah, éne noeud largué. Si li faire Wudu, éne l’autre noeud largué, et si li faire Swalaat, éne l’autre noeud (encore) largué, et alors, li levé avec courage, et avec éne bon mood (en bonne humeur). Sinon, li levé avec éne mauvais mood comme éne paresse.]
(BUKHARI 1074)

Basant lor sa Hadiith la, nous trouvé comment est-ce qui Shaytwaan faire so zeffort pour qui nous reste dormi l’heure Fajr, surtout avec so dialogue :
“Ena ene longue la nuit devant toi, dormi”

Ensuite nous trouvé qui nous ena grand tort parcequi au lieu nous faire Zikr-ullaah quand nous sommeil cassé avec Azaan ou alarme, nous dire :
“Bé dormi encore ene tigit, ena encore 15 minutes!”
Si nous reflechit qui nous fine deja fini dormi pendant 5-6 heures temps, bé qui 15 minutes sommeil encore nous pe rodé?

Rapporté par Abdullaah :

ذُكِرَ عِنْدَ النَّبِيِّ صَلَّى اللَّهُ عَلَيْهِ وَسَلَّمَ رَجُلٌ فَقِيلَ مَا زَالَ نَائِمًا حَتَّى أَصْبَحَ مَا قَامَ إِلَى الصَّلَاةِ فَقَالَ بَالَ الشَّيْطَانُ فِي أُذُنِهِ
[ Bans dimounes fine faire mention cote le prophète, d'éne personne qui fine dormi jusqu’à fine arrive gramatin sans qui li faire Swalaat.
Le prophète fine dire :
“Sa c’est éne dimoune qui Shaytwaan fine urine dans so zoreille!”]
(BUKHARI 1076)

Basant lor sa Hadiith la, nous trouvé qui si ene dimoune pas levé pour faire Swalaat, li humilié li-meme et li soumettre a Shaytwaan jusqua qui Shaytwaan urine dans so zoreille. Bans Ulamaa dire qui sa Hadiith la pe faire reference a Swalaat Tahajjud. Nous dire qui si concernant ene Swalaat qui pas obligatoire, le prophète fine servi ene langage dure pareille, alors, qui position de celui qui pe dormi dans l’heure ene Swalaat Faraz?

Après qui nous fine entendre bans Hadiith pareille, est-ce qui là aussi nous pour content pour laisse Shaytwaan uriner dans nous zoreilles par pas levé pour accomplir Swalaat Fajr?


RATE RENDEZ-VOUS C’EST ENE SIGNE DE L’HYPOCRISIE.

Ene musulman qui sincère envers Allaah c’est ene personne qui pas pour rate rendez-vous de so Createur. Comment est-ce qui nous faire tous nous zeffort pour pas rate rendez-vous de bans creatures, et ensuite concernant rendez-vous du Createur nous negligents. Si sa pas ene signe de l’hypocrisie, bé qui li été alors?

Le prophète dire :

لَيْسَ صَلَاةٌ أَثْقَلَ عَلَى الْمُنَافِقِينَ مِنَ الْفَجْرِ وَالْعِشَاءِ وَلَوْ يَعْلَمُونَ مَا فِيهِمَا لَأَتَوْهُمَا وَلَوْ حَبْوًا لَقَدْ هَمَمْتُ أَنْ آمُرَ الْمُؤَذِّنَ فَيُقِيمَ ثُمَّ آمُرَ رَجُلًا يَؤُمُّ النَّاسَ ثُمَّ آخُذَ شُعَلًا مِنْ نَارٍ فَأُحَرِّقَ عَلَى مَنْ لَا يَخْرُجُ إِلَى الصَّلَاةِ بَعْدُ
[ Pas ena aucun Swalaat qui plus lourd lor bans Munaafiq qui Fajr et Ishaa. Si zotte ti conné qui (recompense) ena dans sa deux Swalaat la, zotte ti pour vine accomplir les deux (dans Masjid) meme en marchant quatre pattes. Certainement mo ti pense pour ordonne Muazzin pour donne Iqaamah, mo ordonne ene personne pour faire Imaamah, et ensuite mo prend ene la flamme du feu et mo alle brule lacaze de bans qui pas enconre sorti pour vine Swalaat (dans Masjid).]
(BUKHARI 617)

Ibn Umar dire :

كنا إذا فقدنا الإنسان في صلاة الصبح والعشاء أسأنا به الظن
[ Quand nous pas ti pe trouve ene personne dans Fajr ou Ishaa, nous ti pe gagne mauvais pensée lor li (attention qui li ene Munaafiq).]
(IBN HIBBAAN 5/455)

Ene personne qui absent pour Swalaat Fajr, li bizin pose li- meme sa question la :
“Qui sanla fine dire qui Swalaat-ul-Fajr obligatoire?”
Pas ena doute qui so reponse c’est :
“Allaah – Celui qui fine considere les autres Swalaat obligatoire.”
Alors, nous dire li :
“Couma to pe capave faire Swalaat pendant la journée et ensuite to pas capave faire Swalaat pendant la nuit. Est-ce qui Allaah qui trouve nous pendant la journée, Li pas trouve nous pendant la nuit?”

Nous bizin examine nous le coeur, attention qui li pe rouillé avec l’hypocrisie.


CHAQUE MATIN ALLAAH DEMANDE BANS ANGES CONCERNANT NOUS.

Le prophète dire :

الْمَلَائِكَةُ يَتَعَاقَبُونَ مَلَائِكَةٌ بِاللَّيْلِ وَمَلَائِكَةٌ بِالنَّهَارِ وَيَجْتَمِعُونَ فِي صَلَاةِ الْفَجْرِ وَصَلَاةِ الْعَصْرِ ثُمَّ يَعْرُجُ إِلَيْهِ الَّذِينَ بَاتُوا فِيكُمْ فَيَسْأَلُهُمْ وَهُوَ أَعْلَمُ فَيَقُولُ كَيْفَ تَرَكْتُمْ عِبَادِي فَيَقُولُونَ تَرَكْنَاهُمْ يُصَلُّونَ وَأَتَيْنَاهُمْ يُصَلُّون
[ Bans anges succede ene a l’autre (vers zotte) – bans anges pendant la nuit et bans anges pendant la journée – et banla joindre l’heure Swalaat Fajr et Swalaat Asr. Ensuite bans qui fine passe la nuit avec zotte faire l’ascencion vers Li, et Li demande banla – meme qui Li plus conné qui zotte :
“Couma est-ce qui zotte fine quitte Mo bans esclaves?”
Banla repondre :
“Quand nous ti alle cote banla, banla ti pe faire Swalaat, et quand nous fine quitte banla, banla ti pe faire Swalaat.”]
(BUKHARI 2984)

D’apres sa Hadiith la, nous comprend qui chaque Fajr, Allaah pe demande bans anges concernant nous. Est-ce qui li pas grave qui tous les jours bans anges pe temoigné aupres d’Allaah :
“Oh Allaah, nous fine quitte sa personne la pendant qui li ti pe dormi embas moulton!”


SO PUNITION COMMENCE DANS QABR MEME.

Pas faire Swalaat-ul-Fajr c’est ene peché aussi grave qui so punition commence dans Qabr meme.

Le prophète reconte so reve :

إِنَّهُ أَتَانِي اللَّيْلَةَ آتِيَانِ وَإِنَّهُمَا ابْتَعَثَانِي وَإِنَّهُمَا قَالَا لِي انْطَلِقْ وَإِنِّي انْطَلَقْتُ مَعَهُمَا وَإِنَّا أَتَيْنَا عَلَى رَجُلٍ مُضْطَجِعٍ وَإِذَا آخَرُ قَائِمٌ عَلَيْهِ بِصَخْرَةٍ وَإِذَا هُوَ يَهْوِي بِالصَّخْرَةِ لِرَأْسِهِ فَيَثْلَغُ رَأْسَهُ فَيَتَهَدْهَدُ الْحَجَرُ هَا هُنَا فَيَتْبَعُ الْحَجَرَ فَيَأْخُذُهُ فَلَا يَرْجِعُ إِلَيْهِ حَتَّى يَصِحَّ رَأْسُهُ كَمَا كَانَ ثُمَّ يَعُودُ عَلَيْهِ فَيَفْعَلُ بِهِ مِثْلَ مَا فَعَلَ الْمَرَّةَ الْأُولَى قَالَ قُلْتُ لَهُمَا سُبْحَانَ اللَّهِ مَا هَذَانِ قَالَ قَالَا لِي انْطَلِقِ انْطَلِقْ ... قَالَا لِي أَمَا إِنَّا سَنُخْبِرُكَ أَمَّا الرَّجُلُ الْأَوَّلُ الَّذِي أَتَيْتَ عَلَيْهِ يُثْلَغُ رَأْسُهُ بِالْحَجَرِ فَإِنَّهُ الرَّجُلُ يَأْخُذُ الْقُرْآنَ فَيَرْفُضُهُ وَيَنَامُ عَنِ الصَّلَاةِ الْمَكْتُوبَةِ
[ Asoir deux anges fine vine vote moi, et zotte fine dire moi : “Anous allé!”
Mo fine alle avec zotte deux, et nous fine arrive cote ene personne qui ti pe allongé, et ene l’autre qui ti pe deboute (cote so la tete) avec ene roche, quand tout-a-coup li fine envoye sa roche la lor (celui qui ti allongé) so la tete, et sa fine craze so la tete. Roche la fine roulé. (Celui qui fine envoye li), fine suivre li, et fine prend li. Li pas fine retourne cote celui qui ti pe allongé excepté qui so la tete fine vine correct pareille couma li ti été.
Ensuite li fine re envoye sa roche la lor li, comme la première fois.
Mo fine demandé :
“Sub-haa nallaah, qui été sa?”
Deux anges la fine dire moi :
“Quant-a première personne qui to fine trouve li qui so la tete ti pe crazé avec roche, c’est ene personne qui ti pe prend Qur-aan et li pas ti pe accepté li, et li pe dormi l’heure Swalaat Faraz.”]
(BUKHARI 6525)


CELUI QUI PAS FAIRE SWALAAT-UL-FAJR, SO DESTINATION C’EST L’ENFER.

Dans les autres Hadiith, le prophète fine faire nous conner qui celui qui accomplir so Swalaat-ul-Fajr, so destination c’est Jannat, et alors, celui qui pas faire Swalaat-ul-Fajr, so destination c’est l’enfer.

Le prophète dire :

مَنْ صَلَّى الْبَرْدَيْنِ دَخَلَ الْجَنَّةَ
[ Celui qui fine accomplir les deux Swalaat pendant qui le temperature froid (Fajr & Asr), li pour rentre dans Jannat.]
(BUKHARI 540)

Le prophète dire :

لَنْ يَلِجَ النَّارَ أَحَدٌ صَلَّى قَبْلَ طُلُوعِ الشَّمْسِ وَقَبْلَ غُرُوبِهَا
[ Celui qui faire Swalaat avant le levé du soleil, et avant le couché du soleil, li pas pour rentre dans du feu (l’enfer).]
(MUSLIM 1003)


RECOMPENSE QUI ALLAAH FINE RESERVÉ POUR SA SWALAAT LA.

Cequi montré nous encore valeur et l’importance de Swalaat-ul-Fajr c’est recompense qui Allaah fine reservé pour sa Swalaat la.

COMME SI LI FINE FAIRE SWALAAT PENDANT TOUTE LONGUE LA NUIT.

Le prophète dire :

مَنْ صَلَّى الْعِشَاءَ فِي جَمَاعَةٍ فَكَأَنَّمَا قَامَ نِصْفَ اللَّيْلِ وَمَنْ صَلَّى الصُّبْحَ فِي جَمَاعَةٍ فَكَأَنَّمَا صَلَّى اللَّيْلَ كُلَّهُ
[ Celui qui faire Swalaat Ishaa en Jamaat c’est comme si li fine faire Swalaat pendant la moitié la nuit, et celui qui faire Swalaat Fajr en Jamaat c’est comme si li fine faire Swalaat pendant toute longue la nuit.]
(MUSLIM 1049)

Rapporté par Abu Bakr ibn Sulaymaan :

أَنَّ عُمَرَ بْنَ الْخَطَّابِ فَقَدَ سُلَيْمَانَ بْنَ أَبِي حَثْمَةَ فِي صَلَاةِ الصُّبْحِ وَأَنَّ عُمَرَ بْنَ الْخَطَّابِ غَدَا إِلَى السُّوقِ وَمَسْكَنُ سُلَيْمَانَ بَيْنَ السُّوقِ وَالْمَسْجِدِ النَّبَوِيِّ فَمَرَّ عَلَى الشِّفَاءِ أُمِّ سُلَيْمَانَ فَقَالَ لَهَا لَمْ أَرَ سُلَيْمَانَ فِي الصُّبْحِ فَقَالَتْ إِنَّهُ بَاتَ يُصَلِّي فَغَلَبَتْهُ عَيْنَاهُ فَقَالَ عُمَرُ لَأَنْ أَشْهَدَ صَلَاةَ الصُّبْحِ فِي الْجَمَاعَةِ أَحَبُّ إِلَيَّ مِنْ أَنْ أَقُومَ لَيْلَةً
[ Ene fois Umar ibnul Khattwaab pas fine trouve Sulaymaan ibn Abi Hathmah dans Swalaat-ul-Fajr. Quand li fine alle bazare – et qui lacaze de Sulaymaan ti entre Masjid et bazare – li fine passe cote As-Shifaa – maman de Sulaymaan, et li fine dire li :
“Mo pas fine trouve Sulaymaan dans Swalaat-ul-Fajr!”
Li fine repondre :
“Li fine passe ene la nuit en Ibaadat, et (finalement) sommeil fine attrape li!”
Umar fine dire li :
“Si mo present dans Swalaat-ul-Fajr en Jamaat, sa plus cher a moi qui mo passe ene la nuit entier en Ibaadat”]
(MUWATTWA' MAALIK 270)


TROUVE FIGURE ALLAAH.

Rapporté par Jariir ibn Abdillaah :

كُنَّا عِنْدَ النَّبِيِّ صَلَّى اللَّهُ عَلَيْهِ وَسَلَّمَ فَنَظَرَ إِلَى الْقَمَرِ لَيْلَةً يَعْنِي الْبَدْرَ فَقَالَ إِنَّكُمْ سَتَرَوْنَ رَبَّكُمْ كَمَا تَرَوْنَ هَذَا الْقَمَرَ لَا تُضَامُّونَ فِي رُؤْيَتِهِ فَإِنِ اسْتَطَعْتُمْ أَنْ لَا تُغْلَبُوا عَلَى صَلَاةٍ قَبْلَ طُلُوعِ الشَّمْسِ وَقَبْلَ غُرُوبِهَا فَافْعَلُوا
[ Nous ti cote le prophète, quand tout-a-coup li fine guette la lune 14ème nuit, et li fine dire :
“Certainement zotte pour trouve zotte Rab pareille couma zotte pe trouve sa (la lune la) sans gagne difficulté pour trouve li. Si zotte capave pas rate Swalaat avant levé du soleil et avant couché du soleil, alors, faire li.”]
(BUKHARI 521)


ENE LUMIÈRE COMPLETE.

Le prophète dire :

بَشِّرِ الْمَشَّائِينَ فِي الظُّلَمِ إِلَى الْمَسَاجِدِ بِالنُّورِ التَّامِّ يَوْمَ الْقِيَامَةِ
[ Donne la bonne nouvelle a bans qui marche dans noirté pour alle Masjid, qui pour ena ene lumière complete pour zotte le jour du Qiyaamah.]
(IBN MAAJAH 773)


SOUS RESPONSABILITÉ ALLAAH.

Le prophète dire :

مَنْ صَلَّى الصُّبْحَ فَهُوَ فِي ذِمَّةِ اللَّهِ عَزَّ وَجَلَّ
[ Celui qui faire Swalaat du matin, li sous responsabilité (protection) d’Allaah.]
(IBN MAAJAH 3936)


DELEGUÉ ALLAAH.

Le prophète dire :

من توضأ ثم أتى المسجد فصلى ركعتين قبل الفجر ثم جلس حتى يصلي الفجر كتبت صلاته يومئذ في صلاة الأبرار وكتب في وفد الرحمن
[ Celui qui faire Wudu, li vine Masjid, li faire deux Rakaat (Sunnah) avant Fajr, et ensuite li assizé jusqua qui li faire Swalaat Fajr (Faraz), so Swalaat sa jour la etre ecrit parmi Swalaat de bans pieux, et li-meme li etre ecrit parmi bans delegués Allaah.]
(AL MU’JAM-UL-KABIIR 8/185/7766)


MEILLEUR QUI TOUS QUITECHOSES

Le prophète dire :

رَكْعَتَا الْفَجْرِ خَيْرٌ مِنَ الدُّنْيَا وَمَا فِيهَا
[ Deux Rakaat (Sunnat) Fajr meilleur qui sa Dunyaa la avec tous cequi ena la dans.]
(MUSLIM 1193)

Rapporté par Aaishah :

لَمْ يَكُنِ النَّبِيُّ صَلَّى اللَّهُ عَلَيْهِ وَسَلَّمَ عَلَى شَيْءٍ مِنَ النَّوَافِلِ أَشَدَّ مِنْهُ تَعَاهُدًا عَلَى رَكْعَتَيِ الْفَجْرِ
[ Pas ena aucun Nafil qui le prophète ti pe plus engage-li avec sa qui deux Rakaat (Sunnat) Swalaat Fajr.]
(BUKHARI 1093)

Si sa l’importance et valeur de deux Sunnat, qui l’importance et valeur sa deux Faraz la ena?


RECOMPENSE HADJ ET UMRAH

Le prophète dire :

مَنْ صَلَّى الْغَدَاةَ فِي جَمَاعَةٍ ثُمَّ قَعَدَ يَذْكُرُ اللَّهَ حَتَّى تَطْلُعَ الشَّمْسُ ثُمَّ صَلَّى رَكْعَتَيْنِ كَانَتْ لَهُ كَأَجْرِ حَجَّةٍ وَعُمْرَةٍ - تَامَّةٍ تَامَّةٍ تَامَّةٍ
[ Celui qui faire Swalaat Fajr en Jamaat, ensuite li assizé en faisant Zikrullaah jusqua qui soleil levé, et ensuite li faire deux Rakaat, li gagne recompense d’ene Hajj et Umrah – complet, complet, complet.]
(TIRMIZI 535)


ÉTENDARD D’ENE ANGE

Le Swahaabi Miitham dire :

إن الملك يغدو برايته مع أول من يغدو إلى المسجد فلا يزال بها معه حتى يرجع فيدخل بها منزله وإن الشيطان يغدو برايته إلى السوق مع أول من يغدو فلا يزال بها معه حتى يرجع فيدخلها منزله
[ Ene ange alle avec so étendard avec celui qui alle Masjid le matin en premier et li continué reste avec li avec sa étendard la jusqua qui li retourné, et alors, ange la rentre dans so lacaze avec sa étendard la. Ene Shaytwaan alle bazare avec so étendard avec celui qui alle (bazare) le matin en premier, et li continué reste avec li avec sa étendard la jusqua qui li retourné, et alors, Shaytwaan faire sa étendard la rentre dans so lacaze.]
(AS SUNNAH PAR IBN ABI AASWIM)


MEILLEUR SWALAAT

Le prophète dire :

أفضل الصلوات عند الله صلاة الصبح يوم الجمعة في جماعة
[ Meilleur Swalaat aupres d’Allaah c’est Swalaat-ul-Fajr en Jamaat le jour du Vendredi.]
(HILYAH 7/207, SS. 1566)


L’INGRATITUDE

Pas faire Swalaat Fajr c’est ene signe de l’ingratitude envers Allaah. Allaah donne nous sommeil pendant 6-8 hrs, et ensuite quand Li demande nous pour sacrifier dernier parti de sa sommeil la, nous refuse Li.

Combien dimounes souffert par pas gagne sommeil pendant la nuit, et zotte reste roule lor lilit. Toi, Allaah pe donne toi sommeil avec facilité, et la aussi to pas levé pour Fajr!


AVEC QUI FIGURE LI POUR PRESENTE DEVANT ALLAAH?

Ene dimoune bizin pensé qui pour so position si jour qui li pe quitte sa Dunyaa la, sa jour la li pas ti faire Swalaat Fajr. Avec qui figure li pour presente devant Allaah?


PRETEXTE SOMMEIL, FATIGUE OU FRAICHEUR

Sommeil ou fatigue c’est pas ene cause valable aupres d’Allaah pour qui ene personne pas levé pour Swalaat Fajr.

Ene fois le prophète ti dans ene voyage pendant la nuit lor so chameau. Avec fatigue et sommeil, trois fois li fine rate tomber, si le Swahaabi Abu Qataadah pas ti tini li par l’ordre Allaah. Finalement li fine decide pour dormi. Mais avant alle dormi li fine dire :

احْفَظُوا عَلَيْنَا صَلَاتَنَا
“Surveille nous Swalaat (attention qui nous rate Swalaat Fajr).”
(MUSLIM 1099)

Sa Hadiith la montré nous qui meme combien ene dimoune fatigué oubien pe gagne sommeil, li pas permissible qui li alle dormi le soir excepté apres qui li fine prend les precautions necessaires pour lever pour Swalaat-ul-Fajr.

Meme combien ou ti-bébé fine faire mauvais le soir, sa li pas ene pretexte.

Ena dimoune pas vine Swalaat Fajr parcequi soi-disant faire trop frais, et alors, li pas capave baigner ou faire Wudu. En verité, fraicheur aussi jamais ti ene excuse pour qui ene dimoune pas faire Swalaat-ul-Fajr dans so l’heure, parcequi Allaah fine donne nous tous qualités facilités :
acheter ene douche electric oubien ene bouilloire electric
chauffe de l’eau lor plaque-a-gaz
si ou pas ena aucun moyen pour chauffe de l’eau, et docteur fine empeche ou servi de l’eau frais, alors, faire Tayammum.


CERTAINS PRECAUTIONS AFIN QUI NOUS REUSSI LEVÉ POUR SWALAAT-UL-FAJR:

Alle dormi bonheure. Nonplus qui ou reste admire Haraam jusqua tard dans la nuit, oubien reste blaguer lor chemin jusqua tard dans la nuit, et ensuite gagne difficulté pour lever.

Rapporté par Abu Barzah :

أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يَكْرَهُ النَّوْمَ قَبْلَ الْعِشَاءِ وَالْحَدِيثَ بَعْدَهَا
[ Le messager d’Allaah pas ti content dormi avant Ishaa, et causer apres sa Swalaat la.]
(BUKHARI 535)

Alle dormi avec Niyat pour lever pour Fajr. Nonplus qui ou alle dormi avec Niyat : “Mo croire demain mo pe plonge ene coute!”

Faire Du'aa avec Allaah pour qui ou levé avec facilité.

Acheter ene Alarm clock[1].

Demande ou mama/papa pour leve ou.

Demande ou camarade pour tappe ou la fenetre quand li pour alle Masjid gramatin.

Demande ou camarade pour telephone ou.


ABU LALAA
SHABBIR
[1] Azordijour presque tous dimounes ena portable, et la dans deja ena alarm.