Tabliigh Jamaat D'apres Parole Bans Ulamaa
INTRODUCTION
Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene livret contre bans qui lor fausseté, avec titre :
"Tabliigh Jamaat" d'apres parole bans Ulamaa
Conflit entre la verité et fausseté c'est ene quitechose qui fine existé depuis tous les temps, et li pour continué existé, afin qui bans qui sincere envers Allaah, differencié-zotte de bans qui pe suivre zotte bans grands-dimounes aveuglement. Tous les temps, bans prophetes et bans bons dimounes fine refute fausseté de bans qui dans l'egarement et tous les temps bans qui lors chemin travers fine essaye justifier zotte l'egarement par bans arguments banales. Celui qui sincere et li faire so zeffort, Allaah guide li vers la verité, malgré tous sa divergences la. Et celui qui so probleme c'est l'honneur, leadership, richesse, la masse ...etc, Allaah egare li depuis le chemin droit, malgré tous connaissance qui li capave possedé. Allaah Li Celui qui ena tous connaissance, et alors dans tous cequi Li faire, ena bans sagesses qui parfois l'esprit Insaan trop faible pour comprend.
Ene parmi bans conflits qui fine ena parmi bans musulmans, c'est conflit entre "Ahl-ul-Hadiith" et bans "Tabliigh Jamaat Deobandi". Bans Tabliigh Jamaat zotte pas content cequi appelle bans "Ahl-ul-Hadiith", parcequi quand les autres bans sectes Sufi pas fine oppose zotte, bans Ulamaa parmi "Ahl-ul-Hadiith" pas fine reste tranquille lor zotte fausseté. Bans Ulamaa fine averti bans dimounes ouvertement contre zotte bans conceptions et zotte bans pratiques anti-islamiques, et zotte fine même ecrire livre contre banla.
Parmi bans livres qui fine ecrire contre bans Tabliigh, nous gagne :
نظرة عابرة اعتبارية حول الجماعة التبليغية
Nazratun Aabirah I'tibaariyyah Hawlal-Jamaa-atit-Tabliighiyyah
par Sayf-ur-Rahmaan ibn Ahmad
جماعة التبليغ في شبه القارة الهندية
Jamaa-atut-Tabliigh Fii Shib-hil-Qaarat-il-Hindiyyah
par Sayyid Twaalib-ur-Rahmaan
جماعة التبليغ عقيدتها وأفكار مشايخها
Jamaa-at-ut-Tabliigh, Aqeedatuhaa Wa Afkaaru Mashaayikhihaa
par Muhammad Aslam
السراج المنير في تنبيه جماعة التبليغ على أخطائهم
As-Siraaj-ul-Muniir Fii Tanbiih Jamaa-atit-Tabliigh Alaa Akhtwaa-ihim
par Taqiy-ud-Deen Al-Hilaali
القول البليغ في التحذير من جماعة التبليغ
Al-Qawl-ul-Baliigh Fit-Tahziir min Jamaa-at-it-Tabliigh
par Hamoud ibn Abdillaah At-Tuwayjri
القول البليغ في نصح جماعة التبليغ
Al-Qawl-ul-Baliigh Fii Nus-hi Jamaa-at-it-Tabliigh
par Usaamah Al-Qouswi
الصفات الست عند جماعة التبليغ
As-Swifaat-us-Sittu Inda Jamaa-atit-Tabliigh
par Muhammad Ali Sharqaawi
وقفات مع جماعة التبليغ
Waqafaat ma-a' Jamaa-atit-Tabliigh
par Nazaar ibn Ibraahiim Ar-Jarbou'
جماعة التبليغ مفاهيم يجب أن تصحح
Jamaa-atut-Tabliigh Mafaahiim Yajibu An Tuswah-hah
par Hassan Janaahi
اقرأ حتى لا تزيغ مع جماعة التبليغ
Iqra' Hattaa laa Taziigha Ma-a Jamaa-atit-Tabliigh
par Mousaa ibn Ali Sha'laal
حقيقة الدعوة إلى الله تعالى وما اختصت به جزيرة العرب
Haqiiqat-ut-Da'wati ilal-laahi Ta-aalaa wa Makh-tus-Swat Bihii Jaziirat-ul-Arab
par Sa'd ibn Abdir Rahmaan Al-Huswayyin.
كشف الستار عما تحمله بعض الدعوات من أخطار
Kashf-us-Sitaar Ammaa Tahmiluhou Ba'dud-Da-awaat min Akh-twaar
par Muhammad ibn Naaswir Al-Urayni.
القطبية هي الفتنة فاعرفوها
Al-Qutbiyyah Hiyal-Fitnatu Fa'rifouhaa
par Abu Ibraahiim Al-Adnaani.
الجماعات الإسلامية في ضوء الكتاب والسنة بفهم سلف الأمة
Al-Jamaa-aat-ul-Islaamiyyah Fii Daw-il-Kitaabi Wassunnati Bi Fahmi Salaf-il-Ummah
par Saliim Al-Hilaali
A Maurice aussi, sa conflit la fine toujours existe depuis naissance sa secte la. Li vrai qui au commencement, difference entre Tabliigh Jamaat et Tawheed Jamaat pas ti encore clair, et alors ena certains qui fine essaye faire croire qui Tabliigh Jamaat c'est Tawheed Jamaat même sa, excepté qui zotte engage-zotte beaucoup dans Tabliigh. Mais, Alhamdulillaah, sa role la n'est plus marché astere, parcequi a travers zeffort bans frères Tawheed, li fine vine clair qui Aqeedah de Tabliigh Jamaat li contredire Aqeedah de bans Salaf, li contredire Aqeedah de Ibn Taymiyyah, li contredire Aqeedah de Muhammad ibn Abdil Wahhaab, et li contredire Aqeedah de Sheikh Ibn Baaz, Sheikh Albaani, Sheikh Uthaymiin...et les autres.
Donc, dans sa ti-livret la, nous pour montré qui secte "Tabliigh Jamaat" zotte pas d'accord avec bans qui zotte appelle "Wahabi", et nous bans Ulamaa aussi pas d'accord avec banla. Quand bans saoudiens egarés vine cote ou comme Tabliigh Jamaat, dire zotte qui Abu Lahab et Abu Jahl aussi ti bans arabes, et ensuite donne zotte pour lire sa livret la.
ABU ABIL-ASHBAAL AL-ATHARI
TABLIIGH JAMAAT PAS D'ACCORD AVEC
BANS AHLÉ-HADIITH.
Tabliigh Jamaat – étant ene Jamaat Sufi/Doebandi – pas content bans Ahlé-Hadith. Banla pas content Ibn Taymiyyah, Muhammad Ibn Abdil Wahhaab et les autres Ulamaa encore.
Y.M.M.A de sud Afrique dire :
[ He is at great pains to forge out a basis for linking the Tabliigh Jamaat to the Wahabi sect of Arabia.]
(THE SPREADING OF CONFUSION AND FALSEHOOD PG 4)
Banla dire :
[ The allegation of Wahhabiism against the Tabliighi Jamaat is the claim of those bereft of truth and deficient in Islamic Tawheed.]
(THE SPREADING OF CONFUSION AND FALSEHOOD PG 6)
Banla pretendre qui ena ene ressemblance entre Ahlé-Hadith et bans qui pe adore Qabar; banla dire :
[ Perhaps this “striking similarity” between the wahhabis and the Qabar Pujaaris, viz., their mutual proclamations of kufr, render the latter (the Qabar Pujaaris) wahhabis!]
(THE SPREADING OF CONFUSION AND FALSEHOOD PG 4)
Sheikh-ul-Islaam de bans Deobandi – Hussayn Ahmad – dire :
اعلموا أن محمد بن عبد الوهاب ظهر أمره في أوائل القرن الثالث عشر في نجد وكانت له عقائد فاسدة ونظريات باطلة ... والحاصل أنه ظالم باغ سفاك فاسق ولذلك أبغضته العرب أشد من اليهود والنصارى
[ Connez qui Muhammad ibn Abdil Wahhaab fine aparaitre dans commencement 13ème siecle, dans Najd. Li ti ena bans Aqeedah pourri et bans fausses theories….. Donc, li ti Zwaalim (injuste), oppresseur, li fine verse beaucoup du sang et li ti ene Faasiq. C’est a cause sa meme qui bans arabes ti ena degout pour li plus qui pour bans Juifs et Chretiens.]
(ASH-SHIHAAB-UTH-THAAQIB PG 42)
Bans Deobandi dire :
إن محمد بن عبد الوهاب والوهابية من الخوارج واستباحوا قتل أهل السنة ويستحلون دماء المسلمين وأعراضهم وأموالهم
[ Muhammad ibn Abdil Wahhaab et bans Wahabi, zotte parmi bans Khawaarij. Banla fine considere sa legale pour touye bans Ahlus-Sunnah, et zotte fine (aussi) legalize du sang bans musulmans, zotte l'honneur et zotte richesse.]
(AL-MUHANNAD ALAL MUFANNAD PG 45-46)
Ene l'autre Deobandi – Anwar Shaah – dire encore :
كان محمد بن عبد الوهاب رجلا بليدا قليل العلم فكان يتسارع إلى الحكم بالكفر
[ Muhammad ibn Abdil Wahhaab ti ene personne imbecile et li ti ena tigit connaissance, et alors li ti pe pressé pour donne jugement Kufr (lor bans dimounes).]
(FAYD-UL-BAARI 1/170)
Ene Ameer Tabliigh Jamaat fine déjà dire :
[ Si mo ti ena l’autorité, mo ti pour brule bans livres de Ibn Taymiyyah, Ibnul Qayyim et Muhammad ibn Abdil Wahhaab. Mo pas ti pour quitte aucun zotte bans livres lor surface sa la terre la.]
(AL-QAWL-UL-BALIIGH PG 44)
BANS AHLÉ-HADIITH PAS D'ACCORD AVEC
TABLIIGH JAMAAT
1. Sheikh Muhammad ibn Ibraahiim.
Sheikh Muhammad ibn Ibraahiim – Mufti de l'Arabie Saoudite avant Sheikh Ibn Baaz – dire :
هذه جمعية لا خير فيها فإنها جمعية بدعة وضلالة وبقراءة الكتيبات المرفقة بخطابهم وجدناها تشتمل على الضلال والبدعة والدعوة إلى عبادة القبور والشرك , الأمر الذي لا يسع السكوت عنه ولذا فسنقوم إن شاء الله بالرد عليها بما يكشف ضلالها ويدفع باطلها
[ Sa association la pas ena du bien la dans. C'est ene association Bid-ah et l'egarement. Par lire bans livrets qui attachés avec zotte demande, nous fine trouvé qui zotte contenir l'egarement, Bid-ah, l'invitation vers Ibaadat bans Qabr et Shirk – ene quitechose qui pas capave reste tranquille lor la. A cause sa, Inshaa-Allaah, nous pour refute banla, dans ene façon qui sa pour devoile zotte l'egarement et pour refute zotte fausseté.]
(FATAAWAA 1/267)
Sa Fatwaa la c'est sa même dernier Fatwaa qui Sheikh Muhammad fine donné concernant sa secte la et li daté le 29 Muharram 1382 H.
D'apres sa parole la, nous comprend qui :
· Tabliigh Jamaat lor fausseté.
· Tabliigh Jamaat dans l'egarement et zotte pratique Bid-ah.
· Ena Shirk dans livres de Tabliigh Jamaat.
· Tabliigh Jamaat encourage pour cherche aide avec bans morts.
· Nous bizin refute bans Tabliigh Jamaat.
2. Sheikh Ibn Baaz (Mufti de L'Arabie Saoudite).
Sheikh Ibn Baaz (Mufti de L'Arabie Saoudite) dire :
جماعة التبليغ المعروفة الهندية عندهم خرافات عندهم بعض البدع والشركيات فلا يجوز الخروج معهم إلا إنسان عنده علم يخرج لينكر عليهم ويعلمهم . أما إذا خرج يتابعهم ... لا , لأن عندهم خرافات وعندهم غلط عندهم نقص في العلم
[ Tabliigh Jamaat de l'inde qui connue, chez banla ena bans superstitions, ena certains Bid-ah et Shirk, et alors pas gagne droit sorti ensemble avec zotte, excepté ene personne qui ena connaissance et li sorti pour dessaprouve cequi banla faire et pour enseigne zotte. Quant-a, si li sorti avec zotte pour suivre zotte, sa non, parcequi chez banla ena bans superstitions, zotte ena bans erreurs et ena déficience dans (zotte) connaissance.]
(AN-NASR-UL-AZIIZ PG 173)
Sa Fatwaa la c'est Fatwaa qui Sheikh Ibn Baaz ti donné l'anné 1416 H, a Makkah, et ena li lor rouleau. Basant lor la, nous trouve qui Sheikh Ibn Baaz fine change so Fatwaa qui li ti donné concernant banla le 17/08/1407 H, dans lequel li pas ti oppose Tabliigh Jamaat.
D'apres sa parole la, nous comprend qui :
· Tabliigh Jamaat ena Shirk dans zotte Aqeedah, tel comme Aqeedah de Wahdat-ul-Wujoud
· Tabliigh Jamaat pratique Bid-ah, tel comme adopté rêve de zotte fondateur comme la façon qui bizin faire Da'wah.
· Tabliigh Jamaat pas donne l'importance a connaissance de Deen. Zotte probleme c'est juste raconte zistoires et recite livre Fazaa-il-é-A'maal.
· Pas gagne droit sorti avec Tabliigh Jamaat, parcequi li pas permissible qui nous marche avec bans qui dans l'egarement.
· Bans qui ena connaissance bizin refute Tabliigh Jamaat.
3. Sheikh Uthaymiin.
Sheikh Uthaymiin dire :
بلغني عن زعماء لهؤلاء الجماعة في الأقطار الإسلامية خارج بلادنا أنهم على انحراف في العقيدة فإذا صح هذا فإن الواجب الحذر منهم
[ Banla fine informe moi qui certains chefs de sa Jamaat la, dans bans pays musulmans, en dehors nous pays, fine devié concernant zotte Aqeedah. Si sa vrai, obligé prend precaution contre banla.]
(AS-SWAHWAH PG 272)
Cequi banla fine informe Sheikh Uthaymiin, pas ena doute qui li vrai et alors obligé mefié sa Jamaat la, attention Aqeedah alle gaté avec zotte bans fausses zistoires.
4. Sheikh Albaani.
Sheikh Albaani dire :
جماعة التبليغ لا تقوم على منهج كتاب الله وسنة رسوله عليه السلام وما كان عليه سلفنا الصالح وإذا كان الأمر كذلك فلا يجوز الخروج معهم لأنه ينافي منهجنا في تبنينا لمنهج السلف الصالح ... فدعوة جماعة التبليغ صوفية عصرية تدعو إلى الأخلاق . أما إصلاح عقائد المجتمع فهم لا يحركون ساكنا لأن هذا بزعمهم يفرق ... فجماعة التبليغ ليس لهم منهج علمي وإنما منهجهم حسب المكان الذي يوجدون فيه فهم يتلونون بكل لون
[ Tabliigh Jamaat, li pas deboute lor Manhaj (methodologie) du livre Allaah, Sunnah de So messager et cequi nous bans Salaf pieux ti lor la. Alors, si le cas li coumesa, pas gagne droit sorti ensemble avec banla, parcequi sa li a l'encontre de nous Manhaj, en cequi concerne nous adhesion a Manhaj de bans Salaf pieux.... Da'wah de Tabliigh Jamaat li ene Da'wah Sufi moderne qui invite vers bonne maniere. Quant-a corrige Aqeedah de la societé, sa zotte reste immobile, parcequi sa – d'apres zotte pretention – li amene division... Tabliigh Jamaat, zotte pas ena ene Manhaj basé lor connaissance, zotte Manhaj c'est d'apres place cotte zotte été, et alors zotte change tous qualités couleurs.]
(FATAAWAL-IMAARAATIYYAH PG Pg 54-55)
D'apres sa parole la, nous comprend qui :
· Si nous d'accord qui suivre bans Salaf c'est sa même la verité, nous pas gagne droit marche avec Tabliigh Jamaat parcequi banla pe suivre Muhammad Ilyaas et nonplus bans Salaf.
· Tabliigh Jamaat c'est ene secte Sufi.
· Tabliigh Jamaat pas corrige Aqeedah de bans dimounes. Zotte probleme c'est qui bans dimounes bizin sorti ensemble avec zotte, même qui banla pe encore adore Qabr.
· Pour gagne dimounes, dans differents places, Tabliigh Jamaat amene differents roles.
Sheikh Albaani dire :
والخروج الذي يخرجونه ويحددونه بثلاثة أيام أو أربعين لم يكن من فعل السلف بل ولا من فعل الخلف
[ Sa sortie qui banla sorti la, et qui zotte limite li a 3 jours ou 40 jours, sa li pas ti dans façon de faire de bans Salaf, et même pas dans façon de faire de bans Khalaf.]
(FATAAWAL-IMAARAATIYYAH PG 38)
D'apres sa parole la, nous comprend qui :
· Sorti 3 jours oubien 40 jours, sa jamais ti existe parmi bans musulmans. C'est seulement après qui Muhammad Ilyaas fine invente sa – d'apres so rêve – qui sa fine vine ene principe de Tabliigh Jamaat.
5. Sheikh Abdur Razzaaq ibn Afiifi.
Sheikh Abdur Razzaaq ibn Afiifi – vice president du comité Fatawaa de l'Arabie Saoudite – dire :
الواقع أنهم مبتدعة مخرفون وأصحاب طرق قادرية وغيرهم وخروجهم ليس في سبيل الله ولكنه في سبيل إلياس , هم لا يدعون إلى الكتاب والسنة ولكن يدعون إلى إلياس ... وأنا أعرف التبليغ من زمان قديم وهم مبتدعة في أي مكان كانوا
[ En realité, (Tabliigh Jamaat) zotte bans Bidati, bans qui zotte l'esprits fine affaiblit (en croyant dans bans superstitions) et zotte suivre Twariiqah Qaadiriyyah et les autres Twariiqah. Sortie qui zotte sorti c'est pas dans le chemin d'Allaah, mais c'est dans chemin Muhammad Ilyaas. Banla pas invite vers Qur-aan et Sunnah, mais zotte invite vers Ilyaas...... Mo conne bans Tabliigh depuis bien avant, banla c'est bans Bidati n'importe cote sa zotte été.]
(FATAAWAA WA RASAA-IL 1/174)
D'apres sa parole la, nous comprend qui :
· Tabliigh Jamaat c'est bans Bidati, parcequi zotte pas pe suivre cequi ena dans Qur-aan et Hadiith, mais zotte suivre juste cequi Muhammad Ilyaas et so l'equipe Deobandi dire.
· Tabliigh Jamaat c'est bans Sufi, et zotte faire zotte bans disciples faire Bay-ah lor differents Twariiqah.
6. Sheikh Swaalih Al-Fawzaan.
Sheikh Swaalih Al-Fawzaan dire :
جماعة التبليغ كتب عنهم من ذهبوا معهم ودارسوهم وكتبوا عنهم الكثير وشخصوا الأخطاء التي عندهم
[ Tabliigh Jamaat, bans qui fine sorti ensemble avec banla, zotte fine ecrire concernant banla. Zotte fine etudié banla, et zotte fine ecrire beaucoup concernant banla, et zotte fine revele bans erreurs qui ena cote banla.]
(AL-AJWIBAAT-UL-MUFIIDAH PG 14)
Sheikh Swaalih Al-Fawzaan dire :
يجب علينا أن ندعوهم إلى الله وأن نبين أخطاءهم وأن ندعوهم إلى كتاب الله وسنة رسوله وما كان عليه السلف الصالح لأن هذا واجب علينا أما أن ننضم إليهم ونخرج معهم ونمشي على تخطيطهم ونحن نعلم بأنهم على تخطيط غير صحيح فهذا لا يجوز لأنه ولاء لغير الجماعة المتمسكة بما كان عليه الرسول وأصحابه
[ Li obligatoire lor nous qui nous invite banla vers Allaah, nous montré zotte, zotte erreurs, et nous invite banla vers le livre d'Allaah, Sunnah de So messager et cequi bans Salaf pieux ti lor la, parcequi sa li obligatoire lor nous. Mais annexé-nous a banla, sorti ensemble avec banla et marche lor zotte planification, malgré qui nous conné qui banla lor ene planification qui pas correct, sa li pas permissible, parcequi sa (appelle) ou pe allié-ou a ene Jamaat autre qui Jamaat qui pe tini ferme lor cequi le messager et So compagnons ti lor la.]
(AL-MUNTAQAA 1/376/220)
D'apres sa parole la, nous comprend qui :
· Tabliigh Jamaat dans l'egarement et alors nous obligé invite banla pour suivre Qur-aan et Hadiith et nonplus bans Ulamaa Deobandi.
· Nous pas gagne droit annexé-nous a Tabliigh Jamaat et participe dans zotte bans activités.
· Celui qui marche avec Tabliigh Jamaat, en verité li pe oppose Jamaat de la verité qui fine existe depuis l'epoque du prophete.
Sheikh Swaalih Al-Fawzaan dire :
الخروج في سبيل الله ليس هو الخروج الذي يعنونه الآن . الخروج في سبيل الله هو الخروج للغزو . أما ما يسمونه الآن بالخروج فهذا بدعة لم يرد عن السلف
[ Sorti dans chemin Allaah c'est pas sa sortie qui banla 'mean' actuellement. Sorti dans chemin Allaah c'est sorti pour alle la guerre (dans Jihaad). Quant-a cequi banla appelle "sortie" actuellement, c'est ene Bid-ah qui pas fine rapporté de bans Salaf.]
(MAJALLAT-UD-DA'WAH NO. 1567 PG 46)
D'apres sa parole la, nous comprend qui :
· Bans Aayat Qur-aan et Hadiith qui cause concernant sorti pour alle faire Jihaad, Tabliigh Jamaat applique sa lor sorti 3 jours ou 40 jours qui Muhammad Ilyaas fine inventé basant lor so rêve.
· Façon qui Tabliigh Jamaat faire Da'wah c'est ene façon qui contredire façon de faire de bans Salaf, et alors li ene Bid-ah.
7. Sheikh Swaalih Al-Luhaydaan.
Sheikh Swaalih Al-Luhaydaan dire :
لا , الإخوان وجماعة التبليغ ليسوا من أهل المناهج الصحيحة
[ Non, Ikhwaan-ul-Muslimeen et Tabliigh Jamaat, zotte pas bans qui lor Manhaj correct.]
(FATAAWAL-ULAMAA FIL JAMAA-AAT WA ATHARIHAA)
D'apres sa parole la, nous comprend qui :
· Tabliigh Jamaat so façon faire Da'wah li pas repose lor ene methodologie correct, parcequi banla fine adopté ene quitechose qui fine vine en existence dans 14ème siecle, et sa aussi a travers rêve de Muhammad Ilyaas.
8. Sheikh Abdullaah Al-Ghudayyaan.
Sheikh Abdullaah Al-Ghudayyaan – membre du comité Fatwaa de l'Arabie Saoudite – dire concernant marche avec Tabliigh Jamaat pour faire "Gush" avec zotte :
لا تمش معهم إنما تمشي مع كتاب الله وسنة رسوله
[ Pas marche avec banla. To marche seulement avec le livre d'Allaah et Sunnah de So messager.]
(FATAAWAL-ULAMAA FIL JAMAA-AAT WA ATHARIHAA)
D'apres sa parole la, nous comprend qui :
· Nous pas gagne droit supporte Tabliigh Jamaat dans n'importe qui façon, parcequi banla pas la partie qui lor la verité.
9. Sheikh Abdul Muhsin Al-Abbaad.
Sheikh Abdul Muhsin Al-Abbaad – Muhaddith de Madiinah – dire :
أما جماعة التبليغ فعندهم أمور منكرة . أولا هي منهج محدث وخرج من دلهي ما خرج من مكة ولا من المدينة ... وهم في العقيدة منحرفون وفي الطريقة منحرفون
[ Quant-a Tabliigh Jamaat, ena bans quitechoses desavoués chez banla. Premièrement li ene Manhaj innové qui sorti depuis Delhi. Li pas fine sorti ni depuis Makkah et ni depuis Madiinah...... Banla deviés dans Aqeedah et zotte deviés dans (zotte) Twariiqah (aussi).]
(FATAAWAL-ULAMAA FIL JAMAA-AAT WA ATHARIHAA)
D'apres sa parole la, nous comprend qui :
· Tabliigh Jamaat pas lor le chemin droit.
· Tabliigh Jamaat c'est ene secte qui so façon de faire Da'wah repose lor innovation (reve) de Muhammad Ilyaas.
10. Sheikh Abdul Aziiz Ar-Raajihi.
Sheikh Abdul Aziiz Ar-Raajihi dire :
جماعة التبليغ معروف أنهم صوفية ولا ننصح بالخروج معهم لأنهم لا يدعون إلى التوحيد ولا يأمرون بالمعروف ولا ينهون عن المنكر
[ Tabliigh Jamaat, li connu qui banla bans Sufi. Alors, nous pas conseille (quicaine) sorti ensemble avec banla, parcequi banla pas invite vers Tawheed, zotte pas ordonne le bien et zotte pas empeche le mal.]
(FATAAWAL-ULAMAA FIL JAMAA-AAT WA ATHARIHAA)
D'apres sa parole la, nous comprend qui :
· Faudrait pas sorti ensemble avec Tabliigh Jamaat.
· Tabliigh Jamaat pas invite vers Tawheed, mais zotte invite vers Fazaa-ilé-A'maal – ene livre qui rempli avec Shirk.
· Tabliigh Jamaat pas invite vers le bien ou empeche le mal. Zotte probleme c'est qui dimounes sorti avec zotte, même si banla zotte Aqeedah encore pourri.
· Tabliigh Jamaat pas empeche le mal et alors zotte pas d'accord avec la lutte qui bizin amené contre Twaaghout et fausseté.
11. Sheikh Muqbil Al-Waadi-i.
Sheikh Muqbil Al-Waadi-i dire :
فقد كثرت الرسائل في الرد عليهم منها رسالة لأخينا في الله فالح ورسالة لأخينا في الله محمد أسلم فأنصح بقراءة هاتين الرسالتين وليس لدي شك بأن منهج الجماعة مبتدع وإن كان يوجد في الأتباع رجال صالحون
[ Fine ena beaucoup livres fine ecrire pour refute banla. Parmi, c'est livre de nous frère a cause Allaah, Faalih, et livre de nous frère a cause Allaah, Muhammad Aslam. Mo conseille lire sa deux livres la, et mo pas ena aucun doute qui Manhaj de sa Jamaat la li ene Manhaj innové, même qui ena bans bons dimounes parmi zotte bans suiveurs.]
(AL-MAKHRAJ MINAL FITNAH PG 108)
D'apres sa parole la, nous comprend qui :
· Façon de faire de Tabliigh Jamaat c'est ene innovation qui fine vine en existence a travers rêve de Muhammad Ilyaas, et alors, nous pas gagne droit abandonne methodologie de bans Swahaabah pour adopter sa Bid-ah la.
12. Sheikh Rabii' Al-Madkhali.
Sheikh Rabii' dire :
ولا شك أن الاختلاف بين السلفيين أهل السنة والتوحيد وبين جماعة التبليغ اختلاف شديد وعميق في العقيدة والمنهج
[ Pas ena doute qui desaccord entre bans Salafi – Ahlus-Sunnati Wat-Tawhiid – et Tabliigh Jamaat, li ene dessacord intense et profond dans Aqeedah et Manhaj.]
(AQWAALU AHLIS-SUNNAH)
D'apres sa parole la, nous comprend qui :
· Nous – bans Salafi/Ahl-ut-Tawheed – nous pas pareille couma bans Tabliigh Jamaat. Aqeedah et Manhaj de Tabliigh Jamaat li pas en correspondance avec cequi bans Salaf ti lor la, parcequi zotte Aqeedah li Sufi et façon qui zotte faire Tabliigh c'est ene innovation de Muhammad Ilyaas.
Sheikh Rabii' Al-Madkhali dire :
والقول بأنه لا يجوز تصنيفهم في الفرق المبتدعة لا يتمشى مع منهج السلف ولا يتمشى مع عقل ولا شرع وإنكار للحقائق الواضحة كالشمس ثم هم في الفقه أهل رأي وتعصب يردون مئات الأحاديث الصحيحة في عشرات الأبواب الفقهية
[ L'opinion qui dire qui pas gagne droit considere banla (bans Tabliigh Jamaat) parmi bans sectes Bid-ati, ni li en accordance avec Manhaj de bans Salaf, et ni li en accordance avec la logique et la loi, et sa l'opinion la li ene refus de bans realités claires couma soleil. Ensuite, banla dans Fiqh, zotte suivre l'opinion (bans Ulamaa) et zotte fanatique, zotte rejete centaines Hadiith authentiques dans dizaines chapitres de Fiqh.]
(JAMAA-ATUN WAAHIDAH PG 57)
D'apres sa parole la, nous comprend qui :
· Obligé considere Tabliigh Jamaat parmi bans sectes qui dans l'egarement.
· Tabliigh Jamaat – en tant que bans Hanafi fanatiques – zotte rejete plusieurs Hadiith authentiques, tel comme Raf-ul-Yadayn dans Swalaat.
13. Sheikh Ubayd Al-Jaabiri.
Sheikh Ubayd Al-Jaabiri dire :
جماعة التبليغ صوفية مقنعة
[ Tabliigh Jamaat c'est (ene secte) Sufi masqué.]
(FATAAWAL-ULAMAA FIL JAMAA-AAT WA ATHARIHAA)
D'apres sa parole la, nous comprend qui :
· Au commencement Tabliigh Jamaat pas montré so Aqeedah pourri a bans dimounes. C'est après qui zotte fine fini gagne l'esprit de zotte bans suiveurs qui zotte enseigne banla le Sufism et zotte ordonne banla pour faire Bay-ah.
14. Sheikh Ahmad Yahyaa An-Najmii.
Sheikh Ahmad Yahyaa An-Najmii dire :
إنهم يبغضون دعاة التوحيد الذين يسمونهم بالوهابية كابن تيمية وابن القيم وابن عبد الوهاب , وهذا يدل على انحرافهم وخبثهم
[ Banla ena degout pour bans Daai qui invite vers Tawheed – bans qui zotte appelle "Wahabi", tel comme Ibn Taymiyyah, Ibnul Qayyim et Ibn Abdil Wahhaab, et sa prouvé qui zotte fine devié et ena mauvais dans zotte.]
(AL-MAWRID-UL-AZB PG 87)
D'apres sa parole la, nous comprend qui :
· Tabliigh Jamaat pas content Ibn Taymiyyah et Muhammad ibn Abdil Wahhaab parcequi banla pas d'accord avec nous Aqeedah.
15. Sheikh Saliim Al-Hilaali.
Sheikh Saliim Al-Hilaali – zeleve de Sheikh Albaani – dire :
وليتذكر التبليغييون أن الدعوة إلى الإسلام بغير علم يضر الإسلام أكثر مما يجلب له نفعا ... ومن شرورهم على السنة المطهرة أن أذاعوا بين الناس الأحاديث الضعيفة والموضوعة وأشاعوا الأحاديث التي لا أصل لها
[ Qui bans Tabliigh rappele qui Da'wah vers l'Islaam sans connaissance, li apporte du tort a l'Islaam plus qui li apporte li benefice.... Parmi zotte du tort lor Sunnah qui pure, c'est qui banla fine propage bans Hadiith faibles et fabriqués parmi bans dimounes, et zotte fine repandre bans Hadiith qui pas ena aucun source.]
(AL-JAMAA-AAT-UL-ISLAAMIYYAH PG 373– 374)
D'apres sa parole la, nous comprend qui :
· Tabliigh Jamaat pe apporte plus beaucoup du tort a l'Islaam qui benefice
· Tabliigh Jamaat pe propage beaucoup recits fausses et fabriqués.
16. Sheikh Hamoud At-Tuwayjri.
Sheikh Hamoud At-Tuwayjri dire :
التبليغيون مبنى ديانتهم الجهل والإيمان بالخرافات والحكايات والإكثار منها وحب الجهل والجهلاء وترجيح جهلائهم على علماء المسلمين ومحاربة العلم والعلماء
[ Bans Tabliigh, base de zotte religion c'est l'ignorance, croyance dans bans superstitions et bans recits (zistoires), et raconte sa beaucoup, et (aussi) content l'ignorance et bans Jaahil et donne preference a zotte bans Jaahil lor Ulamaa bans musulmans, et (aussi) combattre la connaissance et bans Ulamaa.]
(AL-QAWL-UL-BALIIGH PG 22)
D'apres sa parole la, nous comprend qui :
· Tabliigh Jamaat raconte zistoires.
· Tabliigh Jamaat considere zotte-même meilleur qui bans Ulamaa, parcequi soi-disant c'est zotte qui pe faire plus grand travail.
17. Sheikh Mustwafaa Al-Adawi.
Sheikh Mustwafaa Al-Adawi dire :
وجماعة التبليغ فهي منبثقة عنهم وتدعو في نهاية أمرها إلى التصوف الصريح وقد أكثرت هذه الطوائف من الكذب على رسول الله من حيث لا يشعرون ولبست على المسلمين أمر دينهم بل ونصبوا العداء لمن أراد أن يتفقه في الدين
[ Tabliigh Jamaat fine prend so source depuis banla (bans Sufi), et a la fin, li invite vers Taswawwuf (le sufism) au clair. Sa bans sectes la fine cause beaucoup menti lor le messager d'Allaah sans qui zotte conner, zotte fine mette bans musulmans dans confusion concernant zotte Deen, et zotte fine même declare le degout pour bans qui oulé etudié Deen.]
(AS-ILAH WA-AJWIBAH PG 60)
D'apres sa parole la, nous comprend qui :
· Tabliigh Jamaat attribué mensonges au prophete par propage bans Hadiith qui pas authentiques.
· Tabliigh Jamaat zotte probleme c'est sorti alle faire picnic dans Masjid. Apprendre Deen, sa c'est pas zotte domaine.
18. Sheikh Swaalih ibn Abdillaah Al-Aboud.
Sheikh Swaalih ibn Abdillaah Al-Aboud – directeur l'université Madiinah – dire :
وإن في كل من منهجي جماعة التبليغ والإخوان المسلمين من المخالفات لمنهج رسول الله أمورا خطيرة لمن تدبر وأنصف وسبر عن علم وبصيرة سواء في العقيدة والتوحيد أو في السلوك والهدي
[ Dans Manhaj de Tabliigh Jamaat et Ikhwaan-ul-Muslimeen, dans les deux, ena bans quitechoses qui contredire Manhaj du messager d'Allaah, bans quitechoses dangereux et clairs, pour celui qui reflechit, li faire la justice et li exploré, avec connaissance, quoique ce soit dans Aqeedah Tawheed et dans maniere d'agir.]
(HAQIIQAT-UD-DA'WAH PG 18)
D'apres sa parole la, nous comprend qui :
· Tabliigh Jamaat li represente ene danger pour bans qui oulé suivre le prophete Muhammad .
· Tabliigh Jamaat li different de nous, quoique ce soit dans Aqeedah, dans façon faire Da'wah, dans façon faire Ibaadat et aussi dans la purification spirituelle.
19. Sheikh Swaalih As-Suhaymi.
Sheikh Swaalih As-Suhaymi dire :
صوفية نقشبندية سهروردية قادرية جشتية تنتهي بأصحابها إلى البيعة على هذه الطريقة الرباعية وتحريف نصوص القرآن والسنة ... ناهيك عما لديها من بدع أخرى وجهل مطبق بأبسط قواعد الإسلام والتنفير من العقيدة وأهلها والتحذير من العلم والعلماء
[ C'est ene secte Sufi – Naqshabandi, Suhrawardiyyi, Qaadiri, Chisti – qui amene so bans adherents pour faire Bay-ah lor sa quatre Twariiqah la, et pour falsifier les textes de Qur-aan et Sunnah..... sans bizin dire toi bans Bid-ah qui ena cote banla, l'ignorance concernant les principles plus simples de l'Islaam, faire dimounes eloigner de Aqeedah et so bans porteurs et averti bans dimounes contre la connaissance et bans Ulamaa.]
(HAQIIQAT-UD-DA'WAH 20)
D'apres sa parole la, nous comprend qui :
· Tabliigh Jamaat falsifié Aayat Qur-aan et Hadiith pour justifier innovation de zotte Amiir.
· Tabliigh Jamaat faire so bans suiveurs faire Bay-ah lor Twariiqah bans Sufi.
· Tabliigh Jamaat commettre beaucoup Bid-ah.
· Tabliigh Jamaat pas invite vers la connaissance, mais banla invite dimounes pour juste sorti avec zotte.
· Tabliigh Jamaat pas d'accord pour cause concernant Aqeedah avec pretexte qui sa amene division parmi bans musulmans.
20. Sheikh Taqiyyid-ud-Deen Al-Hilaali.
Sheikh Taqiyyid-ud-Deen dire :
ووضعوا لدعوتهم أركانا ستة مدارها على السياحة فهي الركن الأساسي عندهم ... فمن قبلها واشتغل بها أحبوه وأكرموه وغفروا له ذنوبه وتقصيره وضلاله وبدعته . ومن خالفهم فيها لم يقبلوا منه شيئا وإن كان مؤديا لجميع الواجبات قائما بالفرائض والسنن متبعا لأقوم السنن فهي خلاصة دينهم عليها يوالون أو يعادون ويحبون أو يبغضون
[ Banla fine invente six piliers pour zotte Da'wah et qui sa repose lor le tourisme (voyage depuis ene l'endroit pour alle faire Tabliigh dans ene l'autre l'endroit). Sa c'est le pilier fondamentale chez banla…. Celui qui accepté sa et li engage-li ladans, banla content li, zotte honore li et zotte pardonne li so bans pechés, so manquement, so l'egarement et so Bid-ah. Celui qui oppose zotte concernant sa (c.a.d. li pas d'accord pour sorti), banla pas accepté narien de li, même si li pe accomplir so bans obligations, li pe deboute avec bans Faraz et bans Sunnah et qui li pe suivre Sunnah le plus droit. Sa c'est resumé de zotte Deen. C'est basant lor la qui zotte prend quicaine comme allié ou comme ennemi, oubien zotte content quicaine ou zotte degoute li.]
(AS-SIRAAJ-UL-MUNIIR PG 1)
D'apres sa parole la, nous comprend qui :
· Si ou sorti ensemble avec bans Tabliigh Jamaat, banla pour content ou, même si ou pas ferme lor l'obeissance Allaah. Si ou pas d'accord pour sorti avec zotte, plus mauvais qui ou pas pour ena personne.
21. Sheikh Shams-ud-Diin ibn Muhammad.
L'afghan Shams-ud-Diin ibn Muhammad dire :
فجماعة التبليغ كما أنهم ديوبندية أقحاح كذلك ماتريدية أجلاد ويحملون أفكارا صوفية خطيرة وبدعا قبورية كثيرة
[ Tabliigh Jamaat, couma zotte bans pure Deobandi, coumesa même zotte bans Maaturiidi ferme. Zotte ena bans ideologies Sufi dangereux et beaucoup Bid-ah qui attachés avec Qabr.]
(AL-MAATURIIDIYYAH 3/303)
D'apres sa parole la, nous comprend qui :
· Tabliigh Jamaat c'est ene secte Deobandi et zotte Aqeedah concernant Allaah c'est Aqeedah pourri de Al-Maaturiidi.
22. Sheikh Sayf-ur-Rahmaan Ad-Dahlawi.
Sheikh Sayf-ur-Rahmaan Ad-Dahlawi dire :
وفي التبليغ الجماعي يقولون إنه الجهاد الأكبر ويكرهون كل دعوة لا تقوم على نمطهم هذا ويمنعون الناس عن الدعوة إلى الله وإلى كتابه وسنة رسوله في حلقتهم الخاصة
[ Concernant (sorti pour) faire Tabliigh en Jamaat, banla dire qui c'est sa même le plus grand Jihaad. Banla ena degout pour n'importe qui Da'wah qui pas dans zotte façon, et zotte empeche dimounes pour faire Da'wah vers Allaah, vers Sunnah de So messager dans zotte bans cercles privées.]
(NAZRATUN AABIRAH I'TIBAARIYYAH PG 43)
D'apres sa parole la, nous comprend qui :
· Tabliigh Jamaat considere zotte-même comme bans qui pe faire plus grand travail et zotte pas realisé qui zotte empeche bans dimounes pour suivre Qur-aan et Hadiith.
23. Sheikh Muhammad ibn Haadi Al-Madkhali.
Sheikh Muhammad ibn Haadi Al-Madkhali dire concernant Tabliigh Jamaat :
فهؤلاء الخرافيون القبوريون ... يجوز لي أن أواليهم ؟ لا يجوز لك في حال من الأحوال لأنهم من أولياء الشيطان . يجب بيان حالهم وكشف أمرهم ... ومن أحب أهل ديوبند النقشبندية السهروردية الجشتية القادرية الأشعرية الماتريدية , من والاهم على ما هم عليه فإنه مخدوش الإيمان ناقص الإيمان
[ Sa bans superstitieux et bans qui venere Qabr la...... est-ce qui mo gagne droit allié-moi avec banla...... Non, to pas gagne droit faire sa dans aucun cirsconstance, parcequi banla c'est bans alliés de Shaytwaan. Obligé mette zotte l'etat au clair et devoile zotte.... Celui qui fine content bans Deobandi – Naqshabandi, Suhrawardi, Chishti, Qaadiri, Ash-ari et Maaturidi – celui qui allié-li avec banla, lor cequi banla été, so Imaan fine egratigné et so Imaan incomplet.]
(FATAAWAL-ULAMAA FIL JAMAA-AAT WA ATHARIHAA)
D'apres sa parole la, nous comprend qui :
· Bans chefs de Tabliigh Jamaat enseigne pour alle medité cote Qabr pour profiter avec Fayz de bans morts.
· Tabliigh Jamaat c'est bans Sufi qui enseigne faire Bay-ah lor Twariiqah Naqshabandi, Suhrawardi, Chishti, et Qaadiri.
· Tabliigh Jamaat so Aqeedah concernant les noms et les attributs d'Allaah, c'est Aqeedah Ash-ariyyah et Maaturidiyyah.
· Tabliigh Jamaat fine quitte le chemin d'Allaah et zotte pe suivre le chemin de Shaytwaan
· Nous obligé averti bans dimounes contre Aqeedah pourri de Tabliigh Jamaat, tel comme Aqeedah Wahdat-ul-Wujoud et qui Khidr encore vivant.
· Quand nous fine gagne preuve claire qui Tabliigh Jamaat so Aqeedah pas correcte, nous pas gagne droit reste avec banla, supporte banla, marche avec banla, laisse-zotte causer dans nous Masjid et defendre banla.
· Celui qui so Imaan fort, c'est juste li qui pour capave prend ene stand ferme contre banla, pour supporte la verité et refute fausseté.
· Celui qui après qui li fine conné qui livre de Tabliigh Jamaat contenir Shirk et Bid-ah, et malgré sa li continué marche avec banla, pas ena doute qui so Imaan malade.
24. Sheikh Ali Ridwaa.
Sheikh Ali Ridwaa dire :
وهنا أقف لأتابع الحوار مع هذا المنافح عن جماعة التبليغ ... كيف يفرح بإسلام أناس خرجوا من الكفر ووقعوا في الشرك والبدع والخرافات والضلالات بما لا يعلمه إلا الله
[ Mo arrete ici pour continuer (mo) dialogue avec sa personne qui pe defendre Tabliigh Jamaat la ..... Couma capave content avec Islaam de certaines personnes qui fine sorti depuis Kufr et zotte fine tombe dans Shirk, Bid-ah, superstitions et l'egarements qui personne pas conné excepté Allaah.]
(AL-MABAAHITH-UL- ILMIYYAH PG 7)
D'apres sa parole la, nous comprend qui :
· Li vrai qui certaines personnes fine accepté l'Islaam a travers zeffort de Tabliigh Jamaat. Mais sa pas veut dire qui zotte lor la verité, parcequi zotte pe tire dimounes depuis Kufr pour faire zotte tombe dans Shirk.
25. Sheikh Muhammad ibn Jamiil Ziinou.
Sheikh Muhammad ibn Jamiil Ziinou dire :
نصيحتي لهم أن يتقيدوا في دعوتهم بما جاء في الكتاب والسنة الصحيحة وأن يتعلموا القرآن والتفسير والحديث حتى تكون دعوتهم على علم
[ Conseil qui mo donne banla c'est qui dans zotte Da'wah, zotte bizin contente-zotte avec cequi fine faire mention dans Qur-aan et Hadiith authentique, et qui zotte bizin apprendre Qur-aan, Tafsiir et Hadiith afin qui zotte Da'wah repose lor connaissance.]
(KAYFAH-TADAYHU)
CONCLUSION
Après qui ou fine lire sa livret la, ou qui pe cherche la verité, pas necessaire faire encore commentaire pour ou comprend qui bizin ou stand vis-à-vis sa secte la. Rappele qui ou appartenance a n'importe qui groupe, soit li pour dirige ou vers Jannat oubien li pour dirige ou vers l'enfer. Tous Jamaat meme bizin ena certains bons travails qui zotte pe faire, mais nous probleme c'est pas sa. Nous probleme c'est : Qui sa partie qui le prophete fine predire qui li pour lor la verité? Est-ce qui Tabliigh Jamaat li sa partie la? Quand nous fine gagne preuve claire qui livre Tabliigh Jamaat contenir Kufr, Shirk, Bid-ah et les autres bans faussetés, couma est-ce qui nous capave continué reste avec banla et defendre banla?
Donc, sa livret la c'est simplement ene zeffort pour qui nous identifié bans qui dans fausseté afin qui nous abandonne banla et nous unir lor la verité. C'est sa nous l'objectif et nous l'espoir. Si nous pas faire aucun zeffort pour qui bans musulmans quitte fausseté pour unir lor la verité, nous bizin arrête declare nous comme bans qui pe souhaite le bien pour Ummat-Muhammad (swallallaahu alayhi wasallam). Connez qui si nous pas fine reussi unir ici, pour ena ene jour cote Allaah pour rassemblé tous dimounes, et sa jour la nous pour conné surement qui sanla ti lor la verité,
Bans salafi oubien bans Deobandi???
أقول قولي هذا وأستغفر الله لي ولكم
وصلى الله على نبينا محمد وعلى آله وصحبه أجمعين
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لَا إِلَهَ إِلَّا أَنْتَ أَسْتَغْفِرُكَ وَأَتُوبُ إِلَيْكَ
Subscribe to:
Post Comments (Atom)
No comments:
Post a Comment