9. LEÇONS POUR BANS ZENFANTS. دروس للصغار - Fiqh pour bans zenfants Madrassah 1

Fiqh pour bans zenfants Madrassah 1

INTRODUCTION

Nous glorifié Allaah, nous demande Li So aide, So pardon et So protection, et nous remercié Li pour faveur qui Li pé faire lor nous qui nous pé reussi prepare ene livret lor Fiqh pour Madrassah Al-Hudaa Wan-Nour.

Sa livre là li ene travail simple et facile parcequi c’est ene resumé de cequi nous deduire depuis plusieurs Hadiith. Et a cause qui sa travail là c’est ene resumé, nous pas fine faire mention de bans preuves; nous fine plutot prepare li comme ene guide pour bans zenfants Madrassah. Celui qui interessé avec bans preuves, li capave contacter nous. Nous faire ressortir qui nous fine prend compte l’authenticité de bans Hadiith dans preparation sa travail la.

Dans sa livre la, nous fine traitre 2 chapitres dans sujet Fiqh : Twahaarah et Swalaat.

Nous fine prepare li dans ene niveau zenfant dans le sens qui nous pas fine faire mention de certains Masaa-il qui normalement nous apprendre dans sa bans chapitres la. Donc, livre la li bon pour bans zenfants, et meme bans adultes capave profiter avec li excepté qui li incomplet pour dans adultes.

Cequi important a faire ressortir encore c’est qui nous conscients qui dans Fiqh ena divergence, et alors, possiblement nous fine faire certains erreurs. Mais sa pas empeche qui ou profiter avec sa livre la, surtout qui possiblement erreur la vine de ou part meme pour ene manque de connaissance. Nous supplié n’importe qui sanla qui fine trouvé qui nous fine contredire kit Aayat Qur-aan oubien kit Hadiith dans sa livre la, qui li contacté nous afin qui nous corrige nous erreurs.

Nous demande Allaah qui Li recompense nous tous qui fine contribué pour prepare sa travail là jusqu’a dans sa forme là, et qui Li faire nous bans frères et soeurs musulmans profité avec sa livre là.

ABU LAYLAA
SHABBIR
(263-9375)
Friday, December 01, 2006
‏الجمعة‏، 11‏ ذو القعدة‏، 1427


CHAPITRE 1 كتاب الطهارة

QUI VEUT DIRE TWAHAARAH?

Dans la langue arabe, Twahaarah veut dire la propreté.

Dans Sharii’ah, Twahaarah c’est l’enlevement de 2 quitechoses : (1) Al-Hadath الحدث
(2) Al-Khabath الخـبث

q Al-Hadath الحدث
Al-Hadath c’est l’etat dans lequel ene personne été apres qui li fine faire certains actions, qui sa l’etat la empeche li faire Swalaat, excepté apres qui li fine nettoye li par Ghusl oubien Wudu.

Al-Hadath existe en 2 formes :

i) Al-Hadath-ul-Akbar – Grand Hadath.
Quand nous dans ene l’etat pareille, nous obligé faire Ghusl avant faire Swalaat.

ii) Al-Hadath-ul-Asghar – Petit Hadath
Quand nous dans ene l’etat pareille, Ghusl pas obligatoire, mais nous obligé faire Wudu avant faire Swalaat.
Basant lor la, nous comprend qui l’enlevement de Hadath c’est soit par Ghusl oubien par Wudu. Mais sa c’est seulement dans presence de l’eau. Si pas ena de l’eau, nous enleve Hadath – grand ou petit – par Tayammum.

q Al-Khabath الخبث
L’enlevement de Khabath c’est qui ene personne enleve bans quitechoses malpropres qui fine touche so le corps, so linge ou place cote li pour faire Swalaat, afin qui quand li pe deboute devant Allaah dans Swalaat, pas ena aucun malpropreté avec li.


QUI FAIRE ETUDIÉ TWAHAARAH EN PREMIER?

Quand ene personne fine accepté Deen l’Islaam, premier Ibaadat qui li faire face apres Tawheed, c’est Swalaat, et le fait qui pas ena Swalaat sans Twahaarah, sa montré nous qui nous bizin etudié Twahaarah en premier.


L’IMPORTANCE DE TWAHAARAH.

L’Islaam fine attache grand l’importance a Twahaarah[1] :-

Dans Qur-aan Allaah dire qui Li oulé purifié nous.

Allaah content bans qui reste propre.

Dans Qur-aan Allaah fine faire eloge de bans qui reste propre.

La propreté li parmi bans premiers la lois de l’Islaam.

La propreté c’est la moitié Imaan.

La propreté c’est ene caracteristique qui differencié nous de bans Kuffaar.

Garde l’environnement propre c’est ene Ibaadat.

L’Islaam pas d’accord avec ene tenue sale.

L’Islaam enseigne garde bans zenfants propres.

Ena punition fine reserve pour celui qui pas garde li propre.


DE L’EAU[2] المياه

En generale, Twahaarah c’est ene action qui nous faire li avec de l’eau; nous faire Ghusl/Wudu avec de l’eau, et nous enleve bans malpropretés qui fine touche nous le corps avec de l’eau meme.

Mais cequi important concernant de l’eau en relation avec Twahaarah, c’est qui de l’eau qui nous servi, li bizin ene de l’eau propre, tel comme :
de l’eau la pluie
de l’eau depuis la neige et la grele
de l’eau la source
de l’eau la mer
de l’eau puits
de l’eau la rivière
de l’eau Zamzam

De l’eau qui encore toujours propre :
de l’eau qui fine chauffé lor du feu
de l’eau qui fine chauffé par soleil
de l’eau qui fine servi par le sexe opposé
de l’eau qui fine melangé par ene quitechose propre
de l’eau qui ene musulman fine mettre so la bouche ladans
de l’eau qui ene Kaafir fine mettre so la bouche ladans
de l’eau qui bans zanimaux qui nous consomme zotte la chair fine mettre zotte la bouche ladans
de l’eau qui ene chat fine mettre so la bouche ladans.

Si ene de l’eau fine melange avec ene quitechose malpropre, et sa fine change so gout, oubien so l’odeur, oubien so couleur, nous pas endroit servi sa qualité de l’eau la pour Twahaarah.


GHUSL[3] الغسل

Couma faire Ghusl (baigner)?

Avant faire Ghusl, nous bizin fini enleve bans quitechoses qui lor nous le corps qui pour empeche de l’eau touche nous la peau.

Nous faire Niyyah qui nous pe baigné pour qui nous vine propre pour deboute devant Allaah pour faire Swalaat.

Pas ena aucun phrase qui nous prononcer comme Niyyah pour faire Ghusl.

Nous dire :
بسم الله
Bismillaah
Au nom d’Allaah.

Nous lave nous deux la mains jusqua poignet (3 fois).

Nous lave nous partie privée avec la main gauche.

Nous nettoye nous la main gauche et nous lave li bien propre avant continuer faire Ghusl.

Nous faire Wudu pareille couma nous faire Wudu pour Swalaat (excepté qui nous capave pas lave nous 2 lipieds).

Nous faire de l’eau arrive jusqua racine de nous cheveux par frotte nous la tete avec nous les doigts.

Nous jette de l’eau lor nous la tete (3 fois).

Nous jette de l’eau entier nous le corps.

Nous lave nous deux lipieds.


Masaa–il concernant Ghusl.

Quand nous baigné, nous lave nous coté droite en premier et ensuite nous lave nous coté gauche.

Si nous pe baigné dans ene salle de bain qui bien renfermée, et qui personne pas pour trouve nous, nous endroit baigner nu.

Le prophète fine empeche ene dimoune uriner dans place cote li pour baigner.

Quand nous faire Ghusl, li pas recommandé qui nous faire face Qiblah au commencement de nous Ghusl oubien toute longue nous Ghusl.

Ena ene conception qui dire qui pendant qui nous pe faire Ghusl, nous bizin toujours couvert nous partie privée. Mais sa li pas vrai.

Quand nous faire Ghusl, faudrait pas nous gaspille de l’eau. Nous servi ene quantité raisonable qui pour suffit pour purifier nous sans qui nous faire gaspillage.

Quand nous faire Ghusl, nous bizin mouille nous le corps en entier avec de l’eau, et pas necessaire qui nous servi savonnette.

Pendant qui nous faire Ghusl, pas ena aucun Du'aa specifique pour lire quand nous lave les differents membres de nous le corps.

Ena ene conception qui dire qui ene tifille bizin mette-li dans ene position assizé quand li pe baigné. Mais sa li pas vrai parcequi li pas basé lor kit preuve authentique.


Pour qui bans occasions li Sunnah qui nous faire Ghusl?

Avant rentre dans l’etat Ihraam pour Umrah oubien Hajj.

Avant rentre dans Makkah pour Hajj ou Umrah.

Apres baigne ene Mayyat.

Apres enterre ene Mushrik.

Apres regagne connaissance.

Ghusl pour Eid-ul-Fitr et Eid-ul-Ad-haa.

Quant-a bans l’occasions pour lesquels Ghusl li obligatoire, parmi c’est Ghusl pour Jum’uah. Apart sa, ena les autres bans l’occasions qui nous pour apprendre apres.


Pour qui bans occasions li pas Sunnah qui nous faire Ghusl?

Apres faire Hijaamah.

Quand gagne colère.

Quand nous faire Tawbah.

15ème nuit Sha’baan.

La nuit “Al-Qadr”.

9ème nuit Zul Hijjah.

Le matin du 10ème Zul Hijjah a Muzdalifah.

Avant batte Jamarat-ul-Aqabah le 10 Zul Hijjah.

Avant rentre dans Madiinah.

Avant Swalaat-ul-Is-tisqaa’.

Avant Swalaat-ul-Kusouf.

Quand du vent soufflé avec violence.

Avant mettre ene nouveau linge.

Apres retourne depuis ene voyage.


WUDU الوضوء

Couma faire Wudu?

Avant faire Wudu, nous bizin fini enleve bans quitechoses qui lor nous le corps qui pour empeche de l’eau touche nous la peau.

Nous faire Niyyah dans le coeur, sans prononce aucun phrase par la bouche, tel comme : “Nawayto”

Nous dire :
بسم الله
Bismillaah
Au nom d’Allaah.

Nous lave nous deux la mains jusqua poignet (droite et ensuite gauche).

Nous rince nous la bouche et nous nenez par envoye de l’eau avec nous la main droite, et retire li depuis nous nenez avec nous la main gauche.

Nous lave nous figure depuis racine nous cheveux jusqua nous manton verticalement, et depuis nous zoreille droite jusqua nous zoreille gauche horizontalement.

Nous lave nous deux la mains jusqua coude (droite et ensuite gauche).

Nous faire Masah la tete et zoreille.

Nous lave nous deux lipieds jusqua cheville (droite et ensuite gauche).

Nous lire Du'aa :

أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
Ash-Hadu Allaa Ilaaha Illallaahu Wahdahou Laa Shariika Lah. Wa Ash-Hadu Anna Muhammadan Abduhou Wa Rasouluh.
Mo temoigné qui pas ena aucun vrai Ilaah excepté Allaah. Li unique, Li pas ena aucun associé. Et mo temoigné qui Muhammad li So esclave et So Messager.

اللَّهُمَّ اجْعَلْنِي مِنَ التَّوَّابِينَ وَاجْعَلْنِي مِنَ الْمُتَطَهِّرِينَ
Allaahummmaj-‘Alnii Minat Tawwaabiina Waj-‘Alnii Minal Mutatwah-Hiriin.
Oh Allaah, faire moi vine parmi bans qui faire Tawbah,et bans qui garde-zotte propre.

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لَا إِلَهَ إِلَّا أَنْتَ أَسْتَغْفِرُكَ وَأَتُوبُ إِلَيْكَ
Sub-Haanakal Laahumma Wa Bi Hamdika. Ash-Hadu Allaa Ilaaha Illaa Anta. As-Tagh Firuka Wa-Atoubu Ilayk.
Pureté a Toi (To pas ena aucun defaut) oh Allaah, et avec To louange. Mo temoigné qui pas ena aucun vrai Ilaah excepté Toi. Mo demande Toi To pardon, et mo repentir vers Toi.

Li Sunnah pour essuye nous apres Wudu.


Masaa–il concernant Wudu.

Nous endroit faire Wudu en lavant bans membres de nous le corps en 1 ou 2 ou 3 fois.

Li obligatoire qui nous passe nous le doigt entre les doigts de nous la main et lipied.

Li obligatoire qui nous faire Wudu en l’ordre en cequi concerne bans parties le corps qui Allaah fine faire mention dans Qur-aan.

Li Sunnah pour faire Miswaak avec chaque Wudu.

Pas ena aucun Du’aa specifique pour lire pendant qui nous pe faire Wudu.

Licou pas forme partie de bans membres qui bizin laver dans Wudu.

Nous bizin exageré dans rince nous la bouche et nenez excepté si nous Roza.

Li obligatoire qui nous faire Masah entier nous la tete; nous commence passe nous 2 la mains depuis cote nous front jusqua par derrière nous licou, et ensuite nous retourne nous 2 la mains cote nous front. Nous prend de l’eau de nouveau pour Masah.

Façon qui nous faire Masah zoreille : Nous mettre nous deux l’index dans nous deux zoreilles, et nous passe nous deux pouces a l’arrière de nous deux zoreilles.

Pas ena aucun Hadiith qui empeche nous causer ou repondre Salaam pendant Wudu.

Nous bizin faire Wudu dans ene façon qui quand nous pe lave ene membre de nous le corps, membre qui nous fine lavé avant li, pas encore sec.

L’exemple d’ene Du'aa qui certaines personnes lire pendant Wudu, et qui li pas authentique c’est :

اللَّهُمَّ اغْفِرْ لِي ذَنْبِي وَوَسِّعْ لِي فِي دَارِي وَبَارِكْ لِي فِي رزقي
Allaahummagh Fir Lii Zambii Wawas Si’lii Fii Daarii Wa Baarik Lii Fii Rizqii

Li Sunnah pour faire deux Rakaat apres chaque Wudu.


Pour qui bans occasions li Sunnah qui nous faire Wudu?

Faire Wudu pour faire Zikrullaah.

Faire Wudu pour chaque Swalaat, meme qui nous deja ena Wudu .

Faire Wudu apres chaque Hadath.

Faire Wudu apres charier ene Mayyat.

Faire Wudu apres vomi.

Faire Wudu avant alle dormi.

Faire Wudu apres qui nous fine mange ene quitechose qui fine cuit directement lor du feu.

Avant faire Ghusl.


Qui quitechose casse nous Wudu? نواقض الوضوء

Quitecose qui sorti entre les 2 passages : la selle, l’urine, du vent, Mazy, Wady.

Perdi connaissance et dormi.

Passe la main lor partie privée avec plaisir.

Apres mange la viande chameau.


Bans quitechoses qui dimounes pens‏é li casse Wudu.
Bans quitechoses qui dimounes pens‏é li casse Wudu, mais en verité li pas coumesa :

Du sang sorti depuis nous le corps et circulé.

Si ene personne vomi – beaucoup oubien tigit.

Si ene personne pe gagne doute qui capave so Wudu fine cassé.

Si nous taille nous zongles oubien cheveux

Si nous guette dans la glace.

Si ene personne fine rentre dans toilette pour ene raison et fine sorti sans faire so besoin.

Si ene personne fine change so linge.

Si ene garçon arrivé touche avec ene tifille ou ene tifille arrivé touche avec ene garçon.


Faire Masah lor Khuf. المسح على الخفين

Si ene dimoune fine faire Wudu, et ensuite li mette Khuff oubien chaussette, li endroit faire Masah lor sa Khuff ou chaussette la a chaque fois qui li faire Wudu, sans re lave so lipied.

Si li en voyage, li faire Masah pendant 3 jours et 3 nuits. Si li pas en voyage, li faire Masah pendant 1 jour et 1 nuit.

Periode de Masah commence avec premier Masah qui nous faire apres qui nous Wudu fine cassé.

Façon qui nous faire Masah c’est qui nous passe nous deux la mains mouillées lor nous deux lipieds, seulement par la haut et nonplus par embas.

Quand est-ce qui nous n’est plus endroit faire Masah?
Si nous Ghusl cassé.
Si periode de Masah terminé.
Si nous fine retire nous Khuff oubien nous chaussette.




TAYAMMUM. التيمم

Tayammum c’est ene substitut (ene remplaçant) pour Ghusl et Wudu dans l’absence de l’eau. Si ene personne pe bizin faire Ghusl et pas ena de l’eau, li ena simplement pour faire Tayammum et faire so Swalaat. De la meme façon, si ene personne pe bizin faire Wudu et pas ena de l’eau, li ena simplement pour faire Tayammum et faire so Swalaat.


Circonstances dans lesquels nous faire Tayammum:

Dans l’absence de l’eau.

Si ena de l’eau, mais nous peur pour servi li attention qui li aggrave nous maladie ou blessure.

Si ena de l’eau, mais pe faire trop frais, et pas ena aucun moyen pour chauffe li.

Si nous dans voyage et nous ena de l’eau ene quantité qui li suffit seulement pour nous boire ou faire bans zanimaux boire.

Si ena de l’eau, mais chemin jusqua sa de l’eau la pas en securité.





Façon faire Tayammum:

Nous faire Niyyah.

Nous dire :
بسم الله
Bismillaah
Au nom d’Allaah.

Nous tappe nous 2 plats la mains, ene seul fois, lor surface la terre qui propre – la poussière, du sable, ou roche.

Nous soufflé lor nous 2 plats la mains si necessaire pour diminuer la poussière.

Nous passe nous deux la mains lor nous figure.

Nous passe nous deux la mains ene lor l’autre (jusqua poignet).


Masaa–il concernant Tayammum.

Si ene personne fine faire Swalaat avec Tayammum dans l’absence de l’eau, et ensuite apres so Swalaat li gagne de l’eau, so Swalaat qui li fine faire, li valide. Li pas ena pour remplace li, meme si li fine gagne de l’eau avant qui l’heure de sa Swalaat la terminé.

Si pendant qui li pe faire Swalaat, li gagne de l’eau, li bizin casse so Swalaat, faire Wudu ou Ghusl si necessaire, et re commence faire sa Swalaat la.


Bans quitechoses qui casse Tayammum:

Tous quitechoses qui casse Wudu et Ghusl.

Si nous gagne de l’eau et qui nous ti faire Tayammum a cause l’absence de l’eau.

Si nous n’est plus peur pour servi de l’eau qui ena dans nous disposition.


AL-KHABATH. الخبث

Couma nous fine apprendre, Twahaarah c’est l’enlevement de Hadath et Khabath. Nous fine fini apprendre concernant l’enlevement de Hadath, et la nous pour apprendre concernant l’enlevement de Khabath.

Khabath c’est n’importe qui quitechose qui l’Islaam fine declare li malpropre. C’est sa meme qui connu comme : An-Najaasah (النجاسة) .

Pour qui nous considère ene quitechose malpropre, faudrait qui nous ena preuve authentique depuis Qur-aan/Hadiith qui l’Islaam fine categorise li malpropre. Si nous trouve ene quitechose degoutant et l’Islaam pas fine considère li comme ene malpropreté, nous reste loin de li, mais nous pas endroit dire qui li malpropre.

L’exemple de trois quitechoses qui degoutants dans consideration beaucoup dimounes, et qui d’apres l’Islaam c’est pas bans malpropretés : (1) la crache (2) le rhume (3) vomi. Si fine gagne la crache ou le rhume ou vomi lor nous linge, nous endroit faire Swalaat avec sa linge la, sans lave li.

Certaines quitechoses qui l’Islaam considère comme Najaasah :
l’urine de l’homme
la selle de l’homme
Mazy et Wady.
excrements de bans zanimaux qui nous pas mangé
la bave lichien
zanimaux qui vivre lor la terre si zotte fine mort sans Zabah
la viande porc

Sa bans malpropretés la, si fine gagne lor nous vetements, nous lave place cote fine gagne sa avec de l’eau jusqua qui so trace disparaitre. Mais si ene lichien fine boire depuis ene recipient, nous bizin lave li 7 fois – la première fois avec la terre – pour enleve malpropreté de so la bave.

Quitechoses qui considerés comme malpropretés, nous pas gagne droit servi sa bans quitechoses la comme medicament.

SUNAN-UL-FITRAH. سنن الفطرة

Sunan-ul-Fitrah c’est façon de faire de bans prophètes d’Allaah qui ena relation avec la propreté.

Parmi sa bans actions la, nous gagne :
Khatnah
Taille zongles
Taille moustache
Quitte la barbe
Servi Miswaak pour garde bouche propre
Lave bans joints les doigts.

Khatnah li obligatoire meme lor ene personne qui fine accepté l’Islaam dans grand.

Nous pas gagne droit quitte nous moustache et nous zongles plus qui 40 jours.

Quand nous taille zongles, nous taille zongles la main droite avant et ensuite la main gauche.

Pas ena aucun Hadiith qui enseigne enterre zongles qui fine fini taillés.

Li Sunnah pour dresse nous la barbe avec de l’eau.

Servi Miswaak li Sunnah pendant toute longue la journée, et ena certains moments cote li fortement recommandé :

Quand nous levé le matin
Avec chaque Wudu
Avant chaque Swalaat
Quand rentre dans lacaze
Avant lire Qur-aan
A chaque fois qui nous sommeil cassé pendant la nuit

Quand nous nettoye nous les dents avec Miswaak, nous nettoye coté droite en premier et ensuite coté gauche.


CHAPITRE 2 كتاب الصلاة

ENE INTRODUCTION LOR SWALAAT.

Swalaat c’est ene Ibaadat.
Allaah fine envoye nous lor la terre pour faire So Idaabat d’apres la religion de l’Islaam. Sa Deen Islaam la c’est ene religion qui enseigne nous comment pour consacrer nous la vie dans l’obeissance Allaah depuis gramatin jusqu’a tantot. Ene parmi tous bans rites qui l’Islaam fine enseigne nous c’est qui nous faire Ibaadat Allaah par etablir Swalaat.

Qui veut dire Swalaat?
Dans la langue arabe, Swalaat veut dire : Du’aa / l’invocation. Nous dire : “Ene dimoune pe faire Swalaat”, c’est-a-dire li pe faire Du’aa, li pe invoque Allaah.

Dans Qur-aan et Hadiith, Swalaat pe faire reference a :

عبادة تتضمن أقوالا وأفعالا مخصوصة مفتتحة بالتكبير مختتمة بالتسليم
Ene Ibaadat qui composé de certains actions et paroles specifiques, qui commence par Takbiir et termine par Tasliim


L’exemple de certains actions :
Qiyaam – Rukou’ – Sajdah

L’exemple de certains paroles :
Lecture de Sourat-ul-Faatihah
Dire : “Sami-‘allaahu liman Hamidah”

Li commence par Takbiir, c’est-a-dire par dire : “Allaahu Akbar”.

Li termine par Tasliim, c’est-a-dire par dire : “As Salaamu ‘alaykum Wa Rahmatullaah”.

Swalaat c’est sa meme Ibaadat qui dans la langue Urdu, nous appelle li : Namaaz.

Façon qui Allaah fine decrete l’obligation Swalaat.
Swalaat c’est ene Ibaadat qui obligatoire lor chaque musulman. Et façon qui Allaah fine decrete l’obligation Swalaat li different de façon qui Allaah fine decrete l’obligation de les autres bans Ibaadat. Tous bans Ibaadat fine vine obligatoire a travers Wahi qui Allaah fine faire descendre lor le prophète Muhammad a travers Jibriil. Mais façon qui Allaah fine faire Swalaat obligatoire c’est qui Allaah fine eleve le prophète Muhammad jusqua septième le ciel a l’occasion de Mi’raaj, et c’est labas qui Allaah fine decrete l’obligation Swalaat.

Au commencement Allaah ti faire Swalaat obligatoire 50 fois par jour, et ensuite Allaah fine diminué li jusqua seulement 5 fois par jour.
Combien Swalaat obligatoire lor nous?
Swalaat li obligatioire lor nous 5 fois par jour. Li pas permissible qui ene personne contente-li avec seulement 2/3/4 Swalaat par jour. Mais li obligé faire 5 fois Swalaat par jour.

Qui Swalaat representé dans l’Islaam?
5 fois Swalaat par jour li represente le deuxième pillier de l’Islaam.

Le prophète dire :

بُنِيَ الْإِسْلَامُ عَلَى خَمْسٍ شَهَادَةِ أَنْ لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ وَإِقَامِ الصَّلَاةِ وَإِيتَاءِ الزَّكَاةِ وَصَوْمِ رَمَضَانَ وَحَجِّ الْبَيْتِ
[ L’Islaam fine etre batit lor 5 (pilliers) :
temoignage qui pas ena aucun vrai Ilaah excepté Allaah et qui Muhammad li le messager d’Allaah
l’accomplissement de Swalaat
donation Zakaat
garde Roza dans le mois de Ramadwaan
et faire Hajj a Ka’bah.]
(TIRMIZI 2534)

Cequi montré nous encore valeur de Swalaat c’est qui le prophète fine mette grand l’emphase lor la pendant qui li ti malade avant so la mort.
(IBN MAAJAH)

Danger pas observe Swalaat[4].
Swalaat c’est barrière qui ena entre ene personne et Kufr; n’importe qui sanla abandonne Swalaat et dementi so l’obligation, li tombe dans Kufr.

Qui 5 Swalaat qui obligatoire lor nous?
Swalaat li obligatoire lor nous 5 fois par jour, chaque Swalaat dans so l’heure :
Swalaat-ul-Fajr صلاة الفجر (2 Rakaat)
Swalaat-uz-Zuhr صلاة الظهر (4 Rakaat)
Swalaat-ul-Asr صلاة العصر (4 Rakaat)
Swalaat-ul-Maghrib صلاة المغرب (3 Rakaat)
Swalaat-ul-Ishaa صلاة العشاء (4 Rakaat)

Lor qui sanla Swalaat obligatoire? على من تجب الصلاة
Swalaat li obligatoire lor chaque personne qui fine satisfaire les conditions suivants :
Li ene musulman (li pas ene Kaafir)
So l’esprit bon (li pas fou)
Li fine atteindre l’age de puberté

Donc, Swalaat li pas obligatoire lor bans petits zenfants. Mais le prophète fine enseigne bans parents pour entraine zotte zenfants pour faire Swalaat quand zotte fine gagne 7 ans, et batte banla a cause Swalaat quand zotte fine gagne 10 ans.


Vertus et bienfaits de Swalaat. فضل الصلاة
5 fois Swalaat par jour, li contenir beaucoup bienfaits pour nous dans Dunyaa, et a travers sa, Allaah reserve grand recompense pour nous dans Aakhirat :

Swalaat c’est meilleur action qui nous faire avec nous le corps.

Swalaat li ene barrière contre bans mauvais actions.

Allaah pardonne bans pechés qui nous faire entre chaque Swalaat.

Swalaat li faire nous vine propre de nous bans pechés, pareille couma le corps d’ene personne reste propre si li baigné depuis ene la rivière 5 fois par jour.

Swalaat efface nous bans pechés pareille couma feuilles d’ene branche sec tombé quand nous secoué li.

Swalaat c’est premier action concernant lequel Allaah pour pose nous question jour Qiyaamah. Si nous fine passé concernant Swalaat, nous pour passé dans tous les autres actions. Et si nous faillir concernant Swalaat, nous pour faillir dans tous les autres actions.





Certains recits faibles et fausses concernant Swalaat.
Celui qui neglige Swalaat, li gagne 15 punitions; 5 dans Dunyaa, 3 quand li pe mort, 3 dans Qabr, et 3 quand li sorti depuis Qabr.

Swalaat c’est la colonne de Deen. Celui qui fine maintenir li, li fine maintenir Deen, et celui qui fine detruire li, li fine detruire Deen.

Ene Swalaat accomplit avec Amaamah li 70 fois meilleur qui ene Swalaat accomplit sans Amaamah.

Ene Swalaat accomplit apres servi Miswaak li 70 fois meilleur qui ene Swalaat accomplit sans servi Miswaak.


Bans conditions pour qui Swalaat accepté. شروط صحة الصلاة
Afin qui Allaah accepté nous Swalaat qui Li fine faire obligatoire lor nous, nous bizin faire sa Swalaat la en satisfaisant les 6 conditions suivants :
1. Twahaarah depuis Najaasah
2. Twahaarah depuis Hadath
3. Couvert Awrah
4. Respecter l’heure
5. Faire face Qiblah
6. Faire Niyyah


q Twahaarah depuis Najaasah
Twahaarah depuis Najaasah veut dire enleve bans quitechoses qui malpropres depuis 3 places : nous le corps, nous vetements, et place cote nous pe faire Swalaat. Par exemple, avant Swalaat, nous obligé enleve l’urine de nous le corps, nous vetement et depuis place cote nous pour faire Swalaat.


q Twahaarah depuis Hadath
Twahaarah depuis Hadath c’est qui avant rentre dans Swalaat, nous obligé ena Ghusl et Wudu lor nous. Explication concernant Ghusl et Wudu fine terminé, Alhamdulillaah.


q Couvert Awrah
Couvert Awrah c’est qui avant deboute devant nous Createur pour faire Swalaat, nous obligé couvert nous le corps bien.

Awrah d’ene garçon li depuis so nombril jusqu’a so genou, et si ena linge encore, li obligé couvert so zepaule.

Awrah d’ene tifille c’est qui li obligé couvert so le corps en entier sauf so deux la mains jusqua poignet, so figure, et so plat lipied.

L’habillement qui pas permissible pour Swalaat :

Ene l’habillement serré qui faire forme nous Awrah paraitre.

Ene l’habillement transparent.

Ene l’habillement qui depasse cheville (pour bans garçons seulement).

Ene l’habillement qui ena dessin lor la.


q Respecter l’heure
5 fois Swalaat qui Allaah fine faire li obligatoire lor nous c’est 5 Swalaat dans zotte l’heures prescrites. Li pas permissible faire Swalaat avant so l’heure rentré et meme apres qui so l’heure fine terminé.

Swalaat Fajr
So l’heure commence avec l’apparition de Fajr Swaadiq, et li termine avec le levé du soleil.

Swalaat Zuhr
So l’heure commence apres Zawaal (quand soleil vine au milieu le ciel) et li termine quand l’ombrage de chaque quitechose vine meme longeur avec li, en ajoutant l’ombrage qui ti ena l’heure Zawaal.

Swalaat Asr
So l’heure commence quand l’ombrage de chaque quitechose vine meme longeur avec li, et li termine quand soleil fine vine jaune. Mais si ene dimoune fine bloqué, li endroit faire Swalaat Asr, meme si li fine gagne ene seul Rakaat avant couché du soleil.




Swalaat Maghrib
So l’heure commence apres qui soleil fine couché, et li termine avec disparition de As Shafaq-ul-Ahmar (c’est-a-dire quand le ciel n’est plus rouge).

Swalaat Ishaa
So l’heure commence avec dispariton de As-Shafaq-ul-Ahmar lor le ciel, et li termine jusqu’a la moitié la nuit.


NOTE 1:
Nous obligé faire chaque Swalaat dans so l’heure. N’importe qui Swalaat qui nous faire avant la rentrée de so l’heure, sa Swalaat la li invalide et li pas etre accepté aupres d’Allaah. Comme sa meme, n’importe qui sanla faire ene Swalaat apres qui so l’heure fine terminé, sa Swalaat la pas etre accepté, et li obligé faire Tawbah pour grand peché qui li fine commettre.

Quant-a faire Swalaat Qazaa (remplace Swalaat apres qui so l’heure fine terminé), sa pas existe dans l’Islaam, excepté qui dans deux circonstances, nous endroit faire Swalaat meme si so l’heure fine terminé :
si nous fine dormi
si nous fine oublié
Si nous fine dormi, nous obligé faire nous Swalaat tout de suite qui nous sommeil fine cassé. Si nous fine oublié, nous obligé faire nous Swalaat tout de suite qui nous fine rappelle.


NOTE 2:
Pour annonce la rentrée de chaque l’heure Swalaat, Allaah fine faire li obligatoire pour donne Azaan.


q Faire face Qiblah
Avant faire ene Swalaat (Fard, ou Nafl), li obligatoire qui nous faire face a Ka’bah qui trouve dans Makkah. Mais si nous en voyage, nous endroit faire Swalaat Nafl lor nous transport meme, sans qui nous faire face a Ka’bah.

Si nous dans ene voyage et nous pas pe conne direction Ka’bah, nous faire Swalaat vers ene direction qui nous pensé c’est sa meme direction Ka’bah. Ensuite si apres qui nous fine faire sa Swalaat la, nous alle conner qui nous pas ti faire face vers vrai direction Ka’bah, nous Swalaat li accepté et nous pas ena narien pour remplacer.


q Face Niyyah
Niyyah veut dire “l’intention”. Avant qui nous faire Swalaat, nous obligé ressenti au fond de nous le coeur qui nous pe faire sa Swalaat la sincèrement pour le plaisir d’Allaah. Avant rentre dans Swalaat, nous bizin conner qui Swalaat sa, et est-ce qui li Fard oubien Sunnah.

Niyyah c’est ene action qui nous faire avec nous le coeur, et pas ena aucun formule speciale pour prononcer comme Niyyah Swalaat, tel comme :
Nawaytu An Uswalli Lilaahi Ta-Aalaa Rak-Atayni Swalaatal-Fajri Fardallaahi Ta-Aalaa Fardwa Haazal Waqti Mutawajjihan Ilaa Jihaatil Ka’bati


Bans l’endroits cote pas endroit faire Swalaat.
Quand l’heure Swalaat rentré, nous capave faire sa Swalaat la nimporte cote sa nous été, a l’exception de sa bans places la :
Dans ene place qui malpropre
Dans cimitières
Dans ene Masjid qui fine construit cote ene Qabr
Dans la salle de bain (y compris toilette)
Dans l’ecurie chameau
Dans ene place cote ena idoles
Vers ene Qabr


COUMA FAIRE SWALAAT. صفة الصلاة

Li obligatoire faire Swalaat d’apres l’enseignement du prophète Muhammad . Li pas permissible qui ene dimoune faire Swalaat couma li gagné. Mais li obligé faire Swalaat dans façon qui le prophète Muhammad fine enseigne nous.

Ene quitechose bien important qui nous bizin faire ressortir avant nous commence nous explication concernant sa sujet la c’est qui pas ena aucun difference entre ene garçon et ene tifille en cequi concerne façon faire Swalaat.


Avant commence Swalaat.

Nous satisfaire les 6 conditions.

Nous prend Sutrah (nous costé avec ene muraille oubien avec n’importe qui quitechose pour faire Swalaat, et nonplus qui nous deboute dans vide). Distance qui supposé ena entre nous et nous Sutrah c’est qui quand nous faire Sajdah, ena juste ene petit place pour ene mouton passé.

Nous pas laisse personne passe entre nous et nous Sutrah.

Faudrait pas ena dessin lor Muswalla qui nous faire Swalaat.


Commence Swalaat.

Pour commence Swalaat, nous mettre nous dans position deboute.

Pas ena aucun phrase pour prononcer avant rentre dans Swalaat.

Directement nous faire Takbiir, c’est-a-dire nous dire :

اللَّهُ أَكْبَرُ
Allaa Hu Akbar
Allaah Li plus Grand.

Nous bizin prend precaution pour prononce Takbiir couma bizin avec Tajwiid, sans risser plus qui bizin.

Nous faire Raf-ul-Yadayn, c’est-a-dire nous leve nous deux la mains vers Qiblah.

Façon qui nous leve nous deux la mains c’est qui nous leve nous la mains sans qui nous colle nous bans les doigts, et sans qui nous trop ecarte bans les doigts la.

En relation avec Takbiir, ena 3 façons qui nous capave faire Raf-ul-Yadayn :
Nous faire Raf-ul-Yadayn en meme temps qui nous faire Takbiir
Nous faire Raf-ul-Yadayn avant faire Takbiir
Nous faire Raf-ul-Yadayn apres faire Takbiir

Concernant hauteur qui nous leve nous la mains, ena deux façons :
Nous leve nous la mains jusqua nous zepaule
Nous leve nous la main jusqua boute nous zoreille par embas

Touche zoreille avec le pouce pas ena so source dans Deen Islaam.

Ene fois qui nous faire Takbiir, nous fini rentre dans Swalaat, et alors, certains quitechoses qui ti permissible en dehors Swalaat, sa vine Haraam, comme par exemple : causer, manger-boire, riyer.


Qiyaam.

Nous pose nous la main lor nous l’estomac, et nonplus embas nous nombril.

Nous pose nous la main droite lor nous la main gauche dans ene façon qui nous la main droite pose lor les trois parties suivantes de nous la main gauche :
la paume (par la haut)
le poignet
l’avant bras

Ena deux façons pour attache la main dans Swalaat :
Soit nous juste pose ene la main lor l’autre
Oubien nous attrape nous la main gauche avec nous la main droite

Nous faire Swalaat avec lizieux ouvert, en fixant nous regard a place cote nous pour pose nous la tete dans Sajdah. Nonplus qui nous guette a droite et a gauche oubien guette vers le ciel.

Nous bizin faire Swalaat avec humiliation et avec concentration.
Certains facteurs qui aide nous pour concentrer dans Swalaat :
faire Swalaat posément sans presser
pense la mort dans Swalaat
penser comme si c’est dernier Swalaat qui nous pe faire
mediter lor bans Aayat et Du'aa qui nous lire
ressenti qui Swalaat c’est ene conversation avec le Createur


Lecture dans Qiyaam.

Nous commence par lire Du'aa-ul-Istiftaah.

Ena plusieurs Du'aa qui le prophète ti habitué lire comme Du'aa-ul-Istiftaah, et alors, nous capave lire ene parmi sa bans Du'aa la :-


(1)

سُبْحَانَكَ اللَّهُمَّ وَبِحَمْدِكَ وَتَبَارَكَ اسْمُكَ وَتَعَالَى جَدُّكَ وَلَا إِلَهَ غَيْـرُكَ
Sub Haanakal Laahumma Wa Bihamdika Wa Tabaa Rakas Muka Wata-‘Aalaa Jadduka Walaa Ilaaha Ghairuk
Pureté a Toi, Oh Allaah, et avec To louanges. To nom soit benit, et To grandeur soit exalté, et pas ena aucun vrai Ilaah apart Toi.

(2)

اللَّهُمَّ بَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ
اللَّهُمَّ نَقِّنِي مِنْ خَطَايَايَ كَمَا يُنَقَّى الثَّوْبُ الْأَبْيَضُ مِنَ الدَّنَسِ
اللَّهُمَّ اغْسِلْنِي مِنْ خَطَايَايَ بِالثَّلْجِ وَالْمَاءِ وَالْبَرَدِ
Allaahumma Baa-Id Baynii Wa Bayna Khatwaa Yaaya Kamaa Baa-Atta Baynal Mashriqi Wal Maghrib
Allaahumma Naqqinii Min Khatwaa Yaaya Kamaa Yunaq Qath Thawbul Abyadu Minad Danas
Allaahummagh Silnii Min Khatwaa Yaaya Bith Thalji Wal Maaa-I Wal Barad
Oh Allaah, eloigne moi de mo bans pechés, pareille couma To fine eloigne l’est depuis l’ouest.
Oh Allaah, purifiez moi de mo bans pechés pareille couma purifié vetement blanc depuis l’ordure.
Oh Allaah, lave moi de mo bans pechés avec la neige, de l’eau et la grele.


Ensuite nous cherche protection avec Allaah dans ene entre sa 3 façons la :-

(1)
أَعُوذُ بِاللَّهِ مِنَ الشَّيْطَانِ الرَّجِيمِ مِنْ هَمْزِهِ وَنَفْخِهِ وَنَفْثِهِ
A’ouzu Billaahi Minash Shaytwaanir Rajiim Min Hamzihi Wa Naf-Khi-Hi Wa Naf-Thi-Hi
Mo pe cherche protection avec Allaah contre Shaytwaan, le maudit, contre so folie, so l’arrogance et so poesie.

(2)
أَعُوذُ بِاللَّهِ السَّمِيعِ الْعَلِيمِ مِنَ الشَّيْطَانِ الرَّجِيمِ
A’ouzu Billaahis Samii-‘Il-‘Aliim Minash Shaytwaanir Rajiim
Mo pe cherche protection avec Allaah – Celui qui entendre tous et conne tous – contre Shaytwaan, le maudit.

(3)

أَعُوذُ بِاللَّهِ السَّمِيعِ الْعَلِيمِ مِنَ الشَّيْطَانِ الرَّجِيمِ مِنْ هَمْزِهِ وَنَفْخِهِ وَنَفْثِهِ
A’ouzu Billaahis Samii-‘Il-‘Aliim Minash Shaytwaanir Rajiim Min Hamzihi Wa Naf-Khi-Hi Wa Naf-Thi-Hi
Mo pe cherche protection avec Allaah – Celui qui entendre tous et conne tous – contre Shaytwaan, le maudit, contre so folie, so l’arrogance et so poesie.

Ensuite nous dire :

بِاِسْمِ اللَّهِ الرَّحْمَانِ الرَّحِيم
Bismillaahir Rahmaanir Rahiim
Au nom d’Allaah, Celui qui ena beaucoup pitié.

Ensuite nous lire Sourat-ul-Faatihah Aayat par Aayat :

الْحَمْدُ لِلَّهِ رَبِّ الْعَالَمِينَ الرَّحْمَانِ الرَّحِيمِ مَالِكِ يَوْمِ الدِّينِ
إِيَّاكَ نَعْبُدُ وَإِيَّاكَ نَسْتَعِينُ
اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِمْ
غَيْرِ الْمَغْضُوبِ عَلَيْهِمْ وَلَا الضَّالِّينَ
Tous louanges pour Allaah – Rab de Al-‘Aalamiin (tous cequi existe apart Allaah).
Li (meme) Ar-Rahmaan et Ar-Rahiim (c’est-a-dire Li ena beaucoup pitié).
Maitre du jour de la rétribution.
Nous faire juste Toi To Ibaadat, et nous cherche aide juste avec Toi.
Guide nous lor le chemin droit.
Chemin de bans qui To fine verse (To) faveur lor zotte (bans prophètes, bans veridiques, bans martyrs et bans bons dimounes).
Nonplus (chemin de) bans qui fine ena colère lor zotte (bans juifs et tous bans qui agir contrairement de zotte connaissance).
Et nonplus (chemin de) bans qui fine egaré (bans chretiens et tous bans qui faire action sans connaissance).
Apres lecture de Sourat-ul-Faatihah, nous dire :
آمِينَ
Aa miiiin
Oh Allaah, acceptez.

Ensuite nous lire ene l’autre Sourah oubien ene partie d’ene Sourah.


Rukou’.

Apres lecture Qur-aan, li Sunnah qui nous reste tranquille pendant ene ti-moment.

Nous faire Raf-ul-Yadayn, nous faire Takbiir et nous alle dans Rukou’.

Nous courbe nous dans ene façon qui nous le dos et nous la tete reste dans meme niveau horizontalement.

Nous attrape nous deux genoux avec nous deux la mains, en ecartant nous bans les doigts.

Nous ecarte nous deux la mains de nous deux cotés, et nonplus qui nous deux la mains reste collé avec nous deux cotés.

Nous obligé faire Rukou’ dans ene façon qui nous gagne assez le temps pour faire Tasbiih posément.

Dans Rukou’, ena plusieurs Azkaar qui le prophète ti habitué lire, et alors nous capave lire ene parmi sa bans Azkaar la :-

(1)
سُبْحَانَ رَبِّيَ الْعَظِيمِ
Sub-Haana Rabbiyal Azwiim
Pureté a mo Rab – Le Supreme.
(3 fois ou plus)

(2)
سُبْحَانَ رَبِّيَ الْعَظِيمِ وَبِحَمْدِهِ
Sub-Haana Rabbiyal Azwiim Wa Bi Hamdih
Pureté a mo Rab – Le Supreme, et par So louange.
(3 fois ou plus)

(3)
سُـبُّـوحٌ قُدُّوسٌ رَبُّ الْمَلَائِكَةِ وَالرُّوحِ
Sub-Bouhun Qud-Dousun Rabbul Malaa-Ikati War Rouh
(Allaah Li) parfait, Li sacré, Li Rab de bans anges et de Rouh (Jibraiil).

(4)
سُبْحَانَ ذِي الْجَبَرُوتِ وَالْمَلَكُوتِ وَالْكِبْرِيَاءِ وَالْعَظَمَةِ
Sub-Haana Zil Jabarouti Wal Malakouti Wal Kib-Riyaa-I Wal Azwamah
Pureté a celui qui possede toute puissance, la royauté (la souveraineté), la magnificence et la grandeur.
Li pas permissible pour lire Qur-aan dans Rukou’.

Meme dans Rukou’ nous fixé nous regard a place cote nous pour faire Sajdah, et nonplus qui nous fixé nous lipieds.


Levé depuis Rukou’.

Nous leve depuis Rukou’ en disant :

سَمِعَ اللَّهُ لِمَنْ حَمِدَهُ
Sami-Allaahou Liman Hamidah
Qui Allaah repondre celui qui faire So louange.

Nous levé en faisant Raf-ul-Yadayn.

Nous obligé deboute dans ene façon qui nous gagne assez le temps pour qui chaque organ de nous le corps retourne a so position normale.

Nous laisse nous deux la mains embas, et nonplus qui nous attache li, ene lor l’autre lor nous l’estomac.

Dans sa position la, nous faire sa Zikr la :

رَبَّنَا وَلَكَ الْحَمْدُ
Rabbanaa Walakal Hamd
Oh nous Rab, et tous louanges pour Toi meme.

Apart sa Zikr la, ena encore les autres Azkaar qui nous capave ajouter, comme par exemple :

حَمْدًا كَثِيرًا طَـيِّـبًا مُبَارَكًا فِيهِ
Hamdan Kathiiran Twiyyiban Mubaarakan Fiih
Ene louange qui abondant, pure et benit.


Sajdah.

Nous faire Takbiir, et nous alle dans Sajdah en posant nous deux la mains en premier.

Parfois nous capave faire Raf-ul-Yadayn avec sa Takbiir la aussi.

Nous faire Sajdah lor sept lezos :
i) nous front, y-compris nous nenez
ii/iii) nous deux plats la mains
iv/v) nous deux genoux
vi/vii) les doigts de nous deux lipieds.

Nous nenez obligé touche embas.

Façon qui nous pose nous la main embas dans Sajdah c’est qui nous colle nous bans les doigts vers Qiblah.

Nous pose nous deux la mains vis-à-vis nous zepaules, et parfois vis-à-vis nous zoreilles.

Nous ecarte nous deux la mains de nous deux cotés, et nous pas laisse nous avant-bras touche embas.

Nous faire les doigts de nous deux lipieds faire face Qiblah, et nous joindre nous deux talons.

Nous obligé faire Sajdah dans ene façon qui nous gagne assez le temps pour faire Tasbiih posément.

Dans Sajdah, ena plusieurs Azkaar qui le prophète ti habitué lire, et alors nous capave lire ene parmi sa bans Azkaar la :-

(1)
سُبْحَانَ رَبِّيَ الْأَعْلَى
Sub-Haana Rabbiyal A’laa
Pureté a mon Rab – le plus Haut.
(3 fois ou plus)

(2)
سُبْحَانَ رَبِّيَ الْأَعْلَى وَبِحَمْدِهِ
Sub-Haana Ribbiyal A’laa Wabihamdih
Pureté a mo Rab – le plus Haut – et par So louange.
(3 fois ou plus)

(3)
سُبْحَانَكَ اللَّهُمَّ رَبَّنَا وَبِحَمْدِكَ اللَّهُمَّ اغْفِرْ لِي
Sub-Haana Kallaahumma Rabbanaa Wabiham Di Kallaahummagh Firlii
Pureté a Toi, oh Allaah – oh nous Rab – et par To louanges. Oh Allaah pardone moi.

Apart sa, nous capave aussi lire Azkaar 3/4 qui nous fine mentionné dans Azkaar Rukou’.

Li pas permissible lire Qur-aan dans Sajdah.

Li recommandé faire Du'aa dans Sajdah.

Ene parmi bans Du’aa qui nous capave faire dans Sajdah c’est :

اللَّهُمَّ اغْفِرْ لِي ذَنْبِي كُلَّهُ دِقَّهُ وَجِلَّهُ وَأَوَّلَهُ وَآخِرَهُ وَعَلَانِيَتَهُ وَسِرَّهُ
Allaahummagh firlii zambii kullahou Diqqahou wa jillah
Wa Awwalahou wa Aakhirah wa Alaaniyatahou wa Sirrah
Oh Allaah, pardonne moi tous mo bans pechés, cequi petit et cequi grand, le premier et le dernier, cequi au clair et cequi cachiette.


Assizé entre deux Sajdah.

Nous leve nous tete depuis Sajdah en faisant Takbiir.

Entre 2 Sajdah nous assize dans façon Iftiraash, et parfois nous capave assize dans façon Iq-aa.

Nous pose nous la main droite lor nous la jambe droite, et nous la main gauche lor nous la jambe gauche.

Nous obligé assize dans ene façon qui nous gagne assez le temps pour faire Zikr posément.

Entre 2 Sajdah, nous lire sa Zikr la :

رَبِّ اغْفِرْ لِي رَبِّ اغْفِرْ لِي
Rabbigh Firlii, Rabbigh Firlii
Oh mo Rab, pardonne moi. Oh mo Rab, pardonne moi.

Nous capave lire li dans sa façon la aussi :

اللَّهُمَّ اغْفِرْ لِي وَارْحَمْنِي وَاجْـبُرْنِي وَارْفَعْنِي وَاهْدِنِي وعَافِـنِي وَارْزُقْنِي
Allaahummagh Firlii Warhamnii Wajburnii Warfa’nii
Wahdinii Wa Aafinii War Zuqnii
Oh Allaah, pardonne moi, gagne pitié lor moi, supporte moi, eleve mo rang, guide moi, garde moi en bonne santé, et donne moi mo nourriture.

Entre deux Sajdah nous pas bouge l’index de nous la main droit.






Deuxième Sajdah.

Nous faire Takbiir et nous alle dans deuxième Sajdah. Nous faire et nous lire meme quitechose qui nous fine faire et nous fine lire dans premier Sajdah.

Nous faire Takbiir et nous levé depuis deuxième Sajdah.


Jilsat-ul-istiraahah.

Apres deuxième Sajdah et avant lever pour deuxième ou quatrième Rak’ah, li Sunnah qui nous assize posément pendant ene ti-moment dans façon Iftiraash. Sa assizé la li connu comme Jilsat-ul-Istiraahah parmi bans Ulamaa. Pas ena aucun Zikr pour faire dans sa position la, et nonplus pour bouge l’index.


Lever pour deuxième Rak’ah.

Nous levé pour deuxième ou quatrième Rak’ah en appuyant lor nous deux la mains, c’est-a-dire nous leve nous genoux en premier, ensuite nous leve nous deux la mains.

Dans deuxième ou troisième ou quatrième Rak’ah, nous commence par lecture de Surat-ul-Faatihah directement, sans lire Du'aa-ul-Istiftaah.

Nous faire nous deuxième Rak’ah pareille couma la première excepté qui nous faire deuxième Rak’ah plus court.


Jilsat-ut-tashahhud-il-awwal.

Apres 2 Rakaat, nous assize dans façon Iftiraash pour lire Tashahhud.

Nous pose paume de la main droite lor nous la jambe ou genou droite, et nous pose paume de nous la main gauche lor nous la jambe ou genou gauche.

Li aussi Sunnah qui nous faire coude de nous la main droite touche nous la jambe droite.

Ena deux façons qui nous pose nous la main droite lor nous la jambe droite :
Nous ramasse tous nous bans les doigts excepté l’index et nous pose nous pouce lor le majeur
Nous ramasse tous nous bans les doigts excepté l’index et nous faire ene cercle avec nous pouce et le majeur.

Nous pointe nous l’index vers Qiblah et nous bouge li toute longue Tashahhud. Pas ena aucun façon specifique pour bouge nous l’index pendant Tashahhud.

Pendant Tashahhud nous fixé nous regard lor nous l’index.

Ena plusieurs façons pour lire Tashahhud, et ici nous pour apprendre façon qui rapporté par le Swahaabi Ibn Mas-‘oud.

Nous dire :

التَّحِـيَّاتُ لِلَّهِ وَالصَّلَوَاتُ وَالطَّـيِّـبَاتُ
السَّلَامُ عَلَى النَّبِيِّ وَرَحْمَةُ اللَّهِ وَبَرَكَاتُهُ
السَّلَامُ عَلَيْنَا وَعَلَى عِبَادِ اللَّهِ الصَّالِحِينَ
أَشْهَدُ أَنْ لا إِلَهَ إِلَّا اللَّهُ
وَأَشْهَدُ أَنَّ مُحَمَّدًا عَبْدُهُ وَرَسُولُهُ
At-Tahiyyaatu Lillaahi Was-Swalawaatu Wat-Twayyibaatu
As-Salaamu Alan Nabiyyi Wa Rahmatullaahi Wa Barakaatuh
As-Salaamu Alaynaa Wa Alaa Ibaadillaahis Swaalihiin
Ash-Hadu Allaa Ilaaha Illallaah
Wa Ash-Hadu Anna Muhammadan Abduhou Wa Rasouluh
A Allaah (seul) appartenir : At-Tahiyyaat (bans paroles qui indique la paix), As-Swalawaat (bans Du’aa qui indique la grandeur d’Allaah), At-Twayyibaat (bans paroles pures).
La paix sois sur le prophète, et aussi bien qui pitié d’Allaah et So benediction.
La paix sois lor nous et lor (tous) bans bons serviteurs d’Allaah.
Mo temoigné qui pas ena aucun vrai Ilaah excepté Allaah, et mo temoigné qui Muhammad li So serviteur et So messager.
Pas ena aucun preuve qui dire qui dans Swalaat li Sunnah pour leve nous l’index seulement quand nous dire : “Ash-hadu allaa ilaaha illallaah …..”

Apres premier Tashahhud, soit nous levé pour troisième Rak’ah tout de suite, oubien nous lire Swalaat-Ibraahiim, nous faire Du'aa, et ensuite nous levé pour troisième Rak’ah.


Troisième ou quatrième Rak’ah.

Apres premier Tashahhud, nous faire Takbiir et nous levé pour troisième Rak’ah – en appuyant lor nous deux la mains, et nous aussi faire Raf-ul-Yadayn.


Jilsat-ut-tashahhud-il-akhiir.

Apres troisième ou quatrième Rak’ah, nous assize dans ene entre les trois façons Tawarruk pour lire Tashahhud.

Apres Tashahhud nous envoye Swalaat lor le prophète Muhammad , et c’est sa meme qui connu comme Swalaat Ibraahiim (Daroud Ibraahiim). Ena plusieurs façons pour lire Swalaat Ibraahiim, et ici nous pe faire mention de deux façons :-





(1)

اللَّهُمَّ صَلِّ عَلَى مُحَمَّدٍ وَأَزْوَاجِهِ وَذُرِّيَّتِهِ كَمَا صَلَّيْتَ عَلَى آلِ إِبْرَاهِيمَ
وَبَارِكْ عَلَى مُحَمَّدٍ وَأَزْوَاجِهِ وَذُرِّيَّتِهِ كَمَا بَارَكْتَ عَلَى آلِ إِبْرَاهِيمَ
إِنَّكَ حَمِيدٌ مَجِيدٌ
Allaahumma Swalli Alaa Muhammadin Wa Ajwaajihi Wa Zurriyyatihi Kamaa Swallayta Alaa Aali Ibraahiim
Wa Baarik Alaa Muhammadin Wa Ajwaajihi Wa Zurriyyatihi Kamaa Baarakta Alaa Aali Ibraahiim Innaka Hamiidum Majiid
Oh Allaah, envoye Swalaat lor Muhammad, so bans madames et so bans descendants, pareille couma To fine envoye Swalaat lor la famille de Ibraahim.
Et envoye benediction lor Muhammad, so bans madames et so bans descendants, pareille couma To fine envoye benediction lor la famille de Ibraahim. Certainement To Hamiid (plein de louange) et Majiid (plein de gloire).




(2)

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ
Allaahumma Swalli Alaa Muhammadin Wa Alaa Aali Muhammadin Kamaa Swallayta Alaa Ibraahiima Wa Alaa Aali Ibraahiima. Innaka Hamiidum Majiid
Allaahumma Baarik Alaa Muhammadin Wa Alaa Aali Muhammadin Kamaa Baarakta Alaa Ibraahiim Wa Alaa Aali Ibraahiima. Innaka Hamiidum Majiid
Oh Allaah! Envoye Swalaat lor Muhammad et lor la famille de Muhammad, pareille couma To fine envoye Swalaat lor Ibraahiim et lor la famille de Ibraahiim. Certainement Toi meme Hamiid et Majiid
Oh Allaah! Envoye Barakat (benediction) lor Muhammad et lor la famille de Muhammad, pareille couma To fine envoye Barakat lor Ibraahiim et lor la famille de Ibraahiim. Certainement Toi meme Hamiid et Majiid.

Note :
Allaah envoye Swalaat lor le prophète, c’est-a-dire Allaah faire so eloge.
Allaah envoye Barakat lor le prophète c’est-a-dire Allaah augmente le bien pour li.

Apres Swalaat Ibraahim, nous cherche protection d’Allaah contre quatre quitechoses en disant :

اللَّهُمَّ إِنِّي أَعُوذُ بِكَ مِنْ عَذَابِ جَهَنَّمَ
وَمِنْ عَذَابِ الْقَبْرِ
وَمِنْ فِتْنَةِ الْمَحْيَا وَالْمَمَاتِ
وَمِنْ شَرِّ فِتْنَةِ الْمَسِيحِ الدَّجَّالِ
Allaahumma Innii A’ouzubika Min Azaabi Jahannam
Wa Min Azaabil Qabr
Wa Min Fitnatil Mahyaa Wal Mamaat
Wa Min Sharri Fitnatil Masiihid Dajjaal
Oh Allaah! Mo pe cherche To protection contre punition de Jahannam,
contre punition de Qabr,
contre Fitnah de la vie et la mort,
et contre le mauvais de Fitnah Dajjaal.

Apres sa, ena plusieurs Du'aa qui nous capave demandé, parmi :-

(1)

اللَّهُمَّ إِنِّي ظَلَمْتُ نَفْسِي ظُلْمًا كَثِيرًا وَلَا يَغْفِرُ الذُّنُوبَ إِلَّا أَنْتَ فَاغْفِرْ لِي مَغْفِرَةً مِنْ عِنْدِكَ وَارْحَمْنِي إِنَّك أَنْتَ الْغَفُورُ الرَّحِيمُ
Allaahumma Innii Zwalamtu Nafsii Zulman Kathiiraa. Walaa Yagh Firuz Zunouba Illaa Anta. Fagh Fir Lii Maghfiratam Min Indik. Warhamnii Innaka Antal Ghafourur Rahiim
Oh Allaah, mo fine faire beaucoup Zulm (l’injustice) lor mo-meme. Pas ena personne qui pardonne peché excepté Toi. Alors, pardonne moi ene pardon de To part, et gagne pitié lor moi. Certainement To Al-Ghafour (celui qui pardonné) et Ar-Rahiim (celui qui gagne pitié).

(2)

اللَّهُمَّ إِنِّي أَسْأَلُكَ الثَّبَاتَ فِي الْأَمْرِ وَالْعَزِيمَةَ عَلَى الرُّشْدِ وَأَسْأَلُكَ شُكْرَ نِعْمَتِكَ وَحُسْنَ عِبَادَتِكَ وَأَسْأَلُكَ قَلْبًا سَلِيمًا وَلِسَانًا صَادِقًا وَأَسْأَلُكَ مِنْ خَيْرِ مَا تَعْلَمُ وَأَعُوذُ بِكَ مِنْ شَرِّ مَا تَعْلَمُ وَأَسْتَغْفِرُكَ لِمَا تَعْلَمُ
Oh Allaah, mo pe demande Toi la fermeté dans les choses, la determination lor la droiture. Mo pe demande Toi pour qui mo remercie (Toi) pour To bans faveurs et mo faire To Ibaadat bien. Mo pe demande Toi ene le coeur pure et ene la langue qui cause vrai. Mo pe demande Toi de du bien qui To conné, mo pe cherche protection avec Toi contre le mal qui To conné et mo pe demande Toi pardon pour cequi nous pas conné.

(3)
اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ
Allaahumma A-‘Innii ‘Alaa Zikrika Wa Shuk-Rika Wa Husni Ibaadatik
Oh Allaah! Aide moi pour faire To Zikr, pour remercie Toi,et pour faire To Ibaadat bien.




(4)
اللَّهُمَّ حَاسِبْنِي حِسَابًا يَسِيرًا
Oh Allaah, faire moi rendre ene compte facile.

(5)

اللَّهُمَّ إِنِّي أَعُوذُ بِكَ مِنْ شَرِّ مَا عَمِلْتُ وَمِنْ شَرِّ مَا لَمْ أَعْمَلْ
Oh Allaah, mo pe cherche To protection contre le mal qui mo fine commettre et contre le mal qui mo pas fine commettre.

(6)

اللَّهُمَّ إِنِّي أَسْأَلُكَ يَا أَللَّهُ الْأَحَدُ الصَّمَدُ الَّذِي لَمْ يَلِدْ وَلَمْ يُولَدْ وَلَمْ يَكُنْ لَهُ كُفُوًا أَحَدٌ أَنْ تَغْفِرَ لِي ذُنُوبِي إِنَّكَ أَنْتَ الْغَفُورُ الرَّحِيمُ
Oh Allaah, mo pe demande Toi, oh Allaah, le Un, Le Unique, As-Swamad (Celui qui pas bizin personne et zotte tous bizin Li), Celui qui pas fine gagne zenfant et Li pas zenfant personne, et Celui qui pas ena personne egale a Li, (mo pe demande Toi) pour qui To pardonne moi mo bans pechés, car certainement To Al-Ghafour (Celui qui pardonné) et Ar-Rahiim (Celui qui gagne pitié).








(7)

اللَّهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ بَدِيعُ السَّمَاوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ الْجَنَّةَ وَأَعُوذُ بِكَ مِنَ النَّارِ
Oh Allaah, mo pe demande Toi, car tous louanges appartenir a Toi. Pas ena aucun Ilaah excepté Toi. (Toi To) Al-Mannaan (Celui qui faire faveur a travers So bans dons), Celui qui fine créé les ceils et la terre. Oh Celui qui plein de majesté et digne de révérence. Oh Vivant, Oh Celui qui fine prend responsabilité de tous quitechoses, mo pe demande Toi Jannat et mo pe cherche protection avec Toi contre du feu (l’enfer).

(8)
اللَّهُمَّ بِعِلْمِكَ الْغَيْبَ وَقُدْرَتِكَ عَلَى الْخَلْقِ
Oh Allaah, par To connaissance de Ghaib et To capacité lor les creatures,

أَحْيِنِي مَا عَلِمْتَ الْحَيَاةَ خَيْرًا لِي وَتَوَفَّنِي إِذَا عَلِمْتَ الْوَفَاةَ خَيْرًا لِي
Garde moi vivant aussi longtemps To conné qui la vie meilleur pour moi et donne moi la mort quand To conné qui la mort meilleur pour moi.

اللَّهُمَّ وَأَسْأَلُكَ خَشْيَتَكَ فِي الْغَيْبِ وَالشَّهَادَةِ
Oh Allaah, mo pe demande Toi la crainte pour Toi dans bans places cachiettes et en public.

وَأَسْأَلُكَ كَلِمَةَ الْحَقِّ وَالْعَدْلِ فِي الْغَضَبِ وَالرِّضَا
Mo pe demande Toi parole de la verité et la justice pendant qui mo arrivé en colère et quand mo satisfait.

وَأَسْأَلُكَ الْقَصْدَ فِي الْفَقْرِ وَالْغِنَى
Mo pe demande Toi la moderation pendant la misère et la richesse.

وَأَسْأَلُكَ نَعِيمًا لَا يَبِيدُ
Mo pe demande toi ene bien-etre qui pas pour exterminé.

وَأَسْأَلُكَ قُرَّةَ عَيْنٍ لَا تَنْقَطِعُ
Mo pe demande toi ene fraicheur de mo lizieux qui pas pour discontinué.

وَأَسْأَلُكَ الرِّضَى بَعْدَ الْقَضَاءِ
Mo pe demande Toi la satisfaction après (n’importe qui) sort (dans mo destin).

وَأَسْأَلُكَ بَرْدَ الْعَيْشِ بَعْدَ الْمَوْتِ
Mo pe demande Toi ene la vie frais après la mort.

وَأَسْأَلُكَ لَذَّةَ النَّظَرِ إِلَى وَجْهِكَ وَالشَّوْقَ إِلَى لِقَائِكَ
Mo pe demande Toi le plasir pour guette To figure et le désir ardent pour joindre Toi.

فِي غَيْرِ ضَرَّاءَ مُضِرَّةٍ وَلَا فِتْنَةٍ مُضِلَّةٍ
Sans aucun mauvais malheur et sans aucun Fitnah qui pour egare moi.

اللَّهُمَّ زَيِّنَّا بِزِينَةِ الْإِيمَانِ وَاجْعَلْنَا هُدَاةً مُهْتَدِينَ
Oh Allaah, embellir nous avec la beauté de Imaan et faire nous vine bans guides qui lor la bonne voie.

(9)
Juste avant Salaam, nous lire sa Du’aa la :

اللَّهُمَّ اغْفِرْ لِي مَا قَدَّمْتُ وَمَا أَخَّرْتُ وَمَا أَسْرَرْتُ وَمَا أَعْلَنْتُ وَمَا أَسْرَفْتُ وَمَا أَنْتَ أَعْلَمُ بِهِ مِنِّي أَنْتَ الْمُقَدِّمُ وَأَنْتَ الْمُؤَخِّرُ لَا إِلَهَ إِلَّا أَنْتَ
Allaahumagh Firlii Maa Qaddamtu Wamaa Akh Khartu Wamaa As Rartu Wamaa A’lantu Wa Maa Asraftu Wa Maa Anta A’lamu Bihii Minnii. Antal Muqaddim Wa Antal Mu-Akh-Khir. Laa Ilaaha Illaa Anta
Oh Allaah, pardonne moi pour cequi mo fine faire dans le passé, pour cequi mo pour faire dans le futur, pour cequi mo fine faire en cachiette et cequi mo fine faire ouvertement, pour cequi mo fine faire en exageration et pour cequi To plus conné qui moi. To meme Al-Muqaddim (Celui qui faire avance les choses) et Al-Mu-akh-Khir (Celui qui retarde les choses). Pas ena aucun Ilaah apart Toi.


Taslim.

Nous termine nous Swalaat par Tasliim, c’est-a-dire par dire :

السَّلَامُ عَلَيْكُمْ وَرَحْمَةُ اللَّهِ
As-Salaamu ‘Alaykum Wa Rahmatullah
La paix et pitié d’Allaah lor zotte.
Nous dire sa phrase la deux fois – coté droite et ensuite coté gauche.

Quand nous faire Tasliim, nous vire nous figure dans ene façon qui nous la joue visible depuis a l’arrière.


LA LOI CONCERNANT SWALAAT EN JAMAAT. أحكام صلاة الجماعة

L'obligation faire Swalaat en Jamaat dans Masjid.

Faire Swalaat en Jamaat c'est ene acte Waajib (obligatoire) lor bans zommes et nonplus qui li simplement ene Sunnah. Même si nous dans ene situation cote nous pé peur attention l'ennemis attaque nous, nous bizin faire Swalaat en Jamaat.

Nous faire Swalaat en Jamaat dans bans Masjid. Nous pas faire Swalaat en Jamaat dans bans ti-centres qui fine gagne probleme avec l’administration Masjid, et nonplus qui chacun faire ene Jamaat avec so famille dans so lacaze.

Nous faire Swalaat en Jamaat dans Masjid, même si Imaam là li ene Bidati oubien qui li prend so la paye avec gouvernement Kaafir. Si Imaam la commettre Shirk et après qui nous fine prouve li so l’egarement, li persisté lor so Shirk, nous arrête faire Swalaat derrière li.

Gagne probleme avec Imaam oubien Mutawalli Masjid, sa c'est pas ene cause valable pour laquelle nous capave arrete alle faire Swalaat dans Masjid.

Faire Swalaat avec ene grand Jamaat, sa so Thawaab li plus qui faire Swalaat avec ene petit Jamaat.

Si nous fine fini faire ene Swalaat, et ensuite nous trouve ene groupe dimounes pé faire sa Swalaat là en Jamaat, nous rentre dans sa deuxième Jamaat là avec Niyyah Nafil.

Ena dimounes pas montré aucun l'amour pour gagne Swalaat en Jamaat au complet; malgré qui Swalaat fini commencer, zotte continué mette dialogue par derrière Masjid oubien en dehors.

Bans raisons pour lesquelles nous endroit pas faire Swalaat en Jamaat :
si nous malade
si chemin jusqu'a Masjid pas en securité
si la pluie pe tombé
si mangé fine paré juste l'heure Swalaat en Jamaat, et nous pé gagne faim
si l'heure Swalaat en Jamaat fine rentrer, et nous pe bizin alle toilette
si ene personne pas pe capave debarasse-li d’ene mauvais l’odeur
si pe faire trop frais
si ene personne pe occupe ene malade qui pres pour mort
si ene personne trop gros et li gagne difficulté pour alle Masjid

Si Imaam oubien bans Muswalli remarque l'absence d'ene frère qui ti regulier, banla bizin alle joindre li, aide li pour resourdre so probleme, et invite li pour retourne vers Masjid.

Vertus faire Swalaat en Jamaat.

Ene Swalaat accomplit en Jamaat li 27 fois meilleur qui ene Swalaat accomplit individuellement.

Recompense faire 40 jours Swalaat en Jamaat sans rate Takbiirat-ul-Ihraam :
(a) Allaah eloigne li depuis l'hypocrisie
(b) Allaah eloigne li depuis l'enfer

Parmi bans actions qui recommandé dans l'Islaam : Apres ene Swalaat, reste dans Masjid et attendre Swalaat qui vine apres.


Swalaat en Jamaat pour bans madames.

Faire Swalaat en Jamaat li pas limité à bans zommes. Même bans madames aussi endroit alle faire Swalaat en Jamaat avec bans zommes dans Masjid. Zotte endroit aussi faire Swalaat en Jamaat entre zotte.

Quand ene madame demande so missier permission pour alle Masjid, missier la bizin pas empeche li.

Quand bans madames pé faire Swalaat en Jamaat entre zotte, madame qui pé faire Imaamat, li deboute dans premier Swaf avec les autres, même si zotte plus qui à deux personnes.



Meilleur Swaf pour bans madames :
Si zotte pé faire Swalaat ensemble avec bans zommes dans ene Masjid qui pas ena séparation, alors meilleur Swaf pour zotte c'est bans derniers Swaf.
Si zotte pé faire Swalaat entre zotte, oubien ensemble avec bans zommes dans ene Masjid qui ena séparation, alors meilleur Swaf pour zotte c'est bans premiers Swaf.

Si ene zomme pe faire Swalaat en Jamaat avec so madame, li faire so madame deboute par derrière li et nonplus qui zotte deboute dans ene seul Swaf.

Quand bans madames pé vine faire Swalaat en Jamaat dans Masjid, faudrait qui zotte prend compte zotte l'habillement et faudrait pas qui zotte mettre parfum.

Apres Swalaat Faraz, bans zommes reste emplace pour ene ti-moment afin qui bans madames gagne les temps pour sorti depuis Masjid et retourne zotte lacaze.

Ene madame faire Swalaat tout seul dans so lacaze, sa meilleur qui li vine faire Swalaat en Jamaat dans Masjid.


Certains Aadaab Masjid.

Li recommandé fini faire Wudu depuis lacaze pour alle Masjid.

Li recommandé qui nous vine Masjid pour Swalaat avec joli l'habillement.

Du'aa qui nous lire quand nous pé alle Masjid :

اللَّهُمَّ اجْعَلْ فِي قَلْبِي نُورًا وَفِي لِسَانِي نُورًا
وَاجْعَلْ فِي سَمْعِي نُورًا وَاجْعَلْ فِي بَصَرِي نُورًا
وَاجْعَلْ مِنْ خَلْفِي نُورًا وَمِنْ أَمَامِي نُورًا
وَاجْعَلْ مِنْ فَوْقِي نُورًا وَمِنْ تَحْتِي نُورًا
اللَّهُمَّ أَعْطِنِي نُورًا
Allaahumaj-Al Fii Qalbii Nouraa, Wafii Lisaanii Nouraa
Waj-Al Fii Sam-Ii Nouraa, Waj-Al Fii Baswarii Nouraa
Waj-Al Min Khalfii Nouraa Wamin Amaamii Nouraa
Waj-Al Min Fawqii Nouraa Wamin Tahtii Nouraa
Allaahumma A’twinii Nouraa
Oh Allaah, mette ene lumière dans mo le coeur, et (mette) ene lumière lor mo la langue. Mette ene lumière dans mo zoreilles et mette ene lumière dans mo lizieux. Mette ene lumière par derrière moi, et (mette) ene lumière par devant moi. Mette ene lumière la haut moi, et (mette) ene lumière embas moi. Oh Allaah! donne moi ene lumière.

Li pas recommandé pour lire sa Du'aa’ la quand pe sorti lacaze pour alle Masjid :

اللَّهُمَّ إِنِّي أَسْأَلُكَ بِحَقِّ السَّائِلِينَ عَلَيْكَ وَأَسْأَلُكَ بِحَقِّ مَمْشَايَ هَذَا
فَإِنِّي لَمْ أَخْرُجْ أَشَرًا وَلَا بَطَرًا وَلَا رِيَاءً وَلَا سُمْعَةً
وَخَرَجْتُ اتِّقَاءَ سُخْطِكَ وَابْتِغَاءَ مَرْضَاتِكَ
فَأَسْأَلُكَ أَنْ تُعِيذَنِي مِنَ النَّارِ وَأَنْ تَغْفِرَ لِي ذُنُوبِي
إِنَّهُ لَا يَغْفِرُ الذُّنُوبَ إِلَّا أنت
Allaahumma Innii As-Aluka Bi Haqqis Saa-Iliina Alayka Wa-As-Aluka Bihaqqi Mamshaaya Haazaa. Fa-Innii Lam Akhruj Asharan Walaa Batwaran Walaa Riyaaa-An Walaa Sum-Ah. Wa Kharajtut Tiqaa-A Sukhtwika Wabtighaa-A Mardwaatik. Fa-As-Aluka An Tu-Iizanii Minan Naari Wa An Tagfira Lii Zunoubii. Innahou Laa Yaghfiruz Zunouba Illaa Anta.

Quand nous pé alle Masjid, li empeché qui nous mette les doigts de nous deux la mains, ene dans l'autre.

Avant rentre dans Masjid nous bizin enleve tout mauvais l'odeur qui ena avec nous.

Aussi longtemps ena place dans Masjid, nous bizin pas faire Swalaat en dehors Masjid.

Nous rentre dans Masjid avec lipied droite.

Avant rentre dans Masjid lire Du'aa :

أَعُوذُ بِاللَّهِ الْعَظِيمِ وَبِوَجْهِهِ الْكَرِيمِ وَسُلْطَانِهِ الْقَدِيمِ مِنَ الشَّيْطَانِ الرَّجِيمِ
A’ouzubillaahil Azwiim Wabi Wajhihil Kariim Wa Sul Twaanihil Qadiim Minash Shaytwaanir Rajiim
Mo pe cherche protection avec Allaah – Le Supreme, avec So figure noble, et avec So l’autorité anciene contre Shaytwaan – le maudit.

بسم الله والصلاة والسلام على رسول الله
Bismillaahi Was Swalaatu Was Salaamu ‘Alaa Rasoulillaah
Au nom d’Allaah. Swalaat et La paix lor messager d’ Allaah.

اللَّهُمَّ افْتَحْ لِي أَبْوَابَ رَحْمَتِكَ
Allaahummaf Tahlii Abwaaba Rahmatik
Oh Allaah, ouvert pour moi, bans la portes de To Rahmat.

Quand nous rentre dans Masjid, nous faire Salaam à haute voix meme si bans dimounes pé faire Swalaat.

Quand nous rentre dans Masjid, nous pas endroit assizé aussi longtemps qui nous pas faire Swalaat :
soit nous rentre directement dans Swalaat Jamaat (Faraz)
oubien nous faire nous Sunnah avant Swalaat Faraz
oubien nous faire deux Rakaat Tahiyyat-ul-Masjid

Nous bizin faire Swalaat Tahiyyat-ul-Masjid, meme si nous fine rentre dans Masjid apres Swalaat Asr ou pendant Khutbah Jumu’ah.

Nous sorti depuis Masjid avec lipied gauche.

En sortant depuis Masjid, nous lire sa Du'aa la :

بسم الله والصلاة والسلام على رسول الله
Bismillaahi Was Swalaatu Was Salaamu ‘Alaa Rasoulillaah
Au nom d’Allaah. Swalaat et la paix lor messager d’ Allaah.

اللَّهُمَّ إِنِّي أَسْأَلُكَ مِنْ فَضْلِكَ
Allaahumma Innii As-Aluka Min Fadlik
Oh Allaah, mo pe demande Toi de To faveur.

اللَّهُمَّ اعْصِمْنِي مِنَ الشَّيْطَانِ الرَّجِيمِ
Allaahumma’ Swimnii Minash Shaytwaanir Rajiim
Oh Allaah, protége moi contre Shaytwaan le maudit.

Li pas recommandé pour lire sa Du'aa la quand pe rentre dans Masjid oubien quand pe sorti :

رَبِّ اغْفِرْ لِي ذُنُوبِي
Rabbigh Fir Lii Zunoubii


Azaan et Iqaamah.

Li obligatoire pour donne Azaan pour annonce la rentrée de chaque l’heure Swalaat.

Si ene personne pé remplace ene Swalaat raté tout seul, li aussi li donne Azaan.

Ene madame aussi li donne Azaan et Iqaamah quand li pe faire Swalaat Faraz.

Pas endroit servi cassette pour donne Azaan de chaque l’heure Swalaat.

Li Bid-ah pour donne Azaan et Iqaamah pour Swalaat-ul-Eid.

Li pas correcte pour donne Azaan endans Masjid, mais bizin donne Azaan en dehors Masjid lor ene place haut.


Azaan de Swalaat-ul-Fajr

Li Sunnah pour qui ena deux Azaan pour Swalaat-ul-Fajr, donné par deux Muazzin differents – ene Azaan apeupres 15 minutes avant l’heure et ene Azaan quand l’heure rentré.

Dans Azaan Fajr, apres “Hayya ‘alal Falaah”, li Sunnah pour dire deux fois :

الصَّلَاةُ خَيْرٌ مِنَ النَّوْمِ
As-Swalaatu Khayrum minan nawm
Swalaat meilleur qui sommeil.

Apres Azaan Fajr ena juste deux Rakaat Sunnah, pas plus.


Bans conditions pour qui ene Azaan valable.

Donne Azaan par bans phrases qui le prophète fine enseigne nous.

Donne Azaan en ordre.

Donne Azaan quand l’heure fine rentré (pas avant).


Bans quitechoses qui recommandé concernant Azaan.

Donne Azaan sans causé entre bans phrases Azaan.

Donne Azaan avec Twahaarah (Ghusl & Wudu).

Donne Azaan deboute.

Donne Azaan en faisant face Qiblah.

Donne Azaan avec bonne prononciation, sans rissé.


Bans qualités qui bizin ena dans ene Muazzin.

Li ene musulman.

So l’esprit bon (li pas fou).

Li ene zomme.

Li pas prend l’argent pour donne Azaan.

Li ena ene joli la voix.


Quand écoute Azaan

Li Sunnah pour recite Azaan ensemble avec Muazzin, excepté qui nous dire “Laa Hawla wa laa Quwwata illaa billah” apres “Hayya ‘alas Swalaah, Hayya ‘alal Falaah”.

Apres qui Muazzin fine dire “Ash-hadu anna Muhammadar Rasoulullah”, li Sunnah qui nous lire sa Du'aa la :

وَأَنَا أَشْهَدُ أَنْ لَا إِلَهَ إِلَّا اللَّهُ وَحْدَهُ لا شَرِيكَ لَهُ وَأَنَّ مُحَمَّدًا عَبْدُهُ وَرَسُولُهُ رَضِيتُ بِاللَّهِ رَبًّا وَبِمُحَمَّدٍ رَسُولًا وَبِالْإِسْلَامِ دِينًا
Wa Ana Ash-Hadu Al Laa Ilaaha Illallaahu Wahdahou Laa Shariikalah. Wa Anna Muhammadan Abduhou Wa Rasouluh. Radwiitu Billaahi Rabban Wabi Muhammadir Rasoulan Wabil Islaami Diinaa
Et mo temoigné qui pas ena aucun vrai Ilaah excepté Allaah, Li unique, Li pas ena aucun associé, et qui Muhammad c’est So esclave et So messager. Mo fine satisfait avec Allaah comme (mo) Rab, avec Muhammad comme (mo) messager, et avec l’Islaam comme (mo) Deen.

Apres Azaan, li Sunnah qui nous envoye Salaam lor le prophète, et ensuite nous lire sa Du'aa la :

اللَّهُمَّ رَبَّ هَذِهِ الدَّعْوَةِ التَّامَّةِ وَالصَّلَاةِ الْقَائِمَةِ
آتِ مُحَمَّدًا الْوَسِيلَةَ وَالْفَضِيلَةَ وَابْعَثْهُ مَقَامًا مَحْمُودًا الَّذِي وَعَدْتَهُ
Alaahumma Rabba Haazihid Da’watit Taaammati Was Swalaatil Qaaa-Imati. Aati Muhammada Nil Wasiilata Wal Fadwiilata Wab-Ath-Hu Maqaamam Mahmouda Nil Lazii Wa-Attah
Oh Allaah – Rab de sa l’appel parfait la, et de sa Swalaat qui etre accomplit la. Donne Muhammad Al-Wasiilah, et Al-Fadwiilah, et envoye li lor ene plateforme qui plein avec louange – qui To fine prommettre li.


Iqaamah

Li obligatoire pour donne Iqaamah avant commence Swalaat Faraz.

Ena deux façons donne Iqaamah : double (17 phrases) ou simple (11 phrases).

Entre Azaan et Iqaamah bizin ena assez les temps pour qui bans dimounes prepare zotte pour Swalaat.

Apres Iqaamah, li Sunnah pour qui Imaam ordonne so bans Muswalli pour dresse Swaf avant qui li faire Takbiirat-ul-Ihraam.

Entre Azaan et Iqaamah, c’est ene moment cote Allaah pas rejete Du'aa.

Li pas obligatoire lor celui qui donne Azaan pour qui li-meme li donne Iqaamah.

Nous pas endroit sorti depuis Masjid apres Azaan jusqua accomplissement du Swalaat, excepté pour ene cause valabe.

Entre chaque Azaan et Iqaamah, li Sunnah pour faire deux Rakaat, meme entre Azaan et Iqaamah de Swalaat Maghrib.

Quand donne Iqaamah nous pas endroit faire aucun Sunnah ou Nafil, meme Sunnah Fajr.





Certains Sunnah et Bid-ah quand Muazzin pe donne Azaan

Li recommandé qui Muazzin mette so deux les doigts dans so deux zoreilles quand li pe donne Azaan.

Li Sunnah pour qui Muazzin vire so figure coté droite et coté gauche quand li dire les deux “Hayya ‘alaa …………”

Li Bid-ah pour qui Muazzin envoye Salaam lor le prophète tout de suite apres Azaan à haute voix, comme si sa forme partie de Azaan.

Li Bid-ah pour dire : “Aqaamahal laahu wa adaamahaa” quand nous entendre celui qui pe donne Iqaamah dire : “Qad qaamatis Swalaah”.

Li Bid-ah pour qui nous embrasse nous deux pouces et frotte sa lor nous deux lizieux quand nous entendre Muazzin dire : “Ash hadu anna Muhammadar Rasoulullah”.

Li Bid-ah pour qui apres Du'aa Azaan nous ajoute :

والدرجة الرفيعة
Wad Darajatar Rafii-Ah

إِنَّكَ لَا تُخْلِفُ الْمِيعَادَ
Innaka Laa Tukhli Ful Mii-Aad

اللهم إني أسألك بحق هذه الدعوة
Allaahumma Innii As-Aluka Bihaqqi Haazihid Da’wah

Li pas recommandé pour lire sa Du'aa la pour Azaan Maghrib :

اللَّهُمَّ إِنَّ هَذَا إِقْبَالُ لَيْلِكَ وَإِدْبَارُ نَهَارِكَ وَأَصْوَاتُ دُعَاتِكَ فَاغْفِرْ لِي
Allaahumma Inna Haazaa Iqbaalu Laylika Wa Idbaaru Nahaarika Wa As Waatu Du-‘Aatika Faghfir Lii

Li Bid-ah pour dire : “Swadaqta wa bararta” quand entendre Muazzin dire : “As Swalaatu khayrum minan nawm”.

Li Bid-ah pour qui nous mette-nous dans position deboute couma nous entendre Azaan.


Imaamah.

Deboute Imaam, li pas limité à bans dimounes agés. En verité, même bans zenfants (qui raisonné) endroit deboute Imaam.

Celui qui merite deboute Imaam c'est celui qui conne Qur-aan plus, ensuite celui qui conne Hadiith plus, ensuite celui qui fine faire Hijrah en premier, et ensuite celui qui fine accepté Islaam en premier.

Si ene personne fine rentre dans Masjid dans ene l'endroit etranger et pas ena personne pour deboute Imaam, li obligé demande permission avec bans dimounes qui presents pour qui li deboute Imaam.

Celui qui deboute Imaam li endroit demande Du'aa pour li personellement dans so Swalaat.

Li pas permissible pour qui Imaam faire Swalaat lor ene hauteur, et bans Muswalli par derrière li faire Swalaat embas.

Imaam c'est li qui ordonné quand pour donne Iqaamah pour commence Swalaat, et nonplus qui nous donne Iqaamah sans permission Imaam.

Ene Bid-ah qui certains Imaam faire c'est qui zotte faire Takbiirat-ul-Ihraam quand Muazzin dire : “Qad qaamatis Swalaah”

Swalaat c'est ene Ibadaat. Alors, Imaam bizin faire so Swalaat posément afin qui bans Muswalli par derrière li gagne assez les temps pour faire zotte Tasbiih et Du'aa posément.

Pas ena aucun empechement pour qui ene aveugle oubien ene personne handicappé faire Imaamah dans ene Masjid.

Si apres Swalaat , Imaam rappelle qui li fine deboute Imaam sans Wudu oubien sans Ghusl, alors li tout seul remplace so Swalaat, sans qui bans Muswalli remplace sa Swalaat la.

Couvert la tete avec bonet li pas ene condition pour faire Imaamat. Alors, li pas permissible pour qui nous refuse faire Swalaat par derrière ene certain Imaam juste parcequi li pas fine mette bonet. Mais si Imaam la conné qui ena dimoune avec sa fausse conception la dans so Masjid, li meilleur qui li mette so bonet pour evite probleme.

Si ene Imaam ena desobeissance Allaah auclair dans so la vie, direction Masjid bizin prend sanction contre li. Si li pas arreté, bizin tire li depuis sa place la.

Bans Haraam qui pas capave tolerés de la part d’ene Imaam :
Raze la barbe
Taille la barbe comme si fine colle la treste collante lor figure
Laisse pantalon depasse cheville
Prend l'interet avec la banque
Assité mariage qui celebré dans ene façon anti-islamique
Fume cigarette
So madame et so tifille habille indecemment

Si direction Masjid pe soutire ene Imaam qui pe vivre dans desobeissance Allaah, sa li pas ene cause valable pour qui nous quitte Masjid et nous pas faire Swalaat derrière li. So pechés reste avec li, et nous, nous accomplir nous obligation faire Swalaat en Jamaat.

C'est ene erreur qui quand Imaam faire Takbiir, li rissé plus qui bizin, comme par exemple li dire : “Allaaaaa hu Akbar”.

Li Sunnah pour qui Imaam vire vers bans Muswalli apres Swalaat en Jamaat, parfois vers Swaf coté droite et parfois vers Swaf coté gauche.

Si Imaam so Wudu cassé pendant Swalaat, li sorti pour alle faire Wudu, et ene Muswalli dans premier Swaf bouge par devant pour continuer sa Swalaat la. Erreurs qui dimounes faire dans sa situation la :
Imaam juste assize dans ene coin et li pas sorti pour alle faire Wudu
Imaam faire tous Muswalli casse zotte Swalaat juste parcequi so Wudu fine cassé
Bans Muswalli reste emplace et zotte attendre Imaam retourner pour qui li-meme li continué sa Swalaat la.


Sutrah.

Sutrah qui Imaam prend pour so Swalaat, sa suffit comme Sutrah pour bans Muswalli par derrière li. Nous pas endroit passe entre Imaam et so Sutrah, mais nous endroit passe entre bans Muswalli pendant qui banlà dans Swalaat en Jamaat.

Si nous Wudu cassé et nous dans bans premiers Swaf, nous passe entre bans Swaf qui apres pour nous alle faire Wudu, et ensuite nous re vine joindre Jamaat et nous re commence nous Swalaat. Erreurs qui dimounes faire dans sa situation là :
Zotte reste assizé emplace, soi-disant pas endroit passe entre bans Muswalli
Zotte faire semblant qui zotte pe continué faire Swalaat et zotte pas sorti avec soi-disant la honte.

Si nous ena pour remplace ene Rak’ah, apres qui Imaam faire Salaam, nous bouge ene tigit devant – si bizin – pour prend nous propre Sutrah.

3 quitechoses qui casse nous Swalaat si zotte passe entre nous et nous Sutrah :
Ene bourik
Ene lichien noir
Ene grande fille oubien ene madame


Dresse Swaf.

Minimum quantité dimoune avec lequel nous faire ene Swalaat en Jamaat c'est deux personnes; tous les deux deboute droite dans ene seul Swaf et nonplus qui Imaam là deboute ene tipeu par devant.

Si ena plus qui deux personnes, Imaam là li pas deboute dans même Swaf, mais li deboute par devant, li tout seul.

Si nous pé faire Swalaat Jamaat à deux personnes, celui qui pas Imaam li deboute coté droite avec Imaam, dans même Swaf avec li.

Meilleur Swaf pour bans zommes c'est bans premiers Swaf.

Si ene dimoune faire Swalaat tout seul dans ene Swaf, malgré qui ena place dans Swaf qui par devant li, so Swalaat pas compté et li obligé refaire sa Swalaat la.

Si nous rentre dans Masjid et nous trouve Swaf rempli, nous essaye trouve ene place dans sa Swaf là même, sans donne difficulté à bans qui déjà dans sa Swaf là. Si nous pas trouve ene place parmi banlà, nous faire nous Swalaat en Jamaat, tout seul dans Swaf qui vine apres. Erreurs qui ena dimoune faire dans sa situation là (c’est-a-dire, quand li trouve Swaf rempli) :
Li risse ene Muswalli depuis Swaf devant pour faire Swalaat avec li dans Swaf après
Li alle faire Swalaat costé avec Imaam par devant
Li alle faire so Swalaat individuellement
Li reste attendre quicaine vini pour faire Swalaat ensemble avec li dans Swaf qui vine après.

Tout de suite après Imaam, bans dimounes qui plus merite deboute dans premier Swaf, c'est bans personnes intelligents, afin qui si Imaam so Wudu cassé, ene parmi sa bans dimounes là capave remplace Imaam.

Nous deboute dans Swaf dans sa façon la : Nous faire nous zépaule touche zépaule nous camarade, et nous lipied (cheville) touche avec lipied (cheville) nous camarade. Erreurs qui dimounes faire :
Zotte deboute dans Swaf avec ene distance de quatres doigts entre zotte deux lipieds.
Zotte écarte zotte deux lipieds dans ene façon qui zotte zépaule pas touche avec zépaule zotte camarades.

Li empeché faire Swalaat entre bans colonnes, dans bans Swaf coupés, excepté si pas ena place.

Avant commence Swalaat, li recommandé qui Imaam addresse bans Muswalli et li ordonne zotte pour dresse zotte Swaf.

Si ene dimoune sorti depuis Swaf par devant nous, nous marché depuis nous place pour prend so place. Nous pas laisse Swaf devant nous avec rupture.

Pas ena aucun preuve authentique qui empeche bans zenfants rentre dans Masjid, oubien pour qui bans zenfants qui raisonné faire Swalaat dans premier Swaf.

Si ene zenfant fine arrive dans premier Swaf avant les autres, personne pas endroit tire li depuis par devant, pour envoye li par derrière. Mais faudrait pas li faire Swalaat juste par derrière Imaam.

Bans zenfants qui raisonné, zotte faire Swalaat ensemble avec bans grands dimounes, et nonplus qui ena ene Swaf speciale pour zotte entre bans zommes et bans madames.

Pas ena aucun preuve authentique qui prouvé qui Imaam bizin deboute au milieu Masjid, afin qui ena meme quantité dimounes dans deux cotés Swaf.

Li pas correct qui nous commence faire ene deuxième Swaf, alors qui Swaf par devant pas encore completé.

Si dans rempli Swaf, majorité Muswalli vine coté droite et coté gauche reste presque vide, sa li pas consideré comme ene erreur.


Obligation suivre Imaam.

Nous pas endroit faire aucun action et nous pas endroit prononce aucun parole (qui audible) avant Imaam :
Nous faire Takbiir juste apres Imaam.
Nous alle dans Rukou’ et Sajdah juste apres Imaam
Nous faire Salaam juste apres Imaam…etc.

Erreur qui certains dimounes faire c'est qui zotte tardé pour suivre Imaam dans zotte Swalaat; quand Imaam pres pour lever depuis Rukou’, astere qui zotte pe alle dans Rukou’.

Si Imaam fine commence so Swalaat dans position assizé, bans Muswalli aussi bizin faire Swalaat assizé.

Quand Imaam dire : سَمِعَ اللَّهُ لِمَنْ حَمِدَهُ) ), bans Muswalli aussi dire : (سَمِعَ اللَّهُ لِمَنْ حَمِدَهُ) et ensuite zotte dire (رَبَّنَا وَلَكَ الْحَمْدُ).

Apres lecture Sourah Faatihah, nous attendre Imaam commence dire "Aamiiiin", ensuite nous dire "Aamiiiin" ensemble avec li, à haute voix.

Li Sunnah qui Imaam et bans Muswallis dire "Aamiiin" a haute voix apres lecture Surat-ul-Fatihah. Mais faudrait nous respecter reglément Tajwiid et faudrait pas qui nous hurler. Erreurs qui certains dimounes commettre c’est qui zotte dire :
Aaaa miiiiin
Aaaa am miiiiin

Bid-ah qui bans Muswalli faire avant commence faire Swalaat en Jamaat c'est qui zotte lire Niyyah suivre Imaam : “Iqtadayto bi haazal Imaam”.

Si ena beaucoup dimounes dans Masjid et Imaam so la voix pas pé arrive jusqu'a dernier Swaf, ene Muswalli par derrière Imaam, repete Takbiir à haute voix. Si ena micro, alors pas ena aucun utilité pour qui ene deuxième personne repete Takbiir par derrière Imaam.

Si nous ena pour faire Swalaat Zuhr, par exemple, et nous trouve Imaam pé faire Swalaat Asr, nous rentre dans Jamaat avec Niyyah Swalaat Zuhr, et nous suivre li dans so bans actions. Ensuite quand li terminé, nous faire nous Swalaat Asr.[5]

Si ene personne dans voyage et li fine arreté pour faire Swalaat dans ene l'endroit, li faire pareille couma Imaam pe faire, sans qui li diminuer nombre de Rakaat.

Si Imaam pé faire erreur dans so Swalaat, bans zommes signale li par dire : "Sub-haanallaah", et bans madames tappe zotte la mains.


Lecture Qur-aan dans Swalaat en Jamaat.

Dans Swalaat Sirriyyah (Zuhr & Asr), dans deux premiers Rakaat nous lire Sourat-ul-Faatihah et ene Sourah encore, et dans deux derniers Rakaat nous lire Sourat-ul-Faatihah (et nous endroit aussi lire ene l'autre Sourah si gagne les temps).

Dans Swalaat Jahriyyah (Fajr, Maghrib, Ishaa), dans deux premiers Rakaat, bans Muswalli ecoute Imaam lire, et dans Rakaat/s qui vine apres, nous lire Sourat-ul-Faatihah.

C'est ene Bid-ah pour qui Imaam reste tranquille pendant ene longue moment apres lecture Sourat-ul-Faatihah, pour donne les temps a bans Muswalli pour qui zotte aussi zotte lire Sourat-ul-Faatihah.
Li Sunnah pour qui Imaam lire Qur-aan, Aayat par Aayat, au lieu qui li lire 2-3 Aayat avec ene seul essouffle.

Li Sunnah pour qui Imaam reste tranquille pendant ene moment court, apres so lecture – avant alle dans Rukou’. Nonplus qui li alle dans Rukou’ en disant "Allaahu Akbar" tout de suite apres so lecture.

Dans Swalaat Fajr, li Sunnah qui Imaam lire bans Sourah Twiwaal-ul-Mufasswal, eg Sourah 50 (Qaaf).

Dans deux premiers Rakaat Swalaat Zuhr, li Sunnah pour qui Imaam lire à peu pres 30 Aayat dans chaque Rakaat (et à peu pres 15 Aayat dans deux derniers Rakaat, si li oulé).

Dans deux premiers Rakaat Swalaat Asr, li Sunnah pour qui Imaam lire à peu pres 15 Aayat dans chaque Rakaat (et à peu pres 7 - 8 Aayat dans deux derniers Rakaat, si li oulé).

Dans Swalaat Maghrib, li Sunnah pour qui Imaam lire bans petits Sourah.

Dans Swalaat Ishaa, li Sunnah pour qui Imaam lire bans Sourah tel comme :
S 87. Al-A'laa
S 91. Ash-Shams
S 92. Al-Layl
S 96. Al-‘Alaq

Li Sunnah pour qui Imaam faire so premier Rakaat plus longue qui so deuxième Rakaat.

Ene dimoune qui pe alle deboute Imaam, li bizin rassure-li qui li vaut pour deboute Imaam et qui li conne lire Qur-aan avec Tajwiid.

Lire Sourah Jumu’ah chaque jeudi soir dans Swalaat-ul-Ishaa, c’est ene Bid-ah.

Erreur qui certains Imaam et Muswalli faire c'est qui apres lecture Sourat-ut-Tiin zotte dire :

بَلَى وَأَنَا عَلَى ذَلِكَ مِنَ الشَّاهِدِينَ
Balaa Wa Ana Alaa Zaalika Minash Shaahidiin

Si Imaam pe faire erreur dans so lecture Qur-aan, bans Muswalli par derrière bizin corrige li si zotte conné.

Si ene Imaam pas conne Tajwiid couma bizin, mais li pas change signification Qur-aan quand li lire, sa qualité Imaam la, li pas empeché faire Swalaat derrière li.

Conception qui si Muswalli pas bien faire zotte Wudu, sa affecté lecture Imaam, sa c'est ene conception qui pas vraie parcequi li basé lor ene Hadiith qui pas authentique.

Si ene malheur fine touche bans musulmans, li Sunnah pour qui Imaam faire Du'aa (Qunout Nawaazil) en Jamaat, avant ou apres Rukou’.
Li Bid-ah pour qui Imaam faire Qunout continuellement dans Swalaat Fajr.

Si Imaam pe faire erreur dans so lecture, celui qui conné, li corrige li en lisant a haute voix, place cote Imaam pe faire erreur.


Zikr apres Swalaat en Jamaat.

Tout de suite apres Swalaat Farz, li recommandé qui chaque Muswalli faire Zikr individuellement :-

Lire 3 fois :
أَسْـتَـغْـفِـرُ اللَّهَ
Astagh Firullaah
Mo pe cherche pardon avec Allaah.

Lire :

اللَّهُمَّ أَنْتَ السَّلَامُ وَمِنْكَ السَّلَامُ تَبَارَكْتَ يَا ذَا الْجَلَالِ وَالْإِكْرَامِ
Allaahumma Antas Salaam Wa Minkas Salaam Tabaarakta Yaa Zal Jalaali Wal Ikraam
Oh Allaah! Toi To la paix et la paix vine de Toi. To Benit, Oh celui qui possede la majesté et révérence.

Ensuite lire bans phrases tel comme :

لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ
Laa Ilaaha Illallaahu Wahdahou Laa Shariika Lah. Lahul Mulku Wa Lahul Hamdu Wa Huwa Alaa Kulli Shay-Inn Qadiir
Pas ena aucun vrai Ilaah excepté Allaah. Li unique, Li pas ena aucun associé. Pour Li la royauté et louanges, et Li ena pouvoir lor tous quitechoses.

اللَّهُمَّ لَا مَانِعَ لِمَا أَعْطَيْتَ وَلَا مُعْطِيَ لِمَا مَنَعْتَ وَلَا يَنْفَعُ ذَا الْجَدِّ مِنْكَ الْجَدُّ
Allaahumma Laa Maani-A Limaa A’twayta Walaa Mu’twiya Limaa Mana’ta Walaa Yanfa-U Zal Jaddi Minkal Jad
Oh Allaah, pas ena personne qui capave empeche cequi To pour donné, et pas ena personne qui capave donne cequi To pour empeché. Et richesse ou pouvoir pas capave apporte profit contre Toi a aucun possedeur de richesse et pouvoir.

لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ
Laa Ilaaha Illallaahu Wahdahou Laa Shariika Lah. Lahul Mulku Wa Lahul Hamdu Wa Huwa Alaa Kulli Shay-Inn Qadiir
Pas ena aucun vrai Ilaah excepté Allaah. Li unique, Li pas ena aucun associé. Pour Li la royauté et louanges, et Li ena pouvoir lor tous quitechoses.

لَا حَوْلَ وَلَا قُوَّةَ إِلَّا بِاللَّهِ
Laa Hawla Walaa Quwwata Illaa Billaah
Pas ena aucun puissance, aucun pouvoir excepté avec Allaah.

لَا إِلَهَ إِلَّا اللَّهُ وَلَا نَعْبُدُ إِلَّا إِيَّاهُ لَهُ النِّعْمَةُ وَلَهُ الْفَضْلُ وَلَهُ الثَّنَاءُ الْحَسَنُ
لَا إِلَهَ إِلَّا اللَّهُ مُخْلِصِينَ لَهُ الدِّينَ وَلَوْ كَرِهَ الْكَافِرُونَ
Laa Ilaaha Illallaahu Wa Laa Na’budu Illaa Iyyaah
Lahun Ni’matu Wa Lahul Fadlu Walahuth Thanaa-Ul Hasan
Laa Ilaaha Illallaahu Mukhli Swiina Lahud Diina Walaw Karihal Kaafiroun
Pas ena aucun vrai Ilaah excepté Allaah. Nous pas adore excepté Li.
Pour Li le faveur, la grace et joli louange. Pas ena aucun vrai Ilaah excepté Allaah. Nous sincere envers Li (Allaah) meme si bans Kuffaar detesté sa.

اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِك
Allaahumma A-‘Innii ‘Alaa Zikrika Wa Shuk-Rika Wa Husni Ibaadatik
Oh Allaah! Aide moi pour faire To Zikr, pour remercie Toi,
et pour faire To Ibaadat bien.

Li aussi recommandé qui nous lire : (1) Aayat-ul-Kursi (2) Sourah Ikhlaas, Sourah Falaq, et Sourah Naas.

Li aussi recommandé qui nous cherche protection avec Allaah en disant :

اللَّهُمَّ إِنِّي أَعُوذُ بِكَ مِنَ الْكُفْرِ وَالْفَقْرِ وَعَذَابِ الْقَبْرِ
Allaahumma innii A’ouzubika minal Kufri wal Faqri wa Azaab-il-Qabr
Oh Allaah, mo pe cherche protection avec Toi contre Kufr, la pauvreté et punition Qabr.

اللَّهُمَّ إِنِّي أَعُوذُ بِكَ مِنَ الْجُبْنِ وَأَعُوذُ بِكَ أَنْ أُرَدَّ إِلَى أَرْذَلِ الْعُمُرِ وَأَعُوذُ بِكَ مِنْ فِتْنَةِ الدُّنْيَا وَأَعُوذُ بِكَ مِنْ عَذَابِ الْقَبْرِ
Allaahumma innii A’ouzubika minal jubni wa A’ouzubika An uradda ilaa Arzalil-Umur wa A’ouzubika min Fitnat-id-Dunyaa wa A’ouzubika min Azaab-il-Qabr
Oh Allaah, mo pe cherche protection avec Toi contre lacheté. Mo pe cherche protection avec Toi contre qui To retourne moi a l’age le plus mauvais. Mo pe cherche protection avec Toi contre Fitnah Dunyaa. Mo pe cherche protection avec Toi contre punition de Qabr,

Li aussi recommandé qui nous lire :

سبحان الله
Sub-haanallaah
الحمد لله
Alhamdulillaah
الله أكبر
Allaahu Akbar

soit nous lire li 10/10/10 fois
oubien 33/33/34 fois
oubien 25/25/25 fois, et nous ajoute 25 fois “Laa Ilaaha Illallaah”
oubien 33/33/33 fois, et nous termine par :

لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ
Laa Ilaaha Illallaahu Wahdahou Laa Shariika Lah. Lahul Mulku Wa Lahul Hamdu Wa Huwa Alaa Kulli Shay-Inn Qadiir
Pas ena aucun vrai Ilaah excepté Allaah. Li unique, Li pas ena aucun associé. Pour Li la royauté et louanges, et Li ena pouvoir lor tous quitechoses.

Apres Swalaat Fajr, li Sunnah qui nous lire sa Du'aa la :

اللَّهُمَّ إِنِّي أَسْأَلُكَ عِلْمًا نَافِعًا وَرِزْقًا طَيِّبًا وَعَمَلًا مُتَقَبَّلًا
Allaahumma Innii As-Aluka Ilman Naafi-An Warizqan Twayyiban Wa Amalam Mutaqabbalaa
Oh Allaah, mo pe demande Toi connaissance profitable, bon nourriture, et action acceptable.
Apres Swalaat Fajr, li Sunnah qui nous faire sa Zikr la 10 ou 100 fois :

لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ يُحْيِي وَيُمِيتُ بِيَدِهِ الْخَيْرُ وَهُوَ عَلَى كُلِّ شَيْءٍ قَدِيرٌ
Laa Ilaaha Illallaahu Wahdahou Laa Shariika Lah. Lahul Mulku Wa Lahul Hamdu, Yuhyii Wa Yumiit, Biyadihil Khayr, Wa Huwa Alaa Kulli Shay-Inn Qadiir
Pas ena aucun vrai Ilaah excepté Allaah. Li unique, Li pas ena aucun associé. Pour Li la royauté et louanges, Li donne la vie et Li donne la mort, le bien trouve dans So la main, et Li ena pouvoir lor tous quitechoses.

Sunnah avant et apres Swalaat Faraz, li recommandé qui nous faire li dans lacaze.


Bid-ah et erreurs qui dimounes faire apres Swalaat en Jamaat.

Faire Zikr en hurlant.

Faire Zikr en Jamaat.

Faire Du'aa en Jamaat.

Faire Zikr dans ene façon Bid-ah. Par exemple, faire certain Zikr specifique dans ene façon specifique, avec ene nombre specifique.

Ajoute bans phrases dans Zikr qui le prophète ti pe faire, tel comme :

وحينا بالسلام وأدخلنا دار السلام
Wa Hayyinaa Bis Salaam Wa Adkhilnaa Daaras Salaam

وإليك يعود السلام
Wa Ilayka Ya-Oudus Salaam

تباركت وتعاليت
Tabaarakta Wa Ta-Aalayt

Demande Du'aa individuellement tout de suite apres Swalaat sans faire Zikr.

Alle dans Sajdah tout de suite apres Swalaat pour faire Du'aa.

Faire Takbiir, Tahliil, et Tasbiih 100/100/100 fois.

Servi chapelet pour faire Zikr.

Imaam continué faire face Qiblah, sans vire ene tigit coté droite ou gauche envers bans Muswalli.

Muswalli levé allé avant qui Imaam vire vers zotte.

Chaque Muswalli serre la main avec celui qui a coté de li, et dire :
تقبل الله
Taqabba Lallaah

Faire Swalaat Sunnah tout de suite apres Swalaat Faraz sans faire Zikr oubien sans bouger ene tigit.

Aller tout de suite apres Swalaat sans faire Zikr.

Lire sa Du'aa la 7 fois apres Fajr et Maghrib :

اللهم أجرني من النار
Allaahumma Ajirnii Minan Naar

Pose la main droit lor front et la main gauche lor la jambe gauche et lire 11 fois : “Yaa Qayyoum” ou “Yaa Nouru”, et ensuite souffler lor les doigts et passe lor lizieux.

Ene Bid-ah qui beaucoup Imaam commettre encore c'est qui zotte refaire Du'aa en Jamaat apres Sunnat-Nafil, et ensuite zotte serre la main entre zotte avant separer.

Si nous fine faire Swalaat par derrière ene Imaam qui apres Swalaat li fine commence faire Du'aa en Jamaat, nous pas coopère avec li dans so Bid-ah, et nonplus nous faire role leve la main ensemble avec li. Mais nous faire nous Zikr tranquille, meme si tous dimounes pe reste guette nous.

Vine Masjid en retard.

Si nous fine reussi gagne Rukou’ avec Imaam, li consideré qui nous fine reussi gagne sa Rakaat là, malgré qui nous pas fine gagne lecture Sourah Faatihah.

Si nous rentre dans Masjid et Imaam fine fini levé depuis Rukou’, nous rentre dans Swalaat avec li, même dans n'importe qui position li été, sans nous considere qui nous fine gagne sa Rakaat là. Après Salaam, nous bizin deboute pour remplace sa Rakaat là.

Si nous rentre dans Masjid et nous trouve Imaam dans Rukou’, nous endroit deboute cote la porte Masjid, nous faire Takbiirat-ul-Ihraam et nous faire Rukou’. Ensuite nous marché dans position Rukou’ jusqu'à qui nous arrive dans Swaf.

Nous rentre dans Jamaat avec Imaam, même si li dans dernier Tashahhud.

Si nous pé vine Swalaat en retard, faudrait pas qui nous pressé, mais nous vine avec toute calme. C'est ene erreur qui quand ene dimoune en retard pour Swalaat, li marche vite ou li galoupé pour vine vers Masjid.

Nous obligé dans position deboute pour faire Takbiirat-ul-Ihraam. Ena dimoune vine Swalaat en retard et zotte faire Takbiirat-ul-Ihraam dans ene position qui zotte fine fini commence courber pour Rukou’. Pas ena doute qui sa c’est ene erreur.

Si nous fine vine ene tigit en retard pour Swalaat Sirriyyah, nous commence directement par Sourat-ul-Faatihah au lieu de Du'aa-ul-Istiftaah, parcequi Sourat-ul-Faatihah plus important qui Du'aa-ul-Istiftaah.

Si nous fine vine en retard, premier Rakaat qui nous gagné avec Imaam, nous considère li-même comme premier Rakaat de nous Swalaat.

Si nous rentre dans ene Masjid avec ene groupe dimounes après qui Jamaat fine terminé, nous faire ene entre sa trois quitechoses là :
Soit nous demande ene personne qui fine gagne premier Jamaat pour deboute Imaam pour nous
Oubien nous alle faire ene Jamaat pour nous dans ene l'autre place apart Masjid
Oubien qui chacun faire so Swalaat individuellement dans Masjid

SWALAAT-UL-JUMU’AH. صلاة الجمعة

Vertus jour Jumu’ah (vendredi).

Allaah fine donne nous le jour du Vendredi en cadeau – ene cadeau qui Li pas fine donne bans peuples avant nous. Bans juifs zotte jour c’était Samedi, et bans chretiens zotte jour c’était Dimanche.

Meilleur jour de la semaine c’est Vendredi, et li etre consideré comme Eid de la semaine.

Jour Vendredi Allaah fine créé Aadam, fine mette li dans Jannat, fine tire li depuis Jannat et fine descendre li lor la terre, et fine tire so Rouh sa jour la meme.

Qiyaamah pour ena lieu ene jour Vendredi. Chaque Vendredi, avant levé du soleil, tous bans creatures – a l’exception de l’homme et bans Jinn – peur attention qui azordi meme Qiyaamah.

Allaah fine descendre ene Sourah dans Qur-aan avec titre : “Al Jumu’ah”. C’est 62ème Sourah dans Qur-aan.


Swalaat-ul-Fajr jour Jumu’ah.

Meilleur Swalaat aupres d’Allaah c’est Swalaat-ul-Fajr en Jamaat le jour du Vendredi.

Dans Swalaat-ul-Fajr, li Sunnah qui nous lire Sourah Sajdah (S:32) dans premier Rakaat, et Sourah Insaan (S:76) dans deuxième Rakaat.


Lor qui sanla Swalaat-ul-Jumu’ah obligatoire?

Swalaat-ul-Jumu’ah obligatoire lor chaque musulman excepté lor :
bans esclaves
bans zenfants
bans malades
bans madames
bans voyageurs

Bans esclaves, bans malades, et bans madames qui pas fine gagne Swalaat-ul-Jumu’ah, zotte faire Swalaat-uz-Zuhr 4 Rakaat.

Bans voyageurs, zotte faire Swalaat-uz-Zuhr 2 Rakaat.

Si Eid tombe ene jour Vendredi, apres qui nous fine faire Swalaat Eid, nous capave pas faire Swalaat-ul-Jumu’ah.

Pas ena aucun Hadiith authentique qui dire qui pour accomplir Swalaat Jumu’ah, bizin ena ene nombre specifique de Muswalli. Alors, meme deux dimounes qui pe vivre dans ene l’endroit retiré, zotte faire zotte Swalaat Jumu’ah.



Comment nous prepare-nous pour Swalaat Jumu’ah?

Nous prend ene bain.

Servi Miswaak.

Mette de l’huile et parfum.

Mette nous meilleur l’habillement.


Alle Jumu’ah bonheure.

L’Islaam fine enseigne nous pour alle Masjid pour Swalaat Jumu’ah plus bonheure qui nous capave, et voici recompense de bans qui mette en pratique sa action la – chacun d’apres so zeffort :
celui qui vine dans premier l’heure, comme si li fine sacrifié ene chameau
celui qui vine dans deuxième l’heure, comme si li fine sacrifié ene vache
celui qui vine dans troisième l’heure, comme si li fine sacrifié ene mouton
celui qui vine dans quatrième l’heure, comme si li fine sacrifié ene poule
celui qui vine dans cinquième l’heure, comme si li fine sacrifié ene oeuf.

Si nous pas pe capave vine Swalaat Jumu’ah bonheure, au moins nous bizin faire zeffort pour rentre dans Masjid avant qui Imaam commence faire Khutbah.

Li meilleur qui nous vine vers Masjid en marchant, et nonplus par nous transport.


Certains Aadaab quand nous fine vine Jumu’ah bonheure.

Nous essaye costé plus pres avec Mimbar.

Nous faire nous Swalaat Tahayyit-ul-Masjid dans place qui nous gagné, et nonplus qui nous saute zepaules bans dimounes pour alle par devant, oubien qui nous essaye rentre entre deux frères pour faire sa Swalaat la.

Pas ena aucun Sunnah avant Jumu’ah, mais quand nous fine vine Masjid bonheure, li recommandé qui nous engage-nous dans Swalaat (Nafil) jusqua Imaam commence faire Khutbah, sans prend compte Zawaal.


Azaan & Khutbah.

Imaam monte lor Mimbar, qui en 3 marches.

Li faire face a bans qui dans Masjid, et bans dimounes aussi faire face a Imaam.

Li monte lor Mimbar sans prend Aswaa (baton) avec li.

Li faire Salaam a bans qui dans Masjid, et ensuite li assizé.

Apres qui Imaam fine faire Salaam, Muazzin donne Azaan lor Masjid (lor ene ti-hauteur) – juste la haut la porte Masjid.

Avec la decouverte de “haut-parleur”, nous dire qui azordijour bizin ena ene seul Azaan pour Jumu’ah pareille couma ti ena dans l’epoque du prophète, Abu Bakr et Umar. Le Khaliifah Uthmaan ti introduire ene deuxième Azaan pour Jumu’ah lor so lacaze “Az-Zawraa”, et azordijour sa Azaan la n’est plus ena so utilité dans majorité l’endroits.

Azaan qui ti pe donné dans l’epoque du prophète ti cote la porte, et nonplus devant Mimbar. Sa li plutot ene Bid’ah qui fine introduit par le Khaliifah Hishaam Ibn Abdil Malik.

Pas ene aucun “Takriir – causerie” avant Khutbah.

Tout de suite apres Azaan, Imaam deboute et commence faire Khutbah, en commençant par “Khutbat-ul-Haajah : Innal Hamda Lillaah ….”

Sagesse derrière Khutbah c’est qui Imaam conseille bans Muswallis, ordonne banla le bien et empeche le mal. Alors, pour qui sa Khutbah la atteindre so l’objectif, faudrait qui Imaam la cause dans ene langage qui bans dimounes comprend[6].

Façon qui le prophète ti pe faire Khutbah c’est qui li ti pe faire Khutbah avec colère, so lizieux ti pe vine rouge et li ti pe leve so la voix.

Imaam faire deux Khutbah, et li assizé pendant ene ti-moment entre les deux. Premier Khutbah plus longue qui deuxième.

Li Bid-ah qui dans chaque Khutbah, Imaam faire mention de bans Khaliifah oubien bans les rois.

Quand Imaam commence so Khutbah, li recommandé qui bans dimounes dans Masjid faire face a li, et li obligatoire qui chacun assize tranquillement, sans jouer avec so la main, lipied, vetement, etc…..

Pendant Khutbah, bans Muswalli pas endroit causer dutout, jusqua qui zotte pas endroit dire a ene personne qui pe causé : “Reste tranquille!”

Pas necessaire donne Azaan Jumu’ah apres Zawaal. Meme avant Zawaal endroit donne Azaan et faire Swalaat-ul-Jumu’ah.


Swalaat Jumu’ah.

Tanque capave, nous faire Swalaat-ul-Jumu’ah dans ene seul Masjid. Mais si sa pas pe possible, li pas empeché pour ena plusieurs Jumu’ah dans ene seul l’endroit.

Tout de suite apres Khutbah, Imaam descendre depuis lor Mimbar.

Donne Iqaamah.

Faire 2 Rakaat Swalaat-ul-Jumu’ah.

Apres lecture de Sourah-ul-Faatihah, dans premier Rakaat, li Sunnah qui Imaam soit li lire Sourah A’laa et ensuite dans deuxième Rakaat, li lire Sourah Ghaashiyah, oubien dans premier Rakaat, li lire Sourah Jumu’ah, et ensuite dans deuxième Rakaat, li lire Sourah Mounaafiqoun.

Li recommandé qui Imaam faire longue Swalaat, et faire so Khutbah court.

Pour gagne Swalaat-ul-Jumu’ah, bizin gagne au moins ene Rakaat au complet. Si Imaam fine fini levé depuis deuxième Rukou’, et apres sa ene dimoune rentre dans Masjid, li fine fini rate Swalaat-ul-Jumu’ah, et alors li bizin faire 4 Rakaat Swalaat-uz-Zuhr.

Recompense accomplir Swalaat-ul-Jumu’ah :-
Allaah pardonne bans pechés qui nous faire entre chaque Jumu’ah, et pechés de 3 jours emplus.

Danger pas accomplir Swalaat-ul-Jumu’ah :-
Celui qui quitte 3 Jumu’ah, Allaah mette scellé dans so le coeur, et li etre consideré comme ene Munaafiq.

Apres Swalaat-ul-Jumu’ah.

Apres Swalaat Jumu’ah pas ena aucun Du'aa ou Fateha pour lire en Jamaat.

Apres Swalaat Farz, ena 2 ou 4 Rakaat Sunnah.

Apres Swalaat-ul-Jumu’ah, li Bid-ah pour faire Salaam-Qiyaam.


Vendredi apres Asr.

Vendredi apres Asr, c’est ene moment pendant lequel Allaah accepté Du'aa. Alors, li recommandé qui nous engage-nous dans Du'aa sa l’heure la.


Qui quitechose recommandé pour faire chaque Jumu’ah?

Chaque Jumu’ah li recommandé qui nous mette en pratique sa deux actions la :
Lecture de Sourat-ul-Kahf (S 18)
Demande Allaah pour envoye la paix et benediction lor le prophète Muhammad en quantité.






Certains conceptions fausses.

Croire qui li pas permissible voyager jour Vendredi.

Considère Vendredi comme en jour de congé; soi-disant pas ena pour travaille sa jour la.

Croire qui bizin lire sa Aayat la dans Khutbah : Innal laaha Wa Malaa-ikatahou …

Croire qui Imaam bizin monte lor Mimbar posément.

Imaam lire Sourah Ikhlaas 3 fois entre so 2 Khutbah.

Entre deux Khutbah, bans Muswalli leve la mains et demande Du'aa.


SWALAAT-UT-TATWAW-WU’ صلاة التطوع

Nous fine deja fini apprendre certaines reglements concernant Swalaat Faraz, et ici nous pour apprendre concernant Swalaat-ut-Tatwaw-wu’.

Swalaat-ut-Tatwaw-wu’ c’est bans Swalaat qui l’Islaam fine enseigne nous pour mette en pratique apart les 5 Swalaat obligatoire. Parmi sa bans Swalaat la, nous gagne :-

Sunnah qui attachés avec chaque Swalaat Faraz – avant ou apres.
Avec chaque Swalaat qui obligatoire, li aussi recommandé qui nous faire bans Swalaat Sunnah :

Swalaat Fajr (2 Rakaat avant)

Swalaat Zuhr ( 4 Rakaat avant, 2 Rakaat apres
ou 2 Rakaat avant, 2 Rakaat apres
ou 4 Rakaat avant, 4 Rakaat apres)

Swalaat Asr (4 ou 2 Rakaat avant)

Swalaat Maghrib (2 Rakaat avant, 2 Rakaat apres)

Swalaat Ishaa (2 Rakaat avant, 2 Rakaat apres)

Cequi le prophete ti pe faire continuellement la dans appelle li Ar-Rawaatib (الرواتب).

Swalaat-Ul-Layli-Wal-Witr. صلاة الليل والوتر
Pendant la nuit – apres Swalaat Ishaa jusqua avant Fajr – le prophète ti habitué faire 11 Rakaat.


Swalaat-Ud-Duhaa. صلاة الضحى
Pendant la journée – apres levé du soleil jusqua Zawaal – li recommandé lire 2/4/6/8/12 Rakaat. C’est sa Swalaat la meme qui connu comme Swalaat-ul-Awwaabiin.

2 Rakaat apres chaque Wudu.
Apres chaque Wudu qui nous faire, li recommandé qui nous faire 2 Rakaat.


Tahiyyat-Ul-Masjid. تحية المسجد
A chaque fois qui nous rentre dans Masjid, li recommandé qui nous faire 2 Rakaat avant assizer.


Sunnah apres Swalaat-ul-Jumu’ah.
Apres Swalaat-ul-Jumu’ah, li recommandé qui nous faire 2 ou 4 Rakaat.





Swalaat-Ut-Tawbah. صلاة التوبة
Apres chaque peché qui nous arrivé commettre, li recommandé qui nous faire 2 Rakaat pour demande Allaah pardon.


Swalaat-Ut-Tasbiih. صلاة التسبيح
Swalaat-ut-Tasbiih c’est ene Swalaat a travers lequel Allaah pardonne nous bans pechés. C’est ene Swalaat de 4 Swalaat, et dans chaque Rakaat, nous faire sa Zikr la 75 fois :
“Sub-haa-nallaah, Wal hamdu lillaah, Wa laa ilaaha illallaahu,
Wallaahu Akbar”

Façon qui nous faire Swalaat-ut-Tasbiih :

Dans Qiyaam – apres lecture de Surat-ul-Faatihah et d’ene l’autre Sourah – nous faire sa Zikr la 15 fois.
Dans Rukou’ – apres Sub-haana Rabbiyal Azwiim – nous faire sa Zikr la 10 fois.
Nous levé depuis Rukou’, nous dire : “Rabbanaa lakal Hamd”, et ensuite nous cite sa Zikr la 10 fois.
Dans premier Sajdah – apres Sub-haana Rabbiyal A’laa – nous prononce sa Zikr la 10 fois.
Entre 2 Sajdah – apres Du'aa – nous lire li 10 fois.
Dans deuxième Sajdah, 10 fois meme.
Apres deuxième Sajdah, nous assizé et nous faire sa Zikr la 10 fois.

Ensuite nous levé pour deuxième Rakaat, et nous faire les restes Rakaat dans la meme façon.

Nous faire sa Swalaat la tous les jours, oubien 1 fois par semaine, oubien 1 fois par mois, oubien 1 fois par an, oubien au moins 1 fois dans la vie.


Sunnah Quand Retourne Depuis Ene Voyage.
Li Sunnah pour celui qui pe retourne depuis ene voyage qui li alle dans Masjid en premier et li faire 2 Rakaat.


Swalaat-Ul-Eidayn. صلاة العيدين
Jour Eid-ul-Fitr et Eid-ud-Duhaa, l’Islaam fine enseigne nous pour faire 2 Rakaat apres le levé du soleil.

Nous faire sa 2 Rakaat la avec 12 Takbiir emplus – 7 dans premier Rakaat avant lecture de Sourah Faatihah, et 5 dans deuxième Rakaat avant lecture de Sourah Faatihah.


Swalaat-Ul-Khusouf-Wal-Kusouf.صلاة الخسوف والكسوف
Swalaat-ul-Khusouf-Wal-Kusouf c’est ene Swalaat qui l’Islaam fine enseigne nous pour faire pendant l’eclipse.




Façon qui nous faire Swalaat-ul-Kusouf :

Nous envoye ene personne pour appelle bans dimounes. Li crié : “As-Swalaatu Jaami’ah!”

Bans zommes et bans madames deboute dans Swaf.

Imaam faire Takbiir pour commence Swalaat.

Imaam lire a haute voix.

Apres lecture de Sourat-ul-Faatihah, Imaam lire ene longue Sourah.

Imaam faire Takbiir et alle dans Rukou’.

Imaam faire ene longue Rukou’.

Imaam dire : “Sami’allaahu liman Hamidah” et li levé depuis Rukou’.

Dans sa position debouté la, Imaam lire ene longue Sourah, mais unpeu plus courte qui so premier lecture.

Imaam faire Takbiir et alle dans Rukou’ ene deuxième fois.

Imaam faire ene longue Rukou’, mais unpeu plus courte qui so premier Rukou’.

Imaam dire : “Sami’allaahu Liman Hamidah” et li levé depuis so deuxième Rukou’.

Dans sa position debouté la, Imaam leve so deux la mains, li faire Tasbiih, Takbiir et Tahmiid et li faire Du’aa.

Imaam faire Takbiir et li alle dans premier Sajdah.

Imaam faire ene longue Sajdah.

Imaam faire Takbiir, li levé depuis premier Sajdah et li assizé longuement.

Imaam faire Takbiir, li alle dans deuxième Sajdah et li faire li unpeu plus courte qui so premier Sajdah.

Imaam faire Takbiir et li levé pour deuxième Rakaat.

Li faire deuxième Rakaat pareille couma premier Rakaat excepté qui li plus court.

Après deuxième Rakaat, li assizé pour Tashahhud et li termine par Salaam.

Après Swalaat, Imaam monte lor Mimbar et li faire ene Khutbah.


Swalaat-Ul-Istikhaarah. صلاة الاستخارة
Quand ene personne ena pour prend ene decision dans ene quitechose qui li ena different choix, l’Islaam fine enseigne li pour faire 2 Rakaat – a condition qui c’est pas 2 Rakaat obligatoire – et apres li lire sa Du'aa la :

الـلَّـهُـمَّ إِنِّـي أَسْـتَـخِـيـرُكَ بِـعِـلْـمِـكَ
Allaahumma innii Astakhiiruka bi-ilmika
Oh Allaah, mo pe cherche le meilleur de To connaissance,

وَأَسْـتَـقْـدِرُكَ بِـقُـدْرَتِـكَ
wa Astaqdiruka bi Qudratika
Mo pe cherche capacité de To capacité

وَأَسْـأَلُـكَ مِـنْ فَـضْـلِـكَ الْـعَـظِـيـمِ
Wa As-aluka min Fadlik-al-Azwiim
Et mo pe demande Toi de To grace qui immense.

فَـإِنَّـكَ تَـقْـدِرُ وَلَا أَقْـدِرُ
Fa-innaka Taqdiru Walaa Aqdiru
Certainement To ena capacité, et moi mo pas ena capacité.

وَتَـعْـلَـمُ وَلَا أَعْـلَـمُ وَأَنْـتَ عَـلَّامُ الْـغُـيُـوبِ
Wa ta’lamu Walaa a’lamu Wa anta allaam-ul-Ghuyoub
To conné, et moi mo pas conné, et Toi meme connaisseur de l’invisibilités.

الـلَّـهُـمَّ إِنْ كُـنْـتَ تَـعْـلَـمُ أَنَّ هَـذَا الْأَمْـرَ خَـيْـرٌ لِـي
Allaahumma inn kunta ta’lamu anna Haazal Amra[7] Khairul lii
Oh Allaah, si To conné qui sa quitechose la meilleur pour moi

فِـي دِيـنِـي وَمَـعَـاشِـي وَعَـاقِـبَـةِ أَمْـرِي
fii Diinii Wa Ma-‘aashii Wa Aaqibati Amrii
dans mo Deen, mo la vie et mo la fin,

فَـاقْـدُرْهُ لِـي وَيَـسِّـرْهُ لِـي ثُـمَّ بَـارِكْ لِـي فِـيـهِ
Faqdurhu lii Wa yassirhu lii, thumma Baarik lii Fiih
Alors, decrete li pour moi, facilite li pour moi, et ensuite mette Barakat la dans pour moi.

وَإِنْ كُـنْـتَ تَـعْـلَـمُ أَنَّ هَـذَا الْأَمْـرَ شَـرٌّ لِـي
Wa inn kunta ta’lamu anna Haazal Amra[8] Sharrul lii
Et si To conné qui sa quitechose la mauvais pour moi,

فِـي دِيـنِـي وَمَـعَـاشِـي وَعَـاقِـبَـةِ أَمْـرِي
fii Diinii Wa Ma-‘aashii Wa Aaqibati Amrii
dans mo Deen, mo la vie et mo la fin,

فَـاصْـرِفْـهُ عَـنِّـي وَاصْـرِفْـنِـي عَـنْـهُ
Fasrif-hu annii Wasrifnii anhu,
Alors, eloigne li de moi, et eloigne moi de li.

وَاقْـدُرْ لِـيَ الْـخَـيْـرَ حَـيْـثُ كَـانَ ثُـمَّ أَرْضِـنِـي بِـهِ
Waqdur lil khaira haythu kaana, thumma Ardwinii bih
Et decrete le meilleur pour moi nimporte cote li été et ensuite faire moi satisfait de sa.

Pas ena aucun Sourah speciale pour lire dans sa Swalaat la, et pas ena aucun l’heure speciale pour accomplir li.


Swalaat-Ul-Istisqaa’. صلاة الاستسقاء
Quand ena la secheresse, l’Islaam fine enseigne nous pour faire ene Swalaat speciale pour demande Allaah la pluie. Appelle sa Swalaat la Swalaat-ul-Istisqaa’. Nous faire li dans meme façon qui nous faire Swalaat-ul-Eid.


Deux Rakaat Apres Chaque Twawaaf.
Apres chaque Twawaaf, li recommandé qui nous faire deux Rakaat derrière Maqaam Ibraahiim.


Masaa-il concernant Swalaat Tatwaw-wu’.

En generale, li meilleur qui nous faire sa bans Swalaat la dans nous lacaze au lieu qui dans Masjid, excepté Swalaat qui le prophète meme fine enseigne nous pour faire li en Jamaat dans plein-air, tel comme Swalaat-ul-Eid.

Dans voyage, le prophète pas ti pe faire aucun Sunnah qui attaché avec chaque Swalaat Faraz, excepté 2 Sunnah avant Fajr, et Swalaat-ul-Witr.

Celui qui faire Swalaat deboute, li gagne double Thawaab de celui qui faire Swalaat assizé.


Certains erreurs et Bid’ah concernant Swalaat Tatwaw-wu’.

Swalaat speciale pour memorise Qur-aan.

Swalaat-ul-Haajah.

Swalaat avant sorti en voyage.

Swalaat Awwaabiin entre Maghrib et Ishaa.

Swalaat speciale pendant la nuit Mi’raaj, oubien Shabé-Baraat, oubien la veille de Eid.






Bans moments pendant lesquels li pas permissible faire Swalaat Nafil.

Depuis qui l’heure Fajr rentré jusqua faire Swalaat Fajr, execpté 2 Rakaat Sunnah.

Apres Swalaat-ul-Fajr jusqua levé du soleil.

Depuis levé du soleil jusqua apeupres 15 minutes.

Pendant Zawaal (quand soleil au milieu le ciel).

Quand soleil vine jaune jusqua couché du soleil.


SWALAAT-UL-LAYL ET SWALAAT-UL-WITR. صلاة الليل والوتر

Swalaat-ul-Witr c’est dernier Rakaat de Swalaat-ul-Layl, et Swalaat-ul-Layl c’est Swalaat qui connu comme :
Qiyaam-ul-Layl
Swalaat-ut-Tahajjud (si pe faire li après ene sommeil)
Sa meme Swalaat la quand faire li pendant le mois de Ramadwaan, li connu comme :
Qiyaam-u-Ramadwaan
Swalaat-ut-Taraawiih

Swalaat-ul-Layl li Sunnah, et c’est li même meilleur Swalaat Tatwaw-wu’.

Swalaat-ul-Witr li fortement recommandé à accomplir (Sunnah Mu-akkadah). Li pas ene Swalaat obligatoire (Waajib).

L’heure de Swalaat-ul-Layl et Swalaat-ul-Witr commence après Swalaat Ishaa et li termine avec levé de Fajr Swaadiq.

Celui qui ena l’intention pour lever avant Fajr, li meilleur qui li retarde so Swalaat-ul-Witr pour dernier l’heure. Mais celui qui pas ena sa l’intention là, li faire so Swalaat-ul-Witr dans so premier l’heure avant alle dormi.

Si ene dimoune fine alle dormi avec l’intention pour lever pour Swalaat-ul-Layl sans qui li faire Swalaat-ul-Witr, et li pas fine reussi levé, li gagne recompense de Swalaat-ul-Layl pour so bon l’intention, et pendant la journée (avant Zuhr) li endroit remplace li soit en 11 oubien 12 Rakaat (si li ti habitué faire Swalaat-ul-Layl et Swalaat-ul-Witr en 11 Rakaat).

Li pas permissible pour faire plus qui ene Swalaat-ul-Witr pendant la nuit.

Si ene personne fine fini faire so Swalaat-ul-Witr avant alle dormi, et ensuite so sommeil cassé avant Fajr, li endroit faire Qiyaam-ul-Layl sans qui li commence par ene Rakaat separé et sans qui li refaire Swalaat-ul-Witr .

Swalaat-ul-Layl et Swalaat-ul-Witr, nous capave accomplir en 11 ou 9 ou 7 ou 5 ou 3 ou 1 Rakaat (s). Le prophète pas ti faire Swalaat-ul-Layl plus qui 11 Rakaat.

Si nous pé faire Swalaat-ul-Witr en 3 Rakaat, nous faire li dans ene entre sa deux façons-là :
· 3 Rakaat avec 1 seul Tashah-hud (sans qui nous assizé après deuxième Rakaat).
· 3 Rakaat avec 2 Tashah-hud (Nous faire 2 Rakaat, nous assizé et nous faire Salaam, et ensuite nous faire ene Rakaat séparement).

Dans 3 derniers Rakaat de Swalaat-ul-Witr, nous lire sa bans Sourah là après la lecture de Sourat-ul-Faatihah :
· Sourah 87 (Sabbihisma Rabbikal A`laa),
· Sourah 109 (Qul Yaa ayyuhal Kaafiroun),
· Sourah Ikhlaas seulement, oubien Sourah Ikhlaas, Sourah Falaq et Sourah Naas.
Dans dernier Rakaat de Swalaat-ul-Witr, li Sunnah qui parfois nous lire Du'aa Qunout et parfois nous pas lire.

Nous lire Du'aa Qunout avant qui nous alle dans Rukou’. Li aussi permissible pour qui parfois nous lire sa Du'aa la apres Rukou’.

Li Sunnah pour leve nous deux la mains pour faire Du'aa Qunout, sans qui nous faire Takbiir ou faire Raf-ul-Yadayn quand nous pe leve nous deux la mains.

Li ene Bid-ah pour passe la main lor figure après Du'aa Qunout.

Nous endroit faire Swalaat-ul-Layl et Swalaat-ul-Witr en Jamaat, sans qui nous fixé ene nuit specifque pour sa et sans qui nous faire li continuellement.

Après Swalaat-ul-Witr, li Sunnah qui nous lire sa Du'aa là 3 fois :

سُبْحَانَ الْمَلِكِ الْقُدُّوسِ
Sub-Haanal Malikil Quddous
Pureté à (Allaah) le Roi, le Sacré.

Quand nous pe faire sa Du'aa là, li Sunnah qui nous leve nous la voix à la troisième fois en ajoutant :

رَبِّ الْـمَـلا ئِـكَـةِ وَالرُّوح

Rabbil Malaaaa-Ikati War-Rouh
Rab de tous bans anges et de Rouh (Jibriil).

Du'aa Qunout dans Witr c’est :

اللَّهُمَّ اهْدِنِي فِيمَنْ هَدَيْتَ
Allaahummah Dinii Fiiman Hadayt
Oh Allaah! Guide moi parmi bans qui To fine guidé,

وَعَافِنِي فِيمَنْ عَافَيْتَ
Wa ‘Aafinii Fiiman ‘Aafayt
Garde moi en bonne santé parmi bans qui To fine garde en bonne santé,

وَتَوَلَّنِي فِيمَنْ تَوَلَّيْتَ
Wa Tawallanii Fiiman Tawallayt
Prend moi comme ene “Wali – camarade/allié” parmi bans qui To fine prend comme “Wali”,

وَبَارِكْ لِي فِيمَا أَعْطَيْتَ
Wa Baarik Lii Fiimaa A’twayt
Donne moi “Barakat – Benediction” dans cequi To fine donne moi,

وَقِنِي شَرَّ مَا قَضَيْتَ
Wa Qinii Sharra Maa Qadwayt
Protége moi contre le mal qui To fine decidé,

فَإِنَّكَ تَقْضِي وَلَا يُقْضَى عَلَيْكَ
Fa Innaka Taqdwii Walaa Yuqdwaa Alayk
Car certainement c’est Toi qui decidé, et pas ena personne qui prend decision lor Toi,

وَإِنَّهُ لَا يَذِلُّ مَنْ وَالَيْتَ
Wa Innahou Laa Yazillu Manw Waalayt
Celui qui To fine prend comme “Wali”, li pas pour gagne humiliation (deshonneur),

وَلَا يَعِزُّ مَنْ عَادَيْتَ
Wa Laa Ya-Izzu Man ‘Aadayt
Celui qui To fine prend comme l’ennemi, li pas pour gagne l’honneur,

تَبَارَكْتَ رَبَّنَا وَتَعَالَيْتَ
Tabaarakta Rabbanaa Wa Ta-‘Aalayt
To Beni, Oh nous Rab, et To Haut,

مَنْجَى مِنْكَ إِلَّا إِلَيْكَ لاَ
Laa Manjaa Minka Illaa Ilayk
Pas ena aucun lieu de secours qui (vine) de Toi excepté qui li (retourne) vers Toi.



Nous bizin contente-nous juste avec sa bans phrases là sans qui nous ajoute quitechose de nous part, tel comme :
Falakal Hamdu Alaa Maa Qadwayt
Astaghfiruka Wa Atoubu Ilayk…

Nous capave aussi termine par envoye Salaam lor le prophète Muhammad .

Dans 15 derniers nuits Ramadwaan, li Sunnah qui Imaam leve so deux la mains après Rukou’ et li faire Du'aa en Jamaat. Bans Muswalli aussi leve zotte deux la mains et zotte dire : “Aamiiin”

Après Swalaat-ul-Witr, li Sunnah qui nous faire 2 Rakaat Nafil bien courts. Dans premier Rak’ah nous lire Sourah 99 (Izaa Zulzilatil Ard), et dans deuxième Rak’ah nous lire Sourah 109 (Qul Yaa Ayyuhal Kaafiroun).

SWALAAT DANS VOYAGE. صلاة السفر

Dans voyage nous faire Swalaat Qasr. C.a.d, au lieu qui nous faire Swalaat Zuhr, Asr et Esha, 4 Rakaat, nous faire li 2 Rakaat.

Swalaat Fajr, nous faire li 2 Rakaat et Swalaat Maghrib nous faire li 3 Rakaat.

Voyage dans lequel nous faire Qasr, li pas ena ene limite dans distance. N’importe qui distance qui etre consideré comme ene voyage, nous faire Qasr.

Nous pas commence faire Qasr aussi longtemps qui nous pas fine quitte nous l’endroit. Et ene fois qui nous fine arrive a bans premiers lacazes de nous l’endroit, nous bizin arrête faire Qasr, meme si nous pas encore rentre nous lacaze.

Si nous fine voyagé et nous fine arrive a ene pays etranger et nous pe passe ene les temps labas dans ene façon qui nous consideré comme ene voyageur, nous continué faire Qasr aussi longtemps qui nous dans sa condition la.

Si nous fine voyagé et nous fine arrive a ene pays etranger et nous commence reste dans sa pays la, nous pas faire Qasr si nous fine limite nous sejour dans sa pays la. Mais si nous pe reste labas sans qui nous limite nous sejour, alors nous continué faire Qasr, meme si nous pe reste labas pendant plusieurs mois.
Dans voyage, nous pas faire aucun Sunnah Raatibah excepté deux Sunnah avant Fajr. Quant-a Witr et les autres bans Nafil, sa nous endroit faire.

Pas ena aucun l’empechement pour qui ene personne li sorti en voyage ene jour vendredi. Dans voyage, au lieu Swalaat Jumu’ah, nous faire deux Rakaat Swalaat Zuhr.

Dans voyage, nous capave aussi faire Jam’, c.a.d nous faire Swalaat Zuhr et Asr dans ene seul l’heure, Swalaat Maghrib et Esha dans ene seul l’heure.

Nous capave faire Jam’ Taqdiim, c.a.d, nous faire Swalaat Asr dans l’heure Swalaat Zuhr. Et nous capave aussi faire Jam’ Ta’khiir, c.a.d, nous faire Swalaat Zuhr dans l’heure Swalaat Asr.

Si ene personne qui dans voyage faire Swalaat derrière ene personne qui pas dans voyage, li obligé suivre so Imaam et faire 4 Rakaat au lieu de 2 Rakaat, meme si li fine rate ene ou deux Rakaat.








SUJOUD-US-SAHW سجود السهو

Sujoud-us-Sahw c’est 2 Sajdah emplus qui l’Islaam fine enseigne nous pour faire avant ou apres Salaam pour 4 raisons :
1. Si nous fine gagne doute dans nous Swalaat.
2. Si nous fine diminuer quelquechose dans nous Swalaat.
3. Si nous fine augmente quelquechose dans nous Swalaat.
4. Si nous fine arrivé faire Salaam avant accomplir le nombre de Rakaat qui bizin.


Quand nous faire li avant ou apres Salaam?

Si nous fine diminuer quelquechose dans nous Swalaat, nous faire li avant Salaam.

Si nous fine augmente quelquechose dans nous Swalaat, nous faire li apres Salaam, et ensuite nous faire Salaam encore.

Si nous fine gagne doute dans nous Swalaat, et ensuite nous fine reussi base lor cequi nous plus sure, nous faire li apres Salaam.

Si nous fine gagne doute dans nous Swalaat, et ensuite nous pas fine reussi base lor cequi nous plus sure, alors, nous base lor cequi plus tigit, et nous faire Sujoud-us-Sahw avant Salaam.

Si nous fine arrivé faire Salaam avant accomplir le nombre de Rakaat qui bizin, nous accomplir Rakaat qui nous fine raté, nous faire Salaam, nous faire Takbiir et nous faire Sujoud-us-Sahw et ensuite nous re faire Salaam.


Masaa–il concernant Sujoud-ut-Sahw.

Si nous oublié ene quitechose qui obligatoire dans Swalaat, li obligatoire qui nous faire Sajdah Sahw, et si nous oublié ene quitechose qui Sunnah dans Swalaat, li Sunnah qui nous faire Sajdah.

Dans Sujoud-us-Sahw, nous lire meme Zikr qui nous lire dans Sajdah qui nous faire dans Swalaat.





[1] Refere a nous livret : Kitaab-ut-Twahaarah.
[2] Refere a nous livret : Kitaab-ut-Twahaarah.
[3] Refere a nous livret : Kitaab-ul-Ghusl.
[4] Refere a nous livret : SWALAAT, SO L’IMPORTANCE, SO VERTUS, ET GRAVITÉ ABANDONNE LI.

[5] Sa c’est l’opinion de certains Ulamaa. Mais l’opinion qui paraitre plus fort c’est qui li faire Asr et ensuite li faire Zuhr.
[6] Pour plus detail, refere a nous livret : Khutbah en creole.
[7] Quand arrive ici, nous faire mention de nous besoin pour lequel nous pe faire sa Swalaat la.

[8] Quand arrive ici, nous faire mention de nous besoin pour lequel nous pe faire sa Swalaat la.