7. LEÇONS LOR BANS QUITECHOSES QUI HARAAM. دروس في المحرمات - . Les Jeunes Amoureux

Les Jeunes Amoureux



INTRODUCTION

Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene livret pour nous bans jeunes frères et soeurs musulmans avec titre :
LES JEUNES AMOUREUX

Pas ena doute qui garçon/tifille content, sa fine vine ene la mode qui pe faire ravage parmi nous bans jeunes et pe faire zotte delaisse zotte Deen. Li vrai qui sa la mode fine vine couma ene la drogue pour sa bans jeunes la et li pas facile pour faire banla comprend qui cequi zotte pe faire li pas islamique. Mais li reste qui la verité concernant sa fleau la pas gagne droit cachiette, et alors, nous bizin faire nous zeffort pour empeche le pire. Celui qui pe cherche le plaisir de so Rab, li pour apprecié nous bans conseils. Quant-a reaction de bans qui oulé faire Shaytwaan plaisir, nous pas ignorants concernant sa.

Mo faire Du'aa avec Allaah qui Li servi nous parmi bans qui Li servi pour aide So Deen et Li aide nous bans jeunes frères et soeurs musulmans pour pratique zotte Deen avec devotion dans sa l’epoque Fitnah qui nous pe vivre la.
ABU LAYLAA
SHABBIR

LA JEUNESSE D’APRES L’ISLAAM.
Ø La jeunesse c’est meilleur etape de la vie.

La vie lor la terre c'est ene sejour qui traverse par differents etapes et qui finalement termine par la mort. Parmi sa bans etapes la, etape qui ene personne plus jouir comme ene faveur c’est la jeunesse – periode pendant laquelle ene personne trouve li-meme en forme et avec la force pour faire cequi li oulé.

Allaah dire : (30:54)

اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاءُ وَهُوَ الْعَلِيمُ الْقَدِيرُ
[ Allaah – Celui qui fine créé zotte depuis (ene etat de) faiblesse, ensuite Li fine donne zotte la force après la faiblesse, ensuite Li fine donne zotte, après la force, la faiblesse et cheveux blancs. Li créé cequi Li oulé et Li Le Connaisseur et Le Tout-Puissant.]

Ø Nous bizin conne profiter avec nous jeunesse.

La jeunesse, etant ene periode de la force, c’est ene faveur depuis Allaah, et alors, nous bizin conne so valeur et conne profiter avec li, afin qui nous reussi faire quelque chose de concret pour nous Dunyaa, pour nous Aakhirat, et aussi pour nous communauté.

Le prophete dire :

اغتنم خمسا قبل خمس شبابك قبل هرمك وصحتك قبل سقمك وغناك قبل فقرك وفراغك قبل شغلك وحياتك قبل موتك
[ Profitez avec 5 quitechoses avant 5 quitechoses :
(Profitez) de to jeunesse avant to vieux l’age, (Profitez) de to la santé avant to maladie, (Profitez) de to richesse avant to pauvreté, (Profitez) de to les temps libre avant qui to préoccupé par quitechose, (Profitez) de to la vie avant to la mort.]
(AL-MUSTADRAK 4/341/7846)

Quand le prophete pe conseille nous pour profiter avec nous jeunesse avant qui nous rentre dans l’age, pas ena doute qui c’est parcequi la force et le dynamisme qui trouve a l’interieur d’ene jeune, sa li diminué avec l’age, et alors, productivité d’ene jeune li pas pareille couma productivité d’ene vieux.

Ø Allaah Li emerveillé par certains jeunes.

Si ene jeune faire zeffort pour pratique so Deen et reste loin de bans Haraam, Allaah satisfait avec li et content li.

Le prophete dire :

إِنَّ ربك لَيَعْجَبُ للشَّابِّ لا صَبْوَةٌ لَهُ
[ Certainement To Rab Li emerveillé par le jeune qui pas ena ene inclination vers le désir (par commettre bans pechés).]
(S.S 2843)

Ø Nous pour etre questionnés concernant nous jeunesse.

En verité, nous obligé conne profiter avec nous jeunesse parcequi nous pour etre questionnés concernant sa quitechose la.

Le prophete dire :

لَا تَزُولُ قَدَمُ ابْنِ آدَمَ يَوْمَ الْقِيَامَةِ مِنْ عِنْدِ رَبِّهِ حَتَّى يُسْأَلَ عَنْ خَمْسٍ عَنْ عُمُرِهِ فِيمَ أَفْنَاهُ وَعَنْ شَبَابِهِ فِيمَ أَبْلَاهُ وَمَالِهِ مِنْ أَيْنَ اكْتَسَبَهُ وَفِيمَ أَنْفَقَهُ وَمَاذَا عَمِلَ فِيمَا عَلِمَ
[ Jour Qiyaamah, aucun zenfant Aadam so lipied pas pour bougé depuis cote so Rab jusqua qui li etre questionné concernant cinq quitechoses :
Concernant so la vie, dans qui li fine fini li? Concernant so jeunesse, couma li fine depense li? Concernant so l’argent, cote li fine gagne sa et dans qui li fine depense li? Qui li fine faire concernant cequi li fine ena connaissance?]
(TIRMIZI 2340)

Ø Recompense de celui qui fine profité avec so jeunesse.

Si par faveur Allaah, nous fine conne profiter avec nous jeunesse, nous ena l'espoir qui le jour Qiyaamah ene grand recompense qui pe attendre nous.

Le prophete dire :

سَبْعَةٌ يُظِلُّهُمُ اللَّهُ فِي ظِلِّهِ يَوْمَ لَا ظِلَّ إِلَّا ظِلُّهُ ... وَشَابٌّ نَشَأَ فِي عِبَادَةِ رَبِّهِ
[ Ena sept (categories) presonnes qui Allaah pour mette banla sous So l’ombrage, jour qui pas pour ena ancun l’ombrage excepté So l’ombrage : … ene jeune qui fine grandit dans Ibaadat de So Rab.]
(BUKHARI 620)

Ø Conseil speciale a bans jeunes.

Pour faire bans jeunes ressenti qui zotte ena zotte role a jouer dans sa Deen la, le prophete fine meme faire ene appel special a banla et fine donne banla conseil qui zotte plus merité, afin qui zotte pas tombe dans piege Shaytwaan.

Le prophete dire :

يَا مَعْشَرَ الشَّبَابِ مَنِ اسْتَطَاعَ الْبَاءَةَ فَلْيَتَزَوَّجْ فَإِنَّهُ أَغَضُّ لِلْبَصَرِ وَأَحْصَنُ لِلْفَرْجِ وَمَنْ لَمْ يَسْتَطِعْ فَعَلَيْهِ بِالصَّوْمِ فَإِنَّهُ لَهُ وِجَاءٌ
[ Oh bans jeunes, celui parmi zotte qui fine ena le moyen, qui li marié. Sa pour faire li plus baisse so regard, et plus controle so partie privée. Celui qui pas capave, alors qui li garde Roza, sa li ene protection pour li.]
(BUKHARI 4678)

Ø Certains jeunes dans l’histoire de l’Islaam.

Dans l’histoire, nous trouve qui dans differents moments, bans jeunes fine prouve zotte haut degré de Imaan et comprehension, et aussi zotte potentiel dans contribution l'avancement de zotte Deen.

Bans qui ti reste dans la cave pendant plusieurs années.
Dans Sourah Kahf, Allaah raconte nous l’histoire de certains So bans esclaves qui fine bizin quitte zotte l’endroit pour alle cachiette dans ene la cave, juste a cause zotte Deen.

Allaah dire concernant banla : (18:13)

إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى
[ Certainement banla ti bans jeunes qui ti amene Imaan dans zotte Rab, et alors Nous fine augmente banla dans la guidance.]

Usaamah ibn Zayd.
Le prophete Muhammad ti choisir Usaamah Ibn Zayd comme Amiir d’ene l’armée, et ensuite quand li fine mort, certains Swahaabah fine oulé retire Usaamah comme Amiir a cause qui li ti trop jeune. Mais Abu Bakar ti refusé.

Rapporté par Al-Hassan ibn Abil Hassan :

قالت الأنصار : واطلب إليه أن يولي أمرنا رجلا أقدم سنا من أسامة
قال عمر : فإن الأنصار يطلبون إليك أن تولي أمرهم رجلا أقدم سنا من أسامة
فوثب أبو بكر وكان جالسا فأخذ بلحية عمر فقال له ثكلتك أمك وعدمتك يابن الخطاب استعمله رسول الله صلى الله عليه وسلم وتأمرني أن أنزعه
[ Bans Answaar ti dire a Umar :
“Demande li (Abu Bakr) pour mettre ene Amiir lor nous qui plus agé qui Usaamah.”
Umar fine dire a Abu Bakr :
"Bans Answaar pe demande toi ene Amiir plus agé qui Usaamah.”
Abu Bakr ti pe assizé. Li fine sauté, li fine attrape la barbe de Umar et li fine dire :
“Qui to maman perdi toi, Oh Ibnul Khattwaab, le prophete fine donne li sa poste la, et to pe ordonne moi pour retire li?”]
(TAARIIKH-UT-TWABARI 2/246)

Ibn Umar.
Ibn Umar – ene jeune garçon de 14 ans – ti presente li-même comme ene soldat de L'Islaam. Pas ena doute qui sa c'est preuve de so Imaan et so heroïsme.

Ibn Umar dire :

عُرِضْتُ عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمَ أُحُدٍ وَأَنَا ابْنُ أَرْبَعَ عَشْرَةَ سَنَةً فَلَمْ يُجِزْنِي وَعُرِضْتُ عَلَيْهِ يَوْمَ الْخَنْدَقِ وَأَنَا ابْنُ خَمْسَ عَشْرَةَ سَنَةً فَأَجَازَنِي
[ Jour (la guerre) Uhud, mo ti être presenté devant le messager d’Allaah, et qui mo ti ena 14 ans. Mais le prophete pas fine permettre moi (participe dans Jihaad). Ensuite jour (la guerre) Khandaq, mo ti être presenté devant li, et qui mo ti ena 15 ans. Li fine permettre moi.]
(IBN MAAJAH 2533)

Sa evenement la montré nous qui L’Islaam pas considère ene jeune de 15 ans comme ene zenfant qui pas vaut narien. Mais depuis sa jeune l’age la meme, li etre consideré comme ene soldat responsable qui bizin deboute pour defendre so Deen.

Les deux garçons de Afraa.
Sa deux garçons la ti touye plus grand l’ennemi de L’Islaam – Abu Jahl.

Rapporté par Abdur Rahmaan ibn Awf :

إِنِّي لَفِي الصَّفِّ يَوْمَ بَدْرٍ إِذِ الْتَفَتُّ فَإِذَا عَنْ يَمِينِي وَعَنْ يَسَارِي فَتَيَانِ حَدِيثَا السِّنِّ فَكَأَنِّي لَمْ آمَنْ بِمَكَانِهِمَا إِذْ قَالَ لِي أَحَدُهُمَا سِرًّا مِنْ صَاحِبِهِ يَا عَمِّ أَرِنِي أَبَا جَهْلٍ فَقُلْتُ يَا ابْنَ أَخِي وَمَا تَصْنَعُ بِهِ قَالَ عَاهَدْتُ اللَّهَ إِنْ رَأَيْتُهُ أَنْ أَقْتُلَهُ أَوْ أَمُوتَ دُونَهُ فَقَالَ لِيَ الْآخَرُ سِرًّا مِنْ صَاحِبِهِ مِثْلَهُ ... فَمَا سَرَّنِي أَنِّي بَيْنَ رَجُلَيْنِ مَكَانَهُمَا فَأَشَرْتُ لَهُمَا إِلَيْهِ فَشَدَّا عَلَيْهِ مِثْلَ الصَّقْرَيْنِ حَتَّى ضَرَبَاهُ وَهُمَا ابْنَا عَفْرَاءَ
[ Jour (la guerre) Badr, pendant qui mo ti dans Swaf, mo fine viré et mo fine trouve deux jeunes garçons dans mo coté droite et gauche. Alors, comme si mo pas fine senti moi en securité par place (qui zotte été avec moi).
(Tout-a-coup) ene entre les deux fine dire moi secretement sans laisse so camarade tendé :
“Oh chacha, montrez moi Abu Jahl!”
Mo fine demande li :
“Oh mo neveu, qui to pour faire avec li?”
Li fine dire moi :
“Mo fine prend ene l’engagement avec Allaah qui si mo trouve li (Abu Jahl), mo pour touye li, oubien mo etre tué avant sa.”
Deuxième garçon la aussi fine dire moi même quitechose secretement. Alors, mo fine content qui mo entre deux zommes couma zotte, et mo fine montré zotte Abu Jahl. Zotte fine franchit lor li couma deux aigles jusqua qui zotte fine batte li (touye li). Sa deux garçons la ti les deux garçons de Afraa.]
(BUKHARI 3689)

Zayd ibn Thaabit.
Zayd ibn Thaabit li parmi bans jeunes Swahaabah qui ti connu pour so l’intelligence.

Rapporté par Zayd ibn Thaabit :

أَمَرَنِي رَسُولُ اللَّهِ صَلَّى اللَّهُ عَلَيْهِ وَسَلَّمَ فَتَعَلَّمْتُ لَهُ كِتَابَ يَهُودَ وَقَالَ إِنِّي وَاللَّهِ مَا آمَنُ يَهُودَ عَلَى كِتَابِي فَتَعَلَّمْتُهُ فَلَمْ يَمُرَّ بِي إِلَّا نِصْفُ شَهْرٍ حَتَّى حَذَقْتُهُ فَكُنْتُ أَكْتُبُ لَهُ إِذَا كَتَبَ وَأَقْرَأُ لَهُ إِذَا كُتِبَ إِلَيْهِ
[ Le messager d'Allaah ti ordonne moi et mo ti apprendre l'ecriture de bans juifs pour li.
Li ti dire moi :
“Serment lor Allaah, mo pas ena confiance lor bans juifs lor cequi mo faire ecrire.”
Mo fine apprendre (sa langage la). La moitié mois pas fine traversé jusqua qui mo fine bien versé dans sa langage la. Alors, mo ti pe ecrire pour li quand li ti ena pour ecrire et mo ti pe lire pour li quand quicaine ti pe ecrire li.]
(ABU DAOUD 3160)

Apres la mort du prophete, Abu Bakr ti decide compile Qur-aan dans ene seule volume, et celui qui ti gagne l’honneur pour prend sa responsabilité la et pour faire sa grand travail la, c’était Zayd ibn Thaabit.

Abu Bakr ti dire li :

إِنَّكَ شَابٌّ عَاقِلٌ لَا نَتَّهِمُكَ قَدْ كُنْتَ تَكْتُبُ لِرَسُولِ اللَّهِ صَلَّى اللَّهُ عَلَيْهِ وَسَلَّمَ الْوَحْيَ فَتَتَبَّعِ الْقُرْآنَ
[ Certainement to ene jeune intelligent, nous pas ena aucun soupçon lor toi (car) to ti pe ecrire Wahi pour le messager d’Allaah. Alors, recherhe Qur-aan.]
(TIRMIZI 3028)

Abdullaah ibn Abbaas.

Rapporté par Ibn Abbaas :

كَانَ عُمَرُ يُدْخِلُنِي مَعَ أَشْيَاخِ بَدْرٍ فَقَالَ بَعْضُهُمْ لِمَ تُدْخِلُ هَذَا الْفَتَى مَعَنَا وَلَنَا أَبْنَاءٌ مِثْلُهُ فَقَالَ إِنَّهُ مِمَّنْ قَدْ عَلِمْتُمْ ... فَدَعَاهُمْ ذَاتَ يَوْمٍ وَدَعَانِي مَعَهُمْ ... وَمَا رُئِيتُهُ دَعَانِي يَوْمَئِذٍ إِلَّا لِيُرِيَهُمْ مِنِّي فَقَالَ مَا تَقُولُونَ فِي (إِذَا جَاءَ نَصْرُ اللَّهِ وَالْفَتْحُ وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا) حَتَّى خَتَمَ السُّورَةَ فَقَالَ بَعْضُهُمْ أُمِرْنَا أَنْ نَحْمَدَ اللَّهَ وَنَسْتَغْفِرَهُ إِذَا نُصِرْنَا وَفُتِحَ عَلَيْنَا وَقَالَ بَعْضُهُمْ لَا نَدْرِي أَوْ لَمْ يَقُلْ بَعْضُهُمْ شَيْئًا فَقَالَ لِي يَا ابْنَ عَبَّاسٍ أَكَذَاكَ تَقُولُ قُلْتُ لَا قَالَ فَمَا تَقُولُ قُلْتُ هُوَ أَجَلُ رَسُولِ اللَّهِ صَلَّى اللَّهُ عَلَيْهِ وَسَلَّمَ أَعْلَمَهُ اللَّهُ لَهُ (إِذَا جَاءَ نَصْرُ اللَّهِ وَالْفَتْحُ) فَتْحُ مَكَّةَ فَذَاكَ عَلَامَةُ أَجَلِكَ (فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا) قَالَ عُمَرُ مَا أَعْلَمُ مِنْهَا إِلَّا مَا تَعْلَمُ
[ Umar ti pe faire moi rentre (dans so Majlis) ensemble avec bans personnes agées de Badr, et alors certaines parmi banla fine dire (li) :
“Qui faire to laisse sa jeune garçon la rentre parmi nous, tandis qui nous ena zenfants couma li (dans so l'age)?”
Umar fine dire (banla) :
“Li parmi bans qui zotte conne li.”
(Ene jour), li fine invite banla et li fine invite moi ensemble avec banla, et mo ti pe pensé qui li pas fine invite moi excepté pour montrer banla de mo (connaissance).
Li fine demande banla :
“Qui zotte dire concernant (Sourah) Izaa Jaaaa-a Nasrullaah....?”
Certains parmi banla fine dire :
“Allaah fine ordonne nous pour faire So eloge et pour demande Li pardon quand Li aide nous et Li donne nous la victoire.”
Les autres fine dire :
“Nous pas conné.” oubien banla pas fine dire narien.
Umar fine dire moi :
“Oh Ibn Abbaas, est-ce qui sa même to dire?”
Mo fine repondre :
“Non, (mo pas dire sa).”
Umar fine dire :
“Alors, qui to dire?”
Mo fine repondre :
“C’est la mort du messager d’Allaah qui Allaah fine faire li conné.... la victoire c’est la conquete de Makkah et sa c’est signe de to la mort. Alors faire Tasbiih......”
Umar fine dire :
“Mo pas conne concernant sa Sourah la excepté ce qui to conné.”]
(BUKHARI 3956)



LA JEUNESSE ET L’AMOUR.

Pas ena doute qui la jeunesse c’est l’étape plus important dans nous la vie. Si nous fine conne profiter avec nous jeunesse, jusqu’a nous dernier jour lor sa Dunyaa la et même dans Aakhirat nous pour dans le bien-être. De l’autre coté, si nous fine gaspille nous jeunesse, parfois nous bizin reste paye so consequence jusqu’a nous la mort.

Bans Kuffaar conne très bien qui si bans jeunes musulmans retourne vers zotte Deen, sa pour vine ene menace pour banla. Alors, à travers bans films, magazines, Internet, système l’éducation, et les autres bans moyens encore, banla vise pour corrompre sa bans jeunes la afin qui les jeunes musulmans devié de zotte Deen.

Ene parmi bans moyens à travers lesquels bans Kuffaar pe realize zotte l’objectif c’est la propagation de l’amour entre les jeunes. Azordijour, gopia couma li capave gopia, ou trouve chaque jeune ena so 35, et bans jeunes filles aussi, chacun avec so copain.

Inshaa Allaah, basant lor bans Aayat Qur’aan/Hadiith, nous pour mette bans conseils devant sa bans jeunes la. A travers sa bans conselis la, celui qui oulé protege-li contre bans strategies Shaytwaan, li capave conne bans mauvais consequences qui ena derrière sa l’amour la.

Beaucoup pe pensé qui l’amour c’est le printemps du coeur. Zotte pas realisé qui sa c’est ene maladie qui touye le coeur d’ene jeune jusqu’a qui li n’est plus raisonné. C’est sa meme qui banla dire : “L’amour est aveugle!”

Cequi important à faire ressortir c’est qui l’amour concernant lequel nous pe causé c’est l’amour qui enseigne pour faire l’air pendant plusieurs années sans l’intention mariage. Quant-à l’amour qui fine rentre dans le coeur avec l’intention mariage sans faire l’air, sa li ene quitechose qui pas blamable, si li basé lor critère Deen.

Ø L’amour devié toi de to l’objectif dans sa la vie la.

Allaah fine créé toi pour faire So Ibaadat.

Allaah dire : (51:56)

وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ
[ Mo pas fine crée Jinn et Insaan excepté qui zotte faire Mo Ibaadat.]

C’est sa l’objectif de to l’existence lor sa la terre la, et c’est à cause sa meme qui Allaah pe permettre toi servi So l’oxygen. Si to pour tombe amoureux, to pour devié de sa l’objectif la. Au lieu vivre pour faire Allaah plaisir, to pour vivre pour faire to 35 plaisir. To pour faire tous pour trouve li, pour joindre li et pour cause avec li, dans ene telle façon comme si to pe vivre lor la terre juste à cause sa.

Donc, oh toi jeune, si to oulé pas devié de to l’objectif, reste loin de sa maladie la. Content Allaah et So Rasoul. Quand to decide pour marier, to marié.

Ø L’amour donne toi ene fausse l’image de la vie.

Realité nous l’existence lor sa la terre la c’est vivre pour faire Ibaadat Allaah. Ene bon musulman c’est celui qui conscient de sa realité la, et alors, li faire so zeffort pour qui li pas embette li-même par croire dans ene la vie irréelle qui pas existe excepté dans l’esprit de bans amoureux. Bans amoureux croire qui realité de la vie c’est croche ene 35, lutté pour marier avec li et ensuite amene ene la vie conjugale qui remplie avec l’amour et fleur rose depuis le matin jusqu’a le soir.

Pas ena doute qui sa la vie la li trouve seulement dans bans films, parcequi en realité, la vie li pas juste sa. Dans la vie pas ena juste l’amour, mais ena aussi le chagrin, la tristesse, la colère, la maladie, problèmes..etc. Celui qui tombe amoureux, dans so l’esprit ena juste l’amour. Li pas pensé même aucun problème et li pas capave même imagine difficulté. Mais celui qui fine marié, li conne très bien qui li impossible pour qui ene couple reste faire l’amour depuis gramatin jusqu’a tantot. Quand feque marié, disons depuis gramatin jusqu’a le soir reste faire l’amour même. Ensuite sa li diminué jusqu’a qui certaine nuit to madame pour costé avec toi lor to lilit avec so jolie robe de chambre et to pas pour ena aucun l’envie pour approche li.

Ø L’amour faire toi vivre dans Zikr-35.

Ene bon musulman c’est celui qui vivre dans Zikrullaah depuis le matin jusqu’a le soir et dans tous positions qui li été.

Allaah dire concernant So bans serviteurs intelligents : (3:191)
الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ
[ Bans qui pense Allaah pendant qui zotte deboute, pendant qui zotte assizé, et meme pendant qui zotte (allongés) lor zotte cotés.]

Si to pour tombe amoureux, au lieu vivre dans Zikrullaah, to pour vivre dans Zikr-35. Au lieu cause concernant Allaah et So Rassoul, to pour cause causé 35. Certains, sitant reste faire Zikr-35 jusqu’a qui dans plein la journée, zotte reve zotte 35 avec lizieux ouvert !!!

Donc, oh toi jeune, si to oulé garde to le coeur vivant et en bonne santé, vivre dans Zikrullaah. Si to abandonne Zikrullaah pour faire Zikr-35, Shaytwaan pour prend to le coeur comme so nid et ensuite li pour faire toi vine so esclave!

Le prophete dire :

مَثَلُ الَّذِي يَذْكُرُ رَبَّهُ وَالَّذِي لَا يَذْكُرُ رَبَّهُ مَثَلُ الْحَيِّ وَالْمَيِّتِ
[ L’exemple de celui qui pense so Rab et celui qui pas pense so Rab, c’est l’exemple d’ene vivant et ene mort.]
(BUKHARI 5928)

Ø L’amour 35 touye to l’amour pour Allaah.

Pas ena doute qui cequi Allaah fine faire et Li pe toujours faire pour nous, jamais nous pour capave remercié Li pour tous sa la. Celui qui conscient de sa, li pour toujours content Allaah, et so l’amour pour Allaah pour surpasse so l’amour pour n’importe qui sanla.

Le prophete dire :

ثَلَاثٌ مَنْ كُنَّ فِيهِ وَجَدَ حَلَاوَةَ الْإِيمَانِ أَنْ يَكُونَ اللَّهُ وَرَسُولُهُ أَحَبَّ إِلَيْهِ مِمَّا سِوَاهُمَا وَأَنْ يُحِبَّ الْمَرْءَ لَا يُحِبُّهُ إِلَّا لِلَّهِ وَأَنْ يَكْرَهَ أَنْ يَعُودَ فِي الْكُفْرِ كَمَا يَكْرَهُ أَنْ يُقْذَفَ فِي النَّارِ
[ Ena trois qualités, celui qui fine ena sa dans li, li fine gagne la douceur (sweetness) de Imaan : (1) So l’amour pour Allaah et So Rassoul plus qui so l’amour pour n’importe qui sanla, (2) Quand li content quicaine, li pas content li excepté a cause Allaah, (3) Li detesté pour retourne dans Kufr après qui Allaah fine sauve li de sa pareille couma li detesté qui li etre jetté dans du feu.]
(BUKHARI 15)

Si to tombe amoureux, sitant to pour faire Zikr-35 et sitant so l’amour pour envahir to le coeur, jusqua qui sa pour touye to l’amour pour Allaah. C’est quand l’amour 35 fine touye l’amour Allaah meme qui nous trouve bans jeunes quitte Deen Allaah pour rentre dans Deen de celui qui zotte fine content!

Donc, oh toi jeune, si vraiment ena ene tipeu reconnaissance dans toi, content celui qui par So faveur to jusqua la azordi. Pas content celui qui pas fine faire narein pour toi et qui en verité li pe invite toi vers du feu l’enfer.

Ø L’amour faire toi désobeir to parent.

Ene bon musulman c’est celui qui tous les temps li obeir so parents, et tous les temps li essaye garde zotte les coeurs avec gaieté. Si to tombe amoureux, dans plusieurs façons to pour blesse le coeur to mama/papa, surtout si to ene tifille :
To pour content sans permission to parent.
To pour gagne contact avec li sans permission to parent.
To pour persisté pour marier avec li malgré mécontentement to parent.
Possible to quitte lacaze to parent qui fine grandit toi depuis to naissance a cause ene personne qui to fine conne li juste pour deux jours.

Dans ene situation pareille, couma to oulé qui Allaah satisfait avec toi quand en verité le prophète fine dire :

رضا الرب في رضا الوالد وسخط الرب في سخط الوالد
[ Satisfaction du Rab li dans satisfaction de (to) papa et colère du Rab li dans colère de (to) papa.]
(AL-ADAB-UL-MUFRAD 1/14/2)

Plus grave encore c’est si ene tifille li sauvé et li alle marié avec ene garçon sans consentement de so papa. Si li faire sa, pas ena doute qui li pour continué vivre dans Zinaa parcequi ene Nikaah sans Wali li pas valide aupres d’Allaah.

Donc, oh toi jeune, preserve to l’honneur et l’honneur to parent. Pas faire ene betise pour qui to parent n’est plus ena figure pour montrer la societé. Pas essaye rentre dans la vie mariage avec ene personne sans benediction de to parents.

Oh toi jeune fille, connez qui to papa pas pour garde toi comme ene fardeau lor li dans so lacaze. Li pour marié toi, et avec ene contentement li pour faire celebrer to Nikaah. Pas croire qui to parent c’est ene barrière entre toi et to jouissance sexuelle. Au lieu faire ene quitechose avec malediction to parent, faire li avec zotte benediction.

Ø L’amour faire toi tombe dans Zinaa.

Quand l’Islaam fine condamne Zinaa, li fine condamne tous bans chemins qui amene vers sa, tel comme, mette dialogue avec tifille, cause bans causés obscenes, attrape la main ou plus qui sa, voyage tout seul avec tifille…etc.

Allaah dire : (17:32)

وَلَا تَقْرَبُوا الزِّنَى إِنَّهُ كَانَ فَاحِشَةً وَسَاءَ سَبِيلًا
[ Pas costez avec Zinaa. Certainement c’est ene Faahishah (ene grand peché obscène) et ene mauvais chemin.]

Quant-a bans cas l’amour qui ena lor chemin ou dans leçons ou même dans Madrassah, presque impossible pour qui sa bans cas la pas accompagnés par Zinaa :
Fine bizin ena sourire,
fine bizin ena dialogue direct ou lor portable,
possible fine ena rencontre tout seul,
possible fine ena sortie ensemble pour alle bord la mer ou jardin,
possible fine ena attrape la main ou plus qui sa,
possible fine ena embrassé ou plus qui sa !

Basant lor la, li clair pour dire qui l’amour qui ena azordijour c’est pas narien excepté Zinaa, et alors, li Haraam pour qui ene garçon content ene tifille ou ene tifille content ene garçon. Si toute fois, to fine apprendre concernant ene tifille et to fine interessé pour marier avec li, faire demande direct avec papa tifille la. Sa li meilleur pour toi et pour tifille la et li plus propre.

Reflechi juste lor cequi le prophete fine dire concernant touche ene tifille qui Haraam lor toi :-

لأن يطعن في رأس أحدكم بمخيط من حديد خير له من أن يمس امرأة لا تحل له
[ Si quicaine parmi zotte pique so la tete avec ene aiguille en feraille, sa meilleur pour li qui li touche ene madame qui pas Halaal pour li.] (AL-MU'JAM-UL-KABIIR 20/211/486)
Donc, oh toi jeune, préserve toi de Zinaa afin qui to vivre avec l’honneur lor sa la terre la et to presente devant Allaah avec ene le corps propre.

Ø L’amour faire toi imite bans Kuffaar.

L’amour qui pe ena azordijour dans college ou l’université oubien n’importe cotesa, c’est pas narien excepté ene reflet de la façon de vivre de bans Kuffaar. Jamais sa qualité l’amour la fine enseigné par l’Islaam oubien fine patiqué par bans bons musulmans. Alors, celui qui tombe dans piege l’amour, en verité, li pe tombe dans piege imite bans Kuffaar, et pas ena doute qui sa li Haraam.

Le prophete dire :

وَمَنْ تَشَبَّهَ بِقَوْمٍ فَهُوَ مِنْهُمْ
[ Celui qui imite ene peuple, (en verité) li vine parmi banla meme.]
(AHMAD 4868)

Emplus de sa, l’amour faire toi donne l’importance a fetes de bans Kuffaar, tel comme l’anniversaire ou St Valentin.

Donc, oh toi jeune qui considère to l’Islaam comme to l’honneur, pas denigrez toi par copier la façon de vivre de bans jeunes Kuffaar qui pe vivre couma bebetes!

Ø L’amour faire toi vine ene grand menteur/menteuse.

Quand ene garçon et ene tifille fine content, ena beaucoup mensonges qui deroulé entre sa deux jeunes la et aussi envers les autres :
Chacun pretendre qui sa l’amour la c’est sa meme so premier l’amour.
Chacun invente bans fausses zistoires pour faire croire qui li sincère dans so l’amour malgré bans difficultés.
Chacun cause menti avec so parent pour pas laisse apercevoir role qui li pe amené.
Garçon la declare li ene grand terrible et qui en verité li ene gros zero.

Apart sa, ena beaucoup mensonges qui deroulé juste pour qui zotte gagne l’occasion pour joindre :
Dire qui pe alle l’ecole, et qui en verité pe alle jardin.
Dire qui pe bizin alle librairie, et qui en verité pe alle lor rendez-vous.
Dire qui leçon fine termine tard, et qui en verité, c’est lor la garre qui fine gagne sa retard la, etc….

Si arrivé parent alle decouvert zotte role, la aussi, ene quantité mensonges deroulé juste pour cachiette les faits.

Donc, oh toi jeune, qui faire to bizin faire ene quitechose pour qui to gagne titre menteur aupres d’Allaah?





Le prophete dire :

وَإِيَّاكُمْ وَالْكَذِبَ فَإِنَّ الْكَذِبَ يَهْدِي إِلَى الْفُجُورِ وَإِنَّ الْفُجُورَ يَهْدِي إِلَى النَّارِ وَمَا يَزَالُ الرَّجُلُ يَكْذِبُ وَيَتَحَرَّى الْكَذِبَ حَتَّى يُكْتَبَ عِنْدَ اللَّهِ كَذَّابًا
[ Faire attention contre mensonge (jamais cause menti), car certainement mensonge dirige vers mauvais actions et mauvais actions dirige vers du feu (l’enfer). Ene personne li continué cause menti et recherche les mensonges, jusqua ecrire li aupres d’Allaah en tant qu'ene menteur.] (MUSLIM 4721)

Ø L’amour faire toi donne mauvais l’exemple.

En tant qu’ene grand frère dans lacaze, to ti bizin ene model pour to ti-frère et to bans soeurs. Avec to role acteur qui to pe amené, to pe donne zotte ene mauvais l’exemple. A travers toi, to ti-frère aussi fine vine acteur, et to soeur aussi fine vine actrice. Si toi, to fine alle a ene certaine extreme, possible to frère/soeur alle plus qui sa et zotte tombe dans Zinaa oubien zotte quitte sa Deen la par marier avec ene Kaafir. Ena frère, sitant li gopia, li demande so soeur pour dresse so papier, et finalement soeur la gagne l’envie pour qui li aussi li gagne ene papier dressé.

Quand to amène role acteur, to pour n’est plus ena courage pour corrige to frères/soeurs. Au contraire, chacun pour essaye cachiette peché so camarade, et dans sa façon la, au lieu qui to surveille bans qui plus petits qui toi, to pour vine ene Dayyouth qui approuve malpropreté de la part de to soeur.

Le prophete dire :

ثَلَاثَةٌ قَدْ حَرَّمَ اللَّهُ عَلَيْهِمُ الْجَنَّةَ مُدْمِنُ الْخَمْرِ وَالْعَاقُّ وَالدَّيُّوثُ الَّذِي يُقِرُّ فِي أَهْلِهِ الْخَبَثَ
[ Ena trois personnes qui Allaah fine faire Jannat Haraam lor zotte : Celui qui consomme Khamr, Celui qui malagir envers so parent, et ene Ad-Dayyouth – Celui qui approuve malpropreté dans so famille.]
(AHMAD 5117)

Donc, oh toi jeune, vine ene source la guidance pour to bans frères/soeurs. Pas a cause to désir, to dirige to frères/soeurs vers chemin l’enfer.

Ø L’amour faire toi invite vers le mal.

Quand ene jeune fine amoureux, li considère sa comme ene grand l’honneur pour li, et alors, li montré-li fier de sa l’honneur la et li cause sa avec so bans camarades. Quand so bans camarades ecoute so bans aventures, zotte aussi zotte gagne l’envie pour gagne même chance avec li, et sa pousse zotte pour qui zotte amène même role avec li. Quand ene jeune garçon pe trouve qui tous so bans camarades ena zotte 35, li ressenti ene la honte dans li, et pour combattre sa la honte la, li aussi li alle rode ene 35. De la même façon, quand ene jeune fille pe ecoute so bans camarades raconte zotte aventures avec zotte copains, li aussi li rode faire pareille juste pour qui li pas être considerée comme ene arrièrée parmi so bans camarades.

Basant lor la, li clair pour comprend qui quand ene jeune pe amène role acteur/actrice, indirectement li pe invite les autres pour amene même role avec li, et sa c’est l’invitation vers le mal.

Donc, oh toi jeune, vine ene soldat de l’Islaam qui invite vers le bien et empêche le mal. Pas tombe dans piège l’amour pour qui to-même to tombe dans Haraam et to invite les autres pour tombe dans sa malpropreté la.

Ø L’amour faire toi devoile to bans pechés.

Couma nous fine dire, celui qui fine tombe amoureux, li trouve sa ene l’honneur pour li qui li raconte so bans camarades cequi li pe faire. En verité, celui qui faire sa, li pe devoile so bans pechés a les autres, et sa c’est ene erreur qui faire ene personne privée du pardon Allaah.

Le prophète dire :

كُلُّ أُمَّتِي مُعَافًى إِلَّا الْمُجَاهِرِينَ وَإِنَّ مِنَ الْمُجَاهَرَةِ أَنْ يَعْمَلَ الرَّجُلُ بِاللَّيْلِ عَمَلًا ثُمَّ يُصْبِحَ وَقَدْ سَتَرَهُ اللَّهُ عَلَيْهِ فَيَقُولَ يَا فُلَانُ عَمِلْتُ الْبَارِحَةَ كَذَا وَكَذَا وَقَدْ بَاتَ يَسْتُرُهُ رَبُّهُ وَيُصْبِحُ يَكْشِفُ سِتْرَ اللَّهِ عَنْهُ
[ Tous mo Ummat pour etre excusés excepté bans qui faire peché au clair. Celui qui forme partie parmi bans qui faire peché au clair c’est ene personne qui faire ene mauvais action pendant la nuit et quand arrive le matin et qui Allaah fine cachiette so peché, li dire : “Oh untel, hier soir mo ti faire tel action.” Pendant la nuit, Allaah fine cachiette so peché et quand arrive le matin li enleve voile Allaah de li.]
(BUKHARI 5608)

Ø L’amour faire toi faire gaspillage.

L’Islaam condamne gaspillage dans tous so formes. Quant-a l’amour qui pe ena azordizour, sa faire bans jeunes faire beaucoup gaspillage l’argent et même gaspillage le temps. Beaucoup le temps fini dans bans dialogues inutiles lor portables. Beaucoup l’argent gaspillé avec bans cadeaux et avec telephone. Pas ena doute qui sa li ene façon de faire qui pas digne à bans intelligents qui pe oulé faire la reussite dans la vie Dunyaa et la vie Aakhirat.

Pendant to jeunesse, to capave pas pe trouve qui sa bans depenses la c’est gaspillage, juste a cause qui to pas ena aucun responsabilité. Dans l’avenir, quand to pour trouve-toi en besoin de l’argent, lerla to pour regretté pour gaspillage qui to fine faire.
Donc, oh toi jeune, reste loin de maladie l’amour afin qui to pas gaspille to l’argent.

Ø L’amour faire toi tombe dans deshonneur.

Banla dire : “L’amour est aveugle!” Sa li vrai parcequi ene jeune qui fine tombe amoureux, mile dimounes vine cause avec li pour montrer li qui li pe faire erreur, li pas pour trouve clair. Dans sa folie la, li disposé faire Zinaa et li disposé prend tifille dimoune sauvé. Pas ena doute qui sa c’est ene grand deshonneur qui pas pour capave eliminé depuis so l’histoire.

Imagine toi qui vieillesse fine accablé toi et to désir sexuelle fine diminué, et dans ene l’age pareille to apprendre qui to ti-zenfant fine conne to l’histoire! Est-ce qui c’est ene l’honneur sa? Est-ce qui ene l’honneur sa qui to zenfant pour ene zenfant Zinaa et nonplus ene zenfant Nikaah? Est-ce qui ene l’honneur sa qui to madame, c’était madame d’ene l’autre qui to fine coquin?

Donc, oh toi jeune, faire ene quitechose qui pour tous les temps to pour gagne pour marche avec l’honneur lor sa la terre la, toi et to generation. Pas faire ene gaffe qui pour tous les temps dimounes pour guette toi avec ene mauvais regard lor sa la terre la.



Ø L’amour dirige toi vers les autres Haraam.

Ene jeune qui fine tombe amoureux, li gagne ene grand inclination vers bans Haraam qui donne li ene soulagement et faire li vivre dans reve. Li commence guette film indien pour trouve li-même comme le hero qui lor l’ecran. Li commence ecoute la musique pour li trouve li-même comme acteur qui pe dansé avec so actrice embas la pluie. Pas ena doute qui guette film et ecoute la musique c’est parmi bans Haraam qui touye les coeurs bans jeunes et faire zotte vivre dans rêves, et alors, bizin reste loin de tous bans quitechoses qui dirige vers sa deux Haraam.

Apart sa, le jeune amoureux commence gagne l’envie pour alle cinema ou jardin ou la mer cote bans tourists fine mette-zotte secs lor la plage. Li capave commence coquin l’argent so parent, et li capave tombe dans les autres Haraam encore.

Donc, oh toi jeune, protége to le coeur contre maladie l’amour afin qui to protége to-même contre bans Haraam la.

Apart sa bans Haraam la, l’amour faire bans jeunes vine negligents concernant zotte Deen aussi; zotte commence neglige Swalaat et zotte abandonne lecture Qur’aan. Tous sa la c’est fruit de l’amour!!


Ø L’amour faire toi neglige to Dunyaa.

Ene bon musulman c’est pas seulement ene personne qui faire Ibaadat Allaah dans Masjid, mais li aussi ene element profitable dans la societé. Si to tombe amoureux, to pour neglige to l’étude. Au lieu alle l’école ou leçon, to pour alle joindre 35. Dans sa façon la, ena grand posibilité qui to camarade pour passé dans l’examen et toi to pour fail. Comme resultat, to camarade pour gagne bon travail, et toi to pour reste chomeur oubien to pour gagne ene travail casse-cassé. A cause 35, to pour neglige sa travail casse-cassé la aussi; au lieu alle travail to pour alle joindre 35. Finalement, to pour ene perdant dans sa Dunyaa la meme et ene plus grand perdant encore dans Aakhirat.

Donc, Oh toi jeune, concentrez dans to l’etude et to travail. Pas vivre dans bans fausses l’espoirs. Essaye gagne ene bon la vie dans sa Dunyaa la, et sa pour aide toi pour gagne ene bon partenaire aussi. Pas fini to l’argent avec 35 dans ene telle façon qui quand pe bizin l’argent pour arrange lacaze et faire Nikaah, to pas fine reste narien!

Ø L’amour faire toi faire ene mauvais choix.

Mariage c’est pas ene relation de 2/3 jours qui repose lor couleur la peau d’ene tifille oubien so beauté. Mais quand pe faire ene mariage, c’est pe faire li pour tous les temps, et sa relation la c’est ene relation qui repose lor Deen ene tifille, so caractère et so mentalité. Quand ene jeune intelligent decide pour marier, li pour faire so zeffort pour cherche ene tifille qui pour vine ene source de tranquilité pour li et pour faire so la vie vine en rose. Sa qualité mariage la, li plus duré par l’ordre Allaah et li plus rempli avec benediction Allaah.

Quant-a l’amour qui pe ena azordijour, sa faire chaque jeune – garçon ou fille – vine couma ene lichien assoiffé qui disposé avale premier quitechose qui vine devant li. Dans sa façon la, au lieu faire ene bon choix, chaque garçon tombe dans piège tifille plus n’importe qui ena. Le jeune amoureux guette juste couleur la peau ou beauté, et li pas gagne le temps prend compte qui li pe alle mange ene mangé restant qui fine passe dans la mains plusieurs n’importes avant li. De la même façon, jeune fille guette juste style ou beauté ou richesse, et li pas gagne le temps prend compte qui li pe gagne z’affaire avec ene Kaafir ou drogueur ou ene coureur!

Beaucoup mariages qui celebrés à travers bans cas l’amour qui pe ena azordizour, sa bans mariages la remplis avec discussions et zotte pas duré. Quant-a bans mariages qui celebrés basant lor ene bon choix, par permission Allaah, sa bans mariages la zotte remplis avec tranquilité et zotte plus duré.

Donc, oh toi jeune, pas tombe dans piège l’amour pour qui to ruine to l’existence au complet lor sa la terre la. Ene tifille qui fine d’accord pour commettre Haraam avec toi avant vine dans to Nikaah, est-ce qui to ena confiance qui li ene bon tifille? Est-ce qui to ena confiance qui li pas pour trompe toi? Est-ce qui to pour content qui ene tifille pareille vine maman to bans zenfants?

Ø L’amour parfois faire toi gaspille to content.

L’amour qui pe ena azordijour lor chemin, en verité, c’est ene l’amour sans permission parent, et alors, parfois arrivé qui bans jeunes pas reussi dans zotte l’amour. Possible deux jeunes fine content pendant trois ans et fine faire presque tous cequi ti bizin pas faire, et ensuite avec pression parent, zotte trouve qui zotte pe bizin discontinué. Dans sa cas la, tous les deux fine gaspille zotte “content”. Couma li vilain qui ene tifille pe marié avec ene garçon et qui dans so le coeur encore toujours ena ene grand place pour so copain qui li ti content! Couma li vilain qui ene tifille pe marché ensemble avec so missier, et lor chemin, so regard tappe lor celui qui ti faire li jouir dans Haraam!

Donc, oh toi jeune, pas gaspille to content. Reserve tous to l’amour seulement pour celui qui to sure to pour marié avec li sans passe par Haraam!

Ø L’amour capave faire toi touché par la sorcellerie.

Ene jeune qui fine tombe amoureux, souvent de fois li arrivé gagne probleme avec tifille qui li fine content, et alors, pour venge contre li, sa tifille la li alle cherche recours a bans sorciers.
Ena garçon faire l’air avec ene tifille, et ensuite quand li quitte tifille la, tifille la alle guette bans sorciers pour travaille li, et finalement quand garçon la faire Nikaah avec ene l’autre tifille, li trouve qui li fine vine impotent.
Ena tifille tombe amoureuse avec ene Kaafir sans qui li ena l’intention pour marier avec li. Alors, pour faire sa tifille la quitte lacaze so parent, garçon la travaille sa tifille la a travers la sorcellerie.

Fine ena certains cas cote touché par la sorcellerie, le jeune acteur fine vine couma fou et fine commence marche nu, et alors, so famille fine trouvé qui meilleur solution c’est envoye acteur la dans mental.

Donc, oh toi jeune, si vraiment to “care” pour to bien-etre, pas faire bans erreurs pour qui finalement to touché par la sorcellerie.

Ø L’amour capave faire toi tombe dans Shirk.

A travers la sorcellerie, ene jeune amoureux capave tombe dans Shirk. Si ene garçon fine content ene tifille et li trouve qui tifille la pas pe d’accord pour content li, so bans camarades capave conseille li pour travaille tifille la a travers la sorcellerie. Si sa garçon la accepté sa conseil satanique la, pas ena doute qui li pour tombe dans Shirk, parcequi pour qui Shaytwaan faire sa travail la pour li, garçon la pour bizin sacrifié ene quitechose lor so nom.
De la meme façon si ene garçon qui fine trahir ene tifille, li trouve qui li fine vine impotent, pour resourdre so probleme, li capave alle cherche recours a bans sorciers, et par sa, li tombe dans Shirk.

Donc, oh toi jeune, si vraiment to pe conne valeur de to Aqeedah Tawheed, pas faire bans erreurs qui sa capave faire toi vendre to Aqeedah juste a cause ene tifille!

Pas oubliez qui resultat de Shirk c’est l’enfer pour l’eternité.

Allaah dire : (5:72)

إِنَّهُ مَنْ يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَارٍ
[ Celui qui faire Shirk avec Allaah, certainement Allaah fine faire Jannat Haraam lor li, et so place c’est du feu (l’enfer). Bans Zwaalim (bans qui fine commettre Shirk) pas pour ena personne pour aide zotte.]

Ø L’amour capave dirige toi vers suicide.

Parfois si ene garçon et ene tifille fine content et zotte trouve qui li impossible pour qui zotte reussi marier, Shaytwaan capave faire Waswasah dans zotte l’esprits pour qui zotte suicidé. Pas ena doute qui si zotte tombe dans piege Shaytwaan, c’est zotte meme qui pour perdants dans Dunyaa et dans Aakhirah.


Le prophète dire :

كَانَ فِيمَنْ كَانَ قَبْلَكُمْ رَجُلٌ بِهِ جُرْحٌ فَجَزِعَ فَأَخَذَ سِكِّينًا فَحَزَّ بِهَا يَدَهُ فَمَا رَقَأَ الدَّمُ حَتَّى مَاتَ قَالَ اللَّهُ تَعَالَى بَادَرَنِي عَبْدِي بِنَفْسِهِ حَرَّمْتُ عَلَيْهِ الْجَنَّةَ
[ Parmi bans peuples avant zotte, ti ena ene personne qui ti blessé, et ensuite li fine perdi l’espoir. Alors, li fine prend ene couteau et li fine coupe so la main. Du sang fine coulé jusqua qui li fine mort. Allaah fine dire : “Mo serviteur fine pressé avec li-meme. Alors, Mo fine faire Jannat vine Haraam lor li.”]
(BUKHARI 3204)

Parfois arrivé qui ene tifille tombe amoureuse sincèrement avec ene garçon, et ensuite quand li alle apprendre qui garçon la pe faire l’air avec li et qui li ena les autres copines encore, dans sa situation la li capave degoute so la vie et li suicide li.

Donc, oh toi jeune, qui faire to joué avec to la vie? Au lieu tombe amoureux pour qui finalement to suicide toi, qui faire to pas rempli to le coeur avec Imaan afin qui sa aide toi pour affronte bans difficultés de to la vie?


ABU LAYLAA SHABBIR
Preparé à Minaa, 11.50 AM, 12.12.26 H / 12.01.06 AD[1]
[1] Apart cequi fine ajouté après sa.