8.LEÇONS POUR BANS MADAMES. دروس للنساء - . Couma Ene Madame Bizin Vivre Avec So Missier?

Couma Ene Madame Bizin Vivre Avec So Missier?

INTRODUCTION
Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene livret avec titre :
COUMA ENE MADAME BIZIN VIVRE AVEC SO MISSIER?

Sa livret la c'est explication ene partie de nous livre qui nous fine deja ecrire lor mariage, dans lequel nous fine cause concernant devoir d'ene bonne madame musulmane envers so missier. L'objectif de sa travail la c'est pas qui bans zommes gagne ene zarme pour qui zotte humilié zotte madames, mais c'est simplement pour qui bans soeurs conne façon qui zotte bizin vivre avec zotte missier. Si certains zommes injustes malservi Hadiith du prophete pour craze la tête zotte madames, sa bans madames la bizin conné qui jamais le prophete fine prononce ene parole pour apporte zotte kit du tort. Le prophete صَلَّى اللَّهُ عَلَيْهِ وَسَلَّمَ c'est li-meme qui fine prononce bans paroles concernant devoir d'ene madame envers so missier et pourtant jamais le prophete صَلَّى اللَّهُ عَلَيْهِ وَسَلَّمَ fine malagir envers so bans madames.

Donc, ene madame bizin lire sa livret la avec sa l'esprit la :
Qui l'Islaam fine dire moi pour faire afin qui mo même mo jouir mo la vie avec mo missier, mo gagne ene satisfaction dans mo lacaze et mo missier gagne ene satisfaction avec moi?
Couma mo bizin agir envers mo missier afin qui Allaah satisfait avec moi et mo être recompensé pour sa par Li?
Qui bans precautions mo bizin prend en cequi concerne mo façon vivre avec mo missier afin qui mo pas tombe dans piege Shaytwaan?

Nous faire Du'aa qui Allaah donne nous la sincerité dans nous bans travails et Li faire nous bans frères et soeurs musulmans profiter de sa livret la.

SHABBIR CHOWTHEE
ETUDIANT DE L’UNIVERSITÉ MADIINAH


CERTAINS POINTS AVANT COMMENCER.

Realise reve de ou missier.
Pas ena doute qui ene lacaze dans lequel ene madame pe vivre avec so missier et so bans zenfants en paix et avec tranquilité, c'est ene de bans plus grands faveurs mondaines de la part d'Allaah lor sa madame la. En verité c'est sa même reve de chaque jeune tifille, et c'est sa même qui li considère comme plus grand cadeau dans sa Dunyaa la. De la même façon, ene garçon aussi quand fine atteindre l'age pour traverse l'etape jeunesse pour rentre dans la vie mariage, plus grand souci qui preoccupe so l'esprit c'est ene bonne madame qui pour rendre so la vie en rose, pour vine ene source de bonheur pour li, pour rempli so la vie avec joie et gaité, pour amene tranquilité et prosperité dans so lacaze et pour ene support morale pour li contre bans difficultés. Ene bon tifille qui pe alle marié, c'est ene tifille qui faire l'intention pour realise reve de so missier pareille couma li ti content qui so reve être realisé. Pour aide sa tifille la pour qui li accomplir so mission avec facilité, l'Islaam fine donne li bans conseils precieux et c'est sa qui nous pour essaye etudié a la lumière de Qur-aan et Hadiith du prophete صَلَّى اللَّهُ عَلَيْهِ وَسَلَّمَ.

Ou même qui pour en profit.
En verité, tous cequi l'Islaam fine ordonne ene madame pour faire pour so missier, c'est simplement avec l'objectif pour apporte tranquilité dans so propre la vie. Si ene madame mettre en pratique cequi li fine être ordonnée, c'est li-même qui pour en profit et c'est li-même qui pour jouir so la vie avec so missier. Quand ene madame fine conne agir envers so missier dans ene meilleur façon, juste l'innocence qui pour reflecté lor so figure, vine ene bouclier pour li contre colère de so missier.

Acceptez être dictée par l'Islaam.
Si vraiment ene madame fine accepté qui c'est seul Islaam qui religion reconnu par Allaah, li obligé accepter tous so bans la lois et laisse so bans l'enseignements manifesté dans so la vie. Ene bonne madame musulmane pas pour permettre li agir envers so missier couma li envie, mais avec plaisir, li pour accepté être dictée par l'Islaam en cequi concerne so comportement envers so missier.

Attention colère Allaah.
Toujours ene madame bizin realisé qui si li pour mal agir envers so missier, apart qui li pour gagne peché, li pas drole qui Allaah donne li ene bellefille qui pour mal agir envers so garçon et pour rendre zotte la vie amere.


VINE ENE SOURCE DE TRANQUILITÉ
POUR OU MISSIER.

Allaah dire : (30:21)

وَمِنْ آيَاتِهِ أَنْ خَلَقَ لَكُمْ مِنْ أَنفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُون
[ Et parmi (Allaah) So bans signes c’est qui Li fine crée pour zotte bans epouses depuis zotte-meme, afin qui zotte gagne repos cote banla, et Li fine mette l’affection et pitié entre zotte. Certainement ena bans signes ladans pour bans dimounes qui reflechit.]

D'apres sa Aayat la, nous comprend qui ene bonne madame c'est ene madame qui ou trouve ou pe vivre avec tranquilité avec li et ou gagne ene repos aupres de li pour ou l'esprit et ou le corps, surtout dans bans moments difficiles. Apres ene journée travail, sa missier la ressenti ene la joie dans so le coeur quand fine arrive l'heure pour retourne so lacaze, parcequi li pe conné qui li pe retourne vers so madame qui pas pour juste donne li bon mangé pour manger, mais pour donne li aussi ene repos pour so le corps et so l'esprit.

Allaah dire : (7: 189)

هُوَ الَّذِي خَلَقَكُمْ مِنْ نَفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا
[ C'est Li qui fine crée zotte a partir ene (seul) Nafs, et (ensuite) Li fine crée depuis Li, so epouse pour qui li vivre avec tranquilité cote li.]

Le prophete صَلَّى اللَّهُ عَلَيْهِ وَسَلَّمَ aussi fine conseille ene madame pour qui li vine ene fortune pour so missier et ene source de prosperité.

Le prophete صَلَّى اللَّهُ عَلَيْهِ وَسَلَّمَ dire :

الدُّنْيَا مَتَاعٌ وَخَيْرُ مَتَاعِ الدُّنْيَا الْمَرْأَةُ الصَّالِحَةُ
[ Dunyaa c'est ene objet de jouissance et meilleur objet de sa Dunyaa la c'est ene bonne madame.]
(MUSLIM 2668)

Le prophete صَلَّى اللَّهُ عَلَيْهِ وَسَلَّمَ dire :

أربع من السعادة المرأة الصالحة والمسكن الواسع والجار الصالح والمركب الهنيء وأربع من الشقاوة الجار السوء والمرأة السوء والمسكن الضيق والمركب السوء
[ Quatre quitechoses forme partie de la prosperité et le bonheur : ene bonne madame, ene la caze spacieux, ene bon voisin et ene transport confortable. Et ena quatre quitechoses qui forme partie de la misère et le malheur : ene mauvais voisin, ene mauvais madame, ene lacaze serré et ene mauvais transport.]
(IBN HIBBAAN 9/340/4032)



Le prophete صَلَّى اللَّهُ عَلَيْهِ وَسَلَّمَ dire :

من رزقه الله امرأة صالحة فقد أعانه على شطر دينه فليتق الله في الشطر الباقي
[ Celui qui Allaah fine accorde li ene bonne madame, certainement Allaah fine aide li pour accomplir la moitié so Deen. Alors, qui li gagne Taqwaa Allaah concernant deuxième la moitié la.]
(SHU-AB-UL-IMAAN 4/383/5487)

Ene fois le prophete صَلَّى اللَّهُ عَلَيْهِ وَسَلَّمَ ti dire Jaabir :

فَهَلَّا جَارِيَةً تُلَاعِبُهَا وَتُلَاعِبُكَ وَتُضَاحِكُهَا وَتُضَاحِكُكَ
[ Qui faire to pas ti marié avec ene jeune fille? To ti pour badine avec li, li ti pour badine avec toi! To ti pour faire li riyé, li ti pour faire toi riyé!]
(BUKHARI 4948)

D'apres sa Hadiith la, nous comprend qui ene bonne madame musulmane c'est ene madame qui rempli la vie de so missier avec gaité par badine avec li et faire li riyé.

Quant-a ene madame qui nuir so missier et rendre so la vie amère, pas ena doute qui sa qualité madame la, li merite colère Allaah.






Le prophete صَلَّى اللَّهُ عَلَيْهِ وَسَلَّمَ dire :

ثَلَاثَةٌ لَا تَرْتَفِعُ صَلَاتُهُمْ فَوْقَ رُءُوسِهِمْ شِبْرًا ... وَامْرَأَةٌ بَاتَتْ وَزَوْجُهَا عَلَيْهَا سَاخِطٌ
[ Ena trois personnes qui zotte Swalaat pas depasse zotte la tete même par ene coudée : … ene madame qui pe dormi pendant la nuit et qui so missier en colère avec li.]
(IBN MAAJAH 961)

Le prophete صَلَّى اللَّهُ عَلَيْهِ وَسَلَّمَ dire :

ثَلَاثَةٌ لَا تُجَاوِزُ صَلَاتُهُمْ آذَانَهُمُ الْعَبْدُ الْآبِقُ حَتَّى يَرْجِعَ وَامْرَأَةٌ بَاتَتْ وَزَوْجُهَا عَلَيْهَا سَاخِطٌ وَإِمَامُ قَوْمٍ وَهُمْ لَهُ كَارِهُونَ
[ Ena trois personnes qui zotte Swalaat pas depasse zotte zoreille : ene esclave qui fine sauvé jusqua qui li retourné, ene madame qui pe dormi pendant la nuit et qui so missier en colère avec li, et Imaam d’ene peuple qui banla pas content li.]
(TIRMIZI 328)

Le prophete صَلَّى اللَّهُ عَلَيْهِ وَسَلَّمَ dire :

لَا تُؤْذِي امْرَأَةٌ زَوْجَهَا فِي الدُّنْيَا إِلَّا قَالَتْ زَوْجَتُهُ مِنَ الْحُورِ الْعِينِ لَا تُؤْذِيهِ قَاتَلَكِ اللَّهُ فَإِنَّمَا هُوَ عِنْدَكَ دَخِيلٌ يُوشِكُ أَنْ يُفَارِقَكِ إِلَيْنَا
[ Pas ena aucun madame qui nuir so missier dans Dunyaa excepté qui so madame parmi bans Hour dire li : "Pas nuir li. Qui Allaah combattre toi! Li simplement pe traverse ene ti-moment cote toi et qui li pres pour quitte toi pour vine cote nous."]
(TIRMIZI 1094)

Rapporté par Abu Hurayrah :

كان من دعائه صَلَّى اللَّهُ عَلَيْهِ وَسَلَّمَ اللهم إني أعوذ بك من جار السوء ومن زوج تشيبني قبل المشيب
[ Parmi bans Du'aa qui le prophete صَلَّى اللَّهُ عَلَيْهِ وَسَلَّمَ ti pe faire c'est : "Oh Allaah, mo pe cherche To protection contre ene mauvais voisin et contre ene madame qui pour faire mo cheveux vine blanc avant so l'heure.]
(AD-DU'AA 3/1425/1339, SS.3137)

Sa Hadiith la pe montré nous qui ena madames sitant zotte mauvais, jusqua qui zotte capave faire zotte missier vieillit avant zotte l'heure, surtout bans qui dans nous l'epoque zotte fine conne droits qui gouvernement Kuffaar fine donne zotte. C'est concernant sa qualité madames la meme qui le prophete صَلَّى اللَّهُ عَلَيْهِ وَسَلَّمَ fine dire :

ثلاثة يدعون الله فلا يستجاب لهم رجل كانت تحته امرأة سيئة الخلق فلم يطلقها
[ Ena trois personnes qui invoque Allaah et (Allaah) pas repondre zotte ; ene zomme qui ena ene madame qui ena mauvais caractère et li pas pe donne li Twalaaq……]
(HAAKIM 2/331/3181)

Donc, ene bonne madame c'est celui qui faire so zeffort pour vine ene fraicheur pour lizieux de so missier.

Allaah dire : (25:74)

وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا
[ Et bans qui dire : “Oh nous Rab, donne nous de nous bans madames et nous bans zenfants, la joie de (nous) lizieux, et faire nous vine bans guides pour bans Muttaqi.”]


CONSCIENT QUI OU MISSIER ENA BEAUCOUP
DROIT LOR OU.

Ene bonne madame musalmane c'est ene madame qui consciente qui parmi bans creatures c'est so missier qui ena plus beaucoup droit lor li, et alors li faire so zeffort pour donne li so droit qui li merité, d'apres so capacité. Premièrement li accepté sa quitechose la comme ene la loi Allaah et qui sa droit et sa statut qui so missier fine gagné la, li pas narien excepté ene decret de So Createur et ene dubien pour li-même.

Le prophete صَلَّى اللَّهُ عَلَيْهِ وَسَلَّمَ dire :

أَلَا إِنَّ لَكُمْ عَلَى نِسَائِكُمْ حَقًّا وَلِنِسَائِكُمْ عَلَيْكُمْ حَقًّا
[ Certainement zotte ena bans droits lor zotte madames et zotte madames (aussi) ena bans droits lor zotte.]
(TIRMIZI 1083)

Ibn Taymiyyah dire :

وليس على المرأة بعد حق الله ورسوله أوجب من حق الزوج
[ Apres droit d'Allaah et So messager, pas ena aucun droit qui plus obligatoire lor ene madame, qui droit de so missier.]
(MAJMOU' FATAAWAA 32/260)

Ene madame qui gagne tracas concernant so Imaan, toujours li pour veillé qui li pas pe marque so missier dans so bans droits.


Le prophete صَلَّى اللَّهُ عَلَيْهِ وَسَلَّمَ dire :

ولا تجد امرأة حلاوة الإيمان حتى تؤدي حق زوجها
[ Ene madame pas pour goutte la saveur de Imaan jusqua qui li accomplir droit de so missier.]
(MUSTADRAK HAAKIM 4/190/7325)

Pour montré nous valeur d'ene missier, et a qui point li ena droit lor so madame, le prophete صَلَّى اللَّهُ عَلَيْهِ وَسَلَّمَ dire :

لَوْ كُنْتُ آمِرًا أَحَدًا أَنْ يَسْجُدَ لِأَحَدٍ لَأَمَرْتُ الْمَرْأَةَ أَنْ تَسْجُدَ لِزَوْجِهَا وَلَا تُؤَدِّي الْمَرْأَةُ حَقَّ اللَّهِ عَزَّ وَجَلَّ عَلَيْهَا كُلَّهُ حَتَّى تُؤَدِّيَ حَقَّ زَوْجِهَا عَلَيْهَا كُلَّهُ
[ Si mo ti ena pour ordonne quicaine pour faire Sajdah pour quicaine, mo ti pour ordonne ene madame pour faire Sajdah pour so missier. Ene madame pas pour accomplir droit d'Allaah qui lor li au complet jusqua qui li accomplir droit de so missier au complet.]
(AHMAD 18591)

Le prophete صَلَّى اللَّهُ عَلَيْهِ وَسَلَّمَ dire :

لَوْ كُنْتُ آمِرًا أَحَدًا أَنْ يَسْجُدَ لِأَحَدٍ لَأَمَرْتُ النِّسَاءَ أَنْ يَسْجُدْنَ لِأَزْوَاجِهِنَّ لِمَا جَعَلَ اللَّهُ لَهُمْ عَلَيْهِنَّ مِنَ الْحَقِّ
[ Si mo ti ena pour ordonne quicaine pour faire Sajdah pour quicaine, mo ti pour ordonne bans madames pour faire Sajdah pour zotte missiers, pour droits qui Allaah fine metté lor bans madames pour zotte missiers.]
(ABU DAOUD 1828)
Le prophete صَلَّى اللَّهُ عَلَيْهِ وَسَلَّمَ dire :

حق الزوج على زوجته أن لو كان به قرحة فلحستها أو ابتدر منخراه صديدا أو دما ثم لحسته ما أدت حقه
[ Droit d’ene missier lor so madame c’est qui si fine ena ene blessure lor li, et ensuite (madame la) fine passe so la langue lor la, oubien qui missier la so deux narines fine rempli avec du pus ou du sang, et ensuite li fine passe so lalangue lor la, la aussi (madame la) pas pour fini accomplir (missier la) so droit!]
(MUSWANNAF IBN ABI SHAYBAH 3/556-557(

Le prophete صَلَّى اللَّهُ عَلَيْهِ وَسَلَّمَ dire :

حق الزوج على زوجته أن لو كانت به قرحة فلحستها أو انتثر منخراه صديدا أو دما ثم ابتلعته ما أدت حقه
[ Droit d’ene missier lor so madame c’est qui si fine ena ene blessure lor li, et ensuite (madame la) fine passe so la langue lor la, oubien qui missier la so deux narines fine rempli avec du pus ou du sang, et ensuite li fine avale sa, la aussi (madame la) pas pour fini accomplir (missier la) so droit!]
(MAJMA-UZ-ZAWAAID 4/307)

Le prophete صَلَّى اللَّهُ عَلَيْهِ وَسَلَّمَ dire :

لَا يَصْلُحُ لِبَشَرٍ أَنْ يَسْجُدَ لِبَشَرٍ وَلَوْ صَلَحَ لِبَشَرٍ أَنْ يَسْجُدَ لِبَشَرٍ لَأَمَرْتُ الْمَرْأَةَ أَنْ تَسْجُدَ لِزَوْجِهَا مِنْ عِظَمِ حَقِّهِ عَلَيْهَا وَالَّذِي نَفْسِي بِيَدِهِ لَوْ كَانَ مِنْ قَدَمِهِ إِلَى مَفْرِقِ رَأْسِهِ قُرْحَةً تَنْبَجِسُ بِالْقَيْحِ وَالصَّدِيدِ ثُمَّ اسْتَقْبَلَتْهُ فَلَحَسَتْهُ مَا أَدَّتْ حَقَّهُ
[ Li pas permissible qui humain faire Sajdah pour ene (l'autre) humain. Si li ti permissible qui humain faire Sajdah pour ene (l'autre) humain, mo ti pour ordonne ene madame pour faire Sajdah pour so missier, pour grand qui droit so missier grand lor li. Serment lor Celui qui mo la vie dans So la main, si depuis (missier la) so lipied jusqua so la tete ti ena blessure lor lequel dupus pe coulé et ensuite sa madame la vine passe so la langue lor la, la aussi li pas pour fini accomplir so droit.]
(AHMAD 12153)

Le prophete صَلَّى اللَّهُ عَلَيْهِ وَسَلَّمَ dire[1] :

لو تعلم المرأة حق الزوج ما قعدت ما حضر غداؤه وعشاؤه حتى يفرغ منه
[ Si ene madame ti conne droit de so missier, li pas ti pour assizé quand missier la so dejeuner ou diner fine vine devant li, jusqua qui missier la termine avec so mangé.]
(AL-MU'JAM-UL-KABIIR 20/160/333)

Donc, apres qui li pe ecoute bans Hadiith pareille, ene bonne madame jamais pour essaye rentre en conflit avec so missier, sous pretexte qui li pe reclame so droit. Li vrai qui ene missier bizin pas faire dominère, mais quand ene madame pe conné a qui point so missier ena droit lor li, sa pour aide li pour respé so missier et vivre en harmonie avec li.

RECONNAITRE QUI L'AUTORITÉ DANS LACAZE APPARTENIR A OU MISSIER.

Quitechose principale qui bizin dans la tete d’ene madame afin qui sa capave faire li vivre bien avec so missier c’est qui li bizin consciente qui c’est so missier qui ena l’autorité dans la caze. Li bizin consciente qui pareille couma pas ena deux capitaines dans ene bateau, coumesa meme pas capave ena deux maris dans ene lacaze. Ene bonne madame musulmane c'est ene madame qui reconnaitre qui dans so lacaze c'est so missier qui ena l'autorité et c'est li qui mette la loi. Ene fois qui li fine marié avec sa missier la, li faire so zeffort pour fondre so caractère dans caractère de so missier, afin qui li adapté avec so missier et nonplus qui missier la qui bizin adapté avec so caractère.

Allaah dire : (2:228)

وَلَهُنَّ مِثْلُ الَّذِي عَلَيْهِنَّ بِالْمَعْرُوفِ وَلِلرِّجَالِ عَلَيْهِنَّ دَرَجَةٌ
[ Bans madames zotte ena bans droits (lor zotte missiers) pareile couma ena bans obligations lor zotte (envers zotte missiers), dans ene façon raisonable. Mais bans zommes fine gagne ene degré (emplus) lor bans madames.]

D'apres sa Aayat la, nous trouvé qui c'est ene missier qui bizin agir comme "le chef de la maison" parcequi Allaah fine donne li ene degré plus qui so madame.





Allaah dire : (4:34)

الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنفَقُوا مِنْ أَمْوَالِهِمْ
[ Bans zommes c'est zotte qui entretenir bans madames, pour faveur qui Allaah fine accorde bans zommes lor bans madames, et (aussi) a cause depense qui zotte faire (lor zotte madames) depuis zotte dubien.]

Ene parmi bans madame de bans Salaf ti donne so tifille sa conseil la a l'ocassion de so mariage :

فكوني له أمة يكن لك عبدا
[ Vine ene esclave pour li, (automatiquement) li pour vine ene esclave pour toi!]

Ene madame bizin pensé qui normalement c'est dans ene seul place qui so missier gagne l'honneur pour agir comme ene chef, et sa place la c'est so lacaze. Dans travail, li couma ene travailleur, lor chemin et parmi bans camarades li trouve li egale a les autres. Astère si missier alle remarqué qui dans so propre lacaze so l'autorité menacé, pas ena doute qui sa capave faire li explosé et alors gagne probleme dans lacaze.

Faudrait pas qui ene madame li essaye faire coup d'etat dans lacaze pour qui so la loi qui prevaloir et so bans decisions qui primés. Par exemple, ena madame trop amanie, et alors li mettre la loi en cequi concerne quand so misier gagne droit monte lor lilit et quand li pas gagne droit costé même avec lilit la. Ene madame qui agir dans sa façon la, en verité li pe essaye amene role zomme dans lacaze, et alors c'est malediction du prophete qui li pour merité.

Rapporté par Ibn Abbaas :

لَعَنَ النَّبِيُّ صَلَّى اللَّهُ عَلَيْهِ وَسَلَّمَ الْمُخَنَّثِينَ مِنَ الرِّجَالِ وَالْمُتَرَجِّلَاتِ مِنَ النِّسَاءِ
[ Le prophete صَلَّى اللَّهُ عَلَيْهِ وَسَلَّمَ fine envoye malediction lor bans zommes qui faire couma madames, et lor bans madames qui faire couma zommes.]
(BUKHARI 5436)

Sa qualité madames la, zotte pas mettre la loi juste lor zotte zenfants et lor zotte missiers, mais parfois zotte mettre la loi même concernant relation sa missier la avec so propre mama/papa.

Erreurs qui certaine madame commettre :
1. Persisté lor so l'opinion malgré qui li en conflit avec decision de so missier.
2. Force so misser pour accepter cequi li dire. Par exemple, force so missier pour teigne la lumière le soir malgré qui missier la pas encore termine avec so travail.
3. Oppose so missier quand li pe mettre l'ordre avec bans zenfant. Par exemple, si missier la dire a so bans zenfants : "Mo oulé qui a dix heures, zotte teigne sa computer la", emplace madame la dire : "Pas casse la tete, jouez jusqua 10:30!" Pas ena doute qui sa li mauvais parcequi so resultat cequi bans zenfants la n'est plus considère zotte papa comme celui qui ena l'autorité dans lacaze.
4. Vine arrache zenfant qui pe gagne batter depuis la main de so papa, oubien alle cachiette rotin bazare quand papa la pe rode li.
5. Soutire zenfant qui pe faire mauvais pour qui finalement li vine ene rebelle dans lacaze.
6. Faire l'avortement sans permission de so missier.

Donc, tanque capave ene madame bizin pas rebellé contre so missier. Au contraire li bizin faire cequi li conné so missier content, et li bizin abstenir de cequi li conné so missier pas content. Faudrait pas li faire couma bans qui leve la voix et même menace zotte missier : "To pas fine tendé qui mo fine dire toi la !"


OBEIR OU MISSIER DANS CEQUI LI ORDONNE OU.

Quand ene madame fine accepté qui c'est so missier qui ena l'autorité dans lacaze, li bizin pret pour soumettre a li et vivre dans so l'obeissance. N'importe qui quitechose so missier ordonne li pour faire, li obligé accepté et obeir, excepté si c'est ene peché.

Allaah dire : (4:34)
فَالصَّالِحَاتُ قَانِتَاتٌ
[ Bans bons madames c'est bans qui obeissantes.]

Sufyaan Ath-Thawri dire :
مطيعات لله ولأزواجهن
[ Sa veut dire zotte obeissantes a Allaah et a zotte missiers.]
(TAFSIIR TWABARI 5/59)

Ene madame bizin considère so l’obeissance a so missier etant ene Ibaadat parcequi c’est Allaah qui fine ordonne li pour obeir so missier. Faudrait pas li laisse li embettée par sa conception là qui si li obeir so missier, sa veut dire qui li inferieur.

Le prophete صَلَّى اللَّهُ عَلَيْهِ وَسَلَّمَ dire :

إِذَا صَلَّتِ الْمَرْأَةُ خَمْسَهَا وَصَامَتْ شَهْرَهَا وَحَفِظَتْ فَرْجَهَا وَأَطَاعَتْ زَوْجَهَا قِيلَ لَهَا ادْخُلِي الْجَنَّةَ مِنْ أَيِّ أَبْوَابِ الْجَنَّةِ شِئْتِ

[ Si ene madame faire so cinq fois Swalaat, li garde so Roza pendant mois (Ramadwaan), li preserve so partie privée et li obeir so missier, (dans Aakhirat) pour dire li : "Rentre dans Jannat par n'importe qui la porte Jannat to oulé."]
(AHMAD 1573)

Rapporté par Abu Hurayrah :

قِيلَ لِرَسُولِ اللَّهِ صَلَّى اللَّهُ عَلَيْهِ وَسَلَّمَ أَيُّ النِّسَاءِ خَيْرٌ قَالَ الَّتِي تَسُرُّهُ إِذَا نَظَرَ وَتُطِيعُهُ إِذَا أَمَرَ وَلَا تُخَالِفُهُ فِي نَفْسِهَا وَمَالِهَا بِمَا يَكْرَهُ
[ Le messager d'Allaah صَلَّى اللَّهُ عَلَيْهِ وَسَلَّمَ ti être questionné :
"Qui sanla meilleur parmi bans madames?"
Le prophete صَلَّى اللَّهُ عَلَيْهِ وَسَلَّمَ fine repondre :
"C'est celui qui faire so missier content quand li guette li, li obeir so missier quand missier la ordonne li, et li pas contredire so missier dans quitechose qui missier la pas content concernant li-même et so l'argent."]
(NASAI 3179)

Donc, ene bonne madame musulmane pour toujours prend so precaution pour pas laisse li tombe dans piege Shaytwaan, et alors li pas pour commettre les erreurs suivants :
1. Refuse accepter l'ordre so missier categoriquement.
2. Faire role pas entendre cequi so missier fine dire, et quand missier la repete so l'ordre, madame la dire : "To pe cause avec moi la!"
3. Tardé pour obeir en disant : "Mo pe dresse lilit la!", "Mo pe repasse linge la!", "Talère la to pas ti capave dire moi. Attendre astère! Pas pressez!"
4. Montré commesi so missier so l'ordre pas ena aucun priorité, par tout coup oublié faire cequi li dire.
5. Derange so missier pour vine devant li afin qui li obeir. Par exemple, si so missier dire li faire ene quitechose depuis ene l'autre la chambre, li repondre : "Vine içi to causé. Mo pas pe entendre toi!"
6. Obeir li, mais en laissant ene degout apparaitre lor so figure.
7. Faire chantage avec so missier pour qui li faire ene travail, en disant : "Faudrait to faire sa pour moi, lerla mo pour faire to travail!"

Ene bonne madame c'est ene madame qui li ecouté et obeir quand cause avec li juste ene fois. Pas bizin ou cause 10 fois avec li pour qui li comprend et pas necessaire ou leve la voix avec li pour qui li obeir.

Guette cequi le prophete صَلَّى اللَّهُ عَلَيْهِ وَسَلَّمَ dire concernant ene madame qui desobeir so missier :

اثنان لا تجاوز صلاتهما رؤوسهما عبد آبق من مواليه حتى يرجع وامرأة عصت زوجها حتى ترجع
[ Ena deux personnes qui zotte Swalaat pas depasse zotte la tete : ene esclave qui fine sauvé depuis so maitre jusqua qui li retourne (vers banla), et ene madame qui fine desobeir so missier jusqua qui li retourne vers so l'obeissance.]
(MUSTADRAK HAAKIM 4/191/7330)



FAIRE KHIDMAT OU MISSIER.

Ene bonne madame musulmane c'est ene madame qui consciente qui a partir qui li fine quitte lacaze de so maman pour vine vivre dans lacaze de so missier, so la vie fine changé et li fine vine ene responsable. C'est li qui pour bizin gère bans zaffaires internes de so lacaze, et c'est li qui pour bizin entretenir so lacaze afin qui lacaze la gagne ene trait lacaze. C'est li qui pour bizin faire Khidmat de so missier et prend compte de so bans zenfants, afin qui tous bans membres de la famille gagne ene certaine tranquilité dans lacaze.

Rapporté par Huswayn ibn Muhsin :

أن عمته أتيت رسول الله صلى الله عليه وسلم ذات يوم (في بعض الحاجة) فقال (أي هذه) أذات بعل أنت قلت نعم قال كيف أنت له قلت (يا رسول الله) ما آلوه إلا ما عجزت فقال انظري كيف أنت له فإنما هو جنتك ونارك
[ Mo poupou fine dire moi :
Ene jour mo fine vine cote le messager d'Allaah pour ene certaine necessité, et li fine dire moi:
"Est-ce qui to mariée?"
Mo fine repondre :
"Oui."
Li fine dire moi :
"Couma to été avec li?"
Mo fine repondre :
"Mo pas manque li dans narien excepté cequi trouve endehors mo capacité."
Alors, le prophete fine dire moi :
"Guette (bien) qui to position avec li, car certainement c'est li-même to Jannat oubien to du feu (l'enfer)!"]
(AL-MU'JAM-UL-KABIIR 25/183/448)

D'apres sa Hadiith la, nous comprend qui ene bonne madame musulmane qui oulé gagne Jannat, li pour toujours faire so zeffort pour faire Khidmat de so missier, autant qui li capave, afin qui so missier satisfait avec li.

Le prophete dire :

أَلَا كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ ... وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ وَهِيَ مَسْئُولَةٌ عَنْهُمْ
[ Chacun parmi zotte ene gardien, et li pour etre questionné concernant bans qui li gardien lor zotte …. Ene madame li ene gardienne lor lacaze de so missier et lor so bans zenfants, et li pour etre questionnée concernant banla.]
(MUSLIM 3408)

A l'occasion de Hajjat-ul-Wadaa', le prophete ti faire ene Khutbah dans lequel li fine dire :

أَلَا وَاسْتَوْصُوا بِالنِّسَاءِ خَيْرًا فَإِنَّمَا هُنَّ عَوَانٌ عِنْدَكُمْ
[ Mo pe conseil zotte a propos de bans madames et alors acceptez mo conseil concernant banla. Banla zotte simplement bans captifs cote zotte.]
(TIRMIZI 1083)

D'apres sa Hadiith la, nous trouve qui le prophete pe compare bans madames comme bans prisonnières qui bizin vivre a la service de zotte maitres.

Quand nous guette bans madames de bans Swahaabah dans l'epoque du prophete, nous trouve qui banla ti bien comprend zotte role et zotte responsabilité dans zotte lacaze et zotte ti pe faire zotte best pour assume zotte responsabilité.

Rapporté par Aaishah :

كُنْتُ أُرَجِّلُ رَأْسَ رَسُولِ اللَّهِ صَلَّى اللَّهُ عَلَيْهِ وَسَلَّمَ وَأَنَا حَائِضٌ
[ Mo ti pe peigne la tête du messager d’Allaah, pendant qui mo ti dans mo periode Haid.]
(BUKHARI 286)

Rapporté par Ali :

أَنَّ فَاطِمَةَ عَلَيْهِمَا السَّلَام أَتَتِ النَّبِيَّ صَلَّى اللَّهُ عَلَيْهِ وَسَلَّمَ تَشْكُو إِلَيْهِ مَا تَلْقَى فِي يَدِهَا مِنَ الرَّحَى وَبَلَغَهَا أَنَّهُ جَاءَهُ رَقِيقٌ فَلَمْ تُصَادِفْهُ فَذَكَرَتْ ذَلِكَ لِعَائِشَةَ فَلَمَّا جَاءَ أَخْبَرَتْهُ عَائِشَةُ قَالَ فَجَاءَنَا وَقَدْ أَخَذْنَا مَضَاجِعَنَا فَذَهَبْنَا نَقُومُ فَقَالَ عَلَى مَكَانِكُمَا فَجَاءَ فَقَعَدَ بَيْنِي وَبَيْنَهَا حَتَّى وَجَدْتُ بَرْدَ قَدَمَيْهِ عَلَى بَطْنِي فَقَالَ أَلَا أَدُلُّكُمَا عَلَى خَيْرٍ مِمَّا سَأَلْتُمَا إِذَا أَخَذْتُمَا مَضَاجِعَكُمَا أَوْ أَوَيْتُمَا إِلَى فِرَاشِكُمَا فَسَبِّحَا ثَلَاثًا وَثَلَاثِينَ وَاحْمَدَا ثَلَاثًا وَثَلَاثِينَ وَكَبِّرَا أَرْبَعًا وَثَلَاثِينَ فَهُوَ خَيْرٌ لَكُمَا مِنْ خَادِمٍ
[(Ene fois) Faatwimah fine vine cote le prophete pour faire ene plainte aupres de li concernant (core) qui pe gagné dans so la main quand li ti pe craze dublé dans la meule, (et sa c'etait) apres qui Faatwimah fine apprendre qui le prophete fine gagne certaines captifs. Li pas fine reussi joindre le prophete (quand li fine arrive cote li), et alors li fine dire sa a Aaishah. Quand le prophete fine vine (lacaze), Aaishah fine informe li de sa. Le prophete fine vine cote nous ene l'heure qui nous ti fini monte lor lilit. Nous fine commence levé, mais li fine dire (nous) :
"Reste dans zotte place!"
Li fine vini, li fine assize entre moi et Faatwimah jusqua qui mo fine ressenti fraicheur de so deux lipieds lor mo ventre. Ensuite li fine dire :
"Est-ce qui mo pas montré zotte ene quitechose meilleur qui zotte fine demandé? Quand zotte monte lor lilit, dire 33 fois Sub-haa nallaah, 33 fois Alhamdu lillaah et 34 fois Allaahu Akbar. Sa meilleur pour zotte qui ene serviteur!"]
(BUKHARI 4942)

Rapporté par Asmaa' Bint Abi Bakr :

تَزَوَّجَنِي الزُّبَيْرُ وَمَا لَهُ فِي الْأَرْضِ مِنْ مَالٍ وَلَا مَمْلُوكٍ وَلَا شَيْءٍ غَيْرَ نَاضِحٍ وَغَيْرَ فَرَسِهِ فَكُنْتُ أَعْلِفُ فَرَسَهُ وَأَسْتَقِي الْمَاءَ وَأَخْرِزُ غَرْبَهُ وَأَعْجِنُ وَلَمْ أَكُنْ أُحْسِنُ أَخْبِزُ ... وَكُنْتُ أَنْقُلُ النَّوَى مِنْ أَرْضِ الزُّبَيْرِ الَّتِي أَقْطَعَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ عَلَى رَأْسِي وَهِيَ مِنِّي عَلَى ثُلُثَيْ فَرْسَخٍ ... حَتَّى أَرْسَلَ إِلَيَّ أَبُو بَكْرٍ بَعْدَ ذَلِكَ بِخَادِمٍ تَكْفِينِي سِيَاسَةَ الْفَرَسِ فَكَأَنَّمَا أَعْتَقَنِي
[ Az-Zubayr ti marié avec moi. Li pas ti ena aucun plantation lor la terre, ni kit esclave, et ni kit objet, apart ene chameau lor lequel li ti pe charié de l'eau et ene cheval. Mo ti pe donne (so) cheval l'herbe pour manger, mo ti pe charié de l'eau, mo ti pe craze dublé…. mo ti pe charié noyau lor mo la tête depuis la terre qui le messager d'Allaah ti donne Az-Zubayr et qui so distance depuis mo lacaze ti ⅔ Farsakh (≈ 3.6 km)…. jusqua qui apres tous sa la, Abu Bakr fine envoye ene serviteur pour moi pour prend compte so cheval, et alors (mo fine ressenti) commesi li fine libere moi!"]
(BUKHARI 4823)

Faire Khidmat ou missier li comprend : cuit so mangé, lave so linge, repasse so linge, garde lacaze propre, prend compte bans zenfants, garde bans zenfants propres…etc.

Ena madame faire paresse pour assume so responsabilité envers so missier. Li reste dormi jusqua 10:00 hrs, tout coup li faire so missier acheté mangé (sharwarmah) en dehors, quand pe bizin linge astère qui li pe alle repassé, lacaze reste en desordre, linge sale reste pile dans panier, quand fine fini lave linge la, la aussi ou trouve qui li encore sale. Li couma ene "poids-lourd", et lor la li pretendre extra fatiguée, et ene tigit malade qui li malade, li jette le corps couma dire li dans Sakraat.



SATISFAIT AVEC CEQUI OU MISSIER DONNE OU.

La richesse ou la pauvreté c'est ene quitechose qui fine fini decidé par Allaah pour chaque personne qui lor sa la terre la, et sa li pas indique narien en cequi concerne sa personne la so sort dans Aakhirat. Donc, si ene tifille fine gagne la chance pour marié avec ene garçon qui riche, li bizin remercié Allaah et cherche protection Allaah contre Fitnah l'argent. De l'autre coté, si ene tifille fine marié avec ene garçon qui pauvre, li bizin realisé qui sa c'est cequi Allaah fine decidé pour li, et alors si li satisfait et li prend patience, sa vine ene moyen pour qui Allaah satisfait avec li.

Ene tifille intelligente li bizin conné combien la paye de so missier, combien fini dans mangé-boire, dans paye la lumière, de l'eau, telephone, dans l'education bans zenfants et finalement combien l'argent resté la fin du mois, et basant lor la, li rassure li-même qui quand li pe faire ene demande avec so missier, li pas pe mette so missier dans l'embarras.

Le prophete صَلَّى اللَّهُ عَلَيْهِ وَسَلَّمَ dire :

أن أول ما هلك بنو إسرائيل أن امرأة الفقير كانت تكلفه من الثياب أو الصيغ ما تكلف امرأة الغني
[ Commencement destruction de Banu Israaiil c'est qui madame du pauvre ti pe donne so missier la peine pour donne li bans vetements ou bans bijoux qui madame du riche ti pe donne so missier la peine pour donne li.]
(SS.591)

Le prophete fine aussi raconte nous l'histoire du prophete Ibraahiim et so bellefille :
[ Ibraahiim fine demande so premier bellefille concernant genre de so la vie avec so garçon Ismaaiil, et madame la fine repondre :
نَحْنُ بِشَرٍّ نَحْنُ فِي ضِيقٍ وَشِدَّةٍ
"Nous malchanceux, nous dans la misère et dans difficulté!"

En entendant sa, le prophete Ibraahiim fine ordonne so garçon Ismaaiil pour donne Twalaaq sa madame la. Ensuite li fine demande so deuxième bellefille concernant genre de so la vie avec Ismaaiil. Bellefille la fine faire louange Allaah et fine repondre :
نَحْنُ بِخَيْرٍ وَسَعَةٍ
"Nous dans bien et nous la vie facile!"

En entendant sa, le prophete Ibraahiim fine ordonne so garçon pour reste avec sa madame la même.]
(BUKHARI 3113)

Basant lor la, ene bonne madame musulmane bizin evite les erreurs suivants :
1. Li bizin pas vine ene rivale de so bellesoeur, so camarade ou so voisine par essaye faire tous cequi li trouve banla faire.
2. Li bizin pas gagne maladie acheté ene nouveau rechange pour chaque l'occasion qui vini.
3. Li bizin pas gagne maladie acheté tous cequi li trouvé.
4. Li bizin pas exige so missier pour acheter quitechose qui li conné pas trouve dans moyen de sa missier la.
5. Li bizin pas alle plaigne so la misère avec les autres.






PAS VINE ENE FITNAH QUI POUSSE
OU MISSIER VERS HARAAM.

Si vraiment ene madame content so missier, li bizin content missier la so du bien dans Dunyaa et dans Aakhirat, et alors li bizin toujours aide so missier par encourage li pour li pratique Deen, et li bizin vine ene barrière entre li et Haraam.

Allaah dire : (64:14)

يَاأَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَكُمْ فَاحْذَرُوهُمْ
[ Oh bans qui fine amene Imaan, certainement parmi zotte bans madames et zotte bans zenfants, ena bans l’ennemis pour zotte, alors prend garde contre banla.]

D'apres sa Aayat la nous comprend qui certaines madames amene role agent-Shaytwaan dans lacaze et zotte incite zotte missier pour satisfaire zotte dans Haraam. Quand ene madame pe apprendre sa, li bizin prend so precaution pour pas vine sa qualité madame la.

Comme description d'ene bonne madame le prophete dire :

لِيَتَّخِذْ أَحَدُكُمْ قَلْبًا شَاكِرًا وَلِسَانًا ذَاكِرًا وَزَوْجَةً مُؤْمِنَةً تُعِينُ أَحَدَكُمْ عَلَى أَمْرِ الْآخِرَةِ
[ Qui quicaine parmi zotte gagne ene le coeur reconnaissant, ene la langue qui faire Zikr et ene madame Mu'minah qui aide li concernant (so) Aakhirat.]
(IBN MAAJAH 1846)

D'apres sa Hadiith la, nous comprend qui ene bonne madame Mu'minah c'est ene madame qui aide so missier concernant so Aakihrat, par attire li vers le bien et decourage li pour alle vers le mal.

Le prophete donne nous l'exemple d'ene bonne madame en disant :

رَحِمَ اللَّهُ امْرَأَةً قَامَتْ مِنَ اللَّيْلِ فَصَلَّتْ وَأَيْقَظَتْ زَوْجَهَا فَإِنْ أَبَى نَضَحَتْ فِي وَجْهِهِ الْمَاءَ
[ Qui Allaah gagne pitié lor ene madame qui levé pendant la nuit et li faire Swalaat, et ensuite li leve so missier et missier la (aussi) faire Swalaat. Si missier la refuse (lever), li arrose (unpeu) de l'eau lor so figure.]
(ABU DAOUD 1113)

L'exemple de certains actions et paroles de la part de certaines soeurs, a travers lesquels zotte vine ene Fitnah pour zotte missier :
1. Ena dire : "Nous amene bans zenfants promener ene tipeu bord la mer ou caudan!"
2. Ena dire : "Tous missiers amene zotte madame pour faire Shopping, moi mo bizin reste assizé dans lacaze!"
3. Ena demande so missier pour acheter robe qui pas islamique pour li.
4. Ena demande so missier pour amene li dans mariage pele-mele en disant : "Ene tigit aussi to pas capave amene moi sa mariage la!"
5. Ena decourage so missier pour quitte so travail Haraam en disant : "Si to quitte sa travail la, couma nous pour faire avec nous 2-2 zenfants!!"
6. Ena encourage so missier pour vendre bans l'articles qui Haraam en disant : "Qui faire to pas vendre sa l'article la dans nous magasin. Sa même la mode la, li a la demande!"




MONTREZ OU RECONNAISSANTE.

L'Islaam c'est ene Deen qui enseigne nous pour ena la reconnaissance envers le Createur et même envers n'importe qui sanla qui faire ene dubien pour nous. Basant lor la, ene bonne madame musulmane pour toujours montré li reconnaissante envers so missier pour tous cequi so missier faire pour li et par so bans paroles et so bans actions li exprime so remerciement a li. Par exemple, ene madame capave exprime so remerciement par dire so missier :
"Mo conné combien sacrifice to pe faire pour roule sa lacaze la ta bonhomme!"
"Qui mo manqué dans sa lacaze la? Par l'ordre Allaah, la reine capave pas dans bien couma moi mo dans bien!"

Erreur qui beaucoup madames faire, c'est qui dans bans moments de colère, zotte permettre zotte-même prononce bans paroles de l'ingratitude envers zotte missier, commesi missier la jamais fine faire quitechose pour li.

Rapporté par Ibn Abbaas :

وَرَأَيْتُ النَّارَ فَلَمْ أَرَ كَالْيَوْمِ مَنْظَرًا قَطُّ وَرَأَيْتُ أَكْثَرَ أَهْلِهَا النِّسَاءَ قَالُوا لِمَ يَا رَسُولَ اللَّهِ قَالَ بِكُفْرِهِنَّ قِيلَ يَكْفُرْنَ بِاللَّهِ قَالَ يَكْفُرْنَ الْعَشِيرَ وَيَكْفُرْنَ الْإِحْسَانَ لَوْ أَحْسَنْتَ إِلَى إِحْدَاهُنَّ الدَّهْرَ ثُمَّ رَأَتْ مِنْكَ شَيْئًا قَالَتْ مَا رَأَيْتُ مِنْكَ خَيْرًا قَطُّ


[ Le prophete صَلَّى اللَّهُ عَلَيْهِ وَسَلَّمَ fine dire :
"Mo fine trouve du feu (l'enfer) et jamais mo fine trouve ene vue (aussi terrifiant) couma cequi mo fine trouvé azordi. Mo fine trouve majorité so bans habitants c'est bans madames!"
Banla fine demandé :
"Qui faire, Oh messager d'Allaah?"
Le prophete صَلَّى اللَّهُ عَلَيْهِ وَسَلَّمَ fine repondre :
"Parcequi banla faire Kufr (zotte ena l'ingratitude dans zotte)!"
Banla fine demandé :
"Est-ce qui banla faire Kufr avec Allaah?"
Le prophete صَلَّى اللَّهُ عَلَيْهِ وَسَلَّمَ fine dire :
"Zotte faire Kufr avec zotte missier et zotte faire Kufr avec la bienfaisance. Si tous les temps to fine agir bien envers ene parmi banla, et ensuite li alle trouve ene quitechose dans toi (qui li pas fine satisfait), li dire : Jamais mo fine trouve dubien dans toi."]
(BUKHARI 4798)

Rapporté par Ibn Umar :

عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ أَنَّهُ قَالَ يَا مَعْشَرَ النِّسَاءِ تَصَدَّقْنَ وَأَكْثِرْنَ الِاسْتِغْفَارَ فَإِنِّي رَأَيْتُكُنَّ أَكْثَرَ أَهْلِ النَّارِ فَقَالَتِ امْرَأَةٌ مِنْهُنَّ جَزْلَةٌ وَمَا لَنَا يَا رَسُولَ اللَّهِ أَكْثَرَ أَهْلِ النَّارِ قَالَ تُكْثِرْنَ اللَّعْنَ وَتَكْفُرْنَ الْعَشِيرَ



[ Le messager d'Allaah صَلَّى اللَّهُ عَلَيْهِ وَسَلَّمَ fine dire :
"Oh bans madames, donne Swadaqah et faire beaucoup Istighfaar, car mo fine trouve zotte même majorité habitants de du feu (l'enfer)!"
Ene madame intelligente parmi banla fine dire :
"Qui faire nous pour majorité habitants de du feu (l'enfer)?!"
Le prophete صَلَّى اللَّهُ عَلَيْهِ وَسَلَّمَ fine dire :
"Parcequi zotte envoye beaucoup malediction et zotte montré l'ingratitude envers zotte missiers."]
(MUSLIM 114)

Rapporté par Asmaa' bint Yaziid :

مر بي النبي صَلَّى اللَّهُ عَلَيْهِ وَسَلَّمَ وأنا في جوار أتراب لي فسلم علينا وقال إياكن وكفر المنعمين وكنت من أجرأهن على مسألته فقلت يا رسول الله وما كفران المنعمين قال لعل إحداكن تطول أيمتها بين أبويها ثم يرزقها الله زوجا ويرزقها منه ولدا فتغضب الغضبة فتكفر فتقول ما رأيت منك خيرا قط
[ Le prophete صَلَّى اللَّهُ عَلَيْهِ وَسَلَّمَ fine passe cote moi pendant qui mo ti parmi bans jeunes filles de même l'age avec moi. Li fine faire nous Salaam, et li fine dire :
"Attention qui zotte montré zotte ingrats envers bans qui faire faveur lor zotte!"
Mo ti la plus courageuse pour pose li question et alors mo fine demande li :
"C'est quoi l'ingratitude envers bans qui faire faveur lor nous?"
Le prophete صَلَّى اللَّهُ عَلَيْهِ وَسَلَّمَ fine dire :
"Capave ene parmi zotte reste sans-mariage longuement dans la caze de so parent. Ensuite Allaah accorde li ene missier et accorde li zenfant a travers sa missier la. Quand li arrivé faire ene colère, li montré li ingrate et li dire : Jamais mo fine trouve dubien dans toi!"]
(AL-ADAB-UL-MUFRAD 1/360/1048)

Rapporté par Abdur Rahmaan ibn Shibl :

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّ الْفُسَّاقَ هُمْ أَهْلُ النَّارِ قِيلَ يَا رَسُولَ اللَّهِ وَمَنِ الْفُسَّاقُ قَالَ النِّسَاءُ قَالَ رَجُلٌ يَا رَسُولَ اللَّهِ أَوَلَسْنَ أُمَّهَاتِنَا وَأَخَوَاتِنَا وَأَزْوَاجَنَا قَالَ بَلَى وَلَكِنَّهُمْ إِذَا أُعْطِينَ لَمْ يَشْكُرْنَ وَإِذَا ابْتُلِينَ لَمْ يَصْبِرْنَ
[ Le messager d'Allaah صَلَّى اللَّهُ عَلَيْهِ وَسَلَّمَ fine dire :
"Certainement bans pervers (Faasiq) c'est bans habitants du feu (l'enfer)."
Banla fine demandé :
"Oh messager d'Allaah, qui sanla bans pervers?"
Le prophete صَلَّى اللَّهُ عَلَيْهِ وَسَلَّمَ fine repondre :
"C'est bans madame!"
Ene personne fine dire :
"Oh messager d'Allaah, est-ce qui banla zotte pas nous bans mamans, nous bans soeurs, et nous bans epouses?"
Le prophete صَلَّى اللَّهُ عَلَيْهِ وَسَلَّمَ fine repondre :
"Biensure! Mais quand donne zotte, zotte pas reconnaissantes et quand faire test avec zotte, zotte pas prend patience."]
(AHMAD 14983)

Erreurs qui certaines soeurs faire :
1. Si missier la fine marque li dans ene so droit, li dire : "Moi qui conné combien patience mo pe bizin prend pour capave vivre avec toi!"
2. Si missier la faire ene erreur, li dire : "To manière sa, tous les temps to faire coumesa même!"
3. Si missier la fine oublié ene quitechose, li dire : "Jamais mo conné qui to fine rappelle pour faire mo travail!"
4. Si missier la fine bizin cancel ene plan sorti, li dire : "Tout coup quand ena pour alle cote mo famille to faire coumesa!"
5. Si missier la fine faire ene remarque lor so carri, li dire : "Bé jamais même mo conné qui to fine satisfait avec mo carri!"

Donc, ene bonne madame musulmane bizin toujours prend so precaution pour pas tombe dans bans erreurs pareille afin qui li protege li-même contre du feu l'enfer.

Le prophete صَلَّى اللَّهُ عَلَيْهِ وَسَلَّمَ dire :

لا ينظر الله إلى امرأة لا تشكر لزوجها وهي لا تستغني عنه
[ Allaah pas guette ene madame qui pas reconnaissante envers so missier et qui li pas independante de li.]
(MUSTADRAK HAAKIM 2/207/2771)


MONTREZ QUI OU EXTRA CONTENT OU MISSIER.

Ene bonne madame musulmane c'est ene madame qui exprime so l'amour pour so missier par bans paroles doux : "Mo gaté, ene la journée mo fine reste pense toi!", "Mo bien content toi…, si tous madames ti gagne ene missier couma toi, couma li ti pour bon……!"

Le prophete صَلَّى اللَّهُ عَلَيْهِ وَسَلَّمَ dire :

خير نسائكم الودود الولود المواتية المواسية إذا اتقين الله
[ La meilleure parmi zotte bans madames, c'est madame qui montré qui li content so missier, li gagne beaucoup zenfant, li d'accord avec cequi so missier decidé et li consolle li, si zotte ena Taqwaa Allaah.]
(AS-SUNAN-UL-KUBRAA 7/82/13256)

Le prophete صَلَّى اللَّهُ عَلَيْهِ وَسَلَّمَ dire :

تَزَوَّجُوا الْوَدُودَ الْوَلُودَ فَإِنِّي مُكَاثِرٌ بِكُمُ الْأُمَمَ
[ Mariez avec madame qui pour content zotte et pour capave gagne beaucoup zenfants, parcequi mo pour montré moi fier a bans peuples (avant) par zotte (par quantité suiveurs qui zotte pour été.)]
(ABU DAOUD 1754)





Donc, si ou ene madame qui oulé vine parmi les meilleurs, ou bizin toujours faire ou zeffort pour faire le coeur ou missier content, par les moyens suivants :
1. Donne li doux a chaque fois qui li rentre lacaze oubien li sorti.
2. Quand li rentre lacaze, acceuillir li par bans bons paroles tel comme : "Mo ti pe attendre quand to pour vini!"
3. Prepare bon mangé pour li, surtout mangé qui li preferé.
4. Content quitechose qui li content et reste loin de cequi li pas content.
5. Participe dans so gaité par montré ou gaie et participe dans so tracas et so tristesse par presente devant li avec ene figure qui pe prend li compte.

Erreurs qui ou bizin evité :
1. Flatte ene l'autre zomme so beauté, so l'intelligence ou so style.
2. Montré qui ou plus interessé avec ou bans camarades. Par exemple, si li dire ou "Vine la nous mettre ene dialogue!" pas dire li : "Attendre ene ti-moment, mo pe bizin telephone mo camarade leçon la!"
3. Quitte li tout seul dans ene la chambre et ou ou alle lire livre ou joué game dans ene l'autre la chambre.



RESTE BIEN AVEC FAMILLE OU MISSIER.

Ene bonne madame qui envie vivre avec so missier dans ene façon qui pour faire Allaah plaisir, li consciente qui li pas pour capave atteindre sa l'objectif la excepté par reste bien avec so missier so bans proches. Ene bonne madame musulmane li pour prend tous so precaution pour pas apporte aucun dutort, ni par so bans actions et ni par so bans paroles, a so missier so bans proches, surtout a so parents.

Avant tout ene madame bizin realisé qui :
1. Li pe vivre lor beaupère la so la terre.
2. Li aussi li ena maman et li pas ti pour content qui so maman gagne ene bellefille qui pour rendre so la vie amère.
3. Demain li aussi li pour vine ene bellemère et alors qui li agir envers so bellemère dans façon qui li ti pour content so bellefille agir envers li.
4. So beaupère et so bellemère c'est deux personnes agés et l'Islaam fine ordonne bans petits pour toujours respect bans grands.

Le prophete صَلَّى اللَّهُ عَلَيْهِ وَسَلَّمَ dire :

لَيْسَ مِنَّا مَنْ لَمْ يَرْحَمْ صَغِيرَنَا وَيُوَقِّرْ كَبِيرَنَا
[ Li pas parmi nous celui qui pas ena pitié pour bans petits parmi nous et li pas respect bans grands parmi nous.]
(TIRMIZI 1842)

Donc, ene bonne madame musulmane qui pas oulé blesse sentiment de so missier, jamais li pour manque respect pour so bans proches et li pas pour malparle banla. Li pour toujours faire so zeffort pour reste en bonne terme avec banla, et li pas pour essaye separe li de so bans proches.

Erreur qui certaine bellefille faire :
1. Cause avec so missier concernant so famille dans ene mauvais façon, couma ena dire : " Tor-pa la, pe vine bien amani. Tor-ma la pas facile are li, li pe vine bien minante!"
2. Adresse so beaupère et so bellemère sans aucun respect, couma ena dire : "Bol'homme, alle la boutique ene coup pour moi! Bolfemme, alle quitte zenfants la l'ecole!"
3. Cause mauvais concernant famille de so missier, couma ena capave dire : "Si pas ti ena famille "X" lor sa la terre la, le mot "imbecile" ti pour bizin enlevé depuis dictionnaire!"
4. Neglige so beaupère ou so bellemère malgré qui zotte en besoin de so service. Ena beaupère ena 5 bellefilles, mais c'est li-même qui bizin cuit so mangé et c'est li-même qui bizin nettoye so la chambre.




GARDE OU PROPRE ET BELLE
POUR ATTIRE OU MISSIER.

Ene bonne madame musulmane c'est ene madame qui prend compte so le corps et so l'habillement afin qui a chaque fois qui regard so missier porte lor li, missier la gagne ene plaisir pour admire li. Sa li ene quitechose qui bien important afin qui l'amour qui ena entre zotte deux li pas racis, et parcequi dans l'epoque qui nous pe vivre l'indecence fine vine ene quitechose trop au clair et alors si ene madame pas attire so missier dans lacaze, li risqué perdi so missier dans vague de l'indecence qui ena en dehors lacaze.

Rapporté par Abu Hurayrah :

قِيلَ لِرَسُولِ اللَّهِ صَلَّى اللَّهُ عَلَيْهِ وَسَلَّمَ أَيُّ النِّسَاءِ خَيْرٌ قَالَ الَّتِي تَسُرُّهُ إِذَا نَظَرَ وَتُطِيعُهُ إِذَا أَمَرَ وَلَا تُخَالِفُهُ فِي نَفْسِهَا وَمَالِهَا بِمَا يَكْرَهُ
[ Le messager d'Allaah صَلَّى اللَّهُ عَلَيْهِ وَسَلَّمَ ti être questionné :
"Qui sanla meilleur parmi bans madames?"
Le prophete صَلَّى اللَّهُ عَلَيْهِ وَسَلَّمَ fine repondre :
"C'est celui qui faire so missier content quand li guette li, li obeir so missier quand missier la ordonne li, et li pas contredire so missier dans quitechose qui missier la pas content concernant li-même et so l'argent."]
(NASAI 3179)

D'apres sa Hadiith la, nous comprend qui ene bonne madame c'est ene madame qui garde li propre dans ene façon qui a chaque fois qui so missier so regard tappe lor li, missier la gagne ene plaisir pour admire so madame.
En retournant d'ene voyage le prophete صَلَّى اللَّهُ عَلَيْهِ وَسَلَّمَ ti dire :

أَمْهِلُوا حَتَّى تَدْخُلُوا لَيْلًا أَيْ عِشَاءً لِكَيْ تَمْتَشِطَ الشَّعِثَةُ وَتَسْتَحِدَّ الْمُغِيبَةُ
[ Alle lentement pour qui zotte rentre (la caze) pendant la nuit, afin qui madame qui so cheveux en desordre capave peigne so cheveux, et madame qui so missier fine absent capave enleve so pubic hair.]
(BUKHARI 4689)

Sa Hadiith la montré nous qui quand ene madame li propre et so cheveux bien coiffé, li plus attire so missier.

Le prophete صَلَّى اللَّهُ عَلَيْهِ وَسَلَّمَ dire :

إِذَا قَدِمَ أَحَدُكُمْ لَيْلًا فَلَا يَأْتِيَنَّ أَهْلَهُ طُرُوقًا حَتَّى تَسْتَحِدَّ الْمُغِيبَةُ وَتَمْتَشِطَ الشَّعِثَةُ
[ Si quicaine parmi zotte pe rentre (so village) pendant la nuit, faudrait pas li vine cote so famille sans faire li conner d'avance, afin qui madame qui so missier fine absent capave enleve so pubic hair, et madame qui so cheveux en desordre capave peigne so cheveux.]
(MUSLIM 3557)







Rapporté par Abu Hurayrah :
[ Ene madame fine dire le prophete صَلَّى اللَّهُ عَلَيْهِ وَسَلَّمَ :

يَا رَسُولَ اللَّهِ إِنَّ الْمَرْأَةَ إِذَا لَمْ تَتَزَيَّنْ لِزَوْجِهَا صَلِفَتْ عِنْدَهُ
“Oh messager d’Allaah صَلَّى اللَّهُ عَلَيْهِ وَسَلَّمَ, quand ene madame pas embellir li pour so missier, li vine lourde pour so missier.”]
(NASAI 5051)

Rapporté par Aaishah :

دخل علي رسول الله صَلَّى اللَّهُ عَلَيْهِ وَسَلَّمَ فرأى في يدي فتخات من ورق فقال ما هذا يا عائشة فقلت صنعتهن أتزين لك فيهن يا رسول الله
[ Le messager d'Allaah صَلَّى اللَّهُ عَلَيْهِ وَسَلَّمَ fine rentre cote moi et li fine trouve dans mo la main, mo bans bagues sans chaton en argent.
Li fine demandé :
“Qui été sa, Oh Aaishah?”
Mo fine repondre :
“Mo fine arrange sa pour embellir moi pour ou, oh messager d’Allaah.”]
(BAIHAQI 4/139/7338)

Donc, ene bonne madame li pas reste avec so linge l'ouvrage depuis gramatin jusqua tantot, mais li faire so zeffort pour termine so l'ouvrage avant arrive l'heure pour qui so missier rentre lacaze, afin qui li capave acceuillir li avec ene le corps propre et ene joli vetement. C'est ene erreur de la part de certaines soeurs qui ti capave fini baigné avant l'arrivée de zotte missier, mais zotte pas faire li. Quand missier la fine rentre lacaze, astère li alle perdi ene les temps dans la salle de bain.

De la même façon, ene madame bizin pas laisse so cheveux en desordre et li bizin a chaque fois brosse so les dents afin qui so la bouche pas donne ene mauvais l'odeur. Ene façon efficace encore couma pour attire ene missier c'est a travers bon parfum.

Ene erreur qui certaines soeurs faire c'est qui au lieu qui zotte mettre zotte jolies robe de chambre pour satisfaire lizieux de zotte missier, zotte installe li bien dans l'armoire pour satisfaire bans dubois qui ena dans l'armoire.

Ena madames qui pas ena Deen dans zotte, zotte pas prend compte de zotte l'habillement dans lacaze, mais quand zotte ena pour sorti, zotte mettre zotte plus jolie robe pour satisfaire lizieux de bans zommes lor la rue.

ÊTRE PRET POUR SATISFAIRE OU MISSIER.

Ene bonne madame musulmane c'est ene madame qui consciente qui l'objectif d'ene Nikaah c'est qui ene personne satisfaire li dans Halaal et alors li pret pour satisfaire so missier n'importe quand missier la pe demande li pour satisfaire li.

Le prophete صَلَّى اللَّهُ عَلَيْهِ وَسَلَّمَ dire :

إِذَا الرَّجُلُ دَعَا زَوْجَتَهُ لِحَاجَتِهِ فَلْتَأْتِهِ وَإِنْ كَانَتْ عَلَى التَّنُّورِ
[ Quand ene zomme invite so madame pour (satisfaire) so besoin (so desir), qui madame la allé, même si li (occupée) cote four.]
(TIRMIZI 1080)

Le prophete صَلَّى اللَّهُ عَلَيْهِ وَسَلَّمَ dire :

وَالَّذِي نَفْسُ مُحَمَّدٍ بِيَدِهِ لَا تُؤَدِّي الْمَرْأَةُ حَقَّ رَبِّهَا حَتَّى تُؤَدِّيَ حَقَّ زَوْجِهَا وَلَوْ سَأَلَهَا نَفْسَهَا وَهِيَ عَلَى قَتَبٍ لَمْ تَمْنَعْهُ
[ Serment lor Celui qui la vie de Muhammad (صلىالله عليه وسلم) dans So la main, ene madame pas pour accomplir droit de so Rab jusqua qui li accomplir droit de so missier. Si missier la demande madame la li-même (pour satisfaire li) pendant qui madame la lor la selle du chameau, li pas gagne droit refuse li.]
(IBN MAAJAH 1843)




Le prophete صَلَّى اللَّهُ عَلَيْهِ وَسَلَّمَ dire :

إذا دعا الرجل امرأته إلى فراشه فلتجب وإن كانت على ظهر قتب
[ Si ene zomme invite so madame vers so matelas, qui madame la repondre (so l'appel) meme si li lor la selle d'ene chameau.]
(MAJMA-UZ-ZAWAAID 4/312, SS.1203)

Le prophete صَلَّى اللَّهُ عَلَيْهِ وَسَلَّمَ dire :

إِذَا دَعَا الرَّجُلُ امْرَأَتَهُ إِلَى فِرَاشِهِ فَأَبَتْ فَبَاتَ غَضْبَانَ عَلَيْهَا لَعَنَتْهَا الْمَلَائِكَةُ حَتَّى تُصْبِحَ
[ Si ene zomme invite so madame vers so matelas et madame la refusé, et alors missier la reste en colère avec li pendant la nuit, bans anges envoye malediction lor li jusqua le matin.]
(BUKHARI 2998)

Le prophete صَلَّى اللَّهُ عَلَيْهِ وَسَلَّمَ dire :

إِذَا بَاتَتِ الْمَرْأَةُ مُهَاجِرَةً فِرَاشَ زَوْجِهَا لَعَنَتْهَا الْمَلَائِكَةُ حَتَّى تَرْجِعَ
[ Si ene madame passe la nuit en delaissant matelas de so missier, bans anges envoye malediction lor li jusqua qui li retourné.]
(BUKHARI 4795)


Le prophete صَلَّى اللَّهُ عَلَيْهِ وَسَلَّمَ dire :

وَالَّذِي نَفْسِي بِيَدِهِ مَا مِنْ رَجُلٍ يَدْعُو امْرَأَتَهُ إِلَى فِرَاشِهَا فَتَأْبَى عَلَيْهِ إِلَّا كَانَ الَّذِي فِي السَّمَاءِ سَاخِطًا عَلَيْهَا حَتَّى يَرْضَى عَنْهَا
[ Serment lor Celui qui mo la vie dans So la main, pas ena aucun missier qui invite so madame lor so matelas, et li refusé, excepté qui Celui qui lor le ciel en colère avec li jusqua qui li (missier la) satisfait avec li.]
(MUSLIM 2595)

Le prophete صَلَّى اللَّهُ عَلَيْهِ وَسَلَّمَ dire :

ثلاثة لا تقبل منهم صلاة ولا تصعد إلى السماء ولا تجاوز رؤوسهم ... وإمرأة دعاها زوجها من الليل فأبت عليه
[ Ena trois personnes qui zotte Swalaat pas être accepté, Swalaat la pas monte vers le ciel et li pas depasse zotte la tete …. ene madame qui so missier invite li pendant la nuit et li refusé.]
(IBN KHUZAYMAH 3/11/1518)

Erreurs qui certaines soeurs faire :
1. Quand li trouve qui so missier pe approche li, li decourage missier la par commence plaigner comme quoi so le rein pe faire mal.
2. Li d'accord pour satisfaire so missier, l'heure qui li li oulé et quantité fois qui li li oulé, nonplus l'heure qui so missier oulé et quantité fois qui so missier oulé.
3. Li abstenir sous pretexte qui li gagne honteux avec bellemère pour baigné le matin.
4. Li abstenir sous pretexte qui bellesoeur pour faire commentaire lor quantité fois qui li baigné.
5. Li abstenir sous pretexte faire trop frais pour baigné le matin.
6. Li faire chantage avec so missier en disant : "Faudrait to faire sa pour moi, lerla mo pour satisfaire toi!"
7. Si li conne Hadiith, li pas abstenir. Mais li dire : "Guettez qui to pour faire!" Li pas montré aucun l'interet pour satisfaire so missier et li pas donne aucun coup de main dans travail la.
8. Ena qui conne la loi Kaafir, li abstenir et li alle mette ene deposition la police contre so missier pour crime "attempt to rape".
9. Quand li conné qui so missier pe commence content ene l'autre, li dire qui li n'est plus ena ene gout pour satisfaire so missier. En verité, sa c'est ene erreur parcequi au lieu qui madame la essaye gagne so missier, li commence faire missier la plus nerveux et plus degoute li.






PAS GARDE ROZA NAFIL
SANS PERMISSION DE OU MISSIER.

Ene bonne madame musulmane c'est ene madame qui consciente qui li bizin satisfaire so missier n’importe quand missier la invite li, et alors li pas garde aucun Roza Nafil dans presence de so missier excepté avec so permission, attention qui sa faire missier la manque patience et alors sa nuir li.

Le prophete صَلَّى اللَّهُ عَلَيْهِ وَسَلَّمَ dire :

لَا يَحِلُّ لِلْمَرْأَةِ أَنْ تَصُومَ وَزَوْجُهَا شَاهِدٌ إِلَّا بِإِذْنِهِ
[ Li pas permissible qui ene madame garde Roza (Nafil) dans presence de so missier excepté avec so permission.]
(BUKHARI 4796)

Le prophete صَلَّى اللَّهُ عَلَيْهِ وَسَلَّمَ dire :

لَا تَصُومُ الْمَرْأَةُ وَبَعْلُهَا شَاهِدٌ إِلَّا بِإِذْنِهِ
[ Ene madame pas gagne droit garde Roza (Nafil) dans presence de so missier excepté avec so permission.]
(BUKHARI 4793)

Le prophete صَلَّى اللَّهُ عَلَيْهِ وَسَلَّمَ dire :

لَا تَصُومُ الْمَرْأَةُ يَوْمًا تَطَوُّعًا فِي غَيْرِ رَمَضَانَ وَزَوْجُهَا شَاهِدٌ إِلَّا بِإِذْنِهِ
[ Qui ene madame pas garde ene jour Roza volontairement en dehors Ramadwaan, pendant qui so missier pas en voyage, excepté avec so permission.]
(DAARMI 1657, SS.395)

Rapporté par Abu Sa’iid Al-Khudri :

وَأَمَّا قَوْلُهَا يُفَطِّرُنِي فَإِنَّهَا تَنْطَلِقُ فَتَصُومُ وَأَنَا رَجُلٌ شَابٌّ فَلَا أَصْبِرُ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمَئِذٍ لَا تَصُومُ امْرَأَةٌ إِلَّا بِإِذْنِ زَوْجِهَا
[(Swafwaan ibnul Mu-attwil so madame ti vine rapporte li avec le prophete), et alors Swafwaan ti dire :
“Quant-a so parole qui mo faire li casse so Roza, (la realité c’est qui) li reste garde Roza et moi mo jeune, mo pas ena patience!”
Alors, le messager d’Allaah صَلَّى اللَّهُ عَلَيْهِ وَسَلَّمَ fine dire :
“Qui aucun madame pas garde Roza (Nafil) excepté avec permission de so missier.”]
(ABU DAOUD 2103)

PAS LAISSE QUICAINE RENTRE DANS LA CAZE
SANS PERMISSION DE OU MISSIER.

Ene madame pas gagne droit laisse quicaine rentre dans so la caze sans permission de so missier.

Le prophete صَلَّى اللَّهُ عَلَيْهِ وَسَلَّمَ dire :

لَا يَحِلُّ لِلْمَرْأَةِ أَنْ تَصُومَ وَزَوْجُهَا شَاهِدٌ إِلَّا بِإِذْنِهِ وَلَا تَأْذَنَ فِي بَيْتِهِ إِلَّا بِإِذْنِهِ
[ Li pas permissible qui ene madame garde Roza (Nafil) dans presence de so missier excepté avec so permission, et li permissible qui li permette quicaine rentre dans so la caze excepté avec so permission.]
(BUKHARI 4796)

Le prophete صَلَّى اللَّهُ عَلَيْهِ وَسَلَّمَ dire :

وَلَا تَأْذَنْ فِي بَيْتِهِ وَهُوَ شَاهِدٌ إِلَّا بِإِذْنِهِ
[ Qui ene madame pas permettre personne (rentre) dans lacaze de so missier, pendant qui li pas en voyage, excepté avec so permission.]
(MUSLIM 1704)

Si pendant qui missier la li pas en voyage, so madame pas gagne droit recevoir personne sans so permission, sa veut dire qui si missier la li en voyage, so madame plus pas endroit permettre quicaine rentre dans so lacaze.



Le prophete صَلَّى اللَّهُ عَلَيْهِ وَسَلَّمَ dire :

وَلَكُمْ عَلَيْهِنَّ أَنْ لَا يُوطِئْنَ فُرُشَكُمْ أَحَدًا تَكْرَهُونَهُ فَإِنْ فَعَلْنَ ذَلِكَ فَاضْرِبُوهُنَّ ضَرْبًا غَيْرَ مُبَرِّحٍ
[ Cequi obligatoire lor (zotte) bans madames envers zotte c’est qui banla pas laisse n’importe qui sanla qui zotte pas content assize lor zotte matelas. Si banla faire sa, alors batte banla ene batté qui pas violent.]
(MUSLIM 2137)

Le prophete صَلَّى اللَّهُ عَلَيْهِ وَسَلَّمَ dire :

فَأَمَّا حَقُّكُمْ عَلَى نِسَائِكُمْ فَلَا يُوطِئْنَ فُرُشَكُمْ مَنْ تَكْرَهُونَ وَلَا يَأْذَنَّ فِي بُيُوتِكُمْ لِمَنْ تَكْرَهُونَ
[ Quant-a zotte droit lor zotte bans madames c'est qui banla pas laisse n'importe qui sanla qui zotte pas content, assize lor zotte matelas, et qui banla pas permettre n'importe qui sanla qui zotte pas content rentre dans zotte lacaze.]
(TIRMIZI 1083)

PAS LAISSE QUICAINE CAUSE AVEC OU
SANS PERMISSION DE OU MISSIER.

Pour empeche Shaytwaan infiltrer mauvais pensée entre ene couple, le prophete fine empeche ene zomme cause avec ene madame excepté avec permission de so missier.

Rapporté par Ali :

نهى رسول الله صلى الله عليه وسلم أن تكلم النساء إلا بإذن أزواجهن
[ Le prophete fine empeche cause avec bans madames excepté avec permission de zotte missiers.]
(MAKAARIM-UL-AKHLAAQ – S.S 652)

Donc, ene bonne madame pour toujours prend so precaution pour qui li pas tini conversation avec n'importe qui zomme etranger qui pe rode cause avec li, qui li so beaufrère ou so voisin. De la même façon, li pas gagne droit cause avec n'importe qui sanla qui sonne li lor so portable, li pas gagne droit repondre n'importe qui sanla qui envoye li message, et li pas gagne droit "Chat" avec bans inconnus lor internet.


PAS SORTI EN DEHORS LA CAZE
SANS PERMISSION DE OU MISSIER.

L’Islaam fine empeche ene madame sorti en dehors so la caze sans permission de so missier. C’est quand ene madame fine gagne sa mauvais l’habitude la même qui nous trouve li finalement gagne courage quitte so missier et so bans zenfants et alle vivre dans Zinaa avec ene l’autre zomme.

Le prophete صَلَّى اللَّهُ عَلَيْهِ وَسَلَّمَ dire :

إِذَا اسْتَأْذَنَتِ امْرَأَةُ أَحَدِكُمْ إِلَى الْمَسْجِدِ فَلَا يَمْنَعْهَا
[ Quand quicaine so madame demande li permission pour alle Masjid, qui li pas empeche li.]
(BUKHARI 4837)

Sa Hadiith la montré nous qui si pour alle Masjid, ene madame bizin permission de so missier, alors pour alle bans les autres places, li plus bizin demande permission encore.

Ibn Hajar dire :

قال النووي استدل به على أن المرأة لا تخرج من بيت زوجها إلا بإذنه
[ An-Nawawi dire : "Bans Ulamaa fine prend sa (Hadiith la) comme preuve (pour dire) qui ene madame pas gagne droit sorti endehors la caze de so missier excepté avec so permission."]
(FATH-UL-BAARI 2/347)
Ibn Taymiyyah dire :

لا يحل للزوجة أن تخرج من بيتها إلا بإذنه
[ Li pas permissible qui ene madame sorti endehors so la caze excepté avec permission de so missier.]
(MAJMOU FATAAWAA 32/281)

Ena madames faire erreur et zotte sorti en dehors lacaze sans permission de zotte missiers :
1. Quand marchand vine vendre bans l'articles lor chemin, li sorti li alle acheté, parfois sans habille li islamiquement.
2. Li sorti pour alle la boutique ou la foire.
3. Malgré qui so missier pe donne li tout l'education Deen qui necessaire a travers k-7 et livre, li persisté pour sorti depuis lacaze pour alle prend leçon avec Bhye Untel.
4. Quand l'ouvrage lacaze fini, li alle passe so la journée cote voisine – en dehors lacaze.
5. Couma gagne ene discussion avec so missier, li quitte lacaze et li alle cote so maman.
6. Couma li gagne ene Twalaaq, li prend so paquet et li retourne lacaze so maman.


PAS FAIRE AUCUN DEPENSE
SANS PERMISSION DE OU MISSIER.

Ene bonne madame musulmane c'est ene madame qui reconnaitre l'autorité de so missier et alors li pas faire aucun depense sans so permission ou sans faire li conner.

Rapporté par Abu Umaamah :

سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ فِي خُطْبَتِهِ عَامَ حَجَّةِ الْوَدَاعِ يَقُولُ لَا تُنْفِقُ امْرَأَةٌ شَيْئًا مِنْ بَيْتِ زَوْجِهَا إِلَّا بِإِذْنِ زَوْجِهَا قِيلَ يَا رَسُولَ اللَّهِ وَلَا الطَّعَامُ قَالَ ذَاكَ أَفْضَلُ أَمْوَالِنَا
[ Mo fine entendre le messager d'Allaah dire (sa) dans so Khutbah, l'année qui li ti accomplir Hajjat-ul-Wadaa' :
"Qui ene madame pas depense narien depuis lacaze de so missier, excepté avec permission de so missier!"
Banla fine demandé :
"Oh messager d'Allaah, nourriture aussi li pas gagne droit depensé (sans permission de so missier)?"
Le prophete صَلَّى اللَّهُ عَلَيْهِ وَسَلَّمَ fine repondre :
"Sa même nous meilleur richesse!"]
(TIRMIZI 606)

Si madame la pe conné qui so missier pas pour dire li narien si li faire kit depense, dans sa cas la, li gagne droit depensé, sans qui li exageré.




Le prophete صَلَّى اللَّهُ عَلَيْهِ وَسَلَّمَ dire :

إِذَا أَنْفَقَتِ الْمَرْأَةُ مِنْ كَسْبِ زَوْجِهَا عَنْ غَيْرِ أَمْرِهِ فَلَهُ نِصْفُ أَجْرِهِ
[ Si ene madame depense depuis dans cequi so missier fine acquerir, sans so l'ordre, missier la li gagne la moitié recompense.]
(BUKHARI 1924)

Le prophete صَلَّى اللَّهُ عَلَيْهِ وَسَلَّمَ dire :

إِذَا أَنْفَقَتِ الْمَرْأَةُ مِنْ طَعَامِ بَيْتِهَا غَيْرَ مُفْسِدَةٍ كَانَ لَهَا أَجْرُهَا بِمَا أَنْفَقَتْ وَلِزَوْجِهَا أَجْرُهُ بِمَا كَسَبَ
[ Si ene madame depense depuis nourriture qui ena dans so lacaze, sans qui li corrompre quitechose, li gagne recompense de cequi li fine depensé, et so missier gagne recompense pour cequi li fine acquerir.]
(BUKHARI 1336)

Quant-a richesse qui possedé par madame la, sa li gagne droit depense li couma li oulé, mais apres qui li fine fini prend consentement de so missier.

Le prophete صَلَّى اللَّهُ عَلَيْهِ وَسَلَّمَ dire concernant ene bonne madame :

وَلَا تُخَالِفُهُ فِي نَفْسِهَا وَمَالِهَا بِمَا يَكْرَهُ
[ Li pas contredire so missier dans quitechose qui missier la pas content concernant li-même et so l'argent.]
(NASAI 3179)

Rapporté par ene Swahaabi :

أَنَّ جَدَّتَهُ خَيْرَةَ امْرَأَةَ كَعْبِ بْنِ مَالِكٍ أَتَتْ رَسُولَ اللَّهِ صَلَّى اللَّهُ عَلَيْهِ وَسَلَّمَ بِحُلِيٍّ لَهَا فَقَالَتْ إِنِّي تَصَدَّقْتُ بِهَذَا فَقَالَ لَهَا رَسُولُ اللَّهِ صَلَّى اللَّهُ عَلَيْهِ وَسَلَّمَ لَا يَجُوزُ لِلْمَرْأَةِ فِي مَالِهَا إِلَّا بِإِذْنِ زَوْجِهَا فَهَلِ اسْتَأْذَنْتِ كَعْبًا قَالَتْ نَعَمْ فَبَعَثَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِلَى كَعْبِ بْنِ مَالِكٍ زَوْجِهَا فَقَالَ هَلْ أَذِنْتَ لِخَيْرَةَ أَنْ تَتَصَدَّقَ بِحُلِيِّهَا فَقَال نَعَمْ فَقَبِلَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ مِنْهَا
[ Khayrah – madame de Ka'b ibn Maalik – ti vine cote le messager d'Allaah avec so bijoux et li fine dire :
"Mo pe faire Swadaqah avec sa!"
Le messager d'Allaah fine dire li :
"Li pas permissible qui ene madame faire kit don excepté avec permission de so missier. Est-ce qui to fine demande Ka'b permission?"
Madame la fine repondre :
"Oui."
Le messager d'Allaah fine faire appelle Ka'b et fine demande li :
"Est-ce qui to fine permettre Khayrah pour faire Swadaqah avec so bijoux?"
Ka'b fine dire : "Oui", et alors le messager d'Allaah fine accepté sa bijoux la de li.]
(IBN MAAJAH 2380)



Le prophete صَلَّى اللَّهُ عَلَيْهِ وَسَلَّمَ dire :

لَا يَجُوزُ لِامْرَأَةٍ عَطِيَّةٌ إِلَّا بِإِذْنِ زَوْجِهَا
[ Li pas permissible qui ene madame faire kit don depuis so richesse excepté avec permission de so missier.]
(ABU DAOUD 3080)

Le prophete صَلَّى اللَّهُ عَلَيْهِ وَسَلَّمَ dire :

إذا ملك الرجل المرأة لم تجز عطيتها إلا بإذنه
[ Quand ene missier fine marié avec ene madame, madame la so don pas acceptable excepté avec missier la so permission]
(MUSNAD TWIYAALISI 1/299/2267, SS. 2571)

Le prophete صَلَّى اللَّهُ عَلَيْهِ وَسَلَّمَ dire :

وليس للمرأة أن تنتهك شيئا من مالها إلا بأذن زوجها
[ Li pas permissible qui ene madame faire kit depense depuis so richesse excepté avec permission de so missier.]
(AL-MU'JAM-UL-KABIIR 22/83/201, SS.775)

Dans le cas qui madame la pe conné qui si li faire kit depense depuis so richesse, so missier pas pour dire li narien, sa li gagne droit donné, pareille couma a l'occasion de Eid bans madames ti donne zotte bijoux en Swadaqah au prophete Muhammad صَلَّى اللَّهُ عَلَيْهِ وَسَلَّمَ.


PAS GASPILLE RICHESSE OU MISSIER.

Ene bonne madame musulmane c'est ene madame qui consciente qui l'Islaam fine condame cequi appelle gaspillage, et alors li faire tous so zeffort pour preserve richesse de so missier et pas mal servi so dubien.

Le prophete صَلَّى اللَّهُ عَلَيْهِ وَسَلَّمَ dire :

خَيْرُ نِسَاءٍ رَكِبْنَ الْإِبِلَ صَالِحُ نِسَاءِ قُرَيْشٍ أَحْنَاهُ عَلَى وَلَدٍ فِي صِغَرِهِ وَأَرْعَاهُ عَلَى زَوْجٍ فِي ذَاتِ يَدِهِ
[ Bans meilleurs madames qui fine monte chameaux c'est bans bonnes madames de Quraysh. Comment zotte ena la tendresse dans zotte envers zotte zenfants qui petits et comment zotte prend soins de (richesse) qui dans la main de zotte missiers.]
(BUKHARI 4692)

D'apres sa Hadiith la, nous trouvé qui le prophete pe flatte bans madames de Quraysh pour soins qui zotte ti pe prend pour preserve dubien de zotte missier.

Le prophete صَلَّى اللَّهُ عَلَيْهِ وَسَلَّمَ dire concernant ene mauvais madame :

وإن غبت عنها لم تأمنها على نفسها ومالك
[ Quand to absent de li, to pas ena confiance lor li concernant li-même et to richesse.]
(MUSTADRAK HAAKIM 2/175/2684)



Erreurs qui certaines soeurs commettre :
1. Cause pour narien et longuement lor telephone, couma ena donne information qui deja connu et qui pas concerne celui qui li pe telephoné.
2. Reste longuement embas douche par gaspille de l'eau et savonette.
3. Laisse la lumière allumé dans bans la chambres qui pas pe servi.
4. Laisse la lumière dehors allumé toute longue la journée par negligence.
5. Laisse ventilateur allumé dans la chambre qui pas pe servi.
6. Laisse mangé gaté dans refrigirateur.
7. Decore lacaze avec bans quitechoses inutiles.




CONNE ABORDE BANS SUJETS AVEC OU MISSIER.

Ene bonne madame musulmane li prend compte pour choisir le meilleur moment et la meilleure façon pour cause avec so missier pour dire li cequi li envie. Li pas correcte du tout qui ene madame commence faire rapport de bans zenfants, juste couma missier la fine mette so lipied dans lacaze, avant même qui li retire so linge et allonge ene tipeu. De la même façon, li pas correcte dutout qui ene madame cause certaines causés avec so missier quand li trouve qui missier la pas trop dans so mood. Ene madame qui intelligente c'est ene madame qui li choisir le moment approprié pour aborde le sujet approprié et dans ene façon appropriée afin qui li evite blesse so missier meme par so bans paroles.

Rapporté par Anas :

كَانَ ابْنٌ لِأَبِي طَلْحَةَ يَشْتَكِي فَخَرَجَ أَبُو طَلْحَةَ فَقُبِضَ الصَّبِيُّ (قالت أم سليم لا تخبروا أبا طلحة بموت ابنه) فَلَمَّا رَجَعَ أَبُو طَلْحَةَ قَالَ مَا فَعَلَ ابْنِي قَالَتْ أُمُّ سُلَيْمٍ هُوَ أَسْكَنُ مَا كَانَ فَقَرَّبَتْ إِلَيْهِ الْعَشَاءَ فَتَعَشَّى ثُمَّ (طلبت منه ما تطلب المرأة من زوجها) فأَصَابَ مِنْهَا (ثم قالت يا أبا طلحة أرأيت أهل بيت أعاروا أهل بيت عارية فطلبها أصحابها أيردونها أو يحبسونها فقال بل يردونها عليهم قالت فاحتسب أبا عمير)
[ Abu Twalhah ti ena ene ti-garçon qui ti pe souffert. (Ene jour) Abu Twalhah fine sorti et zenfant la fine mort. Ummu Sulaym fine dire :
"Pas informe Abu Twalhah concernant la mort de so garçon!"
Quand Abu Twalhah fine retourné, li fine demandé :
"Qui fine arrive mo garçon?"
Ummu Sulaym fine repondre li :
"Li plus en repos qui couma li ti été!".
Ensuite Ummu Sulaym fine donne li so diner, et li fine diné. Puis Ummu Sulaym fine demande so missier cequi ene madame demande so missier et Abu Twalhah fine gagne relation avec li. Apres sa Ummu Sulaym fine dire li :
"Oh Abu Twalhah, qui to dire concernant membre d'ene lacaze, qui fine prete membre d'ene l'autre lacaze ene quitechose et qui zotte pe demande banla sa quitechose qui zotte fine prete banla la. Est-ce qui banla bizin retourne li oubien zotte bloque li?"
Abu Twalhah fine repondre :
"Banla bizin retourne li!"
Alors, Ummu Sulaym fine dire :
"Cherche recompense (par prend patience) lor la mort de Abu Umayr!"]
(BUKHARI 5048)


PREND PATIENCE LOR OU MISSIER
SO BANS ERREURS.

Ene bonne madame musulmane li toujours consciente qui so missier pas parfait et alors même combien missier la faire so zeffort pour vivre dans meilleur façon avec li et li prend tout so precaution pour pas mal agir envers li, li reste qui en tant qu'ene humain, li pour bizin faire erreur et li pour bizin manque li dans certaines so droit. Avec sa conscience la, sa madame la pour conné qui pas possible li satisfait 100% avec so missier, pareille couma missier la pas pour satisfait avec li 100%. Donc, li bizin prepare li pour ena certaines tolerance envers so missier, pour habituer avec certaines so bans vilains l'habitudes, et pour prend patience lor certaines so bans mauvais comportements.

Ene madame bizin realisé qui si le prophete fine arrivé gagne probleme avec so bans madames, couma est-ce qui so missier pour capave evite probleme avec li?

Rapporté par Ummu Salamah :

أَنَّ النَّبِيَّ صَلَّى اللَّهُ عَلَيْهِ وَسَلَّمَ آلَى مِنْ نِسَائِهِ شَهْرًا فَلَمَّا مَضَى تِسْعَةٌ وَعِشْرُونَ يَوْمًا غَدَا أَوْ رَاحَ فَقِيلَ لَهُ إِنَّكَ حَلَفْتَ أَنْ لَا تَدْخُلَ شَهْرًا فَقَالَ إِنَّ الشَّهْرَ يَكُونُ تِسْعَةً وَعِشْرِينَ يَوْمًا
[ Le prophete ti faire serment pour pas appproche so bans madames pendant ene mois. Quand fine arrive 29eme jour, li fine alle (cote ene so bans madames), et madame la fine dire li :
"Ou ti faire serment pour pas rentre (cote nous) pendant ene mois?"
Le prophete صَلَّى اللَّهُ عَلَيْهِ وَسَلَّمَ fine repondre li :
"Dans ene mois, ena 29 jours (aussi)!"]
(BUKHARI 1777)

Rapporté par Ikrimah :

أن أسماء بنت أبي بكر كانت تحت الزبير بن العوام وكان شديدا عليها فأتت أباها فشكت ذلك إليه فقال يا بنية اصبري فإن المرأة إذا كان لها زوج صالح ثم مات عنها فلم تزوج بعده جمع بينهما في الجنة
[ Asmaa' Bint Abi Bakr ti marrié avec Az-Zubayr, et Az-Zubayr ti sevère envers li. Asmaa' fine vine cote so papa (Abu Bakr) pour vine plaigner avec li, et alors Abu Bakr fine dire li :
"Oh mo ti fille, prend patience! Si ene madame ena ene bon missier, et ensuite sa missier la mort et madame la pas marié avec personne apres li, Allaah pour joindre les deux dans Jannat."]
(AT-TWABAQAAT-UL-KUBRAA 8/251)

D'apres conseil de Abu Bakr, nous comprend qui si ene madame fine gagne ene bon missier, li bizin prend patience lor erreurs qui missier la pour arrivé commettre. Pas a cause qui li ene bon missier, li pas pour faire erreur. Par exemple, si ou fine remarqué qui pour simple simple raison ou missier li faire tapage oubien qui li rentre lacaze tard dans la nuit, apart qui ou conseille li pour change so manière, ou bizin prend patience. Nonplus qui a cause bans quitechoses pareille ou crée probleme dans lacaze.

Erreurs qui ena soeur commettre :
1. Li reste faire remarque et commentaire lor chaque erreur qui so missier arrivé commettre.
2. Li reproche so missier pour bans anciens pechés qui so missier fine fini faire Tawbah pour sa.
3. Li faire tipti erreur paraitre bien grave et li prononce bans paroles a travers lesquels bans dimounes capave alle croire qui li pe passe beaucoup misère. Par exemple, li dire a so bon missier qui fine arrivé faire ene erreur : "Apart moi, qui sanla qui pour capave vivre avec toi?"

CACHIETTE OU MISSIER SO BANS DEFAUTS.

Tous dimounes ena defauts et celui qui plus conne defaut d'ene zomme c'est so madame qui vivre avec li depuis le matin jusqua le soir. Si chaque madame commence devoile pechés et defauts de so missier, finalement pas pour ena aucun zomme qui pour capave marche avec l'honneur lor sa la terre la. L'Islaam fine enseigne nous pour cachiette defaut de chaque musulman, et alors ene bonne madame musulmane jamais pour alle raconte les autres defauts de so missier.

Allaah dire : (2:187)

هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ
[ Banla (bans madames) c'est ene vetement pour zotte, et zotte, zotte ene vetement pour banla.]

D'apres sens generale de sa Aayat la, nous comprend qui ene madame bizin cachiette so missier pareille couma ene vetement li cachiette Awrah d'ene personne.

Erreurs qui certaines soeurs commettre :
1. Cause causé so missier quand li alle cote so maman.
2. Faire Ghiibat so missier avec bans camarades.
3. Cause dans ene façon concernant so missier commesi beaucoup misère li pe passé dans so la main.
4. Dire avec les autres : "Qui deuxième li pe rode marié? Ene madame-meme li pas pe capave satisfaire, couma li pour satisfaire deux?"



PAS DOUTE OU MISSIER.

Ene madame musulmane bizin consciente qui Shaytwaan li toujours vise pour créer probleme entre ene couple, et ene parmi bans moyens qui li servi c'est faire Waswasah. En verité, Shaytwaan li inspire bans mauvais pensées dans l'esprit ene madame concernant so missier, a travers lequel madame la reste doute so missier, et comme resultat madame la n'est plus ena gout pour vivre avec sa missier la. Missier la aussi quand alle remarqué qui so madame pe doute li et qui li tout a fait innocent, sa parfois pousse li pour malagir envers so madame, et finalement c'est Shaytwaan qui sorti gagnant juste a travers ene Waswasah.

Allaah dire : (49:12)

يَاأَيُّهَا الَّذِينَ آمَنُوا اجْتَنِبُوا كَثِيرًا مِنْ الظَّنِّ إِنَّ بَعْضَ الظَّنِّ إِثْمٌ
[ Oh bans qui fine amene Imaan, reste loin de beaucoup bans suppositions, certainement certaines de bans suppositions c'est peché.]

Ene bonne madame qui intelligente jamais pour laisse li tombe dans piege Shaytwaan par permettre li-même doute so missier, sans aucun preuve concrete. C'est simplement bans ti-l'esprit qui tombe dans sa piege la pour ruine zotte propre la vie, et pour ruine la vie de zotte missier par bans remarques insignifiants :
"Mo sure qui to encore content li!"
"Mo ti telephone toi bureau, to pas ti labas. Avec qui sanla to ti été?"
"Mo ti telephone toi lor to portable, li ti off, qui faire to ti teigne li?"
"Qui faire to fine rentre en retard, cote to ti amene li pour diner azordi?" ….. etc.

CEDEZ EN PREMIER QUAND ENA DISCUSSION.

Même combien ene couple faire zotte zeffort pour vivre dans l'obeissance Allaah et pour protége zotte contre Shaytwaan, li reste qui dans certaines circonstances zotte pour arrivé tombe dans piege de zotte l'ennemi et alors pour gagne bans discussions et bans problemes entre zotte. Ene madame qui ena Imaan li consciente de sa verité la, et alors quand li remarque ene fente entre li et so missier a travers lequel Shaytwaan pe oulé rentre entre zotte, li pressé pour bouche sa fente la par être la première pour ceder.

Rapporté par Anas ibn Maalik :

ألا أخبركم بنسائكم في الجنة قلنا بلى يا رسول الله قال كل ودود ولود إذا غضبت أو أسيء إليها قالت هذه يدي في يدك لا أكتحل بغمض حتى ترضى
[ Le prophete صَلَّى اللَّهُ عَلَيْهِ وَسَلَّمَ fine dire :
"Est-ce qui mo pas informe zotte concernant zotte bans madames qui pour rentre dans Jannat?"
Nous fine dire :
"Biensure, oh messager d'Allaah!"
Li fine repondre :
"C'est chaque madame qui montré qui li content so missier, li gagne beaucoup zenfant, et quand li fine en colère oubien so missier fine malagir envers li, li dire so missier : "Ala mo la main dans to la main. Mo pas pour goutte sommeil dutout jusqua qui to satisfait."]
(AL-MU'JAM-UL-AWSAT 2/206/1743)
Quand fine ena ene discussion dans ménage, ene madame intelligente pas gonflé so figure ou boudé, mais li cedé meme si li ena raison, parcequi aucun discussion pas pour terminé aussi longtemps qui ene entre les deux pas cedé.

Le prophete صَلَّى اللَّهُ عَلَيْهِ وَسَلَّمَ dire :

ونساؤكم من أهل الجنة الودود العؤود على زوجها التي إذا غضب جاءت حتى تضع يدها في يده ثم تقول لا أذوق غمضا حتى ترضى
[ Zotte bans madames qui pour rentre dans Jannat c'est chaque madame qui montré qui li content so missier, li apporte dubien et bonheur pour so missier, et si so missier encolère , li vine (vers li) jusqua qui li mettre so la main dans la main so missier et li dire : "Mo pas pour goutte sommeil dutout jusqua qui to satisfait."]
(SHU-AB-UL-IMAAN 6/418/8732)

Donc, ene bonne madame intelligente c'est ene madame qui toujours pret pour prend perdi, juste pour qui situation pas empiré. Jamais li pour fronté, jamais li pour donne la bouche et jamais li pour leve so la voix. Au contraire, pour so propre dubien, couma li remarqué qui so missier fine encolère, li pour reste tranquille afin qui Shaytwaan pas gagne le dessus lor zotte.





Le prophete صَلَّى اللَّهُ عَلَيْهِ وَسَلَّمَ dire concernant ene mauvais madame :

ومن الشقاوة المرأة تراها فتسوءك وتحمل لسانها عليك وإن غبت عنها لم تأمنها على نفسها ومالك
[ Cequi forme partie de la misère c'est ene madame qui quand to guette li, li pas satisfaire toi, li servi so la langue contre toi, et quand to absent de li, to pas ena confiance lor li concernant li-même et to richesse.]
(MUSTADRAK HAAKIM 2/175/2684)

C'est sa qualité madame la même qui quand gagne probleme dans lacaze, li gonflé so figure, li boudé, et li agir dans ene façon qui malgré qui li en tort, so missier gagne peur pour criye avec li, sinon li pour garde missier la ozaré. Si ou criye avec li, li criye plus fort avec ou pour faire ou gagne peur, et tanque qui missier la pas vine cause avec li, li pour continué faire so figure couma "giromon-appendant".

Ena madame cedé juste pour evite gagne calotte, et ensuite li tire so colère avec bans pauvres zenfants innocents.

Ena madame, par zotte ti-l'esprit, zotte laisse Shaytwaan monte lor zotte la tete, et alors au lieu qui zotte cedé, zotte precipite vers la cuisine pour suicide zotte. Pas ena doute qui sa c'est ene erreur capitale.





Le prophete صَلَّى اللَّهُ عَلَيْهِ وَسَلَّمَ dire :

مَنْ قَتَلَ نَفْسَهُ بِحَدِيدَةٍ فَحَدِيدَتُهُ فِي يَدِهِ يَتَوَجَّأُ بِهَا فِي بَطْنِهِ فِي نَارِ جَهَنَّمَ خَالِدًا مُخَلَّدًا فِيهَا أَبَدًا وَمَنْ شَرِبَ سَمًّا فَقَتَلَ نَفْسَهُ فَهُوَ يَتَحَسَّاهُ فِي نَارِ جَهَنَّمَ خَالِدًا مُخَلَّدًا فِيهَا أَبَدًا وَمَنْ تَرَدَّى مِنْ جَبَلٍ فَقَتَلَ نَفْسَهُ فَهُوَ يَتَرَدَّى فِي نَارِ جَهَنَّمَ خَالِدًا مُخَلَّدًا فِيهَا أَبَدًا
[ Celui qui touye li meme avec ene feraille, so feraille pour reste dans so la main, li pour pique li meme avec sa dans so ventre dans du feu l’enfer, li pour reste la dans pour tous les temps. Celui qui boire poison et fine suicide li, li pour reste avale sa (poison la) dans du feu l’enfer, li pour reste la dans pour tous les temps. Celui qui jette li meme depuis lor ene montagne et fine suicide li, li pour reste jette li meme dans du feu Jahannam, li pour reste la dans pour tous les temps.]
(MUSLIM 158)


PAS DEMANDE TWALAAQ.

Quand faire ene Nikaah, ene relation crée entre deux personnes dans ene façon qui chacun bizin so camarade pour vivre avec ene certaine tranquilité lor sa la terre la. Li vrai qui parfois gagne bans problemes dans menage et qui chacun gagne colère avec so camarade. Ene madame intelligente tous les temps li faire so zeffort pour ceder en premier afin qui situation pas empiré. Et la, le prophete صَلَّى اللَّهُ عَلَيْهِ وَسَلَّمَ fine donne bans madames ene conseil afin qui par zotte l'imbecilité ou zotte l'arrogance, zotte pas casse sa relation la. Sa conseil la c'est qui li pas permissible pour qui ene madame demande so missier Twalaaq pour bans raisons banales.

Le prophete صَلَّى اللَّهُ عَلَيْهِ وَسَلَّمَ dire :

أَيُّمَا امْرَأَةٍ سَأَلَتْ زَوْجَهَا الطَّلَاقَ فِي غَيْرِ مَا بَأْسٍ فَحَرَامٌ عَلَيْهَا رَائِحَةُ الْجَنَّةِ
[ N’importe qui madame qui demande so missier Twalaaq sans aucun raison valable, parfum Jannat vine Haraam lor li.]
(IBN MAAJAH 2045)

Le prophete صَلَّى اللَّهُ عَلَيْهِ وَسَلَّمَ dire :

الْمُخْتَلِعَاتُ وَالْمُنْتَزِعَاتُ هُنَّ الْمُنَافِقَاتُ
[ Bans madames qui demande Twalaaq et zotte retire zotte depuis l'obeissance de zotte missiers, c'est bans madames Munaafiq.]
(AHMAD 8990)

Ena tifille qui ti-l'esprit, croire qui quand marié tous les temps la vie pour en rose. Quand gagne premier probleme entre li et so missier, li demande so Twalaaq sans reflechit et li telephone so papa pour vine cherche li. Pas ena doute qui sa c'est ene erreur parcequi quand so colère pour calmé, li pour regretté, mais parfois li capave trop tard pour redresse la situation.

Ena tifille laisse li emportée par l'arrogance, soit a cause richesse de so parents, soit a cause so l'education, oubien a cause la force de so bans frères, et alors li pressé pour demande Twalaaq. Sa aussi c'est ene erreur capitale.

Ene tifille bizin realisé qui quand li pe ouvert so la bouche pour demande so Twalaaq, sa demande la faire so missier comprend beaucoup quitechoses : "Mo madame n'est plus bizin moi, li fine degoute moi, li fine plein avec moi!" Alors, quand tous sa la vine dans so la tete, li aussi li pas tardé pour tire coup de balle, juste pour pas prend perdi, et finalement c'est Shaytwaan qui sorti gagnant.



ETRE FIDELE A OU MISSIER

Ene bonne madame musulmane c'est ene madame qui peur Allaah, li consciente qui Allaah pe observe li et pe surveille li, et alors, dans tous cirsconstances de so la vie li sincère envers so Rab en premier, et ensuite li fidele a so missier. En verité, Zinaa li ene action malpropre qui Allaah fine defendre tous dimounes, et sitant li malpropre de la part d'ene personne qui deja pe gagne pour satisfaire li dans Halaal, jusqua qui Allaah fine ordonne pour lapide li jusqua la mort, afin qui li pas corrompre la societé. Si ene madame reflechit juste lor la, qui sa action qui mo pe oulé alle faire la, so consequence c'est qui bizin lapide moi, sa suffit pour faire li realise gravité de sa peché la aupres d'Allaah et qui qualité punition sevère pe attendre li dans bans fours de Jahannam.

Allaah dire : (4:34)

فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّهُ
[ Les femmes vertueuses zotte obeissantes et zotte preserve cequi bizin preservé (dans l’absence de zotte missier) avec la protection d’Allaah.]

At-Twabari dire :

حافظات لأنفسهن عند غيبة أزواجهن عنهن في فروجهن وأموالهم
[ Bans qui dans l'absence de zotte missiers, zotte preserve zotte partie privée et richesse de zotte missiers.]
(TAFSIIR TWABARI 5/59)

Le prophete صَلَّى اللَّهُ عَلَيْهِ وَسَلَّمَ aussi fine mette grand l’emphase lor la fidelité entre ene couple.

Le prophete صَلَّى اللَّهُ عَلَيْهِ وَسَلَّمَ dire :

خير النساء من تسرك إذا أبصرت وتطيعك إذا أمرت وتحفظ غيبتك في نفسها ومالك
[ Meilleure madame c’est celui qui quand to geutte li, to content, quand to ordonne li, li obeir toi, et quand to absent, li preserve li-meme et to l’argent.]
(AL-AHAADIITH-UL-MUKHTAARAH 9/456/429)

Le prophete صَلَّى اللَّهُ عَلَيْهِ وَسَلَّمَ dire :

ثلاثة من السعادة وثلاثة من الشقاء فمن السعادة المرأة الصالحة تراها تعجبك وتغيب فتأمنها على نفسها ومالك
[ Ena trois quitechoses qui forme parti du bonheur et trois quitechoses qui forme parti du malheur. Quant-a cequi forme parti du bonheur c’est ene bonne madame qui quand to guette li, li attire toi, quand to absent de li, li preserve li-même et to richesse….]
(S. AL-JAAMI-US-SWAGHIIR)

Le prophete صَلَّى اللَّهُ عَلَيْهِ وَسَلَّمَ dire concernant ene mauvais madame :

ومن الشقاوة المرأة تراها فتسوءك وتحمل لسانها عليك وإن غبت عنها لم تأمنها على نفسها ومالك

[ Cequi forme partie de la misère c'est ene madame qui quand to guette li, li pas satisfaire toi, li servi so la langue contre toi, et quand to absent de li, to pas ena confiance lor li concernant li-même et to richesse.]
(MUSTADRAK HAAKIM 2/175/2684)

Quand prophete Ibraahiim so madame Saarah ti trouve li dans situation cote ene le roi tyrant ti oulé apporte li dutort, li ti faire sa Doua la :

اللَّهُمَّ إِنْ كُنْتُ آمَنْتُ بِكَ وَبِرَسُولِكَ وَأَحْصَنْتُ فَرْجِي إِلَّا عَلَى زَوْجِي فَلَا تُسَلِّطْ عَلَيَّ الْكَافِرَ
[ Oh Allaah, si mo fine amene Imaan dans Toi et To messager et mo fine preserve mo parti privée excepté pour mo missier, alors pas laisse (sa) Kaafir la gagne le dessus lor moi.]
(BUKHARI 2065)

Le prophete صَلَّى اللَّهُ عَلَيْهِ وَسَلَّمَ dire :

ثَلَاثَةٌ لَا تَسْأَلْ عَنْهُمْ ... وَامْرَأَةٌ غَابَ عَنْهَا زَوْجُهَا قَدْ كَفَاهَا مُؤْنَةَ الدُّنْيَا فَتَبَرَّجَتْ بَعْدَهُ فَلَا تَسْأَلْ عَنْهُمْ
[ Trois personnes, pas demande concernant banla … ene madame qui so missier fine absent de li et qui missier la fine donne li suffisament provision Dunyaa, et apres qui missier la fine allé, madame la fine expose li… Pas demande concernant banla.]
(AHMAD 22817)


Abdullaah ibn Amr dire :

ألا أخبركم بالثلاث الفواقر ... وامرأة السوء إن شهدتها غاضبتك وإن غبت عنها خانتك
[ Est-ce qui mo pas informe zotte de trois malheurs :…. ene mauvais madame qui quand to avec li, li faire toi en colère et quand to absent de li, li trahir toi.]
(MUSWANNAF IBN ABI SHAYBAH 3/559)

Rapporté par Abdullaah ibn Mas-oud :

سَأَلْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ أَيُّ الذَّنْبِ عِنْدَ اللَّهِ أَكْبَرُ قَالَ أَنْ تَجْعَلَ لِلَّهِ نِدًّا وَهُوَ خَلَقَكَ قُلْتُ ثُمَّ أَيٌّ قَالَ ثُمَّ أَنْ تَقْتُلَ وَلَدَكَ خَشْيَةَ أَنْ يَطْعَمَ مَعَكَ قُلْتُ ثُمَّ أَيٌّ قَالَ أَنْ تُزَانِيَ بِحَلِيلَةِ جَارِكَ
[ Mo fine demandé :
“Oh messager d’Allaah, qui peché plus grave aupres d’Allaah?”
Li fine repondre :
“C’est qui to mette ene egale a Allaah tandis qui c’est Li qui fine crée toi.”
Mo fine demandé :
“Ensuite qui peché plus grave?”
Li fine repondre :
“C’est qui to touye to zenfant avec la frayeur qui li pour mange avec toi.”
Mo fine demandé :
“Ensuite lequel?”
Li fine repondre :
“C’est qui to faire Zinaa avec madame de to voisin continuellement.”]
(BUKHARI 4389)

Sa Hadiith la pas pe cause concernant ene personne qui fine viole madame de so voisin. Quand le prophete pe dire : "to faire Zinaa avec madame de to voisin continuellement", nous comprend par sa qui fine ena aussi consentement de sa madame la dans sa Zinaa la. Donc, ene madame qui trompe so missier en faisant Zinaa avec so voisin, en verité li pe contribué pour qui ene de bans plus grands pechés être commit lor sa la terre la.

L’Islaam fine être dure envers bans madames qui a travers Zinaa, zotte attribué ene zenfant a ene famille qui en verité li pas forme partie de sa famille la.

Le prophete صَلَّى اللَّهُ عَلَيْهِ وَسَلَّمَ dire :

أَيُّمَا امْرَأَةٍ أَدْخَلَتْ عَلَى قَوْمٍ مَنْ لَيْسَ مِنْهُمْ فَلَيْسَتْ مِنَ اللَّهِ فِي شَيْءٍ وَلَنْ يُدْخِلَهَا اللَّهُ جَنَّتَهُ
[ N’importe qui madame faire ene zenfant rentre parmi ene peuple qui en verité li pas parmi banla, li pas pour ena aucun l’engagement aupres d’Allaah et Allaah pas pour faire li rentre dans So Jannat.]
(ABU DAOUD 1928)

Bans precautions qui ene madame bizin prend afin qui li protége li de sa malpropreté la :
1. Pas frequente madame qui ou conné so role pas bon.
2. Arrete guette film.
3. Pas conduire.
4. Pas alle dans bans places cote ena la mixité.
5. Pas repondre aucun message qui vine lor ou portable.
6. Pas "Chat" avec personne lor Internet.
7. Pas rentre dans bans "Site" qui pas bizin lor Internet.

Ene quitechose bien important qui bans soeurs bizin prend compte c'est pas laisse zotte embettées par Waswasah qui Shaytwaan faire dans l'esprit d'ene madame qui fine alle conné qui so missier pe fané, quand li inspire a li : "Fanez toi aussi, couma li pe fané!"

Donc, ene bonne madame musulmane c’est ene madame qui pas trompe so missier, surtout dans l’absence de so missier. Mais etant ene madame qui fine amene Imaan dans Allaah, li preserve so le corps et so beauté juste pour so missier.

















BANS LIVRETS PAR FRÈRE SHABBIR

POUR MADRASSAH:
1. Tawheed Et Shrik
2. Aqeedah D`Ene Petit Musulman
3. Fiqh Pour Bans Zenfants Madrassah
4. Contradiction L’enseignement Du Prophete
5. Apprendre Lire Qur-Aan
6. Formation Islamique (Question-Reponse)
7. Aadaab
8. Azkaar
9. Vocabulaire Arabe
10. Petits Phrases Arabes Pour Bans Zenfants (Ic)
11. La Vie Du Prophete (Ic)
12. Manhaj (Ic)

DA’WAH
13. L’islaam Pour Bans Qui Interessé Conne Li (Ic)
14. Conne To Religion (Ic)

AQEEDAH:
15. Nous Aqeedah Dans Allaah V1
16. Nous Aqeedah Dans Allaah V2
17. Nous Aqeedah Dans Allaah V3
18. Nous Aqeedah Dans Le Prophete V1
19. Jinn, Shaytwaan & La Sorcellerie
20. Wali-Allaah

FIQH:
21. Ene Introduction Lor Fiqh
22. Kitaab-Ut-Twahaarah 1
23. Kitaab-Ut-Twahaarah 2
24. Le Mariage D’après L’islaam
25. Explication Livre Mariage (Ic)
26. Couma Ene Madame Bizin Vivre Avec So Missier?
27. Hadj, Umrah & Ziyaarah (Ic)
28. Explication Simple Couma Faire Hajj & Umrah
29. Mo Zenfant, Depuis Avant So Naissance Jusqu`A So L`Adolescence
30. Systeme Twalaaq D’après L’islaam
31. Al-Udhiyyah (Ic)
32. Ene Explication Bref Lor Swalaat Taraaweeh
33. Probleme La Lune
34. Question-Response Lor Zakaat
35. Khutbah En Creole
36. La Medecine Prophetique (Ic)
37. Leçon Pour Bans Madames (Ic)
38. Ene Masjid Ideal

SCIENCE HADIITH
39. Notes Lor Science Hadiith

LA PURIFICATION SPIRITUELLE
40. Controlle La langue
41. La Vie C’est Ene Combat Contre Shaytwaan
42. Swalaat-Ul-Fajr
43. Caractère D'ene Musulman
44. Couma Ene Musulman Bizin Depense So Les Temps?
45. Couma Ene Musulman Bizin Comporte Li Avec So Prochains?
46. Khutbah & Causerie (Ic)
47. La Mort Et La Vie Dans Qabr (Ic)
48. Lacaze D'ene Musulman
49. Couma Nous Profité Avec Nous Hajj?

HARAAM
50. L’effet Television
51. Isbaal (Ene Zomme Laisse So Linge Depasse So Cheville)
52. Cigarette – Quand Pour Arrêté Avec Sa Haraam La?
53. Zinaa – Fitnah Du Siecle
54. La Musique
55. Kuffaar – Conne To L’ennemis
56. Pas Faire Football Vine Ene Moyen Pour To Tombe Dans Haraam

MANHAJ & REFUTATION
57. As-Swiraat-Ul-Mustaqiim
58. Qadiani – Ene Secte Endehors L’islaam
59. Refutation Contre At-Tahreer
60. Sunnat Jamaat Oubien Bareilwi Jamaat?
61. Qui Sanla Qui Vrai Najdi?
62. Yaum-Un-Nabi?
63. Finalement Est-ce Qui Gagne Droit Celebré Yaum-Un-Nabi?
64. Nous Da’wah
65. Secte Tabliigh
66. Difference Entre Tawheed Et Tabliigh (Ic)
67. Difference Entre Tawheed Et Sunnat Jamaat (Ic)
68. Refutation Contre Qaari Mansoor So Livre Bid-Ah
69. La Conception De Wahdat-Ul-Wujoud
70. Est-Ce Qui Khidr Encore Vivant?
71. Ene Analyse Lor Certaines L'articles De Al-Jamiat

NOTE:
Bans frères qui ti pour content participe dans nous Da’wah financièrement pour publication de nous bans livres, capave contacter nous.
[1] Apres Sheikh Albaani fine dire qui sa Hadiith la li pas authentique. Refere a Silsilah Dwa’iifah Hno 5726.