6. LEÇONS LOR LA PURIFICATION SPIRITUELLE. دروس في تزكية النفس - . Lacaze D'ene Musulman

Lacaze D'ene Musulman


Introduction.

Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene livret avec titre :
Lacaze d’ene musulman.

Pas ena doute qui nous l’honneur trouve dans nous Deen; si nous pratique nous Deen couma bizin, Allaah pour garde nous avec l’honneur dans Dunyaa et dans Aakhirat, et si nous neglige nous Deen, Allaah pour faire nous subir deshonneur dans Dunyaa, aussi bien que dans Aakhirat. Quand nous guette nous situation azordijour, nous trouvé qui en generale bans musulmans pe faire face a toutes sortes de l’humiliation. Sa c’est pas narien excepté ene preuve qui majorité musulmans fine neglige zotte Deen. Donc, pour qui demain sa deshonneur la pas touche nous, nous bizin attrape nous Deen fort, et sa li commence par mette l’Islaam dans nous lacaze. Parfois nous trouve certains frères et soeurs paraitre bien religieux, mais quand nous guette zotte lacaze et zotte bans zenfants, nous constaté qui en verité zotte l’Islaam li juste lor zotte la langue. C’est sa qualité dimounes la même qui gate le visage de l’Islaam et c’est zotte même qui decourage dimounes pour retourne vers Deen. Si nous pas fine reussi applique la loi Allaah dans nous lacaze, couma est-ce qui nous pour capave applique la loi Allaah dans le monde entier? C’est ici le vrai commencement et c’est sa qui garantit nous le succes et la victoire.

Nous faire Du'aa avec Allaah qui Li aide nous pour mette l’Islaam dans nous-même, dans nous lacaze et dans nous bans zenfants, afin qui nous protege nous-même contre le deshonneur et la colère d’Allaah.


LACAZE C’EST ENE FAVEUR D’ALLAAH.

Ene lacaze c’est ene faveur depuis Allaah. C’est ene cadeau qui Allaah fine donne nous pour qui nous reste la dans avec nous la famille, avec ene certaine “privacy” afin qui sa preserve nous l’honneur lor sa la terre la.

Allaah dire : (16:80)

وَاللَّهُ جَعَلَ لَكُمْ مِنْ بُيُوتِكُمْ سَكَنًا
[ Allaah fine faire de zotte lacazes ene place pour zotte resté (avec tranquilité).]

Le prophete dire :

أربع من السعادة المرأة الصالحة والمسكن الواسع والجار الصالح والمركب الهنيء وأربع من الشقاوة الجار السوء والمرأة السوء والمسكن الضيق والمركب السوء
[ Quatre quitechoses forme partie de la prosperité et le bonheur : ene bon madame, ene la caze spacieux, ene bon voisin et ene transport confortable. Et ena quatre quitechoses qui forme partie de la misère et le malheur : ene mauvais voisin, ene mauvais madame, ene lacaze serré et ene mauvais transport.]
(IBN HIBBAAN 9/340/4032)

D’apres sa Aayat la et sa Hadiith la, nous trouvé qui si azordi nous ena ene lacaze pour nous reste la dans pour protége nous contre fraicheur ou chaleur, pour protége nous contre soleil ou la pluie, et aussi pour protége nous richesse, sa c’est simplement ene faveur depuis Allaah. Pour qui nous reussi ressenti valeur de sa faveur la, guette alentour de nous, combien dimoune ena qui pe bizin vivre embas la tente oubien qui zotte pe bizin vivre lor trottoir.


PRESERVE FAVEUR ALLAAH.

Pour qui Allaah permettre nous continuer jouir de sa faveur qui Li fine donne nous la, pas ena doute qui nous bizin preserve li dans l’obeissance d’Allaah. Si nous applique l’Islaam dans nous lacaze, Inshaa-Allaah, Allaah pour descendre So benediction dans nous lacaze, et alors, nous pour vivre avec l’harmonie dans sa lacaze la. Mais si nous neglige nous lacaze, lerla même qui Shaytwaan gagne l’autorité dans sa lacaze la, a travers lequel l’harmonie, la paix et tranquilité enlevé et Allaah capave même arrache sa faveur la de nous.

C’est a cause sa même qui l’Islaam fine faire nous conner qui chaque zomme et chaque madame pour être questionné concernant so lacaze.

Le prophete dire :

أَلَا كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ ... وَالرَّجُلُ رَاعٍ عَلَى أَهْلِ بَيْتِهِ وَهُوَ مَسْئُولٌ عَنْهُمْ وَالْمَرْأَةُ رَاعِيَةٌ عَلَى بَيْتِ بَعْلِهَا وَوَلَدِهِ وَهِيَ مَسْئُولَةٌ عَنْهُمْ

[ Chacun parmi zotte li ene gardien, et li pour etre questionné concernant bans qui li gardien lor zotte …. Ene zomme li ene gardien lor la famille de so lacaze, et li pour etre questionné concernant banla. Ene madame li ene gardienne lor lacaze de so missier et lor so bans zenfants, et li pour etre questionnée concernant banla.]
(MUSLIM 3408)

Le prophete dire :

إن الله سائل كل راع عما استرعاه أحفظ ذلك أم ضيعه حتى يسأل الرجل عن أهل بيته
[ Allaah pour demande chaque responsable concernant bans qui ti sous so responsabilité, est-ce qui li fine preserve sa oubien li fine perdi li, jusqua qui (Allaah) pour demande (chaque) zomme concernant la famille de so lacaze.]
(IBN HIBBAAN 10/345)


SAUVE NOUS IMAAN.

En verité, nous lacaze li ene place pour qui nous sauve nous propre Imaan, surtout dans l’epoque qui nous pe vivre, cote l’indecence et l’immoralité fine envahir presque partout. Tanque nous reste dans nous lacaze, nous preserve nous regard contre l’indecence et nous preserve nous l’esprit contre bans mauvais pensées. Donc, sa montré nous l’importance créer ene l’atmosphere saine et d’entente dans nous lacaze, afin qui par sa nous attirés par nous lacaze et nous content pour reste dans nous lacaze.

Le prophete dire :

سلامة الرجل في الفتنة أن يلزم بيته
[ Securité d’ene personne dans Fitnah c’est qui li reste dans so lacaze.]
(AL-FIRDAWS 2/334/3507)

D’apres sa Hadiith la, nous apprendre qui dans l’epoque de Fitnah qui nous pe vivre, meilleur place pour protége nous Imaan c’est nous lacaze.

Rapporté par ‘Uqbah ibn Aamir :

قُلْتُ يَا رَسُولَ اللَّهِ مَا النَّجَاةُ قَالَ أَمْسِكْ عَلَيْكَ لِسَانَكَ وَلْيَسَعْكَ بَيْتُكَ وَابْكِ عَلَى خَطِيئَتِكَ
[ Mo fine demandé :
“Oh messager d’Allaah, comment pour echappé?”
Le prophete dire :
“Controle to la langue, faire to lacaze suffit pour toi (pas sorti pour narien), et pleurez lor to bans erreurs.”]
(TIRMIZI 2330)

Le prophete dire :

طوبى لمن ملك لسانه ووسعه بيته وبكى على خطيئته
رواه الطبراني في الأوسط والصغير وحسن إسناده
[ Ena “Toubaa” pour celui qui fine controle so la langue, so lacaze fine suffit pour li, et li fine pleuré lor so bans erreurs.]
(MAJMA-UZ-ZAWAAID 10/299)

Dans sa Hadiith la, le prophete pe donne la bonne nouvelle a celui qui fine ena sa trois qualités la dans li, qui Allaah pour donne li “Toubaa” – ene pied dans Jannat qui li ena ene distance d’ene année.

Le prophete dire :

خصال ست ما من مسلم يموت في واحدة منهن إلا كان ضامنا على الله أن يدخله الجنة ... ورجل في بيته لا يغتاب مسلما ولا يجر إليه سخطا ولا نقمة فإن مات كان ضامنا على الله
[ Ena six actions, pas ena aucun musulman qui mort lor ene parmi sa six la excepté qui li vine lor charge Allaah pour qui Allaah faire li rentre dans Jannat… ene personne reste dans so lacaze, li pas faire Ghiibat aucun musulman, et ni li apporte personne kit colere ou rancune. Si li mort, li vine lor charge Allaah.]
(AL-MU'JAM-UL-AWSAT 4/143/3822)


SAUVE NOUS LA FAMILLE.

Nous lacaze li pas juste ene place pour sauve nous Imaan, mais li aussi ene place pour mettre l’Islaam dans nous la famille afin qui Allaah protége zotte contre l’enfer.




Allaah dire : (66:6)

يَاأَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا
[ Oh bans qui fine amene Imaan, sauve zotte-meme et zotte familles contre ene du feu.]

D’apres sa Aayat la, nous trouvé qui ena deux obligations lor chaque zomme musulman :
Sauve li-meme contre du feu l’enfer
Sauve so famille contre du feu l’enfer

Pour qui ene zomme reussi sauve so famille contre du feu l’enfer, le Swahaabi Ali dire :

علموا أهليكم الخير
[ Enseigne zotte familles le bien.]
(AT-TARGHIIB WAT-TARHIIB 1/70 /197)

Donc, ene parent obligé faire zotte zefforts pour protége la peau de zotte zenfants contre Jahannam a travers l’enseignement de Deen. Quand nous pour applique l’Islaam dans nous lacaze, nous pour reussi fourni nous famille avec bans zarmes qui avec sa zotte pour capave combattre Shaytwaan, et protege zotte contre la colère d'Allaah. Mais, si nous gagne tracas Ummat et nous neglige nous la famille, lerla même qui ou entendre parler :
“Papa Miaji, garçon soulard!”
“Papa Haaji, garçon drogueur!”
“Papa Pakka-Namaazi, garçon Pakka-Zougadeur!”
“Papa Haafiz Qur-aan, garçon Haafiz chanté indien!”
“Papa Imaam, tifille Miss Sourire!”
“Papa ene grand Qaari, tifille ene grand actrisse!”
“Papa Mutawalli, tifille fine alle faire le tour du feu avec Hindu!”
“Bhye la Daai, so madame Madonna!”

Donc, si nous oulé pas tombe dans ene bassesse pareille, nous obligé applique l’Islaam dans nous lacaze, parcequi l’obligation sauve nous la famille contre du feu l’enfer li pas realisable excepté quand nous fine mettre l’Islaam dans nous lacaze.


L’AVANCEMENT DE L’UMMAH.

Nous lacaze c’est meilleur terrain pour travaille pour l’avancement de nous Ummah. Pas ena doute qui bans musulmans azordijour fine tombe dans ene bassesse et pe faire face a toutes sortes de l’humiliation. Tous dimounes pe cause concernant sa, et pourtant situation la encore pareille. Ene de bans raisons derrière sa c’est qui nous pe gagne tracas Ummah, mais nous lacaze nous pe negligé. Donc, premier contribution qui nous tous bizin commence par sa pour l’avancement de nous Ummah, c’est qui nous change nous-même et nous lacaze. Si chacun fine change so lacaze, c’est ene societé au complet qui fine changé, et quand nous pour changé, Inshaa-Allaah, Allaah pour retourne nous nous l’honneur.

Allaah dire : (13:11)

إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ
[ Allaah pas change (bon) condition d’ene peuple aussi longtemps qui banla-meme zotte pas change li par zotte.]
L’EDUCATION.

Dans lacaze d’ene musulman, bizin ena bans leçons Deen qui faire continuellement, afin qui par sa nous fourni nous famille avec ene l’education qui pour aide zotte pour vine bans meilleurs musulmans dans lacaze et en dehors lacaze. Donc, lacaze d’ene musulman bizin dans li-même ene Madrassah cote gramatin/tantot pe entendre parole d’Allaah et parole du prophete Muhammad صَلَّى اللَّهُ عَلَيْهِ وَسَلَّمَ.

Ene de bans façons pour faire nous famille gagne connaissance Deen dans nous lacaze c’est qui nous organise bans causeries dans nous lacaze, oubien nous acheté bans livres et bans cassettes ou CD causeries profitables et interessants et nous amene sa dans nous lacaze pour qui nous famille profité avec sa.

Allaah dire : (39:9)

قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ
[ Dire : “Est-ce qui bans qui conné egales a bans qui pas conné?”]

Sa Aayat la pe montré nous qui la connaissance ena ene grand l’effet lor ene personne :
Lor so façon de penser
Lor so façon de parler
Lor so reaction en generale.




LOIN DE BANS MUSHRIK

Premier quitechose qui nous bizin prend compte pour qui nous reussi faire nous lacaze vine ene vrai lacaze musulman c'est l'endroit cote nous pe choisir pour arrange nous lacaze. Nous obligé choisir ene bon l'environnement pour nous resté parcequi ene mauvais l'environnement li ena ene mauvais l'effet lor nous-même et nous bans zenfants. Nous bizin tanque capave reste loin de bans Mushrik. Celui qui vivre parmi bans Mushrik, sa affecté so Imaan et dans l’avenir li-meme oubien so generation risqué tombe dans Kufr oubien dans bans les autres grands pechés.

Rapporté par Jariir :

بَايَعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ عَلَى إِقَامِ الصَّلَاةِ وَإِيتَاءِ الزَّكَاةِ وَالنُّصْحِ لِكُلِّ مُسْلِمٍ وَعَلَى فِرَاقِ الْمُشْرِكِ
[ Mo fine faire Bay-ah avec le messager d'Allaah pour accomplir Swalaat, pour donne Zakaat, pour conseille chaque musulman et pour abandonne bans Mushrik.]
(NASAI 4105)

Le prophete dire :

إِنَّكُمْ إِنْ أَقَمْتُمُ الصَّلَاةَ وَآتَيْتُمُ الزَّكَاةَ وَفَارَقْتُمُ الْمُشْرِكِينَ وَأَعْطَيْتُمُ الْخُمُسَ مِنَ الْمَغْنَمِ ثُمَّ سَهْمَ النَّبِيِّ صَلَّى اللَّهُ عَلَيْهِ وَسَلَّمَ وَالصَّفِيَّ وَرُبَّمَا قَالَ وَصَفِيَّهُ فَأَنْتُمْ آمِنُونَ بِأَمَانِ اللَّهِ تَبَارَكَ وَتَعَالَى وَأَمَانِ رَسُولِهِ
[ Si zotte accomplir Swalaat, zotte donne Zakaat, zotte separe-zotte de bans Mushrik, zotte donne le cinquième du butin, la part du prophete et la part du chef avant faire la partage, alors zotte pour en securité sous la securité d'Allaah et la securité de So messager.]
(AHMAD 19813)

Rapporté par Jariir ibn Abdillaah :

قَالَ أَنَا بَرِيءٌ مِنْ كُلِّ مُسْلِمٍ يُقِيمُ بَيْنَ أَظْهُرِ الْمُشْرِكِينَ قَالُوا يَا رَسُولَ اللَّهِ لِمَ قَالَ لَا تَرَاءَى نَارَاهُمَا
[ Le messager d'Allaah fine dire :
"Mo pas ena narien a faire avec n'importe qui musulman qui vivre parmi bans Mushrik!"
Banla fine demandé :
"Oh messager d'Allaah, qui faire?"
Le prophete fine dire :
"Qui sanla pas trouve du feu l'autre la!"]
(ABU DAOUD 2274)

Le prophete dire :

برئت الذمة ممن أقام مع المشركين في ديارهم
[ Pas ena aucun responsabilité envers celui qui vivre avec bans Mushrik dans zotte pays.]
(AL-MU'JAM-UL- KABIIR 2/303/2262)

Le prophete dire :

مَنْ جَامَعَ الْمُشْرِكَ وَسَكَنَ مَعَهُ فَإِنَّهُ مِثْلُهُ
[ Celui qui mele-li avec ene Mushrik et li vivre avec li, certainement (li vine) pareille couma li.]
(ABU DAOUD 2405)

Le prophete dire :

لَا يَقْبَلُ اللَّهُ عَزَّ وَجَلَّ مِنْ مُشْرِكٍ بَعْدَمَا أَسْلَمَ عَمَلًا أَوْ يُفَارِقَ الْمُشْرِكِينَ إِلَى الْمُسْلِمِينَ
[ Apres qui ene Mushrik fine accepté L'Islaam, Allaah pas accepté aucun action (de li) jusqu'a qui li quitte bans Mushrik et li vine vers bans musulmans.]
(NASAI 2521)


FAIRE ZIKR-ULLAAH.

Pour qui nous lacaze vine ene vrai lacaze musulman, ene quitechose principale qui nous bizin rassure so presence c’est Zikrullaah. Nous lacaze bizin toujours ene place cote pe faire mention d’Allaah afin qui nous garde nous lacaze vivant pour resisté a bans attaques de Shaytwaan. Quand n’est plus ena Zikrullaah dans ene lacaze, lerla même qui Shaytwaan faire so nid la dans et comme resultat la paix et l’harmonie converti en degout et discussion entre bans membres de la famille.

Le prophete dire :

مَثَلُ الْبَيْتِ الَّذِي يُذْكَرُ اللَّهُ فِيهِ وَالْبَيْتِ الَّذِي لَا يُذْكَرُ اللَّهُ فِيهِ مَثَلُ الْحَيِّ وَالْمَيِّتِ
[ L’exemple de lacaze dans lequel pense Allaah et lacaze dans lequel pas pense Allaah c’est l’exemple d’ene vivant et ene mort.]
(MUSLIM 1299)

Ene lacaze dans lequel ena Zikrullaah c’est ene lacaze vivant, et ene lacaze dans lequel pas ena Zikrullaah c’est ene lacaze mort. Astere, li reste a nous pour decider dans qui qualité lacaze nous oulé rester, nous et nous famille.

Zikrullaah dans lacaze c’est pas qui nous invite certains dimounes pour vine faire “Hou! Hou! Hou!” cote nous chaque jeudi soir oubien ene fois par mois. Mais Zikrullaah dans lacaze c’est qui tous les jours nous vivre l’Islaam dans nous lacaze.


ZIKR QUAND RENTRE LACAZE.

Pour nous protége nous lacaze contre Shaytwaan, faudrait qui nous pense Allaah au moment qui nous rentre dans sa lacaze la.

Le prophete dire :

إِذَا دَخَلَ الرَّجُلُ بَيْتَهُ فَذَكَرَ اللَّهَ عِنْدَ دُخُولِهِ وَعِنْدَ طَعَامِهِ قَالَ الشَّيْطَانُ لَا مَبِيتَ لَكُمْ وَلَا عَشَاءَ وَإِذَا دَخَلَ فَلَمْ يَذْكُرِ اللَّهَ عِنْدَ دُخُولِهِ قَالَ الشَّيْطَانُ أَدْرَكْتُمُ الْمَبِيتَ وَإِذَا لَمْ يَذْكُرِ اللَّهَ عِنْدَ طَعَامِهِ قَالَ أَدْرَكْتُمُ الْمَبِيتَ وَالْعَشَاءَ
[ Quand ene personne rentre so lacaze et li pense Allaah au moment qui li rentré et au moment qui li mangé, Shaytwaan dire (a les autres Shaytwaan) :
“Pas ena place pour zotte passe la nuit et pas ena diner pour zotte ici!”
Mais si li (rentre so lacaze) sans pense Allaah au moment qui li pe rentré, Shaytwaan dire :
“Zotte fine gagne ene place pour passe la nuit!”
Et si li pas pense Allaah au moment qui li pe mangé, Shaytwaan dire :
“Zotte fine gagne ene place pour passe la nuit et (zotte fine gagne) diner (aussi)!”]
(MUSLIM 3762)

Donc, si nous oulé qui Shaytwaan pas vine mangé et pas vine passe la nuit cote nous, nous bizin pense Allaah au moment qui nous pe rentre nous lacaze et avant manger.


FAIRE SALAAM.

A chaque fois nous rentre nous lacaze, nous bizin faire nous famille Salaam.

Le prophete dire :

ثَلَاثَةٌ كُلُّهُمْ ضَامِنٌ عَلَى اللَّهِ عَزَّ وَجَلَّ إن عاش كفي وإن مات دخل الْجَنَّةَ من دَخَلَ بَيْتَهُ بِسَلَامٍ فَهُوَ ضَامِنٌ عَلَى اللَّهِ عَزَّ وَجَلَّ
[ Ena trois personnes qui zotte tous fine gagne garantit aupres d’Allaah qui si li reste vivant, (Allaah) pour suffit pour li et si li mort, li pour rentre dans Jannat : Celui qui rentre so lacaze avec Salaam, li gagne garantit aupres d’Allaah…..]
(AL-ADAB-UL-MUFRAD 1/375/1094)

Le Swahaabi Jaabir dire :

إذا دخلت على أهلك فسلم عليهم تحية من عند الله مباركة طيبة
[ Quand to rentre cote to famille, faire banla Salaam – ene Salutation benit et bon depuis Allaah.]
(AL-ADAB-UL-MUFRAD 1/375/1095)

En verité, pas juste quand rentre lacaze qui nous faire Salaam, mais a chaque fois qui nous trouve quicaine, nous faire li Salaam. Par exemple, si nous rentre dans la cuisine et nous trouve nous madame, nous faire li Salaam, si nous rentre dans salon et nous trouve nous garçon, nous faire li Salaam, et quand nous rentre dans la chambre de nous tifille, nous faire li Salaam. Dans sa façon la, dans lacaze d’ene musulman, depuis gramatin jusqua tantot reste ena Salaam.


DEUX RAKAAT A CHAQUE FOIS RENTRE LACAZE.

Le prophete dire :

إذا دخلت منـزلك فصل ركعتين تمنعانك مدخل السوء وإذا خرجت من منـزلك فصل ركعتين تمنعانك مخرج السوء
[ Quand to rentre to lacaze, faire deux Rakaat. Sa pour empeche toi d’ene mauvaise entrée. Quand to pour sorti depuis to lacaze, faire deux Rakaat. Sa pour empeche toi d’ene mauvaise sortie.]
(MAJMA-UZ-ZAWW-ID 2/283, S. 1323)


DU'AA QUAND SORTI DEPUIS LACAZE.

Quand nous sorti depuis nous lacaze aussi, nous bizin sorti avec nom Allaah.

Le prophete dire :

إِذَا خَرَجَ الرَّجُلُ مِنْ بَيْتِهِ فَقَالَ بِسْمِ اللَّهِ تَوَكَّلْتُ عَلَى اللَّهِ لَا حَوْلَ وَلَا قُوَّةَ إِلَّا بِاللَّهِ ... يُقَالُ حِينَئِذٍ هُدِيتَ وَكُفِيتَ وَوُقِيتَ فَتَتَنَحَّى لَهُ الشَّيَاطِينُ فَيَقُولُ لَهُ شَيْطَانٌ آخَرُ كَيْفَ لَكَ بِرَجُلٍ قَدْ هُدِيَ وَكُفِيَ وَوُقِيَ
[ Quand ene personne sorti depuis so lacaze et li dire :
Bismillaahi Tawak Kaltu Alal Laahi Laa Hawla Walaa Quwwata Illaa Billaah.
“Au nom d’Allaah, mo compte lor Allaah. Pas ena aucun puissance et aucun pouvoir excepté avec Allaah.”
(Ene ange) dire li :
“To fine être guidé, to fine gagne cequi suffit pour toi, et to fine être protégé.”
Bans Shaytwaan eloigné de li, et ene l’autre Shaytwaan dire a Shaytwaan qui fine eloigné de li :
“Comment est-ce qui to pour capave avec ene personne qui fine être guidé, li fine gagne cequi suffit pour li, et li fine être protégé?”]
(ABU DAOUD 4431)


LIRE QUR-AAN.

Dans lacaze d’ene musulman bizin ena beaucoup lecture Qur-aan – surtout lecture de Sourah Baqarah – afin qui sa lacaze la reste vivant, et alors, Shaytwaan pas capave faire so nid la dans.

Le prophete dire :

البيت الذي يقرأ فيه القرآن يترآءى لأهل السماء كما تتراءى النجوم لأهل الأرض
[ Ene lacaze dans lequel lire Qur-aan, li visible a bans habitants le ciel pareille couma bans zetoiles visible a bans habitants de la terre.]
(SHU-AB-UL-IMAAN 2/341/1982)

Abu Hurayrah dire :

إِنَّ الْبَيْتَ لَيَتَّسِعُ عَلَى أَهْلِهِ وَتَحْضُرُهُ الْمَلَائِكَةُ وَتَهْجُرُهُ الشَّيَاطِينُ وَيَكْثُرُ خَيْرُهُ أَنْ يُقْرَأَ فِيهِ الْقُرْآنُ وَإِنَّ الْبَيْتَ لَيَضِيقُ عَلَى أَهْلِهِ وَتَهْجُرُهُ الْمَلَائِكَةُ وَتَحْضُرُهُ الشَّيَاطِينُ وَيَقِلُّ خَيْرُهُ أَنْ لَا يُقْرَأَ فِيهِ الْقُرْآنُ
[ Certainement ene lacaze li vine spacieux pour so bans habitants, bans anges present la dans, bans Shaytwaan abandonne li, so du bien vine en quantité, si lire Qur-aan la dans. Et ene lacaze li retrecit (li vine serré) lor so bans habitants, bans anges abandonne li, bans Shaytwaan vine la dans, so du bien diminué, si pas lire Qur-aan la dans.]
(DAARMI 3175)

Le prophete dire :

لَا تَجْعَلُوا بُيُوتَكُمْ مَقَابِرَ إِنَّ الشَّيْطَانَ يَنْفِرُ مِنَ الْبَيْتِ الَّذِي تُقْرَأُ فِيهِ سُورَةُ الْبَقَرَةِ
[ Pas faire zotte lacaze vine Qabarastaan. Certainement Shaytwaan sauvé depuis lacaze dans lequel lire Sourah Baqarah.]
(MUSLIM 1300)

D’apres sa Hadiith la, nous comprend qui lacaze d’ene personne capave vine couma ene Qabarastaan si c’est ene lacaze qui pas ena lecture Qur-aan la dans.

Le prophete dire :

إِنَّ اللَّهَ كَتَبَ كِتَابًا قَبْلَ أَنْ يَخْلُقَ السَّمَوَاتِ وَالْأَرْضَ بِأَلْفَيْ عَامٍ فَأَنْزَلَ مِنْهُ آيَتَيْنِ فَخَتَمَ بِهِمَا سُورَةَ الْبَقَرَةِ وَلَا يُقْرَآنِ فِي دَارٍ ثَلَاثَ لَيَالٍ فَيَقْرَبَهَا الشَّيْطَانُ
[ 2000 bananés avant créer les ciels et la terre, Allaah ti ecrire ene Kitaab (et li cote Al-Arsh). Depuis sa Kitaab la, Allaah fine faire descendre deux Aayat qui Li fine termine Sourah Baqarah par sa. Sa deux Aayat la pas être lis dans ene lacaze pendant trois nuits et ensuite Shaytwaan approche li.]
(AHMAD 17688)

Donc, pour qui Shaytwaan pas approche nous lacaze, nous lire les deux derniers Aayat de Sourah Baqarah pendant trois nuits consecutifs.

Abdullaah ibn Mas’oud dire :

اقرؤوا سورة البقرة في بيوتكم فإن الشيطان لا يدخل بيتا يقرأ فيه سورة البقرة
[ Lire Sourah Baqarah dans zotte lacazes, car certainement Shaytwaan pas rentre dans ene lacaze dans lequel lire Sourah Baqarah.]
(AL-MUSTADRAK 1/749/2062)


SWALAAT.

Lacaze d’ene musulman bizin ene place cote faire beaucoup Swalaat. Apart qui bans madames pe deja faire Swalaat la dans, bans zommes aussi, li bon qui zotte vine faire zotte Sunnat/Nafil dans lacaze.

Le prophete dire :

فَعَلَيْكُمْ بِالصَّلَاةِ فِي بُيُوتِكُمْ فَإِنَّ خَيْرَ صَلَاةِ الْمَرْءِ فِي بَيْتِهِ إِلَّا الصَّلَاةَ الْمَكْتُوبَةَ
[ Faire Swalaat dans zotte lacazes, car certainement meilleur Swalaat d’ene zomme c’est (cequi li faire) dans so lacaze excepté Swalaat Faraz.]
(BUKHARI 56648)

Le prophete dire :

تطوع الرجل في بيته يزيد على تطوعه عند الناس كفضل صلاة الرجل في جماعة على صلاته وحده
[ Tatwawwu’ (Sunnat/Nafil) d’ene zomme dans so lacaze li surpasse so Tatwawwu’ chez bans dimounes (dans Masjid) pareille couma Swalaat (Faraz) d’ene zomme en Jamaat ena plus valeur qui si li faire li individuellement.]
(MUSWANNAF IBN ABI SHAYBAH 2/60/6455)

Le prophete dire :

إِذَا قَضَى أَحَدُكُمُ الصَّلَاةَ فِي مَسْجِدِهِ فَلْيَجْعَلْ لِبَيْتِهِ نَصِيبًا مِنْ صَلَاتِهِ فَإِنَّ اللَّهَ جَاعِلٌ فِي بَيْتِهِ مِنْ صَلَاتِهِ خَيْرًا
[ Quand quicaine parmi zotte fine termine so Swalaat dans so Masjid, qui li reserve certain So Swalaat (pour faire li) dans so lacaze, car certainement a travers so Swalaat, Allaah mette du bien (pour li) dans so lacaze.]
(MUSLIM 1298)

Le prophete dire :

صلوا في بيوتكم ولا تتركوا النوافل فيها
[ Faire Swalaat dans zotte lacaze. Pas abandonne Nafil la dans.]
(AL-FIRDAWS 2/383/3698)

Le prophete dire :

لَا تَتَّخِذُوا بُيُوتَكُمْ قُبُورًا صَلُّوا فِيهَا
[ Pas faire zotte lacaze vine Qabrastaan. Faire Swalaat la dans.]
(AHMAD 16416)

Donc, apres qui nous fine fini faire nous Faraz dans Masjid, li recommandé qui nous vine faire nous Sunnat/Nafil dans nous lacaze.


MANGE EN JAMAAT.

Mange en Jamaat c’est ene Sunnah du prophete qui ena beaucoup vertus la dans :
Li mettre ene discipline concernant l’heure mangé.
Li créé ene l’attachement entre les membres de la famille.
Li donne l’occasion pour qui ena dialogue entre les membres de la famille et sa aide chacun pour comprend so camarade.
Li donne nous l’occasion pour conseille nous famille et infiltrer l’Islaam dans zotte.
Li créé l'humilité dans nous.
Li ene moyen pour gagne Barakat dans sa mangé la.


Le prophete dire :

كلوا جميعا ولا تفرقوا فإن طعام الواحد يكفي الاثنين وطعام الاثنين يكفي الأربعة
[ Mange ensemble, pas (mange) separés. Certainement mangé d’ene personne li suffit pour deux personnes, et mangé de deux personnes li suffit pour quatres personnes.]
(AL-MU’JAM-UL-AWSAT 7/259/7444, SS.2691)


GARDE TAMME DANS LACAZE.

Le prophete dire :

بَيْتٌ لَا تَمْرَ فِيهِ كَالْبَيْتِ لَا طَعَامَ فِيهِ
[ Ene lacaze dans lequel pas ena tamme li couma ene lacaze qui pas ena nourriture la dans.]
(IBN MAAJAH 3319)

D'apres sa Hadiith la, nous comprend qui le prophete pe encourage nous pour garde tamme dans nous lacaze.


ENE L’HEURE POUR DORMI.

Dans la caze d’ene musulman bizin ena discipline concernant l’heure dormi. Faudrait pas laisse bans zenfants gagne l’habitude alle dormi tard dans la nuit et ensuite banla gagne difficulté pour lever le matin pour faire Swalaat-ul-Fajr.
Rapporté par Abu Barzah :

أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يَكْرَهُ النَّوْمَ قَبْلَ الْعِشَاءِ وَالْحَدِيثَ بَعْدَهَا
[ Le messager d’Allaah pas ti content dormi avant Esha, et causer apres sa Swalaat la.]
(BUKHARI 535)


SEPARE BANS ZENFANTS.

L’Islaam fine enseigne nous pour separe bans zenfants quand zotte alle dormi le soir, chacun bizin ena so propre matelas, au lieu qui plusieurs zenfants dormi lor ene seul matelas.

Le prophete dire :

مُرُوا أَوْلَادَكُمْ بِالصَّلَاةِ وَهُمْ أَبْنَاءُ سَبْعِ سِنِينَ وَاضْرِبُوهُمْ عَلَيْهَا وَهُمْ أَبْنَاءُ عَشْرٍ وَفَرِّقُوا بَيْنَهُمْ فِي الْمَضَاجِعِ
[ Ordonne zotte zenfants pour faire Swalaat a l’age de sept ans, et batte banla pour faire Swalaat a l’age de dix ans, et (aussi) separe zotte lor matelas.]
(ABU DAOUD 418)





ROTIN BAZARE.

Dans lacaze d’ene musulman bizin toujours ena ene rotin bazare qui reste appendant dans ene place cote tous bans zenfants trouve li. Par permission Allaah, juste so presence ena ene control lor comportements de bans zenfants.

Le prophete dire :

علقوا السوط حيث يراه أهل البيت فإنه لهم أدب
[ Suspendre le fouet dans ene place cote bans qui dans lacaze pour trouve li. Sa c’est ene Adab pour banla.]
(AL-MU’JAM-UL-AWSAT 4/341/4382)


GASPILLAGE DANS DECORATION.

Azordijour ena bans frères qui arrange zotte lacaze avec tant de decoration qui zotte ti capave servi sa même l’argent la pour arrange deux lacazes simples. Pas ena doute qui l’Islaam fine condamne gaspillage, et alors, faudrait pas qui nous gaspille l’argent dans decore nous lacaze et embellir li.

Le prophete ti refuse rentre dans lacaze de so tifille Faatwimah et ensuite li ti dire :

إِنَّهُ لَيْسَ لِي أَوْ لِنَبِيٍّ أَنْ يَدْخُلَ بَيْتًا مُزَوَّقًا
[ Li pas permissible a ene prophete qui li rentre dans ene lacaze decoré.]
(ABU DAOUD 3263)

COUVERT MURAILLE.

Ene parmi bans gaspillages qui le prophete fine empeché c’est couvert muraille avec la toile.

Rapporté par Ali Ibn Husain :

أن رسول الله صلى الله عليه وسلم نهى أن تستر الجدر
[ Le messager d’Allaah fine empeche couvert murailles.]
(BAIHAQI 7/272/14366)

Le prophete dire :

إِنَّ اللَّهَ لَمْ يَأْمُرْنَا أَنْ نَكْسُوَ الْحِجَارَةَ وَالطِّينَ
[ Allaah pas fine ordonne nous pour habille roche et la boue.]
(MUSLIM 3933)

Rapporté par Abu Juhayfah :

قال رسول الله صلى الله عليه وسلم ستفتح عليكم الدنيا حتى تنجدوا بيوتكم كما تنجد الكعبة قلنا ونحن على ديننا قال نعم فأنتم اليوم خير من يومئذ قلنا يومئذ قال بل أنتم اليوم خير
[ Le messager d’Allaah fine dire :
"Zotte pour gagne Dunyaa (en abondance) jusqua qui zotte pour couvert zotte lacazes avec la toile couma zotte couvert Ka’bah."
Nous fine demandé :
"Est-ce qui nous pour (encore) lor nous Deen (sa l'epoque la)?"
Li fine repondre :
"Oui. Zotte meilleur azordi qui (couma zotte pour été) sa l’epoque la."
Nous fine dire :
"Mais sa l’epoque la (nous pour meilleur)?"
Li fine repondre :
"Mais zotte meilleur azordi."]
(AL-MU'JAM-UL-KABIIR 22/108/270)


RIDEAU.

L’objectif d’ene rideau dans nous lacaze c’est pour cachiette nous-même et nous famille contre regard de bans dimounes. Mais malheureusement, azordijour beaucoup dimounes mettre rideau plutot pour faire joli qui pour servi li comme ene Pardah, et alors, zotte mette bans rideaux qui transparents. Pas ena doute qui sa c’est ene erreur – surtout pendant la nuit quand nous fine allume la lumière – parcequi par sa nous occassione bans dimounes pour admire tous nous bans mouvements dans nous lacaze. Quand nous guette dehors, nous trouve noir, et alors, nous capave croire qui personne pas pe trouve nous. Mais nous pas realisé qui nous dans clair, et alors, tous dimounes pe trouve nous !


LA PEAUX DE BANS ZANIMAUX FEROCES.

Li pas permissible qui nous mette bans tapis dans nous lacaze qui fine faire avec la peaux de bans bebetes feroces.
Rapporte par Usaamah :

أَنَّ النَّبِيَّ صَلَّى اللَّهُ عَلَيْهِ وَسَلَّمَ نَهَى عَنْ جُلُودِ السِّبَاعِ أَنْ تُفْتَرَشَ
[ Le prophete fine empeche etendre la peaux de bans zanimaux feroces embas.]
(TIRMIZI 1693)


PHOTO DE BANS CREATURES QUI ENA ROUH.

Dans nous lacaze, nous bizin pas laisse aucun photo de bans creatures qui ena Rouh, ni dans bans cadres et ni lor bans litres ou bans boites, tel comme litre Pepsi oubien boite Crest ou Weetabix…etc.

Le prophete dire :

لَا تَدْخُلُ الْمَلَائِكَةُ بَيْتًا فِيهِ كَلْبٌ وَلَا تَصَاوِيرُ
[ Bans anges (de Rahmah) pas rentre dans lacaze dans lequel ena lichien oubien ena portraits.]
(BUKHARI 5493)

Le prophete dire :

لَا تَدْخُلُ الْمَلَائِكَةُ بَيْتًا فِيهِ تَمَاثِيلُ أَوْ تَصَاوِيرُ
[ Bans anges pas rentre dans ene lacaze dans lequel ena status ou portraits.]
(MUSLIM 3948)



CADRE QUI CONTENIR AAYAT QUR-AAN.

Dans beaucoup lacazes, nous trouve bans cadres qui contenir bans noms Allaah oubien certains Aayat Qur-aan. Sa c’est ene quitechose qui pas ti existe dans l’epoque du prophete et so bans Swahaabah, et alors, faudrait pas faire sa, surtout qui Allaah fine descendre Qur-aan pour qui nous lire li et nous mette en pratique so bans la lois, nonplus pour qui nous appendant li lor muraille.

Sheikh Uthaymiin dire :

فهي في الحقيقة بدعة لأن القرآن إنما نزل ليتلى لا ليعلق على الجدران
[ En realité li ene Bid-ah, parcequi Qur-aan fine descendre pour qui nous lire li et nonplus qui nous appendant li lor murailles.] (FATAAWAA ISLAAMIYYAH 4/479)

Sheikh Uthaymiin dire :

تعليق الآيات القرآنية على الجدران وأبواب المساجد وما أشبهها هو من الأمور المحدثة التي لم تكن معروفة في عهد السلف الصالح الذين هم خير القرون
[ Appendant bans Aayat Qur-aan lor murailles, lor la portes bans Masjid..etc, c’est parmi bans quitechoses innovées qui pas ti connus dans l’epoque de bans Salaf pieux – bans qui (c’est zotte) les meilleurs siecles.]
(AL-BIDA-U WAL MUHDATHAAT PG 547)

LA CROIX.

La croix c’est ene symbole de Kufr, et alors, nous pas gagne droit garde n’importe qui quitechose dans nous lacaze qui contenir la croix.

Rapporté par Aaishah :

أَنَّ النَّبِيَّ صَلَّى اللَّهُ عَلَيْهِ وَسَلَّمَ لَمْ يَكُنْ يَتْرُكُ فِي بَيْتِهِ شَيْئًا فِيهِ تَصَالِيبُ إِلَّا نَقَضَهُ
[ Le prophete pas ti pe quitte narien dans so lacaze lor lequel ti ena la croix excepté qui li ti pe detruire li.]
(BUKHARI 5496)

Quand nous acheté medicament, souvent de fois nous trouve ene la croix rouge lor so boite et qui par l’ignorance nous laisse li coumesa même. En verité, couma nous acheté ene medicament, nous bizin fini detruire la croix qui ena lor la avant qui nous amene li dans nous lacaze.


LA CLOCHE.

D’apres Hadiith, li clair qui la cloche Haraam, et alors, li obligatoire lor chacun parmi nous qui li prend so precaution pour qui sa quitechose la pas rentre dans so lacaze a travers :
Sonnette
Pendule
Jouets de bans zenfants

Le prophete dire :

لَا تَصْحَبُ الْمَلَائِكَةُ رَكْبًا مَعَهُمْ جُلْجُلٌ
[ Bans anges pas accompagne ene caravane avec lequel (dans licou zotte zanimaux) ena ene grelot (boule métallique creuse contenant un morceau de métal qui la fait résonner).]
(NASAI 5124)

Le prophete dire :

لَا تَصْحَبُ الْمَلَائِكَةُ رُفْقَةً فِيهَا كَلْبٌ وَلَا جَرَسٌ
[ Bans anges pas accompagne ene caravane dans lequel ena ene lichien oubien ene la cloche.]
(MUSLIM 3949)

Le prophete dire :
الْجَرَسُ مَزَامِيرُ الشَّيْطَانِ
[ La cloche c'est la flutes de Shaytwaan.]
(MUSLIM 3950)


TELEVISION ET VIDEO.

Presence d’ene television et ene Video dans ene lacaze li represente ene grand danger pour bans mêmbres de sa lacaze la, pour du tort qui li faire, meme si pe garde li pour guette bans programmes islamiques lor bans chaines arabes.

Voici certains degats de TV :

TV touye degout qui ou ti bizin ena pour bans l’ennemis de l’Islaam, et li meme faire ou et ou zenfants content banla.

TV faire nous sous-estime la mode qui le prophete fine amené pour so Ummat, et faire nous content la mode de bans acteurs/actrices. Li pas ene exageration si nous dire qui TV fine faire certains parmi nous gagne degout pour la mode du prophete.

TV enseigne ou l’indecence, et alors, quand gramatin-tantot, ou et ou zenfants pe admire sa quitechose la, l’indecence vine ene quitechose normale pour zotte.

A travers TV, l’habillement Islamique fine enlevé a tel point qui ena considère sa l’habillement la comme l’habillement de bans qui pas civilisés.

A travers bans scenes indecents et obscenes qui li presente a bans dimounes, TV fine enleve la honte depuis sa communauté la.

Pas ena aucun programme qui TV presenté excepté qui li accompagné avec la musique, et dans l'Islaam la musique Haraam.

TV enseigne nous pour pas baisse nous regard. Li plutot entraine ou et ou zenfants pour admire l’indecence et l’immoralité lor l’ecran.

TV montré nous tous qualités Kufr, et sa capave vine ene danger pour nous bans zenfants. A travers bans programmes Kufr, premièrement degout qui bizin ena dans le coeur ou zenfant pour Kufr li mort, et li pas drole si demain li pe renonce l’Islaam pour tombe dans Shirk et Kufr.

TV, si li pas fine reussi faire ou quitte Swalaat au complet, au moins li pour reussi faire ou pas alle Masjid et pas faire li dans so l’heure.

TV, li pas juste empeche ou faire Zikr-ullah pendant qui ou pe guette li, mais li empeche ou pense Allaah pendant toute longue la journée.

TV, li faire nous gaspille nous les temps et nous l’argent dans desobeissance Allaah, et li faire nous vine paresse. Chaque seconde qui ou pe depensé devant televison, c’est ene gaspillage de ou l’argent qui ou pe faire, c’est ene gaspillage de ou l’existence qui ou pe faire et ou pour bizin rendre compte pour sa.

TV, li faire nous et nous bans zenfants temoigne brutalité et violence tous les jours, et sa incite ou pour agir pareille, et comme resultat, la paix fine enlevé et ou n’est plus senti ou en securité.

A travers bans programmes comiques qui joué lor TV, ou et ou zenfants reste riyer pendant ene heure temps ou plus, et sa touye ou le coeur.

TV pas juste faire nous oublier realité de nous l’existence lor sa la terre la, mais li meme donne nous ene fausse visage de la vie.

TV enleve dialogue entre les membres de la famille, et alors, le conseil mutuel enlevé, l’amour et l’affection aussi enlevé.


Þ Tous desadvantages qui ena dans TV, ena li dans computer aussi si servi-li couma ene TV a travers VCD et DVD.


RADIO ET CASSETTE.

Dans certains lacazes nous trouve qui pendant toute longue la journée zotte laisse radio ou cassette jouer, et pas ena doute qui sa li Haraam parcequi dans Deen Islaam la musique et chanté pas permissible.

Allaah dire : (31:6)

وَمِنْ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُولَئِكَ لَهُمْ عَذَابٌ مُهِينٌ
[ Parmi bans dimounes ena qui acheté “Lahw-ul-Hadiith” pour egare (les autres) depuis le chemin d’Allaah sans aucun connaissance, et zotte prend sa (Aayat Qur-aan la) pour ene boufondrie. Sa banla ena ene punition humiliant pour zotte.]

Ibn Abbaas dire :
نزلت في الغناء وأشباهه
[ Sa Aayat la fine descendre concernant chanté et bans paroles qui semblables a li.]
(ADAB UL MUFRAD 1/432)

Le prophete dire :

لَيَكُونَنَّ مِنْ أُمَّتِي أَقْوَامٌ يَسْتَحِلُّونَ الْحِرَ وَالْحَرِيرَ وَالْخَمْرَ وَالْمَعَازِفَ
[ Pour ena bans dimounes de mo Ummat qui pour considère sa bans quitechoses la Halaal : prostitution, la soie, Khamr (intoxicants), et Ma-aazif.]
(BUKHARI KITAABUL ASHRIBAH)

Ma-aazif c’est ene mot collectif qui comprend tous bans instruments de musique.


COMPUTER ET TELEPHONE.

Computer et Telephone (portable) c’est deux appareils qui nous capave servi li pour profite nous-même, couma nous capave servi li pour ruine nous la vie dans Dunyaa et Aakhirat. Donc, nous pas gagne droit mette sa deux appareil la dans nous lacaze sans qui nous prend les precautions necessaires pour surveille nous famille pour qui zotte pas mal servi li.

Veuillez :
Qui sanla pe telephone souvent cote ou.
Qui sanla ou zenfant pe telephoné pendant la nuit.
Veuillez :
Qui ou bans zenfant pas pe “chat” avec personne lor internet.
Qui ou bans zenfants pas pe rentre dans bans “site” malpropre.
Qui ou bans zenfants pas pe amene film lor CD oubien bans photo malpropre lor diskette.

Pas reste ignorant concernant computer, mais apprendre couma servi li afin qui ou bans zenfants pas embette ou.

Pas mette computer dans la chambre bans zenfants, mais mette li dans salon dans ene façon qui de temps a autres ou jette ene coup d’oeil lor cequi banla pe faire.

Pas donne ou madame ou zenfant, ene portable pour li. Si pe bizin, garde 2/3 portables pour ou, et quand ou madame oubien ou zenfant pe bizin ene, ou prete li.


REVUES ET MAGAZINES.

Dans beaucoup lacazes qui nous rentré, nous trouve bans revues et magazines dans zotte salons, qui contenir bans photos indecents. Pas ena doute qui sa li pas permissible, surtout si lor couverture la même ena sa malpropreté la. Donc, nous bizin pas laisse nous tombe dans piege Shaytwaan par garde bans quitechoses pareille dans nous lacaze. Au lieu de sa, qui faire nous pas mette ene Qur-aan et bans livres islamiques dans nous salon?



CENDRIER.

Quand nous rentre dans lacaze de certain frère, nous trouve cendrier dans so salon, et pas ena doute qui sa c’est ene erreur. Ene musulman pas gagne droit fumer et li pas gagne droit permettre quicaine vine fumer cote li pour gate la santé de so famille.


LILIT EMPLUS DANS LA CAZE.

L'Islaam fine empeche nous faire gaspillage, et alors, faudrait pas nous garde ene lilit emplus dans nous lacaze qui nous pas pour servi li.

Le prophete dire :

فِرَاشٌ لِلرَّجُلِ وَفِرَاشٌ لِامْرَأَتِهِ وَالثَّالِثُ لِلضَّيْفِ وَالرَّابِعُ لِلشَّيْطَانِ
[ Ene matelas pour l'homme et ene matelas pour so madame. Le troisième pour le hote (l'invité) et le quatrième pour Shaytwaan.]
(MUSLIM 3886)


L’INDECENCE DANS LACAZE.

L’Islaam pas fine combattre l’indecence seulement lor chemin, mais li fine aussi combattre l’indecence dans lacaze. Pas a cause qui ou dans ou lacaze, ou gagne droit habille couma ou oulé; ene papa pas gagne droit presente devant so bans zenfants avec slip, ene maman pas gagne droit presente devant so bans zenfants avec ene robe de chambre qui collé et transparent. De la même façon, bans zenfants aussi obligé couvert zotte Awrah dans presence de zotte parents, et entre zotte-même.


LA MIXITÉ DANS LACAZE.

Quand bans familles vine promener cote nous, nous bizin recevoir banla dans ene façon qui bans zommes etrangers pas mele avec bans madames etrangères, surtout quand banla fine malhabillé. Par exemple :
Ou pas gagne droit assize ensemble avec ou beaufrère so madame et qui so li cou pe paraitre.
Ou madame pas gagne droit assize ensemble avec ou soeur so missier et qui epaisseur so le rein pe paraitre.
Ou tifille pas gagne droit vine assize ensemble avec so bans cousins.
Ou garçon pas gagne droit vine assize ensemble avec so bans cousines.

Donc, pour evite la mixité dans lacaze, nous recevoir bans zommes dans ene place different de place qui nous recevoir bans madames. Si ou madame et ou tifille fine habille zotte convenablement, zotte capave vine faire ene Salaam et aller, mais nonplus qui zotte tous assize dans salon ensemble.


MADAME RECEVOIR QUICAINE DANS OU L’ABSENCE.

Dans ou l’absence, ou madame pas gagne droit recevoir aucun etranger dans ou lacaze. Sa c’est ene acte Haraam qui capave dirige ene personne vers Zinaa. Si ou madame entendre quicaine tappe la porte, soit qui li repondre li qui li pas pour capave recevoir li astere la, oubien qui li faire comme si pas ena personne dans lacaze.

Rapporté par Uqbah ibn Aamir :

أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ إِيَّاكُمْ وَالدُّخُولَ عَلَى النِّسَاءِ فَقَالَ رَجُلٌ مِنَ الْأَنْصَارِ يَا رَسُولَ اللَّهِ أَفَرَأَيْتَ الْحَمْوَ قَالَ الْحَمْوُ الْمَوْتُ
[ Le messager d'Allaah fine dire :
“Attention qui zotte rentre cote bans madames!”
Ene personne parmi bans Answaar fine dire :
“Oh messager d’Allaah, qui ou dire concernant beaufrère.”
Le prophete fine dire :
“Beaufrère c’est la mort.”]
(BUKHARI 4831)


TOUS QUALITÉS DIMOUNES FREQUENTE LACAZE.

Ene musulman bizin pas frequente excepté bans bons dimounes qui dans Deen, et alors, faudrait pas qui nous laisse tous qualités dimounes frequente nous lacaze. Si nous ena ene voisin ou voisine qui nous conné li pas correcte, nous bizin pas laisse li gagne l’habitude pour vine cote nous souvent, afin qui nous protége nous famille contre so mauvais. Ou garde ene bon relation avec li, mais ou pas frequente li.

Le prophete dire :

لَا تُصَاحِبْ إِلَّا مُؤْمِنًا وَلَا يَأْكُلْ طَعَامَكَ إِلَّا تَقِيٌّ
[ Pas liez l'amitié avec quicaine excepté ene Mu’min, et qui personne pas mange to mangé excepté ene Muttaqi.]
(ABU DAOUD 4192)


TRAVAILLEURS DANS LA CAZE.

Si ena bans travailleurs qui vine travaille dans nous lacaze, nous bizin prend precaution pour qui zotte regard pas tappe lor nous madame et nous bans tifilles. Dans nous l’absence, nous pas gagne droit laisse bans zommes etrangers travaille dans nous lacaze. Avant qui nous prend kit madame pour vine travaille cote nous – pour repasse linge oubien pour faire les autres bans l’ouvrages – nous bizin fini mette sa comme ene condition qui quand li vine travaille, li bizin habille li islamiquement.


SOIGNE LICHIEN.

Ena certains musulmans content soigne lichien et grandit li dans zotte lacazes. Sa c’est ene erreur qui nous bizin evité.

Le prophete dire :

لَا تَدْخُلُ الْمَلَائِكَةُ بَيْتًا فِيهِ كَلْبٌ وَلَا صُورَةٌ
[ Bans anges pas rentre dans ene lacaze dans lequel ena lichien oubien portrait.]
(BUKHARI 3075)

Le prophete dire :

مَنْ أَمْسَكَ كَلْبًا فَإِنَّهُ يَنْقُصُ كُلَّ يَوْمٍ مِنْ عَمَلِهِ قِيرَاطٌ إِلَّا كَلْبَ حَرْثٍ أَوْ مَاشِيَةٍ
[ Celui qui soigne lichien, chaque jour ene Qiiraat diminué depuis so bans actions, excepté si c’est ene lichien pour surveille plantation oubien pour surveille troupeau (zanimaux).]
(BUKHARI 2154)



أقول قولي هذا وأستغفر الله لي ولكم
وصلى الله على نبينا محمد وعلى آله وصحبه أجمعين
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لَا إِلَهَ إِلَّا أَنْتَ أَسْتَغْفِرُكَ وَأَتُوبُ إِلَيْكَ