6. LEÇONS LOR LA PURIFICATION SPIRITUELLE. دروس في تزكية النفس -63. Qui To Pe Faire Avec To La Vie?

Qui To Pe Faire Avec To La Vie?

Ahmad ibn Masrouq dire :

أنت في هدم عمرك منذ خرجت من بطن أمك
[ To pe (continué) demolir to l’existence a partir qui to fine sorti depuis ventre de to maman.]
(SWIFAT-US-SWAFWAH 4/129)

La vie c'est ene cadeau qui Allaah fine donne toi, ene cadeau qui a partir qui li fine vine dans to possession, so l'exemple li couma ene boute glaçon qui to fine retire li depuis refrigerateur. Li la et li encore la-même. Mais tous dimounes conné qui chaque minute qui pe traversé, sa boute glaçon la pe dirige vers la fin de so l'existence. Si pendant qui li encore glaçon, ou fine reussi servi li, sa veut dire qui ou fine reussi profiter de li. Mais si ou pas fine conne servi li, quand li fine fini, c'est li fine fini.

Donc, quand nous pe realisé qui c'est sa nature de nous l'existence lor sa la terre la, en tant que bans musulmans intelligents, nous obligé servi nous l'intelligence, afin qui nous profite le maximum avec chaque minute et chaque seconde qui pe traversé dans nous la vie.

Le prophete dire :

﴿اغتنم خمسا قبل خمس شبابك قبل هرمك وصحتك قبل سقمك وغناك قبل فقرك وفراغك قبل شغلك وحياتك قبل موتك﴾
[ Profitez avec 5 quitechoses avant (l’arrivée de) 5 quitechoses : (Profitez) de to jeunesse avant to vieux l’age, (Profitez) de to la santé avant to maladie, (Profitez) de to richesse avant to pauvreté, (Profitez) de to les temps libre avant qui to préoccupé par quitechose, (Profitez) de to la vie avant to la mort.]
(HAAKIM 4/341/7846)

Pose to même question, reflechit et meditez :
· Qui sanla vrai proprietaire de to la vie?
· Pour qui raison Li fine donne toi sa la vie la?
· Est-ce qui sa la vie qui to pe amené la, li bon façon qui to pe amene li?

Dans Qur-aan, Allaah fine faire nous conné qui sa qualité meditation la, en verité li pousse ene dimoune pour gagne so tracas en cequi concerne so sort dans sa Dunyaa la et apres so la mort.

Allaah dire : (3:190-191)

﴿إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِأُولِي الْأَلْبَابِ الَّذِينَ يَذْكُرُونَ اللَّهَ قِيَامًا وَقُعُودًا وَعَلَى جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالْأَرْضِ رَبَّنَا مَا خَلَقْتَ هَذَا بَاطِلًا سُبْحَانَكَ فَقِنَا عَذَابَ النَّارِ﴾
[ Certainement dans la creation de bans les ciels et la terre, dans l’alternance (changement) de la nuit et li-jour, ena bans signes pour qui ena l'intelligence – bans qui pense Allaah pendant qui zotte deboute, ou assizé, ou (allongé) lor zotte cotés, et zotte medité dans creation de bans les ciels et la terre, (et ensuite sa meditation la pousse banla pour dire :) ”Oh nous Rab, To pas fine crée tous sa la pour narien. To pure (To loin de tous defauts), alors protege nous contre punition de dufeu (l’enfer.)”]

Toi qui croire dans l'existence d'ene du feu l'enfer, to pas gagne droit prend chemin l'enfer!
En verité, raison unique pour laquelle Allaah fine envoye nous lor sa la terre la et Li pe permettre nous servi So l'oxygen, So de l'eau et tous les autres quitechoses, c'est simplement pour qui nous faire So Ibaadat.

Allaah dire : (51:56)

﴿وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ﴾
[ Mo pas fine crée Jinn et Insaan excepté qui zotte faire Mo Ibaadat.]

Si to donne to garçon Rs 100 pour alle acheter la viande, et li, li prend sa Rs 100 la pour fini li dans gateaux, to considere sa comme ene grand offense qui merite ene punition bien severe. Mais plus grave qui sa to pas pe realisé :
To pe fini to la vie qui Allaah fine donne toi pour faire So Ibaadat, dans Discotheque, Casino, Le course, La drogue, Internet, embas la boutique, coquin madame dimoune !!

Est-ce qui sa la vie la pour toi sa, pour qui to depense li couma to oulé?

Tous to pe gagne les temps pour faire dans to la vie : manger, boire, travaille, dormi, promener et diverti. Ene seul quitechose qui to pas pe trouve les temps pour li, c'est juste Ibaadat Allaah, et qui pourtant c'est juste pour sa raison la-même qui azordi Allaah pe permettre toi deboute lor So la terre!

Est-ce qui to pas peur Allaah?

Allaah dire : (67:16-17)

﴿أَأَمِنتُمْ مَنْ فِي السَّمَاءِ أَنْ يَخْسِفَ بِكُمْ الأَرْضَ فَإِذَا هِيَ تَمُورُ أَمْ أَمِنتُمْ مَنْ فِي السَّمَاءِ أَنْ يُرْسِلَ عَلَيْكُمْ حَاصِبًا فَسَتَعْلَمُونَ كَيْفَ نَذِيرِ﴾
[ Est-ce qui zotte ressenti-zotte en securité contre Celui qui lor le ciel, attention qui li enfonce zotte dans la terre, et qui li (sa la terre la) pe tremblé? Oubien, est-ce qui zotte ressenti-zotte en securité contre Celui qui lor le ciel, attention qui li envoye ene du vent violent (roche) lor zotte, et alors zotte pour conné couma (Mo) l’avertissement été? ]

Est-ce qui to fine paret pour repondre Allaah concernant façon qui to amene to la vie?

Le prophete dire :

﴿لَا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ عُمُرِهِ فِيمَا أَفْنَاهُ وَعَنْ عِلْمِهِ فِيمَ فَعَلَ وَعَنْ مَالِهِ مِنْ أَيْنَ اكْتَسَبَهُ وَفِيمَ أَنْفَقَهُ وَعَنْ جِسْمِهِ فِيمَ أَبْلَاهُ﴾
[ Jour Qiyaamah, aucun serviteur so deux lipieds pas pour bougé jusqua qui li etre questionné :
Concernant so la vie, dans qui li fine fini li?
Concernant so connaissance, qui li fine faire avec sa?
Concernant so l’argent, cote li fine gagne sa et dans qui li fine depense li?
Concernant so le corps, dans qui li fine servi li? ]
(TIRMIZI 2341)

Toi Jeunesse!
Qui to pe faire avec to la vie?
Sa etape qui pe traversé dans to la vie la, c'est sa même etape plus important de to l'existence – etape pendant lequel to capable pour faire cequi les autres pas capave, et cequi to-même to pas pour capave faire quand to pour rentre dans vieillesse. Bans agents de Shaytwaan pe souhaite to corruption avec l'objectif dirige to communauté vers la destruction. Est-ce qui to pour laisse banla servi toi?

L'Islaam fine donne toi ene grand valeur, ene grand l'honneur, ene grand dignité, et pe attendre grand coup-de-main de to part. Si toi, to pas apporte to contribution dans l'avancement de sa Ummat la et pour so progres, qui sanla qui pour faire sa alors? Banla pe oulé faire toi croire qui to ene n'importe qui pas ena aucun role, et alors to bizin amene role n'importe et role boufon. Banla fine faire toi croire qui to vaut juste pour croche 35, pour perdi les temps embas la boutique, pour cause gonaze lor portable, et pour jouer game! En tant qu'ene soldat de l'Islaam, to beaucoup plus honorable qui sa, et alors pas tombe dans piege Shaytwaan!

Etape qui ene personne plus jouir comme ene faveur depuis Allaah c’est la jeunesse. C'est pendant sa periode la-meme qui ene personne trouve li en forme et en force pour faire cequi li oulé. La force et le dynamisme qui trouve a l’interieur d’ene jeune, li diminué avec l’age. Productivité d’ene jeune li pas pareille couma productivité d’ene vieux.

Allaah dire : (30:54)

﴿اللَّهُ الَّذِي خَلَقَكُمْ مِنْ ضَعْفٍ ثُمَّ جَعَلَ مِنْ بَعْدِ ضَعْفٍ قُوَّةً ثُمَّ جَعَلَ مِنْ بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاءُ وَهُوَ الْعَلِيمُ الْقَدِيرُ﴾
[ Allaah – Celui qui fine crée zotte depuis (ene etat de) faiblesse, ensuite Li fine donne zotte la force après la faiblesse, ensuite Li fine donne zotte après la force, la faiblesse et cheveux blancs. Li crée cequi Li oulé et Li Le Connaisseur et Le Tout-Puissant.]

L’histoire fine prouvé qui dans differents moments, fine ena bans jeunes qui fine montré zotte haut degré de Imaan et zotte comprehension, et aussi zotte potentiel dans contribution l'avancement de zotte Deen :
· Le prophete Muhammad (صلى الله عليه وسلم) ti choisir Usaamah Ibn Zayd comme Amiir d’ene l’armée et qui li ti encore bien jeune, (li ti ena apeupres 18 ans).
· Ibn Umar – ene jeune garçon de 14 ans – ti gagne le courage pour presente li-même comme ene soldat de L'Islaam pour affronte bans l'ennemis.
· Les deux garçons de Afraa fine gagne l'honneur pour touye plus grand l’ennemi de L’Islaam – Abu Jahl.
· Apres la mort du prophete, Abu Bakr ti decide compile Qur-aan dans ene seule volume, et celui qui ti gagne l’honneur pour prend sa responsabilité la et pour faire sa grand travail la, c’était le jeune Zayd ibn Thaabit.
· Ibn Abbaas ti ene reference dans Deen dans l'epoque bans Swahaabah, malgré so jeune age.

Toi, qui to fine faire jusqua l'heure pour to-meme?
To camarade fine vine laureat, et toi to fine casse record l'absence dans to college!

Qui to fine faire jusqua l'heure pour to communauté?
To fine faire to communauté vine "on the top of the list" dans la drogue, dans discotheque, dans prison, dans le course…etc!

Qui to fine faire jusqua l'heure pour to Aakhirat?
Est-ce qui avec la vie qui to pe amené, to trouve qui to merite Jannat?

Casse to sommeil!
Servi to l'esprit!
Servi to l'intelligence!
Pas amene role bete quand en verité to pas bete!

Reagir avant qui li trop tard!
Faire vite avant qui la mort vine devant toi!




SHABBIR
AL-HUDAA WAN-NOUR