7. LEÇONS LOR BANS QUITECHOSES QUI HARAAM. دروس في المحرمات - . Cigarette, Quand Pour Arrêté Avec Sa Haraam La?

Cigarette, Quand Pour Arrêté Avec Sa Haraam La?



INTRODUCTION

Mo glorifié Allaah, mo demande Li So aide, So pardon et So protection, et mo remercié Li pour faveur qui Li pe faire lor moi qui mo pe reussi prepare ene livret lor CIGARETTE.

En verité, sa sujet la vraiment merite ecrire ene livret lor la pour ravage qui li pe faire, surtout apres naissance de bans arguments qui essaye justifier li :
“Li faire moi oublier mo bans problemes.”
“Mo bizin paraitre grand et gagne role.”
“Cigarette fine poussé par la crache Mubaarak du prophete.”
“Mufti dire qui li simplement Makrouh.”
“Cote to Aayat Qur-aan pour dire qui li Haraam.”
“Mo pe envie arreter, mais mo pas pe capave.”

Bans frères,
Pas vine couma bans juifs !
La verité reste la verité, et alors, n’importe cotesa nous trouve ene verité, nous obligé accepter li et propage li, meme si li contre nous desir et desir de nous bans proches, et meme si majorité bans dimounes pas trouve li bon. Sa c’est parcequi Da’wah jamais ti veut dire cause dans faveur de nous bans proches oubien dans faveur de bans qui pe ecoute nous. Da’wah c’est qui nous faire bans dimounes conne zotte bans obligations et nous averti zotte contre bans Haraam.
Couma est-ce qui nous capave hesiter pour dire qui cigarette Haraam, quand en verité li ene poison qui pe detruire nous la santé et la santé de nous madames/zenfants, li pe pollué l’environnement et li pe fini nous l’argent? C’est sa l’objectif derrière sa livret la : énumère les mefaits de cigarette, afin bans qui fine deja tombe la dans, zotte sorti, et afin qui li empeche bans qui ena l’intention rentre la dans, pour essaye risse ene/deux dammes.

Quant a bans "Muftis locaux", nous conseille banla pour pas causer parcequi dans zotte Mazhab Hanafi meme fine ena plusieurs Ulamaa qui fine decrete cigarette comme Haraam ou Makrouh Tahriimii qui veut dire Haraam meme. Parmi nous gagne :
Muhammad Ibn Abdillaah At-Twaraabiishii
Muhammad Al-Aynii
Abul Hasan Al-Misrii
Iisaa Al-Shahaawii
Makkii Ibn Farroukh
Muhammad Al-Khawaajah
Sa’d Al-Balkhii
Abus Su-oud

Nous demande Allaah pour qui Li recompense nous tous qui fine contribué pour prepare sa travaille là jusqu’a dans sa forme là, et qui Li faire nous bans frères et soeurs musulmans profité avec sa livret là, afin qui nous vine bans vrais musulmans en action, pas juste lor parole.
ENE VICE.
Ene parmi bans pechés qui fine envahir sa Ummat la presque dans so totalité c’est ene vice qui :
ni Allaah content li
ni le prophete Muhammad صَلَّى اللَّهُ عَلَيْهِ وَسَلَّمَ content li
ni bans anges content li
ni bans bons dimounes content li
ni ou le corps content li
ni ou l’environnement content li
ni ou l’argent content li.

Ene vice qui pas fine quitte personne : vieux ou jeune, riche ou pauvre, Imaam ou vagabond, Haaji ou zougadère, Qaari ou chanteur, excepté celui qui Allaah fine oulé.

Ene vice qui pe ronge sa societé la dans ene tel façon qui dimounes n’est plus considère li comme ene desobeissance Allaah.

Sa vice la c’est cigarette – ene agent de Shaytwaan qui faire nous provoque la colère d’Allaah.

FUME CIGARETTE C’EST ENE FAIBLESSE DE IMAAN.
En verité, ene personne qui fumé c’est ene personne qui manque respect envers Allaah.

Ou d’accord qui si ou ti pe assize dans presence du prophete Muhammad صَلَّى اللَّهُ عَلَيْهِ وَسَلَّمَ, jamais ou ti pour osé allume ene cigarette devant li, pour respect qui ou ena pour li. Sa c’est le prophete. Bé est-ce qui ou pas bizin ena plus respect encore pour Allaah – Celui qui pe observe ou meme si ou pe cachiette dans toilette? Si ene le coeur vraiment rempli avec respect pour Allaah, jamais li pour permette nous allume ene cigarette.

FUME CIGARETTE C’EST ENE PECHÉ AUCLAIR.
Cequi plus mauvais avec cigarette c’est qui normalemant c’est pas ene peché qui dimounes faire li en cachiette; c’est plutot ene peché qui dimounes commettre li auclair en public, et alors, sa encourage la propagation de desobeissance Allaah dans la societé. Pas ena doute qui ena grand difference entre ene peché qui ene personne commettre li en cachiette et ene peché qui li faire li en public dans ene façon comme si pas ena narien mauvais la dans.

Le prophete dire :

كُلُّ أُمَّتِي مُعَافًى إِلَّا الْمُجَاهِرِينَ
[ Tous mo Ummat pour etre excusés excepté bans qui faire pechés ouvertement.]
(BUKHARI 5608)

FUMÉ C’EST IMITATION DE BANS MAUVAIS DIMOUNES.
Guette bans qui frequente cinema.
Guette bans qui frequente discotheque.
Guette bans qui frequente casino.
Guette bans qui frequente taverne.
Guette bans qui frequente champ de mars.

Tous sa banla c’est bans fumeurs. Alors, quand ou, ou pe fumé, ou pe mette ou-meme dans sa categorie dimounes la.
Pose ou-meme question :
“Est-ce qui si le prophete ti vivant, li ti pour ene fumeur?”
Reponse de sa question la li tres clair, et alors, li facile pour comprend qui li pas permissible qui nous abandonne l’equipe du prophete pour vine dans l’equipe de bans vagabonds.

Donc, dans sa façon la nous trouvé qui fume cigarette c’est ene facteur qui faire ene personne gagne mauvais frequentation, a travers lequel ene personne developpe bans les autres mauvais qualités encore dans li.

Fume cigarette li pas juste faire ou frequente bans mauvais dimounes, mais li aussi faire ou frequente bans mauvais places.
Pose ou-meme question :
“Qui faire ou pas fumé dans Masjid, et ou prefère alle fumer dans toilette?”

FUMÉ PAS BON POUR OU LA SANTÉ.
Si ou le coeur ti capave causer, si ou poumon ti capave causer, si ou les dents ti capave causer, tous sa bans membres de ou le corps la ti pour supplié ou pour arreter avec sa malpropreté la qui en verité pe detruire ou la santé.

Allaah dire : (7:157)

وَيُحِلُّ لَهُمْ الطَّيِّبَاتِ وَيُحَرِّمُ عَلَيْهِمْ الْخَبَائِثَ
[(Le prophete) faire bans bons quitechoses vine Halaal pour banla, et faire bans mauvais quitechoses vine Haraam lor banla.]

Basant lor sa Aayat la, nous comprend qui bans quitechoses qui dimounes consommé existe en deux categories : cequi bon, et cequi mauvais. Cequi bon li Halaal, et cequi mauvais li Haraam.

Pose ou-meme question :
“Cigarette li bon oubien li mauvais?”

En verité, cigarette li pas juste mauvais, mais li aussi ene poison qui developpe bans maladies tel comme cancer poumon[1].

D’apres recherche, li mentionné qui 90% bans qui mort avec cancer c’est bans fumeurs.

Meme lor boite cigarette fine ecrire:
[ Smoking causes cancer, heart disease and bronchitis.]

Parmi bans substances qui ene cigarette contenir c’est Nicotine – ene poison qui si pique ene personne dans so artère avec sa, ene quantité de 50 mg, sa personne la obligé mort. Bans scientists fine deja faire l’experience avec ene lapin et lapin la fine mort tout de suite.

Allaah dire : (4:29)

وَلَا تَقْتُلُوا أَنفُسَكُمْ إِنَّ اللَّهَ كَانَ بِكُمْ رَحِيمًا
[ Pas touye zotte-meme. Certainement Allaah Li ena pitié pour zotte.]

Basant lor sa bans données scientifiques la, nous trouvé qui cigarette c’est ene poison qui touye ene personne a la longue. Donc, fume cigarette c’est ene suicide, et suicide li Haraam d’apres l’Islaam.

Le prophete dire :

وَمَنْ شَرِبَ سَمًّا فَقَتَلَ نَفْسَهُ فَهُوَ يَتَحَسَّاهُ فِي نَارِ جَهَنَّمَ خَالِدًا مُخَلَّدًا فِيهَا أَبَدًا
[ Celui qui boire ene poison et li suicide li, li pour bizin avale sa poison la (par petites gorgées) dans du feu Jahannam et li pour reste la dans pour tous les temps.]
)MUSLIM 158)

Guette ou les dents couma pe vine jaune!
Guette ou la lèvre couma pe vine noir!
Est-ce qui la aussi ou pour continué fumer?

Note:-
Ena certains frères dire qui si basant lor sa point la nous dire qui cigarette Haraam, nous obligé dire qui Briyani aussi Haraam, parcequi si nous mange Briyani beaucoup sa capave faire nous gagne ene maladie mortelle.

Comme reponse nous dire :
[ Ena difference entre ene quitechose qui dans li-meme li ene poison et ene quitechose qui si nous consomme li plus qui bizin li affecté nous la santé.
Premier la li Haraam meme pour goute ene tipeu.
Deuxième la li Halaal pour consomme li et li Haraam pour consomme li plus qui bizin.
Par exemple, li Haraam pour goute meme ene tipeu la drogue parcequi la drogue dans li-meme li ene poison. Quant-a du sucre, li Halaal pour nous consomme li et li Haraam pour consomme li plus qui bizin dans ene façon qui li pour apporte nous du tort.]

FUME CIGARETTE C’EST ENE GASPILLAGE.
Tous fumeurs d'accords qui fumé c’est ene gaspillage d’argent. Mais emprisonés par zotte passion, zotte continué brule l’argent avec propre connaissance. En verité, fume cigarette li plus qui brule l’argent parcequi li aussi apporte nous du tort. Par exemple, si ene personne mette du feu dans ene billet cinquante, li pe juste brule sa l’argent la, sans qui sa affecté so la santé. Mais quand ene personne pe fume ene packet cigarette, apart qui li fine brule l’argent, sa affecté aussi so la santé.

Emplus de sa, cigarette li ene gaspillage continuel :
Pendant ou jeunesse, ou pe gaspille ou l’argent dans fumé, et ensuite quand ou vine vieux, ou pour fini ou l’argent dans medicament !!

Donc, li Haraam qui ene musulman fumé parcequi gaspillage Haraam dans l’Islaam.

Allaah dire : (17:26-27)

وَلَا تُبَذِّرْ تَبْذِيرًا إِنَّ الْمُبَذِّرِينَ كَانُوا إِخْوَانَ الشَّيَاطِينِ
[ Pas faire gaspillage, car certainement bans qui faire gaspillage c’est bans frères de bans ٍShaytwaan.]

D’apres sa Aayat la, nous capave dire qui bans fumeurs c’est bans frères Shaytwaan, meme qui zotte pas content sa titre la!

Allaah dire : (7:31)

وَلَا تُسْرِفُوا إِنَّهُ لَا يُحِبُّ الْمُسْرِفِينَ
[ Pas commettre excès (dans mangé-boire). Certainement (Allaah) Li pas content bans qui commettre excès (bans qui faire extravagance et depasse la quantité normale).]

Si dans bans quitechoses Halaal, li pas permissible faire extravagance, est-ce qui li pas plus grave pour faire gaspillage dans ene quitechose qui pour affecté ou la santé?

Emplus de sa, nous capave dire – basant lor sa Aayat la – qui bans fumeurs c’est bans personnes qui Allaah pas content zotte.

Le prophete dire :

إِنَّ اللَّهَ كَرِهَ لَكُمْ ثَلَاثًا... وَإِضَاعَةَ الْمَالِ
[ Allaah fine detesté trois quitechoses pour zotte : gaspillage l’argent.]
(BUKHARI 1383)

Le prophete dire :

لَا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ عُمُرِهِ فِيمَا أَفْنَاهُ وَعَنْ عِلْمِهِ فِيمَ فَعَلَ وَعَنْ مَالِهِ مِنْ أَيْنَ اكْتَسَبَهُ وَفِيمَ أَنْفَقَهُ وَعَنْ جِسْمِهِ فِيمَ أَبْلَاهُ
[ Jour Qiyaamah, aucun serviteur so deux lipieds pas pour bougé jusqua qui li etre questionné :
Concernant so la vie, dans qui li fine fini li?
Concernant so connaissance, qui li fine faire avec sa?
Concernant so l’argent, cote li fine gagne sa et dans qui li fine depense li?
Concernant so le corps, dans qui li fine servi li?]
(TIRMIZI 2341)

Basant lor sa Hadiith la, nous dire qui Allaah pour pose ene fumeur question concernant chaque roupie qui li fine gaspillé dans cigarette, et aussi concernant maladie qui li fine nourrit dans so le corps a travers cigarette.

Nous essaye guetté combien l’argent pe capave gaspillé dans cigarette par sa Ummat la dans Maurice.

Disons 1 packet cigarette coute Rs 25.
Dans un ans, li faire 365 X 25 = Rs 9125

Si ena 170, 000 musulmans dans Maurice, et nous dire qui bans madames pas fumé et qui seulement la moitié nombre de bans zommes fumé,
par jour ena ene gaspillage de :
42, 500 X 25 = Rs 1, 062, 500
par année ena ene gaspillage de :
1, 062, 500 X 365 = Rs 387, 812, 500

Oh Ummat-é-Muhammad صلى الله عليه وسلم reflechit ene tipeu!
Si zotte arrete fumé et zotte depense sa l’argent la dans chemin Allaah, beaucoup bans projets qui encore dans l’esprit oubien dans tiroir capave realisés :
L'ecole Islamique
College Islamique
Clinique Islamique
La foire Islamique
L’usine Islamique
Gymnase Islamique, et les autres encore.

CIGARETTE POLLUÉ L’ENVIRONNEMENT ET LI APPORTE DU TORT A LES AUTRES.
L’Islaam c’est ene Deen qui enseigne nous pour preserve l’environnement et aussi pour pas apporte du tort a les autres. Quant-a cigarette, li pollué l’environnement par so mauvais l’odeur et so la fumée, et sa li agace non seulment bans humains, mais aussi bans anges. Basant lor la, nous dire qui li Haraam pour fumer parcequi li Haraam pour apporte du tort a les autres.

Le prophete dire :
لَا ضَرَرَ وَلَا ضِرَارَ
[ Li pas permessible pour apporte du tort a les autres en generale et meme par vengeance.]
(IBN MAAJAH 2332)

Le prophete dire :

مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلَا يُؤْذِ جَارَهُ
[ Celui qui fine amene Imaan dans Allaah et le dernier jour, qui li pas apporte du tort a so voisin.]
(BUKHARI 4787)

Sa Hadith la montré nous qui qualité d’ene bon musulman c’est qui li pas apporte du tort a so voisin par so cigarette.

Le prophete dire :

مَنْ أَكَلَ ثُومًا أَوْ بَصَلًا فَلْيَعْتَزِلْنَا أَوْ قَالَ فَلْيَعْتَزِلْ مَسْجِدَنَا وَلْيَقْعُدْ فِي بَيْتِهِ
[ Celui qui fine mange l’ail ou oignon, qui li reste loin de nous (ou qui li reste loin de nous Masjid), et qui li assize dans so lacaze.]
)BUKHARI 808)

Sa Hadith la montré nous gravité apporte bans Muswalli du tort par mauvais l’odeur de l’ail et oignon. Sitant li grave qui li jette l'obligation : Swalaat en Jamaat. Basant lor la, nous dire qui cigarette Haraam parcequi li ena ene plus mauvais l’odeur qui l’ail ou oignon, et parcequi ene malpropreté pareille pas capave jette ene obligation couma Swalaat en Jamaat.

Le prophete dire :

مَنْ أَكَلَ الْبَصَلَ وَالثُّومَ وَالْكُرَّاثَ فَلَا يَقْرَبَنَّ مَسْجِدَنَا فَإِنَّ الْمَلَائِكَةَ تَتَأَذَّى مِمَّا يَتَأَذَّى مِنْهُ بَنُو آدَمَ
[ Celui qui fine mange oignon ou l’ail ou poireau, qui li pas costé avec nous Masjid, car certainement bans anges agacé par cequi Insaan agacé.]
(MUSLIM 876)

Basant lor sa Hadith la, nous trouvé qui bans anges aussi pas content cigarette a cause so mauvais l’odeur et so la fumée.

Donc, ene musulman bizin faire Tawbah et arrete apporte du tort a so bans prochains : madames, zenfants, camarades, voisins, Muswalli et meme bans anges.

OU PE METTE DU FEU DANS OU LA BOUCHE !
Ene fumeur bizin reflechit qui si dans Dunyaa meme mo pe mette du feu dans mo la bouche, bé qui mo pe attendre pour rentre dans mo la bouche dans Aakhirat? Surtout qui cigarette ena ene ressemblence avec nourriture de bans habitants l’enfer.

Allaah dire : (88:7)

لَا يُسْمِنُ وَلَا يُغْنِي مِنْ جُوعٍ
[ Li pas faire vine gros et li pas apaise la faim.]


PAS PE CAPAVE!
Quand conseille certains frères pour arrete fumer, zotte avance comme pretexte : “Pas pe capave !”

Comme reponse, nous dire :
“Pas ena aucun la loi – l’ordre ou l’interdiction – dans l’Islaam excepté qui li trouve dans capacité Insaan. C’est Allaah qui fine créé Insaan, et c’est Allaah meme qui fine fabrique ene qualité la loi qui en conformité avec nature de l’homme.”

Allaah dire :(2:286)

لَا يُكَلِّفُ اللَّهُ نَفْسًا إِلَّا وُسْعَهَا
[ Allaah pas impose narien lor ene personne excepté selon so capacité.]

Basant lor sa Aayat la, nous dire qui arrete fume cigarette obligatoirement c’est ene quitechose qui trouve dans capacité de l’homme, parcequi Allaah conne nous plus bien qui nous-meme.

MOIS RAMADWAAN C’EST ENE L’OCCASION.
Normalement ene fumeur li fumé pendant la journée et nonplus pendant la nuit. Pas ena personne qui pour dire moi qui li mette so alarm sonner a minuit juste pour qui li fumé. Donc, par sa nous trouvé qui li facile pour arrete fumer pendant le mois de Ramadwaan.

Ene fumeur bizin realisé :
“Pendant 12-14 hrs temps – pendant la journée – c’est moi-meme qui fine reste loin de sa malpropreté la. Qui ena si mo faire ene ti-zeffort encore et mo reste loin de sa pendant encore 3 hrs temps, sans compte l’heure Swalaat Esha et Taraaweeh?”

Si dans Ramadwaan, ou pas pe prend decision arrete fumer, est-ce qui ou pe attendre qui ou attaqué lor lilit oubien gagne cancer pour qui ou arreté? Si ou arreté aussi quand ou fine fini gagne ene maladie, qui sa pour profite ou?

OU PAS ENE VRAI ZOMME?
Entre nous, nous habitué causer :
“Si to ene vrai zomme, faire sa !”
“Si to ene vrai zomme, pas faire sa !”

Avec sa dialogue la, comme si nous capave donne definition d’ene vrai zomme dans sa façon la :
[ Ene personne qui capave prend ene decision pour faire cequi li fine mette dans so l’esprit pour faire.]

Donc, ou qui fine comprend qui cigarette pas bon, est-ce qui ou pas capave agir comme ene vrai zomme – pour le plaisir d’Allaah – pour mette ene fin avec sa malpropreté la?

PRESENTE DEVANT ALLAAH AVEC ENE LA BOUCHE PROPRE.
Mo faire Du'aa avec Allaah qui Li aide bans frères pour bien comprend message qui sa livret la contenir, et alors zotte faire Tawbah pour qui zotte capave presente devant Allaah le jour du Qiyaamah, avec ene la bouche propre.

VENDRE CIGARETTE.
Quand nous fine bien comprend qui fume cigarette Haraam, li bien claire pour comprend qui li aussi Haraam pour vendre li.

Le prophete dire :

وَإِنَّ اللَّهَ إِذَا حَرَّمَ عَلَى قَوْمٍ أَكْلَ شَيْءٍ حَرَّمَ عَلَيْهِمْ ثَمَنَهُ
[ Quand Allaah declare ene quitechose Haraam lor ene peuple pour consomme li, Allaah decrete so prix aussi Haraam.]
(ABU DAOUD 3026)

TO QUIT SMOKING.
· Minimize contact with smokers (this being the most important step)
· Try to minimize drinking the drinks that become mentally related to smoking like coffee, tea, etc.
· Whenever there is a urge to smoke, try to make yourself busy with something else, especially activities that keep your hands busy.
· Try not to accept a cigarette from anyone.
· Try not to finish smoking, the whole cigarette.
· Drink a lot of water when you quit smoking. Dehydration is the main cause of the symptoms of withdrawal.
· Try to remember that you want to gain the pleasure of Allaah.
· Throw away all leftover cigarettes.

ABU LAYLAA
SHABBIR
[1] Dans l'encyclopédie, li mentionné :
[ Cigarette smoking is a leading cause of many life-threatening diseases. Smoking substantially increases a person's risk of developing heart disease and lung cancer. Smoking is the leading cause of chronic lung diseases, such as bronchitis. In addition, the efficiency of the lungs decreases with age much faster in smokers compared to nonsmokers.

Smoke from other people's cigarettes - called second-hand smoke - is also harmful. Inhaling such smoke is called passive smoking. In 1993, the U.S. Environmental Protection Agency (EPA) designated passive smoking as a known cause of cancer in humans. Pregnant smokers increase their risk of having a miscarriage or of having a baby that weighs too little at birth. Infants under 1 year of age whose mothers smoke have twice as many lung infections as do infants of nonsmoking mothers.]